رد: فنجان قهوة

من طرف راشد السبت 03 يوليو 2010, 23:58

مسا الفل ود الاستاذ ...ياه ايه النيو لوك ده ياود .....طبعا بسمتك الصادقة خلفية صادقة حقا ولكن ياخوانا انتوا عارفين شوفنا طشاش يعني لما تاخدوا صورة قربوا شوية ....
....................
..........

مساء االخيرات ........شنو الحاصل ياجماعة ..!!ده علي كده الحال واقف عديل ..طبعا مشغوليات الناس عندنا دافع للغياب ولكن ليس مبررا له ...لا زلنا نتظر شهرين مهدي العب ...مايكون بعد الانتخابات بقي يامهدي تلاتة شهور هناك واسبوع هنا ...وين ود كرار برضو شايفو مسجل غياب رسمي ...والحال يقال علي ود عكود والجمل ود الزين وكركب
..............
........

راشد كتب:مساء االخيرات ........شنو الحاصل ياجماعة ..؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!
ده علي كده الحال واقف عديل ..!!!!!!!!!!!!!!!
........

راشد ياعظيم
لا أملك الا ان اتساءل معك؟؟؟؟؟؟؟؟؟؟؟؟؟؟؟؟؟؟؟؟؟؟؟
واندهش !!!!!!!!!!!!!!!!!!
التخريمة اللازمة
علامات ؟ و ! من عندى وليست من صميم الاقتباس
عشنا ايام جفاف زى دى قبل كده ،،،وأورقت أزهار المنتدى بعد وقفة ،،،،،،،،،،،،،،،،نأمل ان تكون دى واحدة منهم

تخريمة 2 بدون اى مناسبة
قال الامير عبدالله الفيصل (اظن)
وعجبت لقلبى أن يرق لظالم***ويطيق برغم إبائه أن يخضعا
فأجابنى قلبى أن الهوى قدرُ*** وليس بامرنا أن يرفعـــــــــا

راشد كتب:ولكن ياخوانا انتوا عارفين شوفنا طشاش يعني لما تاخدوا صورة قربوا شوية ....

ما اظنها فاتت عليك وانت الالمعى،،، ماهى دى المنقة ذاتها
تستغل شوف الطشاش وتبعد قدر ما تقدر
انت ما شفت امجد عابدون فى جبال الالب ،،طلع اعلى حتة وخلى الكاميرا تحيــــــــــــــت
وما امر كركب ببعيد ،، الصورة تراجعت شويتين رغم اختلاف الاسباب
اما انت ،،،فالنيو لوك بتاعك ،،،طلع ما انت من اساسو ،،،يعنى ده لا طشاش لا جاليليو ذاتو يقدر يجيبو
تحية لراشد الصغير
وكركب العظيم
وامجد (الذى سيسافر تانى فى اليومين ديل)
ولكل من يعبر بهذه الصفحات ويقرأ خطرفاتنا
انما نحدث بعض الضجيج حتى يعود ويواصل من بيدهم ناصية الكتابة
واشواق مبحرة
وخلطة عوووووووووووووووووووحووووووووووووووووووووووولووووووووووووووووك
إن اكتشفت العوك المخلوطة بى تحويلة ،،،فابشر فلا زهايمر

اذيكم كيف الاحوال .دايما مع الصيف الناس بتشتت السودان وهناك صعبه شديد انك تلقي ليك وقت مع النت مع الجري والمجاملات يعني بتكون في منتدي تاني يا شيخ خالد (وما امر الذين سافروا ببعيد) عجبتني جملتك وقلت اجربها ........طلعت كيف؟
تحايا للاخوان جيمعا بدون فرز

من طرف راشد الخميس 08 يوليو 2010, 00:29

مساء الخير ابوصبا ....اتمني ان تكون هذه من الايام العجاف وتمضي كما مضت أُولاها ...هاهاها والله صدقت فيما قلت وعلي قولك وليست جبال الالب ببعيد ..طبعا نتنمي ان نتصفح ملامحكم عن قرب لا بحثا عن اثر السنين بل شوقا لمعرفة الدفين بين الملامح ...بالمناسبة ياخالد الفي الصورة ده ما راشد ده احمد وهو الكبير وراشد الاصغر وسميناه لاننا ولدناه في مدينة المصطفي فصعب علينا تجاوز اسم علم ...
تخريمة :
الجمل تحياتنا لاهل السودان من اقصاه لاقصاه ونتظر عودتك بالجديد ....معليش انا لاحق صلاة المغرب ...اشوفكم قريب

