(بعض من أجمل ما سمعت)

لكن الدبلوماسية ما عندك يا ود عكود... قربت انط للاخ محمد فراج اقول ليهو هي ماشه استراليا تجيب شنو.... قلته فوت...جا خلدي ناطي يسال من البضاعة.
الله اتنين قالو ليك راسك مافي اتبنو...رجعت للموضوع... تاني اتذكرته رمضان وانو ود ابرق ما عندو وقت كتير يقرا سطر ويفط سطر...
لكن ما ريحتني يا ود عكود زي ما بقول طيب الذكر ود الخليفة..
محبتي لكم جميعا ومزيدا من الابداع..
عبدوس

والله يا عبدوس الدبلوماسية عندك انت وكلنا اتعلمنا منك اي حاجة لانك القدوة كنت وما زلت الله يخليك ويطول عمرك
تصدق يا ودعكود (اولا الف حمدا لله علي سلامتك ورجعتك والدوحة نورت بيك طبعا الليلة فطرنا مع بعض ولي هسع بضحك في نكتة مامون(واحد ضارب هوا شديد شايل وطواط يمط فيهو من جناحاتو مط شديد ويضحك الجماعه سالوهو بتضحك مالك قال ليهم اول مرة اشوف فار لابس عباية .
ارجع للموضوع لو كنت سكت كنت حاقول لود فراج البهايم طفشت ..ويا هلا بيك تاني هنا.

عاطف ، ما قلنا ليك حمدالله الف على السلامة،، ياخى بركة الرجعت طيب


وعبدوس الاكبر رمى العذر على ود ابرق ورمضان ، بدبلوماسية محترف ،،ومن يحتاج يرجع للموضوع انما هو انا ولاعذر لى سوى كلام ود الزين وإضاءة عزيزنا ود عكود
ويا صباحات الموانى،كلها شحن و تفريغ

mhmdaljamal كتب:
ضارب هوا شديد شايل وطواط يمط فيهو من جناحاتو مط شديد ويضحك الجماعه سالوهو بتضحك مالك قال ليهم اول مرة اشوف فار لابس عباية .
.

والله ضحكتونا،، اضحك الله ايامكم
سؤال برئ!
السؤال/ ضارب هوا ،،بالقديم يعنى مسطول؟؟
لعن الله المنافى
قلت لى البهايم طفشت!
ودام ابداعك يالجمل،، فاطرا وصائما وحين لخّة

ادرك الكابتن عاطف من سياق القصة ان السفينة ليس بها شحنة بهائم (متجهة الي ميناء الشحن) ....لكن القصة مكتوبة لأمتاع اولئك الذين لا يعلمون عن البحر الا الأسم...!! تحياتي لكم اجمعين ورمضان كريم

ياخلدي تميزك في العبارات الراقية يقتلني فرحا وضحكاقبل كده كانت (ليس ببعيد) والان (حين لخة) ايه الروعه دي يا رائع
والاخ ود فراج لك الدعوة الي الصفحة 2 من هذا البوست وفي انتظار اراءك النيرة ..سلمتم

سيدي المحترم...كابتن الجمل...سلام من الله عليك
اشكرك كثيرا علي دعوتك لي للأطلاع علي القصة الرائعة (أوبة بحار)....القصة شيقة واحداثها مرتبة وتناولت موضوع حساس ويكثر السؤال عنه الا وهو تأثير الحضارة الأوروبية علي البحارة (العمل....الأسرة...علي المستوي الشخصي)...وايضا تطرقت القصة الي شكل العلاقات بين افراد الطاقم السوداني....نجد انه من المستحيل في بيئة العمل في البحر وبالنسبة الي الجنسيات الأخري ان تعلق مجرد التعليق علي سلوك أحد البحارة ما لم يؤثر في سير العمل مهما كانت سلطتك ولكن كما تظهر القصة لنا ان الأمر يختلف في حال الطاقم السوداني بل يزيد الأمر علي ذلك بأن يشمل جميع افراد الطاقم ويعم السلوك القويم كل الطاقم......سيدي اتمني في المستقبل ان اقرأ لكم قصة تظر لنا فيها الفترة التي سبقت خلو طرف (اليوغسلاف) من الشركة الوطنية (سودانلاين) وتعاملهم مع افراد الطاقم السوداني....وافتتان البحارة بالحضارة الأوروبية وتأثير ذلك الأمر علي حياتهم علي جميع الأصعدة

الاخ ودفراج ...اطال الله عمرك بالهناء والسرور يا اخي الكريم لك الشكر علي تلبية الدعوة والاطلاع .وهكذا هي القصص التي لاممست الذاكرة في الفترة ما بين 1978 -2000 ثقريبا تعددت فيها السفن والشركات البحرية وجنسيات الاطقم ...فالعديد منا قد عمل في شركات بحريه اجنبية بها اطقم من جنسيات مختلفةوهكذا ....علي كل لنا عودة كان الله سهل
وياعاطف الدبلوماسية الرمضانية ما تحرمنا منها ودمتم جميعا.

وهذا أحمد مطر ثانية ... ينعى لنا اللغة القديمة والكتب القديمة ومفردات التوق والهجاء والشتيمة .... فمثلما نكون يولّى علينا إلى أن يقضى الله أمرا كان مفعولا ... فإلى أحمد مطر مع تحياتى :

الرشيد شمس الدين

_______________________________________________________


قصيدة بعنوان
"أنا السبب"



أنا السببْ

في كل ما جرى لكم
يا أيها العربْ
سلبتُكم أنهارَكم
والتينَ والزيتونَ والعنبْ
أنا الذي اغتصبتُ أرضَكم
وعِرضَكم ، وكلَّ غالٍ عندكم
أنا الذي طردتُكم
من هضْبة الجولان والجليلِ والنقبْ

والقدسُ ، في ضياعها ،
كنتُ أنا السببْ

نعم أنا .. أنا السببْ

أنا الذي لمَّا أتيتُ : المسجدُ الأقصى ذهبْ

أنا الذي أمرتُ جيشي ، في الحروب كلها
بالانسحاب فانسحبْ

أنا الذي هزمتُكم
أنا الذي شردتُكم
وبعتكم في السوق مثل عيدان القصبْ

أنا الذي كنتُ أقول للذي
يفتح منكم فمَهُ

Shut up

**

*
نعم أنا .. أنا السببْ .
في كل ما جرى لكم يا أيها العربْ .
وكلُّ من قال لكم ، غير الذي أقولهُ

فقد كَذبْ

فمن لأرضكم سلبْ ..؟

ومن لمالكم نَهبْ .؟

ومن سوايَ مثلما اغتصبتكم قد اغتَصبْ ..؟

أقولها
صريحةً
بكل ما أوتيتُ من وقاحةٍ وجرأةٍ
وقلةٍ في الذوق والأدبْ
أنا الذي أخذتُ منكم كل ما هبَّ ودبْ
ولا أخاف أحداً
ألستُ رغم أنفكم
أنا الزعيمُ المنتخَبْ ..!؟

لم ينتخبني أحدٌ لكنني
إذا طلبتُ منكم
في ذات يوم ، طلباً
هل يستطيعٌ واحدٌ منكم
أن يرفض لي الطلبْ ..؟

أشنقهُ
أقتلهُ

أجعلهُ يغوص في دمائه حتى الرُّكبْ

فلتقبلوني ، هكذا كما أنا

أو فاشربوا

"من بحر العرب"

ما دام لم يعجبْكم العجبْ
ولا الصيامُ في رجبْ

فلتغضبوا إذا استطعتم
بعدما قتلتُ في نفوسكم روحَ التحدي والغضبْ

وبعدما شجَّعتكم على الفسوق والمجون والطربْ

وبعدما أقنعتكم
أن المظاهراتِ فوضى ليس إلا وشَغَبْ

وبعدما علَّمتكم أن السكوتَ من ذهبْ
وبعدما حوَّلتُكم إلى جليدٍ وحديدٍ وخشبْ

وبعدما أرهقتُكم
وبعدما أتعبتُكم
حتى قضى عليكمُ الإرهاقُ والتعبْ

***

يا من غدوتم في يديَّ كالدُّمى وكاللعبْ

نعم أنا .. أنا السببْ

في كل ما جرى لكم
فلتشتموني في الفضائياتِ
إن أردتم والخطبْ

وادعوا عليَّ في صلاتكم وردِّدوا

' تبت يداهُ مثلما تبت يدا أبي لهبْ '

قولوا بأني خائنٌ لكم
وكلبٌ وابن كلبْ

ماذا يضيرني أنا ؟!
ما دام كل واحدٍ في بيتهِ

يريد أن يسقطني بصوتهِ

وبالضجيج والصَخب

أنا هنا ، ما زلتُ أحمل الألقاب كلها
وأحملُ الرتبْ .
أُطِلُّ ، كالثعبان ، من جحري عليكم فإذا
ما غاب رأسي لحظةً ، ظلَّ الذَنَبْ .!



