شخبط شخابيط لخبط لخابيط..غايتو جنس غايتو

بورتسودان: محمد بدر الدين : اكتنف الغموض مصير اثنين من البحارة السودانيين، وهم ـ عضو نقابة البحارة السودانيين المهندس محمد حسين غلام، والباش ريس عبد الله نيبا ـ اللذين يعملان فى الباخرة (عمران) التى تعرضت لحريق قبالة السواحل الصومالية على بعد 8 أميال من ميناء بوتاس الصومالي في 23 أغسطس الماضي، ورجحت مصادر موثوقة لـ( الصحافة) وفاة البحارين غرقاً نسبة لطبيعة المنطقة، ورداءة الحصول على معلومات تفيد ببقائهما على قيد الحياة.
وافادت ذات المصادر بفقدان البحارين السودانيين اثر اندلاع حريق هائل في الباخرة التى يمتلكها احد السودانيين على السواحل الصومالية لم يتم الكشف عن اسبابه، وذكرت ان المفقودين من ابناء ولاية البحر الاحمر، وقالت ان الشركة الملاحية المشغلة للباخرة كانت قد اعلنت عن الفقدان، واضافت ان الباخرة يمتلكها رجل الاعمال السوداني المقيم بدولة الامارات العربية المتحدة عبدالرحيم عبدالقادر.
من ناحيته، حمل رئيس نقابة البحارة السودانيين، صلاح جانكري، جهات سياسية بالولاية ـ لم يسمها ـ مسؤولية تعطل اجراءات الفقيدين لجهة ممانعة تلك الجهات انفاذ اجراءات النقابة التي وصفها بأنها هي الواجهة الرسمية التى يحق لها متابعة قضايا البحارة السودانيين بالداخل والخارج.
واكد جانكري على متابعة القضية على الرغم من العقبات التى تواجه النقابة بدافع المسؤولية على حد تعبيره.
وكانت الشركة المشغلة للباخرة اعترفت بفقدان البحارين الا انها رفضت الافصاح عن معلومات اضافية لوسائل الاعلام، وربطت الخطوة بإكمال الاجراءات ذات الصلة بالحادثة.
ورجحت مصادر موثوقة تحدثت لـ(الصحافة) وفاة البحارين غرقا نسبة لظروف المنطقة التى وقع فيها الحادث وتدني الحصول على معلومات تؤكد بقاءهما على قيد الحياة.
نقلا عن جريدة الصحافة حدي عندو معلومات..
اللهم اغفر لهما وتولاهما برحمتك....مع التحية...عبد الرحمن

اللهم الطف بنا برا وبحرا وارحم موتانا،،

كان فى بالى حكوة عبدالباسط ومداخلة الرشيد وكلام مهدى وجدلية الوطن والغربة فرأيت ان اقتبس هذا من بوستين

[quote]

الرشيد شمس الدين عبدالله كتب:
والكثيرين فى دياسبورا الغربة ...أكرم بها من صحبة... هل من عودة هل ؟؟؟ إلى لقاء دائم فى الوطن العزيز وهذا المنتدى الرائع يجمعنا وفى الأسكلا لقاؤنا ومن الأسكلا وحلّ ... قام من الغربة وللبلد ولّى .. تحياتى ومعزّتى .

عارف عباس المصري كتب:
أزمتي وربما . . . ازمتكم !
لكم كل شكر ومودة وتقدير ولنلتقى انشاء المولى في سهول فرح خضراء ومدارس واغنيات ومراعي انعامها الشعر وحليبها اللحن وحد سهلها البهاء وهاكم مزمارا ودف ولنلتقي على جداريات شبق المدن. . . . أو إن قيض الله لنا مخرجا في فردوس اسمه. . الوطن .

وانا هنا لست وحيدا ولكني . . . انتظر . .

تأمل فى الكلام الملوّن

[quote]

4 موبايلات ( ما شاء الله على اضنيك يا رجب ).. نسوانو وين ولا مرتو وينا .. فى الحالة دى بتكون فى غيرة ظاهرة أو مخفية من هؤلاء الاربع.

