شخبط شخابيط لخبط لخابيط..غايتو جنس غايتو

فى داهية اكتر من كده يا ريس
السودان إتشخبط و إتلخبط
السودان فى غرفة العناية المكثفة عايز و عايز ......
...................................................
و بالمناسبة المنتدى برضوا فى العناية المكثفة ..........
سلامى و تحياتى
عثمان بخلن

العزيز عثمان...تحياتي..وتقديري لمتابعتك وحضورك الدائم....لا عدمناك..
وانت الصادق الحالة بقت شلش بس نرجو الا نستسلم ابدا وليكن شعارنا الخالد كلو ولا سودانا...كلو ولا منتدانا...
معزتي واحترامي...
كسرة..حدي يصحي ناس بورتسودان.....عصملي..عوض الله..جنيدابي...وبقية العقد الفريد المختفين..

وبمثل  عباس  يباهي   ..قد جاء يطلبنا  سعاد..فزادنا  شرفا  وجاها..

هكذا قال عياد ليحاول ان يقنع زوجته بأن تقبل عباس العجوز الارمل زوجا لسعاد ذات الستة عشر ربيعا..
أو قبلته زوجا لبنتك؟
وهل أنا في ذاك اثم؟؟؟
اه فهمت الان لكن انت عندي غير فاهم..قد بعت بنتك للعجوز ورحت تغريك الدراهم..
من  كلمات الراحل المقيم الهادي ادم.. رئيس شعبة اللغة العربية  بمدرسة حنتوب الثانوية.. احد الشعراء العرب ..من غنت لهم ام كلثوم..
سعاد...كتاب في قصيدة وشعر في كتاب ومسرحية شعرية في قصه..وقصة في مسرحية شعرية..وشعر في مسرحية..  خلاصة تجربة...مر عليها الزمان..حاول المبدع الهادي ادم ان يقدمها..كنا اياميها في المدرسة الوسطي...
تلغفناها   ...علي امل الا تكرر  تجربة سعاد..التي خرجت من ديارها  تودعها الليالي..كما روي الراوي..
سعاد  عادت مرة اخري..هذه المره برضاها  لأنها مغلوبة علي امرها.. سعاد اجبرها  ابوها ان  تتزوج من عباس الارمل العجوز الغني...
تغير الإسم..بدل سعاد  بقت  نادية....البلال..
الفرق انو نادية  فخوره وسعاد...إحترمت كرامتها وعزها ومشت تودعها  الليالي..
الف رحمه ونور علي قبرك استاذنا  الهادي أدم..
لي عوده

اعود كما وعدت  والدنيا  عيد..اعاده الله عليكم جميعا باليمن والسعادة والبركات..
عندما  سطر الهادي ادم    ....سعاد... وقدم لها طيب الذكر عبد الله الطيب...كان الهدف الا نسمح بزوجات الصغيرات للعجائز..يشهد الله في ذلك الزمن كانت احداث نادره...
لهذا تصدي لها الشعراء والكتاب...
وخرجت مسرحية  ..سعاد..
عياد  منذ توفيت زوجي  تنكبت  ..المناما..ما بين ..احزان  تفيض وصبية باتوا يتاما..
لا يحسنون لهم شرابا يستقون ولا طعاما..
واليوم اطلب للصغار كريمة تلرعي الزماما..
...
عباس ..
هكذا يقول عياد....انتقد مولانا عبد الله الطيب اسم عياد..لانه اسم غير سوداني..ولكن للقافيه احكام..
حقا زواجك صاحبي..حق علي العقلاء واجب...

