شخبط شخابيط لخبط لخابيط..غايتو جنس غايتو

يا هلا بيكم..والله كانت ليكم وحشة يا عديميين الخوة..ما فيش حد سال عني ولا عبرني ولا دلعني...طلعتوا اي كلام وخوتكم خوة بحر......تاني جابوا سيرة البحر يا الاء...
باين سيرة الجنوب والبحر حتقفل البتاع ده...
عشرة ايام عاشهم الحب....اجمل ايام عمري ولاول مره نلتقي كلنا...عبوري وحماده واية.. وابوهم و........... والمناسبه احتفالهم ببلوغي الاربعين...احتراما لي قرروا ان يطفوا شمعة واحده...شفتو الاولاد ديل ظراف كيف.. لكن كلو حسب ال...ظروف.....
بحق كانت ايام جميلة وومتعة رغم البرد...بس اول حاجه عملوها فور وصولهم هو حرماني من دخول المنبر..يا نحنا..يا.... المنبر واخترتكم انتم....مش شايفني داخل كل يوم..
ساعود بالتفاصيل المملة اللذيذة..حقيقة اشتقتكم..
عبدوس

عبدوس الحبيب كل عام وانت بالف خير وانت تخطو بثبات نحو الأربعين ، وقد كانت مناسبة عظيمة وانت تجتمع مع عبورى وحمادة وايوتة فى لقاء السحاب آدام الله اجتماعهم دوما على الخير ، حكى لى عليوة انك اتصلت به ليلتها وانت فى قمة السعادة ( بدون ما تكون شارب حليب الليلة ديك ) وقال لى انك كنت تود الاتصال بى ولكنه أخبرك أنى أكون نائما ليلتها ، ليتك والله اتصلت فتلك مناسبة لا تتكرر كثيرا بينما النوم ملحوق .. أطال الله عمرك حبيبنا ولا عدمناك أبدا.

الرشيد شمس الدين

وانت الصادق يا رشدي....عشره ليال في انتويرب ولا اررررررروع..اجتررنا الذكريات..العيال كبرت..بيني بينك حاولت اجاريهم...اخيرا استسلمت..اية الله كانت في قمة السعادة..نست انو عندها اتنين مستننها في لندن..قالت لي خليهم ينتظروا انا انتظرت تلات وعشرين سنة..عشان نكون مع بعض...ضحكنا وبكينا وسعدنا..ما اسعدني اننا ضحكنا اكثر مما بكينا..كانت لحظات صادقه تعاهدنا ان نكررها اذا امد الله في الاجال...
احبابي رواد المنتدي..
عشان ما تسرحوا بعيد يا احبابي ويا اسرتي الصغيرة ناس المنتدي الاعزاء... القبطان عابر 37 سنه له ابن وبنت في الطريق ..الباشمهندس محمد36 سنه له بنت وابن الدكتورة اية 23 سنه لها ابن وابن..لهم اخ رابع اخر العنقود مازن 18 سنه جامعة النيلين الخرطوم......دول علي فكرة البعرفهم وكده...واخيرا ابوهم غادرت الاربعين. قبل ايام.....الي اللقاء بعد عقد من الزمان..شفتونو متفائل كيف..
محبتي واحترامي..واسفي لانقطاعي..الفترة السابقة...معذور موش...تقول لي الجمل وجدو ابراهيم..
عبدوس

ربنا يحفظهم يا كابيتان و يحفظك ليهم .....

و يا الرشيد انا ما بدَردق ليك ..... الايام دى موسم الاجازات و الكماسرة سادين خدمة اربعة و عشرين ساعة فى اليوم .......

عزيزنا وكبيرنا عبدوس سلامات والله ليك وحشة.
عيد ميلاد سعيد (طبعآ دى الأربعين الثانية!)
أولآ عندك رسالة فى صندوق رسائلك ليها حولى الشهر ما فتحتها حتى الأن.
عندما تدخل الموقع مرة اخرى أذهب الى اعلى الموقع ، أنقر على الرسائل، ثم أنقر على الرسائل التى لم يتم قرائتها. إسرع قبل أن يهجم علبنا الزهايمر ونقول عبدوس ده منو! مش الكان بلعب فى الموردة زمان مع ناس منو ما بتذكر.
دام الود عامرآ.
ود أخوك إبراهيم.

