يا ناس البحر . جنيدابي وصل

عبدالمنعم جنيدابي كتب:

[quote="

حبيبي راشد
اذا كنت انت اسعد الناس بهذا المنتدي ، فانا اليوم اسعد الناس بمداخلتك هذه .. لقد ظللت ومنذ
ان وطئت قدماي ارض هذا المنتدي اترقّب بكل اللهفه واتابع بكل الدهشه والانبهار كتاباتك
الجميله باسلوبك الرشيق الانيق السهل الممتنع.. ولقد صدق الاخ خالد حين قال لك ذات مره
( من اين تأتي بهذا الكلام).. وايضا لفت انتباهي حبك الشديد للناس كعاده اهل المدينه المنوره حيث تقطن الي جوار المصطفي عليه افضل الصلوات واتم التسليم .
تخريمه :
سجل عندك يا ملك الاحصائيات .. وبانتهاء هذه المداخله يكون هذا البوست قد اكمل 100 مداخله بحمد الله وكم انا سعيد بان المداخله رقم مائه كانت مع الاخ راشد .
ودمتم في حفظ الله ورعايته ، وادام الله التواصل
جني اليورانيوم
[/right]

الحبيب جنى يورو والعزيز راشد ادام الله المحبه والاخاء و التواصل واوافق وابصم بالعشرة على كل كلمة قلتها ياجنى عن راشد وكذلك فى كلمة قلتها يا راشد عن جنى ونسال الله ان يجمعنا الله واياكم فى مدينة المصطفى علية افضل الصلاة والسلام.
تخريمة احصائية : الحبيب جنى تخصيب الف مبروك على هذا الرقم من المداخلات والله ايديك الصحة والعافية وعقبال ال100 ال 100
ودام التواصل
عاطف عكود

للاخ ود كرار فقد سعدت بمحادثته عن طريق الهاتف وقد وعدني بالحضور
لمشاهده المحوقل ولكنه لم ياتي ابدا . يكون هرش ؟؟؟؟؟

الحبيب جنى....لسوء حظنا ماقدرنا نتخلص من الارتباطات فى تلكما الليله السعيده, وكان من امانينا ان نلتقى بيكم والاخوان, لكن الجايات اكتر وربنا يمد فى اعمارنا ونجتمع فى ساعة خير...

ودعوه مفتوحه لك الميممين صوب المسجد الحرام اولزيارة الحبيب المصطفى المرور بالعبد الفقير لله اخوكم المشتاق بجدة...

والله اليومين السابقين كان منورنا خونا ود راشد ,واجتررنا الذكريات من المنشيه الى ابوقير مرورا بميامى والعصافره , وكل الجاهم ابو الشهيق فى اليومين الفاتو بنكون احنا السبب....

يـــــــــــــــــــــــــــا جنّــــــــــــــــــــــــــى؟؟؟ المرّة دى ويـــــــــــــــــــن؟؟؟

Admin كتب:يـــــــــــــــــــــــــــا جنّــــــــــــــــــــــــــى؟؟؟ المرّة دى ويـــــــــــــــــــن؟؟؟

جنجن باااااااااااااااااااااالغته عديل كدى وسويته شينة !!!!!!!

منعم يا جنيدابى
المرة الفاتت ،،،رمضان وعيد وكده ،،،مرقتها فى بلاد الجلد فيها عاااااااادى
اليلة انا والله جاى افتش ليك تلفون ،،،سعدت أيما سعادة بظهور اسمك فى الشريط الاخبارى اسفل الشاشة
اظنك تكون فى بلاد الانترنت فيها ما عادى !!
حمدا لله 1000 على السلامة

لا كنبه وثيره ، ولا لوحه خلفيه ، ولا شجره ظليله ، ولا صوره ولدي ، ولا قاعد في
مكتبي ، ولا عفريته . الوجيه وجيه والنص ، نص ، ربع ، ثمن . وكما يقول اخوتنا
البحاره فيست تو فيست ( لعمل مثل هذه الصوره ننصح بالاختفاء من الشمش لمده
اسبوعين .... دخان صباح مساء ... كريمات قدّر ظروفك ،.. اقنعه بالفواكه والخضروات
والزبادي لفتره زمنيه يحددها نوع البشره تختلف من حسن جيد الي التجاني غريب .
تخريمه :
الايام دي مشغول ببزنس تقيل في البلد وهو حبوب الفياقرا للمحوقلين ومانع الصواعق-
المطاطي ..المزيف للمحوقلات - ميد ان تشاينا