وينتهز الإنتهازي العجوز الغني..
وسعاد  خير سليلة بنت امجاد اطايب...
ويرد المغلوب علي امره..
أسعاد بنتي قد عنيت؟؟؟
عباس كيف يكون ذاك وانت اكبر من ابيها...
لا يا عياد..
سعد الفتاة اذا دنا رهن باول خاطيبها..
دايما لهم  تبريرات..
نواصل

يا   اخوانا  الحاصل عليكم  شنو...اكيد  عين...زمان  قلنا  ده  منتدي  شنو  الكلو  رجال...زي  سفن  سودان لاين...
الايام ما  شاء الله... مرحب بسمر .....اللهم  زد  وبارك....
وبمناسبة  البنات...  اطربق  شويه..اواصل .. سعاد..
ولمن فاتهم الاستماع..سعاد القصه الشعرية التي خطها الهادي ادم...رحمه الله..
سعاد فرض عليها ان تتزوج من هو اكبر من ابيها..
البنات  قعدو  للشمارات...
حواء  صديقة  سعاد...
قالت احداهن..
أسمعت  يا حواء  قد خطبت  سعاد  ؟؟؟
وتسألأ اخري وكأنها لا تعرف..
ومن الفتي المحظوظ في هذي البلاد....
تجيب اخري..
رجل عجوز غابر من عهد  عاد....
ترد اخري...
كانت تخوفنا به الصبيان ايام  الصغر....
وتزفر سعاد زفرة حري... في حسرة....
واليوم اصبح زوجهو  ..اه لسخرية القدر...
وتشرد سعاد..ومشت تقازفها الليالي........
الي لقاء..
في ناس في الخرطوم اخبارهم مقطوعة..
ابراهيم..وين انته...
عبد الرحمن

ازيكم  جميعاً  وسلام  لصاحب  البوست  .. وينعاد  عليكم  بالخير  والسعادة  
زمان كان  زواج  الرجل المسن للشابه  حاجة  غريبة ونادرة  .. لكن اغلب بنات الزمن دا عايزين الجاهز وخاصة  من ناحية  الماديات
بعد داك عمرو كم ما مهم .

واعود   للشخبطه...واللخبطه...ومساهمة  العزيزة  الاء  في  نوفمبر  من العام الماضي...
جد جد  كلام الاء  صاح  امكن  تسعين في المية...
كنت في الخرطوم...بالتحديد الاسبوع الاول من  فبراير...وبناءا  علي نصيحة بعض الاصدقاء  وبما اني اسافر كثيرا بين مدني وبورتسودان  والخرطوم  ومن اجل سلامتي..يجب ان امتطي عربة عالية..اقتنيت ما تسمي بالبرادو...والبركب البرادو الله رادو...هكذا  قيل لي...
احيانا اركن العربة لاشتري بعض الاغراض..  لم اصدق انا العجوز  ابو نضارات  ومغطي الصلعة  بي عمه..ان  المطلوب  مني ان ارحل بعض الزهور والورود  بسيارتي..يا ناس الله   انا من هنا  طريقي  عدل الي المقابر.. برضو  وصلنا معاك...
....لكن يا  الاء  اهلنا  قالو الدهن في العتاقي  وبنات الزمن ده  ما  لقو  حاجه في الشباب ناس  رشدي..
محبتي ونواصل الشخبطات...ونواصل الارسال بلا انقطاع  بإذن الله..

حمدا لله ياعبدوس علي سلامة العودة وعودة الشخابيط .. منوّر والله ..

