شخبط شخابيط لخبط لخابيط..غايتو جنس غايتو

عبدوس الاكبر
مُطالب سعادتك بمداخلات شهر كامل، قضاء عن الغياب
وينظر فى امر الكفارة فيما بعد
ومرحبا مجددا

وافر الشكر حبيبنا خالد ودالاستاذ وانت تتفقدنا فى كل غياب ولكن الوجع الأليم تمكن من الجسد العليل بالضربات المتتالية دون هوادة .. المارشال العزيز ثم أسامة أبو اليتامى فتكسرت النصال على النصال ... ً نعيش في عدة حزن الأرامل فكيف الهروب وهل من مخرج ؟؟؟ فلنحاول ...
عبدوس العزيز يشتكى مرارة الغربة على صدر مامى. كرست الحلوة. !!!! درك وكرست يصغرانه عمرا ولكنه وكعادته يتنازل أن تكون كرست له أما فيشتكي مرارة الغربة على صدرها - الحلوة- : يالبراءة حبيبنا abdel. وهو يقبل إضافة سرير الطفل فى الغرفة ذاتها ... ولان الساقين طويلين على سرير الطفل فانا اجزم انه لم ينم تلك الليلة ولم يترك مامى تنام أيضاً ..... وبالمناسبة يا عبدوس درك أبوك يستأهل اللى جرالو ، مش كان يدفع الفاتورة من سكات ؟؟؟
بعد أن قرات ما كتبته حاولت أن اضحك. ولكن محاولتي. فشلت فبكيت على احبابنا الراحلين وتدثرت ثانية بثوب حزنى الصديق ولكنها محاولة على أي حال ..

الرشيد شمس الدين

سلامات كبير الكباتن - الرشيد - ابراهيم و خالد

دخول للتحية و السلام و في انتظار تفاصيل زيارة الكاريبي من الكابيتان.

مع اطيب التحايا للجميع.

و السلام ليك برضو يا ود كرار و كل الاخوان بنواحي المملكة خاصة الاخ راشد الذي طال غيابه. رجاء طمنّا عليه.

الاعزاء...خلدي..حمادة..ورشدي...الترتيب حسب السن.. غايتو كابتن احمد في النص واما الاتنين... افتن احبابي بانفسهم.....العزيز ابراهيم اطلع منها..
والله ضحكت يا رشدي..وبمناسبة الكرعين الطوال...احكي لكم حقيقة عشتها...
يا حليل زمن الكديتية...
التحقت بالباخرة الجزيرة ك كديت..تقرر ان اسكن في غرفة الكاديتية مع عمنا عثمان بدوي وكان سفرجي ثاني...
اكيد لم يرحب بوجودي وطلب مني ان انام في السرير العلوي ومن ضمن ما طلب مني من شروط الا احضر الي الغرفة ما بين الساعة سبعة وتمانية..لم احتج الي كثير ذكاء لاعرف لماذا..التزمت بالشرط..ولكنه تمادي وكرهني في الغرفة..نهايتو- زي ما كان بقولو اهلنا الدناقلة في ذلك الوقت عندما يحكون لك قصة .. تنوم وتصحي وتلقاه لسه بحكي...نهايتو..قال لي لو ما عاجبك اشتكي للشيف خليهو يشوف ليك مخرج...
ذهبت للشيف اوفسر وكان كابتن ميلو ميلتش..لم اجد مخرجا مناسبا لاشتكي.... من معاملة عثمان بدوي لي واضطهاده لي...
قلت له ان السرير العلوي قصير وانا كما تري طويل..ثم ان الوردية عندما توقظني في الثالثة والنصف صباحا يتضايق عم عثمان كثيرا ويفجر غضبه تجاهي..

ميلو ..شعر ان القضية اكبر من ان يبت فيها لوحدة وقرر رفع الامر للقبطان دراقو بالتش ...- قبطان الهالكه اركويت والذي سودنته في عام 88 مديرا للعمليات بمكتب هامبورج- ..عمنا دراقو زار الغرفة وعاين الوضع..ثم نظر ثم بسر ثم ادبر.. ثم فكر ....و قرر استدعاء النجار محمد صديق...وطلب منه ان ينشر اخر السرير العلوي ويجعل منه منصة حتي استطيع ان امدد رجلي...

