يا ناس البحر . جنيدابي وصل

راشد : شكرا علي النصيحه ولو كلامك ما لفق حارسل ليك الصوره بعد الكشحه .
عبدوس :
مش عين واحده لو فتحت عيونك الاتنين او لو نمت نومه السمبريه ،،، ديل ممكن يرشوك
من بعيد والنحنحه ما بتخارجك .
ود كرار :
مويه النار اخف وطأه من الكلاب الضاله بالليل يا .........

تخريمه :
-------
رشدي الشوق مويه نار

ود كرار العزيز جدا والله ليك وحشه..ما قاعد احب السعوديه من زمن البحر لكن غايتو فيها بيت الله وقبر الرسول عليه افضل الصلاة والسلام ورغم انو اغلب اكرر اغلب اخواني واولاد اختي يعيشون هناك والتكرار لانو عارف رشدي حيقول لي كم...اخو ..
رغم ذلك اتردد دايما في الزياره لكن ما دمت انته في جده والاخ رشاد في المدينه المنورة فقد حان الوقت لتسجيل زياره و نتعرف عليكم عن قرب والشكر موصول لود الاستاذ..عكود.. وبقية العقد الفريد الذين جعلوا من هذا اللقاء الاسفيري متعة لا تعدها متعة..
تخريمه
كريت دي حسب معلوماتي كانت غنماية وكانت تستلذ باكل القرض من الشجر..ولم تغفر لها اشجار القرض لهذا تفرح عندما تذبح الشاه ويسلخ جلدها ثم تدبغ بذات القرص الذي كانت تاكله..والله اعلم..مجرد اجتهاد...
جني..الذهب قالو رخص شويه..مشي حالك..بيني بينك موية النار كريهه
عمك عبدوس قالو ما نقول بودي

الكابتن عبدوس او سيدا ،،والله المرحله الوصلنا ليها دي باقي لي الدهب ما بخارجها وانا حسع
بفكر في خطه جهنميه .
بعدين يا راشد الصوره لو ما لفقت او طلعت تعبانه الواحد ممكن يخت صوره ولدو
ومافي مشكله من هذه الناحيه .
اما الحل الرهيب والذي لم يدلني عليه اي واحد فيكم فهو الهرووووووووووووب من البلد
لفتره معينه وحتي تهدأ الامور .
ولكم شكري وتحياتي علي محاوله المساعده .

جني كمبل

استاذ جنيدابي..انا لك من الناصحين..الهروب ما بحلك بل يعقد الامور وعند عودتك -طال الزمن ام قصر- ستقول يا حليلك يا موية النار.. اخر نصائحي شوف ليك مجلة او ادخل قوقول وشوف مقال يمجد شرب الحليب الساخن قبل النوم..حاول اقنع المدام بعداك شوف ليك دكتور صديق يكتب ليك روشتة حبوب منومه واهو نص حبه مع الحليب علي الاقل تقدر تنوم ليك اربعة ساعات وانت مطمئن..بس الوصفه دي بتديك شهر بعد داك اكان كبيت العلبه كلها في الحليب ما بتحلك لانها بتكون اتعودت وتاني تقوم تجيب سيرة البحر....وساعتها ليها الف حلال..
بمناسبة الحبوب المنومة هاك دي
قالو واحده مرة من النوع النقناق ودت راجلها الدكتور لانه حالتو تعبانة.. الدكتور قال ليها والله يا مدام زوجك حالتو متاخرة وباين عليهو مرهق شديد وعاوز راحه وحاكتب ليكم حبوب منومه... الولية قالت للدكتور والحبوب دي يا دكتور اديها ليهو متين.........الدكتور قال ليها يا مدام الحبوب دي ليك انتي......
معزتي..لا تهرب

الغالي جني ....
شايفك من عدم النوم بقيت ما مركز ..نحن ما عندنا مشكلة صورتك ولا صورتك ولدك فهذاك الشبل من هذا الاسد ...لكن صورة ولدك دي في المنتدي وبتمشي في الشارع كيف ..؟
........
...
والله الهروب اضعف الايمان ...بس انت قوليها انا عايز اشرب موية النار دي شراب عشان ارتاح عندها اكيد قلبها بحن ....

