مبرووووك اهلى شندى

سلام
 كلنا مريخخخخخخخخخخخخخخخخخخخخاب
      و الحمد ليك يا رب
    عثمان بخلن

سلام الرشيد و عثمان

و الله انا غايتو ما خايف ... لكين الجماعة ديل مرزقين شديد و كمان فقيرهم قوى.

ربنا يدينا الفى مرادنا.

الحظ شئ غريب عندهم يا كابيتانوا احمد
و لكن ما هو مؤكد سيتقير فى يوم من الايام
اليوم بإذن الله
عثمان بخلن

سلام
مافى حاجة تتقال غير كلمة مبروك للقبيلة الزرقاء
و الله يجازيك يا الحضرى
بخلن

سلام
هى ازمة اخلاق و عدم وعى و إدراك
بالامس إستمتع الجميع بمباراة كرة قدم فى الدورى السعودى- دورى عبد اللطيف جميل- و فعلا دورى جميل جدا - مبارة ديربى بين فريقين كبيرين هما الإتحاد من جدة و الهلال من الرياض - لهما شعبية كبيرة - المباراة تعادلية الى اخر ربع ساعة من زمن المباراة - فجاة إنقلب الوضع و احرز فريق الهلال ثلاث اهداف فى حداشر دقيقة فقط و تصبح النتيجة 5 /2
المهم فى الامر ان الامر كان عادى جدا للفريق المهزوم و الفريق المنتصر و الجمهور لانهم يعرفون جيدا ان كرة القدم هى نصر و هزيمة و ان الرياضة تسامح و اخلاق و تنافس شريف - جميعهم يتعاملون باخلاق رياضية - روؤساء اندية و إعلاميين و حكام و جمهور و....
تصوروا لو حدث ذلك فى مباراة مريخ هلال فى السودان !! سوف تحدث كارثة
بالامس القريب طالعتنا الصحف و قبل مبارة المريخ و الهلال بان إدارى دفع مبلغا من المال لاحدى لاعيبى الفريق المنافس لتصفية احد لاعبى الفريق الاخر!!! ......و حصل ما حصل من شغب و خراب و دمار داخل الاستاد
بعد اقل من 48 ساعة و ايضا فى مباراة كرة قدم بمدينة عطبرة - حدث كالعادة الشغب و القذف بالطوب و الحجارة - جروح و كسور
و عربات إسعاف و.........
و بعد المباراة الصحافة و الصحفيين على لسان السادة قيادات الكرة فى البلد اخر مهاترات و شتائم و بعضهم من ذهب الى مراكز الشرط و فتح بلاغات جنائية

هل تلك كرة قدم - هل تلك هى الرياضة بمعناها السامى
إنها ازمة اخلاقية و عدم وعى و إدراك حلت بكل محبى كرة القدم
المرة الجاية سوف نسمع بوجود حزام ناسف مع احد الاداريين او اللعيبة او الجمهور
عثمان بخلن

osman abdel rahman كتب:
و بعد المباراة الصحافة و الصحفيين على لسان السادة قيادات الكرة فى البلد اخر مهاترات و شتائم و بعضهم من ذهب الى مراكز الشرط و فتح بلاغات جنائية

هل تلك كرة قدم - هل تلك هى الرياضة بمعناها السامى
إنها ازمة اخلاقية و عدم وعى و إدراك حلت بكل محبى كرة القدم
   
  عثمان بخلن
   

 
سلام عثمان
 
لقد اوفيت و كفيت و لكن من يسمع .. فالرايحة ما بتسمع الصايحة.
 
ولكن فوق ذلك عدم انفاذ القوانين المنظمة لللعبة و ادارة الامور بنظام الموازنات و الاجاويد.
 
تابعت المباراة باستمتاع بالمستوى الرائع الذى قدمه الفريقين و الاهم من ذلك تقبل مشجعى الاتحاد لنتيجة المباراة رغم تراخى لاعبيهم و تهاونهم فى الربع ساعة الاخيرة .

ما أحلى الاحمر الوهاج - المريخ و هو منتصر
عقبال ثورة التقيير
و كل عام و الجميع بخير
وداعا و إلى لقاء
عثمان بخلن

حين إنتصر المريخ أول أمس علي  فريق الخرطوم الوطني أحرز هيثم مصطفي الهدف الثالث هدف أسطوري  من فاول في الزاوية 90 البعيدة جدا ... وقد بالغ المريخي  بابكر سلك في وصف هدف  هيثم ( سيدا )  في مناكفاته المعهودة مع صديقه الصحفي الهلالي الرشيد علي عمر الشهير ب ( روشا )  فقال :-

