رد: فنجان قهوة

خالد عبدالحميد كتب:،،،،،،عجايب ،،،يدى الحلق للى مالوش ودان

الحبيب ود الاستاذ ....كل ماسمع او اقرأ الجمله اعلاه, التى اعتاد اخواننا المصريين بترديدها دون تمحيص المعنى, يتبادر الى ذهنى بان القائل يعترض على عدل الله وقسمته بين عبيده (ولااحسبك من هذا النوع)..

ياود راشد.....طبعا سمات التوحديين ده ملازماك من ايام الاكاديمية بتحفظ الامكنة بطريق, يعنى الذيك ده مفروض يكون حافظ جبل احد ده حجر حجر....
والشباب معتمدين عليك تكون ليهم دليل لمن يجوا زيارة الى مدينة المصطفى...

لكم الود

والله ياود عابدون ده الحاصل ..وبالمناسبة جبل احد خلف بيتنا زي مانت عارف (حوالي 2 كيلو) والحرم قدامنا حوالي (800متر) والمشكلة المكتب علي جنب من الاتنين ودوامين في اليوم يعني انشاء الله قول ربنا يقوينا ...وادعو لينا

خالد عبدالحميد كتب:ابدأ معاك بالباشمهندس محمد حبيب،، وغيبة طالت لقلمه الرشيق وتجدنى ايضا من المنتظرين ،،،لود الحبيب ولكل النيل الابيض

وسؤال تانى وين القضارف الايام دى وليه ما قاعدين نسمع عنهم حاجة

عووووووووووووووووووووووك لود الحبيب وعوووووووووووووووووك للجزار وعوووووووووووووك لكل طاقم النيل الابيض
واااااااااااااااااااااااااااااه لية كدة تقلب المواجع ياحبيبنا خالد . لم يبقى منهم الا النيل الابيض ودارفور؟؟؟؟؟؟؟
عاطف عكود

اذن انا اقصد دارفور مُش القضارف،،والسؤال قائم وين طاقمها وايضا الزملاء العلى النيل الابيض،،،؟؟
وتعليق على موضوع الاضان والحلق،،، كلامك صحيح يا امجد وعشان كده الاستغفار والتعوذ بيكون مما نعلم ومما لانعلم،،،لكن ممكن تأويل القصة وتلقى ليها مخارجة بانو اصل كلام المثل انما هو تنبيه للغافل بنعم الله عليه ،،،، وعلى نفس السياق تجدنى دايما فى اشد العجب للمثل المصرى التانى،،،وده ما ممكن تلقى ليهو اى تفسير او تأويل مهما اتحرفنت ،،،،وما تلقى لقائله عذر سوى الجهل بما قال
الا وهو قولهم حينما يتوفى شخص --- ربنا افتكرو--
حاشا لله .....نسأل الله السلامة لنا اجمعين

سلام ياهل الدار

دخول للسلام واذا لقينا فنجان قهوة على سريع ما بطال.

يالف حمد لله علي السلامة ...ومنور ياابو حميد كل المنتدي وليس فنجان قهوة وحسب ...ولك ياسيدي الجبنة كلها بمقلايته ....

من طرف راشد الخميس 21 يناير 2010, 01:45

ابو صبا...
في زمن أنثنة البحر يبدوا لي سيتبع ذلك تغيير في تسمية البواخر ... واتخيل بعد حقبة من الان ان يصير البحر ملاذا للعيش بعد ان يعود التوازن النفسي للبحر وراكبيه لان الله أمر سيدنا نوح (عليه السلام) بأخذ زوجين من كل نوع....
تخريمة:
قال أمل دنقل :
أُحب أسكندرية ...
واسكندرية تعشق ماء البحر ...
والبحر يعشق فاتنة في الضفاف البعيدة...

................
........
فبعد أن وُهب البحر الان حوريات من بشر فسيكون سيد العاشقين ويترك ما علي الضفاف لأهل الضفاف...

من طرف راشد الخميس 21 يناير 2010, 18:25

ياشباب زمان ماقلتوا شكري ظهر ....وين الراجل ياخالد...؟
بس ماتقول لي اتصل بالحبر السري....

