شخبط شخابيط لخبط لخابيط..غايتو جنس غايتو

الف مبروك مبروك الحفيد لك والابن كابتن عابر وربنا يجعل كل ايامكم افراح لك الود والتحية وتلفونى بالسويس 0020147959302

العزيز القبطان جدو فيصل... شفتها حاره كيف...
والله ليك وحشه يا جدو ولن انسي احلي ايام السويس... بالامس وانا اقلب بعض الاوراق القديمة وجدت اخر crew list , ,,وانا نازل من دارفور في رحلتها الشهيرة عندما سافر معنا العزيز بيتر اورات مدير الجمارك كنا 61 يالها من ذكريات...فوفو الفنطوطة عمرها لا يتجاوز.... الان بقت ام وانت بقيت جد و.. مباري حبوبة..الله يحفظكم ليك..
شكرا علي التلفون ..اظنك معشعش في سويس عمك عبد المحسن.. تحياتي لي ناس السويس كلهم خاصه صديقك الذي ذهبنا معه لزيارة الحسين في القاهره...والسوداني الاصيل المصري ابو بكر..
ساهاتفك باذن الله
تحياتي لافراد الطاقم ان كان منهم واحد دفعه وكده..
عبودي..من غير جدو
تخريمة صغنونة...للبفتش علي ابداعات اسامة
يسكو في منبر سودانيات..يسمع حكوة موسي...انا ما قلته حاجه..مش..ولا اديتكم الرابط

شكرا ود الزين ....للمعلومة .....ومنو قال شنو............؟

عبدوس العزيز ...لك وحشة شديدة وأعتذر لكم أحبتى على الإنقطاع غير القصود طبعا ولكنها امور الحياة التى لا فكاك منها ونحن فيها ..... ألف مبروك عبدوس العزيز ومعذرة على التهنئة المتاخرة بقدوم الفارس ( يزن ) إبن الحبيب
( عبورى ) .... جعله الله من ابناء الوطن النجباء ... ايضا من اسباب التأخر فى التهنئة الحيرة التى أصابتنى حقا تجاهك ياعبدوس وتجاه ( جزازيرو ) ...وأنتم تستقبلون الأحفاد ( تبروا وتستبروا ) .... هل يحتاج الأمر إلى تهنئة أم إلى مواساة ...وهل هى نهاية بطل - كما أظن- أم بداية بطولة كما تتمنوا ....
فى الحالتين تقبلوا منى صادق الأمانى وكل الود وليدم أبدا مابيننا ...

الرشيد شمس الدين

ايوي ايوي ايوي ..زغرودة فرح..رشدي شرف..عمركم شفتو ليكم جد بزغرد..ليه ما في ناس كبار كبار برقصو حد منعهم اشمعنا انا ..
والله يا رشدي الحكايه حارقاني في الاول حسبتو لعب..زمان واحد قال لي كويسه انك بكرته بالبنين- الترجمه- بكرته - يعني انو اول مولود ليك- البكر-
لانو لو بكرته بالبنات حيبقوك جد بسرعه .. وحصل الحصل المفعوصة ايه وقبل ان تبلغ سن العشرين عملتهم اتنين..يس و يوسف رضي الله عنهم وعنها ودلوقت المنافسه شغاله الخامس من زوجة محمد - سلمي - في الطريق ..الذ مافي الموضوع زوجه عابر-دعاء- في محاولة مني لاقناعها الا تنجب قالت لي لا جاجيب ليك حفيد عشان تدلعو زي ما بدتلع جنان بنت محمد.
الغريبه يا رشدي يتصلو بيك يسالوك اها نسميهو شنو يا بابا ... وتنحت مخك...ولمن تقول.... سموهو .... تلقاهم سموهو..ويا اهبل السؤال كان من باب المجامله..خليك تفتيحة يا جدو..
برضو سرحته..لكن جد ليك وحشه ما تتطول مننا كتير
بعدين ما تضحك علينا كتير.. قال ايه تبرو وتستبرو...ومن ضحك اخيرا..
عبدوس

الجد عبدوس ...
الف مبروك... الحفيد يزن..والله اسم جميل وربنا يجعله من الاحفاد البارين بجدودهم ...
والله دى ياجدود سنة الحياة, كان اتبريتو ولا استبريتوا سيك سيك معلق فيك...