وقبل ان يقوم النجار بعمله قلت له يا قبطان..مهلك.. انا لن اسكن في هذه الغرفة الي الابد..وغدا قد ياتي كاديت اقصر مني..هل ستعيدو القطعة الي مكانها...
يا هداك الله اترك لي سريري كما هو ساتكرفس ..وامشي حالي...

ولكني اخشي ان يقال- يوما ما- قطعت مؤخرة هذا السرير حتي يمد الكاديت عبد الرحمن الزين ارجله...
وتصبح حكاية تداولها الاجيال..

.بعدها بشهرين..التحق بنا الزميل عز الدين حمزه كمهندس تحت التدريب ولم يجدوا حلا سوي ان يعطونا احد غرف الركاب ..علما بان هذه الغرف السته كانت خاوية علي عروشها.. اعطونا غرفة مزدوجة بسريرين....بشروط قاسية...ناكل تحت..نتاكد من نظافة احذيتنا... الخ الخ...
معذرة انا استعيد بعضا من الذكريات..المحزنة والجميلة...في نفس الوقت...ولكني سعيد بها...اتذكرها..اضحك احيانا..وتخونني دمعة..احيانا اخري..
معذرة..
قد يكون بعضا من الاسماء التي اورتنها ممن تولاهم الله برحمته..اللهم اغفر لنا جميعا...
اما قصتي مع كرست ودرك يا رشدي وحمادة.......اتمني ان اعود لسردها...
عبدوس

خلدي العزيز....
ليك علي اعوض فترة غيابي..ولكنها كانت لاسباب جد جد خارجه عن ارادتي....

في هذه الايام العصيبة التي يمر بها الوطن..لا عذر...اقل ما يمكن ان نفعله ان نتابع ونعلق وذلك اضعف الايمان....
شعرت بان المنتدي قد جذب بعضا من الرواد.. مما يعني ان اصبح لنا صدي.....انا شخصيا لا احبذ ان احكر اي فكر...
رغم انني لا احب الساسه ولا السياسة.. .ولا اود ان يخوض منتدانا هذا في اروقتها...
ولكن ...........
تذكرو كلماتي.... ولا ازيد...
علي فكرة انا لا احب ايضا قص والذق.. copy and paste ولكن اعجبتني كلمات شاعر تونسي احب ان اهديها حتي لا يظن من يظن اننا غافلون....
أحمد عمر زعبار - شاعر تونسي
طلع الجلفُ علينا
طلع الجلفُ علينا .. من ثنيات الرعاع
نشروا الجهل فينا .. ولبسوا الدِّين قناعْ
فرضوا القهر علينا .. ورأوا الأنثى متاعْ
ورأوا النصر المبينا .. فى نكاحٍ وجماعْ
أيها المملوءُ طينا .. إنما العقل شعاع
جئت خرّبت المدينة .. جئت بالهمج الرعاع
أيها المدسوس فينا .. ياصاحب القول الخداعْ
سكنوا الكهف سنينا .. مرضى فقدوا الشراعْ
وأباحوا القتل فينا .. كوحوشٍ فى المراعْ
ليسوا أتباعَ نبينا .. إنهم محضُ رعـاع
معزتي واحترامي...طلع الجلف علينا...

اليوم احبتي....
ليلة اسامة...محمد مكي...
وهل اسمح لنفسي ان يمر اليوم دون ان ادلي بدلوي...
لو كا ن حيا- يرحمه الله- لقال لكم جميعا...ابعدوا...دعوا القبطان عبد الرحمن الزين... يتحدث اولا.... اقولها بكل ثقة....
حاشا الله لا فضل ادعيه لكنها كانت محبة خالصة لوجه الله..اعرف كم مره زجرته وعاتبته..بل قسوت عليه وانا اكاد ابكي...ولكن كان هدفي ان اجعل منه قبطانا ملء السمع والبصر وقد كان ولم يخذلني ابدا....
..ذات ليلية لا تنسي نعبر القنال الانجليزي...كان هو الوردية.. ضابطا تالتا. من نافذةغرفتي شعرت اننا لا نسير في الاتجاه الصحيح..صعدت الي برج المراقبة..عدلت خط السير......
خرجت الي الجناح..لحق بي..قال لي معليش يا قبطان...لكن لماذا لم تنفعل..قلت له ..اسامه... هل تريد ان انفعل امام البحري الوردية وبكرة كل الميز يشيلو حالك..
عندما قابلته قبطانا..قال لي يرحمه الله ذلك اول درس تعلمته منك .. قبطان عبد الرحمن..
اهداني بطيخة...لم اتعجب كان مكتوبا علها اية الكرسي لا زلت احتفظ بها واتمني ان ان تحتفظ بها اسرتي بعد مماتي...
انا هنا لا اذكي نفسي ولكن اود ان اقول ان اسامه يرحمه الله تعلم وعلم....