هل عرفتم من أنا ؟؟؟؟

أنا رئيس دولة من دول العرب


__._,_.___

كسرة ضاحكة :-




واحد سكران بسأل من بيت جماعة...واحد بوصف ليهو:تمشى بى شارع كبسولة بسط الامن تخش

على شارع المحكمة تخلى مركز الشرطة على يمينك البيت الفاتح على بيت الامن طوالى دا البيت..

.رد عليهو السكران : فى ذمتك اسى شارعك الوصفتو دا زول شارب كركدى بمشى بيهو ؟؟؟؟


الرشيد شمس الدين

سلامات التحايا والاشواق لكل المنتدين والمعزره لطول الانقطاع الخارج عن الارادهودام التواصل ان شاء الله

العزيز سمي...عبد الرحمن..مرحب بيك..قطعا لديك مقدرة تحسد عليها لتعيد ما نكاد ان ننسي..لله درك..سرحت مع البوست...وتعليقات الاعزاء القبطان الجمل والعزيز ود فراج...
تذكرت عندما كنا نصل غاطس المخا- اليمن- ساعتها لا توجد ميناء..رغم انها اقرب المواني الي تعز..ولكن هكذا اراد القائمون علي امرها..من غاطس المخا كانت البضائع مثل السجاير والعلكه..اللبان تهرب الي اثيوبيا مباشرة..تقف البواخر في الغاطس وتنزل البضائع علي الصنادل..ويجرها جرار...
ما علينا..بعد رمي المخطاف...ياتي الي الضابط الاول وانا كديت...حتة كديت...
يقول للباشريس نزلوا البوشكايين للكديت عشان يقرا الدرافت في الاش...
تلك كانت اقسي لحظات حياتي...من لا يعرف البوشكايين...وصدقوني لم ابحث ولم احاول حتي هذه اللحظه ان اعرف ماذا يسمي بالعربي او بالانجليزي..كل ما اعرف ان اليوغسلاق يطلقون عليه البوشكايين..وهو سلم يصنع من الاعواد والحبال..لا علاقة له بسلم البايلوت المحترم..هذا البوشكايين يستعمله البحارة للنزول علي رافت البوهيه..ولكن ان يمتد الي عشرة امتار لينزل عليه شاب يافع مثلي لا شاف حريرة ولا ضريرة في منطقة يستطيع القرش ان يقفز عشرة امتار--اخصموا خمسة.. في الهواء ليلتهمك....
دايما كنت اقول يا ويلكم يا كديتيه لمن ابقي ... شيف..
ما يضحكني الي الان ..نزلت البوشكايين وانا كديت...نزلت وانا ضابط تالت..وتاني..
وضابط اول..لان الكديت الذي كان معي..قرب يبكي...
بطلوا شمارات...مش حاقول..
محبتي عبد الرحمن..بعضا من الذكريات..

حبيبنا عبدوس انا ما حضرتك وانت كديت لقيتك شيف اد الدنيا و لا اشتغلت معاك كديت (تالت وتاني) لكن البوشكاين بتاعك ده مرة عذبتني بيهو ولو ما كنا في الغاطس كان شلت شنطتي ونزلت ..بذكر الباشريس ربط لي البوشزفت ده وكانت رحلة طولها 4 امتار لكن اطول من الرحلة الدائرية والحمد لله قفزة القرش المرقت منها
قال يا ويلكم يا كديتيه قال ..
كانت ايام بطعم جميل تحياتي

أحبابنا أهل البحر .. أخص هنا عبدوس والجمل .... لكم الود والمنى ... ماهذا الذى يجرى ؟؟؟؟
البوشكايين ... البوشزفت .... دا أنجليزى دا يامرسى ؟؟؟؟؟
تعرف ياعبدوس لما الجمل قال ليك ( البوشكايين بتاعك ) أنا إفتكرت إنو معناها أخد البوش بتاعك .. دا أنا طلعت أهبل بشكل !!!! غايتو سائلك الله ياعبدوس الكاديت القرّب يبكى دا لو كان أول إسمو ماسورة أو الجمل تقول لينا على طول وبالمناسبة الجمل قال ولو ماكنا فى الغاطس كان شلت شنطتى ونزلت...) .. هسى الفرق بين الكلام دا والبكا شنو ؟ والله دا بكاء عديل .. يا عبدوس ياعجيب يامبكيهم ...

الرشيد شمس الدين

والله انا لمن نزلت بالبوشكاين كنت 3rd وبعدين يا برتكانة نفسى اعرف ليه هو كان مصر اني انا بالذات انزل ...يكون لابد لي بالقرش ..
عليك الله يا عبدوس اكشف لنا المستور وقول اسمو لان الرشيد الشمار حيقتلو وتندم انك كنت السبب .........يا مبكيهم

وحتى نرى الردود المنتظرة من أحبابنا عبدوس والجمل هاهو بابكر سلك فى آخر شماراته مع والى الخرطوم ..

