شخبط شخابيط لخبط لخابيط..غايتو جنس غايتو

سلامى و تحياتى للجميع
يا اخوانى و احبتى هو الحاصل شنوا ؟! بالرغم من انى ليس من مؤسسى هذا المنتدى - الا ان اعتبر هذا المنتدى الرائع هو البيت الكبير لكل من ينتمى الى الاسرة البحرية - جميعنا يعرف ما معنى البيت الكبير؟
فى واحد منكم ما بيزور البيت الكبير و لو مرة واحدة كل اسبوع ! نقول كل شهر
نحمد الله و نشكره ان سخر لنا هذا المنتدى لكى نتسامر و نتفاكر و نعرف احوال بعضنا البعض بعد ان جار علينا الزمن و فرقنا عن بعض- يا حليل ايام سودان لاين!!!!!!!!!!!!!!!!!!!!!
كلنا فى انتظار ود عكود -ود فراج و بقية العقد - خاصة فى هذا الشهر العظيم و العيد على الابواب

تقبل الله منكم الصيام و القيام و صالح الاعمال
عثمان بخلن

كي بوردك وكلماتك فيها اللبن يا حبيبنا عثمان.... البشري والفرحه...عاد الحبيب المنتظر عودا حميدا مستطاب....
عاد الي البيت الكبير الذي عنيت..
عقبال ود فراج وبقية العقد الفريد من الزملاء الاماجد والعزايزات الغاليات...
عمك عبد الرحمن

لك من التحايا الكثير و الكثير عمنا و اخونا الكبير قبطان عبد الرحمن الزين
دى بركات شهر رمضان شهر الرحمة و المغفرة و شهر التواصل
سبحان اللة و بحمده - سبحان الله العظيم
عثمان بخلن

حضور فى شكل شخبطه
وسلام بالكونتينرات، ويوم الصيام 16 ونص،،،، والنص اهم من ال16 ،، انا قلت نص
مهدى ، وراشد   واخد بال سعادتك
وتعرف يا الرشيد اسأل حامد عطيه عن اغانى واغانى ضرورى، يخيل لى تكونو دافننو سوا
زتعظيم سلام للمبدعين المواصلين رغم الحر وضيق الوكت
الجمل واحمد وابراهيم وابوعفان وبقيه الكواكب
ودامت ايامكم تواصلا لا ينقطع
--
لاتوجد كسرة اليوم
---
بابكر غادر لانو جه هنا ولا انا بره الشبكة  

بحمد  الله  وكريم افضاله...اهدتنا  العزيزه دعاء  زوجة الابن القبطان  عابر  حفيدتنا  السادسه  ولله الحمد  من قبل ومن بعد  واصدرنا  جلالتنا  مرسوما  عاجلا  بوقف الانتاج  حتي اشعار اخر...وعليه تكون الحصيله عابر ...ولد وبنت...محمد  بنت وولد ... واية الله ...  ولدان...مش لي حق اصدر المرسوم وكده...احسن بعدين يقولو علي بقيت  جد....
اصدق التهاني  لعابر وحرمه وللاسره  ولكم جميعا   اعمام وعمات   وجدود   المولودة الجديدة..ودامت الافراح... الوالده والابنه بصحة جيده ولله الحمد



عبودي...

ألف مبروك وربنا يبارك فيها ويحفظها ووالديها والتهاني موصولة لعابر والاسره الكريمه .
ربنا يحفظكم ودامت الافراح والليالى الملاح

عبد الرحمن الزين2 كتب:
...احسن بعدين يقولو علي بقيت  جد....
عبودي...

أكاد اجزم بان الأخوة الرندوكين يبرو فى أقلامهم استعداداً للهجوم الكاسح وبعدة اتجاهات.
ودام التواصل
عاطف عكود

الف مبروك ليك يا كابيتان و لعابر المولودة جعلها الله من بنات الوطن الصالحات و حمدا لله على سلامة الام.

الف الف مبروك  عميد البيت الكبير
  و الف الف مبروك للاسرة المولودة جعلها الله من بنات الدين و الوطن الصالحات
دامت الافراح للجميع
                       عثمان بخلن

عبدوس الحبيب.
ألف مبروك بالمولودة جعلها الله من البنات الهديات والرضيات وأقر بها اعينكم وألف سلامة للوالدة.
أنت بلا منازع جد المنتدى مش أنا، لأنى أقدمية تعبانة فلم يتزوج أولادى حتى الأن، المصيبة أننى أصغر اخوانى  وزى ماقالوا (البيجى فى العقاب ليهو العذاب.) أختى الصغيرة وأنا كنا أخر طلقتين فى خرطوش الحاج، فمثلآ أولاد أختى الكبيرة أكبر منى، وأولادهم وبناتهم متزوجين وعندهم بذورة، وترتبى بينهم القبل الأخير، وألأن فقد توكل نصفنا من الأخوان والأخوات على الحى الذى لا يموت، التحقوا بالحاج والحاجة فى العالم ألأخر وغفروا عن ذكر ألله، هشش الله الطوب الذى تحت رؤسهم اجمعين.
يعنى أنا متنازل لك عن لقب جدوا عن طيب خاطر حتى أترقى الى جد أصيل بعد زواج أبننا أحمد أو اخته.
ودمت لمن يعزك.

