فنجان قهوة

لكم التحايا والاشواق كيفك ود راشد وان شاءالله لقيت الصور وعجبتك
ولا ما عندك (الصور الموجوده في الاعلي) عرفنا حرف (ذ)
ود كرار كيفك يا راجل وبرضو راجين تعليقك علي الصور
الاخ كابتن عاطف غيابك قرررررررررررب يكون طال خش

في انتظار الادمنين بالتشديد بضرورة وجود صورة لكل المشاركين لانو والله الواحد بينسي والذكري بتنفع ......... يعتي مثلا ناس شلكاوي والاخوان السجلو في ايامهم
مثلا فالصورة ضرورية ولا شنو يا ود كرار ودمتم

الاخوان ودراشد ,بدرالدين , محمد الجمل, ودكرار سلامات والله
عزيزينا ودراشد ذى ما قالو ليك الاخوان بدرالدين والجمل الصور موجوده انشاء الله تكون لقيتها .
حبيبنا الجمل ياخى مافى اى غياب انا يوميا على صفحات المنتدى انت المختفى من المنتدى ومن الدوحه ذاتها (مختفى صوره وصوت ) الصوت خلى نرجع للصوره انا معاك ارح يا اخونا مهدى وين الصوره ذى ما قال اخونا الجمل.
فى انتظار الصور ودام التواصل
عاطف عكود

اخونا الجمل ....

سلامات والله عينى بارده على كل الموجودين الفى العزومه منهم الاذداد شباب ومنهم الشكلوا بفتش فى التانيه.

ولنا عوده

الغالي ود الاستاذ(طبعا مشكلة الذال قائمة ) الله يفرحك كما فرحتنا بلقاء الاعزاء في وليمة الرائع القلع و..غلاوتك فرحت حد البكاء وانا تامل تلكم الملامح التي لم ارها منذ زمن ليس بقريب ولكن يظل حاتم طوني يتكلم ولا يعرف للصمت طريقا واذكره كما بالامس وهو يصيح قبل كل اختبار يا..............عايزين تضيعونا النايمين ليها شنو ....ولا يزال ود الجاك يملاء الساحة ضحكاً وتعليقا وكذلك الحبيب علي محجوب الرائع والحبوب ابدا وادهشني ظهور جمال امين بعد غيبة احسها ولا احسبها بالسنين ..طبعا شكري كما هو لا يزال يمتلك تلكم البسمة التي ظاهرها جدية وداخلها طيبة بحجم قلب صاحبها ..طبعا عمر خلف الله يظل عاشق للخلوة والاسترخاء وامجد الطاهر لم يزد علي بسمته القديمة إلا أثر من زمان محته البسمة والغالي القلع ودودا كما عهدناه يعانق الاخوان بقلبه قبل يديه ...................
تخريمة:
شايف النظارات واقعة هبطرش يعني الواحد مابراه ...بس ماتخافوا اصلوا الطشاش في بلاد العمي شوف ....
......................
.............. ولنا عودة بحجم فرحنا بشوفت صوركم ...

الغالين ود عكود والجمل ....طبعا حفيت لحدي مالقيت الصور ...والله يديكم العافية يتوثيق هذه المناسبات التي جمعتكم بالغالي ود الاستاذ ...مع انو الواحد بقي مع موضوع تفتيش الصور زي حموري الكبير ..يعني ماوقعت لي ابدا لكن الحمد لله ...لكم الشكر الكثير الجزيل...

نيابة عن ود عكود واصالة عن نفسي ( اول مرة اعرف انو اصالة بتتكتب ذي اصالة الفنانة ) المهم لقيتنا كيف ؟ وان شاء الله الصور عجبتك وفي انتظار صور الخرطوم .