لا تعليق لى عن الغربة الطالت وانتنت .. ما دايرين نرجع للعاطفة ونقول ليك تعال .. وكما قال الاخ الرشيد لا تحتاج لإصدقاء جدد يكفى القدامي والاسرة الكريمة .. والله فى عوننا جميعاً

لك الود

تعرفى يآلاء العزيزة حين ذكر عزيزنا عبدوس قصة الحاج رجب وموبايلاتو الأربعة تأكدت أنه متزوج من أربعة فى عصمتو غير الفكّ سراحهم عكس الهواء ... ولكل واحدة موبايل مختلف لأنهم كلهم ماعارفين بعض يعنى زواج بالدس كما هو شأن الجماعة ... (الصالحين) ...............
ضحكت كثيرا حينما حكت لى واحدة قريبتنا إنو صاحبتها عرّسوا فيها وهى ماعارفة حاجة ...قاموا الصاحبات زعلوا وأصرّوا يكلموها ..إتلموا ومشوا ليها ... قالت ليهم إتلميتوا وجيتونى دايرين تقولوا لى راجلى عرّس؟؟ إستغربوا وقالوا ليها إنتى عارفة ؟؟ قالت ليهم لا والله ماعارفة ولا دايرة أعرف ...خلّوا الموضوع دا سر لأنوا لو شاكلتوا وعرف إنى عارفة حيقول لى يوم عندك ويوم عندها .. خلوهو فى عماهو على الأقل كل يوم حيبيت معاى فى البيت وقد كان ... تصوروا الفقه الجديد قالوا إسمو فقه السترة .. سترك يارب ...

الرشيد شمس الدين

وحاتك يا رشدي رغم انو الايام دي والايام الجاية حاكون مزنوق لشوشتي- زي ما بقولو- لكن شرطتني بالضحك..يا اخي دي اكتر امراة عملية في الدنيا ..وده اتفه راجل اللي بتزوج علي مرة زي دي لانو نوعها ده ما بتكرر..امراة واقعية..وده المطلوب..
والله اكان ما في البورد ده ستات ..نحني لهن قاماتنا- كنته فتيتو...
غايتو يوم راجلها يعرف انو هي عارفه انا جاهز..هو الريان عرس حداشر ليه..ورجب اربعة ليه..وعبد الستار ومروان عبد الفطير..اكملو ربع دينهم ليه..ده موضوع لي معهو عوده..
لا زلت اضحك يا رشدي عندما اتذكر نكتتك بتاعة الراجل الكان مواعد ليهو واحدة ولما اتهندم وهو طالع من البيت مرتو قاتليهو ماشي وين قال ليها مشوار..قالت ليهو طيب عليك الله وصلني معاك ناس امي...
مر بها..في المكان المواعد فيهو حبيبتو..شافه واقفه..قال لي مرتو نزلي القزاز خليني اشاغل ليك البت الواقفه ديك...
قال للبنت ..انتظري خمسه دقايق اوصل الحاجة دي وارجع ليك...
سمعتها منك قبل خمسين سنة..ولا زلت اضحك عندما اتذكرها..
حاغيب..غصبا عني ... ليكم وحشة مقدما..
اين خلدي..
عبدوس