سلامات ياحجاج والله ليكم وحشه ..... وانا عارف اللوم بى الكوم لكن الحاله صعبه كانت مشاغل اكل عيش وبس ....... لكن كمان جابت ليها كاس عالم وكوره وسهر .... وصيف ... واستعداد للاجازه والسودان وحاجات اولى حاميانى فلكم العتبى ....ودراشد , حاج خالد , والجمل الحبيب بالمناسبه عجبتنى اعجابك بى ( وما ..... ببعيد ؟؟؟؟)
اقعدو عافيه ولنا عوده انشاء الله من دوحه الخليج او سودان العزه .
ودام التواصل
عاطف عكود

صراحة بوست الرائع مصطفى سيد احمد قمة الانتقاءات ..
بالسلامة لكل المغادرين للسودان في اجازة واخونا عاطف سيغادر الاحد فنتمنى له رحلة سعيدة واجازة طيبة مع الاهل وعودة حميدة

اخونا محمد الجمل تشكر ياراقى وربنا يجمعنا فى ساعه خير ومبروك مقدما للطواحين الهوائيه كاس العالم .
ودام التواصل
عاطف عكود

اخونا العزيز الجمل،،تشكر على الاعجاب يا راقى ،،كمان مرّة
حقيقة امر كركب المذكور ياهو ده

مبارك عمر عصملى (كركب) كتب:الاعزاء الكرام
اما تغيير الصورة فهذه قصة اخرى ..وفطنت ليها اخيرا عندما وصلتنى رسائل هكر كثيرة عبر البريد الاكترونى فى الياهو .. والصورة نفسها فى الفيس بوك ..كل يوم اصبح تصلنى رسالة يقول صاحبها انو عندو 3 مليون دولار وواحد اخر يبالغ يقول 36 مليون دولار وعاوزين يحولوها ...ورسائل اخرى من مونديال جنوب افريقيا تقول ليك انت فزت بالجائزة ولامن تشوف الرسالة والشعارات الفيها وصور الموقعين وعناوينهم ..تصدق ..وهم فى النهاية عصابات محترفة يحاولو يتحصلوا على معلوماتك الشخصية وارقام حساباتك فى البنوك ولهم فيها مآرب كثيرة ...وفطنت انو الصورة باسبورت يمكن الجماعة الخطرين ديل يعملوا لى باسبورت ويكتلو بيهو واحد فى دبى ولا فى اى حتة ويلبسونى ليها ......اخر رسالة جاتنى من واحد شكلو

لك الف تحية ولكل من على سفر تمنيات طيبة واثرهم كما قلت فعلا ليس ببعيد والدليل
صفحات المنتدى اليومين ديل

من طرف راشد الأحد 11 يوليو 2010, 14:03

صباح الخير ود عكود ...ربنا يوفقك في تسجيل لاعبين جدد وانشاء الله تلحق فك تسجيلات ومن الاعماق نتمني ليك وللاسرة اجازة سعيدة بين الاهل والاحباب ...بالله عليك حفز اللاعبين المسجلين بتكثيف التمارين والالتزام بالمواعيد علي سبيل المثال مهدي العب وشكري وكيمو وعمر وبدر الدين وعلي محجوب وباختصار جماعة الاسكلا وماجاورها......
تخريمة:
بالله تصدقوا ماحضرت ولا مبارة في كاس العالم...؟ وحتي اللحظة ماعارف الاخد الكاس منو ................؟
ولكم كل الود

من طرف راشد الأحد 11 يوليو 2010, 14:18

معليش ياشباب يبدو لي الواحد اسرع شوية لاني سألت الـ Tea Boy فقال انو نهاية كاس العالم اليوم (نزرلاند واسبانيا ) ...طبعا الواحد يمشي يتحكر يحضر المبارة النهائية ويعمل نفسو حضر كاس العالم ويقعد يفتي في الكورة ومستوي الاداء واللاعبين .....مابرضو السياسيين بعملوا كده .....!!!!!!!!!!! الواحد يسمع الاخبار ويفتي....
...............
....
وليكم وحشة

الغالى ود راشد وحشتنا القهوة
الجمل ودكرار حاج خالد رشدى عبدوس كركب اخباركم شباب حلوه شباب دى مش كدى
الشوق مطر والبلد دعاش جو خريفى بامتياز
ودام التواصل
عاطف عكود