العزيز رشدي..حياك الله وابقاك...شوقنا بحر....
زميلات و زملاء المنبر...التحيه لكم جميعا.....
هترشات وشخبتات ولخبتات من سودان الجن...
رحلتي الاخيرة من الخرطوم الي بروكسل تعدت العشرين ساعه...تصل مرهقا كارها لنفسك...
كل مره اسافر الي هناك...اقول دي اخر مره... ولكن ما ان تستقر لعدة ايام الا وتجد نفسك تبعبص في الكمبيوتر .. لا لتجد ارخص تذكره ولكن اسرع ترانسيت...
فبعد توقف اللفتهانزا صار الهم كله ان تجد طائرة توصلك باسرع وقت ولكن ليس قطعا في الثانيه او الثالثة صباحا...
قلته اجرب الإتحاد عن طريق ابو ظبي الخرطوم..تعاملهم راقي وخدماتهمه ممتازه لكن عشرين ساعه كتيره.
طيران الامارات شرحو...
غايتو العزيز عابر-ابني- اقترح القطريه علي ان ابقي معه يوم يومين واواصل..نشوف المره الجايه علي الاقل الواحد يقابل الجمل والزملاء والاصدقاء الأعزاء..ويحاول اقناع ود عكود بالعودة الي المنبر... ولكم فيها منافع..
المصيبه اني انوي ان اسافر منتصف مارس...يتصلح الجو في اروبا ويولع نار في السودان...
وكان الله في عون القادمين من كندا وامريكا....لا حولا....
ونواصل..

لا لا الشغلانه باين عليها مخستكه...للاخر...معذرة للكلمات الفجه...
لكن جد جد الحاصل شنو...فهمونا...عوووووووووووووووووك...
عارف انو الواتساب والاسمارت وهلم جرا شغل كل الناس حتي بتوع المنابر التقليديه كسودانيز اون لاين والبقيه...لكن يا اخوانا منتدانا ده منتدي متخصص بالشئون البحرية... وبارك الله في الاخوة ود فراج وقبطان احمد ..في هذا المجال...
لكن لا بد من تجاوب....
انا شخصيا اكرر اعتذاري للغياب المتكرر ولكن جد جد في افريقيا والسودان خاصه النت عاوز ليهو طولة بال وصبر.. لهذا اعذر النفر الكريم من السودان..لكن الشغلانه مرات دايره صبر ونحن اهل البحر جبلنا علي الصبر...والا موش؟؟؟
ما قصدت ان اقول ان لم يك في مقدورنا ان نعيد للبحريه سيرتها الأولي دعونا -علي الأقل -ان نعيد لهذا المنتدي رونفه الأول... رشدي..دعنا نواصل الحكي عن ذكريات عالمنا الذي كان جميلا...رييكا..الاسكندرية..اليونان..البواخر... وهلم جرا..
دعونا نحاول....
ان فشلنا في ذلك...فالنقنع من خيرا فيها...
عبد الرحمن 23 خلت من فبرائر 2014

وتعود الشخابيط تتلألأ... نكتب ما يعن.... ايه الكلمات العجيبة دى
هو دخول سلام وتحية والكانو هنا يوم افتتاح البوست ده يعلمون شروط النشر.. هى شخابيط ممتعات
بمناسبة كلام صاحب الشخابيط اعلاه.... وجدت فى اسفير الله الفسيح ده حاجة اسمها- بحرية دوت كوم- bahreya.com لضيق فى الوكت ما اتيح لى سوى دقايق لكن شكلو موقع يحتاج وقفات خصوصا من حكماءنا المشكورين فى جهدهم فى الشق البحرى من هذا المنتدى، القباطين بن فراج وابوحميد
عموما هادا طرف الخيط
http://www.bahreya.com/kb/category/bahreya-news

واضم عوووكى لعوووووك ابدوس الاكبر،،، يا قبيلة يا بحرية وييييييين الحى بيكم.... ؟؟؟

كسرة اولى
مرحبا بعودة بخلن العزيز
من بلاد طيرها عجم وانترنتها اعجم
كسرة 2 البوست وصل ص 60 من المقاس الكبير (ليست صدفة)

خالد عبدالحميد كتب:كسرة اولى
مرحبا بعودة بخلن العزيز
من بلاد طيرها عجم وانترنتها اعجم
كسرة 2 البوست وصل ص 60 من المقاس الكبير (ليست صدفة)

بل بالعكس تماما ياحبينا خالد ود الأستاذ فالأمر صدفة  بحتة ولو لم يكن صدفة لوصل البوست ص 75  ......
تسلموا جميعا وخاصة حبيبنا صاحب الخمسة وسبعين عام  ميلادي بالتمام والكمال ..

