حكا يا ت من زمن سودانلاين الجميل

وفى أمر آخر ،،،يسعدنى أن ارحب بالباشمهنس على النور ،،،وفى انتظار الدرر،،، حللتم فضاءاً أثيريأ انتو اصحابو،،،بيتك ومطرحك.....الفين سلام

وأخيرا جدا ظهر حبيبنا على النور ( عليوة ) ... بعد محاولات مضنية لكى يقوم بالتسجيل ...وأعتقد أن السبب الرئيسى فى إلحاحنا عليه يعود لأمرين , الأول أن إسمه قد ورد كثيرا فى حكايات الزمن الجميل لسودانلاين ونحن فى إنتظار مشاركته الفاعلة والسبب الثانى لكى يقوم بعمل الساتر اللازم فى الموقعة الحربية الدائرة بين نسيبه وبين توأم روحه ...بيتك ومطرحك ياعليوة ...سعدنا كثيرا بالتسجيل وفى الإنتظار مع وافر التقدير....

الرشيد شمس الدين

وانا بتصفح وبراجع الفاتنى فى الايام السابقه وجدته خبر اعتقال حبيبنا ود ادريس ...والله ماعجبنا ليك بقيت ملطشه ,مش كان بارول الدمام احسن مع ابوهنود ...
بس شمار يارشدى بينى وبينك ماسوره ده شكله رد سجون وازيدك فى الشعر بيت صاحب سوابق كمان ,خليه يحكى ليك عن سجون دبى مع صاحبه الفلسطينى(عزام).

الموضوع الكان محيرنى اختفاء اخونا اوى وكنت مخطط اتصل بيه لو ما المشغوليات ولكن اذا عرف السبب بطل العجب....

العزيز اوى ...لقد جمعنا بك هذا الموقع الاسفيرى ..والله لقد سعدنا بمعرفت اشخاص بقامتك العاليه وطرحك الجميل ولااظن انسان بروحك النبيله المتجرده من المنفعه الشخصيه والتى لمسناها فى طرحك المنسق ذو القيمه العاليه لكل المتواجدين فى المنتدى, ان يكون فى دائرة الشك....بس بيقول المثل كل اناءٍ بمافيه ينضح

ولكم الموده

شكرا عزيزنا أمجد كرار على المعلومة القيمة بإنه الفاتح ماسورة صاحب سوابق ومتردد سجون مسجل , ونرجو من حبيبنا ماسورة بدل قصة سونيا والمجنون البرتقالى وقصة بانقا يحكى لينا مذكراته فى سجون دبى مع عزام على حسب رواية ود كرار , وأقترح على خالد أن يفتح لماسورة بوست جديد بإسم ( زكريات متردد سجون ) , ما رأيك يا عبدوس ؟ عل الله يجعل فى هذا الموضوع ( بلة ) الذى إنتظرناه كثيرا ...بالمناسبة يا عبدوس لسه مارجعت أوروبا كما وعدت يوم 23 ؟؟ .
حاجة ثانية , اليوم تسجل للمرة الثانية أخونا العزيز الجمل , الحكاية شنو ؟ لعل التسجيل الأول ما جاب دخل ؟ المهم مرة أخرى بيتك وطرحك وفى إنتظار ( الطبق , أقصد الدرر ! ) لكم من الود الكثير وليدم مابيننا أبدا ...

الرشيد شمس الدين

الاحباء صباح الخير
حكايه الحراسه فى دبى كانت غلطه من الوكيل عمل لى sign off بدون ختم الجوازات والحكايه كلها كانت سويعات. ويا امجد انا حأحكى ليهم قصتك مع على محجوب من الالف لليأ والسيوف الكانت شغاله فى ليالى الاسكندريه.

يا الرشيد احسن تبعدونا من الجمل عند قنابل حارقه.

عبدوس لا زال فى الخرطوم بدون اتصال فى انتظار حضور صديقه من بورتسودان عشان اعمل ليه التوكيل.
رستم وصل بورتسودان واخر حاجه وصل ليها انه احسن اشترى جملين واحد فى بورتسودان والثانى فى الخرطوم لأنه مفعول جمل بورتسودان بروح فى الطياره.

