شخبط شخابيط لخبط لخابيط..غايتو جنس غايتو

اخونا خالد
عبدوس على ما اظن المشغوليات وان كان تصادفنا فى المنتدى كمين مرة لكن الظاهر دخول على السريع , وفى انتظاره
عاطف عكود

الاحباء جميعا نفر نفر....
الشوق اليكم لا استطيع وصفه..غبت عنكم لاسباب قاهره لكني دايما كنت معكم..
الشكر لكل من سال وتفقد وكتب..تابعت -تقريبا- كل ما كتب في فترة غيابي..
وناوي الليلة سهره صباحي مع مواضيعكم الشيقة..
احمد الله كثيرا ان المنبر يفوح بكل ما هو جميل ونضر..مواضيع كنا نحتاج ان نطرقها ولكن لم نفعل لاننا لم نجد من يتجاوب.. الان يبدو اننا علي اعتاب مرحلة جديدة وان غرس الاخوة الاعزاء خالد وعاطف ورفاقهم قدبدء يوتي اكله فلله الحمد من قبل ومن بعد..
لا اود ان اطيل لاني ساعود لادلي برايئ في المواضيع المطروحة..فقد تابعت كل ما خطه يراع ابننا محمد فراج والعزيز رشدي البرتكانه ...عاطف.. ابو النيل العظيم....خلدي..عبد القادر القلع. قبطان سيف واهل بورتسودان جميعا.... الباحث عمر خليل.حبيبنا اسامة والذي ما ان يظهر حتي يظهر رشدي...غيرة وكده..علي فكره يا رشدي الصور حاعلق عليها..لا يفوتني الا ان ارحب بقلم ابنتنا الرائعه الاء..لله درك ..كم نحن نفخر بوجودك بيننا..واصلي ..ارجوك ...انت شمعة هذا المنتدي..
علي فكره نفتقد العزيز الجمل ود كرار..الجن دابي قبطاننا احمد وعصملي وغيرهمو كثرو اما حبيبنا راشد لا نملك
الا ان نقول له الله يسامحك عد لبيتك ومطرحك...
محبتي ومعزتي
عبد الرحمن

الاعزاء جميعا....
فات علي في رسالتي السابقة ان ابرر غيابي ولكنها ظروف ومشغوليات ومرض وارهاق جاءت كلها في وقت واحد اوجزتها هذا الصباح في ردي لعظيمنا والذي يتفقدنا دايما ابدا
هذة رسالتي ..
العزيز خلدي التفاحة...
تكثرت النصال علي النصال..
ابت عدة مشغوليات وسقم اصاب البدن فسره البعض بالارهاق وعزيته انا الي الكبر .. وجري مابين هولنده والمانيا وفرنسا وانجلتري وضيوف عزاز شرفونا من السودان كل ذلك في خلال عشرة ايام حالت دوني واللقاء بكم عبر الاثير
في المنتدي الحبيب.. ادخل احيانا علي عجل لاتصفح واقول ما شاء الله..رغم ان الامر دون طموحاتنا..
ساعود قريبا ..شكرا اخي لك ولكل من تفقدني
عبدوس

سلامتك الف سلامة عمنا الكابتن عبدالرحمن .....وفي الليلة الظلماء يفتقد البدر....تقبل سلامي واحترامي

ويعود الكبير
ويلتقى فى الخرطوم فى الايام الجاية بعض الاحباب من المهاجر يلتقون
عكود
اسامة السيمت
والعزيز المشغول بترتيبات السفر امجد ود كرار
اما ظهور جنيدابى فامر محير! مرّة
وغنى مصطفى ذات مرّة وضّاحة
ويأتى (فجأة) رمضان
ومن تركيا عاد اسامة معاوية
ولازلنا فى انتظار احبابنا من بورسودان
واعلن العزيز حمدالنيل الانفصال
واتت ضمنا سيرة حبينا مهدى مخفية بين سطور العزيز القلع
وقد يأتى قريبا فاكهة المنتدى الدائمة؟؟؟ اى نعم الفاتح الاصلى
ولازال راشد فى حال غياب
هذا ما كان من امر شخابيط المساء
ولعن الله المشاغيل