الباخرة دارفور ... اسامه مكي قبطانا...

استقلت من الخطوط البحرية عام 97 ..ولما تدهور الحال استدعاني العزيز دكتور نواري ..لبيت النداء...وطلبت ان يعطوني مجالا حتي ارتب اموري...
عدت.. كان العزيز نوراني مديرا لمكتب اوروبا ومعه صلاح قلق...
قالو دارفور..وصلت فرنسا وليس لديهم ما ياكلونه...
لم ناخد الامر بجدية...فكل القباطنه احيانا يبالغون في طلباتهم...
طلب الاخ هاشم خضر ان يتحدث معي...انا بالذات....قال لي كلاما ابكاني.....
هل تصدقوا سادتي ان اسامة كان ينزل الي العنبر ويحمل الفتريته ---كانت شحنة الي اووبا... الي المطبخ....
ويقول للطباخ......
اعمل ليهم بليلة...فمن اضطر غير باغ فلا اثم عليه..........
ذلك هو اسامة اكل طاقمه البليلة واكلها معهم.....كان يعلم ان لا مقدرة لدينا لامداده بالاكل حتي نستلم النولون....
..هل منكم جميعا من اكل البليله..بليلة فتريته.... علي ظهر الباخرة...........تقول لي قمبري...وسمك... اسامة اكل طاقمه البليلة ...ودونكم هاشم خضر شاهد علي العصر...
اللهم ارحم اسامة
عبد الرحمن الزين

أخى العزيز :كابيتان عبدالرحمن ألزين.
شكرآ على تعقيبك الرقيق عن ألأعصار ساندى وقد استوقفتنى عبارة (عمك عبدالرحمن الزين) زادك الله فى طول العمر وما تعجز نفسك واكتفى بعبارة أخوكم عبد الرحمن الزين لإنك أنت أخونا الكبير دائمآ.
الحقيقة لم يتبقى لدى أى عم حى والعبد لله أصبحت جد منذ فترة ليست بالقصيرة، بألأمس السبت شددنا الرحال الى مدينة هاميلتون لحضور عقد قران كريمة أخونا العميد الفاتح الشيخ وهنالك التقيت بابن أخى صلاح خير وأسرته وقد أسرع أبنائه محمد وعمرو للترحيب بجدو العزيز وعينك ماتشوف الا النور وفى لحظات كانت العمة والنظارة والمفاتيح والمحمول كل واحدة فى أرجاء القاعة والحمد لله كانت العباية و العصاية فى الدولاب عند مدخل القاعة والا كنت أبحث عنهم حتى ألأن. (وتقول لى عمك عبدالرحمن الزين)
عندى اصدقاء لا يريدون أن يعترفوا بأنهم قد هرموا ودائمآ شعورهم سوداء وعندما أسأل أحدهم د. نجيب أنت يانجيب لسه بتصبغ؟ فان رده جاهز( طبعآ) وكذلك فراج الذى هو زبون دائم لبوهيات المهندس السوداء خاصة، ولازم ادور حواليهم ودائمآ هنالك أماكن لم تصلها الصبغة والزلاقون ظاهر أحمر ومحتاجة الى(سبوت بينت). ربنا يكفينا شر( طرطشة الكُبُر.)
أما بخصوص البنت المفعوصة فقد انتهت حكايتها بتصفية تلك الشركة التى كنت أتعامل معها وانتقلت الملكية الى شركة اخرى وبحمد الله وقبل أن تتبلى على البنت المفعوصة بأننى أبوها فى الرضاعة ونبقى فى( دى. أن. أيه. تست) وبلاوى احنا فى غنى عنها
ودامت أواصر المودة والتواصل قوية بيننا.
أخوكم .
ابراهيم خير
ألأحد 16ديسمبر 2012
شرق كندا.