الاعزاء...عاطف..احمد..عثمان..وابراهيم....والاخوه والاخوات جميعا...
شكري  وتفديري..لمباركتم ودعواتكم..راجيا منه تعالي ان يمتعكم جميعا  بالصحه  والهناء وراحة البال..ويتقبل  صيامكم  باذن الله..
عبد الرحمن..

عبدوس العزيز ألف ألف مبروك لك ولعبوري ودعاء وجعلها الله من بنات المستقبل المجيدات وألف مبروك تعميدك جدّو أس ستة وأرجو أن تقبل بأريحية تنازل عمنا أبراهيم خير لك فهذه هي الحقيقة الساطعة ... وقد ضحكت كثيرا ياعبدوس وأنت تصدر الفرمانات وهي مدافع دلاقين إذ لو كان الأمر بيدك لظل أبناؤك بدون زواج لإثبات أنك ماتزال أخونا وكدا .. الله يقطع الكبر وسنينو ...
أعلم أن روحك رياضية وستتقبل الأمر رغم صعوبته الشديدة .... عابر بخير وكان مشرّفنا علي الإفطار أمس وكان مفروض يكون معانا دكتور الأمراض النفسية داك ياعاطف ولكنه تخلّف وكنت أريد عابر شاهدا لما يقوله لكنها ماضبطت ...
بالمناسبة عابر سيغادر للدوحة في اليومين القادمين للعمل هناك وقطعا سنفتقده بشده هنا في الأمارات ففقده لايعوض والله وهنيئا لكم ياعاطف القوز بعابر المحيطات في تيم الدوحة الراقي ....
عابر مثال حقيقي للسوداني الذكي اللماح المهني والحرفي المجيد ذو الأخلاق العالية والطباع السمحة مع لمحات من الخجل لست أدري من أين أتي بها ومن شابه أباه عبدوس فماظلم ..
نعيد التبريكات عبدوس ..... قال أصدرنا فرمانات قال .. لا باللاهي !! مصدقنّك ..

الرشيد شمس الدين

الرشيد شمس الدين عبدالله كتب:
كان مفروض يكون معانا دكتور الأمراض النفسية داك ياعاطف ولكنه تخلّف
..
بالمناسبة عابر سيغادر للدوحة في اليومين القادمين للعمل هناك .
الرشيد شمس الدين

جد المؤمن مصاب ، يا كافى البلا دكتوركم أتخلف ، اهو يا رشدى ربنا يشفيه .
ونرحب بى عابر فى دوحه الخليج ، وأنا متابع معاه وعلى اتصال بيه وربنا يوفقه فى العمل الجديد .
..........فرمانات وكدا ..........
دام التواصل
عاطف عكود

عاطف عكود كتب:

الرشيد شمس الدين عبدالله كتب:
كان مفروض يكون معانا دكتور الأمراض النفسية داك ياعاطف ولكنه تخلّف
..
بالمناسبة عابر سيغادر للدوحة في اليومين القادمين للعمل هناك .
الرشيد شمس الدين

جد المؤمن مصاب ، يا كافى البلا دكتوركم أتخلف ، اهو يا رشدى ربنا يشفيه .
ونرحب بى عابر فى دوحه الخليج ، وأنا متابع معاه وعلى اتصال بيه وربنا يوفقه فى العمل الجديد .
..........فرمانات وكدا ..........
دام التواصل
عاطف عكود

تبالغ ياعاطف لقد أثبتّ بالدليل القاطع أنك رجعت عاطف حمد خوجلي ثانية , حمدا لله علي السلامة وماتشوف شر أبدا إن شاء الله ..

الرشيد

العزيز الغالي رشدي البرتكانه...لا اخالني في حاجة لاشكرك..فانت منهم بمثابة الاب والجد وان شئت الحبوبه كمان... تسلم يا صديقي...
بيني وبينك مدفع دلاقين ونص بس بلف ابو الجاز....الحصل حصل كبروني وكبرو..لكن سيظل ابراهيم جدا بحكم السن وكده...من الله خلقك شفته ليك جد زي حالتنا كده لسه ما قفل الاربعين...وتيب
محبتي وتقديري..
تخريمه...شايفك اتخارجته من ود عكود- الفتنة نائمه--وابو خليل خلاك قبل علي اوردغان...

عبودي..