العزيز محمد فراج

اشكر لك امنياتك الطيبة..نحن فعلا سعداء بوجودك بيننا ونامل ان تواصل..
قد تحول بعض الظروف بيننا والاستمتاع لكننا حتما نعود ..دايما نعود باذن الواحد الاحد.. ان كان في العمر باق..
خلدي التفاحة..
الله لا جاب يوم شكرك لكن لا نملك الا ان نشكرك وانت تتفقدنا نفر نفر..زنقة زنقة الخ الخ
شايف بركاتك والجن الدابي عاود الظهور
الي لقاء
عبدوس

اخر الحكي
وأرفع الأكفّ فى ضراعة تمزّق
أسأل عن أمنية أواه لو تحقّق
لو أننا فى الحياة
يا حياتي لا نفترق

الاخوة الاعزاء جميعا... واصبح لزاما علينا ان نقول الاخوات ونقدمهن علي الرجال في الخطاب علي اساس ,ladies first ,ولكن لتعذرنا العزيزة الاء ورفيقات دربها في هذا المنبر علما باننا معشر البحارة اناس اجلاف..فمعذرة..
الشاهد كما يقولون .. وسبب مداخلتي هذة انني لاحظت ان عدد الاعضاء قد بلغ 299 عضوا وعضوة يا تري من سيمنحنا الشرف لنرحب به او بها ...شفتوني بقيت حريف كيف .. لنكمل العدد ال 300...
اريد ان افتح موضوعا يهمنا جميعا...الخطوط البحريه السودانية ... ما لها وما عليها..كشاهد علي العصر..ولكن قطعا عندما يكتمل النصاب..
وعد مني والنصاب في مخيلتي وسافضي به الي ادارة المنتدي..
ساقول كل شئ حتي لو اصابني شخصيا واصدقائي واناس نكن لهم المودة والاحترام.. بعضا من رشاش..
الحقيقة يجب ان تقال..فلا يجب ان ينتهي العزاء بدفن الميت...
ابقو معنا..
معزة اكيدة ورمضان كريم..
رشدي ساعود قريبا للتعليق علي الصور ولدي لك مفاجاءت...صورة بمليون
محمد فراج شكري لكلماتك واصل ارجوك..
الاء ساعود لحديث الغربة والعودة في رمضان باذن الله..غدا ساسافر ..لبضعة ايام واعود وقد حل الشهر الفضيل..عسي ان نبدده بالاسفار كما قال اخا العرب

اخر الحكي

مسامحك ما عشان عينيك .. عشان تتعلم الغفران وتصفح كان زمن جار بيك
عبدوس

ولأنّ حبيبنا عبدوس سيغيب لفترة ربما فى مجاهل أفريقيا وحتى يعود لنا بالتعليق على الصور وفى إنتظار مفاجآته والتى أتوقعها صورا من بيت الكلاوى فإننى أستاذنه بهذه الشخابيط أو اللخابيط لست أدرى ...
فى عز محنتنا فى الغربة والتى نسال الله ان يحسن خلاصنا منها وأن تروق سما الخرطوم حبيبتنا وأن تصفا فقد علمت ان الرائع المبدع الشاعر الفخم السفير محمد المكى أبراهيم كان فى السودان وقد عطّر أمسيات الخرطوم بعبق الشعر الثورى الأكتوبرى العظيم لعلّ وعسى ... وقد وجد تجاوبا منقطع النظير مما يؤشر لقرب عودتنا للوطن او عودة الوطن لنا لست أدرى ...
ومحمد المكى هو شاعر :-
من غيرنا يعطى لهذا الشعب معنى ان يعيش وينتصر
من غيرنا ليسطّر التاريخ والقيم الجديدة والسير
من غيرنا لصياغة الدنيا وتركيب الحياة القادمة
جيل العطاء المستجيش ضراوة ومصادمة
المستميت على المبادىء مؤمنا
المشرئب إلى السماء لينتضى سيف الوثوب لشعبنا .... جيلى أنا

وهو أيضا القائل فى اكتوبرياته الخالدة:

بالاربعاء طبولنا دقت وزوبعت الفضاء
صيحاتنا شقت جدار الليل واقتحمت فناه
وتحدرت ناراً بآذان الطغاة العاكفين على الدناه
الخائنين السارقين القاتلين الحاسبين الشعب اغناماً وشاه

بالأربعاء الرائعة ... نصبوا بروج الموت فوق الجامعة

لك المجد ياود المكى وللشعب السودانى الفضل ...

