فنجان قهوة

مسا الفل ياشباب ...والله يالجمل موضوعي الطيبة والبراءة مترادفان ويصعب التفريق بينهما إلا في حالات نادرة ...ربما عدم امكانية احتكاك المراءة بالرجل مباشرة آنئذ ولد تلكم الحساسية العالية تجاه كل ماهو نسائي ...وكانت كل بسمة من أي امراءة ولو بحسن نية تعتبر عشقا ويُكتب فيها جميل القول من الشعر ورائع الغنا ووقد تكون العلاقة بين صاحب القصيدة والمكتوب فيها علاقة سطحية لا ترقي لمستوي ترجمة تلك البسمة لهذا الدفق من المفردات ...ويبدو لي رجل ماقبل الخمسينات لبس توب الرجل الضحية ودوما في حالة تسامح وابناء تلك الحقبة بلا ادني شك هم هل الفتوي وما اكتبه لا يعدو احساس وقتي ليس إلا ....
ويبدو لي اخي الجمل ان عشاق ذاك الزمان من اهلنا فاتو اهل الجاهلية في الوفاء والعشق فإن جن بعضهم فكثر من عشاقنا قد اصيب بالجنون وان صبروا امدا من زمن فقد صبر اهلنا في العشق اضعافهم ولا زالوا يُعطرون سماء العشق بجميل القول ...
........................
...............
فقد غني عثمان مصطفي :
ما بعاتبك مابولك لو تخاصم بالسنين
انا عارف قلبك ابيض وانت اكتر من حنين
مابخاصمك لو تجافي او تقول الحب ده مافي
من زمان عارفك حبيبي ومهما تقسي برضو وافي
................
...........
وقد غني الرائع عثمان حسين لبازرعة (العاشق ابدا):
مسامحك ياحبيبي مهما قسيت علي
قلبك عارفو ابيض وكلك حسن نية
.............
..........
والرائع هاشم ميرغني:
الومك الومك
انت الزيك بلومو
............
..
واخرون كثر لا يطال الزمان حصرهم ....
.....................
...........
بس يظل موضوع البراءة معلق.....!!!!!!!!!!!!

مسا الخير اخي الغالي احمد محمد احمد ...والله افتقدناك حقيقة علي صفحات المنتدي بشكل عام وعلي بنابر القهوة التي انت من صانعي نكهتها بوجه الخصوص ...نعرف ان الزمان يرهقنا بفقد الاعزاء ولكنه يظل ابتلاء من المولي عز وجل ..والمؤمن مصاب
واعرف تماما ان ما اكتبه او يكتبه غيري من المفردات وكلام لا يعدل زفرة الم ووجع تسافرمن اعماق اعماقك لتسكن علي خديك دمعة ساخنة ....توفيت امي من عشرين عاما ونيف ولا زلت ابكيها باحساس الامس ...
اللهم ارحم موتانا وموتي المسلمين اجمعيين  

صباح الخير ياشباب ....شنو الحاصل ...؟ شايف الناس بدت البيات الشتوي مبكرة ..!!!!
اسامة السيمت ,عمر موسي,مهدي,محمد حبيب,سامتا ,محمد سليمان,ابو البنية (اسامة معاوية),...................................وينكم ؟؟؟؟؟

صباح الخير ...

غالبني النعاس
اتوسدت السهر

......
................
وانا غلبني الانتظار علي غيابكم ....ود الاستاذ تصدق اول مرة اعرف انك اول من اوجد مفردة فنجان قهوة علي المنتدي ..اليوم وانا لاول مرة اقراء بدايات المنتدي وكيفية التسجيل فوجدت فنجان قهوة ...شكرا علي توارد الخواطر وهو ليس جديد بيننا ..شنو الحكاية ..؟ لو قبلنا جدلا ان كل بقاع الارض في حالة بيات شتوي...ود كرار شاتء لسه ماجا ...شايفكم مشتي بدري...ولا يكون راقد ليك في راي...؟؟!؟؟

يا رشودي اخبارك .. والله نعتذر اشد الاعتذار..لكن هاك ضرس

السيد محمد بن راشد
تحية طيبة وبعد
لقيت طلب الصداقة في الفيس بوك و انت ما محتاج طلب ما انت عارف معزتك عندنا انا بس بادخل مرة كل كم شهر ولسة ما حريف
لكن جبنات كهي ما مكن تخلي