ودمتم

جني

عبدالمنعم جنيدابي كتب:
لعمل مثل هذه الصوره ننصح بالاختفاء من الشمش لمده
اسبوعين .... تخريمه :
ودمتم

جني

واضح انو انت اختفيت من الشمس اكتر من ،، ياخى انت ليك شهور غايب
لكن النتيجة ما شاء الله ،،، شبابك تشابك مع شيبك

عبدالمنعم جنيدابي كتب:.
تخريمه :
الايام دي مشغول ببزنس تقيل في البلد وهو حبوب الفياقرا للمحوقلين ومانع الصواعق-
المطاطي ..المزيف للمحوقلات - ميد ان تشاينا
ودمتم
جني

جنيـــــــــــــــدابى يا صاحب الصورة الذهبية ( اعملها الفضية ! من الشيب )
اقتراح متواضع
زيد للبزنس صبغة سوداء غامق لونها وخلّى لى اخوك شويتين
لانو ده وضع متأزم جدا
وكتّر من ده لانو الزباين ،،،صفوف،،،صفوف

خالد عبدالحميد كتب:
جنيـــــــــــــــدابى يا صاحب الصورة الذهبية ( اعملها الفضية ! من الشيب )
اقتراح متواضع
زيد للبزنس صبغة سوداء غامق لونها وخلّى لى اخوك شويتين
لانو ده وضع متأزم جدا
وكتّر من ده لانو الزباين ،،،صفوف،،،صفوف

الحبيب خالد
اولا نشكركم علي الاهتمام والسؤال وتفقد اخبار الاعضاء جميعا بدون فرز ونوعد باذن
الله بمواصله الكتابه .
ثانيا ، الفكره بتاعه البيزنس في الصبغه فكره هائله ولكنها لحسن الحظ لا تنطبق علينا
حيث ان ما تشاهده علي رأسي من بياض هو عباره عن تساقط جليد ليس اللا ..وشوفوا
انتو حللكم وناس قريعتي راحت وانا برّه .
ودمتم ودام التواصل

جني الجليدي

الف حمدا لله على السلامة يا جنى.

ماشاء الله اخر شباب.
نحن بالنسبة لينا المشكلة بقت ما فى اللون لكن المشكلة فى الشعرالوقف يقوم فى الراس وبقى يقوم فى الاضنين وجوة النخرة دة.

الاخوه الكرام
نعود اليوم الي البيانات بعد فتره من الانقطاع .

في صبيحه يوم 11 نوفمبر 1981 بعد ان امضينا ليله حالكه في بحر الشمال تحت قبضه العاصفه ايرين
والتي سلمنا من اهوالها وبعد ان رفع الاخوه علي ظهر الباخره القضارف اكف الضراعه للمولي عز
وجل ليخرجنا من هذا الجحيم ... ( استجيب لدعواتنا ) .
وصلت الباخره الي ميناء أشججن في بولندا . وكان حلم جميل انسي جميع افراد الطاقم ما كان من امر
العاصفه والبحر فالبلد جميل ورخيص للغايه ( عملتهم زلوطه ) وكان بدون اي مبالغه يكفي دولار
واحد فقط لقضاء امسيه ساحره .
وكان البلد مضياف بشعبه الاروبي الشكل ( شعر اشقر ) والشرقي العادات والطبائع ( خيار مخلل ) .
المشكله الوحيده التي صادفتنا كانت شروط الخروج والدخول الي الميناء حيث لا بد من حمل الجواز
واذن الخروج ، وكان يتم تفتيش دقيق عند الخروج والدخول .. كانت البروده عاليه والجليد يتساقط
وكان من يفقد جوازه ناسيا او متعمدا يترك في العراء تحت ويلات البرد حتي يتم استجلاب الجواز
بعد بحث مضني يشارك فيه كل سكان المدينه .. وكان السفرجيه يقومون بتدفئه الاخوه فاقدي الجوازات
بترامس الشاي والقهوه والبطاطين ... وكنا لا نجتهد في معرفه التفاصيل فهناك سفرجي متخصص في
سرد الوقائع التي تحدث بالتفاصيل .. وكان ملك ( البيب شو ) لا يحكي وفقط ، بل تاره يشمت وتاره
يهمز وتاره يلمز وبالاخص عندما فقد زميلنا الصامت الملتحي جوازه .
وفي يوم من الايام حضرت الي السفره ولم اجد هذا السفرجي ، وبسؤالي عنه علمت بانه قد فقد جوازه
وقد استغرق البحث عن جوازه هو بالذات فتره طويله جدا لانه قد فقد جوازه في مدينه اخري تقع
علي الحدود الروسيه وقد كانت شمارات فظيعه تداولها افراد الطاقم لفتره طويله وقد انقلبت الشماته
التي كان يشمتها علي الناس عليه .