الغالي ود الزين...
والله حنكون سعداء جدا بوجودك بيننا ..وكلنا وقوف علي بوابات المدينة احتفاءا بقدومك الميمون....انت تعال وبس.....
...............
..........
ولك كل الود

يا ناس البحر . جنيدابي وصل

يا ناس البحر . جنيدابي فـصل

تم تغيير اسم البوست العظيم هذا
قٌلبت الواو فاءاً ،،،لاشتغال المحل بحركة المناسبة !!!!
قال (من نسيت اسمو!)
دع الأيام تجرى فى أعنّتها ***ولا تبيتن الا خالى البال
فما بين طرفة عين وانتباهتها**يغير الله من حال الى حال

الحبيب الغالي جــــــــــــــــــــــــــــــــــــــــــــــــــــني
والله قصتك الظاهر عليها باظت ودخلتنا معاك في تفاكير تانيه ما كنا كويسين يا جني شىء عقارب وشىء فيران مع كمية لا بأس بها من الجقور ......... لكن شايف هسع الموضوع فيه (موية نار) تكون مالك يا جني يا حبيبي اوع تكون عملت ليك كاينة كبيرة وما قلتها لينا ؟ علي كل اقترح ان يتم طرح الموضوع في الاعلام المسموع والمقرؤ حتي تعم الفائده ومين عارف امكن تبقي علينا
علي كل يا وحتي ذلك الحين عليك بمغادرة بورسودان فورا والله يعينك

عبد الرحمن الزين كتب:استاذ جنيدابي..
بمناسبة الحبوب المنومة هاك دي
قالو واحده مرة من النوع النقناق ودت راجلها الدكتور لانه حالتو تعبانة.. الدكتور قال ليها والله يا مدام زوجك حالتو متاخرة وباين عليهو مرهق شديد وعاوز راحه وحاكتب ليكم حبوب منومه... الولية قالت للدكتور والحبوب دي يا دكتور اديها ليهو متين.........الدكتور قال ليها يا مدام الحبوب دي ليك انتي......
معزتي..لا تهرب

العزيز الغالي عبدوس
يا سلام عليك يا كابيتانو،،، والله لقد اضحتكني هذه الطرفه من الاعماق ،، ايوه كده اطلع لينا بالحاجات
بتاعتك بتاعت زمان ولا تحرمنا منها .
بعدين مشكور علي التوصيات بخصوص موضوعنا وهي الان تحت الدراسه المتانيه .

دمت ودام التواصل

جني_دابي

[img][/img]

الايميل ده جانى من حبيبنا يوسف احمد عبدالقادر،،،
لسبب ما ،اختلطت الامور ،،شفقتنا على الحبيب جنى والموضوع فيهو موية ، اى نعم ما موية نار لكن ،،اهو كلها مويات،،وبعدين الظاهر ناس كتااااار عندهم مشكلة خناشير!!سورررى اقصد مناشير
بعدين لاحظ لى (كان قاعد يتفسح) حالتو قاعد يتفسح
انزلقت،،،، براها كده انزلقت ؟؟؟؟،،،تقوم القصة تبقى فيها تحريض
والحكوة فيها كتير عبر نهديها للجميع
ولايفوتن على فطنة القارئ ،،،انو الفلم ده كلو فى امدرمان !!
يعنى ماتعرف تنزلها فى ياتو بوست ،لكن دامت النفاجات ابدا
ونعووووووووووووووووووود
اشواق وبهجة بلاحدود

والله يا خالد قمة الروعة بالله مش ليها حق (ترشو) بموية النار ومعاها بنزين
عاين جنس ده بعد العشرة والسنين الطويلة والاولاد من اول غطسة يقول ياها دي
ما صدق لقاها هيفاء وهبي لكن بيني وبينك استعجل مش كان ينتظر ليهو غطسة غطستين
لك التحايا وللحبيب جني الذي فتح لينا برنامج جديد ؟ رغم الطناش الاخير

mhmdaljamal كتب:الحبيب الغالي جــــــــــــــــــــــــــــــــــــــــــــــــــــني
والله قصتك الظاهر عليها باظت ودخلتنا معاك في تفاكير تانيه ما كنا كويسين يا جني شىء عقارب وشىء فيران مع كمية لا بأس بها من الجقور ......... لكن شايف هسع الموضوع فيه (موية نار) تكون مالك يا جني يا حبيبي اوع تكون عملت ليك كاينة كبيرة وما قلتها لينا ؟ علي كل اقترح ان يتم طرح الموضوع في الاعلام المسموع والمقرؤ حتي تعم الفائده ومين عارف امكن تبقي علينا
علي كل يا وحتي ذلك الحين عليك بمغادرة بورسودان فورا والله يعينك

