حكا يا ت من زمن سودانلاين الجميل

اسألك يا الله يا عظيم يارب العرش العظيم باسمك العظيم ان تشفى زوجه اخونا عبدالعظيم , وانشاء الله اجر وعافيه.
اللهم اشفيها واشفى كل مرضى المسلمين امييييين .
عاطف عكود

يا سبحان الله

قبل اربعين عاما بالتمام والكمال كنا نبحر علي ظهر الباخرة الكرواتية-اليوغوسلافية- انذاك - براتستفو- هي الاخوة بالعربي في رحلة بين الادرياتيك ومواني شمال افريقيا تونس .. طرابلس الغرب.. الجزائر...40 عاما خلت وفي تلك الايام نزل اول انسان ومشي علي سطح القمر..وشاهدنا تلك اللحظات حية وعلي الهواء من خلال التلفزيون الايطالي وكان الوقت صباحا وكنا نمر قرب جزيرة صقلية الشهيرة...كنا وقتئذ طلبة تحت التدريب-مش شيف افسر يا رشدي-وحدثت احداث في تلك الرحلة وهي الاولي لي في عالم البحر ساحاول ان احكيها في حلقات ان اطال الله في العمر
ونواصل...... عمكم عبدوس

نعلن ابتهاجنا الشديد بالعودة الظافرة لاعمدة المنتدى ، وكدى نمرق من المود التلغرافى -قف- حقيقة قصة المشاركات التلغرافية -قف- حاجة كده زى ما تقول تتعلق بــ وجود الماء وبطلان التيمم فإنّا من المتابعين بزعم انو الكحة ولا صمّة الخشم -لا تقف!

ونعود

بمناسبة الرحلة الاولى،، كنّا على عايدة 3 الشهيرة نص التمانينات وفى اول غزو لينا لاوروبا ،، نزلنا سبليت فى يوغوسلافيا حينها،، والانبهار وصرف الدولارات على قلتها مع مراعاة ادّعاء الوعى لكل ما هو محيط بنا ( الاولاد بحارة تفتيحة) وفى لفّة من ذات الملفات وجدناهو؟؟ ذلك الدكان الرخيص،، بناطلين وقمصان من النوع الفخيم ناصعة تلمع وباسعار بدت لنا اكتر من معقولة بعد تضريب العملة من دينار ( ورقه حمره ) لى دولار لى جنيه مصرى
معاى فى الفيلم ده الاحباب شكرى ويوسف احمد عبد القادر ،، وما بين خم الهدوم واشارات مستميتة من صاحب الدكان ،،، انتهت بانو جرّانا جـر لى برة الدكان عشان يورّيـــنا صورة كبيرة جدا لى ،،،، غسّالة،،،، ؟؟!! وما احلاك يا dry clean

[quote]اسألك يا الله يا عظيم يارب العرش العظيم باسمك العظيم ان تشفى زوجه اخونا عبدالعظيم , وانشاء الله اجر وعافيه.
اللهم اشفيها واشفى كل مرضى المسلمين امييييين .[quote]

يا سبحان الله
الليلة النت فاتح معاي وساهريكم بشرط واحد انو رشدي يتتداخل
عارفين حاج خالد لمن يرسل تلغرافاتو زي عمنا حاج احمد العندو عشرة دكاكاكنين يمر اخر الليل يجمع الغلة... لكن خلدي اتاح لنا ان نتلقي و الله لا جاب يوم شكرو اهو علي الاقل اتاح لنا ان نتفسح ونعرف احوال بعض...
علي فكرة انا عارف كتير منكم بكرهوني موت لاني كنت قاسي شوية معاهم ايام الامتحانات ولكن صدقوني انا برضو ... تقاضيت عن اشياء ادعو الله ان يغفرها لي.... قطعا لن تكون في ميزان حسانتي..ولكن من كان منكم بلا ......
المهماللهم عافي واعفي زوجة ابني عبد العظيم
واواصل \

العام 69 والباخرة براتستسفو تشق طريقها تاركة من خلفها جبال ايطاليا تعبر ضلك الممر الضيق بين ايطاليا الام وصقلية.... كم يسعدك كانسان او بحار ان تعبر ذلك المضيق ولكن اسالوني انا اول قبطان سوداني عهد اليه ان يكون قبطانا علي النيلات...تلك تجربة لا اود ان يجتازها صديق او حتي عدو...
تابعوني او زي ما بقولوي في التلفزيون ابقوا معنا
واواصل

