دار الأسرة البحرية السودانية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كابتن ود ادريس الف مرحباٌ فى صالونك العامر

+2
عبد الرحمن الزين
ود كرار
6 مشترك

صفحة 1 من اصل 2 1, 2  الصفحة التالية

اذهب الى الأسفل

كابتن ود ادريس  الف مرحباٌ فى صالونك العامر Empty كابتن ود ادريس الف مرحباٌ فى صالونك العامر

مُساهمة من طرف ود كرار الثلاثاء 11 نوفمبر 2008, 00:22

الحبيب الفاتح....

رحلتو بعيد نسيتو الريد والحنان ..والالفه الجميله والسعد الكان....

ولكن تبقى الايام الحلوة والذكرى الجميله من زمن سعودى هفوف...

والله منتظرين من زمن الطله البهيه التى تنثر البهجة فى قلوب كل من يجالس شخصك الكريم...طبعا الكلام ده من القلب ومامسح سير ولا كسير ثلج...

الف مرحب بيك فى منتداك...

لك الود
ود كرار
ود كرار


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف عبد الرحمن الزين الثلاثاء 11 نوفمبر 2008, 03:38

غايتو اخر الزمن ما دام ابوما بقي ريئس اميركا شنو المانع نكسر ليك تلج يا توحه
والله ليك وحشه يا فاتح ومتابع اخبارك ولمن مشيت بورتسودان كان احلي امنياتي اشوفك ولكن علمت من حسن رستم انك بالخليج وسعدت عندما عرفته انك كنت مع رشدي البرتكانه بس عاوز اقول ليك يا توحه- حلوه توحه دي - الجماعه ديل ما يدرقوك بالذات رشدي واوي والنتو وما تنسي نحنا دافننو سوا
حبي لك بلا حدود واشتاقك راخو اللي اخته بوشو

عبد الرحمن الزين


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الفاتح محمد ادريس الثلاثاء 11 نوفمبر 2008, 14:13

شكرا عزيزى ود كرار والله مشتاقين شديد وسلامى للأخ حاتم ابوالقاسم .
عزيزى عبدالحمن فعلا دافننو سوا وفى أخر موره قلته للرشيد زمان كنا بنخاف لأنه أى
لجنه ترقيات رثيسه عبدالرحمن لكن حسه حبيبى ابوالكباتن مافى ترقيات يعنى حقو نتحف
الأحباء بأدب الموانى فحكايه ادب البحر والشعر دى انا ضعيف فيها وانته عارف انا ذى اخونا ماجداب مابعرف كتير فى الثيورى (4) . أيه رأـيك لو نبدأ انا جاهز وعندى مواضيع
والله تملاء 10 منتديات وكلها عنك وعنى وأخونا السر بكرى.

الفاتح محمد ادريس


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف عبد الرحمن الزين الثلاثاء 11 نوفمبر 2008, 15:26

والله يا فاتح لمن عرفته من رشدي انكم اتقابلتو وكمان اتغديتو شلته هم جد جد وعارف لسانك خفيف وزي ما قلته ما في حاجه تخليك تخاف مني- يعني الود كان زمان بخاف- انته اخدته بوشي وبقيت حتي تطمئن اصحابك وترش البحاره زي ما عاوز لانك خاتي القبطان في جيبك- ياليت ذاك الزمن الحلو يعود يا توحه-
اكثر ما يضحكني عندما تامر معك السر بكري في فالنسيا وقال ليك ما ننتظر الكابتن لانو باخرنا وحلك لمن يقعدمع الوكيل والنتو تكون الجوامع قفلت ورغم انه انته قلبلك ما كان مطاوعك لكن طلعت مع السر وخليتوني وعلي بال ما تلقوا تاكسي رحت انا شلته الورق من الوكيل واديتو النتو وبي عربية الوكيل واقرب جامع وشايفكم واقفين في البوابه راجين التاكسي ولن انسي منظرك وانته داخل لقيتني قاعد ورحت شاخط في السر
ماقلته ليك يا السر
bounce

عبد الرحمن الزين


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الفاتح محمد ادريس الثلاثاء 11 نوفمبر 2008, 18:22

اهو كده يادوب ده عبودى الأنا بعرفه ضليع فى ادب الموانى ماقلته ليك يا الرشيد بس
هبشته طوالى فتح ده ذولى ودنىء ذى وبالله ماتزعجوهو بلشعر والكلام الغير مفيد.
ايه رأيك يا عبودى فى المره الجايه احكى ليهم حكايه الحفله الاقيمت على شرفك فى الحلفايا و انتهت بالرصاص. لامن كتلته العوينات لجماعه اهل الدار.