الحبيب الجمل
ياخي في زول يقدر يطنش منك .. منك انت بالذات .. والله العظيم في اللحظه الجاي ارد عليك
لقيت المداخله التانيه بتاعتك ... كمان اللبش بتاع امس كان كتير والواحد ما اتمكن يرجع للبوست ده
مره تانيه .
نقول ليك شكرا علي الدعم في فكره الهروب الكبير ونخطرك بانه تم الاتصال باستيف ماكوين للمساعده.
لكن زي ما قال كبيرنا الكابتن عبدوس الهروب بالطريقه دي بيجيب الندم في النهايه عشان كده شغالين في
عمليه هروب مسببه .. لكن لحدي حسع ما عارفين نلعب بخطه 4-4-3 او 3-5-2 او براس حربه
واحد او 2 محور في خط الوسط . المهم في مجهود مبذول وحتسمع بيه قريبا انشاء الله .
تخريمه :
اخونا خالد ود الاستاذ هذا،، ما عايز يجيبها البر ونحن لسه ما اتخارجنا من المشاكل ينزّل لينا مشاكل
جديده . يعني الجماعه لو فتحو اللاب توب نكون رحنا في ستين داهيه .
تحياتي لكم جميعا وادام الله التواصل.

جني

والله ياابوصبا حسيت بحزن لما قريت القصة ,عليه اؤجل الرد والتعليق عنها .....بالرغم من أن بدايتها امانة وولاء ونهايتها دعابة محبوكة...
تخريمة:
لا مافي مشكلة في اي بوست تكتب فالناس اعتادت علي النفاجات واذابة خصوصية البوستات ...فالبوستات للجميع دون قيود او شروط...
...............
...........
تخريمة:
طبعا ياجني مادام بقيت بتخطط وتكتك يبقي الموضوع هداء شوية وبقو الجماعة ما مستعجلين عليه ...او اعمل حسابك ايمكن بدورا علي بديل افتك وانجع بس اكيد مش سوبر ريد......

[quote="راشد"]والله ياابوصبا حسيت بحزن لما قريت القصة ,عليه اؤجل الرد والتعليق عنها .....quote]
إن شاء الله الحزن راح،ورفعتوا الفُراش؟؟!
لانو نتوقع من نصير المرأة محمد بيه راشد رد وتعليق يليقان وعظم الحدث
ويا منعم رايك كيف كيف فى النجار النكّار المكار ده؟؟؟
عبدوس يافنان وين؟؟
شوق بحار

ياجماعه الجو أمن لا نو عندى قصه لغم بس:
تزوج رجل عمره 55 عاما على فتاة تبلغ 20 عاما .
وسألته عن زواجه ماهي أخبارك مع الزوجة الجديدة يا أبو احمد؟

السمع يحكى باقى القصه للما سمع.....

وانت باود راشد اتصرف فى تعليقك التحت ده.

ولكم الود ...فارى....

والله ياود كرار انت ماناوي تجيبه علي بر....بس السؤال اختيارك بوست الغالي جني محض صدفة ولا بتدبر..؟ يعني الراجل اشاعة لبتون جابت ليها موية نار ...تقوم تجيب ليه فار...؟
شكلك ياجني موضوعك منتهي ...لو جبت فارة 20 سنة (موية نار) ولو جبت فارة امسيسي يبقي (سم فيران).....
.........................
............

العزيز ود عابدون....
طبعا سعيد بمعرفة الصورة المعكوسة ...لان الجنس علاقة عاطفية كاشباع عاطفي وعلاقية ميكانيكية كلإشباع غريزي ...وانا كنت فاكر انو العلاقة بين بعض الحيوانات علاقة ميكانيكية وليست عاطفية لان المقصد في وجود الحيوانات هوا لمحافظة علي النسل وليس الاشباع العاطفي ..........................
بس عايزك تذكر انو التجربة أُجريت علي فار معامل ظريف ونضيف وحلو معشر وشكل ...شنو البضمنك الفار ابو 20 سنة...ماممكن يكون جقر ...وياويلك....؟