كابيتان أحمد .
وين أراضيك مختفى ليك مدة عسى المانع خير!
يبدو ان الجو أثر فيكم، كان الله فى عونكم مع الأربعين درجة ليلآ.
نحن لا نزال نرزح تحت درجات ما تحت الصفر مع العلم بأن الربيع قد بدء رسميآ يوم الأربعاء الماضى بس على النتيجة لكن الجو شتوى حتى الأن.
دام الود عامرآ.
إبراهيم.

سلام يا ابراهيم

شكرا للسؤال عن احوالنا.

الايام دى فى سفر متواصل ما بين الخرطوم و بورتسوان و التى اعادت لنا زكريات الزمن الجميل.

الجو فى بورتسودان جميل جدا و فى الخرطوم لسة مابطال ..... الظاهر السخانة راجية رمضان يجى .....

التحايا و السلام ليك و للعيال و عيال العيال و كل الاخوة الاعزاء بالامريكتين.

العزيز حمادة....هو صاحبك عاوز ليهو زول يوصيه يدردق كيف...اكيد الايام دي يكون ساكن خور فكان جنب بيت عابر.... محبتي....
جدو ابراهيم....لكن انتهيت مني الاربعين التانية لو ما اني عارف قصدك عاوز تبعد عني العين كنت زعلته..هي 38 لكن عشان الخدمه الالزاميه عملنا تسنين ورفعنا العمر....سنتين...او سنتين بكسر السين او السن..
يا اخي اشكرك كتير فعلا وجدت رسالتان من شخص عزيز .. عزيز ..جدا.. لك محبتي وتقديري...بعدين بيني وبينك وانا بفتح البريد قريت ايميل عبد الرحمن الزين والله قريتها -وانا واصل حوالي الثالثه صباحا من رحلة من امستردام مع الجليد والبرد والتعب- قريتها ايمان عبد الرحمن الزين ...قلته الله .. واهو انا عندي كمان بت اسمها ايمان وضحكت لمن خفته انو الطاره تكون بوشت..
احترامي وتقديري..
عبدوس

هى لسه مابوّشت ؟؟ظ غايتو جنس غايتو !!!

الرشيد

يا عين يا عنية يا كافرة يا نصرانية........
قال بوشت قال....
اخر الحكي يا رشدي

(آللـ?ُـمَ إنـي أَعـوذُ بِـكَ مـن الـهَمِّ والحَـزَن والعَـجْزِ والكَـسلْ والبُـخْل والجُـبْـن وغَـلَبَةِ الـدَيْن وقَـهْرِ الرجـال و ريدة الكبر..........
عبدوس

عزيزنا وكبيرنا عبدوس.
أظهر وبان عليك ألأمان. مسجل غياب ليك مدة.
بعدين تجى تتهمنا بأن خوتنا خوة بحر ساكت، وخوة جو، والله لا بحر ولا طبقات جو عليا ولا شنو ما عارف،
أنت عمنا وكبيرنا والماعنده كبير بيكرى ليهو كبير.
النهار ده مسافر أشوف أحفادى.
بكرة إن شاء الكريم نجد منك شخبطة.
ودام الود عامرآ.
إبراهيم.
السبت 30-3-2013
الساعة 0235 صباحآ. بتوقيت شرق كندا.

حبيبنا جدو ابراهيم..الله يحفظك ويرعاك يا امير في حلك وترحالك..تسافر وترجع بالسلامة املا ان تقضي وقتا جميلا مع الاسرة الكريمة..طبعا انت وجدو الجمل بتعرفو غلاوة ولد الولد ونحنا وناس نحنا الغيرة منكم كاتلانا...كانت شوية مشغوليات انتهت بي خيرها ولله الحمد ونعد العدة للسفر للسودان وده الجهاد الاكبر...طبعا حنزور السيد مكي..علي فكره زمان في مدني بنشتري حلاوة المولد من واحد اسمو حسن مدني..لا زلت اذكره..كان حكم كوره يعمل في هيئة البحوث الزراعية.. ودايما رابط عكازو في ماسورة العجله لمن يكون عندو مباراه..
معزتي وتحياتي واحترامي لكم جميعا..... نفر نفر يا الاء..الغيبه طالت...
عبدوس