الرشيد شمس الدين

___________________________________________________________


* نجي لشمارات والي الخرتوم

* كان شفت يا والينا بعد فشل شعار الغالي متروك

* فكرنا في وسيله جديده لمحاربة الغﻼء

* فكرنا نأجر الزيت نحمر فيهو ونرجعوا

* وفكرنا ناكل بالخيال

* نقعد كلنا نتخيل اننا قاعدين ناكل

* نكوضم في الفارغه

* نفتح خيال شديد يا والينا

* نمضغ ونبلع

* ونشرب مويه جدجد

* ونرجع نكوضم في الخيال

* بكده تبور كل السلع الغاليه

* ونكون حاربنا الغﻼء يا والينا

* فكرنا افكار كتيره

* فكرت لمحاربة الغﻼء اجيب بالجمله من السوق المركزي

* قمت يا والينا سقت معاي اسﻼم

* قلت البت دي من جيل اﻻنقاذ

* اكيد بتعرف تعزل التفاح السمح والكمثري والخوخ والبرقوق والنبق الفارسي

* طبعا يا والينا في نبق بجينا مستورد

* نبق فارسي

* من اهل سلمان

* المهم سقتها ومشينا اشترينا

* ونحنا راجعين قلت افسح البت في البلد شويه

* مشينا بي تحت الكبري الطائر بتاع السوق المركزي

* وفرجتها ليك يا والينا

* ﻻ خليت عد حسين وﻻ سلمه وﻻ مجاهدين

* وريتها كل الحتات

* ونحنا راجعين يا والينا

* اسﻼم سالتني

* قالت لي يا بابا اﻻزهري بعدها مايو ومايو بعدها اﻻنقاذ اﻻنقاذ بعدها شنو؟؟؟؟

سلك كهربا

ننساك كيف واسﻼم منتظره اﻻجابه

والي لقاء

سلك

,والله انتم جميعكم مدهشون اطال الله اعامركم في طاعته وبارك فيكم......آميـــــــــــــــــــن.جاءني من كم يوم واحد ايميل من جدي العزيز ود العوض من النرويج يشكو فيه غبنا اثقل صدره من الانقاذيين الجع...........جيه !!!!!!!!!! وكيف ان انتمائه السابق للشيوعيين ظل يلاحقه حتي بعد ان صار من كبار المتصوفه بالسودان واسس مجله القوم(اهل الطريقه اهل الشريعه اهل الحقيقه) وكذالك جريدة النهار قبل الانقاذولكن كل ذالك لم يجدي نفعا فارسل الآتي....الابن العزيز رحمي صادق التحايا والود..... شطحات الرجل الخارق : شيوعى من آل البيت...!
بقلم : يحيى العوض
-1-
ذئب ترصدنى وفوق نيوبه
دم اخوتى واقاربى وصحابى
( الشاعرمحمد مهدى الجواهرى )
انفض قلمى من حبر الصمت , اضطرارا هذه المرة , لمنازلة الرجل الخارق الذى استبدل ( لسانا عييا ) بجرأة فصيحة لا تتلعثم , واقتدار موسوعى فى السخرية وتطويع الكلمات وشحنها بايحاءات من اشباح المعانى , تتوافق مع تصميمه على قلب الحقائق, واعادة تشكيلها وفقا لاهدافه الجانحة الى آفاق تحفها المسالك الوعرة , تسكنها النكبات , مثقلة دائما بالمفاجآت ,لا يبالى طالما أوصلته الى مجد التيه !. امتاز بقدرات تنظيمية هائلة , لا تتقيد بفن الممكن فى السياسة ولا بمآلات النشاط الملغوم , فهو طاقة هادرة منفلتة , يسميها علماء النفس ,النشاط المفرط والاندفاعية (1) لا تحدها الاطر التنظيمية لحزبه, بارع فى نصب الفخاخ القاتلة التى اسهمت فى تقويض مسيرة الديمقراطية فى السودان !
بمبادرات الرجل الخارق ومباهاته , بدأ السباق المحموم بين اليسار واليمين فى حسم الصراع السياسى عن طريق الانقلابات العسكرية .! بعبارات مفخخة أشعل نار الفتنة عندما اقتحم داخليات المعهد العلمى فى امدرمان عام 1968م وكان طلابه يتناولون طعام العشاء , صرخ فيهم ( قاعدين تاكلوا , قوموا تاكلوا السم , الشيوعيون ينبذوا فى نساء النبى !),قبلها بساعات , حاول اقناع الدكتور الترابى بضرورة التعبئة لاستغلال ندوة معهد المعلمين لحل الحزب الشيوعى وطرد نوابه من الجمعية التأسيسية (2). لم يقتنع الترابى وكذلك القيادى بالتنظيم الاستاذ ياسين عمر الامام بالفكرة , كما يقول الدكتور عبد الرحيم حمدى, لكن الرجل الخارق , ازداد اصرارا , عبأ طلاب المعهد العلمى وخرج بهم الى الشارع , وتتابعت المظاهرات لتشمل معظم احياء العاصمة , وبعدها لدور الحزب الشيوعى . وتلاحقت الاحداث , وافقت الجمعية التأسيسية على حل الحزب , ونقضت المحكمة العليا القرار , ولم ينفذ الائتلاف الحاكم برئاسة السيد اسماعيل الازهرى رئيس مجلس السيادة والسيد الصادق المهدى رئيس الوزراء حكم المحكمة العليا , وتم طرد نواب الحزب الشيوعى من الجمعية التأسيسية ,مما شكل سابقة كارثية فى ازدراء القضاء , وتوافرت بذلك الاسباب والمبررات لتحالف الشيوعيين والقوميين العرب للاطاحة بالنظام الديمقراطى فى مايو عام 1969 م ,وبعدها تتابع سباق الانقلابات المضادة , لنصل الى انقلاب يونيو 1989 م ..وليس هدفنا من سرد هذه الاحداث , توثيقها تفصيلا, همنا تحديد ملامح وقدرات الرجل الخارق ,مؤسس منظمة الشباب الوطنى , وجماعة المسرح السودانى والشبح المهيمن على بنك فيصل الاسلامى منذ تأسيسة, بدون موقع معلن فى ادارته, وصاحب المشاريع الزراعية الضخمة فى النيل الابيض و الذى عاد الى الاضواء فى برنامج (اسماء فى حياتنا ) مفاخرا بانجازاته , مضيفا لمعلوماتنا ماغاب عن الذاكرة الوطنية الخربة, فهو صاحب السبق فى مصطلح و تنظيم المسيرات المليونية قبل ميلاد شباب الربيع العربى , وهو الوحيد , الرجل الخارق ,الاستاذ على عبدالله يعقوب,( منحه المذيع لقب الشيخ ), الذى يعرف من اين تلقى الاستاذ محمود محمد طه علومه و معارفه ,: (من ماسونى اسمه ميرزا يعمل ساعاتى فى سوق امدرمان , ومهنة تصليح الساعات فى ذلك الزمان كانت محصورة فى اليهود ! ) وهو الذى رشح الدكتور الترابى ليكون الامين العام لجبهة الميثاق الاسلامى فى مؤتمر 1969م .وقال ان من اسباب تطبيق نميرى لقوانين الشريعة الاسلامية , وجود العديد من مصانع الخمور, حتى اصبح سعر زجاجة الببسى كولا اغلى من زجاجة البيرة ! و سرد بالتفصيل علاقته مع المملكة العربية السعودية وكيف تهيأت له فرصة نادرة عام 1968م ,عندما زار الملك فيصل السودان وكان ضمن برنامج الزيارة حضوره مع الرئيس ازهرى مسرحية ظهور الاسلام , ورغم انه لا يجيد الخطابة ويعانى من عجز فى نطق الحروف (تمتمة ) الا انه خاطب الملك فيصل قبل رفع الستار بكلمات بليغة قائلا: ( يا صاحب الجلالة نحن الشباب نحييك ونحتفل بك ونعتبرك الخليفة الراشد السادس بعد سيدنا عمر بن عبد العزيز )وكتب مرافقو الملك اسمه كما قال , ومنذ ذلك اليوم ترسخت علاقاته مع المملكة وبالتحديد مع الامير محمد الفيصل , نجل الملك, وتمددت الوشائج حتى أثمرت قيام بنك فيصل الاسلامى فى السودان . ويقول انه رفض كل المناصب السياسية الرفيعة التى عرضت عليه من مستشار لرئيس الجمهورية الى وزير ووالى ..الخ, موحيا بان دوره يتطابق مع المقولة الشهيرة للمستشار السابق لرئيس الجمهورية للتأصيل الاستاذ احمد على الامام: نحن مثل هذه الساعة لها جزء مرئى وآخر غير مرئى , ولكن مابين ما يرى ولا يرى صلة وثيقة .!