الغالي ود الرشيد...ياهلا بيك علي امتداد مساحة هذا المنتدي العامر بيكم ابدا ..والله انا الليلة ما سعيد وبس بل منتشي حد التسامي وحقيقي مشتاقين ليك بشدة ...طبعا لما جا ود الاستاذ الحج كنا انا هو وكنا متوقعنكم انت ومحمد محي الدين تجوا المدينة لكن شايفكم فركتوا من بعيد لبعيد ...وحقيقي الواحد تغرب كل هذه السنين ولم تسكن دواخله إلا حياة وصداقة ورفقة ناس الاكاديمية ويظل الواحد منا مغتربا لحين لقياكم ..وسعدت حقا بوجودكم معنا والمشاركات القوية منك ومن بدر الدين ومحمد سليمان والمخضرم ود شلكاوي ..
ماعليك ياسيدي والبينا اكيد اكبر من الفيس بوك ووغيرو بس انا كنت فاكرك بتتواجد علي طول ....المهم نعرف اخباركم ...طبعا والله ياعمر موضوع الوطايات مشوق ورجع الواحد كمين سنة ...بس الاسم في حد ذاتو ابداع لاني ابدا ماربطت بين الوطايات والكوارع (الكبر مصيبة)...
.............
...........
عليه لكم معزة تبداء ولا تنتهي

ودالجاك ياظريف ...فينك وكيفك ....؟ بيننا مافي اعتذارات بل مساحة من الخضرة نملؤها بهجة ووردا بحضوركم البهيج ....وينك اختفيت ....؟ ضرس والله فص ملح وداب ماعارفو اختفي وين....؟بالله يابدر الدين عاوزين تفاصيل الخرطوم زي مايكون الواحد جا منها امبارح .....عندي ود جيراننا مشي الخرطوم وليه عمر ماشاف الخرطوم قال لي : تصدق رحت من بيتنا ....انا خايف اروح من الخرطوم ذاتها وامرق في البلد الطيره عجمي ....
لكم معزتي ابدا

ادخل علي استحياء.... كبرت كراعي من الحزن
نص في الارض
نص في النعال
اتابع معكم واشرب قهوتكم مره مرة وحتي من غير سكر......................
لكن مع حبيب العمر اسامه.... طمننونا يرحمكم الله
اكثر ما يقلقني ان التلفونات لا تجيب
رشدي سيف خالد الجمل عاطف ابو النيل ردوا علينا وطمنونا
عمكم عبد الرحمن

العذيذ جدا محمد راشد
تحياتى والمنى الجميل
كم مرة امنى نفسى بفنجان قهوى معاك فهل انت جاهذ لدعوتى

الغالي القلع ....في اي مطرح او متكاء انت فيه نحن حاضرون ...ولا نملك من لهفتنا عليكم إلا ان نجوب الطرقات يحثاً عنكم لنسكب فناجيل (فناجين) قهوتنا التي لا طعم لها بدونكم ....
تخريمة:
طبعا الواحد بمهد لموضوع الوطايات ....
...................
..........
لك ولاُسرتك الرائعة كل الود

اخي الغالي ود الزين...إن جئتم انت علي استحياء فيك لبنابرنا اتخاذ الصمت علي قدومكم الميمون ....ولا تنسي انك من اتي بعبارة البنابر والبنبرة فانت صاحب براعة اختراع ولك وحشة بحجم قلوب اصحاب المنتدي.
..................
.......
الاخ أسامة بخير كما افاد اخونا سيف الدين مصطفي نتمني له عاجل الشفاء

راشد كتب:
،،،، عاوزين تفاصيل الخرطوم زي مايكون الواحد جا منها امبارح .....عندي ود جيراننا مشي الخرطوم وليه عمر ماشاف الخرطوم قال لي : تصدق رحت من بيتنا ....انا خايف اروح من الخرطوم ذاتها وامرق في البلد الطيره عجمي ....
لكم معزتي ابدا

