فنجان قهوة

مسا الخير كركب ...ياخوي شايفك عملت ليك كنتين عدييييييييييييييييييييييل.....والله القدرة ماشاء الله يعني شكلها كده لو ظبط ليك منها بوش ولدك ماتديه لقمة......
..............
...........
شنو اخبار اخونا الغالي جني.....؟؟؟

عزيزى راشد
الان انا مع اتصال بالتلفون مع الاخ جنى الذى جنننى وهو بالابيض وقد بلغتو سؤالك عنه وطلب منى ان ارسل لكم عنوان البريد بتاعو على النحو التالى:
www.aldababees street.ginycom-sooq almwaseer.net

الحبيب الظريف كركب تصدق قدرتك فيها فول ذي الليل والله لمن سايل وممكن تتقال فيها معلقة طبعا عملتها خلفية وشوقتنا للسودان في الماسنجر انا كاتب فوق(صحن بوش من يدك كان المني) ودي قصة تانية وليها يوم mhmdaljamal1@yahoo.com

مبارك عمر عصملى (كركب) كتب:

www.aldababees street.ginycom-sooq almwaseer.net

نعم العنوان والله ،،جنيدابى ابداع شرقا وغربا
متين الجية ؟؟؟
يا كركب العزيز وين اعضاءنا الجدد من بورسودان
البوستات جاهزة

صباح الخير ياشباب .....والله الظاهرجني جن ياكركب انا شخصيا ما حاولت الرابط بتاع عنوان جني لانو شكلو كده بودينا شارع لبتون مرة تانية (بس شايف العنوان اتغير من لبتون لشارع المواسير ) تحياتنا ليه .....
.......................
........
معليش اليومين ديل الواحد تعبان من الجري ولكن بلا شك اول محطة اقف فيها للاستراحة ستكون معكم ....
وين الغايبين شلكاوي ,ود كرار,الاسامات ,ود حبيب ,الفاتح,والغالي ود الزين الذي سافر قبل ان نستقبله من سفرته السابقة لكم جميعا كل الود

مسا الخيرات اخوتي ...وها قد ارخت الحرب سدولها بين الاخوة والاخ الفاتح سوي كان تايواني ام اصلي ...وانا شخصيا احس بوخز الحزن لفقدان انسان او فرد من الاسرة حتي وإن كان بلا هوية وكثير من الكتاب تواروا خلف الاسماء الحركية والمستعارة لاسباب كتيرة اقلها الكتابة بلا قيود ....فهذا الفاتح بلا شك منا مادام قد شارك بشكل او باخر وحقيقي حتي الفاتح الاخر نفتقد وجوده بيننا لان وجود اقلام تتناول مواضيع باوجه مختلفة يثري هذا المنتدي ويكون قوة جاذبة .....
.......................
...........
فلكم كل الاماني الطيبات

مسا الخير احبتي...يظل طعم اللقيا ابدا رائع مهما اختلفت اشكال الاستقبال :
لقيتك والرزاز .. مدخل
وناديتك :
أقيفى معاى
نشيل كتف الغنا .. الميّل
ونتخيل
حلم دونك بيتحقق
وقبلك خيل دماى .. واقفة على شريانى .. تتشهق
وعرف صوتك .. صداك .. غنيتى
رشحت حلقك لى إذاعات الشجر
والمنتظر من عودة المدعو المطر
والمسادير .. والطنابير
واللسة فى رحم القصيد
والدابو حسّ فى سوق عكاظ
بين مزادات الحروف
غيبت رسمك .. وإحتكرتك لى الظروف
للزمان الجايى .. واللحظة اللى فاتت
.. منى هسة
.............
....
عليه احبتي احتكروا للظروف الجاية كما يقول الرائع عاطف خيري ...اظن ان اروعنا هم الشعراء الذين يكتبون حروفا تبقي وتثري الاجيال جيلا وجيل ....

مسا الخير كركب ..بالله قول لجني سمعنا بشارع الاحبة وشارع الاربعين والاسكندر الاكبر وووووو لكن شارع الدبابيس ده ....اول مرة نسمع بيه ..عليه بالله ياجني ورينا سبب التسمية .................