دخول من قهوة راشد العزيز،،
وتحية خصوصى لى كركب العزيز بعد ان راجعنا ما فاتنا ايام كنا فى الخرتوم
وعوده لاحدى مداخلات كركب

وحسب طلب الاخوة اعضاء المنتدى فقد تمكنت من اقناع الاستاذ هاشم بابكر وقد تم بالفعل التسجيل فاهلا به ومرحبا فهو اضافة جديدة للمنتدى نتمنى له التوفيق.
وكما وعدت الاخ راشد بموضوع البعوض الذى كتبه الاخ عبد الرؤوف بابكر المهدى

ياخى نضم ترحيبنا لى ترحيبك بالاستاذ ونتمنى ان نشوفو على صفحات المنتدى سريعا
اما البعوض فوالله ابداع ،،ياخى ده كائن مزعج ونعم الوصف ما كتب صحبك
وتجربة شخصية ايامى الفاتت فى الخرطوم،،،وعذابات مزدوجه مع البعوض
حاولت الهروب من الحوش الى الاوضه،،،رغم الخرمة بتاعت الحوش،،،الى حيث الكوندشن،،،تشاء الظروف انو جارنا ( الذى يأتى هواء المكيف من ناحيتو) برضو مُعذّب من البعوض واكتشف انو احسن طريقة لطرد البعوض هى حرق ما شاء الله له من خشب او ماشابه شرط انو الدخان يكون مركّز!!!!ليطرد بعوضو
الكارثة اصابتنى لانو الدخان داك كلو ،،،مباشرة للمكيف ؟؟؟؟؟
يعنى تهرب من بعوضك ،، دخان بعوض الجيران يعمل ليك ازمة!!
غفر الله له،،،،، واصبحت انا صريع البعوضين
ودامت قهوتكم خالية من الطنين

ود راشد والاخوة رواد القهوه الما خمج ليكم وحشه ومن القلب الف تحيه
خلدي باين عليك كنته ساكن جنب الجبرات حيث ان الناموس هناك لاسباب امنيه وانته ما تسال وانا ما بفسر ..قالو كده.. عشان كده لن تجد خواجه في تلك المناطق
..غير جوازك والناموس برضو بفهم
جارك اكيد طابور سابع

ما علينا
ود راشد والله ليك وحشه
عبدوس

راشد كتب:الغالين ود عكود والجمل ....طبعا حفيت لحدي مالقيت الصور ...والله يديكم العافية يتوثيق هذه المناسبات التي جمعتكم بالغالي ود الاستاذ ...مع انو الواحد بقي مع موضوع تفتيش الصور زي حموري الكبير ..يعني ماوقعت لي ابدا لكن الحمد لله ...لكم الشكر الكثير الجزيل...

عاوز اجرب حكاية فلان كتب ويظهر الموضوع كما شرحها لي ود العاقب
وبالمناسبة يا را شد ما رديت علي ردي ....... تحياتي

الغالي ود الزين ...والله وحشتنا ليك اكبر بكتير من رص الحروف ويظل مكانك شاغرا لحين حضورك ...اتمني تكون كل امورك بخير وشايفك دخلت (عبد الرحمن الزين 2) ..طيب وين عبد الرحمن الزين 1 ..بالله لسه نحن ماقادرين نفوق من قصة الفاتحين يعني بالله اتاكد من موضوع كلمة المرور من ود الاستاذ)...
بالله ادينا كل التفاصيل حتي لحظة حضورك ...
تخريمة:
الجمل ..والله الصور ابداع واخر روعة ...يعني ود الاستاذ كان جانا بجاي محتاجين لينا لصنفرة جامدة لزوم النيو لوك وكده....وايه رايك يا ابو حيد نعمل البومات لكل المناطق الجغرافية مثلا ناس الخرطوم وناس الامارت وناي الولايات المتحدة وناس اروبا...و....
وحقيقي سعداء بشوفة زمرة الزمن الجميل....
تخريمة 1:
شنو ياود الاستاذ حكاية الباعوض دي...بالمناسبة قالوا الباعوض بقي متخصص في اختيار الناس بمعني يعني بعرف منو عندو دم ومنو ماعندو وانت طلعت كمان راجل دمك خفيف ..فكيف يفوت الباعوض فرصة زي دي....!!!!!!وياسيدي حمد لله علي السلامة وابدا يعلق حلو الذكريات بدواخلنا ...وليك وحشة بطول مشوار سفرك ذهابا وإيابا
...
........

