رد: فنجان قهوة

ود راشد....

ماكنت ملاحظ انو العصافره مافيها كدايس, وعمك بتاع الكباب داك مابشتغل الا بالليل.
اكيد جاوبته على سؤالك اعلاه

ود كرار كتب:ود راشد....

ماكنت ملاحظ انو العصافره مافيها كدايس, وعمك بتاع الكباب داك مابشتغل الا بالليل.
اكيد جاوبته على سؤالك اعلاه

الحبيب ودراشد كويس كدى اه تانى حبيبنا ودكرار رجع لى شغل الليل والكدايس والفيران .
ليكم وحشه
ودام التواصل
عاطف عكود

العزيز محمد راشد صاحب القهوة المشهورة و ( القهوة ) هنا تعني سيدها كيفك ؟ الحبيب ود الاستاذ ..... الغالي كبيتانو ود الزين
بالعودة لوراء شوية يعني قبل رد ود كرار وموضوع لحمة الكدايس .أولا شكرا كتير لود الاستاذ لردة الحلو واصلو الحلو ما بكتبوه الا الحلوين و تخريمة ود الزين بالغ فيها وجد جد وصف العنقريب الهبابي ينوم الزول عديل والله يا كبيتانو كل ما يزيد العمر تزداد روعة وتعتيقتك تبقي اشد (تسلم)
واخيرا (سيدها ) ود راشد كيفك وشيرس بفنجانك اعلن لك عن قفل بوابة الاشجان والانتقال فورا الي بوابات اخري وعشان ما تفرح شديد حتكون في رجعات مرة مرة للاشجان نتناول منه (الجميل) فقط وطبعا ده من اخطر انواع الشجون لانو الشجن في الطرف وجمالو في الغريق ...........لك ولكل المتقهوجين المبنبرين اشواق الف..وكب
تخريمة
يا عاطف وينك عارفك مذنوق في الشغل لكن زيد الجرعات حبه

mhmdaljamal كتب:
ولكل المتقهوجين المبنبرين اشواق الف..وكب
تخريمة
يا عاطف وينك عارفك مذنوق في الشغل لكن زيد الجرعات حبه

حبه حبه زيد غرورك ومره زيد القهوة حبه
عزيزنا محمد الجمل الله يديك العافيه انت وسيد القهوه اخونا ودراشد واشواق 1000
ودام التواصل وادى بنبره .. وكمان كب
عاطف عكود

الاخوة الاعزاء لكم التحايا الطيبات...
طبعا ياود عابدون تصريحك جا متأخر كمين سنة يعني الحصل حصل وانت وكت عارف ساكت مالك ..؟ عني ماقصرت في الاكل وايضا اخونا ياسر قريش ..انا هو علي مااذكر كنا يوميا بناكل عند الراجل ده ..عليه لو الواحد هوهو في اي زمن تكونو عارفين...
مجرد ذكر الفرح بيخلي الواحد يبتسم المهم ياابوحميد نفرح في الاول ويبقي الشجن يجي بظروفو....
ود عكود طبعا رغم المشغوليات بتضغط علي نفسك وتطل وده في حد زاتو نوع من الالتزام فلك الشكر بس برضو يعني شايفك بتشرب البكري وتزوغ نحب هنا بكري وتني و...و والقعدة تطول ...
.............
.....
وخليتكم عافية

الاخ الكريم محمد راشد و رواد القهوة المداومين الاعزاء

كابيتانو عبدوس - عاطف - ود السيمت - ودكرار - الجمل و ود الاستاذ (ابو صبا)

التحايا الطيبات لكم جميعا و الشوق بحر

دخول للسلام و التحايا اذ لازالت الزنقة مستمرة. زنقة اخير منها زنقة النشال القبضوه جوة الجامع يوم عقد ناس محمد علي عبد الرحيم والذي تعرض الي ما جعل الكل يرثي لحاله.

ودام التواصل

مرحبا بك اخي الغالي ابوحميد ....اسعدتنا طلتك السريعة علي قلوبنا وعلي القهوة ..وربنا يوفقك ياسيدي وزنقة وتروح ...
وزنقة الشغل ساهلة نحن خايفين من زنقات الجقور وامسيسي
..............
.....
وليك وحشة