ود كرار العزيز... نرفع الكاب ونبدي الصلعة محبة واحتراما وتشكرا اخي..العزيز..
طلتك براها بالدنيا..
قال جدو قال..
عبودي

وقبل ان اختفي في مجاهل افريقيا...
كتب الاديب حيدر حيدر في رائعته انشودة الموت وهي وليمة لاعشاب البجر..
قال
-انظر انظر هوذا البحر
علي حافة المنحدر الغضاري ظهر البحر..
بدا جليلا بابهة ملكية..شرسا وهو يصطدم بالصخور ثم يتطاير زبدا متناثرا ثم ينحسر كطفل وادع..

وانا اودعكم الي لقاء قريب باذنه تعالي .. اذا امد الله في الاجال..
اكتبو .لا تتوقفوا..
محبتي لا تحدها حدود
عمكم عبدوس

تصحبك السلامة ...حتوحشنا...........نتمنى ان لاتطول ....باى باى..

رافقتك السلامه كابتانو و تعود سالما غانما باذن الواحد الاحد
ودام التواصل
عاطف عكود

الاخ الغالي ودالزين ..لك التحايا في حلك وتحالك ...وربنا يحفظنا وإياكم من كل شر
..........نظل ننتظر درر البحر علي شط المنتدي
.................
.........
عودا حميدا

تصدق يا نظر عيني
اذا سلمت انت علي
يفوح العطر من ايدي ...
وتنبت في الكفوف ورده

ابيات للشاعر عبدالعال السيد،،،مقطوعة من قصيدة يقال انها ركيكة
تبدا بى ((دقيت ليهو ما ردّ!!!!)
الدايرا يشوف قوووقل،،،لكن البيتين اعلاه قطع شك ابداع
جينا بيهم هنا لتجهيز البوست لعودة عبدوس الاكبر المرتقبة قريبا إن شاء الله
ولمجرد الشخبطة فى جدران الفضاء الاسفيرى

.............دقيت ليهو ماردً.......ودقات قلبى اشتدً
ولامن جاهو ميسكولى..قال ياريتنى لو ابدا
اعيش اللحظة تمتدً...ادى حنان عشان يرضى..
*** ***
قام الحنين ردً....وقال لى وينك انت يافردة
انا ما كنت بسال عنك ووصيت ليك ود عمك
بس انت شايل همك ..وقايلنى زعلان منك..
ما انت البنات دايرينك ..وخايفا عليك من بت عمك..
*** ***
.......مجرد شخبطات واحاسيس...رايك شنو يا مان انا من زمان غلبان..افتش للحروف حرقان ....قال عدو قال......

الاعزاء.....جميعا...جميعا.. جميعا...
العود احمد...
خلدي...ود عكود..عصملي..رشدي...راشد..ود كرار .. الجمل.. احمد..ناس بورتسودان اهل دارفور والنيل
الكل رواد هذا المنتدي ضيوفا واعضاء وزوار..
التحية لكم جميعا..

كما اقول ابدا يشهد الله الذي لا اله الا هو
وحشتوني ولا ازيد

شممت وتابعت ما يدور واعذروني ان اخالفكم الراي...
كانت معركة ما كان لها ان تحدث
ساوفر علي نفسي وعليكم الدخول في التفاصيل..
الاخ العزيز او الاخت العزيزه او الخال او العم او الجد او الابن او ...او...او...
المزيف...
الباشمهندس عفوا القبطان..عفوا الباشريس..عفوا الدونكي مان..عفوا البحري....الخ الخ..
اخالك تعني ما وددت ان اقول
عفوا رشدي عفوا خالد عفوا راشد عفوا عصملي...
عندما ادخل لهذا المنتدي تطالعني...عبارة...
دار الاسرة البحرية السودانية................. بدون تعليق
اي نحن اسرة نعرف بعصنا او نتعرف نلتقي لنبسط همومنا...اراءانا..افكارنا... الخ الخ..
كيف اناقش اموري مع شخص لا اعرف له فصلا ولا اصلا حتي لو كان ملك الكون..
معذرة اخي او اختي او جدي او ابني..
وجودك بوضعه الحالي انا شخصيا لا ارحب به
عمري لم اك ديكتاتورا واكره هذه الصفه رغم علمي ان الشخص الوحيد المسموح له ان يكون ديكتاتورا هو ربان الباخرة من اجل سلامة من يعملون علي ظهرها رغم ان القانون البحري يحتم علي الربان عند الضرورة ان يكون مجلسا بحريا اهم اعضائه الباشمهندس ولكن ليس عليه ان يستجيب لقرارهم..حمدا لله لست ولم اعد قبطانا..
لهذا ليسمح لي- رشدي- وهو يعلم ما اعني..ويعذرني خالد
اسمح لي ايها المزيف مهما كانت روعة قلمك فوجودك بهذه الصفة غير مرغوب فيه...اكرر... هذه وجهة نظري
ولا اود ان اخوض في جدال بشانها خوفا من ان يزل قلمي واكتب ما اندم عليه يوما.. ما..
هل تدري لم نخاف الظلام...لاننا لا ندري من اين تاتينا الضربة..ما اروع الوضوح.....
نحن هنا نبث ما في دواخلنا..... نتحدث ونحكي ونعزي ونبارك.. كيف تعزيني اذا فقدت عزيزا علي .. كيف تبارك لي زواج ابني.. وانا لا اغرفك.. هل ستوقع المزيف التايواني..نحن اسرة..دخلنا من الباب والباب مفتوح ان دخلت منه فمرحبا ولا داع لان تقفز من فوق السور فخالد كعهدي به يحرس الباب ولكنه يرحب بالدخول..
ان كان دخولك من الشباك يثري المنتدي شخصيا اتمني ان يفتقر هذا المنتدي..ويعود فقيرا..

من مداخلاتك اكاد اجزم اني اعرفك ولكن ليس هذا من طبعك...
لعبة واتنهت اقلع عنها انها لا تشبهك..
لا تجادلني فلن ارد عليك..
عمكم عبد الرحمن

كبيرنا وعزيزنا القبطان عبد الرحمن لاول مرة اراك غضبانا ..فهوُن على نفسك ...فالاخ الخفى نيتو بيضاء وحبً ان يدخل نوع من التسلية وانا كنت واثق انو حيكشف عن نفسو فى نهاية المطاف ولكن بعد تعليقك اعلاه ما اظنو حيظهر ابدا والغريب فى الامر انو عندما فتحت المنتدى هذا الصباح وقبل ان اقرا تعليقك اعلاه وجدته مسح كل مداخلاته بسرعة البرق حينها ظننتها واحدة من خدعه ..لكن تبين لى الان بعد اطلاعى على رسالتك اعلاه انه ذهب بلا عودة ويبدو ان هجومك كان عنيفا جدا وقد اثر عليه وربما ندم ... وانا اكاد اجزم بلا ادنى شك هو واحد من
قدامى المحاربين من زمن مريدى وشندى .......المهم فى الامر ارجو منك ان تعفو عنه .
اليومين ديل شايف الجماعة مسجلين غياب واظنو كاس العالم اثر على المنتدى..ومعليش نسينا ما حمدنا ليك السلامة والى لقاء انشاء الله

koollooo khair in shaa allah
computer troubles on top of aldonia
back in arabic soon in shaa allah
salam

العزيز عصملي وخلدي...
ابدا وحاتك يا مبارك ما زعلان..لكن مافيش احلي من الوضوح....
اكتر ما اضحكني في كل المداخلات كلمة.. كاجن.. الله يجازي محنك يا رشدي دي نكتها من وين...
محبتي
عبدوس

كاجن،،، يعنى شنو،،،؟؟؟اعلم يا ابا ابا يزن انو الحقيبة السودانية فيها جمله شهيرة وهى
عشقتو شادن
بركة الما قالو كاجن!!(أظن)
لك التحية مما جيت ما لقينا فرقة مع كمبيوترات مشكلات حتى للسلام
ولنا طلب ،،،لى عابر الزين العزيز،،انا قلت اقولو ليك واعلم انو إن شاء الله حيبهج كتار من عشّاق سودانلاين
فى لحظات بحث لقيت مجموعة رائعة من صور بواخر سودنلاين فى فيس بوك
وصاحب الفضل فى تنزيلها هو القبطان عابر
انا غلبنى اجيبها هنا ،،،فما انا من جيل فيس بوك
عابر ان كان يسمعنى فبها وان لم يكن ..........
يقينا هو قبل كده نزّل رابط لكن لسبب ما ما ظهر
ونواصل إن شاء الله

الاخ خالد
هاهى الصور وجدتها فى الفيس بوك فى الويب سايد بتاع سودانلاين وقام يتنزيلها عابر الزين وهو اكثر الناس بل الوحيد المساهم فى موقع سودانلاين ززتحياتنا ليهو
https://2img.net/r/ihimizer/img208/6725/n7110997822430136436975.jpg

هاهى الباخرة الاخرى
https://2img.net/r/ihimizer/img688/1988/44541051458697827110997.jpg

والاخيرة
https://2img.net/r/ihimizer/img59/797/n7110997822430133508584.jpg

https://www.facebook.com/group.php?gid=50642746234&v=photos

هاكم ليها كلها مرة واحدة

العزيز... الحبيب عصملي والاخ الذي احبه مثل حبي لعابر .. خالد..
الشكر لك مبارك وفرت علي الاتصال.. وكنت انوي ان اتصل واسال عن ولي العهد - لي يوم الليله ما بعرف اقول اسمو- وبعدين اتطرق لحكاية الصور..لكن عارف ..عابر حيقول لي اها عشان كدة اتصلته يا بابا..
عابر يعشق البحر والخطوط البحرية بصفة خاصه منذ نعومة اظفاره..عشق يجري في دمائه ورغم نجاحه في مجاله ونجاحه ان يكون ربانا وهو في سن صغيره-متفوقا علي ابيه- الا انه يعتقد بان احب واحلي واخر امنية له في الوجود هي ان يكون ربانا لاحد قطع اسطول الخطوط البحرية السودانية.. او.. سودان لاين..انه عاشق سودان لاين..الاول..واول من افرد لها مكنا في الفيس بوك..بل حتي في قوقل..

عابر
.. لا زال يتمني - وانا اقدر ذلك لاني اعرف ما يدور بخلده...ان يقود سفينة سودانية ليوم واحد ..هذه امنية احب اليه من ان يقود كل اساطيل الدنيا..ولكن
ما كل ما يتمني المرؤ يدركه..يشعر وانا اقدر ذلك انني السبب..وتلك رواية اخري..
عابر اسمه جاء تعبيرا وفرحة لاول باخرة سودانيه كان اسمها - شندي-.. وهي تعبر القنال شمالا في عام....
خلوها مستوره...لو امكن الجهر..
كتير من اعمامنا يتذكرون سماية عابر...

شكرا خالد شكرا عصملي
لي عودة..اشوف حكاية ود بانقا القبه دي

واحدة تخينة شديد ماقادرين يوزنوها عشان الميزان كل مرة ينكسر جابوا احدث ميزان , بعد ما طلعت على الميزان الميزان اطلع ورقة مكتوب عليها " لو سمحتوا يا جماعة واحد واحد بالدور"