وكانت المفاجأة المثيرة بالنسبة لشخصى , اقحامى فى مسلسل معاركه وانتصاراته !, ولا استطيع ( اختراق حيائى) ليكون ردى متسقا مع سخريته
,واعترف انه انتزع منى ابتسامة مباغتة من فصيلة ( شر البلية ), عندما سمعته وهو يصفنى ب ( الشيوعى من آل البيت ) !
-2-
يحكى , الرجل الخارق , فى برنامج, أسماء فى حياتنا , عن تأسيس بنك فيصل الاسلامى عام 1977م بمبادرة منه وموافقة الامير محمد الفيصل , الذى ارسل خطابا الى الرئيس جعفر نميرى , ومنح التصديق, الا ان الرئيس النميرى اوفد السيد فتح الرحمن البشير والاستاذ محمد يوسف محمد للقاء الامير, الذى كان فى زيارة للقاهرة واشترط ان يتولى الشريف الخاتم محمد فضل المولى , ادارة البنك , وحاول الاستاذ على عبد الله يعقوب , تبرير الترشيح , لان النميرى ينتمى روحيا لآل الشريف محمد الامين الخاتم , رجل كركوج السامق , وهذا صحيح , لكن النميرى وفى تلك المرحلة ووفقا لنصائح مستشاريه , تعمد ابعاد البنك من سيطرة الاخوان المسلمين, موقنا بان الشريف الخاتم فضل المولى قادر على ابعاد البنك من الاستغلال السياسى . ويعترف الاستاذ على عبد الله يعقوب بوجود مرشح لادارة البنك ,لكنه لا يتذكر اسمه, رغم الحاح مقدم البرنامج الاستاذ عمر الجزلى!
ومن هنا يقفز بنا, الرجل الخارق, متجاوزا مخاض الميلاد الشاق, لأول تجربة من نوعها فى السودان , والثانية اسلاميا بعد مصر ,كان بعيدا يترقب ويتلمظ , متلهفا لقطف الثمار.. تتجسد وتتخلق امامه فكرة على الورق وهى تتحول الى صرح عملاق يدر ارباحا بالملايين . نجح الشريف ورجاله فى تحقيق الحلم الى الواقع , مفتتحا فى عام واحد فرعين رئيسيين فى الخرطوم وامدرمان ,لكن الرجل الخارق يتجاهل هذه الانجازات , ويتطاول منتشيا بثمل النميمة ونشوة الدسائس و(هذرمات ) الشيخوخة , ليتحدث عن خلافات و(مشاكل) مع الشريف . ويسأله المذيع عن سبب الخلاف , وكانت المفاجأة المذهلة , يجيبه حرفيا دون ان يطرف له جفن : ( أول ماتم تعيين الشريف الخاتم , جاب مدير علاقات عامة , واحد شيوعى كان شغال فى وكالة انباء تاس السوفيتية , قلت له يا الشريف تجيب شيوعى من آل البيت ما معقول.!) ويضحك المذيع ويتساءل ( سميتوه شيوعى من آل البيت , دى كيف ؟ ) , ويبدو ان الرجل الخارق , تذكر موهبته فى التمثيل عندما كان يدير جماعة المسرح السودانى فى ستينيات القرن الماضى , وضع راحة يده اليمنى على جبينه وفوق حاجبيه , قائلا ( عندما يدخل مدير العلاقات العامة مبنى البنك يعمل كده عشان ماحد يشوفوا ) اى انه يدخل متسللا متواريا عن الانظار !
ويردد مرة أخرى ( قلت ليهو يا الشريف : تجيب شيوعى من آل البيت )؟ , ويصر المذيع عمر الجزلى على تفسير غموض هذا التعبير , وبذكائه الحربائى المتلون , وهو يدرك انتساب الشريف الخاتم , للدوحة النبوية الشريفة , كما يعرف انتسابى الروحى لآل الخاتم , اجاب متلعثما , فالكلمات كما يقول المسرحى على سالم : ليس من السهل وضعها فى( الخلاط) لتنتج لنا معانى ليست موجوده فيها اصلا, ( بنك اسلامى يجيب فى واجهته مدير علاقات عامة , شيوعى , وليس شيوعى من الشارع ولا من الحزب , شيوعى من تاس السوفيتية , يعنى من آل البيت .!) ويضحك المذيع لكنه يدارى حرجه المهنى ويسأله ( لو كان الرجل يتمتع بالقدرة والكفاءة ما المانع فى توليه المنصب ؟)ويجيبه قائلا ( يعنى لو البنك اسسه الشيوعيون , هل يجيبوا اسلامى مديرا للعلاقات العامة )؟ وأسأله هل من شروط العمل فى وكالة انباء تاس السوفيتية ان يكون الصحافى شيوعيا ؟ومن هى الجهة التى يحق لها منح صكوك الاعتراف بانك مسلم , هل هو تنظيم سياسى
معبن مفوض بهذه الصلاحيات ؟ يتلاعب الرجل الخارق بالمصطلحات والكلمات كأمهر الحواة , فهو ( قادر على انكار الحقائق , لكنه يعجز عن تغييرها ) , تصيدنى لينال من قامة سامقة , من أنبل وأعظم , ابناء السودان , الشريف الخاتم محمد فضل المولى , المؤسس وأول مدير عام لبنك فيصل الاسلامى , وهو فى رحاب الله , يعرفه مجايلوه, بخلقه الرفيع , وكفاءته العالية , تولى وزارة المالية وقبلها ادارة مصلحة الضرائب , ويسجل له التاريخ انه اول واخر وزير فى حكومات الرئيس جعفر محمد نميرى يقدم استقالته , كان الرئيس نميرى هو من يقيل الوزراء ولا يتسامح مع من يجرؤ على تقديمها !..اراد الاستاذ على عبد الله يعقوب تزييف تاريخ تأسيس بنك فيصل , واحقية الشريف الخاتم , معلما ورائدا لهذه التجربة , والتى انغض عليها واختطفها نهارا جهارا سرب من الغربان ..رحم الله الشريف :
عدت الضباع عليك, عاوية
ظنا بأنك مأكل جزر
فتذوقتك فقال قائلها
ان القضنفر لحمه مر
(الشاعر محمد مهدى الجواهرى )
فما هى حقيقة تأسيس بنك فيصل الاسلامى والخلاف الذى أدى الى استقالة الشريف الخاتم محمد فضل المولى , هل هو بسبب مدير العلاقات العامة ,كما يدعى الرجل الخارق ؟.. شهادة للتاريخ , معظم ابطالها على قيد الحياة! (نواصل) yahyaalawad@hotmail.com
-1-hyperactivity and impulsivity
-2- ندوة معهد المعلمين العالى بامدرمان عام 1968 بعنوان الاسلام والاخلاق شاركت فيها الدكتورة سعاد الفاتح وتسببت مداخلة للطالب شوقى محمد على , 19 عاما , سخطا فى الندوة , ولم يكن شوقى باعترافه عضوا فى الحزب الشيوعى حسب مارواه فى حواره فى صحيفة السودانى2006 م. نص عبارة (تاكلوا السم ) اشار اليها الاستاذ شوقى بدرى , سودانايل 2008م

