شخبط شخابيط لخبط لخابيط..غايتو جنس غايتو

العزيز القبطان الجمل...وانت الصادق اغلب الذكريات حلوها ومرها طواها هذا الزهايمر الا من رحم ربي....
اللوم والتقريع- يا صديقي- مطلوب دايما حتي تتعلم الاجيال لانك ان وبخت انسانا كريما يتوق ان يتعلم فسوف يتذكر لومك له علي مدي الزمان ويضعه نبراسا يضئ له الطريق ويجنبه تكرار الخطا مرة اخري وكان هذا هو القصد...
قاطرات انتويرب -خارج الميناء - يا عزيزي محمد لا زالت وستظل تشكل- مافيا- علي طول النهر ولا زال وسيظل بعض القباطنه والضباط يكتوون ويقعون في الخطا رغم سهولة الاتصال هذه الايام بالمشرفين علي اليابسه ... مثال لذلك انت لا زلت تتذكر الواقعه بعد عقدين الزمان واكيد لو كنت ربانا لاحدي بواخرنافي التسعينيات والتي خدع ربانها من
ناس القاطره لوفرت للخطوط البحريه مبلغا لا يقل علي المليون دولار ..والسبب غشه استلام حبل وتوقيع صغير....

اهي خربشات وذكريات ونواصل انته بس ابدا..
ولك التحيه والتقدير ابدا...

العزيز عصملي..وينك يا راجل.. اخر مره شفنا طلتك دخلنا توش قلنا نستمتع لقينك خاتي لينا .. رمضان كريم..حتي من دون تعليق

نعم رمضان كريم لكن اتبع البيان بالعمل وخليك كريم مع من ينتظرون اسهاماتك بفارغ الصبر....
ورمضان كريم...باقي عشرين يوم..والله اعلم
اما بخصوص علويه والله كل يوم افكر نجيب الدايه لكن قلة الرواد والمتصفحين تخلي الواحد ما نشيط...الليه طريت العزيز خالد عسي بجي ناطي...علي فكره وين هو....
معزتي واحترامي لا تحده حدود..
عبدوس

حكاوي الذكريات ونوادرها مرات الواحد يخجل من ذكرها لانو ممكن واحد يقول عليك بالله شوف البليد ده .لكن برضو مها يحدث فكل ذكريات البحر والبحارة من المواد الدسمة التي لا تمل لانها غير عادية وفيها الكثير المثير الخطر يعني ما من نوع (ترديدها بيألم) بعدين الناس كانت صغار (كتاكيت) لكن في ناس جونا كبار بعد ما كملوا الجامعة وبصلعهم ونحنا كنا صغااااااااااااار ؟ مش يا عبدالرحمن "
..........المشكلة البداية عشان كده انا اقترح علي الادمنيين 2 فتح بوست باسم حكاوي الذكريات بالذال وليس الزال وواحد يبدا والناس تكمل
بعدين اين الجنيدابي الرائع والسؤال لخالد ؟ وكذلك اخونا الرشيد اما اخونا عوض الله مابظهر نهائي الا لتعزية والله قبل يومين قاعد اكتب فجاءة ظهر اسم عوض الله والله وقفت الكتابة وقلت يا رب تستر وفضلت منتظر بعد شوية اسمو طش قلت الحمد لله وواصلت الموضوع ...........لك الود عزيزنا عوض الله وتصوم وتفطر علي خير

الأحباب الأعزاء .... لكم وحشة لا توصف .....غيّبنى عنكم الشديد القوى ... زحمة فى الشغل لا توصف , ذلك أن معظم الزملاء الذين كنت أشيل معهم الشبلة هم فى إجازة هروبا من هذا الصيف الهارى كما السم ولكنى أحرص دوما على متابعة المنتدى من داخل البطانية ....
أشارك اليوم رغم الزحمة , ذلك أن حبيبنا الجمل قد أورد إسمى بأننى ماكنت اريّحه بعد مساجلاته مع كابتن عبد الرحمن فى الباخرة دنقلا الموءودة فى عزّ شبابها... إلى هنا والأمر عادى ولكنه قال :- ( ناس الرشيد وشبك كانوا مابريّحوا ....... ) .... اى أنه اورد إسمى ليس مع شبك فقط بل قبله .......... سامحك الله حبيبنا الجمل ...
ويا شماتة عمو عبدوس فىّ .... لكم الود احبتى وإلى إنقطاع جديد ....