الأعزاء عبدوس وآلاء ... لكم الود الكثير ... اولا ياعبدوس دا شنو الما قادر تفتّوا عشان وجود ناس آلاء ... نحن مش قلنا آلاء دى ممكن تكون الفاتح اليابانى ؟؟ وتايّب ؟؟؟ خد راحتك على مسئوليتى !!!!!!
بمناسبة الحاج رجب وزوجاتو الأربعة ... داير أشرككم معى فى قصة حصلت معى بخصوص الجماعة !!!!!
قبل فترة إتصل علىّ أحمد إبن المرحوم الخالد عبد المتعال الجميعابى وأخبرنى بمشكلة ثصادف عمل مكتبهم فى بورتسودان ولأن المسئول الكبير النافذ الذى كان وزيرا وواليا هو صديق للمرحوم غبد المتعال وهو صديق وزميل دراسة لى منذ المدرسة الوسطى ثم الثانوى والجامعة ولكنى لم أره منذ الجامعة وهو المسئول عن حل المشكلة لمكتب عبد المتعال فقد طلبت من أحمد الذهاب للخرطوم ومقابلته وإخباره أنه إبن عبد المتعال وسيحل المشكلة بالتأكيد ....
ذهب أحمد للخرطوم وأنتظر لمدة ثلاثة أسابيع يحاول مقابلته ولكن يبدو أن مقابلة أوباما أسهل .... إتصل عليه فى الموبايل ولكن كان النجم أقرب ... إتصل بى أحمد وأخبرنى يفشله فى المقابلة أو قى الإتصال عليه فى الموبايل ... عندها طلبت منه إعطائى رقم الموبايل لمحاولة الإتصال به من هنا لعلمى أن الجماعة يحبون دبى شأن كل الرجال
( الصالحين ) ...
إتصلت عليه ولكنه لم يرد .... ثم بعد حوالى ربع ساعة إتصل هو على ( شفت الأهمية بتاعتى ياعبدوس ؟؟؟) ...
السلام عليكم ... وعليكم السلام ... أهلا وسهلا يافلان والله مشتاقين شوق كثير ... منو معاى ؟؟ معاك الرشيد شمس الدين ... وكأنه أصيب بخيبة أمل راكبة جمل ... إنت يالرشيد الوداك دبى شنو ؟؟ ....ياخى أنا فى دبى من سنة 1995 ... تحدث معى وكأننا إلتقينا قبل إسبوع !!! أخبرته بالمشكلة ووعد بحلها وقد فعل ...
بعدها مباشرة ندمت على إتصالى به فأرسلت له هذه الرسالة :-

الأخ فلان .... أحسب أننا لم نلتقى أو نحادث بعضنا لأكثر من 36 سنة وحينما تحادثنا مع بعضنا أمس كان بى شوق كل هذه السنين ولكنى سمعتك تحادثنى وكأننا إلتقينا قبل أسبوع .. ماذا يحدث فى هذه الدنيا ياترى ؟؟
لو لم يكن الأمر يتصل بأسرة المرحوم عبد المتعال الجميعابى وهو أنبل من عرفت فى هذه الدنيا ولذا رحل باكرا ولولا ودّنا القديم وبعض عشم لما أتصلت بك والله ولكن إتصل بى أحمد عبد المتعال وأخبرنى بمشكلتهم فطلبت منه مقابلتك وستحل الموضوع ثم أتصل على وأخبرنى أنه عجز عن مقابلتك ولم ترد على مكالماته وأعطانى رقم هاتفك لأتصل عليك من هنا ففعلت وهاأنذا قد ندمت والله وأتمنى أن أكون قد ظلمت ولا أكون قد ظلمتك فإن فعلت فليغفر الله لى ولك العتبى .... أخوك الرشيد
فى اليوم التالى إتصل علىّ خمسة مرات فلم أرد .....
حين توفيت الوالدة جاءنا للعزاء وقابلته فأختلى بى وذكر لى أنه تألّم جدا لرسالتى ولذلك لم يمسحها من الموبايل وأعتذر لى وذكر لى أننا لا ندرى ظروفهم وأقسم لى أنه قد تزوج قبل شهر زوجته الرابعة ولحظة إتصالى تلك كانت الزوجات قد علمن لأول مرة بزواجه و كان فى وضع لا يحسد عليه ولذلك هرب من الموقف بالإتصال بالتليفون بى وطلب منى أن أعفو عنه ففعلت وأنا أحنّ لحاله كيف يستطيع التوفيق بين الأربعة ونحن نعانى مع الواحدة وما التوفيق إلا بالله ....