قلت ليكم النت فتح معاي وساهريكم


تقولو لي جني والا الاخدنا في دوكة اسامة وطفش..لكن جد جد حديثو سمح يا ريتو يرجع.. اكيد ما برجع انتو ما بتشجعو الزول يرجع الا المجبور عليكم
...غايتو يا رشدي الناس كلهم وانا منهم قاعدين نكسر ليك تلج
..............ما اروعك يا رشدي دم لنا ولله درك
....
المهم والله كله هظار مستورة ولله الحمد..فقط احببت ان يكون لهذا المنتدي دورا اكبر ..ان نلتقي ان ان نحكي.. ليس ان نخش علي استحياء
اواصل

كان الكل صامتا يحدق فيما يحدث امامه ....لحظات تاريخية.....قبطان الباخرة براتستسفو لا زلت اذكر اسمهو القبطان هيس.....كبير المهندسين كان ماردا عملاقا.. اسمه الاول ماريو...استاد التدريب الذي يشرف علي رحلتنا .ليناتس..
كان يدرسنا علم الملاحة... خاطبته وانا علي ظهر الباخرة ب قبطان لينانتس
انتحي بي جانبا قال لي رغم اني حاصل علي شهادة ربان اعالي البحار لكنه لم يحصل لي الشرف ان اكون قبطانا...اخر ما وصلت اليه ضابط اول...وزوجتي..
ارجوك ادعوني الاستاذ ليناتس...
واواصل

الاح الاكبر قدرا كابتن عبد الرحمن الذين
لقد سعدت بالعمل معك وانا كديت لنج على دنقلا العزيزه...28-12-1980. وكانت اول رحلاتك كبتنا (وكدت ان تكون رسولا)!!
(يا ماسوره دا شكر وعرفان ساكت)يعنى مافى( ج . د)
وتحضرنى نصيحه لا زالت امام عينى. كنتACT.CHوكان عبد الرحمن فى مكتب هامبورج...كان الجو ممطرا والكارقو ..فدر..وكان لازم الباخرة تسافر فى نفس اليوم .وقمت انا اقفلت العنابر عدت مرات,,,,,,, قام الفورمن (FIREMAN) إشتكانى لعبد الرحمن,,عبد الرحمن لم يتدخل فى شغلى ولم تصدر منه اى تعليمات بل طلب منى التعاون ما امكن.
وكان يضغط فى الفورمن وانا اقفل فى العنابر.,,,,,,وهو يضغط وانا اقفل...... المهم الباخرة خلصت فى الزمن....وعند السفر قال لى مودعا وشادا على يدى( انا هنا عشان الباخره تقوم فى مواعيدعا!!وانت هنا عشان تستلم وتسلم بضاعتك نضيفه.وكل زول يسك شغلو) ومن وقتها وانا ساكى شغلى.
متعك الله بالعافيه اخى
شكرا احبتى
آميييييييييييييييييييييييييييين يا رب العالمين

الاخ الابن عظموتي
افرحتني واسعدتني كلماتك....
ورغما عن اني وعدت وعاهدت نفسي ان استرسل في ذكريات براتستفو لانو خايف من رشدي ينط لي في حلقي ويقول لي اها رجعت تنطط تاني لكن لا بد ان اتوقف واشكرك لكلماتك الصادقة والتي تخجلني دايما... كما لا يفوتني ان ارحب بعودة الاديب الاريب.. علي فكرة اريب دي يعني شنو- اسامة وانا بيني وبينكم عارف ان كل ما اكتبه هو خارم بارم لكن قلتة نصلح بيهو السي في ...c.v. حقنا ..علي الاقل الواحد بكرة لمن يروح في حق اللة يقولو ياخي دا كان بكتب في نفس المنبر الكان بكتب فيه الاديب اسامه معاوية الطيب والناقد رشدي ويشرف عليه الرائع حاج خالد وكاتب السيناريو جني والاديب المؤدب ود عكود والراوي عبظيم- علي قول المصاري- والصناعي الاديب برضو الاريب تاني ود كرار و...و..
كنت عاوز اواصل يا رشدي لكن ما بيدي
ماسورة والله مشتاق لي مناكفاتك...وفرتق الكلمة الاخيرة
تخريمة
امبارح حلمان انو.. ماسورة وعليوة... وحمد النيل وعلنتو.. وود المختار بتوسطوا عاوزين يدخلوني معاهم الجنة
اللهم اجعلو خير
محبتي لا تحدها حدوووووووووووووووووووووووووووووود