الرشيد شمس الدين

حبيب الكل الرشيد اول حاجه انا استحق الجائزة الكبري كوني جرجرتك لي جوه والله كل الناس ساعلا عنك وفاقده روعة كتاباتك " طبعا انت ما محتاج اني اوضح لانك فاهم قصدي وما احلاها ايام
وبالمناسبة دي بالله واصل واحكي لأنك لما تحكيها بتحكيها بأمانة كيف بدت وكيف انتهت واتبددت قبال اوانها
ويا عبدوس ما عاوزين شماتة المرة دي ..تحياتي واحترامي للجميع ورمضان كريم

والله يا الجمل طلبك غالي وانت الاغلي لانه فرصه زي دي ما بلنقاها تاني لكن عشان خاطرك نفوت وبيني وبينك انا ما صدقته دخول رشدي....وما حبيت اقرا مداخلته قلته اخليها لمن اقرا كل المداخلات واجي احلي بيها وارد عليها..شفته حرمتني من شنو..وبمناسبه احلي بيها وذكريات الاخوه حمدان ونميري..حكي لي النمر- كما كان يسميه الراحل الخالد كابتن قاسم..حكي نميري انهم ايام الطلبه كان يجلس مع حمدان والذي كان يتناول وجبته الوحيده في مطعم الطلبه برييكا..حمدان ياكل من صحن به دمعة وبه قطعة لحم واحدة لا غير راي ان يتركها للاخر..وكان يحوم حولها بقطع الخبز حتي جفف الدمعة تماما واعد نفسه ليلتهم قطعة اللحم كخاتمة المطاف فاذا بنميري ينقض عليهاويخطفها
ويلتهمها بسرعة الصقر...تاركا حمدان فاغرا فمه في بلاهه عاجزا عن النطق ...وحسب رواية نميري انه شاهد دمعات عزيزه تبلل خدود حمدان..
التحيه لهما من علي البعد..
ويا رشدي دي فوتناها ليك المره دي استجابة لمناشدة الاخ الجمل..قال ايه رشدي وشبك... ابقي مارق..
عبدوس

إستــــــــــــــــراحة مسافر
حالة من الفرفرة ومحاولة جادة لحضور العيد فى الخرطوم إن شاء الله
نعتذر عن الغياب ونسعد بالحضور الجميل وممنونيــن لكل من سأل عنا
وتخريمة دقّت لى فى راسى حسه
كنا لما نسافر من الخرطوم لى بورسودان
كان البص بيقيف فى (الخيارى!!!) تلك كانت استراحة مسافر حقيقية كان فيها أسوأ كبدة ممكن تاكلها
ياخى دى ذكريات قديمة يبدو ان للزهايمر دقسات
احببنا ان ندخل اليوم من هذا البوست العزيز لصاحبه الاعز ونواصل ان شاء الله

mhmdaljamal كتب: حبيب الكل الرشيد اول حاجه انا استحق الجائزة الكبري كوني جرجرتك لي جوه .
وبالمناسبة دي بالله واصل واحكي لأنك لما تحكيها بتحكيها بأمانة كيف بدت وكيف انتهت واتبددت قبال اوانها
ويا عبدوس ما عاوزين شماتة المرة دي ..تحياتي واحترامي للجميع ورمضان كريم