اليوم 21 اكتوبر ذكري حبيبة في نفوسنا لو ما كلنا (ورغم انني لم اعاصرها ) فقد ملأت بطولاتها واغانيها نفوسنا سنين طويلة التحيه لشهداء وثوار اكتوبر صناع المجد
...فليذكر التاريخ ابطال لنا ...عبداللطيف وصحبه
...كان اسياف العشر..ومع الماظ البطل
وبجنب القرشي حين دعاه القرشي..حتي انتصر
باسمك الاخضر يا اكتوبر الارض تغني ...........

mhmdaljamal كتب:
اليوم 21 اكتوبر ذكري حبيبة في نفوسنا لو ما كلنا (ورغم انني لم اعاصرها )

حبيبنا محمد الجمل دى واحده من عيوب شغل البحر والسفر والترحال كثير من الاحداث الوطنيه تفوتك خصوصا فى تلك الفتره بداية الستينات لم تكن الوسائط الاعلاميه من انترنت وقنوات فضائيه واتصالات متوفره والله بجد عانيتو كتبها الله فى ميزان حسناتكم !!!!! .
وعاش السودان الوطن
عاطف عكود

الحبيب ود عكود اولا الف حمد لله علي السلامة وانقضاء الاجازة وعودا حميدا لساحات العمل والله سعدت بردك علي مهنئا باكنوبر (لاحظ انت الوحيد ) الذي لا زال يذكر تلك الايام الاكتوبريه وده دليل علي ديناصوريتنا طبعا مع التحفظ علي البعض
ياخي الله يديك العافيه مع تحياتي لصاحب المقهي ورواده الاجلاء ودمتم

عاطف عكود كتب:

والله بجد عانيتو كتبها الله فى ميزان حسناتكم !!!!! .

الواو دى واو جماعة ولا انا غلتااااااان

عموما هاهو اكتوبر الاخضر
وكل عام وانتم بخير
--------------------------------------------------------------------------------
أكتوبر الأخضر

محمد المكي ابراهيم


اسمك الظافر ينمو في ضمير الشعب ايمانا وبشرا
وعلى الغابة والصحراء يلتف وشاحا
وبأيدينا توهجت ضياء وسلاحا
فتسلحنا بأكتوبر لن نرجع شبرا
سندق الصخر ..
حتى يخرج الصخر لنا زرعا وخضرا
ونرود المجد..
حتى يحفظ الدهر لنا إسما وذكرا
بسمك الأخضر يا أكتوبر الأرض تغني
الحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي
كان أكتوبر في أمتنا منذ الأزل
كان خلف الصبر والأحزان أحيا..
صامدا منتظرا حتى إذا الصبح أطل
أشعل التاريخ نارا واشتعل
كان أكتوبر في نفضتنا الأولى
مع المك النمر
كان أسياف العشر
ومع الماظ البطل
وبجنب القرشي
حين دعاه القرشي حتى انتصر
بسمك الأخضر يا أكتوبر الأرض تغني
الحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي

Admin كتب:

عاطف عكود كتب:
والله بجد عانيتو كتبها الله فى ميزان حسناتكم !!!!! .

الواو دى واو جماعة ولا انا غلتااااااان

أبدا ماك غلتان ياحاج ( نان هى جماعة الليله ولا امبارح ) انها هى واو الجماعه حذفت الفها مع كمين الف اخرى لطول الامد ومرور ازمان وازمان.
تخريمه
كميه من الاخضرار شى الوادى الاخضر وشى اكتوبر الاخضر اللهم اجعل دربنا اخضر كرائعة الشاعر محمد يوسف موسى والقامه عثمان حسين وكل عام والجميع بالف خير
عاطف عكود

mhmdaljamal كتب:الحبيب ود عكود اولا الف حمد لله علي السلامة وانقضاء الاجازة وعودا حميدا لساحات العمل والله سعدت بردك علي مهنئا باكنوبر (لاحظ انت الوحيد ) الذي لا زال يذكر تلك الايام الاكتوبريه وده دليل علي ديناصوريتنا طبعا مع التحفظ علي البعض
ياخي الله يديك العافيه مع تحياتي لصاحب المقهي ورواده الاجلاء ودمتم