بس في شي مهم جدا ..دايما نحن بنعرف وجهة نظر الراجل المسن الذي يتزوج بشابة ولا بنت صغيرة ...هل سأل احدنا شابة صغيرة عن تجربتها مع رجل مسن..........................؟
....................
......
واحدة من الاسباب الرئيسية التي تصيب العلاقة الجنسية بين الازواج بالبرود او بالتوتر المشاحنات واساءة بعضهم لبعض وستفزاز القدرات لكيليهما والمقارنات بالرموز الجنسية للمثلات والعارضات ....و..و...ويدخل في خضم هذه الزحمة انشغال احدهم او كليهما بالواجبات المنزلية والمدرسية والحياتية بشكل عام...وبعض النساء يقلن انو الاولاد كبروا وعيب علينا ...الاسباب يطول سردها ويصعب علاجها ...
امكن واحدة من اسباب العلاج اقامة العلاقة الزوجية علي صداقة وليست ندية ..التغيير النفسي للزوجين في شكل ممارسة الحياة ,المكاشفة والشفافية والوضوح في شكل العلاقة الجنسية .....و..و....
عليه يكثر الكلام ويقل الفعل ....واهلنا قالوا جناً تعرفو ولا جناً تتعلم معرفتو...؟
........................
.............
تخريمة:
قلت لي الفيران شنو ...وين؟ علي قول الغالي ودعكود.....
تخريمة 2:
والله ياود كرار شكلك كده حتُنفي في المنتدي الخاص ....

الاحباب ود كرار وود راشد
يعني انا ناقص يا راشد ،، صاحبك في انصاص الليالي يشيل ويجدع لي الفيران في
البوست بتاعي وكمان بيسأل وعايز اجابه؟؟؟؟؟ قول ليه دي تلقاها عتد الغافل ... وعلي
العموم هانت وقاربت علي الانفراج لكن البيحلنا من جنس ده شنو ؟؟؟؟
مشكورين ولكم التحايا والحقنا يا ود الاستاذ ولّعت .

ليبتون

والله يالحبيب جني انا هامي بيك وليك ....الناس دي بدل مايهدو الوضع ونشوف مواضيع الانتخابات دخلوك في دوامة جديدة بس بيني وبينك كان الجماعة في البيت قالوا ليك جيب لينا سم فيران .......انت يافكيك ولا البحر يحوشك...............
تخريمة:
شايف اسمك لبتون بس ماوريتنا اسم العائلة لبتون فلت ولا لبتون حجاب (Tea Bag)...?

ياجماعه عملت بعض التعديلات فى مداخلتى اعلاه, خوفا من موية نار جنى.

جنى ....انا خايف على بوسطك ده يروح فى حق الله,
ويبقى بوستك ده ذى جريده محترمه قام كاتب مشاقب نزل موضوع اخر الليل, الصباح رئيس التحرير لقى جريدة مشمعه, عشان كده الموضوع اعلاه حده الليل واسحبه عشان موضوع ذى ده حيخرب بيوت مش يشوه خلق.

وخلونا مع حزب البخاف من مراته راجل او فى مقوله اخرى سلم.

ود عابدون ....انت ماجريت واطي ..ده انت قلت الروب عديل....انشاء الله فاكر نكتة الببغاء.....؟؟؟؟؟؟؟؟؟؟؟؟؟؟

راشد كتب:ود عابدون ....انت ماجريت واطي ..ده انت قلت الروب عديل....انشاء الله فاكر نكتة الببغاء.....؟؟؟؟؟؟؟؟؟؟؟؟؟؟

قلت لى كييييييييييف ؟
الروب فرفر تحت الفروة
عاطف عكود

يا عاطف وراشد لاحظتو انو ود كرار من ما فكّ بتاعت الفيران دي بقي ساكن سكنه في المنتدي
ليل ونهار علي غير العاده ؟ غايتو انا كلما الف واجي راجع افتح ، القاه ليك قاااااااعد .
ما عارفين الحاصل شنو ؟؟؟؟؟

ليبتون

عبدالمنعم جنيدابي كتب:يا عاطف وراشد لاحظتو انو ود كرار من ما فكّ بتاعت الفيران دي بقي ساكن سكنه في المنتدي
ليل ونهار علي غير العاده ؟ غايتو انا كلما الف واجي راجع افتح ، القاه ليك قاااااااعد .
ما عارفين الحاصل شنو ؟؟؟؟؟

ليبتون

ليبتون باشا
يكون الفار لعب فى عيبو (الفار عرفناو , ولعب نقول عرفناها , عيبو يعنى شنو ؟ )
عاطف عكود