راشد كتب:ابو صبا...
في زمن أنثنة البحر يبدوا لي سيتبع ذلك تغيير في تسمية البواخر قال أمل دنقل :
أُحب أسكندرية ...
واسكندرية تعشق ماء البحر ...
والبحر يعشق فاتنة في الضفاف البعيدة...
فبعد أن وُهب البحر الان حوريات من بشر فسيكون سيد العاشقين ويترك ما علي الضفاف لأهل الضفاف...

ما قلت ليك فيك بقية من كولون ويلسون
أنـثـنة هذه بتسكين النون
انما هى من بيت الكلاوى ،،،،،،قال مظفر
والغربة حين أحتضنتنى....أنثى
اما تسمية البواخر فيطرح لاصحاب الراى فى الامر لمن كانوا جزءاً من التسميات
والتخريمة ،،،،،شكرى / شلت كلامك ده زى ما هو بى الصورة ورسلتو لى،،،وكدى النشوف
البوست اسمو فنجان قهوة ؟؟؟ولا فناجين؟؟؟لانو دخلنا شمال فى اكتر من موضوع
لك الف ود

من طرف راشد السبت 23 يناير 2010, 23:29

خالد عبدالحميد كتب:
اما تسمية البواخر فيطرح لاصحاب الراى فى الامر لمن كانوا جزءاً من التسميات
والتخريمة ،،،،،شكرى / شلت كلامك ده زى ما هو بى الصورة ورسلتو لى،،،وكدى النشوف
البوست اسمو فنجان قهوة ؟؟؟ولا فناجين؟؟؟لانو دخلنا شمال فى اكتر من موضوع
لك الف ود

كيفك ود الاستاذ....
طبعا ياظريف عمر قعدة القهوة لا تقتصر علي فنجان واحد ودايما الفنجان الاول مدخل لبقية حديث ...والكييف ابدا لا يحسب عدد الفناجين لان هذا دليل علي الملل من القعدة ....(اتمني ألا تشرب شاي مع البرامكة فهم اصحاب طقوس أقسي)..
بالله أمانة تحياتي الخالصة لصبا وأمها والشباب ...
تخريمة:
لا عليك ياغالي تعال عندنا وبس ..ولو علي فنجان القهوة خدو معاك سفري (Take away)

من طرف راشد الأحد 24 يناير 2010, 01:14

ابن عكود الرائع...
والله المنتدي اهل ووطن ....ومعكم وبينكم تضمحل مساحة تحديد الامنكة والانتماءت حد التلاشي ..ماتعلمته عن جغرافيا المدن اجتماعيا في هذا المنتدي منحني الاحساس بالسفر والعيش بين اهلها ...ولا زلت اتمطق لزعة شطة أُسامة المسروقة بحرارة طعمها الاول ...والانانية مكروهة ومنبوذة كعادة إلا في العشق لان العشق اساسه انانية (لان تختار شخصا فتحاصره بمشاعرك وتغار عليه من غيرك وتخاف عليه من سواك)...اليس هذا انانية...!!! ولكن عشق الاوطان والمدن علاقة مطلقة العطاء (لا علاقة لها بالوطنية)لا تُبني علي الانانية.

من طرف راشد الأحد 24 يناير 2010, 02:24

الاخ الغالي الرشيد...
اسعد الله مساءآتك..اقراء كثيرا ماتكتب في بوستك (حكايات من زمن سودانلاين الجميل) واسعد بها ..واعلم انك تمر علي كل البوستات..بس حبيت اسال عنك وبس ...؟
ولو مزعلنك نحن, انت شور وبس...؟
...............
.......
ولك كل المني

راشد كتب:ابن عكود الرائع...
والله المنتدي اهل ووطن ....ومعكم وبينكم تضمحل مساحة تحديد الامنكة والانتماءت حد التلاشي ..ماتعلمته عن جغرافيا المدن اجتماعيا في هذا المنتدي منحني الاحساس بالسفر والعيش بين اهلها ...ولا زلت اتمطق لزعة شطة أُسامة المسروقة بحرارة طعمها الاول ...والانانية مكروهة ومنبوذة كعادة إلا في العشق لان العشق اساسه انانية (لان تختار شخصا فتحاصره بمشاعرك وتغار عليه من غيرك وتخاف عليه من سواك)...اليس هذا انانية...!!! ولكن عشق الاوطان والمدن علاقة مطلقة العطاء (لا علاقة لها بالوطنية)لا تُبني علي الانانية.