بما أن عزيزنا إبراهيم خير قد اصبح جداً منذ فترة ليست بالقصيرة وبما أن عبدوس الأكبر قد اعترف انه عم لأخينا إبراهيم فإننى هنا أرشح حبيبنا ( حبوبة) للمنتدى وبامتياز ، بديلا عن كبير المنتدى . مارايكم دام فضلكم ؟

الرشيد شمس الدين

عندى اصدقاء لا يريدون أن يعترفوا بأنهم قد هرموا ودائمآ شعورهم سوداء وعندما أسأل أحدهم د. نجيب أنت يانجيب لسه بتصبغ؟ فان رده جاهز( طبعآ) وكذلك فراج الذى هو زبون دائم لبوهيات المهندس السوداء خاصة، ولازم ادور حواليهم ودائمآ هنالك أماكن لم تصلها الصبغة والزلاقون ظاهر أحمر ومحتاجة الى(سبوت بينت). ربنا يكفينا شر( طرطشة الكُبُر.......
العزيز ابراهيم....

مش الكويسه اصحابك ديل عندهم حاجه يصبغوها.....يا اخي ديل مفروض بحمدو الله ليل نهار..في جماعه حتي حواجبينهم اتحت..ولسه بكابسوا معانا نحنا اولاد امبارح...
لا مادام بقيت جد قبلك وقبالك فتش ناس دفعتك يا عم ابراهيم...

خلدي رشدي حمادة تحياتي ساعود.....
عبدوس

رشدي وعدتك ان اعود....انا حبوبة يا رشدي...
جنان اول حفيداتي-يحفظها الله تقترب من الثامنة- من محمد وسلمي تناديني... عبودي ..وبتقول لامها عبدوي شكلو اصغر من ابوي....عيال اخر زمن لكن كلو بي تمنو...
ما اسعدني ان محمد فراج لم يلتق ب اسامة...وكتب عنه ما نعجز نحن ان نفعله..
حمادة..اسعدني انك اوردت اسماءا كم كنت اتمني ان التقي بهم..بنقلاديش.....
ما اعظم هذا الانسان...لن انساه ابدا... كم كان يناكف اوي ...والمرحوم ابو بكر سيد احمد ...
المرحوم ابو بكر كان يصر ان ياكل بنقلاديش القمح المسمم الذي نعده للفيران في العنابر بحجة انه دواء ناجع للنزلة وابو بكر بوصفه ضابطا ثانيا مسئؤل من سلامة الكرو......
احبابي تلك لحظات خلت في تاريخنا..ضحكنا واستمتعنا بها حتي الثمالة...اتمني ان يكتبها اوي..الشهير بمحمد عثمان الميرغني..ترت ترت...
كم كنت اتمني ان يكون الحاج عثمان وموسي يعقوب...من بين الحضور...في حفل التابئن.
.تخريمه...
...من قواعد هذا البوست انه لا يصح لك ان تراجع ما تكتب..ارقدوا عافية
خلدي ..دمت لي.. ليحفظك الله واسرتك..شكري لك ولود كرار استطعت الدخول لاكرهكم...وانتو عارفين متين ممكن تتخارجو مني..
عبدوس

الشكر لك حبيبنا عبدوس وانت تقبل لقب ( حبوبة المنتدى ) باريحية معهودة فيك دوما ......... وللدليل ايرادك لقصة جنان ابنة صديقنا محمد عبدالرحمن ..... وللتذكير كما يقول المبدع الفاتح جبرا فى ساخر سبيل :-
اخبار خط هيثرو شنووووووووووا ؟؟؟؟؟؟؟
فاننى اتساءل مع حبيبنا احمد محمد احمد :-
اخبار رحلة الكاريبى مع كرس ودرك شنووووووووووووووووووووووووووووووووووووووووووو ؟
نحن فى انتظار الاجابة وماتعمل نفسك ضائع يارائع ...
لك معزتى التى تعرف .....

الرشيد شمس الدين

وكيف يكون العيش دون البوهية السوداء ... ؟؟

نسعد بقول الآخرين لنا أننا مازلنا صغاراً .. وقد سأل خليل الله إبراهيم عليه السلام ملك الموت قائلاً (هلا جعلت لك نذيرا فيستعد لك الناس ..)) ورد ملك الموت عليه قائلاً (نعم لي نذير وهو شيب الرأس)) ..

