شخبط شخابيط لخبط لخابيط..غايتو جنس غايتو

سلام يا الرشيد

هه هه هه هه ها

يا دوب ما ورَط نفسه ...... اذا ما حكي الحصل بالضبط كل واحد حيتم القصة من خيالو.

غايتو الباقين ما بعرفم لكن الفي خيالي انا ما بتكتِب.

مع اطيب التمنيات للجميع بعام سعيد

ذى ماقلت يااحمد كل واحد يتم الباقى خيال لكن طبعا انا ما محتاج أتخيل لانو الزول صاحبي وأنا حافظو صم .. قلت لى انت ألفى خيالك مابتكتب ؟ إذن بينا تليفون لأنو مابتكتب بس بتقال !! مش ؟ تسلموا ..

الرشيد شمس الدين

خالد عبدالحميد كتب:

خالد عبدالحميد كتب: جان والكريسماس

كان كريسماس
في عوالم يمه لعيونك جديده
النبيذ في عيوني بق
ولهلبت روحي الموسيقى والبنات يايمه عينيهن تودر
كل لوناً
كل رمشاً بي قصيده
وجان بترقص
ولما ترقص جان بتفرق
مره زي لهباً مجنح
ومره زي أهل الطريقة
الطبول جواي دقت
*
*
**

والريزم لامن يهوم بالبنية
الغايبه زي أهل الطريقة
ببقى زولاً شكلو تاني
وحرفو تاني
ورسمو تاني
روحو ريشتو
والجمال في الدنيا عيشتو

من ابداعات هاشم صديق منقول من الموقع الرسمى للشاعر
شخبطات /25/12/2010

شخبطات، تتكرر /25/12/2011

ويدور العام خلف العام
وكل عـــــــــــــــــــــــــــــــــــــــــــــــــــــــــــــــام وانتم بخير
لامن الريزم يهوّم بالبنية،،،،،،،،،،،،،

2012

حبيبنا خالد ابو صبا ,العزيز اسامة السيمت وابراهيم خير احس بكم كثيرا وانتم فى غربة بت قبائل كما يقولون وبعد قاتل ... يجىء بعدكم فى الغربة والشجن الاحباب عبدوس واسامة معاوية ثم ناتى نحن فى الدياسبورا القاتلة واخيرا احبابنا المغتربون فى الوطن العزيز ............... لكم جميعا احبتى :-

MERRY CHRISTMAS AND VERY HAPPY NEW YEAR

كل عام وانتم جميعا بخير وصحة كاملة وسعادة تامة وجعل الله احزاننا الكبيرة فى عام 2012 اخر الاحزان وماتشوفوا شر ابدا .....

