فنجان قهوة

اخي الغالي الفاتح ....تظل بالشخصية المزيفة والحقيقة عضو ومشارك وكاتب في اشعال فتيل هذا المنتدي ..وانا واحد من الناس الذين يقتفون اثر كتابتك مما تحمله من الدعابة واظن ان التباين في تناول المواضيع وطرحها واحد من اهم الروافد لهذا المنتدي ودوما اردد ان المنتدي خلق نوع من العلاقات الاجتماعية بل صقلها جيدا ,والحق يقال كنت اتمني ان التقيك عند تادية للعمرة وكنا موجودين في نفس الوقت آنذاك...
لا والله اخي الفاتح لم ولن اكون كاتبا وهذا الاطراء ليس في محله ولكن كل همي ان نتواصل بأي لغة او وسيلة كانت حتي ولو صمتا ...
وسعداء جدا بوجودك علي بنابر قهوتنا التي تحلو جلساتها بحضوركم وسمركم ...
.....................
............
ورجاءاً اخي الفاتح لا تنقطع ابدا عن المنتدي مهما كثرت وتباينت الاسباب ...
ولك كل الود

سلام لكل من تتفن تحت شجرة لرشف فنجان قهوة صباحى....

احب شرقرقك...اسه مهدى يقول كلمة العجايز دى طلعت لينا بيها من وين....

والله يامهدى السعوديه دى فيها جنس حر مش يلحس التروبر ده بلحس التوربينات...

ود راشد الاديب الاريب...حلوه دى مش كده...الفاتح يقول ليك انا المزيف تقول ليه ياريت لو قابلناك فى العمره...الفاتح (ماسوره) شنو البكتب كلام حلوه ذى الكاتبه المزيف ده, وبعدين ود الارباب بقه ذاته ماعنده وقت عشان يكتب الا كتابت الشيكات .

لكم الود

hhh

مرور للتحية والسلام علي الجميع.

و قهوتك يا راشد بقت زي قهوة ام الحسن لا بد من التوقف عندها.

تحياتي للجميع.

الله يسلمك يا ابوحميد ....واكيد سعداء انا وام الحسن بتواجدك في فضاء قهوتينا ...بس كتر الجييات .....مالك مختفي ...؟
................
......
ولك كل الود

الاخ العالي الفانتح المزيف...(كما تقول) ...والله هي ليست براءة ولا خطورة بس المسألة احساس ان الفاتحين هما فاتح .....
.................
.....
عليه اغفر لي جهلي بالتفاصيل

كتر خيرك اخي راشد ورحم الله الحاجة ام الحسن و التي كانت راكوبتها المحطة الرئيسية للمسافرين من و الي الشمالية منذ الستينيات ولازالت حتي بعد تطور الراكوبة الي قرية بعد انشاء طريق الشمال.

ود راشد....

حلوه المخارجه دى....

ومشتاقييييييييييييين لقهوتك.

ود كرار .كيفك؟....يبدو لي الحر الشديد اثر علي مخ الواحد لكن عذر ناس العم سام وماجاورهم شنو؟............ياخوانا حلوا مشكلة سامتا ...ولا ادوه تعويض ..؟
وين طيور المنتدي المهاجرة : ود الزين ,الرشيد ,أسامة ,الجمل ,ود حبيب والفاتح الحقيقي وبقية العقد والله زحمة المداخلات تعطي المنتدي طعم ولون ...
والجمل اتفق معانا علي فتح باب الفرح ...وشايفو حتي الطاقة (الشباك) سداه ...
..................
......
والله ياجني طبعا شايف موضوع غربتك بقي جد جد ولا يكون بتاخد ليك زوغة بورسودان بنظام شهر ليك وشهر عليك ....؟ ولا زلنا في انتظار مداخلاتك
....مهدي شلكاوي والله الواحد مالحق يشوف موضوع قلم التروبر لقاك زوغت ....وانت ياودشلكاوي القرضمة ليك شنو ..؟ده جو بشيلو فيه تروبر ...كان تشوف ليك قلم جربان كده تمشي بيه حالك....بس عندنا الحر بقت حاجة تانية ..يعني الواحد من الحر بقي مابعرف القدامو ده قلم تروبر ولا اصبعو...!!!!