العزيز.. محمد بن راشد الراشد وراشد...
بس عاوز اسجل حضور ومتابعة وانا جنس نضمك السمح ده ما بقدر عليهو ولا بقدر اجاريهو..
لكن اضغف الايمان انو اقول متابعين و ممنبرين..
تخريمة صغنونة...
اقدر انني حرمتكم من الاستمتاع باللعبة .. بتدخلي الخشن واظهار الكرت الاحمر.... مش الدنيا الايام دي كورة...
ابدا والله انا قلت رائي ورايئ فقط.. ولا املك غير ان ابدي ذلك وليس لي الحق ان احكم او احرم اي انسان ان يكتب ما يشاء.. وبيني وبينكم انا استمتعت وكنت متابع.. ولكن
خفت ان تجري بنا اللعبه الي ما لا نحب خاصة ان طيب الذكر استدعانا ان نحول بينه وبين صديقه اللدود كركب..والذي كاد ان يقول من هو...
...انا عبرت عن رايئ ..فقط ولكن يقييني ان طيب الذكر وبما - اعرف عنه من خلق - وجدها مخرجا كريما لينسحب وانا من هذه القهوه- قهوة ود راشد - اناشده ليواصل فقط بموافقة سيد الحوش واذا وافق سيد او اسياد الحوش فما علي الرعية الا الطاعة... له قلم لا نملك الا نحني قامتنا له..الكتابه باسم مستعار لها مجالات.. ولها اسباب ومجالها الصحف والمنتديات..ولكن هذا- دار الاسرة البحرية - ولا حديث يعلو
فوق العنوان...اعتقد ان المشرفين يرحبون بالضيوف والزوار..وكل من يدخل الدار باي اسم ولو مستعار ولكن ليس قطعا باسم عضو مسجل ومعروف
اكان غلطان قولو لي.

معزتي

محبتي
عبدوس

صباح الخير ..الغالي ود الزين ...بالامس افتقدتك وسالت عنك شوقا لا عتبا وانا كلي يقين بانك تحب كل فرد في هذا المنتدي ولك قلب ابيض بلون ثوبك ...مرحبا بك مُنبرا ( وانت صاحب هذه التسمية ) فسمر هذه القهوة لا يحلو إلا بحضوركم المرهف ...
عليه كتبت مرحبا وجميل ان نبداء يومك علي خطي حروفك .....
......................
.............
تحياتي لاخونا العزيزاحمد محمد احمد ...........فينك ياراجل ؟؟؟؟؟؟؟؟؟؟؟؟؟؟

نثنى اقتراح الكبير عبدوس .. وبينى وبينك خرمنا ليهو شديد .. وحقيقة كلنا نتفق بان مداخلاته ادخلت نوع من التسلية الجديدة واصبح هو زى اللغز ..ونقترح ان يتم تسجيله
باسم مستعار .. فما رايكم

الغالي ود الاستاذ ....بعودة سريعة للوراء (فلاش باك) لقيتك بتسأل عن كلمة كاجن ...كلمة كاجن هي اسم الفاعل لكوجان او كوجين لانها في الاصل كلمة حبوبات وكانن يقولن فلانة الليلة عندها كوجان ابريه والابريه معلوم مشروب رمضاني مكون من الذرة بعد تخميرها باضافة التوابل ...الكوجان هو عملية خلط كل هذه المواد مع بعض فلما يقولوا فلان كاجن يعني سكران لط وهو اكبر درجة من المسنسن (سكران علي خفيف) ...وبعض الناس يقولو ليك فلان كوجان (يعني بتاع لخبطة او اشتر في كلامو) ...وده من ثقافة الرائع الدكتور محمد الطيب في كتابه الانداية علي ما اظن والله اعلم ....طبعا انا قلت احسن افضفض قبال من يظهروا الفطاحلة :ود الزين وود عكود ويبقي كلامي زي عدمو ..........................
......................
............
لكم ودي

المرهف راشد
احلي مدلخلة في المنتدي هذا الاسبوع هي ما كتبته اعلاه
عليه قد قررت ان اشير اسوعيا علي احلي مداخلة تعجبني
مبروك راشد

اخونا ودراشد كوجانك بعدو مافى كلام وريحه الابرى الاحمر ضاربه تعتق الاحياء العتيقه , وكميه عقودات 27 رجب وجامع السيد عبدالرحمن بودنوباوى وقبه المهدى وحله حمد جامع السيد على وحاجات تانى حاميانى على قول د. البونى
الحبيب ودراشد دا انت ال ........ ( هى مفرد فطاحله شنوا راحت لى هل من مساعد يااخوان ؟ )
ودام التواصل
عاطف عكود

اخوتي الاعزاء ودالجمل وودعكود .....سعداء بوجودكم بيننا ...والله ياجمل الهدية الحقيقية هي بوجودك معانا كل اسبوع ولا يهم من يحظي باحلي مداخلة بقدر استباقئك لكل اسبوع بيننا ....والله ياود عكود صدقت مفرد فطاحلة دي دايره ليها سجارة او الواحد ينجره نجر...وينك وايه اخر اخبارك ......؟
لكم كل المني

الحبيب ود عكود والله منور دارك
غايتو مفرد عباقرة عبقري يكون يا ربى مفرد فطاحلة فطحلي....