الغالى راشد

والله انت الرائع وفى كل مرة ازداد يقينا بانك وبهذة الروعة والملكة الادبية والنظرة الفلسفية العمييييييييييقة شدييييييد .... اكيد امدرمانى الجينات ..... وخرطومى 100%

اما ياسيدى عن عشق الاشخاص وعشق الاوطان فانظر الى رائعة الامدرمانى الاستاذ سيف الدين الدسوقى (امدرمان حى العرب) والمقيم الراحل الفنان الذرى ابراهيم عوض (امدرمان حى العرب ) ولحنها الموسيقار الرائع عبدالطيف خضر ود الحاوى (امدرمان العرضة ) واخيرا ادتها بمنتهى الابداع نانسى عجاج (امدرمان الثورة ) وبعد كل العشق والريدة والمحبة تجد الرمزمية للوطن وهى هنا امدرمان وحسب تحليل العارفين ببواطن الامور تجدها فى البيت القبل الاخير بالون الاحمر .....والله اعلم

المصير
ليه بنهرب من مصيرنا ونقضى ايامنا فْ عذاب
ليه تقول لى انتهينا ونحن فى عز الشباب
نحن فى الأيام بقينا قصة ما بتعرف نهاية
ابتدت ريده ومحبه واصبحت فى ذاتها غاية
كنت تمنحنى السعادة ولى تتفجر عطايا
ولما أغرق فى دموعى تبكى من قلبك معايا
كنا فى ماضينا قوة قوة تتحدى الصعاب
نقطع الليل المخيم ونمشى فى القفر اليباب
كنا للناس رمز طيبة وكنا عنوان للشباب
وهسى تائهين لينا مدة نجرى من خلف السراب
تأنى ما تقول إنتهينا تنهى جيل ينظر الينا
بانى أماله وطموحه ومعتمد أبداً علينا
نحن قلب الدنيا ديه ونحن عز الدنيا بينا
تانى ما تقول إنتهينا نحن يا دوب إبتدينا

........................

بن نستى!!!!!!!!.(تيقرانيا دى يا مرسى ) مع كييفين فناجين قهوتك ياسيدى

ودام التواصل فناجين ورى فناجين

عاطف عكود

من طرف راشد الأحد 24 يناير 2010, 14:43

عاطف عكود كتب:
اما ياسيدى عن عشق الاشخاص وعشق الاوطان فانظر الى رائعة الامدرمانى الاستاذ سيف الدين الدسوقى (امدرمان حى العرب) والمقيم الراحل الفنان الذرى ابراهيم عوض (امدرمان حى العرب ) ولحنها الموسيقار الرائع عبدالطيف خضر ود الحاوى (امدرمان العرضة ) واخيرا ادتها بمنتهى الابداع نانسى عجاج (امدرمان الثورة ) وبعد كل العشق والريدة والمحبة تجد الرمزمية للوطن وهى هنا امدرمان وحسب تحليل العارفين ببواطن الامور تجدها فى البيت القبل الاخير بالون الاحمر .....والله اعلم
المصير

نحن قلب الدنيا ديه ونحن عز الدنيا بينا
تانى ما تقول إنتهينا نحن يا دوب إبتدينا
........................
بن نستى!!!!!!!!.(تيقرانيا دى يا مرسى ) مع كييفين فناجين قهوتك ياسيدى
ودام التواصل فناجين ورى فناجين
عاطف عكود