شكرا على وافر أفضالك حبيبنا عاطف القوز فمثلك كان والله كثيرا علينا .. أسعدتنى مكالمتك الطويلة معى البارحة وخففت علىّ الكثير من آلام الغربة القاسية التى لا يحسّها إلا من عايشها رغم أنّ الكثيرين - ولجهلهم فقط - يغبطوننا عليها ... أسعدتنى أكثر كلمات محجوب شريف الأخيرة ولذلك عزّ علىّ أن أستمتع بها وحدى ..وأستحقت عن جدارة أن أعتبرها من أجمل ماسمعت ... فإليكموها :-


آخر قصائد محجوب شريف

__________________________________________



تلاتة كباري وشارعين وسد
تلاتة كباري وشارعين وسد
قديتونـــــا قصــادهــــم قــــد
لو جينـا لكشف حساب وجرد
******
أمسك واحد أول بدء :
...سرقتو وطن واسع ممـــــتد
فكفـكتوهــــو
وزعزهتوهو
وأرهقتوهــو
وبشتنتوهــو
وهديـــــــتوهو هــــدا هــــد
******
وهاك التاني أمراً أد :
حكمتو شعب كان زي الورد
أفقـرتوهـــــو
وشردتوهـــو
وجهجهتوهو
وعنصرتوهو
وقطعتو حبل كان واصل ود
******
أُخد التالت لو ترتد:
وجدتو مصانع لقيتو مزارع
وسكـــة حديـــد جد بالجــــد
عطلتوهـــا
وفرتقتوهـا
ووقفتوهــا
وشلعتوهـا
وقطعتو رزق عمـال من حد
******
أحسب رابع وتابع العد :
وين تعليمنا ووين ترنـيمــنا؟
وين آدابنــا ووين كتــابنــــا؟
وين رياضتنا ووين ريادتنا ؟
مرمطوهـا
وأخرتوها
وأفشلتوها
وطيشتوها
وخلفـــتوها جهـــل عن قصد
******
شوف الخامس أخذ ورد:
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا ووين أموالنا ؟
وين غيرتنا وكيف سمعتـــنا؟
خرمجتوهـا
وبشتنتوهـا
########توهـا
وبـددتوهــا
ولوثـتوهــا
وبي سمعتنا مسحتو الارض
هاك السادس ونفسك سد :
رئيساً راقص رقصاً شين
مسئول مزواج ركاب سرجين
وزارة تجارة وبياعين
ناساً عايشة ومبسوطين
جضوم منفوخة ملمعة زين
كروش ممدودة متر مترين
أيادي طرية نعومة ولين
طالعين ماكلين نازلين بالعين
مناشر تنشر مطحونين
بفقه السترة محميين
ومندسين ومدسوسين
بفقه ضرورة وقوة عين
نهابين ومغتصبين
فساد شفناهو راي العين
وشميناهو أبو العفين
وناس بهناك دايشين دايخين
بطونهم خاوية وما لاقين
وجوهم هايمة وفقرانين
وعينهم طالعة وكمان صابرين
وليه ساكتين ؟
ولي متين ساكتين ؟
باسم الدين الخداعين
خلو حياتنا زفت وطين
تجار الدين الأفاكين
ملعونين ملعونين
ملعونين لي يوم الدين
غشيتونـــا
وبشتنتونـا
وعذبتونـــا
وجننتونـــا
وبكيتونا دمع ودم ولطخة خد
******
وتقولي كمان
تلاتة كباري وشارعين وسد !!!
بس يــا ود
حيلك شـــد
ويد علي يد
كلنـــــا ضد
ضد العسكر وحكـــم الفرد
ضد الظلمــة ومــن أفســد
نضال وارثـنو أب عـن جد
أكـتوبر أولى لــنا بتشــــهد
وأبريل التانية أعادت مجد
والتـالتة قريبة وما بتبــعد
خليك واثق واتأكــد
للأحلى حيكون الغد
للأفضل راجنو الغد
للأجمل حنبني الغد
للأحلى حيكون الغد
للأفضل راجنو الغد
للأجمل حنبني الغد

صاحب البوست والمتداخلين
تحيتى

الشريف الخاتم محمد فضل المولى , المؤسس وأول مدير عام لبنك فيصل الاسلامى , وهو فى رحاب الله , يعرفه مجايلوه, بخلقه الرفيع , وكفاءته العالية , تولى وزارة المالية وقبلها ادارة مصلحة الضرائب , ويسجل له التاريخ انه اول واخر وزير فى حكومات الرئيس جعفر محمد نميرى يقدم استقالته , كان الرئيس نميرى هو من يقيل الوزراء ولا يتسامح مع من يجرؤ على تقديمها !..اراد الاستاذ على عبد الله يعقوب تزييف تاريخ تأسيس بنك فيصل , واحقية الشريف الخاتم , معلما ورائدا لهذه التجربة , والتى انغض عليها واختطفها نهارا جهارا سرب من الغربان ..رحم الله الشريف :

بما ان ابطال هذه الواقعة ما زالوا احياء فقط نتمنى ان يستضيفهم البرنامج كما استطاف هذا الرجل الذى نسيهم ..
مقال رائع واسلوب جميل .

[quote="الرشيد شمس الدين عبدالله"]
آخر قصائد محجوب شريف

تلاتة كباري وشارعين وسد
تلاتة كباري وشارعين وسد
قديتونـــــا قصــادهــــم قــــد
لو جينـا لكشف حساب وجرد
******
أمسك واحد أول بدء :
...سرقتو وطن واسع ممـــــتد
فكفـكتوهــــو
وزعزهتوهو
وأرهقتوهــو
وبشتنتوهــو
وهديـــــــتوهو هــــدا هــــد
******
وهاك التاني أمراً أد :
حكمتو شعب كان زي الورد
أفقـرتوهـــــو
وشردتوهـــو
وجهجهتوهو
وعنصرتوهو
وقطعتو حبل كان واصل ود

دى حقيقة

تشهد الرياض(السعودية) فعاليات مهرجانات وردى الوطن
وهنا كلمة الافتتاح من د. صلاح على محجوب رئيس اللجنة العليا