الرشيد شمس الدين

عزيزى باشمهندس ألرشيد.
Merry Christmas And Happy Holidays
شكرآ على التهنئة الرقيقة أعاد ألله عليكم هذه ألأعياد وأنتم فى أتم صحة وعافية وتحقيق ألأمانى.
لقد مر يوم ألأمس يوم عيد الميلاد هادئآ رتيبآ والحياة شبه متوقفة الأسواق مغلقة والجميع فى عطلة. لم نغادر المنزل وأكتمل فيه نصاب الآسرة منذ فترة طويلة أولآ اٍبنى أحمد الذى نادرآ ما يتواجد فى البيت نسبة لظروف عمله فهو يعمل بالأدارة فى شركة فلوكسواجن كندا يخرج الى المكتب فى الصباح ولا يعود اٍلا فى الليل(أجارك الله من العمل مع الألمان فهم حمير شغل) وبنتى الطالبة فى السنة النهائية فى جامعة يورك وهى مشغولة بدراستها تقضى معظم اليوم فى الجامعة وأنا أخرج من البيت للعمل واْم الأولاد متواجدة فى البيت.
ونجى للمهم وهى الغربة والله كندا هى البلد الوحيد الذى لا يشعر فيه الأنسان بأنه غريب.
من هو الكندى ؟
هذه الأرض تجمعت فيها كل شعوب العالم لتكون الشعب الكندى القوى الموحد والمثالى, المبدء الأساسى الذى يحكم هذه الأمة هو(قوتنا فى تنوعنا) مع احتفاظك بكل روابطك الثقافية وتساعد الحكومات المختلفة الجاليات بالدعم لتقوية الجاليات لروابطها الثقافية والأثنية.
لذلك تجد اليهودى يتعايش مع الفلسطينى, والصربى مع البوسنى, والهندى مع الباكستانى, والأسود مع الأبيض. وهنالك قوانين صارمة تحكم هذا المجتمع لاتتهاون مع أى شخص يحاول أن يدوس على طرف الأخر والشقى من يقع تحت طائلة قوانين أثارة الكراهية والأزدراء.
(سنعود الى هذه فى مداخلة اْخرى.)
أنت حر فيما تقول أو تفعل على شرط الا تتغول على حرية الأخر أو تسيئ اليه, واٍلا فهنالك قاعة رهيبة أسأل ألله الا تدخلها, بداخلها شخص عادل مهاب لا يعرف الرحمة وهو القاضى يرسل من يقف أمامه منتهكآ للقانون الى مكان كئيب يسمى السجن. فتجد ألأنسان فى كندا لن يجازف بخرق القانون والا ستكون العواقب وخيمة وأليمة فالكل سواسية أمام القانون ولقد شاهدنا على شاشة التلفزيون قبل فترة كيف قام شرطى باٍلقاء القبض على رئيس وزراء احدى الأقاليم وهو يقود سيارته وهو تحت تأثير السْكر
ورئيس وزراء آخر دخل عليه رجال الشرطة فى مكتبه ومعهم أمر تفتيش من القاضى لتفتيش مكتبه لان هنالك اتهام له باٍخفاء تقارير وصلته تمس سلامة مياه الشرب بعد أن امر حكومته بحل الهيئة الحكومية التى تشرف على رقابة المياه وتوكيلها لشركة قطاع خاص لم تراعى الأمانة فى تعاملها فى هذه المهمة وهو مانتج عنه تلوث لمياه الشرب فى احدى المدن النائية ونتج عنه اصابة السكان بتسمم وقد خرج من مكتبه ولم يعود اليه حتى يومنا هذا, أو رئيس وزراء كندا السابق الذى حامت حوله الشبهات حول تسلمه رشوة من أحد رجال الأعمال لتسهيل بعض الصفقات فتم تشكيل لجنة برلمانية برئاسة أحد القضاة وبعد مواجهته برجل ألأعمال اٍعترف بأنه تلقى مبلغ ثلاثة مليون دولار كهدية من رجل الأعمال باٍعتباره صديقآ له وليست كرشوة. ليس هنالك أحد فوق القانون.