اخي الغالي عمر موسي ....سعدت أيما سعادة وانا اراك بين الحضور ..ومن لم يعرف عمر موسي فهو اخو اخوان وانسان اصيل هذا ليس مدحا ولكن حق وحقيقة تتوسد دواخلي ..وعشنا اياما لا اظنها تنسي ابدا وهو لاعب كرة متعصب وعاشق لها رغم اني لاعب دون الليق ومشجع علي حافة الروابط او الليق ...
ولا نملك إلا ان نحزن لفراق اخوتنا وهم متفرقون كل علي كومة تراب تختلف نتاجا وطعما ...ولكن يغسل بعض حزننا عندما نلتقيهم دونما ميعاد او تخطيط ...ولا اود ان أُفسد قدوم الاخ العزيز عمر ..
فلكم وله كل الود

مسا الخير اخونا الغالي اسامة....لا تزال دواخلنا تضمخها بخورات عالم الترف الايراني حتي صار الواحد منا يمشي بخيلاء بعدما احتك بالعائلة المالكة الايرانية من خلالك ...
كتبت فقط شوقا لك ولهفة للاطمئنان دون الالحاح عليك بالكتابة التي انت مالك ناصيتها وعلاقتك اكثر مني دفئا وحنيةبالحرف والورق والقلم ...
...............
..........
اينما كنت
وكيفما كنت (الحالة المزاجية)
لك منا كل المنا والتحايا الطيبات

قلم تروبر او تروبن او تروبل راح او ساح ،،ولاراد لقضاء الله
لكن مهدى وينك ....؟؟؟
امجد كرار فى هونق كونق،،لمدة ايام
وعاد بابكر يوسف لقطر بعد ان امضى ايام معانا
وعاطف عكود والجمل فى زنقة شغل تاريخية لغاية آخر الشهر ( اى والله للاسف سيتواصل غيابهم كل هذا )
ما زال شديد الأدب الفاتح (((التايوانى))) يعطّر سماوات المنتدى باشراقاته الرشيقة
وعاد الكبير وتجدنا من الواقفين فى الصفوف الاولى احتفاءا بالعودة،،،ليتك تبقى طويلا المرة دى،،،،خصوصا مع انتحال الشخصية واختراق حسابات البنوك
(identity theft)
هى الجريمة الاكثر انتشارا فى امريكا ،،فى عالم يتعامل بالكروت البلاستيكية
من شرا عربية لى غسيل الهدوم ولاتنسى انو قهوة زى النحنا قاعدين فيها دى برضو من الساهل جدا تدخل كرت فى ماكنة تطلع قهوة بى هناك
الفرق هو،،،،حميمية الونسة
وسؤال شخصى لراشد
ماذا حدث لــ سمرقندية؟؟لا ابغى اجابة انما هى اسطر لافكار مشوشه انقلها اليوم بلا تفكير
عمر موسى والكورة فى جملة واحدة،،،اما علمت ان الناس يكبرون وفى امريكا للكورة لا يلعبون،،،ضحكنا كثيرا انا وعمر قبل دقايق وتلفونك لا يرد
وحديث عن الاسامات،،،الثلاثة
الأديب الرهيب الأريب المذهل اسامة معاوية ،تفتقدك سيدى جدران هذه الدار كما ترى،،، نعلم اننا لانستطيع المواكبة اليومية لما تكتب فنحن قليلو العدد لكن عشماً ان تمر من هاهنا ذات سانحة
واسامة السيمت،،التقيته قبل يومين بصدفة خير من ميعاد،،،يلهث كما نحن وراء الخبز وهموم العيال،،،واصبح ذا كرش ،،انتهى ذاك الرشيق ضحكنا وهو يرمى باللوم على الايام
اما سامتا العزيز،،، فى تقديرى بعد بحث لقيت انو اسم المستخدم اسامه عثمان عبداللة
مجرد تخمين انو التاء المربوطة هى سبب عدم الدخول ،،،لكن يا سامتا اعمل لى ايميل باى طريقة ،،اما تنقر على اسمى او ترسل لينا على ايميل المنتدى الموجود فى الصفحة الرئيسية،،،،انت بس ابقى داخل ،،
لكل الاسامات اشواق
اما من همو ليسو باسامات
فايضا اشواق