كلمة الافتتاح للجنة العليا لمهرجانات وردي الوطن
صلاح محجوب
الحمد لله الذي جعل ما لا أذنٌ سمعت نعمة من نِعمِ الجنّة، ونصلي ونسلمُ على من اجتمعت القلوبُ على حبّه أنّى ما وُجِدت وأينَ، سيّدِنا محمّدٍ المبعوثِ رحمة للعالمين وعلى آله وصحابته أجمعين.
السادة ضيوفـَنا الكِرام،
السلام عليكم ورحمة الله الكريم المنّان.
عطّر سماواتِ الوطن، بإرث سيبقى ما بقِى الزمن، ألهبَ المشاعر من فيضِ كلِّ شاعر، وتغنـّى وتمنـّى للوطن. مخــرَ من بحرِ الفنِّ عُبَابَه، دون أن تبتـلّ في يده الرَّبابة. ربابةُ الغلابة، زفّ كلّ محبٍّ لمُحبِّه، وأحرق في محرابِ الوطنِ الكبيرِ قلبَه، زفراتٌ حرّى وأهاتٌ راقصة، وملاحمُ كُبرى وألحانٌ هامسة. جمع على حبّه الطفلَ اليافع، ومن في ريعانه اليانع، والكبيرَ الدانِف، وظلّ لحنـُه شفاءً للسقيم المُدنَف.
تشرّب (الصّمدُ الشافع ) حبّ المترة في صواردة، ودار الولدُ القانع، مع القادوس كالعبادة، تربالٌ يافع، ليس دوران الساقية في مفهومه مواجع، كما كان للصغار من أترابه. بل يوحي له أنينها الشجن: والشجنُ هو فقدُ الأمِّ الحنينةِ قبلَ أنْ يبدأ الزمن.
ويلهمُه نبضُ الساقية الحزينُ أن يحمل الطنبور ليعزف الألحان .. معلناً مولد الشاعرٍ الفنّان. وموعدٌ مع القدر أن يصبحَ ورديُّنا نبضَ أمّة، يبزُّ أقرانـَه واللـُّمة.
كما الخليل وكما دهب خليل، يدندن لحنَ ( النوب) لحنَ الذهب، يصير اللحنُ بعد حين نشيداً للوطن، ولا سياج للوطن. صورادة ؟ كلا، بل انطلق. عبري وإشكيت وفركة؟ كلا، دعِ القلق، ومن ثـَمّ انطلق. أمدرمان ومتولي عيد؟ لا بل الهمّ أكبر. هاجـِر مع الطيرِ واعبُرْ. إفريقيّا شرقيّها وغربيّها؟ لا سياج للوطن .. لا سياج للوطن.
إنـّه وردي الوطن
وقالت الوثيقة قد رحل، استنكرت الجموعُ: لا نراه قد رحل، ما خفـَتَ صوتُ الطنبورِ ما اضمحل، ثمّ إنّنا لا نرى المحل. شدْوُه كما كان دوْمَاً يشنّفُ الأذن، عطرُه الفوّاحُ قولُه اللماحُ ما زال بيننا، هل توقف الزمن؟ قال الطبيب لا أسمع نبضَه، لقد توقف قلبُه، إنّ السمّاعةَ لا تكذب، اسألوا الطبيبَ المجرِّب. وهل نسمعُ من الطبيب غيرَ الكذب؟ أما كذبَ الطبيبُ على أبي الطيّب وأخطأ التشخيص؟ فقال فيه المتنبّي ( والمتنبّي شيّال حال):
يقول لي الطبيبُ أكلتَ شيئاً * * * وداؤك في شرابك والطعام
فيتحدّاه المتنبّي بأنّ طبّه لا يستطيعُ أن يُشخصَ حالته التي سبرَ هو غوْرَها حين قال:
وما في طبّهِ أنّي جــوادٌ * * * أضرّ بجسمِه طــولُ الجمـــامِ
يا طبيبنا إنّ طبّك في (مطب)، هذا الرجل من ذهب ولا يصدأ الذهب، وبلده نوبيا مشتقٌّ اسمها من (النوب)، ألا تدري ما هو الذهب؟
يا طبيبَنا إنّ وردي يسعى بيننا، إنّ وردي حيٌّ في دواخلنا.
هذا هو المنطلق (حيٌّ في دواخلنا)، تنادينا بها جميعاً لنقيم لوردي الوطن مهرجاناتٍ تقهرُ حزنَ من حـَزِن، وتنهضُ بهمّةِ من رأى رأيَ الطبيِبِ الذي قلـّبَ لنا ظهرَ المِجَن. وردي الوطن حيٌّ في دواخلنا ... مهرجاناتٌ تترى، أوّلُ قطرِها الليلة.
وتلحق بها بعد شهرٍ مُزنةٌ أخرى، مُزنةٌ نوبيّة حفلها مهيب، تمتنع فيه لغة الضاد، وينتشي الناطقون بغيرها وقد جمعنا لها - في عناقٍ- الأضداد ( عزم ترهاقا وإيمان العروبة). يحييها نوبة جنوب الشمال نوبة إخناتون، ونوبة شمال الجنوب نوبة تهارقا الميمون.
وتتلوها ديمة إفريقيّةٌ هتون: ما فشلت فيه منظمةُ الوحدة الإفريقيّة، وسليلـُها العليل الاتحاد الإفريقيّ، ووكالة أنبائهما ( بانا)، نجح فيها وردي حين أتانا ينسِجُ شرقيَّها بغربيِّها. دانت القلوب بحبّه تيّمها اللحنُ الذي هيمن، وشُغِفت بحبِّ ملحـِّنِها المُدندن وإن لم تفهمِ المنطوق.
قال لي محمّد ياسين إنّه كان في منفذ ( وردي فون) يبيع شرائط الغناء حين أتاه ذلك النيجيريّ المتين يطلبُ شريط ( واهرو هتـّا مِن جكره).. يقولُ: لم نستبين.. وردّدها المتين ( واهرو هتـّا مِن جكره)...ردّدها مثنى وثلاث ورُباع، وضربوا هم أخماساً في أسداس، حتى قيّض الله لزائرٍ تفسيرَها ( لعله كان من أهل المِزاج) قال: يريد ( واهرب حتّى من ذكراك)، فتأمّل.
هو إذن مهرجان يعبّر فيه أهل إريتريا وأثيوبيا وتشاد وجنوب السودان وغيرهم عن حبّهم لمن جمع بينهم.
ثمّ يأتي الغيثٌ العميم مهرجان أصدقاء أبي عركي... هي المفاجأة الكُبرى، إذن نترك شأنها، حتى نملأ دنّها في ليلة العُرس الجميل.
والسيل الكاسحُ هو سيل رابطة الصالحيّة الرياضيّة التي يتحوّلُ موسمُها الرياضيّ مهرجاناً ورديّاً، سنسمع عنه كلّ تفصيل.
ثمّ يأتي رذاذ المهرجانِ الجامعِ الخاتم.
لم نحدّد موعداً قاطعاً لكلِّ مهرجان، ولكنّا ننشرُ مهرجاناتِنا ما بين (مايو) الذي (انجلى) وأكتوبر الأخضر القادم، أكتوبر ( الدرد) الذي يستوي به ( العيشُ الملـبِّن).
أمّا المهرجانُ الفاتحُ الأوّلُ:
مهرجانُ الليلة، فهو لقمةُ سائغة زيّنا لها الأشداق حين قامت لها على ساق جمعيّةُ الصحفيين السودانيين، التي تنظمها وتتكفـّلُ بكلِّ شأنها إلا القليل. ومحاضِرُ اليوم بين أقرانه القُدّام والذروة والسّنام، هو صحفيّ ناقدٌ مؤرّخ باحث موثـّق، أرّخ للغناء السودانيّ كما لم يفعل أحد حين اكتفى الموثـِّقون بالشهادات الشفهيّة، هو أستاذنا معاوية ياسين، وبعد أن تسمعوا قوله المُبين، ( حوّطوه ) بالمعوِّذتين و(يس).
تزدانُ هذه الليلة وتأخذ هذه القاعات وهذه الحوائط زخارفـَها المُوَشَّاة بفعل مجموعة نذرت نفسها للفن (بيت التشكيليين السودانيين)، واصلوا الليل بالنهار يسابقون الزمن، في لجان مهرجانات وردي الوطن. منهم من هو جزء من اللجان ومنهم من هو خارجها، يضعون البصمة وينتزعون البسمة، يلوّنون كلّ ما يخصّنا بلونِ يجلب المسرّة، في كلّ مرّة.
وينتهي حفلنا اليوم بأغاني شجيّة.. نماذج فنيّة من الأغاني الورديّة يشدو بها مدثر ياسين وسيّد زمرواي ومجموعة الفنّانين يدخلون على قلوبنا السرور، حتى نحلق في فضاءات الطيور.
أحبّتي:
بعد ذا، ترقبوا سُحبَ السماءِ: غيمةً وقطراً، وديمةً وغيثاً وسيلاً، هي تترى، هي قطرات مهرجاناتِ وردي الوطن. ودمتم جميعاً للوطن، و(حدق العيون ليك يا وطن).
والسلام عليكم ورحمة الله تعالى وبركاته.

مقال فى منتهى البهاء والوسامة .... تشكر حبيبنا خالد أبو صبا فالجمال من تالاك لا يستغرب ..

الرشيد شمس الدين

وهذا بابكر سلك مرة أخرى فى شماراته مع والى الخرطوم وناس البحر ( يعنى نحن ) !!!!!!

الرشيد شمس الدين

__________________________

* اها نجي لشمارات والي الخرتوم

* كان شفت يا والينا في اتين بتاعين بحر

* كانو قاعدين جمب البحر

* واحد ماسك ليهو جنيه وبعاين للجنيه

* ساعه يعاين للجنيه يا والينا

* التاني قال ليهو الجنيه ده بتعاين ليهو كده غريب عليك ولا شنو ؟؟؟

* الاول قال ليهو ماغريب علي لكن تتخيل كاتبين فيهو المحافظ !!!

* التاني قال ليهو محافظ ؟؟؟؟ محافظ كيف ؟؟؟ هي الفوره تمنميه ولا شنو !!!!!

* وكان شفت يا والينا قالوا في قصه اسمها قصة الكديسه

* قالوا الكديسه لو اديتها طوبه في الشارع بتجري الحوش

* ولو لحقتها في الحوش واديتها طوبه بتجري البرنده

* ولو لحقتها في البرنده واديتها طوبه بتجري الاوضه

* ولو حصلتها في الاوضه واديتها طوبه بتجري ركن الاوضه

* ولو لحقتها في ركن الاوضه ورفعت الطوبه

* بتنط فيك وتخربشك يا والينا

سلك كهربا

ننساك كيف ونحنا في ركن الاوضه قلنا نجاوووووووووووووووو يا والينا

والي لقاء

سلك

دائماً ما نجتر القديم لأنو اجمل .. كنت اقف مشدوهة ومندهشة امام خطابات الراحل الدبلوماسي عمر الحاج موسى .. لما فيها من حلو المعانى والكلام المعتق ومعطر وراقى .. الأن وقفت تانى مع الرائع د. صلاح محجوب فى حق وردى .. مشكور على الخطاب الجميل فى حق الراحل المقيم وردى .. اذ جمع على حبّه الطفلَ اليافع، ومن في ريعانه اليانع، والكبيرَ الدانِف، له الرحمة والمغفرة وللشعب الصبر وحسن العزاء . ولك التحية والانحناءة الاخ ود الاستاذ

بى تحيز فطرى لكتابات صلاح على محجوب، فالرجل خالى الشقيق!
له حاجات منشورة هنا وهناك فى غاية الابداع، خصوصا فى ادب الرسائل
لكنى تابعت كما كل الناس تابعوا رحيل العمالقة فى هذه الشهور التى قام واحد جميل تانى من بلدنا ...مات،،، بالامس رحل الحاردلّو ليلحق بركب الكواكب التى غابت عن سماوات بلادى، مضيفا لمساحات الوجع، كوم

عودة لوردى ومن المنشور عن وردى استوقفنى(بتاعت آلاء، استوقفنى دى) مقال بديع مكتوب بصدق تحسه ينبض بين الحروف، لكاتب محترف
يـــــــــــــاهو ده
___________________________________________

أرحني إلهي قليلا فإني بـ(وردي) جريح !