وهنالك أمنية تقبع في أعماق النفس علي الدوام , وهي الرجوع إلي الصبا بغرض التصويب ...... لكن هيهات هيهات... مافي طريقة

سلامي وتقديري وإحترامي لك عمنا العزيز كابتن عبدالرحمن والأخوة الشرفاء المتداخلون ..

العزيز رشدي البرتكانة..والاخوة المتداخلون جميعا....
حبي..تحياتي..احترامي الذي لا تحده حدود...
يا رشدي لمن الاستاذ جبرة يلقي جواب...انا حاوريك الحصل شنو في الكاريبي...
يا اخي ما تكتر ذنونبا نقوم نعيد ليك ذكريات حدثت قبل اكثر من عشرين عاما...يقوموا يكتبوها لينا ذنب...
خاصة الايام دي... اخر العمر... بقينا نلقط في الحسنات باي طريقة... اخيرا اكتشفت انو ممكن تلقط حسنات عندما تهم ب سئية وتعجز عن فعلها- فتكتب لك حسنه.-.. اما لأن الله لم يرد او أنو الشيطان عمل فيها تقيل واداغل عليك او ..... لحاجات تانية حامياني... حرمتك؟؟؟؟؟؟ المهم في الاخر قالو بكتبوا ليك حسنه واحدة...

خليني احكي واحدة من الحسنات التي لقطتها...
الدنيا كرسمس...قبل عام..كنت انوي ان اسافر في رحلة عمل لاحد الدول...قالت لي المفعوصة..لو بترجع قبل راس السنه ساسافر معك لاني وعدت الجماعة اني ازورهم....

انا لاقي.. واخيرا سانفرد بالمنقة لثلاث ليال واربعة ايام حسوما... قلت لها ساحدد الموعد وافيدك...خلي جواز سفرك جاهز عشان التاشيرة وكده....

قبل موعد السفر باسبوع هاتفتها..قلت ساحضر الاثنين لاخذ الجواز لاني كده كده مسافر الي بروكسل..
هاتفتني صباح الاتنين قالت..لا احد في المكتب اليوم ولكني تركت لك- الجوازات -علي الطاولة..انت طبعا عارف المفتاح وين...
الجوازات... الجوازات!!!الله..مفروض تقول الجواز.... الدخل ...ات دي شنو..قلت اكيد غلطة منها..

المهم ذهبت وفي المكان المحدد..وجدت الجوازات... برضو ات... قلته اكيد ده المكان اللي بختوا فيه جوازات الاسرة...
اخرجت جوازها من بين الجوازات..وكان عددها اربعة.....ومن بين الجوازات والصور... سقطت ورقة...
تقول فيها..

معذرة..يا عزيزيي..عندما طرحت فكرة سفري علي امي وابي..قالا ما دام سفرية تلات ايام هم برضو عاوزين يرافقونا...وانا طبعا كنت مفكرة اخلي بتي معاهم...
وبما انو المدارس مؤجزة انا قلته برضو اخد ابنتي معي....!!!!!!!!!!!!!!!!!!!!!!!!!

ويا عزيزي رشدي اتضح انو القطر ما فيهو كمساري وبس ده فيهو كمساري ومفتش وكمان كمساري تحت التدريب!!!!!!!!!!
البركة في الحسنة التي كتبت لنا...
اللهم اكتب لنا في الدنيا حسنة وفي الاخرة حسنة وقنا عذاب النار..
عبدوس

الرشيد شمس الدين عبدالله كتب:
فإننى هنا أرشح حبيبنا ( حبوبة) للمنتدى وبامتياز ،

اوافق، بشرط بسيط، ممكن حذف التاء المربوطة؟؟ ويكون مكسب من كل النواحى

محمد احمد علي فراج كتب:

وهنالك أمنية تقبع في أعماق النفس علي الدوام , وهي الرجوع إلي الصبا بغرض التصويب ......

حكيمنا، هو ده السبب ! اذن
وتحايا الاف

[quote="
الباخرة دارفور ... اسامه مكي قبطانا...