عبدوس

ما قلته ليكم ساهريكم.....
دي ما امطار....وبس
المهم اول الحكي لنزار عشان الريس ينبسط
وعلي فكرة احب ان اصحح بيت الدوش الذي اعلنت به فرحي لعودة رشدي البرتكانة..
كبرت كراعي من الفرح نص في الارض نص في النعال
اما نزار يرحمه الكريم فقد قال
مرهقة انت...وخايفة
وطويل جدا مشواري
غوصي في البحر..او ابتعدي
لا بحر من غير دوار
الحب مواجهة كبري.. ابحار ضد التيار

اتذكر العزيز اسامة مكي ولي معه ذكريات في الابحار ضد التيار في القنال الانجليزي
ولكنها جات سليمة ولله الحمد
اتمني لو يشاركنا فلقد سعدت ان اعمل معه في دارفور وهو حتة ضابط تالت
ولكن اسعدني وشرفي ان خرج معه في انتويرب وهو قبطان ملء السمع والبصر والفؤاد.... واهداني ليلتها بطيخة نسخت علبها اية الكرسي ولا زلت احتفظ بها..
التحية له.............. برضو طلعت بره الخط
اخر الحكي
الكلمات للاديب علي عثمان الريح.....كم اشتاق اليك يا علي....
ابا عابر اين وعدك فما كنت يوما للعهود ناسيا
ابا عابر اذكر اياما لنا رشفنا فيها من الرحيق المداويا
وما فكرنا في الرجوع ولكن اصبحت الجيوب منا خواليا
وما كانت الدنيا اكبر همنا ولا كان الاصحاب من اراهم حواليا
........
عارفين بعد كسير التلج ده كلو عم علي كان عاوز شنو


جود لي بكتب تنير طريقي وتكن جليس لايامي الاماميا
فانت الجود والكرم........... وانت الربان القائد الداريا...

ما اعظمه..كان عاوز بس كتب.....اي والله كتب...
ما اعظم بحارة ذلك الزمان
اخر الكلمات برضو لنزار.....
وسترجع يوما يا ولدي
مهزوما مقهور الوجدان
وستعرف بعد رحيل العمر

انك كنت تطارد خيط دخان......
محبتي وساواصل ذكريات براتستفو...وعد وعهد...

اعود لاواصل رغما عن انكم ما بتشجعوا......
كان الكل صامتا ونحن جلوس في صالون الباخرة..الكل يحدق في شاشة التلفزيون..فما يحدث امامنا حدث تاريخي لم يحدث من قبل..هبوط انسان علي سطح القمر... يا سبحان الله....
جلسنا نشاهد نستمع.. ونستمتع... القبطان..كبير المهندسين.. استاذ التدريب..زملائ الاعزاء كمال...حسين..مصطفي عثمان مبروك والذي اشتهر اخيرا باسم جومو...ما يحدث امامنا كان اكبر من استيعاب عقولنا وكنا نتابع في صمت..وتمضي اللحظات وينزل ارمسترنج من مركبة الفضاء ويبدا السير علي علي سطح القمر...وبسبب الجاذبية لا تملك الا ان تندهش...كان يسير كانه طفل يتعلم المشي... يا سبحان الله...
عقارب ساعة الصالون تشير الي التاسعه او تعدتها بقليل حسب التوقيت المحلي...
وعندما اعلن المذيع نهاية البث بنزول اول انسان علي سطح القمر... هنا وقف القبطان وقال...
نواصل

اكان واحد قاليكم ساتوقف ده واحد عاوز يخمكم......
هنا وقف القبطان وقال...
علي فكرة بكتب من الذاكرة التي اعتراها بعض الوهن