--------------------------------------------------------------------------------

أرحني إلهي قليلا فإني بـ(وردي) جريح !


خالد عويس
روائي وصحافي سوداني
Khalidewais2012@gmail.com

لكلٍ وردي، ورديه خاصته، ولي وردي، وردي خاصتي !
لي وردي صوفيتي وجنوني وبكائي وفرحي وذكرياتي وكتاباتي وصباحاتي ولياليّ !
لي وردي عشقي وبوحي وأسراري وجنوني وكفري وإيماني.لي وردي طفولتي وصباي وشبابي وشيخوختي، لي وردي "العمر بين الفنادق لا يستريح، أرحني إلهي قليلا فإني بـ(وردي) جريح" (1) !
في كل كبدٍ قلبُ أمّ. واليوم أبكيك - يا وردي – بقلب أمّ !أمّي تبكيك أيضاً – يا وردي – وأنا لبكائها أبكي. حبيبتي تبكيك - يا وردي - وأنا لبكائها أبكي !
هذا الفانوس الـ(وردي) الذي يتراقص على جدراننا الطينية البسيطة وليالينا، أجمل ليالينا التي تنهض من ركام الذاكرة، هناك في القرية الوادعة على ثغر النيل، تحلم بالأفراح البسيطة وبالأغنيات. تحلم بأغنياتك يا سيدي.إنه زمنٌ من الكلمات والألحان والموسيقى.
زمنٌ من الجمال الفاتن الخالص المصّفى.إنه زمن (وردي).كتاباتنا لن تخفف من لواعجنا البتة.الحزن عليك يا وردي أكبر من الحزن وإن اتسع للعمر بكامله.
آلاف الأغنيات من حولنا، وأنت..أنت وحدك الأغنية السودانية الخالصة المستخلصة من أحزاننا وأفراحنا ونخيلنا وصحارينا ونيلنا وغاباتنا المطيرة وأغانينا.وحدك الذي عرفت أحزاننا حزناً حزناً، وأفراحنا عرساً وثورة.
وحدك الذي عرفت ملامحنا وجهاً ووشماً وعيني جدةٍ طيبة. وحدك الذي انتقيت لنا صدر السماء، وغفوت - كطفل جميل - هناك، قمراً في سماء ليالينا القروية البسيطة المحتشدة بالجمال والأصوات والروائح.وحدك الذي تغلغلت في أنسجتنا وسريت - كالعطر - عبر مسامنا، وحدك الذي مسحت دموعنا..قطرة قطرة.
أنت الذي مسّ "العرش"، عرش الوطن بأطراف روحه/أغنياته وباح:حبي لمولاي أضناني وأسقمني..فكيف أشكو إلى مولايَّ مولائي (2) ليتنا - يا وردي - كنا نعشق هذا الوطن أقل هوناً ما، لعرفنا – يا سيدي – كيف نهدهد وجعك في الدواخل.
أنت - يا سيدي - ملامحنا وهويتنا، ألا ينتحب المرء لخسارة هويته؟كقهوة الصباح، كطبق الفول، كأمواج النيل، كالصندل، كعطر العروس، كالبروش والقنقليز والكركديه والقراصة، كالكسرة، كهنا أم درمان وروائح الحلو مر قبيل رمضان، كقبة المهدي وطوابيه، كالبركل والمقتنيات الأثرية، كسنار ودارفور وتقلي والمسبعات والشلك والدينكا، كرقصة الهدندوة، كالشلوخ، كالنحاس والدليب والتم تم والطنبور، كالمسيد، كالأضرحة أنت ترقد في دمائنا.الفوانيس/الأرواح الجبارة، مثلك يا سيدي، يكفيني منهم ذلك، يكفيني أنهم يقطرون الشهد في روحي، ويغسلونها بقبس من أرواحهم، قدس الله أسرارهم.
حيّ قيوم !
هذه هي الوحشة الكبرى، الأشياء التي تلتصق بنا، كذرات عطر عالقة، ثم نروح نبحث عنها على سطح جلودنا، وقرارة أرواحنا، لكننا لا نعثر عليها.كعطر الأب الغائب، يعلق في ذاكرتنا منذ الطفولة، وحين يغيب إلى الأبد يعلق ذياك العطر، أيضاً، إلى الأبد، علامةً على حزنٍ سرمدي.
السحر المرشوش على الواقع هو تحديداً ما يبرع فيه هذا الساحر (وردي). إنه سحر الوجود الذي لا يراه الآخرون ! البهاء الأزلي الذي يجلل هامات الأشجار، وبلورات الضوء التي تذوب في الماء، والقطرات على ريش الطيور! الشجرة ليست (شجرة) !! والوطن ليس مجرد وطن.
الحبيبة ليست مجرد حبيبة.
والأغنية ليست أغنية، إنها (ذاكرة) و(عطر) وجزءٌ من الروح ملتصقة به مقتنياتنا الوجدانية كلها.الأغنية تحوي ذلك الكون المجنح، وتسبح على بركة الضوء.
الموسيقى!
هل بوسعنا أن تعرّف الموسيقى؟ موسيقاك أم موسيقا(ي)؟
الموسيقى التي تنبعث من الآلات، أم الأخرى التي تضج بها أجسادنا؟
أليست أجسادنا تحوي قدرا خرافيا من الموسيقى ؟
وكلما اكتشفتَ لونا موسيقيا، ارتدت بك روحك إلى أزلها، وعبّت من النبع الخالد.يا وردي، أجسادنا وأرواحنا تضبط إيقاعها على موسيقاك.
يا الله حين تروح كل تلك الآلات (الحية) تذوّب حشاشاتها فيّ. الناي والطبل والدفوف والغيتارات والكمانات والساكسفون والفلوت، وصوت (وردي) يغسل الضوء بالضوء، يعانق روحي ويتغلغل في أنسجتها!صوته الفرح والحزن معاً، كأنما روح ما، روح كونية معذبة، مدقوقة على يديها مسامير غير مرئية، معلقة هناك، تخفي في أعماق عينيها حزن وجودي يتدفق كبحر.
يا أحمد ساطور، يا الهادي عثمان، يا حرجل، يا شاكر عبدالرحيم، يا عازف الناي، يا عازف الغيتار تحمله كحبيبة دائخة بين ذراعيك.تروح ترفعه وتخفضه، وتعبث، بروحه، في أسلاكه.والذي يليك، يمس بأطراف أصابعه، بمهارة وخفة، كون الموسيقى الرابض أمامه.والثالث يمضي يميل رأسه إلى الخلف وهو يرفع الساكسفون إلى أن يلامس السماء.يتوّحد معه، ويبكيان.وذاك يدق بعصاتيه الرفيعتين على الطبول المكومة أمامه.والأخير يقرّب جدا الغيتار من جسده، ويغيب تماما في حضرة أنغامه الآتية من بعيد.
ثم يتنزل صوتك من عليائه:
عيونك زي سحابة صيف..!كل الأرض منفى..!
أو:خاف من الله على قلبي..!
دي الإرادة..ونحن ما بنقدر نجابه المستحيل..!
أو: وكان تعب منك جناح في السرعة زيد..!
حرّمت الحب والريدة..!
ببالك هل يمر ذكري..وأمامك شكوتي وشكري !
الموسيقى تنساب بنعومة، ثم تتصاعد تدريجيا.وصوته يعانق بذرة الوجود والفناء..يتقطر من شجرة سماوية، ويفصح عن المجهول الغامض.يطوي، في لحظة، المسافة بين الإنسان، في عذابه الأبدي، والسماء في جلالها المهيب.يغمرني صوته بقشعريرة.
من مات ولم يسمع وردي، مات وهو غريب على الحبّ والعشق، حب الأرض/الحبيبة، الحبيبة/الأرض، مات غريباً على جوهر الإنسانية في أعماقه !!