الرشيد شمس الدين

وذكر لى أننا لا ندرى ظروفهم وأقسم لى أنه قد تزوج قبل شهر زوجته الرابعة ولحظة إتصالى تلك كانت الزوجات قد علمن لأول مرة بزواجه ولذلك كان فى وضع لا يحسد عليه

ظروف شنو دى ؟؟؟؟ولاحظ للشهر ! واضح صلة فقه السترة
وواضح انو حتى زوجات الصالحين بقن جزء من السيستم! فرغم تعقيد الموقف وكارثية الوضع،،، فانشغال الراجل بى تلفون ( عنهن) كان مخرج بدليل رجوعو للحياة العادية تانى يوم،،،، غايتو جنس غايتو

الأعزاء عبدوس وآلاء ... لكم الود الكثير ... اولا ياعبدوس دا شنو الما قادر تفتّوا عشان وجود ناس آلاء ... نحن مش قلنا آلاء دى ممكن تكون الفاتح اليابانى ؟؟ وتايّب ؟؟؟ خد راحتك على مسئوليتى !!!!!!

رغم تصريح المرور ده،، لكن /@#$ وبما انو الشئ بالشئ يذكر فتدور من سنين حكوة الزول العرّس التانية وكانت هذه التانية لبنانية!! وحصل خلاف تاريخى عن كيف حيقسموا الايام ،،،،،،،،،،،وباقى القصة معروف

لا أبدا ياحبيبنا خالد ... باقى القصة مامعروف ... هو نحن الزهايمر خلّى لينا عقل نتذكر بيهو باقى القصص ؟؟؟ نحن ( عبدوس وآلاء وأنا ) فى إنتظار إكمال القصة .... أخوكو مزنوق ...

الرشيد شمس الدين

عبد الرحمن الزين2 كتب:وحاتك يا رشدي رغم انو الايام دي والايام الجاية حاكون مزنوق لشوشتي- زي ما بقولو- لكن شرطتني بالضحك..يا اخي دي اكتر امراة عملية في الدنيا ..وده اتفه راجل اللي بتزوج علي مرة زي دي لانو نوعها ده ما بتكرر..امراة واقعية..وده المطلوب..
والله اكان ما في البورد ده ستات ..نحني لهن قاماتنا- كنته فتيتو...
عبدوس

الانحناءة لك من قبل .. لكن هو شنو البفتو .. لو فتة ذكريات ما مشكلة .. لكن غيرا
غايتو جنس غايتو ؟

الرشيد شمس الدين عبدالله كتب:حين توفيت الوالدة جاءنا للعزاء وقابلته فأختلى بى وذكر لى أنه تألّم جدا لرسالتى ولذلك لم يمسحها من الموبايل وأعتذر لى وذكر لى أننا لا ندرى ظروفهم وأقسم لى أنه قد تزوج قبل شهر زوجته الرابعة ولحظة إتصالى تلك كانت الزوجات قد علمن لأول مرة بزواجه و كان فى وضع لا يحسد عليه ولذلك هرب من الموقف بالإتصال بالتليفون بى وطلب منى أن أعفو عنه ففعلت وأنا أحنّ لحاله كيف يستطيع التوفيق بين الأربعة ونحن نعانى مع الواحدة وما التوفيق إلا بالله ....

الرشيد شمس الدين

يعنى الثلاثة عارفات بعض طيب زعلانات من الرابعة مالن (الدرب الجابن جاب اختهن).
يا اخوى الزول دا لو صاحبك ما تغيب منو كتير اتصل عليهو كل فترة الدنيا ما معروفة

الرشيد شمس الدين عبدالله كتب:لا أبدا ياحبيبنا خالد ... باقى القصة مامعروف ... هو نحن الزهايمر خلّى لينا عقل نتذكر بيهو باقى القصص ؟؟؟ نحن ( عبدوس وآلاء وأنا ) فى إنتظار إكمال القصة .... أخوكو مزنوق ...

الرشيد شمس الدين

زهايمر شنو يا جماعة ما شوفتو صورتى .. ادوها 15 سنة تانية بالعطل والجمعات .