استقلت من الخطوط البحرية عام 97 ..ولما تدهور الحال استدعاني العزيز دكتور نواري ..لبيت النداء...وطلبت ان يعطوني مجالا حتي ارتب اموري...
عدت.. كان العزيز نوراني مديرا لمكتب اوروبا ومعه صلاح قلق...
قالو دارفور..وصلت فرنسا وليس لديهم ما ياكلونه...
لم ناخد الامر بجدية...فكل القباطنه احيانا يبالغون في طلباتهم...
طلب الاخ هاشم خضر ان يتحدث معي...انا بالذات....قال لي كلاما ابكاني.....
هل تصدقوا سادتي ان اسامة كان ينزل الي العنبر ويحمل الفتريته ---كانت شحنة الي اووبا... الي المطبخ....
ويقول للطباخ......
اعمل ليهم بليلة...فمن اضطر غير باغ فلا اثم عليه..........
ذلك هو اسامة اكل طاقمه البليلة واكلها معهم.....كان يعلم ان لا مقدرة لدينا لامداده بالاكل حتي نستلم النولون....
..
عبد الرحمن الزين
[/quote]

ياحليلك ياحبوبة .. الكلام دا كان تحديدا يوم 29/6/2000 وكنت انت مدير مكتب انتورب ومعاك العبد لله ومحمد على بخيت وصلاح قلق - عندما وصلت دارفور وعلى راسها المرحوم اسامة طيب الله ثراه بعد ما افرغو شحنة الفتريتة فى سانت نازير .. لو تذكر كانت الرسائل تصلنا قبل دخولهم سانت نازير وكانوا يطالبون بالتموين العاجل لنفاد مخزونهم -طبعا ناس بورسودان وعدوهم بمدهم فى سانت نازير- والوضع كان بطال زى عارف كل الوكلاء عاوزين مننا ولذلك رفض الوكيل الفرنسى - ولو تذكًر كانت الارصدة خاوية الا من 4000 فرنك كانت معاى فى الخزنة وانتظرنا الباخرة وبمجرد وصولها قلت لى الحق السوق واشترى ليهم خضار ولحمة وعيش لحدى ما نشوف ليهم مخرج ... وبالفعل مشيت السوق واشتريت ولما دخلت على الطاقم ودى لحظات ما انساها كانت هناك سحابة من الحزن والالم غطت على جميع افراد الطاقم وعلمت بعدها بان اخر وجبة اكلوها فى سانت نازير كان باقى دقيق قمح بتاع هاشم خضر عملوا منو قراصة وبعدها بدأو فى عمل البليلة من الفتريتة (ما تبقى من الشحنة) فى اطراف العنابر....... ويشهد الله وبرغم من هذه الماساة استقبلنى اسامة بابتسامة ومرح كعهده ولم يتضجر كبعض افراد الطاقم واصر ان ابيت الليلة معهم فى غرفة الاونر - وفى صباح اليوم التالى وبعدما عكست الوضع الماساوى لعبدوس اتصل بالشيبشاندر (مادسون) وكان طبعا عاوز من الشركة 5000 دولار =

اها بعد دا تم الباقى ياعمو عبدوس
والى لقاء

العزيز ابدا عصملي...
شكري وتقديري وامتناني وحبي وتقديري لمداخلتك ..يا عزيزي نبدو نحن الذين كركبنا..لا انت...
معذررة الذاكرة قد تخونني في بعضا من التفاصيل..ولكن يا صديقي كان همي كل همي ان ابرز الجوانب المضيئة للمرحوم اسامة..ولكن كان لا بد من رمية او مقدمه لامهد بها..ولكن تبقي الحقيقة ان القبطان اسامة اكل واكل طاقم باخرته بليلة الفتريته....

اشكرك..كانت هناك حقيقة غائبة عني..هل كانت الذرة مشحونة الي انتويرب..صدقني لم اعد اذكر... لهذا افتعلت ان القبطان اسامه استباح ان يستعملها ..دينيا هذا جائز.. وفي القوانين البحرية هذا جائز ايضا..ولكنك اسعدتني عندما قلت ان الدرة افرغت في فرنسا...معني هذا انه اكل طاقم باخرته واكل معهم الكناسة......
ساعود اليك بعد ان اتصفح مذكرتي واتمني ان يكون كلما قلت هو عين الحقيقة ..الحبوبة... خلاص باين عليهو خرف...شئ واحد لا انساه يا عزيزي... انني ذهبت الي الباخرة دارفور فور ان رست علي الرصيف 105 بدراجتي ... وفي الكبري قابلت stow away-هارب- كان معهم علي ظهر الباخرة....
يبدو انهم سمحوا له ان ينطلق....