والله ياود عكود اغرورقت عيناي دمعا وانا اسمع صدي الرائع المقيم ابدا ابراهيم عوض (وهو رمز للوجاهة والنظافة والاناقة) ولم يكن فنانا فحسب بل كان نموذج اجتماعي وصاحب تسريحة حملت اسمه حتي تاريخ يومنا هذا (ابراهيم عوض) ولا اكاد ابالغ إن قلت اني اراه الان واقفا يغرد في تسجيل بالاسود والابيض (اواخر الخمسينات علي اظن) عندما كانت الدنيا لا تقبل الالوان البنية والوسطية (يا ابيض يا اسود)..وكان يلبس (Fullsuite) ابيض ..ودالحاوي وهو حاوي بالجد عشقته مع الحان صلاح ابن البادية وله من الروائع مالا تحصي ..والانيق الرشيق سيف الدين صاحب إلقاءشعري مميز وحضور جميل (اكيد امدرماني)..
نانسي عجاج سمعتها اول مرة العيد الفات وانا وحدي وجلست ساهرا معها حتي الصباحات وصحوت باكرا لمشاهدة الحلقة في الاعادة...(مش قلت ليك ناس امدرمان اصحاب حضور قوي ..ولن اتكلم في امدرمانيتك)
وسبق وقلت امدرمان هي الاصل والذي لم يأتي من امدرمان فكأنه لم يولد بعد ..
والله ماكتبته لا تقف عنده فناجين قهوتي ( ده محتاج ليه سيجارة خدرة) ...
.............
....
جعل الله ايامك ببياض قلبك ...

الاحباب راشد وعكود
والله عقدوتنا وحيرتونا عدييل كده .... البتعملو فيه ده مش داير ليه سجاره
خدره او فنجان قهوه ،،،، ده بالنسبه لينا داير ليه قاموس عديل عشان نفهم
الحاصل شنو ؟ وعلي فكره ،، ده عربي يا مرسي ؟؟؟؟
دمتم ودامت الروعه .

جني

من طرف راشد الأحد 24 يناير 2010, 17:33

الغالي جني..
والله حضورك الانيق يستاهل نهر من قهوة...وحقيقي ضحكت بصدق جدا لما قريت تعليقك بالامس (في بوستك عن سهر امجد)...عارف ياجني المنتدي اختصر المسافات في نفوس الناس وانا شخصيا احس انني اعرف الناس كأنني عشت معهم دهوراولم يكن عندي المنتدي بوستات وكلام بتكتب بل اخوة اعيش بينهم في بيت الاسرة الكبير....
...............
......
والله يحفظك..

ود كرار ..وينك ياراجل......؟
بالمناسبة بالله كان طفشان ابقي اظهر علينا واكتشفت ليك محل فول مايخرش ميه...

راشد كتب:
عاطف عكود كتب:
نحن قلب الدنيا ديه ونحن عز الدنيا بينا
عاطف عكود
ده محتاج ليه سيجارة خدرة
...

الغالى راشد

خدر الله ضراعك , ولله درك يا اصيل ياراقى
ودام التواصل
عاطف عكود

عبدالمنعم جنيدابي كتب:الاحباب راشد وعكود
والله عقدوتنا وحيرتونا عدييل كده .... البتعملو فيه ده مش داير ليه سجاره
خدره او فنجان قهوه ،،،، ده بالنسبه لينا داير ليه قاموس عديل عشان نفهم
الحاصل شنو ؟ وعلي فكره ،، ده عربي يا مرسي ؟؟؟؟
دمتم ودامت الروعه .
جني

الغالى جنى قواميس

بن تستى , اغنن لى , غنزب كه

ده العربى يامرسى على فكره .....ولا مش كدة؟

ودام التواصل

عاطف عكود

أدهشتني طفلة بل الهبت دواخلي ضربا ولسعا بسوط ردة فعلها العفوية التي الجمت جراءة مبادلتي وإياها الحديث...رأيتها طفلة حلوة مابين السادسة والسابعة من العمر ..كانت تتسلل بين الحضور طلبا للمساعدة (إبان فترة المجاعة)..وكنت عائدا من المدرسةوكنت اتبع حركتها الرشيقة بين الحضور في لا مبالاة ولا اكتراث فناديتها وسالتها عن اسمها وأين امها فحكت ماحكت ببراءة تخجل منها المجاعة قبلنا ...وسالتها بعفوية مداعبا أن تعطيني جنيها ولدهشتي لم تخرج جنيها وتخيلتها تركض او تستغيث ولكنها ابتسمت بسمة تمحي الحزن عن جل العابرين في تلكم اللحظة إن لم يكن كلهم واخرجت كل ما ادخرته في يومها وقدمته لي راضية.....
فجلست علي الارض حتي اكون بمستوي قامتها وإن حق القول فانني حاولت جاهدا ان استطيل بقامتي لاقرب من اخمس قدميها...
تخريمة (1):
قد تبتليك الدنيا فتشردك ولكنها قطعا لن تجتث اصلك ويظل الكريم كريم حتي في الابتلاء ولن نتكلم عن الليئم فهو ليس محل نقاش...
تخريمة(2):
عرفت ليه بحب الخرطوم ياود عكود لان هؤلاء بعض من اهلها....