الفاتح محمد ادريس


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الرشيد شمس الدين عبدالله الثلاثاء 11 نوفمبر 2008, 21:43

يا أبدوس , نحن قبيل شن قلنا ؟ ويا خالد دا كلو منك والله , هسع يحلنا الحلا عوض بلة .... ياماسورة الله يجازيك جاى داخل ضفارى طوالى ... ياخى لو عندنا باقى معزة عندك ( حبة ..حبة على يا علام ) ...المشكلة يا عبدوس والله فى الشارقة أنا وعلى النور نحنس فى ماسورة تحنيس ما حصل , قام فى الأخر قال :- ( غايتو أنا والله حأجتهد فى تعلم الكتابة بالعربى , وإذا إتعلمت ما فى حهة حتوقفنى ... العندو ترقية لى بعد دا أتحداهو اليوقفها ) ..دا يا عبدوس تافه ولا يتورع أنا عارفه ...قال ماجداب 4 وما بتاع ثيورى ( ما أخدش منك غير الكلام ) ...
اللهم إنا لا نسألك رد القضاء ولكن نسألك اللطف فيه يا رب ...

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الفاتح محمد ادريس الثلاثاء 11 نوفمبر 2008, 23:42

برضه يا الرشيد مازال عبدوس كبيرنا وله الفضل فى تعليمى اشياء كتيره وانا فى انتظار
موافقته.لكن لورفض حأحكى حكايه شويه اخفه بدون موافقته لمن عربات بوليس الحركه الكانت مطارضانه فى بورتسودان لاكثر من ساعتين لأنه عبدوس سرق عربه المقدم حركه محمد عابدين والله عربيه جديده المسكين جابه من الخرطوم وماركبه.

الفاتح محمد ادريس


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف خالد عبدالحميد الأربعاء 12 نوفمبر 2008, 05:04

كدى نبدأ بالسلام يا أحبة،،، الفاتح،، مُنوّر يا بيه!!! واضح انو الكتابه بالعربى ما شاء الله ،،، حاجة كده زى ليبيا فتحت Very Happy ولا شكر على واجب بركة الجيت ولك الاشواق، امتعنا
نمرة 2 ،،، أحبتى الرشيد وابدوس،،، انا غايتو بسوى العلى للتخفيف من الاثار الجانبيه
مثلا عزيزنا الفاتح فتحنا ليهو المنتدى الخاص،،، يكتب ما يشاء عن خصوصيات الخواص ،،، وما حدّش شايف،،،
حاتم اخد علم بآخر التطورات، امبارح ادّيتو تلفون نص الليل وقلت ليهو الفاتح ظهر ،،، اها يا فاتح،، حاتم ضحك ضحكته الما بتغباك ،،عموما حاتم جد مشغول لانو ماشى السودان الاسبوع الجاى ،،، لكنو مصـــيرو يفضى

والتخريمة،،،، اليوم بامانه ابهجتونا،،، حمدالله على سلامة عمنا ابدوس وانت ذاتك يا الرشيد،، غياب كم يوم اصاب المنتدى بالشلل ،، بركه فى سعد كرار
ودام الود بـــحارا،، فى زمن العولمة
قد يتبع
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الفاتح محمد ادريس الأربعاء 12 نوفمبر 2008, 13:28

أهلاً أهلاً الحبيب خالد أنشاء الله انته كويس واعتقد انتو المسئولين واديتونا الاذن خلاص شكراً ثانياً انا قلته ما بعرف اطبع بالعربى لكن الكلام انا تلميد الرشيد والمرحوم على سورج .
يا حاتم تليفونى 0912310113 اتصل بى حأصلك فى البيت فى شارع 35

الفاتح محمد ادريس


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الرشيد شمس الدين عبدالله الأربعاء 12 نوفمبر 2008, 14:34