ألغربة الحقيقية هى أن تعيش مضطهد ومهمش فى مكان يفترض أن يكون وطنك وأن يخاطبك رئيس دولتك بأنك من شذاذ الآفاق أو يخاطبك مسؤل آخر بان تلحس كوعك أو أن ترى حلمة اْذنك أوأعلى ما فى خيلك أركبه.
ليس بالخبز وحده يحيا الأنسان ولكن بالحرية والكرامة وبعزة النفس يحيا الأنسان.
وكيف ألعيش وقد اٍنعدم الخبز!!!!!!!
أننى أعيش فى وطن يحترم أدميتى ويحترم تنوعى العرقى والدينى والثقافى فبكل فخر أرتدى زيى السودانى كاملآ الجلابية والعمة والعباية والشال والمركوب والعصاة أدخل بها فى أى مكان وفى كل مناسبة وأنا مرفوع الرأس.
أننى أقطن فى مدينة تسمى أسكاربورو تقع شرق مدينة تورونتو بخمسة وعشرين كيلومتر ويزيد عدد سكانها قليلآ عن نصف المليون نسمة يوجد بها أكثر من عشرين مسجدآ ومصلى ودائمآ تكون مليئة وخاصة فى أيام الجمع حيث تؤدى صلاة الجمع مرتين ألأولى الساعة الواحدة والنصف والثانية الساعة الثانية والنصف يمارس المسلمين فيها شعائرهم الدينية بكل حرية وأحترام.
لقد انفض المؤتمر الأسلامى السنوى للشباب يوم الكريسماس والذى يتحدث فيه كبار ألأئمة المسلمين المعتدلين مثل الحبيب على الجفرى وعمرو خالد زيد بن شاكر ومتحدثين أخرين من شمال أمريكا وجنوب أفريقيا, وقد تخلف الشيخ عبدالله بن بيه الموريتانى عن الحضور نسبة لظروفه الصحية (نسأل الله له كامل الشفاء وعاجله) ود.عبدالله اٍدريس الأمام والداعية الأسلامى السودانى وهو من أوائل السودانيين الذين هاجروا الى كندا قبل أكثر من أربعين عامآ وهو وجه ناصع للسودايين فى المهجر, وقد سألت بنتى التى تواظب على حضور هذا المؤتمر عن عدد الحضور فقالت انه بلغ الخمسة وعشرين ألف شاب وشابة حضروا من شمال القارة ألأمريكية واْوروبا وتبدء جلساته من الساعة التاسعة صباحآ وحتى الحادية عشر ليلآ,وقد أسلم في أحد الجلسات أربع أثنين من أخواننا ألأثيوبيين أسلموا على يد الشيخ عبدألله اٍدريس وأمرأة بيضاء وشاب أسود على يد الشيخ الحبيب على الجفرى.
أيضآ دائمآ ما أجد من يطرى على ملبسى وهندامى وخاصة السيدات وذلك فى المناسبات التى اشارك فيها خاصة الجنائز وعند الكنائس ولم أقابل من نظر الى بسخرية, حتى وأخواننا الجمايكة ببناطيلهم الناصلة وجاكيتاتهم المقلوبة لا أحد يسخر منهم, وأغرب زى رأيته فى حياتى لشخص كان يرتدى ملابس صنعت من السعف متنقلآ بالمواصلات العامة فى مركبة شبه فارغة الكل جلوس ما عداه الواقف الوحيد, لأنه لو جلس سوف تتكسر ملابسه و لا أحد يستغرب من زى هذا الشخص العجيب أو يتندر عليه فهو حر فيما يرتدى والكل فخور بزيه ولله فى أزياء خلقه شؤون.
أعلم أن هنالك أخوة لنا فى الديسابورا يعانون من التفرقة وخاصة فى اْوروبا وما جبرهم على تذوق المر
اٍلا الأمر منه ولكل ثمنه.
ودمتم.
وكل عيد ميلاد وأنت سعيد.