القبطان قال ايه يا عبد الرحمن
قال.. ايه....ايوة اتذكرته..
في ذلك اليوم لم يكن في برنامج تدريبنا اي عمل يذكر..ليس علينا الا نكتب تحت اشراف الاستاذ ليناتس مذكراتنا وما قمنا به وما تعلمناهو في ايامنا السالفة
..نهض القبطان هيتس في تكاسل...وقال مخاطبا استاذ التدريب...بروفسير ليناس..حان الوقت لنستمتع بوجبة افطار شهية... انتم ضيوفي رغم اننا تاخرنا قليلا علي الطباخ....
خرجنا جميعا من خلفه نمني النفس بوجبة افطار طازجة بعد تلك المناظر...
ودلفنا الي صالون الاكل....وكانت المفاجاءة...
اواصل
ابو عابر

الاعزيز عمنا عبدوس...

ياخى انت كنت فى افريقيا ولفى المربد او سوق عكاظ ...لقد عدتا لنا محمل بالاشعار والازهار ,متعك الله بالصحة والذاكره الجميله ...

تخريمه...
بس بمناسبة نزول ارمسترونج الى سطح القمر لقد وصلنى ايميل قبل مده بيشكك فى الحدث برمته لااعلم مدى صحته بس حاجه تستحق الاطلاع لو نزلت ايميلك ممكن ارسل ليك...
ياجماعه قاشوره وين رسلنا ليه الباسويرد بس لسه عامل تقيل ...بس عنده فرصة يومين لوماظهر حاانزل شمار قوى...

العم عبدوس ...اسفين للمقاطعه واصل ولك الود

شكرا ود كرار العزيز وعفوا لقطع أفكار عبدوس ولأن الموضوع فعلا حرقنى وبشدة ..... هذا بيان للناس وإنذار لماسورة وهو إنذار نهائى لأن المشكلة أصبحت كبيرة الأن خصوصا والجميع يسأل عن ماسورة ولا مجيب ... مرة ذكر إنه نسى ( الويب سايت ) وقد أرسلته له , ثم ذكر إنه قد نسى الباسوورد وقد تكرم خالد وود كرار بعمل اللازم وتوقع الجميع عودة ماسورة الظافرة ولكن لا حياة لمن تنادى ...
ولأننى أعرف الحقيقة كاملةفإننى أقدم هنا هذا الإنذار الأخير لماسورة فإذا لم يظهر فى ظرف أسبوع من تاريخه , فسأقوم مضطرا بكشف المستور كاملا ولكى أثبت جديتى فهذه فقط بعض رؤوس المواضيع :-
××× قصة الإنقلاب الحقيقى الذى قام به ماسورة مؤخرا وكيف إستلم السلطة كاملة وبدون مقاومة ...
××× علاقة الإنقلاب وماسورة بصلاح إدريس ...
××× قصة العود الراكب ( جوة ) لإسحاق اللحاق وهاشم محمد إدريس وهل بدأ هاشم تكسير البيت ؟ ....
××× علاقة حسن رستم بالإنقلاب وهل إستفاد أم تضرر منه ...
××× السر فى تغيير إسم الدولة بعد الإنقلاب وهل هى محاكاة لما قام به جعفر نميرى سابقا ؟.
هذه فقط بعض المناظر وسيبدأ الفيلم مباشرة بعد الإسبوع إذا لم يظهر ماسورة...أما إذا ظهر فله وعليه الأمان ...
اسف إذ إضطرنى ماسورة لهذا التصرف ولكن فقط لأن كتابته توحشنا .....وليدم أبدا مابيننا ..

الرشيد شمس الدين

بعد دقائق من رسالتى التحذيرية السابقة ,ٌتصل بى ماسورة تليفونيا ثم أرسل لى فى إيميلى الخاص الرسالة التالية :-

___________________________________________________________

الاخ الرشيد
بعد المكالمه التليفونيه اليوم والتهديد والانزار ارجو نقل الرساله دى بلأنابه عنى بالمنتدى والله والله ماقادر ادخل السايد ( الروب الروب ياالرشيد وانا اسف هاشم واسحق مقدور عليهم لكن الباقى مابقدر عليه )
ماسوره
___________________________________________________________

ما قلتوا نوبة ...