[ اها ....
• نجي لي قون سيدا
• روشا شفت قون سيدا ؟؟؟؟
• احلف
• شكرا جون سينا فقون سيدا مع الحديده البعيده
• قون هيثم ده الجم ناس كتار حجار قدر ده
• بالله التقول عامل ليها دركسون
• لفت من الحيطه
• وبعد الحيطه رجعت كده
• ولما مشت شويه
• لاقاها الحارس
• لفت منو كده
• وطلعت لي فوق كده
• لقت العارضه نزلت منها كده
• لقت القائم
• لفت منو كده
• ودخلت محل برك الطير
• دخلت ومرقت طوالي
• زي الجلطه
• جات وفاتت سريع
• لو قعدت قبلها كان في ناس ماتوا
• الكوره ماشه علي الشبكه بتقول
• دخلت دخلت دخلت
• وسريع مرقت تردد
• رجعت رجعت رجعت ]



حتسألوني ياأحمد محمدأحمد وعثمان بخلن عن علاقة الموضوع دا بأهلي شندي شنو  ؟ أقول ليكم إنتوا ماسمعتوا الأرباب صلاح إدريس وعد إنو المريخ لو شال كأس الممتاز السنة دي هو حيحوّل للمريخ ؟ أعملوا حسابكم أحسن من بدري وشوفوا ليكم أرباب تاني لأهلي شندي !!! أنا عارفكم إنتوا الإثنين مريخاب لاكين الكلام ليك ياالمنطّر عينيك !! عاطف القوز ياروشا المنتدي  ..

الرشيد شمس الدين

ليه يا رشدي ما في ارباب تاني ومن جهة شندي كمان المابتسماش ما عاجبك والا شنو؟؟؟

خطف هلال الفاشر البطاقة الثانية للصعود للدورى الممتاز بعد تعادله مساء اليوم مع هلال بورتسودان بثلاث اهداف لكل رفع بها رصيده الى 7 نقاط نال بها البطاقة الثانية صاعدا الى الممتاز برفقة الرابطة كوستى التى خطفت البطاقة الاولى وسيخوض حى العرب سنترليق البقاء او الصعود مع الفريق الذى سينال المركز الثانى عشر فى الممتاز

منقول من موقع سودانا فوق

غايتو يا قبطان احمد انا مستعد العب معاك ون تو لمن يحنوا علينا..بس مشكلتي انا في الكوره ما بفهم كتير..كل المعلومات العندي من حفيدي..امن..4 سنوات..بشجع برشلونه موت..اشتريت ليهو فانلة رونالدو بتاع ريال مريد...خاصمني اسبوع...عسي بقيت اتابع وافهم شويه شويه بس عشان ما اتحرج معاهو...
يا حليل فرق بورتسودان لمن كانت سودان لاين... اتذكر انو كابتن عبدو محمد عثمان كان ريئس الهلال وكابتن عابدون كان ريئس حي العرب..كابتن عابدون كان ما بمشي الدار لمن حي العرب يكون لاعب..ويجبرك تقعد معاهو في العربيه لمن المبارة تنتهي..هو ما عارف انو لمن كل الناس تمشي الدار انحنا برضو عندنا أشغال أخري.. وردية وكده مثلا..
حزنت لنزول المورده واهلي مدني وهلال الثغر..هذه انديه عريقه..ولكن قل ماذا تبقي لنا........
لك معزتي ومحبتي وتقديري..استحملني شوية لمن تجي النجده..

السلام و التحايا العطر مع مرسال الشوق لكل رواد هذا المنتدى الجميل
اولا معذرة لعدم التواصل -ما باليد حيلة - البحر و اكل العيش
سلام اخى قبطان احمد لك التحية
انا شخصيا اول امس نمت مبسوط 24 قيراط و السبب عدم تاهل هلال الساحل و عقبال حى العرب كمان - عارف ليه؟ حتى يصبح استاد بورتسودان
فقط لحفلات الطرب لمهرجان السياحة و التسوق السابع!!!!!!!!!!!!!!!!!!!!!!!!!!!!!!!!!!!!!!!!!
سلامات حبيبنا باشمهندس الرشيد لك التحية و التقدير
و سلام لكل المريخاب الجدد و اولهم الارباب صلاح إدريس..............
المهم و الاهم ليلة يوم 25 نوفمبر و إبداعات اخونا بابكر سلك
عثمان بخلن

الفين سلام يا عثمان و حمدا لله على السلامة
 
دعواتكم معانا نسأل ربنا يمرر يوم 25 على خير.

