كابتن ود ادريس الف مرحباٌ فى صالونك العامر

اعادة ترحيب بالفاتح ،،،،، وتشغيل البوست ده حاجة كده زى المديدة الحااارة
واصلا البوست مفتوح باسم الفاتح،،، ولا ما كده
التخريمه::
قلت لى البرتغال فيها مجانين!!

العزيز خالد والله مشتاقين كتير انشاء الله انته كويس.
سلام للحبيب الدربكين.
وصلنا برشلونه بالباخره النيل الابيض ولانه الكابتن كانت معاهو زوجته ( العهد الاموى) مشيت لوحدى لمكتب الوكيل قابلتنى السكرتيره سونيا وبدون مقدمات سألتنى صحى انته عندك أيدز قلته ليها لا وطبعاً بقيت فى حاله عجيبه رجعته الباخره قلته اسأل الكابتن وهو برضه استغرب وقال لى ده كلام عجيب. وبالمناسبه كباتن سودان لاين بعرفو أى حاجه واذا سألته واحد فيهم عن أى حاجه وقال ليك ما عارف تأكد انه وراها.

العزيز ابومحمد...

وين الغيبه...وبمناسبة الايدز هاك النكته ده...

قالو فى ثعبان عض ليه واحد,فصاحبك العاضى الثعبان مات من الضحك...الجماعه قالو الراجل جنا..فلمن سالوهو...قال ليهم الثعبان راح فيها ...لانو عنى أيدز.

وسلام لسونيا..وهروبها المدبر من فك الاسد

غايتو يا خالد والله إكتشفت إنك خطير بشكل ... يعنى واضح إنه الحجة كانت ( مطابقة فى الإسم ..ما حقيقية ) ...يعنى إصريت على ماسورة مرة ( أمانة البرتقالى ما لون جميل ) ومرة ( البرتقال فيها مجانين ؟ ) وصاحبك أصلو متحيل وعلى الهبشة قام فتح على طول .... غايتو يا عبدوس نحن فى إنتظار ( بلة ) وهو يبدو إنه مثل ( غودو ) الذى يأتى ولا يأتى ....

الرشيد شمس الدين

وصل العزيز ابو الكباتن الخرطوم ولم يتصل كالعاده سمعته الخبر من صديقه مصطفى حسب الرسول ومصطفى حيسافر اليوم عشان اقابلك ومعاهو كل المستندات.

فى دى يا عبدوس أشهد إنك غلطان ...كل الأمة تجتمع لكى تحنس ماسورة وبعدين تصل الخرطوم وماتتصل بيهو ... وطبعا فاعلين الخير كتار وصلوا ليهو كل شىء وبالتفاصيل المملة ...غايتو نحن بعد دا صعب نتوسط وما أظن
( توحة حبيبى ) بتقدر تجلك من اللسان المتبرى منه .... غايتو ( إبو جلمبو ذنبه على جنبو ) ... بركاتك يا عليوة تلحقنا وتنجد عبدوس ...لكم الود وليدم مابيننا ...

الرشيد شمس الدين

يا الرشيد الاخ اسحق رسل لى كشف الديون ووعدنى ب30% ايه رايك

الفاتح