الرشيد شمس الدين

العزيز رشدى...

الف سلام ولا فض فوك ..عرفته تجيبه...
××× علاقة الإنقلاب وماسورة بصلاح إدريس ...

والله حليت ليه معضلة الاسم بالفقره اعلاها...لكن صاحبنا لعبه صح ...

واحنا فى الانتظار


لكم الود

ورغم أننا كنا قد إتفقنا على نقل مثل هذه الأخبار إلى منتدى الإجتماعيات , إلا أن وقع الفاجعة الجسيمة كان أكبر من الإلتزام بما إتفقنا عليه لأنه لابد من الإستثناء فى هذه الحالة , ذلك أنه :-
قد غيب الموت الفاجع هذاالصباح رمزا من رموز سودانلاين الباذخة بل ومن رموز الوطن بأكمله وممثلة حقيقية للنساء المناضلات فى وطننا الحبيب ,,, إذ نعى لنا الناعى قبل قليل , الأم الحقيقية للخطوط البحرية السودانية .... الحبيبة الراحلة الخالدة أبدا ماما هدى .......
ولقد شق علينا والله نعيها وأصيبت حروف الكتابة بالشلل من وقع الفجيعة وثقل المصيبة ....
اللهم إن ماما هدى فى رحابك الكريم فأكرم نزلها وأحسن وفادتها كما تستحق , فإن لها أفضالا علينا لا تعد ولا تحصى ويكفى أننا كلنا ودون إستثناء كنا نناديها ماما هدى لأنها كانت لنا نعم الأم الرؤوم ...اللهم أغسلها بالماء والثلج والبرد ونقها اللهم من خطاياها - إن وجدت - كما ينقى الثوب الأبيض من الدنس وأجعلها اللهم فى سدر مخضود وطلح منضود وظل ممدود وماء مسكوب ..... والتعازى صادقة للأعزاء صلاح ونصرالدين فما ماتت من خلفت أمثالهم .. للتعزية يمكن الإتصال على الموبايل :-

00249912882784

التعازى مكررة لجميع أسرة سودانلاين فقد كانت ماما هدى وبصدق رمزا من زمن سودانلاين الجميل ......

الرشيد شمس الدين

وحتى تنجح محاولات أخينا خالد فى إعادة ماسورة للخدمة , فلم يستطع ماسورة الإنتظار حتى تنجح محاولات خالد ولكنه أصر أن يبعث لى هذا التعليق التالى ردا على حديث حبيبنا عبدوس عن اول نزول للإنسان على وجه القمر , فإلى تعليق ماسورة التالى :-
___________________________________________________________

الاخ الرشيد

الرجاء كتابة المداخله دى بلا نابه عنى للأنه حاولته كل الطرق وما قدرته وخايف حكاية ارمسترونج تبرد



(الشى المحيرنى أنه لامن الراجل ده نزل القمر أعتقد كلنا كنا فى الاوليه وعم عبودى راجل كبير و مبحر وأريبا أميقو والزهبيات كانوا للاستعمال العادى

وهل معقول ألليله الحاج متولى زاتو بقتل فى العوينات والجماعه دفعتو كلهم بقو اصلو فى الكراسى والقدامو شويه عملو 4 عمليات 2 فى القلب و2 فى الضهر ماشاء الله


الشى المحيرنى اكتر الشكل ياهو زاتو والقرقريبه يا ها زاته والاصابع ياهم والله ماشاء الله لكن يارشدى يا اخوى عمليات الزراعه والشد ودو مايكل جاكسون المقابر )


ماسوره
___________________________________________________________
إنتهى حديث ماسورة وماعلى إلا أجر المناولة فقط ....وليدم أبدا مابيننا ....