عزيزنا العزيز عبدوس.
تحية وودآ زائدآ.
رجائى قبل سفرك للسودان أن تمدنى بالأميل الخاص بك.
أيملى هو kheiribrahim@gmail.com
وماتنسانا من أن تتذوق لينا من حلاوة عمنا سيد مكى.
ودام الود عامرآ.
إبراهيم

الحبيب...العزيز جدنا ابو خليل...
معزتي واحترامي..
ايميلي
abdel.rahman@belgacom.net


or

abdelrahman151000@gmail.com
والموبايل كما هو من قبل 18 عاما يعني من ما جابو الموبايل..الولف كتال
0032475928144
في السودان
00249914090999
اكرر احترامي وتقديري
عبد الرحمن

...وقبل ان اختفي لعدة ايام...اخليكم مع شوية شخبطات...ساشتاقكم...ارقدوا عافية...
في ايام الجاهلية السمحة.. في اوخر السبعينات...كنت مساهرا مع ابن عمي الذي كان يسكن شارع 15 بالعمارات الخرطوم...قي تلك الايام كان ابي يرحمه الله مسافرا الي الحج.. ومعه بعضا من رفاقه...
كعادته نام مبكرا في تلك الليلة وفي صباح اليوم التالي كان من المفترض ان نذهب بهم الي المطار...
حتي الواحده صباحا لم تنتهي السهره لان اليوم التالي كان جمعه...لكنني استاذنت لان علي ان اصحو فجرا عندما يصحو الوالد....اخذت عربة ابن عمي لاني كنت احتاجها للذهاب للمطار...
في احد المنحنيات- بعد الواحدة صباحا- لمحت احد الفتيات...اشارت الي..استغربت ولكني توقفت..ركبت...سلمت..سالتها الي اين؟؟؟ قالت لي لو كنت اعرف الي اين لما وقفت هنا في هذا الزمان والمكان.....
روت لي قصتها...في تلك الليله..ذهبت لعرس احدي صديقاتها....عندما وصلت المنزل كان ابوها في انتظارها..طردها من المنزل بثيابها التي عليها... صدقوني صدقت روايتها ولم اشك في اي كلمة قالتها.....
اسقط في يدي...اين ساذهب بها...سالتها ان كان لها اي قرائب..قالت لديها خالتها تسكن الثورة ام درمان ولكنها لن تستطيع ان تذهب في هذا الوقت..وليس لديها حتي حق التاكسي...فكرت في شقة ابن عمي ولكن ابعدت الفكرة...
ياالهي..ماذا افعل...


حكيت لها ظروفي واني اسكن مع نسابتي وابي مسافر الي الحج في الصباح الباكر وسابقي معه في المطار ومدينة الحجاج حتي موعد سفره بعد الظهر...
حالتي تصعب علي الكافر...فكرت قليلا ثم قدت العربة الي مكان امن قريبا من المطار...ركنت العربة وقلت لها حاولي ان تنامي في المقعد والصباح رباح....
لم انم ولا لحظة واحده..وما اسعدني انها نامت بعمق وفي امان... عند الفجر ايقظتها.. اعتذرت لها باني لا استطيع ان اذهب بها الي بيت خالتها لظروفي التي اوردتها... وجدت سائق تاكسي- رجلا مسنا تبدو عليه الطيبه- ينام علي عجلة القياده... ايقظته...حكيت له رواية قريبة...وطلبت منه ان يوصلها الي الثوره...لم يك طماعا ولكني ضاعفت له الاجرة طالبا منه ان يتمهل في الطريق علي ان يوصلها بعد شروق الشمس الي مكان قريب من منزل خالتها..لله الحمد كان معي من النقود ما يمكن ان امنحه لها حتي تدبر امورها....
تركتها مع سائق التاكسي...وعدت ادراجي....حتي هذه اللحظه من عمر الزمان لا ادري ماذا حل بها.....