الاعزاء ودراشد والجمل لكم الود
يا فطاحله منتدانا (تنفع رميه لاغنيه حقيبه مش كدى؟)
الحبيب ودراشد اهو شايف اخونا الجمل لقى ليها مفرد لكن مااااعارفو نجاره ولا سجره اقصد سجاره ولا نجره
ودام التواصل
عاطف عكود

راشد كتب:اخوتي الاعزاء ودالجمل وودعكود .....سعداء بوجودكم بيننا ...والله ياجمل الهدية الحقيقية هي بوجودك معانا كل اسبوع ولا يهم من يحظي باحلي مداخلة بقدر استباقئك لكل اسبوع بيننا ....والله ياود عكود صدقت مفرد فطاحلة دي دايره ليها سجارة او الواحد ينجره نجر...وينك وايه اخر اخبارك ......؟
لكم كل المني

ودراشد الغالى انت الوينك وايه اخر اخبارك ليك اربعه يوم مسجل غياب ومافى حتى قهوه واحده بيها نطمن شويه , ابقى داخل وكلو ولا رميه القهوه وخاصه اذا كان الخيار بين الشهد وبين البّن الفطره اكيد نختار سواد البّن وطعم القهوة البكره
معزوم ياسيدى ومعاك كل رواد قهوتك العامره لرائعة الرائع المبدع ازهرى محمد على
( اختيار )

يا مفتونه بصدق الوعد
يا مسكونه بحلم الغد
انا خيرتك بين الشهد
وبين البّن الفطره
وانتي اخترتي سواد البّن
وطعم القهوة البكره
انا خيرتك
وانتي اخترتي
هل قدرتي الرقعه الواقعه
بين الليله واحلام بكره
وكيف حتملي الحته الواسعه
بين الواقع وبين الفكره؟
وين حتلقي المويه الناقعه
يوم نصطاد في المويه العكره
انا بديك موانع الصاقعه
انتي اديني الموت والستره
انا خيرتك
وانتي اخترتي
واقف جنبك لو احترتي
بايع نفسي وشاريكي
دافنك بيني مواريكي
واصلك مني اتاريكي
لو تعرفي يوم شاهدتك
من روحي بتدخلي في نفسي
باريتك خلسه وغازلتك
سمعتك وما سامع همسي
كضبت عيوني وصدقتك
غيبت احساسك في حسي
وناديتك
يا مطمنه في قلبي الخوف
بتونسي روحي وبتحجي
بترجعّي لعيوني الشوف
اتلوّمي دايما واحتجي
مشتاقلك جدا وملهوف
واقف في دربك مترجي
وحجيجك بي قلبي يطوف
جواي بتعمري وبتحجي
وانا جيتك
مكسور الخاطر
جيتك مجروح
ولقيتك مفضوح الصمت
الفي عيونك بالبوح
ممحوق الزمن البين ضحكك والنوح
سكنتك كل الانفاس الحيه
وسلمتك مفتاح الروح
لو تعرفي يوم هدهتك
في ليل بستجدي الغمضه
اقدامك كانت في الصحرا
وايديك في البحر بتتوضا
كم حائط ينهض بيناتنا
كم حائط من بينا اتهدّ
قاومت الرهبة وناديتك
والصوت من عندك ما ردّ
طاوعت الرغبه وغنيتك
غنيت للمراءه الورد
..........................
عاطف عكود

العزيز راشد..الحبيب الجمل والوفي عاطف..
قلنا نخش ناخد لينا رشفة ولو من قدوم الشرقرق لقيناكم زي ناس مجمع اللغة...قبال ما نستوعب كلمة كاجن بقينا في الفطحلة..غايتو انا مع العرب البمشو جنب الحيط... سكن تسلم... وعليه قول يا عاطف ...احد الفطاحله.. ويا دار ما دخلك شر... محبتي
عبدوس