وكان طاقم الباخره يتكون من :
1-اسامه مكي
2-حمدي الشوربجي
3-صلاح عواض
4-ضياء الدين يحيي زكريا
5-هاشم عبدالرحمن
6-تومسلاف سولتتش
7-ناجي مكي
8-عوض حسن بله
9-صلاح شرقاوي
10-النقيب محمد طه
11-بابكر النميري
12-كمال الخواض
13-عبدالمولي صالح
14-عبدالعظيم الامين
15-ياسر الجميعابي
16-محمد اسماعيل
17-عبدالمنعم جنيدابي

وقد فقد البعض من هؤلاء المذكورين اعلاه جوازاتهم بالطبع ولا داعي لذكر الاسماء وخلي
الطابق مستور .
وفي النهايه فقد كانت هذه الايام من اجمل ايام حياتنا التي لن تعود ابدا .
ودمتم

جني

احمد محمد احمد كتب:الف حمدا لله على السلامة يا جنى.

ماشاء الله اخر شباب.
نحن بالنسبة لينا المشكلة بقت ما فى اللون لكن المشكلة فى الشعرالوقف يقوم فى الراس وبقى يقوم فى الاضنين وجوة النخرة دة.

الحبيب احمد محمد احمد
اشواق بحر
والله دي مرحله فظيعه يا ابو حميد لكن الحمد لله ده معناه انك عندس حاستين من الحواس الخمسه لسه حارقات
تمام وهما حاستي السمع والشم . المشكله في ناس الحواس بتاعتهم كلها ضربت . نسال الله ان يحفظ الجميع .

جني

الحبيب جنن العجيب حمدالله على السلامه وليك وحشة والبركه فى الشوفه البهيه وتلك الوصفة العجيبه , الصوره رجعتنا لسنوات عديدة يعنى نيالا التسعينات والخرطوم فى البسكاى والقضارف وقبرص والبطاطس والجزر , وامدرمان والبنق بونق وووووووووو ومتعك الله بكامل الصحة والعافية .
ودام الشباب متواصلا
عاطف عكود

عاطف عكود كتب:الحبيب جنن العجيب حمدالله على السلامه وليك وحشة والبركه فى الشوفه البهيه وتلك الوصفة العجيبه , الصوره رجعتنا لسنوات عديدة يعنى نيالا التسعينات والخرطوم فى البسكاى والقضارف وقبرص والبطاطس والجزر , وامدرمان والبنق بونق وووووووووو ومتعك الله بكامل الصحة والعافية .
ودام الشباب متواصلا
عاطف عكود

الحبيب عاطف
والله انت الوحشتنا وبشدّه ، ومنذ عودتي الي المنتدي فقد ظللت اترقب مداخلتك والتي اتت مؤخرا لينشرح
صدري بها . واذا كانت الصوره رجعتك لسنوات عديده فانت قد رجعتنا لايام جميله ونبشّرك بأن الذاكره
لا زالت تعمل والحمد لله ولك حريه الاختيار هل نبدأ ليك بقصص الباخره امدرمان ام نيالا ام الخرطوم وامسكو
الخشب .
دمت ودام التواصل بيننا .