الجد العزيز اخونا الكبير عبدوس الف مبروك قدوم البنت وحعلها الله من بنات الهدا والرضا وانت كدا اصبحت جد اس 6 كما قال اخونا رشيد المنتدي .......الف مبرووووووك لوالديها .
لعلم الاخوة انني واخوي عبد الرحمن اصبحنا الجدود الاولين (اباءنا الاولين) من حيث الكمم والكيف واخونا ابراهيم طلع جد تحت الانتظار وانا كنت قايل اولاد اولادو ولدو ...ان شاء قريبا تصير جد ونحتفل بيك ....انت قايل جد دي غير تكبرك وتربي الطفاش في راسك وتشغل بالك سنن مشي حبي راسو سخن ...تلقي روحك تاني تاتيت من الاول وانت مروه ما فيك ...والموضوع يطول شرحو ...امنياتي لكم وعقبال ما تبقوا (ابوات العشرة وجدود المية)
بتين يا حبيبي ود عكود تبقي لينا جد وتشيل العكاز

العزيز الجمل..تسلم يا غالي والله لا جاب يوم شكرك.. عابر شايفو خلاص قرب يتشرف بلقائكم طبعا ما حنوصيكم..ولدكم وجاء عند اعمامو..في حدي بوصوهو علي ولدو...طبعا اخيرا سنزور الدوحه ونستظل بظلها ونتشرف بلقائكم بعد ما كنت دائما اعبرها ترانسيت فقط..اهو ربنا كاتب لينا لقاء باذن الواحد الاحد...
معزتي واحترمي بلا حدود
عبدوس

جدنا واخونا الكبير ..والله لي الشرف ان نلقاك في دوحة الخير ونكحل عيوننا بطلتك البهية ونشوفك الزمن عمل فيك زينا ولا انتو ( ما بتكبرو) احاول من الصبح الاتصال بالاخ عاطف لمعرفة المزيد من التفاصيل بخصوص وصول ابننا عابر وبقية الموضوع ...المهم مرحب ب عابر وابو عابر وكل من يعبر من دوحتنا حتي الملتقي تحياتي

العزيز  الجمل...شكري  بلا حدود لكلماتك الناصعة البياض...الابن عابر  هذه اللحظه  علي  متن الطائر الميمون في طريقه الي الدوحه...حسب كلامه  ان هناك  سيارة اجره ستاخذه الي الفندق  مباشرة....بس معليش فات علي اساله  ياتو  فندق..لكن حتما  سيتصل بكم...
اكرر شكري وتقديري
عبد الرحمن

الجد عبدوس..

الف مبروك ...ونأسال الله ان تشوف أحفاد أحفادهم وتكون موفور الصحة والعافية...
والقبطان عابر كنا متمنيين يعبر من الاجواء الجداوية...

تشكر يا حبيبنا ود كرار..عقبال احفاد احفادك..قادر يا كريم....بعد طول تردد استقر راي عابر ان يستظل بدوحة اعمامو ناس عاطف والجمل والخواض وبقية العقد الفريد..اتمني انه الحال يعجبو..وتكون الدوحه فال خير ومصدر بركه..لكن فراق ناس رشدي ما بتعوض..لكن نقول ايه حال الدنيا...بس ياخوي القشوريه دي ما في زول قاعد يريدها..بس غايتو فيها مكه مدينه واناس بعظمتكم..ما بنقدر نقول شئ..
مع فائق حبي واحترامي..
جدك عبدوس..

محمد الجمل كتب:
بتين يا حبيبي ود عكود تبقي لينا جد وتشيل العكاز

العزيز الجمل طبعاً انا جد لكل احفادكم يعنى بقيت وانتهبت أما شيل العكاز ، انا وين لقيتو وابيتو ؟؟؟
ودام التواصل
عاطف عكود

أحبابنا في دوحة الخير دون فرز , لكم مودتي التي تعرفون ... حلّ عليكم بالأمس مساء إبننا وأخيكم عابر وهو دون شك إضافة نوعية وسيملأ أيامكم فرحا مثلما أحزننا فراقه ... تليفون عابر الجديد في الدوحة هو :- 97450136160+
لكم الود ولاعدمناكم .

الرشيد

زمان كان الصغار بيسالو من الكبار هسع الكبار هم البيسالو من الصغار ..وصل ابننا الربان الي الدوحة
تحدثت معه تلفونيا وبدا لي انه بخير والحمد لله ...نلتقيه اليوم ان شاء الله
و

رشدي السكره..تسلم وتشكر يا امير

الكبار  دائما  كبار - يا اخوي الجمل.- لهذا  سيظلوا  دائما  كبار...تسلم يا  سيدي  متمنيا  لعبوري  اقامة  طيبه بين ظهرانيكم..

ألف مبروك الوافدة المبروكة بإذن الله يا عمنا عبدالرحمن .. ومن كل قلبي أتمني لك ولإبنك عـابر دوام الرفاه والسعادة وحفظكم الله ورعاكم ..

وحقيقة أشكرك كل الشكر علي السؤال عني وهذا من طيب معشرك , ونبلك .. تقبل فائق إحترامي وتوقيري