من ناحية تستاهل الجائزة اكيد تستاهلا ياسيدى كونك رجعت الحبيب رشدى للمداخلات بعد غيبه ليست بالقصيرة.
وعن ماضى الذكريات وكيف بدت وكيف انتهت وحلت الاهات مكانا للشاعر الجيلى محمد صالح فهو كذلك كان كثير الترحال والسفر بس مابحر ! سكه حدييييد , وكان فى لقاء معه فى احدى الصحف قال انو تزوج تسعه مرات من دارفور و جبال النوبة وكردفان والجزيرة والشمالية وبورتسودان وجوبا وكتب ماضى الذكريات فى عاشره لم يتزوجها لانها تزوجت غيره ،
وايه رايك ؟ المره دى اتخيل لى عايزين شماتة !!!!!!
رمضان كريم و دام التواصل
عاطف عكود

علي الطلاق يا عاطف شاعرك الجيلي ده ارجل منو مافي..عرس تسعه ولسه في القلب متسع لحب جديد ومعاها كمان بكي ومخاخيت..يمين ده قلب مصفح.عفيت منو تب.
رشدي طبعا حرقو شديد كلام اخينا الجمل وشهد شاهد من اهله وانا بره...
شنو يا عاطف مشتاقين نعرف ما دار في لمة نادي الزوارق والا نرجي الفطر...علي فكره انته رجعته والا لا زلت...بعدين اخبار صالح شنو سالت رشدي طنشني...
شفته ود ابرق دخل امبارح بسرعه وفي- خمشه- ثواني رشانا بي كم بوست واختفي...
شايف ما شاء الله رواد لا يستهان بهم اتمني ان يثروا هذا المنتدي وياالف مرحب بيهم ان شاء الله يشرفونا دايما.. ما يشربوا قهوة العزيز ود راشد ويكبو الزوغة
معزتي
عبد الرحمن

تحية وشوق والله نبعثها لكم من صيف ساخن بلغ درجة 57 مع رمضان والله يعظم الاجر
مرة مرة الواحد يدخل على عجل وكمان بنقرا بعين واحدة والتانية نايمة غايتو جنس غايتو الله يعدى باقى ال 17 يوم الباقيات
على العموم مستمتعين بالمداخلات الظريفة ..ابقو داخلين
والى اللقاء

اولا اطيب الاماني للاخ كركب ورمضان كريم شكلك مستعجل لنهاية رمضان اكيد الجو الساخن 57 درجة كتيرة شديد وربنا يصبركم ذكرتني قصة الفلاتي قال والله رمضان دا حقو يمطو يخلو اربعة شهور في السنة .......الخ المهم صبرا ال كركب ده كلو اجر وعافية وعتق من النار
حبيبنا الغالي ود عكود يعني رشدي البرتكانه كما يسميه حبيبو عبدالرحمن ليه متقل عليكم كده وعافص ليكم لمن زيتكم طلع والله حرام عليك يا برتكانه ارحم الخاق وانشاءالله مس كول يا خلف الله
بعدين يا عاطف الشماتة حتكون صعبة شوية لانو الشامت اعتذر والمشموت عليه مطنش

عبد الرحمن الزين كتب:
شنو يا عاطف مشتاقين نعرف ما دار في لمة نادي الزوارق والا نرجي الفطر...علي فكره انته رجعته والا

عبد الرحمن

كيفك عبدوس واين علو لو لوات واتباعها؟
السؤال اعلاه انا معاك لازلنا فى انتظار الاجابة ،، الا كان الاجتماع كان فيهو مفطرات!! يانا الانتظرنا العيد
اما نص السؤال التانى فعندى الاجابة ،،عاطف رجع تماما قطر وعادت دوامة الحياة تدور
لك الف ود وله
وسؤال اضافة لى سؤالك ،،
ليه الزوارق،،؟؟ حصل شنو للاسكلا ؟؟ مجرد فضول

عبد الرحمن الزين كتب:
علي الطلاق يا عاطف شاعرك الجيلي ده ارجل منو مافي..عرس تسعه ولسه في القلب متسع لحب جديد ومعاها كمان بكي ومخاخيت..يمين ده قلب مصفح.عفيت منو تب.