الرشيد شمس الدين

عبد الرحمن الزين2 كتب:الاخوة الاعزاء جميعا... واصبح لزاما علينا ان نقول الاخوات ونقدمهن علي الرجال في الخطاب علي اساس ,ladies first , ولكن لتعذرنا العزيزة الاء ورفيقات دربها في هذا المنبر علما باننا معشر البحارة اناس اجلاف .. فمعذرة ..
الشاهد كما يقولون .. وسبب مداخلتي هذة انني لاحظت ان عدد الاعضاء قد بلغ 299 عضوا وعضوة يا تري من سيمنحنا الشرف لنرحب به او بها ...شفتوني بقيت حريف كيف .. لنكمل العدد ال 300...
اريد ان افتح موضوعا يهمنا جميعا...الخطوط البحريه السودانية ... ما لها وما عليها..كشاهد علي العصر..ولكن قطعا عندما يكتمل النصاب..
وعد مني والنصاب في مخيلتي وسافضي به الي ادارة المنتدي..
ساقول كل شئ حتي لو اصابني شخصيا واصدقائي واناس نكن لهم المودة والاحترام.. بعضا من رشاش..
الحقيقة يجب ان تقال..فلا يجب ان ينتهي العزاء بدفن الميت...
ابقو معنا..
معزة اكيدة ورمضان كريم..
رشدي ساعود قريبا للتعليق علي الصور ولدي لك مفاجاءت...صورة بمليون
محمد فراج شكري لكلماتك واصل ارجوك..
الاء ساعود لحديث الغربة والعودة في رمضان باذن الله..غدا ساسافر ..لبضعة ايام واعود وقد حل الشهر الفضيل..عسي ان نبدده بالاسفار كما قال اخا العرب

اخر الحكي

مسامحك ما عشان عينيك .. عشان تتعلم الغفران وتصفح كان زمن جار بيك
عبدوس

: الجلافة جاية وعلى ما اعتقد من طبيعة العمل البحري والذى هو مقتصر على الرجال فى مجتعمنا الشرقي .. ( وفى دي معذورين ).
مرحب بما سيدور عن الخطوط البحرية ذلك الوعاء الذى ضم ولا زال كوكبة رائعة
ومنظومة متفردة من العاملين .. منهم من قضى نحبة ( ولهم الرحمة ) ومنهم من ينتظر
وخير مثال هذا المنتدى .
فى انتظار حواديت رمضان وكل السنين وانتم بخير ..

الرشيد شمس الدين عبدالله كتب:ولأنّ حبيبنا عبدوس سيغيب لفترة ربما فى مجاهل أفريقيا وحتى يعود لنا بالتعليق على الصور وفى إنتظار مفاجآته والتى أتوقعها صورا من بيت الكلاوى فإننى أستاذنه بهذه الشخابيط أو اللخابيط لست أدرى ...
فى عز محنتنا فى الغربة والتى نسال الله ان يحسن خلاصنا منها وأن تروق سما الخرطوم حبيبتنا وأن تصفا فقد علمت ان الرائع المبدع الشاعر الفخم السفير محمد المكى أبراهيم كان فى السودان وقد عطّر أمسيات الخرطوم بعبق الشعر الثورى الأكتوبرى العظيم لعلّ وعسى ... وقد وجد تجاوبا منقطع النظير مما يؤشر لقرب عودتنا للوطن او عودة الوطن لنا لست أدرى ...
ومحمد المكى هو شاعر :-
من غيرنا يعطى لهذا الشعب معنى ان يعيش وينتصر
من غيرنا ليسطّر التاريخ والقيم الجديدة والسير
من غيرنا لصياغة الدنيا وتركيب الحياة القادمة
جيل العطاء المستجيش ضراوة ومصادمة
المستميت على المبادىء مؤمنا
المشرئب إلى السماء لينتضى سيف الوثوب لشعبنا .... جيلى أنا
وهو أيضا القائل فى اكتوبرياته الخالدة:
بالاربعاء طبولنا دقت وزوبعت الفضاء
صيحاتنا شقت جدار الليل واقتحمت فناه
وتحدرت ناراً بآذان الطغاة العاكفين على الدناه
الخائنين السارقين القاتلين الحاسبين الشعب اغناماً وشاه
بالأربعاء الرائعة ... نصبوا بروج الموت فوق الجامعة
لك المجد ياود المكى وللشعب السودانى الفضل ...

الرشيد شمس الدين

لم احظى بمشاهدة الحلقة .. ولكن قطع شك رائعة كما ذكرت .
محمد المكى شاعر جيلكم فهنيئاً لكم به .. بدد الله ازمان الغربة ..
وكم اخشى غربة الاوطان .
شدا محد المكى للقرشي ولم نعرفه ولكن من خلال تصويره البديع
و كان في العشرين لم ير
الفاً من الشموس مقبلة
و لم يعش هناءة الزفاف
و لم يكن في فمه اكثر من هتاف
ولم يكن في يده اكثر من حجر
و كان في المقدمه
علي خطوط النار و الخطر
فجندلوه بالرصاص دامياً منتفضاً
وفي أكف صحبه قضى.
تعطر الثرى بدمه واختلج التراب
اجفل صبح قادم و شاب
انفلق الليل الي ضفرتين
وقف شعر النجم و الاجنه
هبت عليه بالرضا رياح الجنة
تصاهلت خيول المركبه
واصطفقت اجنحها المرحبه

وهو القائل بعض الرحيق انا ..
يا بعض زنجيّه
يا بعض عربيّه
وبعض أقوالى أمام الله

والله أنا فى دهشة شديدة من تفرّد هذه العزيزة المدهشة آلاء ..... فآلاء تقرض الشعر كأروع مايكون النظم وهى تحفظ جميل الشعر من كل أجيال الشعراء ثم وهى ترحّب بما سيكتبه عبدوس عن سودانلاين كما لوأنها كانت أحسن ضابط أول فى بواخرها ثم وتسأل عن حجز البواخر والفرق بين دعوى المسئولية ودعوى الترك كما لو كانت محمود الياس او محمد عمر .... من أىّ كوكب أنت عزيزتنا آلاء ؟؟؟؟؟ بالحق انت والله مصدر فخرنا وأعتزازنا ومشاركاتك أثرت وتثرى هذا المنتدى وفى مجمل بوستاته بالكثير من الإدهاش حيث أنك كالمطر حيث هطل نفع ... بارك الله فيك ولا حرمنا من إبداعك فأنت خير مثال والله لبت بلدى التى بها نفخر ... بالمناسبة ياآلاء فإن مطلع قصيدة محمد المكى التى ذكرتيها عن القرشى هو : كان فى قريته الذرة ...

الرشيد شمس الدين

الرشيد شمس الدين عبدالله كتب:والله أنا فى دهشة شديدة من تفرّد هذه العزيزة المدهشة آلاء ..... فآلاء تقرض الشعر كأروع مايكون النظم وهى تحفظ جميل الشعر من كل أجيال الشعراء ثم وهى ترحّب بما سيكتبه عبدوس عن سودانلاين كما لوأنها كانت أحسن ضابط أول فى بواخرها ثم وتسأل عن حجز البواخر والفرق بين دعوى المسئولية ودعوى الترك كما لو كانت محمود الياس او محمد عمر .... من أىّ كوكب أنت عزيزتنا آلاء ؟؟؟؟؟ بالحق انت والله مصدر فخرنا وأعتزازنا ومشاركاتك أثرت وتثرى هذا المنتدى وفى مجمل بوستاته بالكثير من الإدهاش حيث أنك كالمطر حيث هطل نفع ... بارك الله فيك ولا حرمنا من إبداعك فأنت خير مثال والله لبت بلدى التى بها نفخر ...

الرشيد شمس الدين

والله وانا كمان
مدهشة انتِ من درجة فارس،،نتمنى ترمى مخطافك معانا وان تواصل امطارك الهطول
تخريمة ليست بشريرة
تكون الاء دى التايوانى بتاع زمان داك--- سنحكى لك ِ ذات يوم حكاية التايوانى الاصلى والتقليد
اما محمد المكى ابراهيم فله المجد اينما حل ،،،لكن الشاهد انو جه اجازة ولا شنو؟؟
يا حظ الخرطوم واهلها بهؤلاء،،الذين تبعثروا فى كل وادى

الله يا خلاسية
يا حانة مفروشة بالرمل
يا مكحولة العينين
يا مجدولة من شعر أُغنية
يا وردة باللون مسقية
بعض الرحيق أنا
والبرتقالة أنت
يا مملوءة الساقين أطفالا خلاسيين
يا بعض زنجية
وبعض عربية
وبعض أقوالى أمام الله
***
من اشتراك اشترى فوح القرنفل
من أنفاس أمسية
أو السواحل من خصر الجزيرة
أو خصر الجزيرة
من موج المحيط
واحضان الصباحية

من خلاسية محمد المكى ابراهيم

الرشيد شمس الدين عبدالله كتب: بارك الله فيك ولا حرمنا من إبداعك فأنت خير مثال والله لبت بلدى التى بها نفخر ... بالمناسبة ياآلاء فإن مطلع قصيدة محمد المكى التى ذكرتيها عن القرشى هو : كان فى قريته الذرة ...

الرشيد شمس الدين

الدهشة حضوركم البهي و المتواصـل هنـا وهنـاك .. أتمنى أن لا ينقطع ومواصلة الأخوة الآخرين كذلك مع تمنياتى بأمطار من مشاركاتهم الثرة .
يقال فى الأثر .. ثلاثة يذهبن الحزن .. ( الخضرة والماء والوجه الحسن ) .. إكتمـال الصور الجمالية مذهبة الأحزان.. هو المنتدى أرضه واحة خصبة لمحبي الكتابة والقراءة أو قول الثرثرة أمثالى .
والجمال جمال الروح والدواخل .. وهذا ما لمسته .
كان فى قريته الذرة .. شكراً لراس الخيط .
ثم كان الابداع أمس بتكريم أوائل الشهادة السودانية فى كل المساقات ( اكاديمى – فنى – نسوى- صناعي ) بواسطة شركة سيقا (سهرة تلفزيونية ) جميلة وتجربة رائعة و متفردة واغنية مضافة لرصيد عقد الجلاد الكبير والشاعر الانسان محجوب شريف و القرقريبة قريبة .

ست الكسرة أحب القرقريبة
القرقريبة قريبة فى أيدك فراشة تدور
والهبابة والعرق البنقط داك ذى قمرية فوق السور
تغازل فى الضحى النقاع
عشة وميرى مدرسة الحياة المعمورة
لا كراس ولا سبورة لا تقرير سمح رقاقى لا دبورة
تحيى تعيشى لا مقهورة لامنهورة
لا خاطر جناك مكسور بل مستورة

خالد عبدالحميد كتب: مدهشة انتِ من درجة فارس،،نتمنى ترمى مخطافك معانا وان تواصل امطارك الهطول
تخريمة ليست بشريرة
تكون الاء دى التايوانى بتاع زمان داك--- سنحكى لك ِ ذات يوم حكاية التايوانى الاصلى والتقليد
اما محمد المكى ابراهيم فله المجد اينما حل ،،،لكن الشاهد انو جه اجازة ولا شنو؟؟
يا حظ الخرطوم واهلها بهؤلاء،،الذين تبعثروا فى كل وادى

فارس بلا جواد .. ممنون أخى .. التايوانى منو ؟ يا زول انا يابانية أصلية ..
تعرف سهرة النيل الازرق مع سيقا .. وسهرة السودان برعاية سين ( اظنها دقيق ) ليوم امس
قلبى قرّب يقيف .. قت دقيق وقرقريبة .. وكلام الوزير الناس ترجع للكسرة ثلاثى عجيب
الله يكضب الشينة .. هو متين نحن مرقنا من الكسرة لما نرجع ليها .

لكم التحية .

والله ده بقه ما شخابيط ده إبداع عديل فى صياغة الكلمات وتنغيم المفرده واصلوا الهطول ونحن نواصل الاستسقاء.
الاخت آلاء اشك بانها من الجيل القديم الجميل ولو بروحها العطره التى تنقلت بين مواضيع المنتدى كاالفراشه بين الأزهار وأبدعت فى اختيار المفرده.

فى الانتظار

العزيز عمنا عبدوس لك التحايا والود الممتد الي المنتهي بعبق عطر وسحر مجاهل افريقيا الفتيه واين ما كنت.
استسمحك بان اضع بعض الشخبوطات علي حائط بوستيك العامر دوما.
بعد 21شهرا من الابحار المتواصل قصير المدي وبعيده قدر الله العوده لحضن الوطن والاهل والاحبه والعود احسن. لم اكن اتوقع ان يكون كورس تحديث المعرفه بالاسكندريه بهذا القدر من الجمال والروعه.......
اولا كان عدد الناس كبير جدا والالفه بتاعنا محمد صالح عبد الله مهنضبنا كلنا ونايبو عبد السلام سعد لكنو طيب شويه ما بحزم الاول.
اولا البلد جايطه ما في اي حوامه اتنين التقيت بي ناس من 1992 ما لاقيتم(حريقه,الفيل,عوض الله, الجزار,بدر الدين حسن,الحسن علي الحسن) وغيرهم والحريق طبعا مدور بشده والغلاط اشد وفي رمضان لمت الفطور احلي وهنضبت حاج قرشي لينا بالصلاة قبل الفطور.... ومافي اجمل من لقاء الاحباب بعد غيبه. ادام الله المحبه والاخاء ودمتم وعفوا لكلام الطير في الباقير دا

الاخ الحبيب عبدوس رمضان كريم وتصوم وتفطر علي خير طبعا الذكريات وحديثها لا ينتهي وكم كانت الايام جميلة واللحظات اجمل والدنيا احلي ...(هسه كيف؟)
الحبيب جدا ود محجوب ..والله يا بختك بهذه الكوكبة الذرية من جيل العمالقة والله لك ان تفرح برؤيتهم وطبعا رمضان والبرنامج احلي تحياتي لكل الاخوان طرفك دون فرز وبلغهم احر الامنيات الطيبات لهم ولك بمناسبة رمضان...وسلام ترليون

الاعزاء جميعا....ليكم وحشة ورمضان كريم..راجيا ان يتقبل الله صيامكم ويمتعكم جميعا بالصحة والعافية ويعينكم علي صيامه وقيامه...
الاعزاء رشدي وخلدي وود عكود..محمد فراج..سيف..كابتن الصادق الله لا جاب يوم شكركم..تابعت معكم موضوع المرحوم عبده ..اللهم اشف ابنه واعده سالما ليحمل رسالة المرحوم ابية..فما مات من ترك ابنا او ابنة تحمل اسمه ويترحم او تترحم علية فهذة صدقة جارية..
العزيزة الاء تسعدني مقالاتك فواصلي ارجوك...
الاعزاء ود كرار .. الجمل..اجمل امنياتي راجيا الا تحرمونا من تعليقاتكم..ويا الجمل انت -خاصة مع النيو لوك- عيني باردة- شاهد علي العصرين وخير من يكتب لنا
عن العصر القديم والجديد..في انتظارك..
العزيز الابن عبد الرحمن محجوب..والله حسدكم عديل علي اللمة..لكن دي فعلا لمة يندر ان تحدث..جمع الشمل ولقاء الاحباب واجترار الذكريات من اجمل ما تبقي لنا
والله كان من المفروض ان اكون معكم وقد حجزت السفرية حتي ان احد الاخوان وضع لي برنامج في القاهرة ومنها الي اسكندرية لزيارة محمد صالح واسامة ولكن تاتي الرياح بما لا يشتهي السفن..السيد الباشمهندس محمد صالح احسن من يظبط فول في رمضان من ايام البحر..اما مولانا قرشي فهو احسن من يظبط شاي بي لبن مصحوبا بالبسكويت واسال قبطان ناجي ياتيك بالخبر اليقين..
تحياتي لهم جميعا فردا فردا والعافية للقبطان اسامة ولكم جميعا املا ان تلتقوا في ارض الحرمين ..لا اطيل راجيا لكم جميعا التوفيق املا ان نلتقي يوما ما ان كان في العمر باق....
عمكم عبدوس

الكود:

[cod

اخي عبدوس العزيز ..والله انا بفرح كتير لمن تخصني بسلام او اي كلام لانني من اكتر الضباط الذين عملوا معك وفي عدة بواخر وكنت انت من اول الضباط الذين رأيتهم عند حضوري لسودان لاين في 1978 -1979 ووجودك الان بيننا مفخرة للجميع فأنت تاريخ يسير علي قدمين ونحمد الله اننا نجدك بيننا الان.ما يقوم الجماعة يفهموا غلط ويفتكروني عاوز اترقي (وييييييييين مع التقارير القاجه دي ) ورمضان كريم.

اليوم الثامن من اغسطس اكمل بوست شخبط شخابيط لخبط لخابيط..غايتو جنس غايتو العام الثانى و 23 من الصفحات وبمشاركه حبيبنا محمد الجمل امس كانت عدد المداخلات 344 وشوهد البوست 6570 مرة ودا كلو قبل غرامات الافطار السنوى على الجماعة الغير مسجلين او مسجلين من غير مشاركات ,فلك التحيه عزيزنا كابتن عبدالرحمن وكل شخابيط وكل افراد الاسرة البحرية بمليون خير بالجديد (يعنى الف خير بالقديم).
ودام التواصل
عاطف عكود

التحية والقومة لك انت حبيبنا ودعكود والعزيز ابدا خالد ولكل من ساهم في قيام هذا المنتدي الذي جمع شملنا ومن خلاله اصبحنا نتفس هواءا بحريا نقيا ..نستعيد الذكريات ونتعرف علي اخبار الزملاء و اسرهم ونتابع كل جديد في عالم وعلوم البحار وخلق لنا دوحة نستظل بها من ارهاق العمل والجري...بارك الله فيكم جميعا وجعله في ميزان حسناتكم...
علي فكرة فات علي ان اقول للابن عبد الرحمن محجوب ان شخبط شخابيط بيت مفتوح ليس له باب حتي تطرقه وتستاذن..ادخل واكتب ما تشاء فدائما تاتينا بالممتع المفيد لك شكري واحترامي...
العزيز الجمل تسعدني وتخجلني كلماتك..محبتي ومعزتي..
وفي انتظار اخبار الافطار المشهود- قطعا- ارقدو عافية..
عبد الرحمن

عاطف عكود كتب:اليوم الثامن من اغسطس اكمل بوست شخبط شخابيط لخبط لخابيط..غايتو جنس غايتو العام الثانى و
ودام التواصل
عاطف عكود

كل هذا فى الشخابيط،،،لسع ما دخلنا فى غايتو
ولاحتى فى جنس غايتو الاخرى
تعظيم سلام لكل من جعل هذا ممكناً
وتتواصل الغايتوهات

والله البيت المافيهو باب دا بيت كرم وجودوداخلين تب ان شاء الله لك كل الود واحترامي

شخبطاط كتبتهاانفعالا باحداث الضرر العام الذي سموه الصالح العام وخاصه بعد وفاة العزيزين العم محمدعبدالرازق بالحسابات والعم محمد طاهر بالرصيف تاثرابالصدمه التي المت بهما لهما الرحمه والمغفره ولكل من طاله الضرر الاجر والثواب.....

الحاخام في قلبو الرحمه اكتر منك يا كلام
لا بالصف واقفين الفقرا ولا مسكينا عندوانضام
وانت مبهرج بي جبروتك لا بتتراجع لا بتتلام
وعندنانامو وصحيو الناس علي مشروع الصالح العام
مشروع جوع للالاف وتموا الناقصه روئ واحلام
الله بري والاسلام من مشروعك ياهجام
دي فكره من الشيطان ميلاده وكبرت فجاء بدون اعلام
وهاك من البحريه حقائق مفجعه جد حد الايلام
اختارو محمد عبد الرازق وكرمو بي عزب الانغام
قالو موظف جد ومثالي ويستاهل علي صدرو وسام
هلت وفرحت كل الدنيا لانو حقيقي بطل مقدام
شهرين بس او يمكن اقله حصدت زولنا خطي الاوهام
المسكين ادوهو جوابا مكتوب فيو للصالح العام
دور شوف فتش لنا مخرج غير ما يكون الصالح العام
الجور الظلم السجم العام كلو دا ممكن يا ظلام
ما اتحمل مغوارنا الصدمه روح فيها رقد ما قام
عند الباري جزاك يا محمد في جنات الخلد مقام
ومحمد طاهر الديك ريس شالوك برضو الصالح العام
محمد طاهر زول ما بنعرف غير الطرفه عليهو دوام
وينو الصالح ووينو العام مش في دينا الظلم حرام
والالاف من غيركم راحو في دهليز الضرر العام
اي والله الضرر العام الغلب الذل الوجع السام
بكره عليك بجي الهدام وبكره حا تندم ياظلام