واخر شخبطاتى اليوم
قالوا انو السيدة ام كلثوم قى عز مجدها ،،طلبوا منها التسجيل للاذاعة المصرية كتطور طبيعى مع نهضة الاذاعة ،،،وفعلا تم تجهيز الاستوديو والصوت والضوء وكل اللازم
وبدأت الست فى الغناء ولم تستطع ان تكمل ،،،حلفت بى راس ابوها انو يجيبوا ليها متفرجين او ناس سميعة حتى تستطيع الغنا ،،،هذا التفاعل كان سببا فى استمرار التسجيل
فوجود الناس مهم لاستمرارية العطاء
الشــــــــــــــــاهد::: يحتاج كتير من كتّاب هذا المنتدى للتفاعل لاستمرارية
فلاتبخلوا عليهم
وآدى قومة لامن نرجع لى قهوة تانية
فى امان الله،،،طبتم اين ما كنتم

night
rashid
aatif

الاعزاء رواد قهوة ود راشد وهم كل اهل المنتدى دون فرز سلامات ومعلييش على الانقطاع لكن الزنقه حاصله

الغالى حاج خالد شكرا على الاتصال والسؤال وانت كماعهدناك تتفقد كل المسجلين غياب الله يديك الصحه والعافيه , اه سامحونا كمان شويه ونعود باذن الواحد الاحد.
واقعدوا عافيه.
عاطف عكود

عزيزى راشد
ماشاء الله وعينى باردة ..جلسات قهوتك عامرة وصلت صفحة 21 .. وانا كل ما اقول ابنمبر القى البابر كلها مليانة بالعمالقة ..واكتفى باستنشاق ريحة البن المصحوبة باحاسيسك الدافئة عبر الانامل الرقيقة زى ريحة البخور..الليلة بس قول لقيت لى حجر وجريتو...وقلت كدى النشوف لينا شفطة... انا غايتو فكرت اعمل لى بوست جديد على وزن جلسة القهوة ونسميه قعدة ..يمكن يجيب سوق ويصل صفحة 50 قبل رمضان...
تخريمة...عرفنا ان الصورة لابنك ..ربنا يحفظوا لكن عاوزين كمان نشوف صورتك عشان نذكر ياربى لاقينك قبل ده ..انا غايتو مفكر اغير الصورة فى اليومين الجايات ديل لانو عندى بوست جديد حيكون مفاجا كبيرة وان مصر ان انافس ناس شخبط شخبيط..وحكايات زول من زمن سودانلاين وبوسط جنى المجننا ...والى لقاء

اخي الغالي مبارك ...والله لا يوجد اكثر سعادة من سماعنا بفتح بوست جديد وكانو الواحد فتح ليه دكان ناصية ولا كشك ليمون في المحطة الاسطي (سابقا) ..ياخي لو اديتنا خبر كنا جبنا ليك البكري اينما كنت ...وياهلا بيك مشارك بروح معنوية قوية ....
والحقيقة عني لا اقوي ان انافس شخبط شخابيط ..ولا اجرؤ علي كتابة عملاقة الزمن الجميل ولكن كل همي لمة كل الاخوان لمعرفة الحاضر والسؤال عن الغايب ...
واكيد كلما كترت الاقلام زاد العمل الجميل .....
اما عن صورتي فقد نشرتها سابقا وعلق اخونا وحيبنا ود شلكاوي انو شنبي اكبر من اللازم فقلت احسن اجيب ولدي فقد ولي زمان الهنباته وفتل الشوارب ...
ولك معزتي

الاخوانالاعزاء خالد وعمر ....طبعا اكيد ما محظوظ لعدمي سماعي صوتكم ..وطبعا ياود الاستاذ انا بكون مبسوط جدا لما بتكون فايق لانك بتكتب بإخلاص ..وبالله ياخي عمر نتمني بصدق مشاركاتك لانك وبصراحة من اكثر الناس احتكاكا بكل فئات الاكاديمية باختلاف مشاربهم ومعك من الحاوي الكتير فلا تبخل علينا ....
كسرة:
وين الكدندلي...؟ في امريكا ولا لسه مستني السماية ............؟
تحياتنا لود السيمت بالله لو التقيته صدفة ......
...........
.....