اٍبراهيم خير
ألأربعاء 26/12/2012
شرق كندا.

كل عام وانتم احبابنا فى الوطن وفى دياسبورا الغربة الممتدة بكل ارجاء المنافى فى اطيب حال , صحة وعافية وسعادة كافية وجعل الله عام 2013 ابرك من كل سابق الاعوام وان يجعل احزاننا الكبيرة فى عام 2012 هى اخر احزاننا ... امين يارب العالمين .
بالمناسبة ياعبدوس اتصلت عليك مباركا بمناسبة العام الجديد ولكن لايمكن الوصول اليك ... اين قضيت ليلة راس السنة ؟؟؟ اخشى ان تكون اعدت رحلة الكاريبى ثانية ...

تجدنى مع حبيبنا احمد محمد احمد نعيد التساؤل , بمناسبة جديد الفاتح جبرا .... :-

كسرة ثابتة (نيو لوك بمناسبة السنة الجديدة وكده) :
أخبار ملف رحلة الكاريبى ( السابقة ) شنو(وووو وووو وووو)+(وو) ؟

الرشيد شمس الدين

سلام يااحباب ....
ها انا اجيء علي استحياء متواريا خلف قامة كبيرنا ود الزين ....وقلت احسن ابدا من البيت الكبير
لكم والله وحشة بقدر اصالتكم ...
الوحشة من موصولة من اهل الزمن الجميل حتى القادمون في رحم الغيب

كسرة:
قلت لي ياود شلكاوي حلاوة المولد شنو.....؟؟؟؟

راشد

راشد كتب:سلام يااحباب ....
ها انا اجيء علي استحياء متواريا خلف قامة كبيرنا ود الزين ....وقلت احسن ابدا من البيت الكبير
لكم والله وحشة بقدر اصالتكم ...
الوحشة من موصولة من اهل الزمن الجميل حتى القادمون في رحم الغيب

كسرة:
قلت لي ياود شلكاوي حلاوة المولد شنو.....؟؟؟؟

راشد

يأخى الف الف الف حمد الله على السلامه والمنتدى نور

البيت الكبير بيتك والبيت الصغير بيتك والبيت الما اتبني (ده حقي انا) برضو بيتك وقلوبنا بيتك بس انت اختار وين داير تسكن . ونفرش ليك رموشنا (الاصطناعية) سجاد
عشان الاصلية اتحتت ....حتاها الزمن وطول الانتظار
والمنتدي نور

والله لو عارفين حلاوة الموليد سره باتع كده, كان وصينا ليك من بدرى ل2 كيلو من سيد مكى....
طبعا لناس الخرطوم ال سيد مكى ده اشهر من عمل حلاوة مولد فى ام درمان...

الف حمدا لله علي السلامة ود راشد و سعيدين و الله بعودتك.

ياسلام على أناقة الطلّة بعد طول الغيبة حبيبنا ود راشد .. المنتدى بالجد نوّر بعودتك البهية .... إن كان أحدنا بقصد أو بدونه قد تسبب فى هذا الإبتعاد القسرى فإننى بالنيابة عنه أو عننا ـأتقدم لك بالإعتذار ولك العتبى حتى ترضى ...
أمل أن تكون عودتك إعزازا لطلباتنا المتوالية ونزولا عند رغبة الكل هنا وليس لها علاقة بحلاوة مولد مهدى شلكاوى كما أشار حبيبنا ود كرار ...
لك حقا وحشة لاتوصف وسعدنا كثيرا والله بعودتك وعقبال عودة الحبيب أسامة معاوية .. يلّا همتك معانا ياحبيبنا عاطف القوز ..

الرشيد شمس الدين

سلامات وكل عام الجميع بخير اشتقت للمنتدي واهله وما منعنامن التواصل عارضا وزال والحمد لله

عبدالرحمن محجوب يوسف كتب:سلامات وكل عام الجميع بخير اشتقت للمنتدي واهله وما منعنامن التواصل عارضا وزال والحمد لله

ونحن اسعد يا عبرحمن، يا فنان علها تكون اخر العوارض
مراحب كمان

عبدالرحمن محجوب يوسف كتب:
سلامات وكل عام الجميع بخير اشتقت للمنتدي واهله وما منعنامن التواصل عارضا وزال والحمد لله

الله يكفيك ويكفى الجميع شر العوارض وألف حمد الله على سلامه عودتك وطلتك أخونا عبدالرحمن

احمد محمد احمد كتب:



و يا الرشيد الحمد لله سمعت اليوم صوت حبيبنا عبدوس الشهير بعبدالرحمن الزين لمدة ثانيتين ثم انقطع الخط و لم تفلح المحاولات اللاحقة في الاتصال.

يبدو لي الكابيتانو في غياهب افريقيا ..... ربنا يرجعوا بالسلامة.