التجانى غريب زارنى أمس فى المكتب وطلب منى اشوف ليه شغل فى الارض لانه خلاص زهج من البحر قلته ليه احسن ليك البحر هناك انته سيد ومستور معانا هنا حتسمع شتائم لا يعلم بيها الا الله.
الفاتح محمد ادريس

الحمدلله يا عبدوس , أبسط يا عم شيخ عليوة لحقك ونجدك سريع , الجماعة وقعوا فى بعض ( وأشغل أعدائى بأنفسهم ) , رغم إنه ود كرار ليس عدو ولكن أهو برضو ما بطال ... يا ما سورة الله يجازى محنك خف شوية على حسن رستم , ما كفاية فى الشغل ... نكرر الترحاب بالجمل الأصلى مش جمل حسن رستم المزعوم بحسب ماسورة ...
وليدم ما بيننا ...

الرشيد شمس الدين

ابو على قال مشى لدكتوره عشان افحص السكرى الدكتور قال ليه حسه وانته داخل على شفته ليك هدندوى منتظر بره الهدندوه ما عندهم سكرى لأنهم بشربو لبن الأبل وبدأ ابوعلى وبالصدفه اكتشف انه اللبن مفيد شديد لحاجات تانيه وقرر 2 رطل مساء و2 لازم على الريق لكن فى رحلته الاخيره للخرطوم ولا يدن فقرر اشترى ناقه فى الخرطوم. أخونا القوصى وصل الخرطوم فى اجازه وبرضه بشكى من الهبوط الحاد يعنى ابو الكباتن ما براهو.والله انا خايف عليك يا الرشيد من العين .

الفاتح

طبعا إنت يالفاتح لو ما جبت سيرة أبو الكباتن ودخلتو فى أى حاجة حتموت ...امل أن يكون قد إتصل عليك ....وهو إذا ما إتصل عليك المانع شنو إنت تتصل عليهو ؟ إليس له حقوقا لا تحصى عليك ؟ أقلها حق التعليم وما داير أقول حق التربية عشان مايقوم يزعل منى ( تربية شنو هو أصلو متربى ؟ ) ... ...... أما حسن رستم فحيدخل الجنة والله بيك إنت ماكفاية فى الشغل ؟ جابت ليها شيل حال فى النت كمان ؟ !!!! غايتو جنس غايتو ......
تحياتى بلا حدود للحبيب القوصى والله ليهو وحشة شديدة ... وليدم مابيننا ..

الرشيد شمس الدين

والله سألته اكتر من واحد عن التليفون واخر محمد صالح قال لى حأرسله ليك فى رساله وطبعاً ذى حكايه ال1000 دولار رجعته ليه تانى قال لى ابو الكباتن فى المطار .ما عندنا نصيب نسمع صوته ونعرف اخبار نزلته واصابعه الذهبيه .
بلامس اتصل بى الاخ الامين قيلى من منزل الاخ جمال عبدالحليم كانو محتفلين بالقوصى واكيد سوحى, اسامه,ومحمد صالح يا الرشيد انا عفيت ليكم قروشى بالله شوف ليه باخره.
التجانى غريب قال لى سلم لى على الخال الرشيد انته الحكايه شنو حكايه الخال دى مع التجانى و جعفر قريش.

ماقصرت يا توحة , إذا إنت عفيت لكن الفاتح عابدين ما عفا ..ولا ظروفو بتسمح ليهو يعفو , غايتو حاول تقنعو يحل موضوع الفاتح لأنو إذا لم يفعل , أنا حالف ما يكجها وإنت عارف حليفتى كيف بعزها ....لك التحايا والود وفى إنتظار أبو الكباتن والمعركة المرجوة ... التحايا للتيجانى غريب وأنا يشرفنى طبعا أكون خالو وخال العبد قريش , ماأصلو أنا خال كل من لا خال له ...والتحايا موصولة للأخ أمين قيلى وكابتن جمال محمد عبدالحليم , أما سوحى فهو مايزال يمارس هوايتو القديمة - قبل الحج - فى ال MISSED CALLS . لكم الود ..

الرشيد شمس الدين

أظنك يا الرشيد تقصد الذين أتو على ظهور أمهاتهم ده كلام غريب انا ما بعرفه.

اكان الحكايه بايظه انا غيرته رأى وما عفيت ليك القروش.

بالمناسبه انا حأكون فى دبى يوم 4 فبراير لمده يومان وعندى بس يوم 4 من الساعه 1 ظهراً لحدى نص الليل لو بتوفرو لى المواصلات أو ال100 حأجيكم .

عاده الmissed calls دى ما حيخليها والله توتى كلها شغاله missed calls.

الفاتح

الاعزاء الاوفياء ما عدا واحد عارف نفسو
المهم اعلن عودتي والتحيه لصاحب هدا البوست وعليك الله يا الماتتسماش ما تشتت افكارنا وخلينا في بوست المرحوم سورج وفاء لدكراه

لكن يا توحه امانه ماك تافه تتصور يا رشدي ودي خروف لمصطفي حسب الرسول ووعدو انو يديدهو كل الشغل بس كيف مصطفي ينزل ليهو فايلاتي القديمه
عليكم الله في تفاهه اكتر من كده وعاوزني يا رشدي كمان اتصل بيهو
احي انا غلطة عمري لكن نعمل شنو دعوات حاجه امنة نفعتو
ساعود واقول ليك كل الكلام القالو لي مصطفي لكن صحيح الاختشوا ماتو
ضرب تحت الحزام
ومافيش جيم دال بعد كدة ولا كسير تلج والحشاش يملا شبكتو بس ان شاء الله عليوه ما يخدلني
محبتي وراجع بس انوم واجيكم
ابدوس

المرحوم على سورج شخصيه لاتتكرر الله يرحمه ويغفر ليه
الاخ مصطفى الله يسامحه انا العندى ممكن املا بيه كتاب وانته عارف مع انه مصطفى حكى لى حكايه العهد الفاطمى التانى وحضوركم زفاف والدتها وبقيه القصه العجيبه وأى قاضى شرعى حيقول جيبو لى الشهود الشهدو فى القسيمه دى اول .
الف حمد الله على السلامه والله كنته عايز اشوفك جد مشتاق شديد.
لو عايذ نلعب على التقيل والله أنا ما فارقه معاى .
كدى خلينا من الكلام الما مفيد عملته شنو فى بيت حى المطار انشاء الله الاخ اخيراً اقتنع أوعى يكون اخد بوشك.

وكما يقول حبيبنا الحاج خالد :- ( الصمت فى حرم الجمال جمال ) ... جرينا البنبر وهادى قعدة فى إنتظار الدرر بعد أن ياخد عبدوس النومة الكافية وبعد مايرجع ماسورة من مشواره المعهود بالبرادو الما خمج ... لكم الود ...

الرشيد شمس الدين

الاخ الرشيد
اليوم ظهرت لى مشاكل لايعلم بيها الا الله من وين ظهرت ما عارف اتذكرته ايام سودان لاين تصل الباخره بورتسودان تمشى لشئون الافراد اقولو ليك مكتوب عنك تقرير سىُ ترجع الباخره تسأل الكابتن اقول ليك اصلو ماممكن ولذلك انا شاكى فى زياره حبيبنا الاخيره.

لذلك الرحله للامارات اتأجلت الى 17 فبراير
أخونا أمجد كرار الحكايه شنو من جبنا سيره عليوه اختفيت..

الفاتح

يا ماسورة الله يجازيك ويجازى محنك .... ضحكتنى رغم الأسى وتعب السنين ....يا عبدوس وينك ؟ نوم العافية إنشاء الله .....تذكرت والله أيام سودانلاين الجميلة والتى كان لها إيقاع جميل نفتقده رغم كل شىء ... صحى بالمناسبة وينك ياود كرار من ماجابوا سيرة البحر تانى ماظهرت ...المشكلة إنه ماسورة ما فارقة معاهو أى حاجة ... وبالمناسبة وينك يا خالد مسجل غياب كامل ...هل هذه سياسة مابعد الحج أم ماذا ؟ أرجوك يا خالد تحاول تغير إسم البوست دا
ل (حكايات من زمن سودانلاين الجميل ) ..لأنه لم يعد قاصرا على الباخرة النيل الأبيض وحدها ولكى يشارك الكل حتى الذين لم يلتحقوا بالنيل اللأبيض يوما ولك الشكر الجزيل مقدما ...

الرشيدة شمس الدين

والله انا البقول الله يجازي محنك يا قاشوره وقبل ما ادخل في التقيل والله كنته متنمي اقابلك و للاصح كنته متمني اقابل نسيبك قبال ما اقابلك لكن اهو سنة الحياه
تمنيت مقابلة العزيز مختار والسوحي واسامه وجمال والريس وكل شلة الخرطوم ولكن لم احظ الا بمقالبلة العزيز التقر واخدني مشكورا وفرجني علي قصر الرشيد وكم سعدت وفرحت وانبسطته حتي الثماله مع رجا واحد يا مولانا الرشيد ما لقيت غير الجنوبيه دي تحرس القصر والا ده عزل سوحي.... غايتو جنس حساده --قالت دايره حق العشا قالت -- تبيتي القوا
في الخرطوم ما كنته فاضي ليك يا المطير عينيك الفطور في اوزون والغدا في جاد او قراند كافي والعشا في ستار كافي والحلو في الساحة وفي اوزون غنوا
الزول دة شفته وين
الزول ده ما مضمون
قابلته في اوزون
وقال بقرا في مامون

تقول لي مشينا برايتون وجينا راجعين
راجع ليك يا انته
محبتي
ابدوس

سعدت ايضا بمقابلة الباشمهندس الحاج وقال ناس سوحي والتقر والريس وطاهر الحاج اكرر طاهر الحاج زاروهو لكن قال كانو صايميين وضحك كتيرا
المهم بعد كدة ساسرد لكم ما قاله لي صديقي مصطفي ورغم انو حلفني ما اقول
لكن الظاهر يا رشدي ما في طريقة
تقول لي الزول سايق برادو
يا لسايق البرادو ده ال الله رادو
يا ربي البرادو دي بتقدر تخش حواري امدر وحاج...... والا بوقوفوها بره
غايتو جنس مليون غايتو
محبتي ابدوس

يا جماعه والله أوزون دى انا دخلتها مره وشعرته بنفسى عجوز جداً جداً ناهيك عن أعمامنا طبعاً قتلته العوينات وعملته انك فى خامس مامون حميده.
والله البرادو دخلت حوارى ام درمان أما شوارع حاج بينى وبينك عايذه ATOZ وبرضه يا أبو النسب تقول لى كل شى ولا عبدوس ده اخوى با الله ادينى الgreen light عشان افتح على تقيل وساعدنى بالباصات القصيره انا عارفك القاتله فى حشاك كتير وبا الله يا الرشيد تخيل عمنا مقتل عويناته وقاعد فى أوزون ودخل ابننا محمد عبد الرحمن مع اطفاله واقول ليهم داك جدو عبدو مقتل عويناته فى حاله صيد.

اول شي خليني من اوزون وانا متاكد انك ما شفتها لكن حكوا ليك عنها وانا الحقيقه بفطر في اوزون عشان بنات مامون بصروا انوا يعزموني ايس كريم ودايما بطلبوا لي النوع البحببو ولو مغالتني اسال الفاضل محمد الفاضل وبيني وبينك انا بفضل افطر في سوليتير الرياض لانو هناك بجي العزيز الغالي الباشمهندس عبد العظيم
يلا انته قولي قابلته منو في اوزون او اي مكان اخر مع انك عايش في الخرطوم وانا بجي في السنه مره
اما محمد عبد الرحمن رقيتو شويه وبدل ما مان بشرب القهوه في نادي التنس وعند حاجه مش عارف ايه بقي يشرب القهوه عند الفلل الريئاسيه طبعا دي عمرك ما سمعته بيها
تخريمه
انا ما جدو يا تافه انا اسمي عبودي واحفادي عارفين كده كويس والا بقطع المصروف
لي عوده ولسه بس ما تدخل عليوه ارجوك
بحبك موت
بودي .................. شفته بودي............. دي كيف زول واحد مسموح ليهو يقولها لكن يسمك تعرفو منو

العزيز ماسورة....والله الحجبنا كترة الشغل ...ماخوف من لسانك عارفك فاتيه بس قلبك ابيض...

بس هدى اللعب مع عمنا عبدوس...واحكى لينا شويه عن الفترة الكنت بعيد عن سودان لاين وتجربتك البحريه بعيد عن السودان وكسير التلج للخواجات.

وعلوبه ده خايف من لسانك الطويل ده عشان كده ماظهر...

لك الود

أشواقنا ألف،، والله الواحد تبتهجون بهذا البوست العظيم ،،
غياب يومين مع امتحانات العيال ،،والمشاغيل
1 حمدالله على السلامة حبيبنا عبدوس ،،فقدناك
2 وتغير اسم البوست على رغبة حبيبنا الرشيد
وتخريمة ،، والله جه فى بالى فى الايام الفاتت افتح بوست اسميهو " إنّى أغيـر،التوقيع النيل الازرق"
وتطابقت الفكرة مع اقتراح الرشيد بعمومية البوست ،،،

واخيرا يا الفاتح ،،،لو داير نفتح بوست جديد عن NSCSA
نحن حاضرين ،، بس رجاء تبدا لينا بى كلامك ده ،،، وعلى محجوب مجتهدين معاهو عشان يشارك،

أخونا أمجد كرار الحكايه شنو من جبنا سيره عليوه اختفيت..

الفاتح

من طرف الفاتح محمد ادريس في الإثنين يناير 26, 2009 5:51 am

الاحباء صباح الخير
ويا امجد انا حأحكى ليهم قصتك مع على محجوب من الالف لليأ والسيوف الكانت شغاله فى ليالى الاسكندريه.

ويا أمجد تعال ،،، انت وكت السيوف كانت شغاله انا كنت وين
لكم من الود بحاراااا

هو على محجوب فاضى من نضيف الاضنين.
الخواجات خفيفين ما كانو محتاجين لكسير تلج انته ما شفته ناس با الله معقول اصلو ما ممكن وحياة عيالى انا ما عارف ولا عندى فكره ده كلام عجيب و من هناك بدينا معاهم سياسه أخد البوش بقيادة جعفر قريش فى واحد منهم كان بياكل كل يوم من 5 ل6 كيلو لحم اخونا ود السر جاراهو وكانت دى من ضمن الخطط اليوم ود السر عنده قاود وجعفر قريش مره ركب فى باخره وكان الشيف أونسى وقبل كده كان كاتب عنه trouble maker جعفر سألنى حسه القبطى ده اسوى معاهو شنو وانا عندى فرصه امشى نيالا فيها كارورى قلته ليه انته اصلو تافه جيبه من اخره وابقى قبطى مدة الباخره دى بس لكن لو النعمان سمع انا ما بعرف أى حاجه.
ولو ربنا وداك لكارورى انته عارف حتسوى شنو.
با لمناسبه دلوقت دخل على فى المكتب اخونا التجانى العبد قال لى كنا فى دنقلا انا وعبد الحمن و احمد مختار شيف . عبد الرحمن زعلان من التجانى لانه اتأخر ناداهو واتكلم معاهو بحضور أحمد مختار وعبد الرحمن كان بتكلم و بعاين على الارض بعدما انتهى ومشى احمد مختار قال للتجانى الراجل ده انا بعرفه لو كان بتكلم معاك وبعاين ليك فى عيونك ما حيضرك لكن لو كان بعاين لتحت الراجل صواريخه مخذنه ارضاً معناها ح........ أم حلتك امشى شوف ليك طريقة نزول.

انته ما بترتاح الا تهبشني
والله دخلته عشان اقول واعتدر للناس انو حنبطل مناكفه ونركز علي المفيد لانو لدينا هموم اكتر من المناكفة لكن قطعا سنطرح العديد من المفيد عندما نشعر بانكم اعضاء بحق وحقيقه
ياتافه افتخر عمري ما ..... ام حلة زول لكن بس لمن ما يعجبني سلوك احد من الناس او شغلو مش ولا بد بناديهو براهو واقول ليهو يا والدي او يا ولدي لمن نصل بورسودان الحق خارج نفسك... اورنيك... اجازه.. زي ما تشوف والا بكتب...............
اما العبد تجاني اصبر ليهو وقول ليه فايلاتك معاي اكيد هو قاعد يكسر ليك تلج وعاوز يبسطك.. معزتي لكم جميعا خاصه احمد مختار الضكران بحق وحقيقه
وتلك روايات اخري
تخريمه عمك مصطفي اخر من ينزل ليك فايلاتي لاننا دافننو سوا واتفقنا عند زيارتي الخيره لبورسودان انو الفوايل ما تنزل الا سنة 2011 قول ربنا يحيينا
حبي
ابدوس
وينك يا عليوه عليك الله اظهر

دى ما الريده يا ابو الكباتن لكن حكاية يا والدى او يا ولدى دى حلوه أوى أوى