كالعادة مرور للتحية و الاطمئنان والسلام علي الجميع و تناول فنجان القهوة المعتاد.

صباح الخير ....يبدو لي مع التطور المتطرد حتي الهنبته صارت اخص ممارسة واقل نبلا وسميت قرصنة انترنت ففي القديم كان الهنباتي محط انظار ويوصف بالشاهمة ويُتغني به وله في المحافل الاجتماعية من قبل الحكامات والفتيات بشكل عام ...وكان الهنباتي يتباهي بتحليه بالشجاعة والثبات والقدرة علي الاخد بالضراع وهو يتقاسم مع اهله وعشيرته الغنائم ولا يحتفظ بمال بمعني المسالة في النهاية مربوطة بالقبيلة واهلها وهو لا يُهنبت ابدا من اهله اوجيرانه فهذا عيب وذنب لا يغتفر...
......................
.........
تخريمة:
يبدو لي انه قد حصل نوع من الإنحطاط لاحترام بعض المهن ..في زمان مضي كان المدرس يعتبر من الطبقة المثقفة وفي القري له وضع اجتماعي خاص ويجلس مع الخاصة من عمدة وشيخ والان لا حول له ولا قوة ...في زمان كان الطلاب حين يلتقون الاستاذ او المدرس في طريق يتخباء او يهرول اما الان فعلاقة الطالب باستاذه كعلاقته بالشغالة تنتقص للكثير من الاحترام ....
..............
.........
ولنا لقاء بإذن المولي

أبداكى من وين .. وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
.................
..........
هكذا اخي عصملي تحتل المراءة دواخل الرجل فتصير له رمز للحياة وللوطن ...فالمراءة مخلوق يسترق الدخول لعوالم الرجل فتغير شكل البيئة النفسية له فتجعل منه فارسا وشاعرا وكاتبا ..و...و....................وناسكا

شكرا ليك اخي ابوحميد ع المرور السريع ..وكل ثانية حضور منكم تمد في سنين عمر الفرح فينا ....بالمناسبة( انت ودعكود ,الرشيد ,سعد الدين ...و) الكل مستني مروركم من منعطف ازمة الشغل .... 

راشد كتب:

أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
........................وناسكا

قديسنا راشد اسمع ما قال احدهم
توحدت فيكِ فصرتك أنــت
فحين مشيتُ ،مشيت على مقدمك
وحين أكلتُ ،،لمست فمك
وحين مرضتُ ،،،، فحصت دمـك

من ذاكرة قاربت الصدأ لو لا لقيانا هاهنا لننشط خلايا المخ الرمادية

خالد عبدالحميد كتب:

راشد كتب:
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
........................وناسكا

قديسنا راشد اسمع ما قال احدهم
توحدت فيكِ فصرتك أنــت
فحين مشيتُ ،مشيت على مقدمك
وحين أكلتُ ،،لمست فمك
وحين مرضتُ ،،،، فحصت دمـك
من ذاكرة قاربت الصدأ لو لا لقيانا هاهنا لننشط خلايا المخ الرمادية

الاخوان ودراشد وود الاستاذ وكل المتداخلين
عن ذلك التداخل العجيب حتى يصير او تصير الكل من البعض او البعض من الكل او ان يتوحد او تتوحد لدرجة صرتك انت عجبتنى فكرة زوله الاستاذ جمال حسن سعيد وهاكم ليها ذى ماهى بى صمتة !!!!!