عزيزنا خالد ... أنت مشكور لما قمت به من جهد مقدر لتخفيف الأضرار ... رغم أن مايتبقى من الأثار عند ما سورة سيلحق من الأضرار ما يساوى مالحق بهيروشيما ونجازاكى ...
المهم ... سألتك بالله الواحد الأحد يا ماسورة ما تكتب عن حبيبنا (أبو الكباتن ) إلا ما يأذن لك به وما فى داعى لرؤوس المواضيع المفخخة دى .... المشكلة إنه ما بيعرف الله كويس عشان يستجيب للحليفة دى ... المهم العزاء يا عبدوس ( إنك لا تجنى من الشوك العنب .. يعنى متوقع شنو ؟ ) ... وقال إنه فى الكلام ( تلميذ الرشيد والمرحوم على سورج ) ...والله أشهد إنك أسوأ تلميذ ممكن ... ولكن إذا صدق القول ( من علمنى حرفا صرت له عبدا ) فإننى أناشدك بحق هذه العبودية ( خف شوية على عبدوس ) ...

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الفاتح محمد ادريس الأربعاء 12 نوفمبر 2008, 15:27

اسف يا الرشيد والله مابقدر.

الفاتح محمد ادريس


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف عبد الرحمن الزين الأربعاء 12 نوفمبر 2008, 16:09

والله يالرشيد كتر خيرك وبيني بينك شايل هم لانو عارف صاحبي هو زمن الترقيات ما كان بختشي غايتو اخر محاوله مني عساها تنفع

يا توحه ياخي في سيدات مشتركات معانا وفي عوايل كريمه بتتصفح المنبر والحاجه التانيه ياخي اعمل لي نسيبك خاطر مادام حليف الرشيد ما نفع
غايتو انا حاسكت لمن اشوف رساالتي دي بتجيب شنو
عسي بل لعل
محبتي بلا حدزد

عبد الرحمن الزين


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف عبد الرحمن الزين الأربعاء 12 نوفمبر 2008, 16:24

يا فاتح خليني من عربية محمد عابدين كنا بسوق عربية الحريقة بتاعة عبدالله فرح Laughing وبنشغل الالارم وندخل بيها الميناء...... زمن...... !!!!!!

لمن نزلته عربيتي الفولفو من الميناء كان يوم خميس عاوز ارخصها مدير البوليس- بدرالدين- قال لي سوقه كده من غير ترخيص ولا نمروتعال يوم السبت نديك نمره خاصه- بح 1- المهم في المساء مشينا انا والمرحوم اصيل لزيارت عايئليه وفي احد الاحياء لقينا تلاته من ناس البوليس واقفين حول العربيه قاموا سالونا دي عربيتكم قلته ليهم اي سالوا وين النمر والاوراق قلته ليهم ما عندي قام واحد منهم قال لي يلا دوروا امشوا ورانا للنقطه قمته بي هرشه قلته ليه انتو دورو ورانا نمشي المركز قام واحد منهم طوالي قال لي ياابن العم لا ندور وراك ولا تدور ورانا امشوا ربنا يفتح علينا وعليكم ما اجمل ذلك الزمان ليته يعووووووووووووود

عبد الرحمن الزين


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الفاتح محمد ادريس الأربعاء 12 نوفمبر 2008, 17:13

عزيزى عبودى انته عارف معزتك عندى وعشان كده انا بلامس ناقشته الحكايه دى مع حاجه آمنه وقالت لى عبدالرحمن ده أخوك الكبير ماتزعله وبعد نقاش طويل وافقت انه احكى حكايه أخوك شقيقك المغترب فى صحراء ليبيا 10 سنين وجا بورتسودان اسلم عليك وبعد سلام وبكاء بالنهار قمته بالليل سرقته عربته ال BMW والمسكين سقناهو لعمنا الجزار ابوساطور.

الفاتح محمد ادريس


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف عبد الرحمن الزين الأربعاء 12 نوفمبر 2008, 18:31

كلو الا قصة بانقا دي يالفاتح عليك الله وحاجه امنه وعمك الجزار ابو ساطور عليك عليوة ورشدي الا قصة بانقا دي اخونا ابراهيم كوباني شايل بيها حالي لي يوم الليلة وكلو ما يشوفني مع ناس!!!!! يقول بانقا!!!...