عبدوووووووووووووووووووووووووووووووووووووووووووووووووووووووووووووووووووووووووووووووووووس !!!!!
عينىك فى عينى !!!!! للدقة كى بوردك فى كى بوردى !!!!
فى كل الأحوال , سلمت يا حبيب .

الرشيد

الحبيب عبدوس هذه من الحكايات التي تثير الشجون وتحتاج لكثير من التحليل حتي نصل الي ما حل بها خاصة وان ابوها بعد ان طردها في هذا الوقت المتاخر لتتلقفها ايدي حنونة ترأف بها وترعاها حتي طلوع الفجر ومن ثم تعيدها الي خالتها
قد نحتاج لمداخلات بعض الاخوة الافاضل حتي نصل الي ما حل بها
سلمت وسلم الرشيد

معذرة...لم يفتح معي بوست سودان لاين ص ب 426 ..ما علينا.....
اقول لكم وبكل الصدق..ان اول من دق اسفيننا لتذهب الخطوط الببحرية الي اسفل سافلين هو يوسف طاهر قرشي....
لبس لدي مانع ان امثل امام المحاكم وعندي من المستددانت ان ابرهن صدق قولي.

.وادافع عن المنبر...
كان كما قال حبيبي احمد..كل..ما يملك ان يغير لك اللمية في غرفة الحمام....بقدرة قادر صار نائبا للمدير.. قؤيب ابو ريالة وفريب عبدووووووووووووو.. قال لزوجتي انا ماشي اوروبا عشان ابدل زوجك لتلات شهور.....قال له نميري انت عاوز تمسك محل عبد الرحمن قال ليهو ليهو لا .. النميري قال ليه اكان كدي نخم ونصر...
ولا زلنا نخم...ونصر...
ومحبتي
عبدوس

العزبز رشدي...نحنا دافننو سوا..لا زلت وساسظل اذكر نكتك.. ارددها كل مرة...كل مره اصدقائئي اخيرا قالوا واقسموا انيي صاحب الوافعة..منهم للع.. وكل مرة يزبدوا فيها شوية.. ما علينا اليكم النكتة....واحد قاشر ..طلع من البيت..عندو مواعيد.. منتظراهو .جنب الطرمبة..المدام قالت ليهو عليك الله ما دام طالع...وصلني بيت ناس امي.. اسقط في يديه ..كان ذكيا مثل رشدي...مر بالطرمبة... فال لزوجته رايك شنو اشاغل ليك البت الواقفه ديك .. قالت لبههو اها اها انت العندك قادر علبهم.. نهايتو فتح الزجاج..قال ليها انتظريني عشرة دقايق اوصل الهبلة دي وارجع ليك....
ضحكت زوجته من كل اعماق قلبها...

هوي هوي..ما كتبنته اعلاه كنت عامل سنه...بكسر السين... جد جد انتو ما عاوزين تصدقوني ليه...
\لو كان المرحوم اصيل بيننا..لقال... عبدوس... بالغته.. ويضحك... الوحيد الكان بصدقني اتفه خلق الله قاشوورة....لو كان المرحوم مختار بيننا..لقال راخو.. اطلع منها... الحقير عبد الله..جاه.. حيقول بالغته.. اها كمل القصه.. المحترمين رشدي وعليوه..ومحمد صالح..لن يصدقوا حرفا من ما كتبت وليهم حق- بيني بينكم- دول ناس محترمين بشكل... كانو\..

جد جد قايلببن القبة تحتها اوي...لو كان المرحوم عبد العزيز معنا لقال لي اها يا راخو دي نطرح منها كم....وتلك رواية اخري يا كلارا بنت الا كرمين...
[]\\عبدوس...