هجمه مرتده يعنى ,ملعوبه ومقبوله منك ياحبيب.ودام التواصل بدون تحفظ
عاطف عكود

الاخ راشد صاحب المقهي الشهير سلامات ..ما شاء الله علي قهوتك وعيني بارده دي لو كانت بفلوس كان لحدي هسع تكون في الطابق الخامس في الوادي الاخضر لكن انت عاملها ملح عشان كده الله يجعلها في ميزان حسناتك قول امين ...وشكرا ود الاستاذ بانزالك اكتوبر الاخضر وجهز نفسك ابريل قرب
طبعا يا عاطف (بدون تحفظ ) دي شايفها عجبتك وده انما يدل علي زوقك الراقي وبالمناسبه اخونا اقصد عمنا عبدالرحمن في شخبط شخابيط يتناول بالسرد الممتع (ايام في الحرتوم) ونحن في انتظار الحلقة الثالثة وياريت ما يطول علينا مع تحياتي للجميع بدون تحفظ ودمتم .

الغالي الجمل...شكرا لحضورك المكثف علي بنابرنا العامرة ابدا بكم ومعكم ...آميين وميزان حسناتك وحسناتم ...والله كما تعرفون جرعات الغربة المكثفة جعلت الواحد يسقط من ذاكرتو كل المناسبات العامة والخاصة ,فقط يظل يلهث من شروق الشمس حتي الغروب مدعيا الانجاز ولكن لا طلنا ذاك ولا ذي ..فشكرا لكم علي تذكيركم المتواصل بالمناسبات الوطنية وغيرها.....طبعا عاطف عيني عليه باردة (ورفعنا عنك تهم الزمهرة)...والله ياعاطف دايما في البال وكل يوم اقول اتصل عليك لكن والله اخوك علاقته بالجوال ليست حميمة واكرهه تماما ومعظم وقتو صامت رغم انو بتاع الشغل ...
تخريمة:
طبعا الغالي ود الزين بداء في سرد مغامراته في الحريتيم ولا زلنا منتظرين المزيد ...وشنو ياجماعة خوفتونا عديل كده ...(شي باعوض وشي سرقات و...,)
بالله ياشباب الاسكلا ورونا الحاصل شنو............؟
تخريمة2:
ود الاستاذ وينو ياناس ..؟ اوع تكون دقشتو ملاريا من الباعوض المزعوم ....؟؟؟
اظرف حاجة مرة واحد قال لي : تصدق انو الملاريا دي في جيناتنا ...؟ قلت ليه قال لي: شوف الواحد يكون في الدول الاسكندنافية وياخد ليه تعبه كده ..يقوم يبرك ...يقولوا مالوا.... والله جاتو ملاريا.....
نسال الله السلامة ...وربنا يحفظكم من كل شر...

راشد كتب:الغالي الجمل...شكرا لحضورك المكثف علي بنابرنا العامرة ابدا بكم ومعكم ...
....
والله ياعاطف دايما في البال وكل يوم اقول اتصل عليك لكن والله اخوك علاقته بالجوال ليست حميمة واكرهه تماما ومعظم وقتو صامت رغم انو بتاع الشغل ...
...

عزيزنا ودراشد كيفك يا سيد قهوة كيفنا , تشكر يا سيدى والحال من بعضو اهو شوف مع انو انا واخونا محمد الجمل بينا مسافة فركة كعب لكن بنتلاقى فى قهوتك اكتر مما نتلاقى فى اى مكان اخر اهو على الاقل كل مغربيه بنجر لينا بنبرين على ركن فى قهوتك العامره وهاك يا مجادعة مره يرمينى ومره ارميه ومره البن يرمينا الاتنين .
ودام التواصل
عاطف عكود