عبد الرحمن الزين


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الرشيد شمس الدين عبدالله الأربعاء 12 نوفمبر 2008, 21:24

حبيبنا عبدوس
يشهد الله إنى صادق وإنه ماسورة دا ود حرام مصفى ...قال حاجة امنة قال ... والله حاجة امنة كان اليوم داك ولدت ليها كديسة ولا كلب كان أحسن ليها وأقيم ...هسع كل الحليفة والتحانيس دى مانفعت ؟ إنت ماعندك حاجة بتعزها ؟ الله يلعن يومك يا ماسورة ...ويا عبدوس والله ما عجبتنى ليك الأنبراشة دى ( إلا قصة بانقا دى ) .. وبدل يا قاشورة بقيت تقول ليهو ( توحة حبيبى ؟) ... والله صحى العندو مصلحة فى قرد يقول ليهو ياسيدى ...
اللهم إنا لا نسألك رد القضاء ولكن نسألك اللطف فيه يارب...

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف عبد الرحمن الزين الخميس 13 نوفمبر 2008, 04:15

يا رشدي والله حرام عليك تقول عن توحه كده ياخي ده اطيب واظرف انسان وزول حاجه امنه داعيه ليهو وعرفته من بعض زملائه انو كان بصلي بيهم في سعودي هفوف وسعودي درعيه لمن كابتن النتو يكون مشغول تجي انته تقول عليهو ود حرام يا رشدي دي كتيرة منك غايتو ربنا يسامحك


جد جد يحلنا الحله بله يا خالد

عبد الرحمن الزين


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty الدربكين يرحب بي ماسورة

مُساهمة من طرف hatim الخميس 13 نوفمبر 2008, 13:19

صالون شنو يا ود كرار دي هسي قصص صوالين الا الكان صالون حلاقة تحت الشدرة
اها يا ماسورة الدربكين جاك و معاهو النوامات بتاعة سعودي درعية كلها ومافي عزام مشري عشان يحلك
كدي خليني اكتب تلفونك عشان اقدك صاح
والله يا ابوالكباتن عبدوس ويا الرشيد يا هندسة نحن الفاتح عزيز علينا لاننا لمينا فيهو بعد ما اعتزل وبقى امام لكن لو رجع للحكايات والتهديد الدربكين قاعد مستعد والكمامة جاهزة
يا اخوانا انا نمت شوية Sleep زي اهل الكهف جيت لقيت المنتدى عمران والله شغل نضيف
الله يديكم العافية يا شباب
hatim
hatim


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف عبد الرحمن الزين الجمعة 14 نوفمبر 2008, 02:26

خالد الله يخليك عليك الله كون واسطة خير انا توحه العزيز ده بعرفه وانا قلته الروب بس ما يحكي قصة بانقا
والله اكان عرفتو قصة بانقا ياهو الكرت الاحمر
توحه السكرة انا مستعد انسحب من المنمبر انبذ ليك رشدي وعليوه والنتو وناس كتار لكن الله يهديك انسي سيرة بانقا
يا خالد ما كنا كويسييييييييييييييييييييييييييييين

عبد الرحمن الزين


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الفاتح محمد ادريس السبت 15 نوفمبر 2008, 00:46

عزيزى عبودى اولاً انا ماجبته سيره بانقا ممكن التاج او عبدالقادر طبعاً الذين مستبعد
المهم الرشيد حلف وعليوه حلف وحجه امنه قالت لى انا ما عافيه منك لو زعلته عبدالرحمن اوعدك ما حأتكلم عن عربيه بانقا او عربيه النجده ولا عن فيلم سونيا والمجنون البرتقالى ولا عن أى شى يزعلك منى بس يا عبدالرحمن ما تهبشنى, اليوم اتذكرته العزيز المرحوم عمنا بكرى Ch.Stew.واتذكرته طبقات طبقات.ما احلاها ايام وشكراً على رساله الsms

ولك تحياتى وحبى

الفاتح محمد ادريس


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الرشيد شمس الدين عبدالله السبت 15 نوفمبر 2008, 12:44

عبدوس العزيز ... أبسط يا عم , أخيرا ( الما يتسماش ) , بقى يدى خاطر للناس ... لكن حتى وهو يتنازل , مايزال التافه يأتى برؤوس المواضيع المفخخة ... يعنى هسع منو السألوا من فيلم سونيا والمجنون البرتقالى ؟ المهم حمدلله على السلامة يا حبيبنا وبعد دا ممكن تركز معانا فى البوستات التى وعدت بها ....( غايتو جنس إنبراشة .. ما بتشبهك ياعبدوس والله ! ) ...وكمان مرسل ليهو رسالة نصية ؟ قام التافه حولها لى طوالى ... ذى ما قلت ليك العندو مصلحة فى قرد ... لكم ودى وليدم مابيننا ...