سلامى و تحياتى للجميع و خاصة ......
يا قبطان احمد
مبرووووووووووووووووووووووووووووووووووووووووووك للصفوة
و تكتمل الفرحة يوم 25 نوفمبر فى الدمازين إن شاء الله
وداعا و الى اللقاء
بخلن عثمان

الصقور يقتربون من تحقيق الحلم

السوداني يوم 11 - 12 - 2013

*أوفى فرسان منتخبنا بوعدهم للسودانيين وحولوا حلمنا إلى حقيقة وتبقى من إحراز بطولة سيكافا خطوة بعد أن روضوا الرصاصات النحاسية أمس بهدفين ولا أحلى وتأهلوا لنهائي المنافسة والتي نتمنى أن ينجحوا في الظفر بها ودخول التاريخ من اوسع الأبواب.  
ونريد منهم أن يعودوا والبطولة في أحضانهم لتبقى بين مياه النيل وسمرة شعبه تأهل أبطالنا أمس بعد أن أدى اللاعبون مباراة العمر أمام منتخب زامبيا القوي ليثبت رفاق صلاح الجزولي بهذا الإنجاز أحقيتهم بالصعود إلى النهائي بعد أن فازوا على أربعة منتخبات مشاركة في وهي إريتريا ورواندا وخسروا من يوغندا ، ثم عبروا أثيوبيا وأمس زامبيا.

نجوم المريخ يعتبرون المباراة مع بطل أوروبا تحدي خاص لهم ..


السودان | سالم باعوم
موقع جول
17‏/12‏/2013 6:29:00 م


تلقي المريخ السوداني عرضًا مغريًا من شركة (BAFC SPORTS) لمواجهة فريق بايرن ميونخ الألماني، وتحدد لها 9 يناير القادم وتحضنها العاصمة القطرية الدوحة وستخلل معسكر الفريق الألماني في قطر والتي يعود لها بطل أوروبا وألمانيا للتحضير من القسم الثاني للاستحقاقات المحلية والقارية والتي تنتظره بعد فترة التوقف الشتوي ويخوض خلال هذا المعسكر عدد من المباريات الودية.

وعلى أثر هذا العرض قرر بطل السودان إقامة معسكرة في قطر أيضًا، بعد أن كانت هناك مفاضلة بين أربع دول وهي قطر والإمارات و تونس وكينيا، نجوم المريخ اعتبروا بأن المباراة تمثل تحدي لهم للظهور بشكل مشرف أمام بطل دوري أبطال أوروبا.

من جانبه .. المدرب الألماني كروجر أمن على قيام المباراة بالرغم من أنها تأتي قبل اكتمال الإعداد الذي سوف ينطلق في الرابع مع شهر يناير القادم، واعتبر أن المباراة فرصة تاريخية للمريخ أمام العملاق الألماني، كروجر أكد بأن المريخ سيدافع بقوة على سمعته كأحد الأندية الأفريقية الكبيرة أمام البايرن، مؤكد بأن مباراة البافاري سيكون بداية الإعداد الحقيقي للموسم الجديد.

أما الأمين العام لنادي المريخ الفريق طارق عثمان الطاهر شدد على أن المباراة تُدرج ضمن البرنامج الإعدادي لنادي المريخ استعدادًا للموسم الجديد 2014، ولا يجب أن تخرج من مضمونها الأساسي كونها مباراة إعدادية للفريقين، وأضاف "صحيح إن المباراة تاريخية أمام فريق كبير متوج بلقب دوري أبطال أوروبا ويسعى للفوز بكأس العالم للأندية ويضم نجوم كبار على مستوي العالم إلا أننا في المريخ سنسعى لتقديم مستوي جيد أمام الفريق الألماني ولكن في نهاية المطاف يجب أن لا نتعامل مع المباراة أكثر من أنها ودية.

بالله ايدكم معانا يا عاطف و الجمل و باقى الاخوة بدولة قطر .. و ساعدونا بالتشجيع و خالص الدعوات ..

الشروق تنال الحق الحصري لنقل مباراة المريخ وبطل العالم



تحصلت قناة الشروق الفضائية على الحق الحصري لنقل مباراة المريخ وبايرن ميونخ الالماني بطل العالم واوروبا والمقامة يوم الخميس المقبل على ملعب السد بالدوحة حيث اتفقت الشركة الألمانية المنظمة للمباراة مع الفريق طارق عثمان الطاهر سكرتير المريخ على منح قناة الشروق حق البث الحصر ي للقاء.

المريخ يواجه زنت الروسي في تجربة من العيار الثقيل الليلة

كورة سودانية 18 - 01 - 2014


يخوض فريق الكرة بنادي المريخ تجربة ودية من العيار الثقيل أمام زينت بطرس بيرغ الروسي في السادسة من مساء اليوم على ملعب جاسم بن حمد بنادي السد القطري وتُعتبر مباراة اليوم الثانية للفريق الأحمر من خلال معسكره الاعدادي الحالي بالدوحة استعداداً لمواجهة كمبالا سيتي في ذهاب واياب الدور التمهيدي من دوري الأبطال في فبراير المقبل.. وكان الفريق الأحمر خاض مواجهة تاريخية أمام بايرن ميونخ الألماني يوم الخميس قبل الماضي على نفس الملعب خسرها بثنائية نظيفة .. وسيخوض المريخ تجربة ثالثة أمام ريدبول النمساوي يوم السابع والعشرين من الشهر الجاري.