المحترمون دائماً ...البحـارة ...أصحاب الدار

السلام عليكم ورحمة الله وبركاته ..

عن إحجام إخوتنا من البحارة من الظهور رهقت أنفسنا ,لكن لن تفتر عزيمتنا بإذن الله في البقاء مصاقرة لهذه الدار الحنون ..

يا خالد أخوي خشيت الموقع -بحرية دوت كوم- , وكان في رابط في الموقع يقول من نحن..؟؟ وعلي طول دخلت إليه لأجد الإجابة أنهم مجموعة من المهندسين البحريين السوريين الذين يبغون بإنشاءهم هذا الموقع بناء قاعدة بيانات كبيرة من المعلومات والمواضيع والبحوث البحرية , الموقع في غاية الترتيب والجمال , وأهادفهم واضحة وهي جميلة والفرصة فيه مفتوحة لكل الجنسيات بالإنضمام والمشاركة....لكن كاتبين كلام غاية في الشفافية عن تجربتهم التي بلغت من العمر خمس سنوات وهي كالآتي:

يتم اليوم موقعنا عامه الخامس … لم يكن لنا إنجازات تذكر خلال العام الماضي .. تراجع أداؤنا في النشر رغم زيادة ملحوظة في عدد الزيارات ..
اعتدنا كل عام على أن نقيم عملنا خلال الفترات السابقة , فشلنا العام الماضي في الاستمرار بنفس الاندفاع , فشلنا أيضاً في دفع الناس للمشاركة و مساعدة الآخرين و الإجابة على استفساراتهم ..
من أسباب الفشل الوضع في بلدنا الحبيب سوريا الذي نتمنى له أن يتعافى بسرعة .. و انشغال الناس بهموم الحياة و أوضاع البلد بالإضافة للمشاغل الشخصية الكثيرة .. أيضاً عقلية متصفحي الانترنت العرب ( و هم قلة نسبياً ) التي تتلخص في الأخذ دون الإعطاء .
مع كل هذا الإحباط فإن اصرارنا يزيد على خلق تفاعل علمي حقيقي من خلال المنتديات مع طرح أخبار و دروس على مدونتنا و نشر كل ذلك على صفحات موقعنا الاجتماعية على فيسبوك و تويتر و قريباً جوجل+
المشكلة الأكبر هي الفشل في جعل المهندسين و الاختصاصيين يشاركون بالمعلومة و ليس فقط بالأخذ .. أصدقائي تأكدوا أن إعطاء المعلومة الصحيحة و الحوار العلمي متعة حقيقية جربوها ..
كعادتنا نعدكم بالمزيد و الأفضل و التطور الدائم و مجموعة جديدة من المواضيع العملية خاصة بعد دخولي في العمل بشكل مباشر … تحياتنا لكم مع الأمل بغد أفضل !إنتهي

نتمني لهم التوفيق والنجاح....وكلنا في الهـــم شرق ...!!

إن أكبر المشاكل التي تواجه العمل الجماعي الطوعي هو أن الفكرة عند نفر كثير من الناس هي مجرد ملهاة ومضيعة للزمن لا طائل منها وذلك لأنه ليس بها فائدة مادية (مال) , بل علي العكس تماماً فهي قد تأخذ من مالك ووقتك , فمابالك بمن يقول للناس هلموا إلي نقوم بالعمل وليس لكم فيه عائد مادي بل عليكم أن تدفعوا من مالكم ووقتكم لذاك العمل , هل تري كثير من الناس ملبين له ...؟؟؟

لكن ويا سبحان الله ...فقد إكتشف علماء النفس أن العمل الطوعي في مجال الخير وخدمة الآخرين دون مقابل يشفي كثير من الأمراض النفسية والعضوية التي تكون في غاية التعقيد لعلاجها ...