قبييييل قلت ليكم سكه حدييييييييييييييييييييييييييد!مصفح
مش كده وبس , وكمان له عشرات الدواوين والمزامير وكم وتلاتين اغنيه الذكريات احداها, و ما شاء الله

شنو يا عاطف مشتاقين نعرف ما دار في لمة نادي الزوارق والا نرجي الفطر...علي فكره انته رجعته والا لا زلت...

على فكره انا كمان مشتاق اعرف ناس الخرطوم عملوا شنوا مع الاخوان بنادى الزوارق لانو فى تلك الجلسه تم تكليف الاخوان عبدالعظيم حسب الرسول واحمد محمد احمد وخالد الجنيد واسامه مكى للاجتماع مع الاخوان بادارة نادى الزوارق لمناقشة التفاصيل فيما يختص بوضع عضويتنا فى النادى والفكرة العامه هى ايجاد مقر دائم لنا وبشكل يومى للاخوان المستقرين هناك ومن هم فى اجازات بارض الوطن والوصول لفوايد متبادله ( لنا وللاخوه بنادى النيل الازرق للزوارق ) وحاجات من هذا القبيل , والاسكله تكون لاى لمه كبيره مره مره يعنى.
على العموم كانت لمه حلوة مع كوكبه طيبه من الاخوان وكان ظاهر عليها تواصل الاجيال فضمت مجموعتين .... مجموعه عجايز..... ومجموعه ما قبل العجايز ...
فالكل كان ممن يقراؤن بالركبه (اول ما الواحد موبيلو يضرب تلقاهو مده يدو طويله لى ركبتو عشان يقرا الضارب منو)
وكمان الشى التانى لما مرت عليهم ورقه لتسجيل الاسماء وارقام التلفونات فعلا تم ذلك ولكن تلقى رقمين تلاته فوق بعض , او تلاته ارقام فى سطر واربعه فى سطر تانى طبعا انا نفسى ماعرفته الحكايه دى الا تانى يوم على ضوء النهار .....
وحتى التوثيق بالصور كان فيه لعامل السن تاثير وما تصوير ودكرار ببعيد (بعد اذن ودالاستاذ وعشان نبسط اخونا الجمل بتعبير .....ببعيد ....لانو التعبير دا عاجبو شديد)

اخبار صالح شنو سالت رشدي طنشني...

صالح فى الخرطوم واخونا رشدى مطنش الجميع فله التحيه

معزتي
عبد الرحمن

العزيز عبدالرحمن شكرا على السؤال ياسيدى وذى ماقال خالد رجعته الدوحه قبل رمضان ورجع الجرى القديم وكمان تغير البرنامج فى رمضان من فطور وتراويح واجتماعيات هو السبب فى قله المداخلات وان كنت بدخل يوميا لكن دخول على وزن تتش موف.
فلكم الود الوف ودام التواصل
عاطف عكود

عاطف العزيز...
والله رديت فاوفيت وكفيت بوركت واعانك الله ابدا...
اكثر ما اضحكني واسعدني سماعه تعبيرك

فالكل كان ممن يقراؤن بالركبه

دي قلبته فيها هوبه وهذا التعبير ما في ادق منهو وصفا لحالة بعض الاخوان...انا بره..
ويبدو انو كلمة
الركبه ستلازمنا كثيرا قي هذا المنتدي بس الحقوق الاصليه ما معروفه لمين ليك.. والا الجمل والا.. سيد الركبه الاصلي العزيز ود كرار..علي فكره يا امجد دي ما نفس الصوره الكنته خاتيها ليك في ذهني..غايتو نحاول نعمل كوبي بيست..
معزتي
عبد الرحمن

العزيز عبدوس....