مسا الخير ودعكود وود الزين....والله ياود عكود صفقت دواخلي فرحا وانا اعيد قراءة المبدع ازهري ودوما تكحت مفردة الشعر في الاعماق حتي تدمي الاعماق ولا شفاء ...وبصراحة الواحد بيكون في المنتدي وهو خرمان لناسوا خرمة سفة سعوط بعد تحليل فطور رمضان مباشرة ...فما بالك بالغياب عن المنتدي ....؟؟؟
كيفك ود الزين والله تقول شنو ...انت عارف ود عكود بفتح الموضوع ويزوغ بعد كده والمشكلة حتي تاريخه عايزين نعرف مفرد فطاحلة للزمان .....مرحبا ياود الزين بالعودة الرائعة وتذكر دائما ان حضورك يضفي لكل رشفة قهوة نكهة .....
..............
.........
تخريمة:..
ود كرار فينك ياراجل ...........اخر مرة سمعنا قالوا في دبي ....كان وصلتك الصومال ادينا خبر ...

https://2img.net/r/ihimizer/img541/8114/0fuayxprx.gif


مع تحياتى

الاخ راشد انشاء الله خير ما من عوايدك تغيب عن قهوتك لاربعة ايام
فانشاء الله المانع خير .. تحياتى

مساء الخير اخي كركب ...ليكم وحشة وفي الحقيقة مشكور ع السؤال وماعدمناك ...بس اخوك مزنوق زنقة ام العروس (يعني في الفاضي) ...وانشاء الله من السبت وانا معاكم ع الخط ...بس شايف الغياب من المنتدي يوم بقي يتوه الواحد اسبوع يعني لازم متابعة يومية ...واكيد ده شي بيسعد الواحد بجد
................
.....
ولكم التحايا

مسا الخير اخوتي الاعزاء....للقمة العيش حق علينا لنحيا بها ونعيش معكم ..لم نعد نكترث لارتفاع درجة الحرارة وكل الذي نفعله ان نمسح من علي الجبين العرق ونمضي قدما...يظل الرائع ازهري ينير ظلمات فضائنا ويزيح تعب الدواخل عن مساحات الدواخل ...
غيب إحساس الرضى
ومسَح الروح بالغباش
وانا ما نعيت
طيب معشرك
ولا أقمت عليك عزا
إشتهيت أفرد ضفيرتك للمطر
واحقن وريدك بالدُعاش
واكتفيت
أفضل أريدك إندهاش
أو ألوذ بي نفسي عنك
! يامدهشة
أنا وين أفوت منك أمش؟
بشفق عليك
من حسن ظنك
بالملايكة المارقه من باب الشمس
يا جابدة من تحتى الأرض
وقابضة فى نفسى العرش
يا نابضة من عطش الجسد للروح
مجلوبة إنت ومستباحه
كل المواعيد الزنيمه
كانت مباحة
ومطلقة
كل البراحات الحميمة
موصوده دونك ومغلقه
مسجونه فيك
إنتظارات السحاب
والإحتمالات المريحه ومقلقه
محلوبه من دمك عصارة العفه
فيك
لا فُضّ فيك
يا صومعة إملاقى والعشق المحال
دقت مسامير الفجيعه
على العُضام الحيه واللحم الحلال
بتمرقى من وجع المحجَه
وتندسى بين جرحى العُضال
وما انبله حلقك بالإجابات السؤال
فعلام جدواه .. السؤال
علام جدواه السؤال
وفارسك مدجج بالدعاوى الخايبه
والوعد الحنوط
رددتى فى سرك جلالات الهزيمة
وتليت على سرى التشهد والقنوت
مطموسة فيك كل الصحايح
بالفضايح
الواقفه شاهد والبيوت
وتعارضه ما بين الضحك والعبره
شوكة حوت
فعلام جدواه السؤال
يا باحثه عن كل السواقط
من نهاراتنا المهمة
ونابتة من خيبة أملنا
مع الليالى المدلهمة
يا متعبة
ومحقونة بى خدر الأمانى
المستجمة
أنا ما دلقتك للشوارع البارده
ولا البيوت المترفه
لو راودك عن نفسك الماجن الدّعى
وهدّ عزمك بالوعود الزايفه
ما تنسى إنك كنت وافقه
على المسامير الصقر
مجليه بى عرق الشفا
لا شاكيه من ذل العوز
لا باكية من وجع الجفا
وأنا ما دلقتك للشوارع البارده
ولا البيوت المترفه
يا واقفه مشروخه وأبيه يا نحملك شرف القبيله
ونغرمك سيف القضيه أو نبعثـك حُـرة ونـبيّه
لو قد ثوبك من قفا وأنا ما دلقتك .. ما دلقتك