الحبيب ود عكود .... سيد القهوة وينك ؟ نحن في هذه الايام نستمتع مع الرائع اسامة بس يا راشد دور القهوة وفناجيلها عشان تكتمل الصورة ..لكم ولكل الاخوة السلام

الاخوة الاعزاء ...هانذا عدت مرة اخري بفضل الغالي ابومنتهي والعود أحمد ...
طبعا يا راشد اشواقنا مطر .. نتمني ان نلتقي بك قريبا ..
هذه دعوة فرح بمناسبة زواج اخونا كمال زمراوي زسزف يكون عقد القران انشاءالله يوم الجمعة 30/يوليو والدعوة عامة لكل الحضور بالسودان.

طبعا يا راشد قلت اشوف الفنجان من اوله واول مداخلة كانت لمهدي وكانت هناك تخريمة صلاح الزيداب بتاعت السوبرجيت وانطباع المودعة عن ود الزيداب وهاك يا rabbit

وظهر عزيزنا بدر الدين الجاك ،،بعد غيبة واشواق كتيرة والله ،،وبركة الجيت
كدى اتصفح الفاتك ونشوفك،،، قلت لى واقف فى ص كم؟؟
اما كمال زمراوى فالف الف مبروك،،، ربنا يتمم بخير ولنا فى الآتى من الأيام لقاء إن شاء الله((ولا كيف؟؟؟ ياابونسب!!!!!)
شماراتك يا مهدى ،،،وياود كرار ويا راشد

مسا الخيرات ....ايه الطلة الرائعة دي ود الجاك ......؟؟؟؟؟!!! حقيقي سعداء بتواجدك بين جدران بيتك ........ومن بنابر ومنابر منتدانا ازف الاف التحايا والامنيات الطيبة الصادقة للاخ الغالي الصدوق كيمو بمناسبة زواجه الميمون ...وحقا حقا سعدا ونتمني له حياة زوجية سعيدة باذن الله ........
.......................
..........

طبعا الشمارات تؤجل لحين .....واكيد راجعين ليكم بشدة ...واكيد ياخالد الشمارات عند ناس الاسكلا .......ولاكيف يا بدر الدين.....؟

سلامات للجميع...

الف مبروك ياود الاستاذ والله انا بحاول جاهداً لكى احضر عرس الزين...وعلى حسب اخبارية الحبيب بدرالدين انو العرس يوم 01/08/2010 ماعارف العريس حيتصرف كيف مع رمضان الفى الابواب, ماعلينا..احتمال يدرجوا تحت حكم العلى سفر.

كسرة..الشمارات حتكون مصوره ابقوا منتظرين

سلام و تحايا للكل و رمضان كريم.

كالعادة مرور للتحية و الاطمئنان والسلام علي الجميع و تناول فنجان القهوة المعتاد. و الله القهوة رمتنا من ما جات سيرة رمضان.

مسا الخيرات اخوتي الاعزاء ....طبعا مافكرت في رمية القهوة دي إلا لما سمعت كلام احمد والله الظاهر عليك كيييف حقيقي ...ويبدوا لي في رمضان ح نشرب فنجان القهوة بعد التراويح ...طبعا الواحد تغيب غصبا عنه ولكني افتقدكم بشدة ....طبعا وعدنا ود عابدون بشمارات صورة وصوت ...وجانا ايد ورا ويد قدام لا صورة ولا صوت ....
..........................
............
كل عام وانتم بالف الف خير ويُعاد علينا وعلي المسلمين باليمن والبركة

احمد
وراشد
بركة فى الشوفة ،،وين الحى بيكم
والعقبى للباقين

والله ياود الاستاذ هو غياب زنقة شغل لا قلة شوق...وكما تري فنحن في رمضان انشاء الله متواجدين صباح ومساء...درجة الحرارة مرتفعة ولكن يظل رمضان شهر يحلو فيه الامتناع عن الاكل والشرب والملحقات الحياتية الاخري ...واخوك يكره النوم في رمضان ...
..............
...........
وكل سنة وانتوا طيبين...

من طرف راشد الخميس 12 أغسطس 2010, 05:25

مسا الخير ياشباب ...طبيت صدفة في الفيس بوك علي ياسر محجوب وهو بخير ونشاء الله اذا لم يسجل سوف نضيفه للمنتدي...لمن لم يعرف ياسر محجوب فهو دفعة كمال زمراوي (العريس حالياً) فله تحياتنا من علي بعد