طبعا اكيد انت ما من ناس الركب , انت من ناس اوزون على قول ماسوره, والله ليك وحشه ورمضان عامل عمايله, اما بخصوص الصوره الواحد ذى الحربويه كل شهر احنا بشكل.

وينكم يا ناس الشخبطة واللخبطة سلام كتير
شايف الحركة همدت والعنوان وصل قريب اخر الشريط قلنا نرفعوا لفوق شوية .......

.زولة.
كما النورس تجي
تنزل شواطئ الالفة الزمن الشفيف
وانا زي مكتف في الرصيف
مربوط على حبل السفن..
في الظلمة والليل المخيف
بتجيني تدخلني وتقيف

* * *

شرشرت تيبان السكات..
على أرض رويانة وخريف
زولة ..
.. بتعرف تدخلك ...
.. وتقفلك ... وتغفلك
تقعد على ناصية هواك ..
.. وتشغلك
وانت بتحنس غمامة..
كي تجعلك مطرة ودعاش
طاير تحلق..
في السماء وارضك فراش
هذا الفراش..
بيطير على نضرة رحيقا وخُضرتا
... ومحبتا .... ومحنتا
أو ضحكتا و سخريتا وتقعد تهضرب...
ياولد من همتا
ولو تسألك وتحلفك في ذمتك أو ذمتا
والي متى .... هذا الجنون الى متى ؟؟
كل التفاصيل لمتا..!
هذه البنية قد أتت.. وأنت ذاتك كالورق
كيف تنجو انت.. من ذاك الغرق
من ذكرياتك تنجو وين ؟؟؟
وين مهربك ؟؟ من دفترك ؟؟
من مصدرك ؟؟ من مظهرك ؟؟
من جوهرك ؟؟؟
من حرقة الجوف والعرق
هذه البنية ..
تفتح الروح ضلفتين
وعلى ضفتين...
في نهر احزان الزمن تقعد تلوح باليدين
زولة..
تخشك ..... و تمرقك ..... عادي
ما بتقفل الباب من وراها ..
.. بل تساسق بين شفقتك وحرقتك
... ما بتأذنك
ما روحا نفاج غربتك
هذه البنية الساكنة أسرار فكرتك
هي الشايلة حسك وسترتك
زولة ..
.. كما النورس تجي
تنزل شواطئ الالفة الزمن الشفيف..



جمال حسن سعيد

الاعزاء جميعا جميعا نفر نفر..
اولا احر التعازي لكل من فقد قريبا او حبيبا اسكنهم الله فسيح جناته راجيا من تعالي ان يلهمنا جميعا الصبر وحسن العزاء......الف كفاره لمن داهمهم المرض وان شاء الله اجر وعافيه..مش يا رشدي...
اصدق التهاني للزيجات المباركه والعيد السعيد جعل الله ايامنا كلها افراحا واعيادا..
طال الشوق اليكم جميعا وما منعني الا الشديد القوي..وصدقوني ورغم محاولاتي المتعددة الا انني لم استطع الدخول الا ان استعنت ب صديق...... فله الشكر وربنا ما يحرمنا منك يا خلدي..
لي عوده وبالتفصيل الممل فقط اردت ان اقول نحن هنا وربنا ما يحرمنا من بعض
عبدوس

سلامات وحمد لله على السلامه وماتشوف شديد ولا قوى مره تانيه...

العزيز عبدوس..والله فقدناك لكن مره مره بتظهر فى حكاوى السودان, عشان كده اطمئنينا عليك.

حكاية الرقم 2 دى شنو ولا من بدرى وانا اول مره الحظها.

لك الود اتنين وتلاته.

