حكا يا ت من زمن سودانلاين الجميل

اوصل لاني ساغيب لايام ثلاث..
ياتي لي عم فضل - يرحمه الله- بالقهوة المعمولة باللبن المقنن....
يقول لي.. عارف كلو الميز مليان ومنتظرنك....
شمو ريحة القهوة وعارفين عم محي الدين مطلع جدادة للوردية..اصلو انور الجلي بوي دة لسانو خفيف....
ولا نملك الا ان نفرزن كرتونة عصير... ولمن لا يعلمون نفرزن اي نضعها في البراين رووم في ذلك العهد...ولنا عودة
عبدوس

يضع عم فضل -يرحمه الله- القهوة....
دي امك ما سقتها ليك....
سيب امي في حالها....
اقولها انا واعرف بانه يحترمني اكثر من نفسه... علي ضؤ القمر اعرف بانه يحضنني في صفاءابوي....
يصفق....

وينظر الي موطئ قدميه
وفي ايقاع محبب ودون ان ينتظر الي موافقة مني
يترنم فضل محجوب في الركن الايمن حيث الجناح الايمن للميمونة شندي....
البحر كالزيت كما يقول المرحوم بكري

يصدح فضل
سمح الزي
ودا الباري امو
ودابو جدي
وبالعراقي تمشي الكي
وين بالله سمح الزي...

وتاتي تلك الصفقة المحببة
ولنا عودة عندما يعود رشدي اومن ينوب عنه
معزتي
تخريمة
لم اعد املك الشجاعة لاصحح البوست معذرة

يـــــــــــــــــا الرشيــــد،،وكل ضيوف ومُلاك البوست العظيم؟؟؟ من حكوا الحكاوى ،،،ومن كانوا هم الحكاوى،،،،،ومن كانوا جزءا من الحكاوى،،،ومن شهدوا بعض او كل الحكاوى،،،،ومن عبروا بحار الحكاوى،،،،،،،،،،،،،
الحكاية شنو؟؟؟؟؟
وتخريمة للرشيد:
بلهجة بورسودان المحببة،،مغموسة برائحة البن والقهوة
انت! منتدى ما تدخل ... ايميل ما ترد ؟؟؟
اشواق للجميع بطول ما لا ينتهى من حكاوى زمن جميــــــــــــــــــــــل

انت! منتدى ما تدخل ... ايميل ما ترد ؟؟؟
والله اضحكتني ولا زلت اضحك حاج خالد..تعبير في غاية البساطة والبلاغة في نفس الوقت.. اضحك كثيرا وتعجبني بحق تعابير اهلنا في الشرق واسرح مع نكات ادروب المتعددة كثيرا...اكتر نكته اضحك لها كثيرا وتدل علي عبقربة اهل صديقي العزيز حسين..ووعد مني ان اكتب لكم عن حسين علي حمد العبدراحمانبي فقد زاملته حبا وغمرني مودة وعطفا... وهو رجل ود قبايل واخو اخوان ..حفظه الله... نعود للنكته قبل ان يعمل فينا الزهايمر عمائله يا ناس بوست الزهايمر....
ادروب طالع من بوابة الميناء شايل جردل فيهو تراب...... بوليس الجمارك..يشك في انو ادروب ملبد حاجات جوة التراب ..ينقب التراب ولا يجد شيئا...
يا ادروب دة شنو.... والله شوية تراب من بتاع الميناء عشان الجنينة..... ويخرج ادروب بالجردل محملا بالتراب..يكرر ادروب المشهد لعدة ايام... ثم يوما ما يخرج ادروب من الميناء دون الجردل ولا التراب... بوليس الجمارك..ادروب شنو خلاس بقيت ما داير تراب للجنينة..... ويرد ادروب بكل السخرية يحملها كلماته في تهكم........... ابدا بس البابور الكان شاحن جرادل سافر....
هل هناك سخرية اروع من ذلك...
نعوووووووود
عبدوس

حلوة ،،، بالواو المكسورة،،ادامك الله يا كبير وانت تزرع البسمات وحقيقة الضحكات احيانا ،،وفى انتظار وعدك بالحكى عن حسين عالى القامة الذى وصفته ذاك
السؤال الاصل ما تخريمة " وين الرشيد مؤسس البوست وكذا ماسورة الشريك بالاصالة ،، علّ من عنده الخبر يفتينا

خالد عبدالحميد كتب:حلوة ،،، بالواو المكسورة،،ادامك الله يا كبير وانت تزرع البسمات وحقيقة الضحكات احيانا ،،وفى انتظار وعدك بالحكى عن حسين عالى القامة الذى وصفته ذاك
السؤال الاصل ما تخريمة " وين الرشيد مؤسس البوست وكذا ماسورة الشريك بالاصالة ،، علّ من عنده الخبر يفتينا

ادام الله الصحة والعافية والبسمات والضحكات والسعادة على الجميع
واخونا الرشيد وحسب معلوماتى مازال فى الخرطوم وقد شوهد امس مع بقية المجموعة فى منزل عزاء المرحوم ابراهيم يحيى بامدرمان .
عاطف عكود