استوقفني ..
في مدخل الكبري.. وسالني... يا اخينا وين القي قهوة السودانيين...قلت له من انت... قال لي ..نزلت من دارفور...هارب..
قلت له- في سري - يا هداك الله الم تجد شخصا اخر لتساله...............................وانطلقت بدراجتي...
نحو الباخرة.... لم اسالهم....
حتما ساعود..

رشدي في انتظارك..
محبتي
عبدوس

طب الحمدلله انكم جمعتوا فى البوست دا باعتبار المشاركات الفوق .. تسلم يا قبطان ويسلم صدرك الرحب والبوست الرحب للشخبطة .

العزيزة الاء... تسلمي..دائما تسعدني طلتك وتعليقاتك....
امنياتي لك بعام سعيد وعيد ميلاد مجيد...ما تحرمينا من الطلة...
عبد الرحمن

شخبطة فى شكل تغريدة
لانو هناك كسرات كتيره حايمة فى المنتدى منبثقة ( والله منبثقة) دى حلوة
منبثقة من كسرة جبرة الثابتة
جبرا مهتم ونقل للشعب السودانى كلو امر -خط- راح فى حق الله
واحد خط، فد خط، فِرِد خط / عامل كل الهيصة دى
اما كان اولى تكون الكسره
اخبار الخطـــــــــــــــــــــــــــــــــــــــــــــــــــــــوط البحرية شنوووووو؟؟

كسرة من الكسرة
بكل جدية هل ممكن الوصول لجبرا او غيرو لتبنى حملة تنبيه للرأى العام
انو القصه قصة خطوط كتيرات

حبيبنا وتاج راسنا خلدي التفاحة.....
المشكلة يا صديقي في ناس كاتلين الجدادة سرا وبخمو البيض ليلا..لكن من شدة ما حريصين ...يقولو للتعلب انت ما بتعرف تلعب.... عمك مشكلتو- انو زول واضح- لكن جد جد دي واسعه شوية------زي منبثقة بتاعتك... ما علينا..انا زول واضح واللي في قلبي بكتبو لكن خليه يحكي لينا..قصتو مع..... والا بلاش امكن القطر يكون فيهو كمساري لو ما كمساري تدريب!!!
معزتي يا حبيب والتحية ليك يا ...... جبرا
عبدوس

التحايا لك خالد العزيز وللمدهشة الاء ولعبدوس الحبييب ... عبدوس ماقلت انك واضح طيب وضح لينا مين الثعلب وقصتو مع شنو ؟؟؟؟؟؟؟
ولتأكيد انك فعلا واضح والفى قلبك على لسانك كما نعرف كلنا ارجو الرد على سؤال حبيبنا احمد وسؤالى :-

اخبار رحلة الكاريبى شنوووووووووووووو وووووووووووووووووووووووو وووووووووووووووووووووو ؟

ياعبدوس الحبيب تخلينى مع حالة الزهايمر الحايمة دى ارجع اقرا 42 صفحة عشان ابحث عن قصة الكمسارى والقطر ... دا كلام ؟؟؟؟

الرشيد شمس الدين

سلام كابيتانو - الرشيد -خالد - كركب- ألاء و باقي الاخوان

غايتو يا كابيتانو بالنسبة ليك عارف اتنين مفتشين عديل ما كماسرة ... دة غير الكماسرة. غايتو انصحك تصاحبهم عشان تتقي شرهم زي ما عملت انا مع الكماسرة بتاعنِي.

و ما زلنا في الانتظار و نردد مع رشدي .... اخبار رحلة الكاريبى شنوووووووووووووو ؟

اها جالك الفرج يا تارك الصلاة.... انا قبال ما احكي عن رحلة الكاريبي..عاوز اعرف..كابتن احمد عمل شنو مع الكماسرة بتاعنو...... ودايريين القصة من طقطق لي الحمد لله..
محيتي
عبدوس

شفت يااحمد , صاحبك ماصدق , لقى الفرصة وعمل زغبير . افتكر مافى داعى نضغط عليهو اكثر .... من جانبى خلاص ... لكم الود وليدم ابدا مابيننا ..

الرشيد شمس الدين