طبعاً للناس الكبار الكمبلت بعرفوها

وهي لعبة بتاعت كورة شراب بعضنا يسمي اللعبة كمبلت والبعض الاخر يؤنثها ويقول كومبليته ..

والاتنين معناهين واحد. شوفتو المعلومات دي كيف ..


شكلو تراوري ده لا بعرف ليكم كمبليتة ولا كبريته ..

بعرف الشورت بتاعو بس

كل ما يضيع قون ولا يشوت ليهو شوتة وهمية كده

يرفع فيهو التقول خايف زول يسرقو منو.


نرجع لي موضوعنا عن الكنبلت ..

قالو قبل مبارة المريخ و كمبالا سيتي

ادارة المريخ جابت سي دي (CD ) للمدرب كروجر عن فريق كمبالا

علشان يدرس الفريق الخصم كويس ..

اعتقد الناس ديل بكونو جابو ليهو سي دي بتاع كمبلت ما بتاع كمبالا سيتي

بي الشوفناهو الليلة ده ..

كروجر ده الماني ما بكون عرف ليك الخطأ المطبعي ده ..


ووضع خطتو على اساس الكمبلت دي ..


ذكرتوني انتو باسكال واوا ده مالو بقى زي الهنتر بتاع سنة ستين داك

دخاخينو في السماء الزول ده ما قعد يغيرو ليهو الزيت ولا شنو ؟!!!!!

زيت شنو ؟ ده تاني عمره كاملة ما اظن ترجعو ..

شايفو بقى يقطع طوالي ..

الله يستر ما يقيف كلو كلو في المحلي الداخل عطبرة ده ..

هسه لو كان بلعب كمبلت ما كان حصل ليهو ده كلو.


اخير باسكال المشكلة في اكرم ده بالله الزول زي الفلكسواجن المكنتها قدام ..

يفكو ليهو الكورة يمين يقع شمال يفكوها ليهو شمال يقع يمين . .

ده كلو من عدم لعب الكنبلت في الصغر

هسه لو لعب كمبلت وهو صغير ما كان شبكتو بقت زي اليوم المفتوح المجاني

اي زول جاي خاشي فيها ..


الناس ديل بعد كده احسن تعلموهم ( سكج بكج ) و ( بلي فريد ) كلمناكم من هسه ..

بيحتاجو ليها في الدوري الممتاز .. اللهم هل بلغت اللهم فاشهد


كمبلة أخيرة :


واحد مسطول سألوهو قالو ليهو رايك شنو في هزيمة المريخ من كمبالا سيتي اتنين صفر في السودان؟

قال ليهم : ده تفكيك عضلات ساكت

انا شفت المريخ لاعب مع بايرن ميونخ قبل كم يوم ..

بيكون عندو كورة في ابطال اوربا




منقول من كورة سودانية

ملياران من رئاسة الجمهورية لحامل لواء الكرة السودانية
قوون 03 - 04 - 2014
(منقول بتصرف)
سجل دكتور حسبو عبد الرحمن نائب رئيس الجمهورية زيارة لبعثة فريق كرة القدم بنادي الهلال بمقر اقامتها بفندق كورنثيا بالخرطوم في الساعة التاسعة مساء أمس برفقة دكتور عبد الرحمن الخضر والي ولاية الخرطوم والاستاذ صديق محمد توم وزير الشباب والرياضة الاتحادي والاستاذ بدر الدين محمود وزير المالية .
دكتور حسبو : الهلال اجبرنا لدعمه بمليارين ووجهنا الولاية لتكملة الملعب الرديف
نقل دكتور حسبو عبدالرحمن نائب رئيس الجمهورية تهاني السيد الرئيس عمر البشير لنادي الهلال والنائب الاول بمناسبة تأهله للدور ربع نهائي لدوري ابطال افريقيا واصبح سفيرا للكرة السودانية في القارة الافريقية متمنيا مواصلة الانتصارات والانجازات الكروية والرياضية وقال سيادته أن ما حققه الهلال يعتبر شرف للسودان واجبرهم علي الالتزام لدعم مسيرته القادمه في المنافسة الافريقية بمليارين مليار من السيد الرئيس المشير البشير ومليار منه شخصيا وتبنينا استاد الهلال ووجهنا والي الخرطوم عبد الرحمن الخضر بتكملة الملعب الرديف لنادي الهلال وتسليمه جاهزا للادارة خلال شهرين من الان حتي تكون هنالك بيئة جاهزة لمواصلة الابداع.