زولة .......... كما النورس تجئ
تنزل شواطئ الالفة في الزمن الشفيف
وأنا زي مكتف في الرصيف
مربوط على حبل السفن في الظلمة والليل المخيف
بتجيني تدخلني وتقيف

شرشرت تيبان السكات على أرض رويانة وخريف
زولة .... بتعرف تدخلك ..... وتقفلك .... وتغفلك
تقعد على ناصية هواك .... وتشغلك
وأنت بتحنس غمام كي تجعلك مطرة ودعاش
طاير تحلق في السماء وأرضك فراش

هذا الفراش بيطير على نضرة رحيقا وخُضرتها ... ومحبتا .... ومحنتا
أو ضحكتها وسخريتا وتقعد تهضرب ياولد من حمتا

ولو تسألك وتحلفك في ذمتك او ذمتا
والى متى ..... هذا الجنون الى متى ؟ كل التفاصيل لمتا
هذه البنية قد أتت وأنت ذاتك كالورق
كيف تنجو انت من ذاك الغرق
من زكرياتك تنجو وين ؟
وين مهربك ...؟؟ من دفترك ...؟؟؟؟؟ من مصدرك ....؟؟؟؟ من مظهرك ....؟؟؟؟ من جوهرك ...؟؟؟؟؟؟
من حرقة الجوف والعرق

هذه البنية تفتح الروح ضلفتين
وعلى ضفتين في نهر احزان الزمن
تقعد تلوح باليدين
زولة
تخشك .... تمرقك ... عادي
ما بتقفل الباب من وراها ...... بل تساسق بين شفقتك وحرقتك ... ما بتاذنك
ما روحا نفاج غربتك
هذه البنية الساكنة أسرار فكرتك
هي الشايلة حسك وسترتك
زولة ... كما النور تجي
تنزل شواطئ الالفة في الزمن الشفيف .
جمال حسن سعيد
ودام التواصل والمساسقة عبر كل نفاج وبى كل هضربة وفى زمتكم واصلوا التواصل
عاطف عكود

وبعد التصفيق الحار للعظيم جمال حسن سعيد،، هذا المبدع من درجة فارس
طاب لى انابة عن منتدى الاسرة البحرية،،مستوحيا بيت الشعر ده

عاطف عكود كتب:

زولة .......... كما النورس تجئ
تنزل شواطئ الالفة في الزمن الشفيف
وأنا زي مكتف في الرصيف
مربوط على حبل السفن في الظلمة والليل المخيف

اقول ما واجب برضو نرسل الف تحية ((للبحرى الوردية))
هؤلاء الابطال المكتفين فوق راس السلالم فى عز هجير الكويت ولا الدمام
وفوق راسم امطارك يا سنغافورة،، وحتى جليدك يا هاليفاكس
مرابطين مع حبال السفن ،،،اينما تودى المقادير
لكل البحرية وعمال المكنة والضيافة الف مليون تحية
يكفيهم فخرا ان ما يدور فى خيالات الشعراء ،،،هم صانعوه
ولطيور النورس الودودة،، وحشة

هاهاهاها .....ود الاستاذ طبعا مستحيل اسايرك في مسألة القداسة فهي شرك لما تحويه من اكثر من تفسير ....ولا تحمل إلا تفسيرين ...!!!!!!!!!!!!...وكما تري اخي خالد حتي انثانة المفردة تعطيها نوع من الشفافية ...انا سعيد جدا بإسهابك مؤخرا وسماع الجديد يشحذ افكار الاخرين ....
اخي الغالي ود عكود ...والله هذه المرة الاولي التي اسمع فيها هذه القصيدة لجمال حسن سعيد ...وبالمناسبة جمال ود حلتنا فقد عاش في امتداد ناصر وعندما كنا صغاراً نتسامر عند كوبري صغير عند محطة الحافلات وكان انذاك علي ما اظن جمال في معهد الموسيقي والمسرح لانه كان عند نزوله من الحافلة ياتينا ضاحكاً قائلا: احكي ليكم اخر نكتة.....وكنت دائما اعلق قائلا عندما اراه : ياجماعة صاحبكم جا خلونا تنخارج .....ومضت سنين وسنين وقد مسحت الغربة بأكفها علي نواصي الرؤوس فازالت من بعضنا شعرأ واحالت شعر البعض شيباً وصار جمال رجل مرهف ما اسمع منه إلا جميل الكلام ....
فلك وله ولهم كل التحايا