اولا حمدا لله علي السلامة ...والله وحشتنا كتاباتك
اهلنا الكبار زمان قالو الماعندو كبير اشتري كبير ودي دلالة كبيرة علي اهمية الكبير في وجود الصغار حتي لو كان الفرق بين الكبير والكبير التالي يوم واحد والا كان قالوا كبيرين بغرقوا المركب لانو الكبير كبير فهنيئا لك يا صديقي هذه المكانه الكبيره ومرحبتين حبابك
زولة خالد قمة الروعة وهي من اشعار الماقادر اصدق انو شاعر جمال محمد سعيد
جد حلوه

حمدالله على السلامه كبتانو وليك وحشه , سفرك طال شى فى اوربا وشى السودان , الخرطوم فودبانقا ثم الامارات و و و ونحن فى انتظار الكتير بعد كل هذا الترحال بس نديك فرصه تجم وتاخد نفس , وتانى حمدالله على السلامه .
ودام التواصل
عاطف عكود

حمد الله على السلامة ياكبير وانشاء الله ما يطول الغياب فى المرات القادمة
وياخى انا محتار انت لامن تسافر اى بلد مالك ما بتدخل موش معاك لابتوب ولا الا ترجع مطرحك .. ذى ماتكون كاتب الباسورد بتاعك فى الحيطة .....ههههه

حبيبنا الغالى محمد الجمل بالمناسبه انا من اشد المعجبين بالفنان الشامل الاستاذ جمال حسن سعيد وهو شاعر متفرد بكل ماتحمل الكلمه من معانى فكل قصيده عندو تجد فيها الجديد من ناحية الكلمه والموضوع والدليل على ذلك من بداياته الشعريه قصيدة ادم وحواء كتبها وهو طالب فى التانوى وتغنى بها الرائع الجابرى , الى قصيدة أظنك عرفتى للراحل الاستاذ مصطفى سيداحمد, وقصيدة تعرف يامافي ومالي الفجة ,وقصيدة يا ضلى .. يا المولود منى ومن الشمس , وقصيدة اتهجس مني اتوجس , وقصيده زوله , وقصيدة مطلعها بيقول انا مالى بقيت نفرين واحد ضدى والتانى معاى.
غلى العموم يا سيدى انا حا اديك بعض ما كتب وانا كلى يقين بانك حاتفوتنى فى الاعجاب بابداعو وتجليه فى اختيار الموضوع ونظم الكلمات لانى عارف انك راجل ذواااااق بى القاف .
ودام التواصل
عاطف عكود

الاعزاء عصملي..ود كرار..ودعكود..الجمل وكل من سال عن شخصي وافتقدني في غيبتي...ان شاء الله يوم شكركم ما يجي..
العزيز عصملي..ضحكتني لكن..المشكله كانت اني ما قادر اخش وكما لاحظ العزيز ود كرار دخلنا مؤخرا بعون الله ومساعدة خلدي بعبد الرحمن 2
..ما علينا وزي ما بقول حماده ابني ..شوقنا بحر ودمعونا مطر..
لا ادري من اين ابدا ولكن في حاجات لازم اسردها
ورغم ان الرحله او الاجازه كانت حلوه وممتعه لابعد الحدود ولكن اكثر ما المني فيها انني لم اسعد بلقاء العزيز خالد عبد الحميد رغم محاولاتي ومحاولاته المتعدده لكن الخرطوم -كما تعلمون- هي المدينه التي تخرج فيها من دارك مبكرا وتعود اخر الليل وتكون سعيدا لوظفرت من الغنيمة و عدت سالما ظافرا بالاياب ولو حققت مشوار واحد فقطعا انت في مدينة غير الخرطوم


...ساحدثكم بي رواقه عن الحركه والسواقه والطرق السريعه-قال- وشرطة المرور وهذه تحتاج لمجلد..الماء وتلك الرائحه الكريهه التي تنبعث منها دعك من اللون..الشهاده لله الكهرباء لم تقطع الا تلات مرات.لكن الجو جار ويبدو انهم استغنو عن الخريف والشتاء وطبعا الربيع لم يكن له وجوداصلا ..اما الغلاء فحدث ولا حرج..اسعدني ان قابلت رشدي البرتكانه ولو لي لحظات...وفي الشارقه قابلت عليوه وود المختار..قطعت الكبري مرتين ولم اتشرف بلقاء اسامه..زرت محمد صالح وحالت البكيات الكتيره واعتكافه بالمقابر من لقائه مرة اخري ..ما اطول عليكم اكتفي بهذا وساعود ..كدي النحصل لينا فنجان عن اولاد راشد وبجيكم صادي
عبدوس