محمد يا راشد ياخى اشواقنا كيمان كيمان
ماغيبنا الا الشديد القوى كما تعلم ونعود من بنابر القهوة ،،واستوقفى للحظة الاقتباس اعلاهو
اى خرطوم تتحدث عنها تلك
ده اذا انت لقيت بيتكم ،،فما زلت من الرايحين !!!
اما اعجمية البلد،،فاطمّن ياصديقى لانك سترى البنغال او الفليبونو من باب المطار
وهاك حتّة من ابداع هاشم صديق من ملحمة دفع الله الديموقراطى

والكضب إتماص
يا دفع الله
وجات المِحنَة
استوردنا
حديد ياباني
استحسنا
قمح نصراني
اتسحسحنا
لبان نرويجي
اتمسحنا
كريم دنماركي
اتقاسمنا
نبق إيراني
إستوردنا
بخور إسباني
واستصحبنا
طلح براني
استحسنا
كلب أمريكي
واستفضلنا
كديس بريطاني
استوردنا
خروف إيرلندي
استعجلنا
سماد يوناني
استلهمنا
خطب من مالطا
واستصحبنا
ضميركوزاني
استوردنا
تلج من كندا
وإتديَّنا
مدمس غاني
استنفرنا
سلاح من بورما
وإتداولنا
كلبْش انساني
إتعاقدنا
مدرب هندي
واستصحبنا
شُراب أوغندي
واستفضلنا
كفر صومالي.
استحسنا
قُلل صينية
إستوزرنا
فلل بوذية
إستوردنا
بِنَس روسية
استعجلنا
ودَك ألماني
.................
آآآه يااااني
إستوردنا
قُطن سوداني
فلنأكل مما نسمع
ولنطرح مما نجمع
ولنخمش مما نلبع
ولنسمن مما نبلع
____________........________________

وتقول لى طيرها عجم ،، لكن كدى انت امشى وتلاقى لنا فى الخرطوم صحاب ،،كأنهم الأقمار يعطّرون لك ايام الاجازة بطيب سنين الود
ويضيئون لك ما اظلم من ليل الخرطوم وكثيرا ما يترجمون لك ما استعصى من اعجمية تلك المدينة
لك ولهم الود ،،ويا ناس الخرطوم الف سلام وتشكرات

السلام والتحايا للجميع.

مررت اليوم علي البوستات بعد غيبة. شكرا للسؤال يا راشد و رحم الله والدتكم وتقبلها قبولا حسنا.

الغاليين ود الاستاذ ومحمد احمد ...والله غسلتم عتب الدواخل بحضوركم اللا متوقع ...وكيف لي ألا اضيع والخرطوم قد صارت بتلكم التوليفة التي وصفتها علي لسان الرائع هاشم صديق ...نعم خالد ابدا لم تكن الخرطوم عندي مباني ولا جغرافيا بل أُناس اذوب في حضورهم من قمة الرأس لأخمس القدم ولا املهم ابدا استذكر من خلالهم ادق تفاصيل الحياة فصير للمر منها طعم العسل والحلو منه بطعم اهلها ...عشمي ان ضعت يوما في الخرطوم بين جغرافيتها لا اضيع بين افئدة اهلها...
تخريمة:
والله سعداء بالطلة السريعة ابو حميد ومادذامت الناس بخير كل التفاصيل لا قيمة لها فلنا فرحة العودة ولك الشكر علي الاستجابة
 

اشعل دواخلنا ذكري وفرحة قدوم اخونا الحبوب الرائع علي محجوب الذي لا يمل له الواحد منا حضورا ولا يشبع منه كلاما ....فوجئت بوجوده في المدينة (الشكر موصول لودكرار) وقد جاء حاجا مؤديا الفريضة ..جلسنا سويا تجاذبنا اخبار الاخوان منذ الاكاديمية لما بعد عصر الوطايات فتركته وقد تسلل النعاس اليه ونحن جُبلنا علي ممارسة السهر ,وافترقنا علي عشم اللقاء كي نستزود بعاطر الذكريات ..