جني

عبدالمنعم جنيدابي كتب:الاخوه الكرام
البعض من هؤلاء المذكورين اعلاه جوازاتهم بالطبع ولا داعي لذكر الاسماء وخلي
الطابق مستور .
جني

الشى شنو الجماعه ديل كانو رابطين جوازاتهم فى( التكه) ولا شنو؟

الحبيب جنى...ماشاء الله عينى بارده, ذى الصوره دى كان ممكن نقشر بيها لمدة سنه فى شارع المدارس (بحرى).

عبدالمنعم جنيدابي كتب:
اذا كانت الصوره رجعتك لسنوات عديده فانت قد رجعتنا لايام جميله ونبشّرك بأن الذاكره
لا زالت تعمل والحمد لله ولك حريه الاختيار هل نبدأ ليك بقصص الباخره امدرمان ام نيالا ام الخرطوم وامسكوالخشب .
دمت ودام التواصل بيننا .
جني

الحبيب الانيق الشاب جنى
أبداء وحرية الاختيار متروكة لك وكلنا اضنين صاغية (بشعر او بدون على قول اخونا احمد محمد احمد)
ودام التواصل
عاطف عكود

ود كرار كتب:


الشى شنو الجماعه ديل كانو رابطين جوازاتهم فى( التكه) ولا شنو؟

الحبيب جنى...ماشاء الله عينى بارده, ذى الصوره دى كان ممكن نقشر بيها لمدة سنه فى شارع المدارس (بحرى).

الحبيب ود كرار
اضحكني كثيرا تعليقك علي فاقدي الجوازات ويا ربي الجماعه ديل كانو لابسين سربادوقات
في البرد ده ؟
واشكرك كثيرا علي تعليقك علي الصوره واعلمك بان هناك صور اخطر منها لو فكيناها
في المنتدي ده الجكس القاعدين يتاوقو تحت البطانيه ديل حيدقو الدلجه .

جني الوجيه

الاخوه الكرام
مره اخري نعود الي البيانات والحكاوي
مع اطلاله الثمانينيات والخطوط البحريه في اوج ازدهارها وهي تستقبل البواخر الجديده والطواقم الجديده
(شباب ) ... وصلت الباخره الجديده الابيض وهي في ابهي حلتها الي بورتسودان بعد تدشينها بيوغسلافيا
قادمه من قبرص .
استلمت خطاب تعييني علي ظهر الباخره الابيض كمساعد ماركوني حيث انني كنت في بداياتي بالشركه ..
وصلت الي الباخره في حوالي الساعه العاشره صباحا ... استقبلني الاستاذ كمال الذي كان يشغل حينها
وظيفه الضابط الاول بمكتب الباخره بترحاب شديد وسلمته اوراق الصعود الخاصه بي والذي امر بتجهيز
غرفه للوافد الجديد .
وفي هذه الاثناء اتي الاخ الميكانيكي التجاني ابراهيم وبحكم معرفتي السابقه به امسك بيدي وادخلني في
اول غرفه في هذا الرواق ... وعند ولوجي الي الغرفه صاح البعض بهستيريا وضحك البعض وبكي
آخرون ممن كانو بالغرفه ... وقد تم استقبالي بكل ترحاب وعلمت منهم انهم كانو في انتظار حضوري
وهم محمد صالح بيبو ،، حسن مغربي،، حسن كويليا ،،، علي جربان ،،، وصلاح ابو قدوم .
وفي اثناء جلوسي بالغرفه كنت اسمع صيحات في الهلوينات لقد وصل ...لقد وصل ...واسمع همهمات..
ثم يفتح الباب ويدخل بعض الاخوه ويرحبون بي ويعلمونني بانهم في انتظاري !!!!
وفي اثناء جلوسي في الغرفه دخل الضابط الثاني وهويلبس شورت ويحمل في يده( حلّه ) وهو الاخ محمد كمال ثم دخل ايضا
الضابط الثالث وهو شاب يملك جسم لاعب كمال اجسام مع مجموعه من الكديتيه والاسيستنيه .... اما
الضابط الثالت فكان محمد طه الجمل ومعه عمر الجاموس وخالد ابوعضلات ومعهم ضيف وهو الاخ محمد
ابوزيد .
وانا في هذه الحجره وانا اراقب في الاوضاع والجو العام ،،،، فجأه اتّخذت قراري وخرجت مهرولا الي
استاذ كمال وانا اصطك حيث كان لايزال بمكتب الباخره وطلبت منه انزالي من هذه الباخره ،، فرد وهو
يبتسم بانه لا يستطيع ... فرجوته بكل شده ان يبحث عن اي سبب يتعلل به لانزالي من هذه الباخره ..
وبعد لأي وجهد وهو يسألني عن السبب وهو يبتسم اعطاني خطاب الي اداره الشركه بعدم وجود غرفه .
اخذت الخطاب وهرولت الي مكتب شئون الافراد الذين قاموا بانزالي بسرعه واصعدوا في مكاني احدي
الاسر التي كانت تريد السفر في فتره الصيف .
بعد فتره قابلني احد افراد مكتب شئون الافراد بالشركه وابتدرني وهو يبتسم بانهم يعرفون السبب الذي
نزلت به من الباخره .
اذا قال هذا الشخص بانهم كانو يعرفون سبب نزولي من الباخره فانا اترك معرفه السبب في هذا المنتدي
العامر باهله لفطنه الاخوان والزملاء .
ودمتم