الرشيد شمس الدين عبدالله كتب:... باقى القصة مامعروف ...

الرشيد شمس الدين

تبالغ يالرشيد ( دى مسروقة من ماسورة)!!
ياخى دى معروفة ومعروفة جدا،،،،،انزل الشارع واسأل اى زول ،،من طرف
غايتو ان استمرت الزنقة زنقة بنشوف ليها مخرج مخرج

جاب سيرة الفار تانى ...اسه ألذكرك قاشورة ده شنو.
لمن مشيت السودان حاولت اتصل بيه عدة مرات بس الظاهر لحق صاحب الرشيد فى المسئولية بس مافى الحيويه الممكن يعرس بيها اتنين ناهيك عن اربعه،
ياجماعه مسئوليين عن الخير الجماعه ديل بيلاقو وقت وين عشان يعدلوا بين الاربعه او حتى الاتنين من اجتماعاتهم الكتيرة ومسيخه دى، ولا عندهم فقه اخر فى قصة العدل بين الزوجات إحنا ماعارفنه.

الاء كتب:

الرشيد شمس الدين عبدالله كتب:لا أبدا ياحبيبنا خالد ... باقى القصة مامعروف ... هو نحن الزهايمر خلّى لينا عقل نتذكر بيهو باقى القصص ؟؟؟ نحن ( عبدوس وآلاء وأنا ) فى إنتظار إكمال القصة .... أخوكو مزنوق ...

الرشيد شمس الدين

زهايمر شنو يا جماعة ما شوفتو صورتى .. ادوها 15 سنة تانية بالعطل والجمعات .

دقينا الرقم خطأ 25 ما 15

باكر يا آلاء قولى إنك غلطتى ومفروض تكتبى 45 إتكتبت 25 ؟؟؟ غايتو جنس غايتو !!!!!

الرشيد شمس الدين

ياجماعه مسئوليين عن الخير الجماعه ديل بيلاقو وقت وين عشان يعدلوا بين الاربعه او حتى الاتنين من اجتماعاتهم الكتيرة ومسيخه دى، ولا عندهم فقه اخر فى قصة العدل بين الزوجات إحنا ماعارفنه.

مافى عدل انتفى زمان يا ود كرار .. الناس دى بتقوم شقها ملفوت .. بعدين ايقاع الزمن والحياة بتعقيداتها ما ادت فرصة لجو اسري مع واحدة .. يبقى اذن التعدد دا وجاهة فى مجتمعنا السوداني لفئة من أمثال رجب .

باكر يا آلاء قولى إنك غلطتى ومفروض تكتبى 45 إتكتبت 25 ؟؟؟ غايتو جنس غايتو !!!!!

يا سيدى لا هنا ووقفت 45 شنو والايام مقبلة كمان

دخول على استحياء، غيبة مشاغيل
وسؤال فى صميم الشخبطات
الحتة البيمشى ليها ابدوس الاكبر عبدالرحمن الزين وما فيها انترنت دى وين؟؟؟

هذه هى الصنّة التى منها نخاف والله ............ ماذا يحدث ياترى ؟؟؟؟؟؟
ياأمريكا .. يا دوحة الخير ... يا أمارات وياآوى الذى وعد .. يا سوداننا الحبيب الذى تهواه وتهفو له القلوب ... يامجاهل أفريقيا ....ويا أطهر بقاع الدنيا .... وباقى بقاع الأرض ..... يارحمة الله تنزّلى ....... هذه عووووك ولكن بطعم الخوف من هذه الصنة التى لانريد ...فضلا أظهروا حتى لا يزداد فينا الخوف ...

الرشيد شمس الدين

الاخوان الرشيد و خالد و كل الزملاء الاعزاء.

بداية نرحب بالاخت الكريمة الاء و نحييها و نشكرها علي مساهماتها المفيدة.

نعتذر علي عدم التواصل المستمر و الشماعة - كالعادة - المشغوليات.

رجب و ما ادراك ما رجب و اشباهه و ما اكثرهم في زماننا هذا.