العزيز ود راشد والاعزاء من مرتادي قهتوته العامره .. التحيه والمعزه لكم وله...
حرمنا الشديد القوي من الاستمتاع برشفات يفوح منها القرنفل والهبهان...اثرنا ان نحرم انفسنا حتي يتسني لنا ان نعرف اخبار حبيبنا -ومن اختصه الله بقضاء حوائج الناس -اسامه - ورغما عن اني كنت متاكدا بان الله لن يتخلي عنه وكما قال رشدي- في ما معناه -ان الله لن يخزيه ابدا..ولكن كنا نترقب في صمت العاجز ولم نك نملك الا الدعاء والصبر والحرمان والامتناع عن البنابر يا ود راشد...
حتي قراري بان اهريكم بذكريات الحر توم اجلناه...
لله الحمد والشكر لكل من سطر حرفا وطمئننا الشكر لكل من دعا لاسامة العزيز..جعلها الله في ميزان حسناتكم..

اتفق تماما مع رشدي ان طلة سيف افرحتنا بقدر ما افرحنا ان الفحوصات تبشر بالخير..
احبابي ..غدا ..
وعندما يطل الصباح ويتعافي اسامه تماما سنطالبك ياابن راشد بكوب من زمزم يقدم الي جوار قهوتنا وما تنسي بعضا من رطب المدينه-علي ساكينها السلام وعليه صلي الله وسلم افضل الصلاة والتسليم...

قهوتك ود راشد تشدنا دوما انصاف الليالي -خاصة -وان الشتاء قد ازف فلا تحرمنا منها وهي قطعا اشهي من قهوة الاوزون خاصة بعد ان تخرجت دفعتي من طالبات مامون وهجرن اوزون...يا ربي امكن لغيبتي الطويله التي تعدت العام من السودان... امكن من يدري..
.......................
سارسل هذه المداخله قبل ان اختمها خشية ان تضيغ..
وساعود لاختمها باذن الله
عبد الرحمن

الاعزاء جميعا..
معزتي واحترامي..
كتبت مداخلة طويلة هذا الصباح..ولكن اكتب حرفا ويرن التلفون.. وعندما حاولت ارسال المداخله .. بح... زمان كان الواحد ممكن يتلكم في التلفون و يناور و... ولكن يا حليل زمان ....الايام دي لو قدرته تتكلم في التلفون وبس دي تبقي معجزة...شاهدت عابر يتكلم في التلفون وشغال في الكمبيوتر ويتكم مغ زوجته ومعاي وبلاعب في ابنه .. قلته سبحان الله دي بعملها كيف.. عموما لم نتبع توجيهات الاخ العزيز خالد يا الجمل ..عشان كده احسن نكتب بعد نص الليل...
تلفونات بح..
اخر الكلام
امنياتي الطيبه لكل من وصل الديار المقدسه حاجا
او في الطريق اليها راجيا لهم حجا مقبولا ودعاءا مستجابا وذنبا مغفورا وعودا حميدا راجيا منهم الا ينسوا اخونا اسامه ولا ينسونا وساير المسلمين من صالح دعواتهم
وسبحان من لا ينسانا ولا ينساهم
وكل عام وانتم جميعا بالف خير
عبد الرحمن

اخي الغالي ود الزين دوما يأتي علي لسانكم طيب الكلام ..حمدا لله علي سلامة اخونا أسامة الذي لم التقيه واقعا ولكني عرفته من خلال شهامته و طيب معشره ومرؤته والله لا جاب يوم شكره ..اللهم اعده لاهله سالما غانما معافي بقدرتك يامن لا شافي إلا هو ..ولن نكل ولن تمل ألسنتنا السؤال له والاطمئنان عنه ...بالامس كلمني عنه اخونا ود كرار فزددت قربا منه ومعرفة به ...لا والله ياودالزين انت صاحب القهوة ومالك بنابرها وانتم كما اسلفنا القول انكم نكتها السرية ...والله ماعارفين ياود الزين العيب فينا ولا في الـKey board و...و...(مادايرين نجيب سيرة Admin ) لانو كلما الواحد يكتب ليه موضوع يلقاه طار ...اما موضوع الجوال فاحسن حاجة تنساه لانو كلما اعاين اشوف مين اتصل بس القي نفسي خبطت القدامي واخر مرة واقف في منطقة الحرم وماسك الجوال جاني بتاع المرور لو سمحت رخصة استمارة طيعا بحسن نية اديتم ليه ..قال لي: مخالفة جوال ....؟؟؟؟!!!!!!!!!!
المشكلة لو دخلت بالليل يظهر ليك ود عكود وتبقي زي اخونا ساري الليل ..يعني التهم تجيك من كل ناحية ....
نعم جعله الله حجا مباركا مقبولا ...اللهم اعد حجاج بيتك غانمين للاجر موعودين برحاب جنتك وعافي اخونا اسامة مكي وتقبل كل من له سؤال لديك