أكرر لكم السلام أيها العظـام ...ودمتم بعافية وكلو تمام

العزيز  ود  فراج..
وأزيدك من الشعر  بيتا...هذا المنبر اتاح لنا ان نعرف  اخبار بعضنا البعض ..ليس ذلك فحسب  بل تعرفنا ولأول مره  بنفر  كريم ما كان يتاح لنا ان نتعرف عليهم لولا هذا المنبر..علي سبيل المثال لا الحصر  جدنا  ابو خليل والأستاذ بدر الدين    والعزيزه الاء..  و العزيز د فراج العزيز  وغيرهمو  كثرو..
انا  شخصيا  تركت او تركني  البحر- كبحار-   قبل   اكثر من   ستة  وعشرين  عاما  اكرر 26  عاما  ..  و طوال  الفتره التي عشتها   في مكتب الخطوط البحرية السودانية بهامبورج وانتورب  كنت  التقي ب  احبابي..واعرف اخبارهم...ولكن بإنقطاع وصول البواخر إلي اوروبا   إنقطعت الاخبار....
وجاء  هذا المنبر  بردا  وسلاما...
اقول لكم  لن  نفرط  فيه...ولو  كنت كاتبه الأوحد...لكن  يقيني انكم جميعا لن  تخذلوني...وخلدي ورشدي وود كرار  وود عكود..
عبد الرحمن

متي سفريتك ياعبدوس التي ستمر فيها بالدوحة للقاء عبّوري وعياله ولٌإقناع حبيبنا المتخفّي عاطف القوز بالعودة لإثراء المنتدي أم أن كل ذلك التخطيط قد ضاع مع الزهايمر ؟
تسلموا أيها الأحباب ولنتعاهد أن نعيد المنتدي سيرته الأولي !!!

العزيز رشدي..محبتي التي تعرف..ما ناسي وحاتك لكن شبكته مع ناس الاتحاد عن طريق ابو ظبط..ولسه عندي تذكرتين ما استعملتهم..لكن غالبا اخر مارس/ اول ابريل المهم قبل مابلدتكم تسخن و(ترطب)..
ارقد عافية..

حدي يصحي رشدي؟؟؟؟

يا اخوانا يا اخواتنا يا اعمامنا يا اجدادنا يا ابنائنا يا احفادنا وحفيداتنا واالله حرام


عوووووووووووووووووووووووووووووووووووووووووووووووووووووووووووووووووووووووووووووك
عمكم جدكم اخوكم ..ابنكم .خالكم ... حفيد جدكم ..رشدي عبدوس
لن نسمح لهذا المنبر ان يتلاشي.....
ان قلتم بس انتو اطلعوا منها وسنواصل لا مانع لدينا...
بس قولوها..

احمد محمد احمد كتب:

سلام يا كابيتان و انشاء الله تكون بخير.

يبدوا ان المنبر يمر بدورة من دورات البيات (الفصلى) ...



......
بالله ادينا خبر لما تجى بيجاى.

مع اطيب التحايا لكل الاخوة.

 قبطان احمد.. سلام يا حبوب
كلامك صاح دورة اخرى من البيات لكن عشمنا الكابيتانو فى جولة مارس القال عليها قبل كم يوم وفيها غشوة لدوحة الخير... يقدر يثير حماس ناس الدوحة والامارات ما بعيدة بالتلفون ومن ثم الخرتوم
تحايا وترحيب بمولانا عبدالحافظ العائد بعد غيبة.. شرفت يا سعادة المستشار خليك قريب

عبدووووووووووووووووووووووووووووووووووووس نحن هنا ..
أحمد محمد أحمد .. . خالد ود الأستاذ لكم التحايا وأنتم وهو ونحن
.. ماشين في السكة نمد من سيرتك للجايين .. شايفنك ماشي تسد .. وردية يالزينين ...

سلامى الحار للاخوة الاعزاء .....
دخول على أستحياء....