يتدفق صوته كـ(النيل الخالد) حين ينحدر من جبروت الهضبة مدمدما وعذبا يحمل الحياة !يا الله !الموسيقى عالم مدهش.كانت دموعي قريبة حين غنى سيف الجامعة في خمسينية وردي:
(ونغني لك يا وطني كما غنى الخليل ..مثلما غنت مهيرة تلهب الثوار جيلا بعد جيل ..ونغني لحريق المك في قلب الدخيل.. للجسارة حينما استشهد في مدفعه عبدالفضيل) !
رحت أتأمل صفحة النيل على وجه (وردي) الجالس قبالتي.وحين ترقرقت الدموع في مقلتيه، تداعت روحي، مثلما تداعت حين أمسك (ود اللمين) بالعود وراح (ينشّف ريقنا) بــ(لو بهمسة) !
يجتاحني حزن غامض أبدي حين يغني:
(وكان تعب منك جناحفي السرعة زيد ) يا الله !
و(جيت تايب..جيت تايب يا حليلك..والفؤاد ملكوهو غيرك)!
وأبكي، دائما أبكي حين ينزفنحن أبناؤك في الفرح الجميل نحن أبناؤك في الحزن النبيل) !
الموسيقى بكاء الروح!
وهي نارها أيضا ! هي تسيل دما من القلب إلى القلب !أغيب تماما مع (الهادي عثمان) وهو يقبل (الفلوت) ويهمس في مطلع (أعز الناس) !!الموسيقى عزلة ! كيف لحّن وردي المستحيل والطير المهاجر وخاف من الله ؟
وردي عاشق كبير ترجل من جواده !!
ما من عاشق، أو عاشقة في أرضنا، إلا وأرتوى من نهر عشقه، وتلألأ بأنواره.هذا (المهاتما)/(الروح العظيمة) التي لا تخبىء إلا العشق في سطوته الباذخة، يفيض ألحانا وصوتا وضياءا.حين رحل (عثمان حسين)، كنت حزينا جدا - تلك الليلة -، أخذت أزرع شوارع المنفى جيئة وذهابا، وفي أعماقي شعور حارق جدا، كأنما قريب حبيب جدا رحل. اتصلت بـ(وردي) !! جاءني صوته هو الآخر مخنوقا وحزينا.قدرت إنني أعزي نفسي بالاتصال به.هل ثمّة خيط روحي لا مرئي يربط بيننا وبين أي مبدع ؟ هل نتوحد معهم في نقطة سحيقة في أعماق الروح؟ هل يأخذون قسماً من أرواحنا معهم حين يرحلون؟ إذن لماذا نحزن كل هذا الحزن حين يمضون ؟
ثم الطيب صالح، يا الله الطيب (الـ) صالح، وها هو وردي !
لمن تركتمونا ؟
لمن؟
لهذه الأيام التي لا ترحمنا ولا ترحم عزتنا التي عرفنا بعدها ذلاً ما بعده ذل، وأمهاتنا ما بين جحيم معسكرات النزوح وبين المنافي، وآباؤنا بين خاطر كسير وعزوف عن الحياة؟
لمن؟
لمقامات البكاء..مقام !
كلّ وجود لا يبكي، لا يعوّل عليه!
كلّ وجود لا يحزن، لا يعوّل عليه.. !
نحن يهصرنا الوجود.يفجعنا ويمزقنا ويفتتنا.
الله يا وردي، حين اتصلت بك مراراً وتكراراً وأنت في منفاك في الولايات المتحدة، حين أتاني صوتك/صوت الوطن، وأنا في منفاي في السعودية بداية الألفية، الله الله يا وردي، خنقتني العبرات. كنت تسيح على حياتنا الجمال، وتمنحنا فخر الإنتماء إليك !
الله الله يا وردي حين جئتك زائراً في الخرطوم في 2008 لأسجّل معك فيلم وثائقي قصير بثته قناة العربية لاحقاً، الله الله يا وردي لتلك الساعات الطوال التي قضيتها (في حضرتك..مهذب أمامك..لأنك محنك..شديد المهابة..مديد القوام)، ولأنني أحبك..أحبك..أحبك.
الله الله يا وردي حين هُرعت إليك رفقة الصديق ياسر عرمان في حفل رأس السنة 2011 لنسلّم عليك ونرجوك أن تغني لأن محبيك في إنتظارك.
الله الله يا وردي وأنا أسمع صوتك ينساب في المساء في 1988 قريباً، فأرتدي ملابسي على عجل، وأمضي أبحث عنك في حواري (الديم) حتى أعثر عليك..الأسطورة أمامي وجهاً لوجه..يغسلني بالأغنيات.
الله الله يا وردي وأنا طفل لم يتجاوز الرابعة، وأمي منهمكة في مطبخها في (واو) وأنا ألهو قربها، وصوتك ينساب وهي تغني معك..ولتصبح أنت طقساً يومياً من لحظتها في حياتي. كقهوة الصباح، كالصحيفة، كالقراءة المسائية، كمواعيد الحبيبة. صوتك إنساب يا وردي من (واو) طفولتي إلى منفى شبابي وكهولتي.
كنت دائماً هناك..(في الفرح الجميل وفي الحزن النبيل).
كنت، وأنا أقاسي الهزائم الكبرى.كنت، وأنا أستشعر النجاحات الكبرى.كنا نكبر معاً يا وردي. كانت تكبر معي (نور العين) و(الطير المهاجر) و(المستحيل) و(يا شعباً) و(أكتوبر) !
كنت – يا وردي – تهز وجداني، كنت تبكيني في كل مرة أسمعك تقطر الشهد في أرواحناغنيت هواك قبل الفطام..وشبيت على نهج الكرام)الله الله الله يا ورديأباهي بيك بين الشعوب..رافع شعار مجدك سلام)الله الله يا وردي، تبكي ونبكي:
(نلتقيك اليوم يا وطني لقاء الأوفياء..قد تنادينا خفافاً كخيول الريح في جوف العتامير..لك يا أرض البطولات وميراث الحضارات)
الله الله يا وردي..ونبكي نبكي نبكي، نشرق بالدمع:
(نحن أبناؤك في الفرح الجميل..نحن أبناؤك في الحزن النبيل)
اليوم يا وردي سأكبر وحدي، سأكبر يا وردي وأنا أُحس بمرارة كل الذين فقدتهم على مدار حياتي.الله الله يا وردي. نم مطمئنا، نم خالداً، نم كالطفل الجميل يا أجمل أطفال هذا الوطن وأكثرهم شقاوة فاتنة، وأروعهم، وأنبلهم، وأصدقهم. نم يا وردي، نم..واترك لنا – أخيراً – المساحة الأكبر للحزن.

هوامش
(1) الشاعر العراقي، مظفر النواب
(2) الفيلسوف الصوفي، الحسين بن منصور (الحلّاج)

تعرف يا الرشيد ضمن خطاب صلاح السطر ده

ثمّ يأتي الغيثٌ العميم مهرجان أصدقاء أبي عركي... هي المفاجأة الكُبرى، إذن نترك شأنها، حتى نملأ دنّها في ليلة العُرس الجميل.

الكلام ده انا ما واقع لى وما قادر اربط بين مهرجانات وردى وعركى، ؟؟؟
لكن الاستنتجتو،، انو فى ابداع لا يوصف فى مراحل التكوين!! غايتو كان قدرت تطلع بى معلومة من عركى، وانا طلعت بى تانية من صلاح، يُخيل لى منتدانا ده حيكون صاحب سبق صحفى،،،عديــــــــــــــــــــــــــــــــــــــــــــــــــــــــــــــــــــــــل كده وبقامة وطن