الرشيد شمس الدين

ما أروعك اخى اسامه مكى وما اجملك العزيز اسحاق وما انبلك الاخ عبد العظيم حسب الرسول........ما أنبلكم وانتم تواصلون نيابة عنا ابداعات ذلك الزمن الجميل.....وكنت شاهدا حين انطلقت مجموعه من السيارات من اركويت الى الثوره ام درمان قاصدتا منزل اخونا عثمان عبد الله(شفاه الله)
وكنت حضورا ونحن نزور اولاد المرحوم الماحى.وكم كانت الفرحه والدموع عندما سأل اخونا...الولد كيف؟ بيمشى المدرسه؟ لله درك اخى لم يمت الماحى وقلبك نابض بالحياه...واطال الله عمرك وجعل كل ذلك فى ميزان حسناتك.
وكانت اجمل اللحظات ونحن جلوسا فى صالون الباشمهندس موسى يعقوب وهو يسامر الباشمهندس نميرى عبر الاثير بلفتتا بارعه من اسامه....وضحكتا كلها وفاء من الباشمهندس اسحاق. ووجوم انشداهه منى . ماهذا افى حلم ام علم!!!
ماذا فعلتم اكل هذا الود وكل هذا العرفان اشهده وانا فى اجازتى!!!!!!! وهى جزء من عام طويل..احسب انكم كفيتم ووفيتم وكنتم الآمنون يوم القيامه.
عزرا اخوتى ان اغضبكم حديثى....واعلم انكم لا لدنيا قد عملتم

الشكر للأعزاء الرشيد وخالد والدربكين دخونى من جديد , التحيه لكل الأخوه ويا ود كرار ما تسمع كلام الرشيد , التحيه لابو الكباتن والله
مشتاقين وقالو ادريس ارباب فى امريكا بالله خلو بالكم ليه

ماسوره

أخيرا الفاتح ماسورة جوّة الشبكة ،،،، عشرات حبابك ،، محاولات عابره للقارات أثمرت وفى انتظار الجديد خصوصا بعد الغيبة الطويله

عبد الرحمن الزين كتب:
اشتاق اليكم بلا فرز وان ذكرت بعضا منكم فمعني ذلك ان من لم اذكرهم هم احب الي من من لم اذكرهم....
لكم في القلب معزة واشتاقاكم
اسوا الاخبار ساعود من زفت افريقا في 11 يوليو ويا رشدي حرم ما عرستة هناك...ولن اعرس

إذن اعلاه ما كتب عبدوس قبل كم يوم ،، علّ هذا يبرر الغياب ونحن فى انتظار العوده المأمولة إن شاء الله
كما ابهجتنا وعود عودة الغايبين ،،،
تحية والقومة لكل الاعزاء فى الخرطوم وغيرها القابضين على جمر التواصل بلا من ولا أذى

كان من المفروض ان اقول ها ها ها اخيرا تمكنت من الدخول
ولكن لكل مقام مقال....
دخلت بكل الحب والمودة والشوق
ويشهد الله كم اشتقت اليكم جميعا
فرحت كما لم افرح من قبل بانكم تتواصولون
ولكن
حز في قلبي وابكاني رحيل العزبزة الغاليه ماما هدي
ندمت لان هناك يوما ما كان هناك بوست مفتوح وهي حية ولم اجد من يتداخل... لماذا نحن نبكي علي موتانا بعد ان يرحلوا...[b]
اخجلوا... اسعدكم الله
ساغيب غصبا عني واعلنها حدادا 24 ساعة ثم اعود لاكمل الذكريات..... 24 ساعه...
هي شوية من عمر الزمان لكن كتيره علي انا
التعازي لصلاح ونصر الدين وابنة المرحومة بالتبني
العزاء لكم ال البحرية يا من عرفتم عظمة المرحومة
اللهم ارحمها واغفر لنا ولها
عمكم عبد الرحمن

ونطوي سجل الالام والذكريات المره.. ولا نملك خيارا فالحياة لا بد لها الا ان تواصل المسير...
افتقدكم واشتقت اليكم فردا فردا..

قال ايه لمن ارمسترونج نزل القمر نحنا كنا في الروضه... يا ربي يكون قاصد الخلوة.. حكم... صحيح الاختشوا ماتوا..عارف يا رشدي لمن كنا في الروضه في ناس كانو بمشوا اسمرا - ابدا والله ما قاصد محمد صالح ولا ود المختار- لكن في ناس كانو بمشوا - اثينا - في اليونان سياحة وهناك قالو درسو بحرية..... الكلام علي حسب رواية المرحوم اوزو كان سنة كم وخمسين..... تقول لي صلاح ادريس....
عبودي