مبرووووك اهلى شندى

بااااااااااااااااااااااااااااااااااالغت ياأحمد والله .. لاكين !!  تابعت المباراة ولكني لم أتمكن من معرفة الفريقين جيدا فقد كنت طيلة المباراة أظن الهلال أهلي شندي والعكس  صحيح ونمت حزينا أنني كنت أتوقع أن يقوم أهلي شندي بتعطيل الهلال وإهدائنا الصدارة علي طبق من ذهب ولكن مادام الهلال إنتصر بهدفين يبقي ضاع الحلم ... حتي رأيت البوست بتاعك فعرفت للمرة الأولي أن الهلال إنهزم يارجّااالة بالإنجليزي .. مالهم ناس الهلال ديل متواضعين للدرجة دي ياأحمد وكيف فريق تعبان ذي دا يصل دور الثمانية في أفريقيا ؟ غايتو ياناس مازيمبي والترجي جاكم حمام ميت بس عليكم الله ألطفوا بيهو شوية مادايرين خمسات وستات !!! مبروك ياأحمد وفي إنتظار بطاقة العضوية ..

سلام يا الرشيد

غايتو حبايبنا ديل - بمستواهم دة -ربنا يستر عليهم من الفضائح لكن الحاجة المتأكد منها انهم ناس مرزقين بصورة غير عادية و ما بعيد يمشوا فى البطولة لقدام بفريقهم الهلكان دة.  

لكين امنت بيك يا صلاح ادريس....

صلاح إدريس أميز كشّاف لاعبين ياأحمد وشفت بتاع كورة من الطراز الأول ... الحمدلله إنو باع الجماعة وأهو أحسن في أهلي شندي !!!

منقول من كورة سودانية


كبيــر يامريــخ





اعتقد بأن تجربة البايرن أمام المريخ قدمت للاعبي البايرن فائده عظيمه

علما" بأن جل لاعبي المنتخب الألماني المتوج بلقب الكأس العالمي من هذا الفريق



أتوقع أن يخرج علينا المدرب الألماني لوف غدا" في مؤتمر صحفي يثني فيه علي التجربه المفيده التي خاضها لاعبوه أمام المريخ السوداني

فمن الواضح ان محرز الهدف الغالي للالمان قد أستفاد فائده قصوي من الدرس الذي قدمه له اللاعب بله جابر و نمي من عقليته الكرويه في التمركز الصحيح نتج عن ذلك تواجد اللاعب في مكان استراتيجي أهله لاحراز هدف التتويج

كما انه اجاد وضع الكره في الشباك بشكل مختلف تماما" عن ما فعله امام أكرم الهادي , أيضا" مما يؤشر لارتفاع حساسيته امام المرمي امام الحراس المتمرسين



أعتقد بأن المريخ قد يكون قبله للفرق الأوروبيه و اللاتينيه في مقبل السنوات لصقل مواهبهم



مبروك للاعبين الذين واجهوا أخوان باسكال

سلام قبطان احمد
دة كلام شنوا يا قبطان ! شن جاب لى جاب !!!!!!
شهر كامل مرتاحين من الاسماء التى ذكرتها بلة و بشة و ......
دورينا دور - لا ملاعب و لا تصوير و لا كورة حاجة تطمم و تجيب الدوشة
يعنى 2018 إن شاء الله الروس ابطال العالم - المريخ لعب مع زينت الروسى!!!!!!!
كبير يا مريخ
تحياتى و تقديرى
عثمان بخلن

سلام يا عثمان و رمضان كريم

شئنا ام ابينا يانا راجعين لدورينا الميتان دة ... اسة راجين كور الهلال الفى الكنغو عشان نشجع الهلال بحرارة .... وطنية و كدة.

يا احباب نتكلم شوية عن الكورة
  مبروك يا مريخاب الفوز على الجماعة و إن شاء الله يتكرر يوم 25 - و طبعا اليوم داك ما فى زول حيكون متابع لمباراة مريخ هلال لانه فى نفس اليوم العديد من المباريات ذات الوزن التقيل- برشلونة و الريال و نهائى كاس اسيا الهلال السعودى و فريق استرالى  و الاتحاد  و النصر الدورى السعودى و مباريات الدورى الانجليزى و ......
 عموما امس استمتع المريخاب بالنصر الكبير على الهلالاب
 التحية للمريخاب فقط
 عثمان بخلن

سلام قبطان احمد
يا اخوى من الان لامن يجى يوم 30 نستمتع بكتابات اخونا بابكر سلك
اتمنى انك تكون قرأت ما كتبه اخونا بابكر سلك
قلنا ليهم المعز لو رقد ما بقوم
اها رقد
تانى قام
إتدردق فى واطاة اللة دى
لمن ايمن سعيد جا
و ختاها فوق و المعز بتدرق تحت
......................
تحياتى و القادم احلى
عثمان بخلن