جني

الاخ العزيز عبد المنعم....
انا عرفت السبب ولن ازيد....لانك وفيت وكفيت علي قول اهلنا...
ولك كل التحايا والمني

راشد كتب:الاخ العزيز عبد المنعم....
انا عرفت السبب ولن ازيد....لانك وفيت وكفيت علي قول اهلنا...
ولك كل التحايا والمني

العزيز الاخ راشد
كل عام وانتم بالف خير
لقد وضح جليا بانك انسان يملك الكثير من الادوات .
لكن بالنسبه للحليفه بحياه القبطان عبدوس باقي لي انت ما قريتها صاااااااااااح .
اما بالنسبه لمعرفه سبب نزولي من الباخره فانا اهنيك علي ذلك وخليه في سرك
كما كان يقول اخونا الازهري حجازي ربنا يطراه بالخير .
مع تمنياتي لك بدوام الصحه والعافيه وانت تسود بوستات وصفحات هذا المنتدي
ببراعه تحسد عليها .
تخريمه صغيره :
ما زلنا في انتظار الصوره

جني

راشد كتب:الاخ العزيز عبد المنعم....
انا عرفت السبب ولن ازيد....لانك وفيت وكفيت علي قول اهلنا...
ولك كل التحايا والمني

الحبيب جنى قلت لى كيف ؟ فطنة فطنة الليل نعدو !!!
العزيز راشد قلت لى جنى قال السبب شنو ؟؟؟؟؟؟
والفطنة نائمة رغم ايقاظها ودام التواصل
عاطف عكود

وباقى الحكاية ..........شنو؟؟؟؟
انت مشيت وين،،،، شمارات ،،،،دكوة!!! كيفما تشاء

الاخوه الاعزاء الكرام
نعود للمنتدي بعد فتره من الغياب ... ولكسر الجمود قليلا هاكم النكته دي :
سوداني متدين يرفع يده الي السماء بعد صلاه الصبح في كل يوم متضرعا الي الله طالبا رزقا
حلالا مباركا ثم ينطلق لا يلوي علي شيئ ..تتزايد عليه الضغوط وطلبات الابناء والزوجه
مع مرور الايام والحياه تسير علي هذه الوتيره .
لا يزال الضغط يتزايد ويتزايد ولا يجد حلا .
وفي احد الايام قام وصلي الصبح ثم رفع يده الي السماء طالبا ان يرقه الله رزقا اكان حلالا
ام حراما ايهما ياتي اولا .

جني

الغالي جني....
اعمل حسابك دي نكتة سياسية ....طبعا ده وصف دقيق ومخيف للوضع عندنا في السودان والله اخي جنيدابي انا احس انك مراسل صحفي اكتر من كاتب عمود في البوست بتاعك..فلك الشكر علي الكتابة والحمد علي الصبر...

الحبيب راشد
والله كلامك صاح ومصداقا لذلك الناس هنا اصبح همها الاساسي ليس اكل الحرام لكن
مشكلتهم اصبحت تكمن في اين يمكنهم ايجاد هذا الحرام .فعلا الوضع اصبح مخيف
للغايه ونسأل الله اللطف .
اللهم انا نسألك ان ترزقنا رزقا حلالا طيبا وشكرا علي المداخله .

جني حلام