تشكر ياباشا ...المهم ياسيدي تكون بخير وكل شي يهون ....وصدقا نحن الاسعد بوجودكم علي رحاب قهوتنا التي انتم لها نكهة وطعم ....
علي فكرة يرميني وارميه و....ده علي وزن :
اعاين فيه واضحك واجري واجيه راجع
متلاعب ليس إلا ماموضوع مطامع
اقيس الفم بودعة القي الوزدع واسع
واقيس بالليل شعرو القي الفرق شاسع
دي مابلقاها زولا زي انا صيدو ناجع
.............
......
طبعا انا كنت عايز اكتب المقطع الاول وبس ,لكن لقيت نفسي سرحت ...والسؤال هل كان ناس زمان برئيين ام طيبين ....؟
وانا صراحة من عشاق الشاعر ود الرضي كاتب الاغنية اعلاه وغناها المرحوم خلف الله حمد ....

راشد كتب:.............
......
طبعا انا كنت عايز اكتب المقطع الاول وبس ,لكن لقيت نفسي سرحت ...والسؤال هل كان ناس زمان برئيين ام طيبين ....؟
....

طيبين بت الناس دى ؟ ياخى ديل طيبين وبرئيين وبكايين
اسمع جنس الكلام ده , والف رحمه عليك خليل اسماعيل

قبال ميعادنا بساعتين أبيتو أنا وأباني البيت
أغالط نفسي في أصرار وأقول يمكن أنا الماجيت
وطالت وقفة الأشواق معاي جمب المكان ذاتو
أنا ورعشة ظلال الليل وقلبي حزينة دقاتو
وفات ميعادنا فات روح وشال الليل حكاياتو
أنا المستني في الميعاد وليك حبل الصبر مديت
وأغالط نفسي في أصرار وأقول يمكن أنا الماجيت
تخيل كيف مشاعري أنا أنا المصلوب علي الميعاد
أعود كيفن ملآن غربة وأشيل الليل عذاب وسهاد
وياريتك ما وعدتينى وياريتنا نحن كنا بعاد
وبرضي رجعت متصبر معاي خطواتي راجعة البيت

يعنى الراجل جه واتشره وبرضو يغالط نفسو وكمان بى اصرار
والله المستعان ودام التواصل
عاطف عكود
وأغالط نفسي في أصرار وأقول يمكن أنا الماجيت

طبعا قهوة اخونا راشد انشئت يوم 4/سبتمبر2009 وما زالت نكهتها كما هي جميله وطبعا سرها لا يقل عن سر ناس كنتاكي (خلطة خاصة سرية)
متابعين روائع الحبيب كابتن ود الزين في حرتوم الجن وجد روعة وتوزيع معلمين ومسلسل جاهز للاخراج الله يديك العافيه
سلام لعاطف وهو يوزع للكل احلي كلام واجمل غنا
بس ياريت يواصل راشد موضوع البراءة والطيبة ..........

هاهاهاهاها قوية جدا يا الجمل يارائع ..والله الخلطة السرية التي استخدمها هي حضوركم الرائع ودواخلكم الاروع ...وعمر القهوة ماتحلي إلا بناسها ..وجري العرف لما كان حبوباتنا زمان يمشن لواحدة ويكون حضور القهوة ضعيف والناس ماظريفة ..يقولوا : والله فلانة ماشفنا امسخ من قهوته ...يعني سر الخلطة في الحضور وليس القهوة...
.....................
...............
اكيد حنرجع لموضوع براءة وطيبة ناس زمان

تقول لي ناس زمان بكايين يا ود عكود
قل للجميلة ارسلت اظافرها اني لخوف كدت امضي هاربا
ان المخالب للوحوش تخالها فمتي رأينا للظباء مخالبا
بالأمس انت قصصت شعرك غيلة ونقلت عن وضع الطبيعة حاجبا
وغدا نراك نقلت ثغرك للقفا وازحت انفك رغم انفك جانبا
من علم الحسناء ان جمالها في ان تخالف خلقها وتجانبا
ان الجمال في الخليقة رسمه ان شذ خط منه لم يك صائبا

قال بكايين قال