راشد كتب:اشعل دواخلنا ذكري وفرحة قدوم اخونا الحبوب الرائع علي محجوب الذي لا يمل له الواحد منا حضورا ولا يشبع منه كلاما ....فوجئت بوجوده في المدينة (الشكر موصول لودكرار) وقد جاء حاجا مؤديا الفريضة ..جلسنا سويا تجاذبنا اخبار الاخوان منذ الاكاديمية لما بعد عصر الوطايات فتركته وقد تسلل النعاس اليه ونحن جُبلنا علي ممارسة السهر ,وافترقنا علي عشم اللقاء كي نستزود بعاطر الذكريات ..

بلّغوا عنّا السلام ياناس المدينة، لخير الأنام، محمد عليه الصلاة وأتم التسليم
وتحيات خصوصى لابو بيان،، يا راشد وبالله عليك تسأله لنا الدعاء وتقبل الله منه ومن الحجيج ويسّر لهم
تخريمة
انت ماخليت السهر لسه؟؟الله يديك العافية

مرحبا اخي الغالي ود الاستاذ ..ربنا يتقبل من حجاجه حجهم ومنا صالح الدعوات لكم ولمرضانا وللامة الاسلامية جميعا...بالامس التقينا انا وامجد وعلي محجوب إذ فاجأنا ود عابدون بزيارة سريعة ..حكينا عن حلو الذكريات التي لا يُمل تكرارها بل تزداد التصاقا بحنايا القلب ...والله السهر يبدو لي ياود الاستاذ صار جزء من شكل الحياة في الخليج عموما بالرغم من اني حاسس اني اقل الناس سهرا بس برضو مساهر..
بالرغم من اننا قد تخطينا مرحلة السهر من اجل السهاد والعتب علي عناد المحبوب:
انا وسهادك وسط عنادك قلال وما لاقين طريقة
نسهر الليل والنجوم والغيمة والقمرة الصديقة
نرسم امال من خيال للغمدة والنومة العميقة
.............
........
وكل سنة وانتوا طيبين انشاء الله نتلمي سالمين غانمين

الاخوه الكرام
كل سنه وانتم طيبين انشاء الله ربنا اديكم الصحه والعافيه وحقق امانيكم واقرب مسافاتكم امين يا رب . ربنا ارحم موتانا ويشفي مرضانا ويغني فقيرنا ويسعد تعيسنا يا رب .....
ود المحجوب كيف حالك انشاء الله حجا مبرورا وسعيا مشكورا وعودا حميدا .... عملتها يعني ومشيت والله انا ما كنت عارفك مؤتمر وطني ...انا السنه الجايه كان ربنا حيانا حاجي حاجي انشاء الله .. وطني... عدل ومساواه .. انشا الله اجيب سسلفاكير واجي ...
الاخ بدر الدين عمل عمليه لبنته الكبيره وهي حاليا بخير وعافيه الف حمدالله على السلامه وانشاء الله اجر وعافيه...
ولكم مني كل الود والاحترام
مهدي شلكاوي

الغالي ود شلكاوي ...والله ليك وحشة ..ده شنو الحكاية ؟وين اراضيك وعامل ايه مع الدنيا ..وكل عام وانت والاسرة بالف خير ...طبعا علي محجوب جا كده سكيتي بدون مقدمات ومنتظرنك تعمله السنة الجاية ...

ود الجاك كل عام وانت والاسرة بالف خير ..الف حمدا لله علي سلامة كريمتكم حفظها الله وعافاها من كل مكروه..

الاخ بدر الدين الف حمدالله على السلامه وانشاء الله اجر وعافيه حفظها الله واياكم
عاطف عكود