العزيز راشد .... أولا الله لا جاب زعل ... فهذا المنتدى لا يجلب سوى الفرح ومشاركاتك التى أتابعها دوما وبوستك هذا الرائع جالب للفرح الكثير . أما عدم مشاركتى فيه فهو أمر يدهشنى شخصيا ولكنى وجدت السبب فبطل تلقائيا العجب .... والسبب - لو تصدق - أننى لم أتذوق فى حياتى أى فنجان قهوة بل والله إننى لا أعلم كيف يكون طعمها ؟
والغريب أنه مادامت وردية الحرامية 12-04
لم تعلمنى لها فلا يبدو أننى سأتعلمها ولم يبق من العمر الكثير ..... عموما هاأنذا قد شاركت الان فى أول فنحان جبنة فى حياتى ( وليس فى شمالو ...يسوى الدنيا بى حالو ) ...لكم الود وليدم أبدا مابيننا ...

الرشيد شمس الدين

الحبيب الرشيد...يسعدنا حضورك ووجودك علي اي بوست ... ولا عليك بالقهوة سوف نأتي لصحيفة زمانكم الجميل
التي لا تمل ابدا...
العزيز ود عكود ...بالرغم من اني وصلت من سفرية قبل عشر دقايق بس قلت لازم اشكرك علي تذكيري بمرور 125 عاما علي الخرطوم مع الوعد بالكتابة عنها...
.................
.....
وخليتك عافية

العزيز راشد الله يخليك وحمد الله على السلامة

ودام التواصل

عاطف عكود

الاخوة الاعزاء راشد ما عارف شفتك وين .. ود عكود ..طولنا من شوفتك.. الرشيد شمس الدين يا حليلك وحليل ايامك..... جني العجيب والدابي الرهيب ... وكل المتداخلين في موضوع امدرمان (وما اعظم واروع) ...اقترح انشاء بوست خاص يحمل هذا الاسم القامة نشارك فيه جميعا بما ورد علي لسان ظرفائها وعشاقها علي ان يرعي الامر واحد ذي اخونا راشد......قلتو شنو ؟ سلام

الاخ العزيز الجمل...ياهلا بيك والف مرحب...
والله لي زمن طويل ماسمعت واحد قال لي شفتك وين ....؟ فقد اعتدت في الازمان الاولي من العمر ان أُسال كثيرا ..شفتك وين..؟ حتي اعتدتها واظرف المواقف في اسكندرية وكنت ماشي في شارع خالد بن الوليد وفجاءة اسمع ليك واحد بينادي باسم ماسمعتو قبل كده , وفي النهاية مسكني من كتفي وينك ...؟ سنين ماشفتك سبجان زي مانت ...؟ المهم يازول انا بقراء في ملامح الراجل لما تعبت دون جدوي ...في النهاية قلت ليه: والله انا ما الراجل ده.. وشبكني ليك لسه في حركاتك القديمة والله زمن .....في النهاية اضطررت وجبتو معاي الشقة وكان ساكن معاي الاخ العزيز محمد سليمان الذي اقنعو انو الزول ده مازولك....
تخريمة:
طبعا فكرت االبوست رائعة اخي الجمل بس ام درمان ما اظنها محتاجة لبوست لان كل الناس من ام درمان ...
ثانيا سنظل نكتب زمن ليس بالقصير ولن نوفيها حقها لا تارخيا ولا اجتماعيا ولا فنيا ولا رياضيا ...
ثالثا خايف تظهر عنصرية المدن وكل واحد يبقي مننا بمدينة ببوست منفصل (وتيقي المواصلات امجاد ما نفاجات)...
رابعا في حضرت اخي الغالي الامرماني ود عكود ممكن نسمي البوست ود عكود فهو وجه اخر لامدرمان المعطاء ..وانت ايضا واخرون كثر وانا ساراقب من اعلي قمة من جبال كرري للروعة اهلها وبهائها ....
.......................
...........
وتظل فكرت البوست اخي الجمل جميلة جدا ونحن معاك...
لك حبي واحترامي..