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف خالد عبدالحميد الإثنين 17 نوفمبر 2008, 02:55

والله انا البوست ده من اشد المعجبين بيهو ،،، وقلت اكون من المشجعين الصامتين،، من وجهتى نظر ،، الاولى الصمت فى حرم الجمال،،،وامتّع نفسى بما يكتب المتداخلين ،،
امّا التانيه ،،، فترجع لكلمة أثيرة صاحبها حبيبنا محمد الحسن سيدأحمد،،له الود اين كان،
انو ( انت ما تتدخل ما بين التفاحة وقشرتها !!)
للدقة أضيف انو حاشا ان يكون احدكم قشرة،،، عبدوس والفاتح انتو فاكهة هذا المنتدى،
واصلوا إمتاعنا،،
تخريمة لازمة: مجرد حب استطلاع(بــرئ) شمار وكده .... المجنون البرتقالى ده شنو؟؟!! وليه برتقالى ؟ امانه لله لون جميل
من يملك اجابه يدّينا ايميل،،،
لكم من الحب بحارا
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف ود كرار الإثنين 17 نوفمبر 2008, 03:12

والله ياود الاستاذ...انت كده قاصد تخسر عمنا عبدوس مكالمه دولية...لانو لو ماسورة انبرش تانى رسائل ال SMSمابتحلو...عشان كده حاول تتكتب اسم الفلم ده فى Googleاحتمال تجيك خيارات...

الحبيب ...ود أدريس..ابسط ياعم ليك يومين والبوست بتاعك وصل الصفحة التانية ..والله احنا فاتحين بوستات ليها شهور مافى واحد معبرنا...

بالله ياماسورة ماتكتب لينا عن اليونان والاكاديمية ...ودقة الامريكى ليك فى الديسكو...

لك الود
ود كرار
ود كرار


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الرشيد شمس الدين عبدالله الأربعاء 19 نوفمبر 2008, 16:24

عزيزنا قاشورة ... مالك مسجل غياب ... يعنى إما تكتب عشرين موضوع وتطيح فى الناس شمال ويمين ولا تسجل غياب تام ؟ ياربى رجعت تانى لموضوع عدم معرفة الكتابة بالعربى ؟ ولا الهدنة مع عبدوس أثرت لأنك مابتعرف تكتب شىء كويس غير الشتائم ؟ ولا إحتمال إنه السكرتيرة هى الكانت بتكتب ليك بالعربى وهسع هى فى إجازة ؟ المهم فى كل الأحوال نفتقدك بشدة والله وهذا إنذار لك بمعاودة الكتابة فورا قبل أن نقاطع نحن كمان !!!!
لكم الود ودمتم ....

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

كابتن ود ادريس  الف مرحباٌ فى صالونك العامر Empty رد: كابتن ود ادريس الف مرحباٌ فى صالونك العامر

مُساهمة من طرف الفاتح محمد ادريس الإثنين 01 ديسمبر 2008, 17:50

الأحباء
معليش كنته فى مهمه فى الخرطوم ومن ضمنها كنته بشترى كميه اكل كتيره جداً لأنه اخو المودام وصل البلد والحمد لله يا عبدالرحمن ويا حمدالنيل انه بطل المويه لأنه كان خرب بيتى.
والله يا الرشيد كلامك صاح أنا ما بعرف اكتب شىُ كويس كل تخصصى فى نفرين واحد الله يرحمه واغفر ليه والتانى أنتو منعتونى أسوى شنو.
العزيز خالد البرتقالى هى البرتقال البلد وسونيا هى وكيلنا فى برشلونه

الفاتح محمد ادريس


الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى