شخبط شخابيط لخبط لخابيط..غايتو جنس غايتو

سلام يا الرشيد و حمدا لله على السلامة ..
 
ياخى ان مسببات الدبرسة اصبحت كثيرة و تقابلك عند كل ملف و لكن علينا ان لا نستسلم  و دعنا نبحث عن بسمة هنا و هناك.
 
مع اطيب التحايا لكل الاخوة بالامارات.

   انا ها هنا حاضرون
تعظيم سلام ،، وكمان سلام

حمداً لله علي سلامتك عمنا الكابتن عبدالرحمن ...

ظهور طيب بعد طول غياب للباشمهندس الرشيد شمس الدين .. أعاد إلينا الفأل الحسن

كابتن احمد مثال الصمود .. سلمت من كل شر

خالد عبدالحميد .. أخي الكبير .. (..??what is going on)

أخوتي الأعزاء ..

الرشيـد / عــاطف ..

في هذه الأيام يحتضر نيلسون مانديلا .. وكلنا يعلم من يكون نيلسون مانديلا , فهو الرجل الأسود الجنوب إفريقي الذي ثبت علي مبدأه غير ملتفتاً إلي قلة الحصاد ليثنيه عن أفكاره ومعتقداته .. هل لنا في ذلك أسوة لنسير بمنتدانا الجميل دون النظر إلي قلة الحصاد. وفي الأخير إبتلاء (نقص الثمرات)

أما عن وصف المنتدي بأنه قد إعتراه الفشل في إستكتاب الناس فإني أجد فيه بعض القسوة علي المنتدي وتحميله فوق طاقته .. والله لو بقي واحد منا فقط يكتب وجمع من الناس تقرأ لكفي ذلك المنتدي شرفـاً ..

ولو أتيت لتحسب فضائل هذا المنتدي علينا لتجدن بعضها معنوي وموغل في قيمته حتي أنه ليعجزك تثمينه وتقييمه , والأمثله كثيرة وأقربها معرفتنا لبعضنا دون وجود أم واحدة تلدنا ..!!

وما يبعث السأم علي النفس تحميلها ما لاتطيق .. روحوا عن أنفسكم أحبتي الرشيد وعاطف ولا تحرمونا من طلتكم فهي قد صارت شيء ضروري لنا في حياتنا ..

والسلام ختام

محمد احمد علي فراج كتب:
أما عن وصف المنتدي بأنه قد إعتراه الفشل في إستكتاب الناس فإني أجد فيه بعض القسوة علي المنتدي وتحميله فوق طاقته .. والله لو بقي واحد منا فقط يكتب وجمع من الناس تقرأ لكفي ذلك المنتدي شرفـاً ..

ولو أتيت لتحسب فضائل هذا المنتدي علينا لتجدن بعضها معنوي وموغل في قيمته حتي أنه ليعجزك تثمينه وتقييمه , والأمثله كثيرة وأقربها معرفتنا لبعضنا دون وجود أم واحدة تلدنا ..!!

وما يبعث السأم علي النفس تحميلها ما لاتطيق .. روحوا عن أنفسكم أحبتي الرشيد وعاطف ولا تحرمونا من طلتكم فهي قد صارت شيء ضروري لنا في حياتنا ..

والسلام ختام

الاخوة الافاضل ...اكتفى بوصف اخونا محمد فراج لحالة وضع المنتدى الراهن...
ولكن اريد ان ارجع بالذاكرة الى الوراء قليلاً حينما هاتفنى الاخ خالد وطُرحت فكرة انشاء طريقة للتواصل ولم الشمل ومعرفة اخبار بعضنا وماذا فعل الشتات بنا, لم يكن من اهدافنا ان نجعل كل البحارة السودانيين او من له علاقة بالبحر ان يكون كاتب منمق كااخونا ودفراج وقاص مخضرم ككبيرنا عبدوس ودبلماسى كلمة كمهندسنا الرشيد, بل القصد فتح الصالون الكبير لدعوة كل من أراد الجلوس والونسة ومعرفة اخبار بعض....
فارجو من الاخوة الافاضل بان لايحملوا المنتدى اكتر مما يحتمل.....ووجهة نظرى الشخصية ان هذا المنتدى فى اعوامه المنصرمه قد ابلاء بلاء حسن ونفع كثير من الاخوة حتى دون علمهم, وشخصيا يكفينى من هذا الصرح معرفتى بكم جميعا فردا فردا, لقد كانت امنيتى فى ما مضى ان ابحر عل ظهر بواخر سودان لاين ويكون كابتن الباخرة عبدوس والباشمهندس الرشيد والضابط الاول الجمل والتانى عكود والراديو جنى وفى المكتب عصملى وكل تلك الكوكبا التى ظهرت فى الشريط يوماً ما والحمدلله لقد تحقق حلمى ابحرت معكم ايها الاعزاء أبحرت على ظهر هذا المنتدى واستنشقت عبير الاطلسى من خلالكم....
والله كنت اود ان اكتفى بما خطه يراع اخونا ود فراج... بس شعورى وانتمائى لهذا المنتدى أبا الا ان اخرج ما بداخلى, فدعونا لا نضغط بقوة على من يمر بفترة بيات شتوى ومن كان مشغول لبعض الوقت....ولكن نأمل بمن يجد فى نفسه قليل طاقة ان يسطر ولو حرف ولو عوووووووك لكى نطمئن عليه ليس الا....
أخوكم الصغير

تسلموا أحبتي خالد ود الأستاذ وأحمد محمد أحمد وود فرّاج وود كرار علي تواصلكم الثر وكلماتكم المطمئنة ولكن إفترضوا إنكم أقنعتوني أنا فمن يقنع ديك حمد وخوجلي المسمي مجازا عاطف القوز ؟؟ شخصيا أعتبر المنتدي العامر بدون عاطف لايسوي شيئا لذلك أرجوكم أحبتي عبدوس وخالد وود فراج وودكرار وأحمد تكثيف الإتصالات بعاطف والضغط عليه حتي لو بحلف الطلاق للعودة حيث فشلت أنا ذلك أن عاطف يبدو غير مقتنع أن لي طلاقا أساسا ... أتمني نجاح مساعيكم مقدما ويالجمل إنتوا في الدوحة ساعدوا طلاق الجماعة بي جكّة كمان ...

ألأعزاء ألرشيد وعاطف:
تحية وودآ الحمد لله على السلامة أستميحكم عذرآ فأنا فى عجالة من أمرى ألأن، وسوف التقى بكم قريبآ إن كان فى العمر بقية فلى حديث طويل معكما.
(ساعة أبرك من ساعة.)

الاعزاء الاخوة المتداخلون جميعا...و خاصة المشاركون بلا انقطاع... من فوق البطانية.....التحية والتجلة لمن يتصفح ما يكتب حتي من تحت البطانية.... التحية للاخوة والاخوات الزائريين والزائرات...وهمو كثرو حسب علمي....
التحية للاخوة المشرفين- القابضين علي الجمر- رغم مشاغل الحياة..
الشكر والتقدير- اكرره دوما - لكل من من جعل هذا التلاقي ممكنا...المعزه والتقدير لكل من يحاول ان يجعل بقاء وازدهار هذا المنبر هدفا...
لا اطيل..معذرة افتقدتكم لاسباب خارجة عن ارادتي خلال الايام السابقه-...... اعود اليوم..واواصل مع رفقاء الدرب واشكرهم شكر العاجز.. دون ان اعدد اسماءهم......
كل امنيتي ان يقرا عزيزنا ود عكود كلماتي التاليه......
عاطف هذا منزلك وبيتك...هل يعقل ان يخرج رب الدار ويترك الضيوف...هذه قطعا ليس من شيم ال عكود... ولا طبع عاطف صديق الذي نعرف....
اواصل حتي لا اطيل...
محبتي
عبدوس

الاعزاء  جميعا....نفر ..نفر  كما يحلو للعزيزة الاء ان تردد...
خلدي التفاحه..رشدي البرتكانه..عاطف النبيل..او عاطف القوز كما يحلو لرشدي ان يسميه..العزيز ودكرار..الذي احببت وتمنيت ان التقي.....ود فراج..النسمه التي دخلت قلوبنا وارواحنا.. وعقولنا...
جدنا العزيز ابو خليل.....هو عارف معزتي –ولا ازيد-..حبيبنا من اطلقت عليه  احمد الكابتن ...وليس كابتن احمد..حبيبنا الذي سكن في بقعة غالية علي..عثمان بخلن..سيد القهوه حبيب الكل راشد..

اخيرا وليس اخرا  حبيبنا الجمل...اوردت هذه الاسماء لانهم كانوا  اخر المتداخلين  حسب ما ورد في المنتدي. واسفي لمن سقط اسمه سهوا..  الجمل.....تعمدت ان اجعل اسمك اخر الاسماء...لانك حسب علمي اقرب الناس مكانا ومحبة من عاطف...
لن يكون هذا النداء الاخير..فلا يمكن للباخرة ان تغادر دون الربان..او  كبير الضباط...
عاطف ارجوك..
عبدوس

ارجوكم..سادتي لا تفهومني...خطاءا..لم  اشا  -بالهمزة اعلا السطر...ان اهيمن من خلاله علي المنبر ولكني حاولت مرارا ان اتصل تلفونيا بعاطف ولكن يبدو ان هناك خطأ ما...رشدي   اول من قدم لي بطاقة الدعوة لالتحق بهذا المنتدي..ترددت كثيرا..ولكن الان وفي هذه اللحظه والله علي ما اقول شهيد..لا ادري كيف اشكره...
عندي مداخله جديدة ...عنوانها..الرشيد شمس الدين....
دخلت لاكتبها...قالو  المنتدي تحت الصيانه.......قلت يا ربي  بس جات لمن عاوز ان اكتب  عن احب وانبل الناس...
لن استسلم...اكان دي مشت الجاية عن رشدي..
البحبكم
عبدوس
ملحوظه  هامه...........وجدت ان هذه  المداخلة  تحمل الرقم 1000   من عبد الرحمن الزين 2   فقط....
ارجو من الجميع بث التهاني وساعدوها..ب...حساب رقم25847 بنك البوابة..
معزتي واحترامي
عبدوس

عــوك عاطف عـكود


ع-ع-ع
يا هادراً بالعوكِ حيناً، أتتك العوكُ اليوم تسعى
أملاً عشماً أن تلقْ منك آذاناً تصغى
وما عن كيانٍ أنت بانيه، تنأى
حب الناس فيك طبعُ فمن غيرك لهذا الغرس يرعى
___________________
تشتاقك السطور وحنينها لكل غائبٍ من ذوى القربى
العوك منك والعوك فيــكَ
عينٌ. واوُ. كافُ. والدال مضافةٌ كالدلال حبّا
أو قل شهيدةٌ فى محراب الإخاء قربى
ديمومة التواصل لك وردٌ وما لعابد مثلك أن يترك الوردا
منتدانا، ماضينا حاضرنا وغدا----------

كنت قد كتبت وناشدت فيما يشبه الشعر، الكلام الفوق وأعيده هنا، اسهاما بجهد المقل ليضاف لمحاولات الاحباب الكرام
والكلام للزعيم عاطف صديق ولكل من ننتظر عودته لى وطن القمارى هذا، نفرفر فى دروب الحياة ونجى ناخد إنجمامة وإتكاءة
وبمناسبة اتكاءة دى
كتب محجوب
وتتكى سنبلاية على ضراعى واميل كأنى غنا الطبول العذب
كأن الدنيا طى القلب والمنديل.....
.....

وعين عين عين
كسرة لازمة
مبروك عبدوس الالفية!!
وكدى رسل لى حق الالف الاولى والباقى بنتصرف فيهو

خلدي التفاحة...
دائما اقرأ ما تكتب..لا افهم شئيا..اعيد قراءة ما تكتب افهم اشياء واشياء...
يا عزيزي...مثلك كثير علينا.....بارك الله فيك وفي من تحب..
مودتي..
عبد الرحمن.

آخر شمارات بابكر سلك لوالي ( الخرتوم ) :-

اها نجي لي شمارات والي الخرتوم كان شفت يا والينا في بتاع بحر مبحر عمرو كلو يمرق من بحر يقع في بحر بحر بي نيل بحر بي نيلين ماعندو قشه مره اها قام بتاع البحر ده قابل ليهو زول قال للزول الناس دي جايطه ليه ؟؟؟ الزول قال ليهو المصريين شالوا رئيسهم بتاع البحر همهم تحت تحت وقال يا حليلك يا عبدالناصر والتلفت علي الزول وقال ليهو وعبود رأيو شنو ؟؟؟؟؟ سلك كهربا ننساك كيف والناس بتسأل عن رأي عبود والي لقاء
سلك -

يا  رشدي انا   اول امبارح ما حلمته  انني  تحدثت مع الريس  شخشيا.  اي الريش الكبير  زات  نفسو......صحيح كنت ناوي اخم الرماد..لكن لقيت الرماد كال حماد....جدنا ابو خليل..يديك العافية الرماد كال حماد  يعني شنو  وحماد ده منو...
لحظات ونواصل الحلم...
ما رمضان ..ده انا حاهريكم..
عبدوس..
كسره علي وزن الفاتح جبرة..
اخر اخبار ود عكود شنو...

سلام يا كابيتان و كل سنة و الجميع بخير ورمضان كريم
 
 
شايف مصر و الاردن و السعودية اعلنوا رمضان الاربعاء اعاده الله على الجميع باليمن و البركات.
 
هاك دى قبل ما يعلنوه عندنا و يربطوا الجماعة:
 
 
الصداقة بين النساء:
 
لم تعد الزوجة إلى بيتها ذات ليلة
 
وفي اليوم التالي قالت لزوجها أنها كانت نائمة عند صديقة لها
 
إتصل الزوج بأفضل عشر صديقات لزوجته.
 
فأنكر الجميع رؤية زوجته تلك الليلة.
 
 
الصداقة بين الرجال:
 
لم يعد الزوج لبيته ذات ليلة
 
وفي اليوم التالي قال لزوجته أنه كان نائماً عند صديق له
 
إتصلت الزوجة على أفضل عشر أصدقاء للزوج  :
 
ثمانية منهم أكدوا أنه كان نائماً عندهم.
 
 
 وإثنان أقسما أنه لا يزال عندهم.
 
 
 
و كل سنة و انتم طيبين

القبطان العزيز  احمد...شكرا علي نكتة  الصداقه..يا عمي النسوان ديل...والا بلاش...اللهم اجعل كلامنا خفيف عليهم...
معذره لم اطلع عليها الا بالامس...وفات علي ايضا  مداخلة  جدنا ابو خليل عن الائكتئاب..وقانا الله واياكم  ولي تعليق ساورده بعد شراب الموية باذن الله...علي فكرة انا باين اخدت مقلب يا ابو خليل  وباين حاصوم 31 يوم..كنت متاكد حسب الاقاويل انو رمضان التلاتاء..وسافرت في ليلة الاتنين ولم استمع لاي اذاعه او تلفزيون...وصمت التلاتاء وعدت  في فجر الاربعاء لاكتشف اني صمت قبال الناس..اهو غايتو حسنات من غير قصد..نعتبرو  يوم تدريب...وهو انا ناقص...
معزتي واحترامي....كسرة اخر الحكي...
اخبار ود عكود المكتئب  شنووووووووووووووووووووووووو....؟؟؟

صباحك خير قبطان عبد الرحمن الزين
اولا مليون عوكك لاخونا ود عكود
ثانيا ياريت لو كان فى طريقة يومك الزيادة ده تهديهوا لواحد من ناس بورتسودان !!!!!!!!!!!!!!!!!!!!!!!
لك تحياتى و تقديرى
عثمان بخلن

الاخ عبد الرحمن الصائم ..مبارك عليك الشهر العظيم وتصوم وتفطر علي خير .واليوم الزائد ده بفيدك قدام بمناسبة الائكتئاب (بكتبوها كده ولا كيف) صراحة ما شايفو بدا يسري في ادارة المنتدي واعضاءه بالدور ...الامل في تحريك المنتدي كما كان سيكون بعودة المكتئبون..... ونسال الله ان يعودوا لنا سالمين .........لك وللاخ بخلن وكل الاخوة التحايا ورمضان كريم ....سحوركم الساعة كم ؟

الاعزاء...الجمل والعزيز عثمان...التحيه لكما ولجيع الاخوة بالمنتدي  زوارا واعضاءا...نكرر التهنئه بحلول الشهر المعظم اعاده الله عليكم جميعا..باليمن والسعادة ووقاكم وايانا  شر الائكتئاب...امين...
غايتو يا  رشدي انا قربت لكن لحقته  نفسي  يا روح ما بعدك روح..ابو خليل قال فيها انتحار وكده...

..تخريمه...

اطلعت اليوم علي شخبطات العزيز ود فراج  من بوست  قديم  رفعه -مشكورا - الاخ الجمل....

كتب  العزيز ود فراج..في

ديسمبر 04, 2012 9:57 am
.



الأخت آلاء والأعـزاء الكـرام ...

أهديكم هذه الشخبطـات ....

سيدي الرئيس لقد تقرر سفرنا إلي الوطن أن يكون بعد غد إنشـاء الله , وسوف يكون بإذن الله كل الشعب حضورا لإستقبالكم في المطـار
تذكرت ان لي شخبطة   قريبه منها..اعذروني-رغم طولها- سانشرها..في  مداخلتي القادمه حتي لا اطيل علكيم...
اخر الحكي...اخبار  ود عكووود   شنوووو ؟؟؟؟؟
عليكم الله واحد يجدعني بي رقم تلفونو علي موبايلي     0032475928144 وشكرا مقدما...
معذره  فقد فقدت جميع ارقام هواتفي  تقريبا..
عبدوس
اجزل الشكر فقد تكرم الاخ العزيز خلدي بامدادي بالتلفون فله الشكر ولكم جميعا..

الاخوان عبدالرحمن والرشيد المحترمين بعد التحية والسؤال عن غالي الصحة وكده
ارجو ان يجعلنا الله واياكم من المشمولين بمغفرته ورحمته ...اللهم امين
محاولاتي مع الاخ عاطف ( فشلت ) ولكن ليس هذا معناهو النهاية .
احول الميكرفون للاخ ود الاستاذ ومن بعده واحد اخر الي ان تكتأئبو وتنسوا ...انا والله مرات بقول مشاغل الناس والعمل الذي لا ينتهي والعيشة والعيال والجري الورا الدنيا دي بخلي الزول ما لاقي وقت يحك اضانو
قبل ايام قلائل ولزوم التواصل الرمضاني وتوجية الدعوات قمت بتكوين مجموعة في الواتساب من كل الزملاء (الدوحة) وجدت ترحيب لكن اخونا بابكر يوسف قبل ما يفهم ولا نحنا نفهم ( بابكر يغادر ) صراحة زعلت شديد ومن غير تفكير عملت مغادرة لاني زعلت من بابكر (تتخيلو) انا الادمن وبقيت برة الليق بقينا في البرجعني شنو المهم عاطف (تخصص اجهزة الكترونية) رجعني لكن ما ادمن بقي هو المهم تنفسنا سموما حار وقلنا جات سليمة ...هي الدنيا صبحت ....الا واخونا درداقة (درداقة يغادر) لا لا هنا بقا زعلي عمي عيوني .. وطوالي رحت كاتب ليهم (قطر عجيب)
اها وبدأت الرمضانيات ودخل اب شنب ود عكود ودور الجماعة بشنو عارفين بقطر عجيب وعجيب ده منو والقطر كان ماشي من وين لي وين وقصص ذكرتني ايام ع ع ع
ارجو ان تكونو قد فهمتو حاجة .....اهي شخابيط ولخابيط
مع كل الود والامنيات الطيبة
وين ود فراج الظريف
تحياتنا لبخلن وابراهيم واحمد محمد