سيد القهوة...وضيوف سيدالقهوه
ليكم وحشه والله لكن وين الحي بيكم من امبارح وانا مادي فنجاني وما في زول عبرني..
شايف حتي عاطف العزيز دخل وجري قبال ما ياخد ليهو شفطه...
راشد..حبيبي المرحوم صالح مرسي له روايه قصيره اسمها الكذاب..اجمل ما في الروايه انها تدور في يوم واحد ومكان واحد في قهوة في درب الجماميز- علي فكره عاش طه حسين فترة من حياته في هذا الحي-
المهم قبل ما اسرح.. الرواية ممتعة وكلما ادخل منتدي قهوتك اتذكرها..وهي تحكي قصة صحفي تقمص شخصية جرسون ليوم واحد..
هذه الليله ساسهر معها وقد تكون العاشرة..ولا امل ابدا
رحمك الله صالح وجزاك عنا خير الجزاء كم كنت مبدعا..وكم اسعدتنا..
معزتي ومحبتي لسيد القهوة وضيوفه...طبعا سيد القهوة في مصر اسمو -المعلم- والا موش يا من شرفتم
الاسكندريه بالدراسة فيها..
عبدوس

العزيز عبدالرحمن حمدالله على السلامه فعلا امس دخلت على عجل وطلعت من المولد بدون قهوه لابكر ولاتنى او حتى البركه , والبركه فى السيره العطرة للمبدعين يوسف السباعى وصالح مرسى فقد اعادتنى عشرات السنوات لزمن روائع روياتهم زمن ناديه وساميه فهمى وعلويه (هى بسم الله علويه دى منو؟)
وفى انتظار عوده المعلم صاحب القهوة.
تخريمه حمدالله على السلامه اخونا احمد محمد احمد على الطله السريعه وفى انتظارك .
ودام التواصل
عاطف عكود

وآدى طلّة اسرع من السرعة ذاتها

لكن الطلة عندك ياحاج
ودامت الطلات ماقصر منها وماطول
عاطف عكود

ود ابرق

ابرق،،،،،،،،ذاتو
زايد اشتياقات

من طرف راشد الأحد 02 مايو 2010, 14:06

صباح الخير اخوتي ود الزين وود الاستاذ ووعكود......طبعا كنا عشمانين تشربوا البكري والتني ...و...و لكن شايف الحكاية بقت تيك أويه عديل ..شنو الحكاية ....؟ وين الجمل يا اخوانا ماقلنا فتحنا صفحة فرح ...!!!!! الغريبة انا ملاحظ ان مشغوليات الناس كلها بتجي في نفس الوقت ماعارف ترتيب الهي ولا ده شغل بشر...................؟؟؟؟ وينك عارف ....؟ لا زلنا نتوق لسماع المزيد عن تفاصيل نمرة تلاتة وماحولها ...
كســـــــــــــــــــــــــــــــــــرة:
الاخوان ود السيمت ومحمد حبيب وسامتا الذي مشكلته الدخول ....فينكم؟
طبعا ياسامتا انت محظوظ لانك برة وماقدرت تدخل اتخيل نفسك دخلت وما قدرت تطلع ....؟ يبدو لي كده فتحنا موضوع المساطيل وربنا يستر....
ود الزين مسافر ولا حول القهوة....................؟
..........................
......
ولكم كل المني

سلامات والله قهوتك دى مسكونه, قبل يومين كتبت اجى صفحه وفرحان بجميل المفردات الفيها والتنسيق وماكانت قطع لصق ذى ماقال عمنا عبدوس...
بس الظاهر اتلحست, ياجماعه اهل القهوة وين ناس الشرق, مختفيين عديل, وحتى ودشلكاوى لمن يمشى بورتسودان بيختفى.

احب قهوتك.....

اشرب قهوتكم شراب
احب قهوتك
اشواق الف لكل المتقهوجين،، وتقرير سريع
مهدى نتوقع ظهوره إن شاء الله فى القريب جدا ،،مفروض يكون وصل الخرطوم
نقول الجبل ،،،يقوم مهدينا بكرة يعلن انفصال الجبل
تجدنا فى انتظار الطلة
ود السيمت مشغول للطيش،،،غير المشاغيل العادية هو فى حالة رحيل
لعن الله الغربة واحساس الرحيل الممتد،،،وصلتو تحياتك يا راشد

اما ناس الشرق
فوالله غيبتكم طالـــــــــــــــــــــــــــــــــــت
كركب
عوض الله
وين بورسودان الحنينة وناسها الأحن واخبار الجمعية والشباب
تخريمة بورسودانية
ياخوانا ادونا تلفون حامد العربى رجاءا

الاخوان ود كرار وود راشد اخباركم شنو مع امطار اليومين دى انشاء الله الامور على مايرام
عاطف عكود

الاخوان اهل المنتدى
السلام عليكم ورحمة الله
هناك مولود جديد انا شايف اجمل بدايه التهاني بالمولود ربنا اديه الصحه والعافيه
الاحباب
ود الاستاذ كيف حالك انشاء الله تلجكم اكون ساح ولا نرسل ليكم نفحه من نفحاتنا تسيحكم ا نتو زاتكم والله يا ود الاستاذ قبل كم يوم عندي قلم تروبين عزيز علي نسيتو فوق الطبلون ساعه واحده بس في الحر رجعت لقيتو عينك ما تشوف الا النور ربنا الطف وكمان رمضان قرب
ود راشد فينك يا راجل سالت ود كرار عن اسكايبك كذا مره ما وراني ليه بحثت عنو طلع لى مليون ود راشد ما عرفته منو فيهم ود راشدنا
ود عكود كيفك انشاء الله تكون مبسوط
سامتا وينك يا زلمي والله مشتاقين كثير كل ما الاقي اسمك صورة العصافره وحي هارلم امشو واجو في راسي والله انا مبسوط سمعت عنك وانشاء الله نلتقي في البلد لحدي هناك خليك في قهوة ود راشد
اهل المنتدى
لكم مني كل الود والاحترام

مهدي شلكاوي

كدى ادينا من نفحاتك،،نفحة تبل الشوق وتجيب فرق غيابك الطويل
و لامن نرجع بى مهل ان شاء الله
حبابك1000

تحياتي
شنو الحكايه يا ود راشد انت القهوه دي بقيت تخت فيها شنو الجماعه ديل كلهم مخدرين انا غايتو داخل وبتلفت الصنه دي ماااا ياها . واحد يا ود راشد من جماعتنا زمان زمن بصات ابو رجيله ماشي على الجبل البص كان ونسه شديده زمن الناس كلها بتعرف بعض البص فجاه انقلب صاحبنا لقى نفسو جمب الباب طلع راسو لقى الدنيا صانه خلا رجع تاني جو البص..
مهدي

من طرف راشد السبت 08 مايو 2010, 14:03

صبح الخيرات ود شلكاوي ...كيفك والله مشتاقين وليك وحشة ...؟ شنو حكاية الحر دي ..؟ كيف الواحد يصن في حضور الناس الحلوة دي ...!! بس انت غايب ليك شهرين ونسيت انو يوم الخميس عطلة في السعودية يعني غيبة خميس وجمعة وانا بخلي اللاب توب بتاعي في المكتب يعني ده المحول الوحيد المامحمول ...ود شلكاوي الحر البدوب التروبر ده البقعدك فيه شنو ..؟ والله ده يمعط الرموش عديل .....
كســـــرة:
اخبار ود الطاهر شنو ..؟ عشان ده ما اظنو حر سفة.......
طبعا سامتا سجل في المنتدي وماقادر لا يدخل ولا يطلع بس اسم مسجل ساكت زي تسجيل الانتخابات ...
بالله تحياتنا للشباب ...
كسرة1:
مشكور ياود عكود ياظريف ...والله الاعاصير دي ضاربة ناس الرياض يعني بعيدة مننا ....ود عابدون طبعا لو وصلتم الامطار والاعاصير دي يبقي لقي عذر شرعي عشان يدخل حجر امسيسي....

من طرف راشد الإثنين 10 مايو 2010, 23:09

مساء الخير ايها الرائعون....نغيب وتتفنن الاقدار في حبك عذر الغياب ولكنا اينما حللنا نجرجر رهطا من الشوق وقبضة من جمر الفراق نمسك عليها بين دفتي القلب ...
.................
...........
عندها التقينا
نقاطٌ على رمال حنين
تتوسطها واحة الكلام استراحة ..
عند هذه البدايات الكلام .. فقط
أخذتنا النقاط إلى هناك
توأمان ..
أيادينا تأبى الفراق ..
أقلامنا ..
تتكئ على بعضها ..
كلٌ يبكي على كتف أخاه ..
زماناً لن يعود .
هذه عبير خيري وهذا انا من يصفق لها
.................
.........
راشد

المهدى عثمان مصطفى كتب:تحياتي
شنو الحكايه يا ود راشد انت القهوه دي بقيت تخت فيها شنو الجماعه ديل كلهم مخدرين انا غايتو داخل وبتلفت الصنه دي ماااا ياها .
مهدي

اخونا الدهب مهدى التبر حمدالله على السلامه وليك وحشه وابقى داخل سااااى الصنه ياها ومافى حاجه .
الغالى ودراشد الحكايه شنو مهدى بيسأل من البتخدو فى القهوه والجماعه المخدرييين (اللهم خضر الضرعات ), والعزيز ودكرار بقول القهوه مسكونه ؟ وانا بقول ليك اقعدو عافيه ودام التواصل
عاطف عكود

صباح الخير ودعكود ...وينك ياراجل ...والله ليك وحشة ..يبدو لي احسن الواحد يرجع للدروشة عشان نطرد الجماعة الطيبين ونحرك عصب السكون...
.......
....
والحق يقال هناك كساد عام في البوستات بسبب تفاقم المسؤليات والمشغوليات لاهل الدار
بس يظل حبل الود موصول...