قابلته - رشدي البرتكانه - يا سادتي- علي قول الطيب صالح او بالاصح - سعدت بلقاء رشدي ويشهد الله كم تعبت لاحقق هذا الحلم..جندت كل اصدقائي... واعانني القبطان احمد محمد احمد وتوفيق وبطه والنوراني ومحمد صالح مشكورين واستعتنت بالصديق سيف حبة فوضي لاصل لمكتب العزيز الفاتح قريب وصديق رشدي وتشرفته بلقائه والتعرف عليه.. واخيرا جاء رشدي .. قابلته رشدي البرتكانه...حضنتته اصالة- ياا لجمل- عن نفسي واسرتي وكل سنين الشوق والعرفان وعنكم جميعا..
لم اقل له شكرا انك اسعدتني وشرفتني وسمحت لي لي ان التقيك ولكن عندما ودعته ونحن نضحك لاحظ الاخ سيف - حبة فوضي- ان دمعة انسابت من مقلتي من غير ارادتي...قال لي لو كنت اعرف كم انت متلهف للقاء الرشيد لطلبت من الفاتح ان ياتي به اليك..
عرفت مؤخرا ان سيف والفاتح اصدقاء..
ما علينا
ساوصل واهريكم كما وعدت
عبدوس

شوية شخبطات ليست بالقاطعة لذكريات الكبير، لكن ابتسامات عابرة منقولة

------------------------------------------------------------
أليكم هذه الأجابات لأمتحان لأحد الطلاب

:::::::::: شي خيالي :::::::::


ماذا تعرف عن أشهر القادة العسكريين في الحرب العالمية الأولى؟

ـ كلـــهم ماتوا



*إذا أعطاك احد برتقــالة فماذا تقــول له؟

ـ أقول له قشرها او جزاك الله خير



*ماذا فعل الرومانيون بعد عبورهم البحـــر المتوســـط؟

ـ جففــوا ملابســــهم




*أيهما أبعد استراليـا أم القمـر ولمــاذا؟

استراليــا لأننا نشــوف القمــر بس ما نشــوف استراليــــا
*' علي بابا ' هل هــو مذكــر او مـــؤنث؟

ـ مذكــــــر طبعا لأنه لو كان مـــؤنث قلنــا ' علي ماما



*عـــــرف كــلا مـن : الفيـزياء ... الكيميــــاء؟

ـ الفيزيا ء : مركـــز الثقـــل في الـــرسوب
أما الكيمياء : فهـي درس عديــم اللـــون والطعـــم والرائحة قلـيل الذوبـان فـي الدمــاغ




*خـمسـة بنطلونات + خـمسـة قمصــان + أربعة أحذية = فما النتيجة؟

ـ خـمسـة رجـال فيهم واحـد حـافي



*اذكـــر ثلاثــــة أنواع من السمـــك؟

ـ سمك مقلي , سمك مشوي , سمك مملح



*أعط مثـالا للأشيـــــاء التي لا تــذوب في المـــاء؟

السمـــك -



*ادخــل كلمـــة ' دام ' في جملـة مفيـدة؟

ـ ذهبت 'المــدام ' إلى الســـوق



*سرق لصــــان عشـــرين ريالاً فمــا نصـيب كــل واحـد منهما؟

ـ تقطـع أيديهما




*حــول عبارة ' تذهـب أمي الى الســوق ' الى صيغة المــاضي ؟

ـ تذهـب جـدتي إلى الســوق