ابو الياباني البصلح الغلط بالغلط
--------------
قبطان ازيك وان شاء الله دائماً متلميين فى الخير انت و الاسرة الكريمة.
انتو انا وين

الاعزاء المنتدون عاطر التحايا قضيت الهجره من الريف الي المدينة قديمه جدا وقتلت بحثا والفت فيها كثير من القصائد والاشعار ولكن بالامس القريب هزني احد نسابتي جاء من ارض المحس المعطاءة الي الخرطوم بعد اكمال دراسته بجامعة دنقلا ظنا منها ان الدنيا ستفرد له جناحيها وسرعان ما ان دخل مطحنة المدينة التي لا ترحم واخير وجد ان ما يدخله في العاصمة باليمين تاخذه منه بالشمال فقرر العوده فجاملته بهذه الشخبطات عفوا القبطان عبد الرحمن ....
منو القال ليك انو المدن من خيره تديكا
وانو غمامه شايل عين يخضر منو واديكا
زرع فوق السراب بستان وغرد فوقو شاديكا
ومنو الغشاك وصور ليك في الخرطوم امانيكا
فت من البلد همل حبيبا ليك واراضيكا
وطالت لوعتك ازمان واسودت لياليكا
تعال بالله منها صاد للحضن البدفيكا
تعال لي يمه لي يابه ولي شلة صحاب ليكا
تعال فرح قليب محبوب دوام مشغول و طاريكا
وقت تزعل يجيك مهموم ويبسملك يراضيكا
غايتو مناهو بس تسعد ومن تحنانو ساقيكا
يغزل من ثواني الليل يغطي جراحو راجيكا
ولي ضو القميره هناك ومنقوش فيهو ماضيكا
اسرح بي خيالك وجول وفتش للفضل فيكا
ولي ضل النخيل الكان ممد فيك مغطيكا
وياما شلت فوقو ديون وما خيب مراجيكا
تكوع فوق سرف ريان وتصدح بي غناويكا
لا كربا ولا اهات و تملي غريره عينيكا
ولو ضاق يوم عليك مكان الف دموع تواسيكا
ايه مستني منو بلد ما حمدت مساعيكا
بلدا اصلو ما شبهك ولا يوما بكون ليكا
لملم لي عقابك وقوم قبل تتمد ايديكا
وانك لسه ياخ مستور واحمد فضلو باريكا

عبد الرحمن الزين2 كتب:هوي هوي..ما كتبنته اعلاه كنت عامل سنه...بكسر السين... جد جد انتو ما عاوزين تصدقوني .
[]\\عبدوس...

يا قبطان عبدوس ....ماتتقل السنه شويه وتطلع لينا كل الفى الجراب وتعلنها حرب من اجل التصحيح، وأكيد لن تطالك أي محاسبه قانونيه للعذر البين...

مياده يا حلم الصبا وافرح بنيه اترملن
اهات مفارق بالسنين متوسد اهداب المحن
متمني لو يصبح غمام كان مره يرحل للوطن
الوطن قلت الوطن؟ ولا السمع خاني وحرن
اه ياوطن من وجعتك جلبوك في السوق مرتهن
نيفاشا شهدت فجعتك ودمعاتك السخنات جرن
واتقسم البلد الحزين واخوانا قبضوهو التمن
وريسنا حالف كم يمين وعشرين طلاق اتابعن
ارضك حراما يابلد لا بتستباح لا بتمتهن
واليله شوف حالتنا كيف خيباتنا بيك اترابعن
الحسره والاهات عليك وصبحنا مسانا الغبن
عربيك وزنجيك السمح اوصافو ما بتعددن
اليله عايشين في خصام ومولانا بيناتن فتن
اميالك المليون دوام للدنيا كان يتفاخرن
وجباهنا كم بيهم علت مرفوعة تتحدي الزمن
صبحت حكاوي وزكريات مدميه من كتر الشجن
بهواك حقا مستحق ما انت في الاعماق سكن
بهواك من جوه الفؤاد بهواك في السر والعلن

الاخوة عبدوس وود كرار وعبد الرحمن
ابداع كل في كاره والسؤال اين عبدوس ليك وحشة يا باربا واين ود عكوود مختفي ما بنشوفوا الا في صلاة الجمعة
عبدالرحمن قصيدةجميلة والخاتمة ابداع
.........
بهواك حقا مستحق ما انت في الاعماق سكن
بهواك من جوه الفؤاد بهواك في السر والعلن