والله طمنتنا، افريقيا يعنى ! انا الليلة جاى قلت نقوم نفتش الكابيتنو ده لانو الغيبة طالت خالص
خارج النص
ام الحسين راحت شمار فى مرقة؟ عرفنا ده
ابوالحسين اخبارو شنووووو
شخابيط2
استنشق ابخرة قرفة، ويوجد كركدى
ودام التواصل

والله عن جد والواحد مشتاق للعزيز ود الزين...إن كانت الغيبة ورا لقمة العيش فهي غيبة ندعو الله ان يحفظه اينما حلا ...وإن كانت بقايا عتاب علي اهل الدار فهو اباها الروحي وفتيلتها المتقدة..
فله الود
راشد

سلام خالد

الكابيتان صوتو كأنٌو بتكلم من جوة بير لكن المهم انٌو كويس ودة المهم.

عاملين كيف مع البرد؟ ... عندنا هنا درجة الحرارة اصبحت فوق الاربعين درجة و نحن لسة يادوب فى يناير.

سلام ود راشد و ما تنسانا من صالح الدعوات فى المدينة.

احمد محمد احمد كتب:
سلام خالد

الكابيتان صوتو كأنٌو بتكلم من جوة بير لكن المهم انٌو كويس ودة المهم.

عاملين كيف مع البرد؟ ... عندنا هنا درجة الحرارة اصبحت فوق الاربعين درجة و نحن لسة يادوب فى يناير.

سلام ود راشد و ما تنسانا من صالح الدعوات فى المدينة.

بيــــــــــــــــــــــــــــــــــــر؟؟؟
والله الكابيتانو ده ما يكون مرقا فى مالى؟؟ الاول مرّة تدخل التاريخ بعد 5الف سنة،، ودخول من اسوأ ابواب التاريخ
اما عن البرد ابوحميد، فنظرية النسبية تمام، ارتفعنا فوق الصفر بعد اسبوع فى الناقص، و ابتهج الناس وكأن الربيع هنا سبحان الله
----
راشد يا فريد شوقى كابتن احمد ده لما تدى دعوات من المدينة ما تنسانا
كسرة فريد شوقى تخص المنتدى الخاص-تلك كانت ايام

وقال كده دخل توش من غير احم ولا دستور.....
حدي بيستاذن لمن يدخل بيتو ومطرحو...
عدت بعد غيبة اربعه اسابيع..وجدت المنتدي مولع نار....
ما عارف ابدا من وين... ود راشد سيد الدبنة مرة واحدة...والله نورت وشرفت واسعدت وسعدنا بطلتك..ارجوك لا تحرمنا..
يا الهي.... كلارا بت العزيزة اكرام.. والخالد ابدا عبد العزيز..تعجز الكلمات ولكن لي عودة ..وساتشرف ان اسرد لك كم كان الخالد عظيما..


بعدين شنو العيادة البيطرية دي .. ..شي اعشاب شي كركدي شي قرفة..
اما انكم طلعتو عجائز بشكل...احرجتونا مع جماهير المنتدي الشابه ..غايتو بس ركزوا علي علاج الزهايمر عشان خاطر رشدي....
شكرا خلدي لميت في الباص ورد ..ما قلنا زهايمر وكده..
هذا البوست لارحب بي ود راشد وكلارا اماالباقين راجع ليكم ولتعليقاتكم نفر نفر..وانت ..انت انت انا جاييك راجع وانتي ديك العامله بتتطعن باللفة..قالت ايه خط هيثرو..وداك القال الكسرة انضف شي..وقالو يمسحو الصاج بالبلاستيك برضو قال انضف شي..
اما طلعتوا شوية كراتيب..المهم متابع وساتابع...
عبدوس المشتهيكم كلكم

عبدوس الحبيب لك والله وحشة لاتوصف .. كيفك وكيف أخبارك أرجوك لاتنقطع هكذا فنحن حقا نقلق عليك... وقال إيه :-
قال كده دخل توش من غير احم ولا دستور.....
حدي بيستاذن لمن يدخل بيتو ومطرحو...
لا دى مابنقدر نعدّيها ليك ساكت , لازم تورّينا وبالتفاصيل المملّة وين كنت طيلة شهر وماقادر حتى تدخل المنتدى ؟؟؟؟
وتانى قال إيه ؟؟
اماالباقين راجع ليكم ولتعليقاتكم نفر نفر..وانت ..انت انت انا جاييك راجع وانتي ديك العامله بتتطعن باللفة..قالت ايه خط هيثرو .
إنت , إنت , إنت أوكى مافى مشكلة , بس إنتى ديك ... أرجوك خف عليها ....
تسلم عبدوس الحبيب سعدنا بعودتك وأتمنى تكون قدرت تلم فى عبورى !