العزيز  الجمل....سلام...
وحاتك ما فهمته حاجه..غير انو ود عكود معصلج...حاولت الاتصال به هذا المساء  ولم يرد..قد يكون الوقت متاخرا او  زمن تراويح وكده..ساكرر المحاولة باذن الله..وربنا يكفينا  شر الائكتئاب..هي مالها الكلمة دي كتابتها  صعبة...
اردد معاك  اين ود  فراج الظريف  ان شاء الله ما يكون هو كمان....
اخر الحكي...اين ود عكووووووود؟؟؟؟؟؟؟؟؟؟؟؟؟؟
معزتي..

عبدوس العزيز.
تكتب كلمة الأكتئاب .
أ لأ كتـئا ب (ل أ الهمزة على الاف والهمزة الثانية على نبرة.)
جدك أبو خليل.

شكرا شكرا ابو خليل..اللهم اشفي حبيبنا القاعد يسجل في اغاني واغاني منه...انا بره..
اخر الحكي....اخبار ود عكود شنو؟؟؟؟؟؟؟؟؟؟؟؟؟؟؟؟؟؟؟؟؟؟؟
اخر اخبار ود فراج شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللهم احمينا واياهم من الأ كتئاب.....كما كتبها جدنا ابو خليل له التحية والشكر..
عبدوس

الاخوة والاعمام الاكارم...رمضان كريم..
اخونا كابتن الجمل أظن الشعب الوحيد البزعل باسرع من درجة اشتعال البنزين هو الشعب السودانى ..وفى بعض الاحيان بنزعل قبل ما نعرف احنا زعلنا من شنو...وهذا حكمة الله فى خلقه ان يجعل امة زعيله وامة مسامحه وامة باله سلبه....
تعرف يا الجمل انا اتورطه ليه فى قروب لناس العائله وطبعا فيه كميه من النسوان والشفع وبالجد كمية الرسائل وصوت استقبال الرسائل قرب يخليتى اعمل عملية بابكر بس خايف من زعل الجماعه وخصوصا الادمن ...اسى اعمل شنو؟
         

ود كرار كتب:الاخوة والاعمام الاكارم...رمضان كريم..
اخونا كابتن الجمل

وانا كنت قايل روحي عمك طلعت اخوك وعبدوس والرشيد طلعو هم الاعمام .....الحمد لله علي نعمة الاخوة ..الاخ ود كرار رمضان مبارك عليكم وتصوموا وتفطروا علي خير لو داير تزوغ حينكتب (فلان غادر) ودي يا حبيب صعبة شديد وبدخلك في حتات صعبة مع الاسرة اقلها (متعالي علينا عشان قروشو كتيرة ) ولو داير تطنش (تزوغ) من تحت البطانية وطبعا ده مجالنا (متعودة ..........دايما)
المهم ما عندك طريقة غير الصبر ..........وما احلي الصبر من اجل الاهل
كل التحايا

[quote="عبد الرحمن الزين2"]العزيز  الجمل....سلام...
وحاتك ما فهمته حاجه..غير انو ود عكود معصلج...حاولت الاتصال به هذا المساء  ولم يرد..قد يكون الوقت متاخرا او  زمن تراويح وكده..ساكرر المحاولة باذن الله..
معزتي..[/quote

العزيز كبيتانو عبدوس
والله ما قصرت وربنا يديك العافية واكيد المحاولة التانية اتت اؤكولها واكيد ود عكود سينبري لنا من زاوية منفرجة تبث عبيرها في ارجاء المنتدي
تسلم كبيرنا وربنا يديك العافية .
كسرة في شكل سؤال
رشدي رايك شنو