باقي لي كابتن عبد الرحمن دة لو قاعد معانا هنا كان انفقع.


تحياتي للجميع.

مازمان قلنا ليكم عبدوس كاتب الباسبورت بتاعو فى الحيطة حنب الكومبيوتر........
فى زول بيصدق انو فى بلد ما دخل فيها النت ...

يا اخوانا انا محتار فى موضة الزيجات الاربعة المنتشرة فى الزمن الصعب البيقى كيلو اللحمة 30/35 جنيه ورطل الزيت 5/6 جنيه والدولار 4.30 ج وجالون البنزين 10 جنيه ....الخ والشى المحيرنا اكتر انو الواحد كل يوم يقوم يمشى السوق يلقى زيادة فى الاسعار ...طيب الجماعة المتزوجين اربعة ديل عايشين كيف !.. فى زول يقدر يعمل لينا ميزانية شهر لواحد متزوج اربعة (بدون اطفال) ..اللهم لا اعتراض فى حكمك...افتونا
اكاد اجزم بان الزمن الجاى حيكون الزمن البيقيف الواحد جنب قبر اخوه ويقول ياريتنى كنت محلك...نسال الله اللطف ...برضو يامغتربين تقولوا هل من عودة هل..ونحن نقول هل من مخرج ...

مازمان قلنا ليكم عبدوس كاتب الباسبورت بتاعو فى الحيطة حنب الكومبيوتر........
فى زول بيصدق انو فى بلد ما دخل فيها النت ...

يا اخوانا انا محتار فى موضة الزيجات الاربعة المنتشرة فى الزمن الصعب البيقى كيلو اللحمة 30/35 جنيه ورطل الزيت 5/6 جنيه والدولار 4.30 ج وجالون البنزين 10 جنيه ....الخ والشى المحيرنا اكتر انو الواحد كل يوم يقوم يمشى السوق يلقى زيادة فى الاسعار ...طيب الجماعة المتزوجين اربعة ديل عايشين كيف !.. فى زول يقدر يعمل لينا ميزانية شهر لواحد متزوج اربعة (بدون اطفال) ..اللهم لا اعتراض فى حكمك...افتونا
اكاد اجزم بان الزمن الجاى حيكون الزمن البيقيف الواحد جنب قبر اخوه ويقول ياريتنى كنت محلك...نسال الله اللطف ...برضو يامغتربين تقولوا هل من عودة هل..ونحن نقول هل من مخرج ...

العزيز كركب ..... المشهور بمبارك
شايفك دبلته الاربعة , اربعة وكمان تانى اربعة ديل تمانيه عدييييل كدى
ودام التواصل زرافات وفوراداااا.
عاطف عكود

خالد عبدالحميد كتب:
دخول على استحياء، غيبة مشاغيل

والله انا عن نفسى مش دخول على استحياء وبس !! بل بى خجل راسو عدييييييل , بس شن نقول غير انها غيبة غير مقصودة ولكم العتبى حتى ترضوا وخصوصا عن كل البوستات والمواضيع التى لم نتداخل وندلى بدلونا فيها رغم حيويتها .
ودام التواصل
عاطف عكود

الحبايب ودعكود ودالاستاذ.....
مشغولية شنو البتخليكم تدخلوا على استيحاء، الجماعة متزوجين اربعة ولسه عندهم وقت عشان يحضروا المناسبات، اليوم فى الاجتماع الفلانى وبكرة فى تأبين فلان رحمة الله عليه وبعد بكرة وين ماتعرف، والله الواحد مفروض ياخد عندهم دورات
Time management.

يا احب واحلي ناس....
زمان لمن كنا نتدرب في كتابة خطابات الانشاء..كان البعض يكتب ..ارسل اليك سلاما اذا مر بالجبال هداها وبالمحيطات جفف ماءها..اها شيلو شوية من نوع السلام ده لمن ارجع ليكم..مشاق..عدت وساعود لاهريكم..ارقدو عافية...
والله ليكم وحشه..
عبدوس