الرشيد شمس الدين

عبد الرحمن الزين2 كتب:
وقال كده دخل توش من غير احم ولا دستور.....
حدي بيستاذن لمن يدخل بيتو ومطرحو...
..المهم متابع وساتابع...
عبدوس المشتهيكم كلكم

وتوووش الف حمد الله على السلامه والمنتدى نور وليك وحشه، فقدناك فى عطارة التيمان (احمد ورشدى )ومحاولتهم لإصلاح ما أفسده الدهر ، وفى انتظار الكثير منك بعد الغيبه الطويلة دى.

الف حمد لله على السلامه يا كابيتان وليك وحشه شديدة.

اخبار الجيت منهم في مالى ِشنو؟

الاعزاء جميعا...رشدي...وحاتك مشتاق ليك..منتصف فبراير ناوي.....عن طريق دبي..
راشد العزيز..نحن جميعا نلتمس ان نختبئ خلف رصيف قهوتك العامرة و التي تزينها مداخلاتك الرائعة وكلماتك الطيبه..
ود كرار العزيز..تاني جبت سيرة البحر..اول مرة اسمع بي سيد مكي..قبل .. سنه..كنت في الخرطوم..قال (..)لي قابلني الساعة سبعة في سيد مكي شارع المشتل اصلو حاشتري حلاوة مولد لارسلها لدبي...قالت ليهووو-ها- ....سيد مكي ده منو؟؟؟؟؟
ده انت باين عليك اقليمي..حد ما بعرف سيد مكي......
تقول لي حلاوة وسمك مهدي شلكاوي...

عم احمد..كيفك..شكرا علي السؤال والاتصال...
بس ما حاقول ليك كنت وين ..لاتو بقي منك انت ورشدي خوف وشايف العزيزة الاء بترمي شوية حطب كمان...بس من بعيد..
اذا امد الله في الاجال عندكم دعوة مفتوحة لزيارة الكاريبي (علي سبيل الرشوة وكده)..

خلدي..حد جاب سيرتك ..وانا.................. مالي.....
ود عكود..عبد الرحمن..الجمل..مهدي..مش شايفين مما جيت اختفي ود فراج..يا ربي اذا دخلت الشياطيين هربت الملايكة...
لي عودة باذن الله..وين عصملي....اتذكرته لانه الاثنين مسافر تشاد بس من غير لاب توب لاني راجع بعد يومين...
معزتي ومحبتي
عبدوس

عبدوس العزيز المنتدى نوّر والله مرحبا بعودتك من .. .. لكن :-
أحمد محمد أحمد قال :-
الف حمد لله على السلامه يا كابيتان وليك وحشه شديدة.

اخبار الجيت منهم في مالى ِشنو؟

فى مالى ؟؟؟ لا باللاهى صدقناك خلاص !!! وأنا مالى !!! ومالو !!

لعلمك عبدوس الذى أعرفه كجوع بطنى له حاسة شم لاتوصف ... إنّه يشتم الخطر من على بعد مليون سنة ضوئية ولايمكن أن يسافر إلى مكان ستقوم فيه حرب بعد عشر سنوات !!!!!!!
قال مالى قال ....
وياحبيبنا خالد ود الإستاذ يعنى كمان بقت فيها أسرار ؟ ... راجع ليك بتيلفون إن شاء الله أنا وعاطف القوز ..
عبدوس العزيز مرحب ياخى ونحن كلنا شوق كما كلارا لسماع حكاوى الخالد عبد العزيز من طقطق لى شنو كدا ماعارف ؟؟

الرشيد شمس الدين