العزيز عاطف...والله حز في نفسي كثيرا نبا وفاة القمة الشامخة ابراهبم الكوارتي فقد كان يرحمه الله بشوشا ودودا صديقا للكل...
العزاء لكم ولاسرته وكافة الاهل والاصدقاء...
عبد الرحمن

الأحباب الأعزاء .... من سأل عنا ومن لم يسأل ...لكم والله وحشة لا توصف ولقد والله إفتقدتكم بشدة طيلة هذا الشهر الذى قضيته بالوطن العزيز الحبيب رغم كل المصاعب ولكن يبقى الوطن بترابه وناسه فوق كل الأوطان ...... عدت اليوم ( للقراية أم دق ) ووالله أحس بوحشة شديدة للوطن الذى كنا نسكنه ولكنه أصبح يسكننا كل لحظه ... هل لهذا علاقة بالزهايمر أو الكبر ؟؟؟
الحبيب عبدوس لك الود الكثير والتقدير وأنت تجغل هذا البوست ثريا ومفتوحا فى غيابى .....
خالد الحبيب ...لك الود الكثير والله قضيت إجازة ممتعة رغم مشاغبات ناس الشغل ولكنى إحتفلت بأنى لم أفتح كمبيوتر أو أقود سيارة طيلة الشهر ولذلك لم أرى أى إيميل فلك العتبى حتى ترضى .. بالمناسبة أفطرت يوما فى هذه الإجازة مع ( عركى ) وذكرت له عنك وعن مقابلته لعبدوس فى فرانكفورت وهو يذكركم تماما ويذكر الحبيبة ( صبا )...
عاطف القوز الحبيب ...البركة فيكم فى حبيب الكل الفقيد الخالد ( ابراهيم يحيى ) , رحمه الله رحمة واسعة وقد كان مأتمه محضورا بأعداد مهولة من الحاضرين ورغم الفقد فقد سعدت جدا بلقاء الحاج صديق عبد الله والشيىء الجميل أنه قد كشف لنا أن محمد صالح من مواليد العام 1942 وقد أكد المعلومة لاعب الموردة السابق بكرى عثمان ولهذا يستحق أن نطلق عليه ( عم محمد صالح ). لكم الود الكثير جميعكم وليدم أبدا مابيننا ...

الرشيد شمس الدين

يشهد الله ورغم الاحزان.... لكن كانت ليك وحشه يا رشدي.. والله افتقدناك لكن عزاؤنا انك قضيت وقتا جميلا في ربوع الوطن...عندما عاد علي جربان وظل يهاتفني لعدة ايام ولا ارد ..كان يعرف نقطة ضعفي ..ارسل لي رسالة يقول فيها انه قابلك...وبلعت الطعم واتصلت به وضحك كثيرا ...عارف بجيبك كيف... وسمعت واستمتعت....وشعرت باني معكم جميعا... رشدي بتبالغ حاولته ان اعرف عمر محمد صالح من كلامك ورغم انو استعنته بالة حاسبه لكن ما قدرته...غايتو المرحوم ابراهيم عوض قالها علي رؤؤس الاشهاد انهم كانو دفعه في حي المظاهر...وووب علي يا رشدي ياخي انا كنته كافي خيري شري..
مرحب بيك
عبدوس ابدا

اللهم اجعل فقد عثمان اخر احزاننا..اللهم اننا ندرك انها سنة الحياة وانت سبحانك دايما تختار الي جوارك خيارنا...ولا حول ولا قوة الا بك...
عثمان عاشرناه وعرفناه..ولن انسي ما نسيت في العام 68 ذهبنا في اجازتنا السنويه لارض الوطن وبما انني اقليمي من مدني وحطت بنا الطايرة ذات مساء اصر المرحوم ان يستضيفيني في منزل الاسرة بام درمان..هناك عرفني بوالده ووالدته..كان والده مديرا للا رصاد الجوية انذاك... تعرفت ليلتها علي اخواته السبعه واخوانه... كم كنت مندهشا ساعتها...كان يرحمه الله شخصية اسرة..قال لوالده في تلك الليلة اعطني مفتاح العربه اريد ان احتفل بضيفي....لم يتردد الوالد اعطاه المفتاح وقال خلو بالكم من نفسكم....اتمني ان تقضوا وقتا طيبا...اكان...خلو عبد الرحمن يسوق..باين عليهو زول عاقل...

لم اصدق نفسي ..هل يا تري عندما اذهب الي مدني هل من الممكن ان استضيف صديقا في بيتنا...كنت اعرف طبايع ابي يرحمة الله..
في تلك الايام كان من المحال..انا لا زلت ارجف امام صورة ابي .لا اكذب حتي بعد مرور ما يقرب من الاربعين عاما علي تلك الذكري..هاتفني ابني عابر العزيز - ذات مره- وهو قبطانا ملء السمع والبصر مش- حتة طالب بحري زي ما انا كنته.. .. وهو في السودان وانا في- اوروبا --
بابا .. هل ممكن ان استلف عربيتك و ..دون اي تفكير ... قلت له لا لا لا
كم نحن متخلفون...رغم ما نزعم
قلت لكم ذات مرة ...المرحوم كابتن قاسم علي عثمان عاش قبل زماننا بما يقارب الماية سنة
وعزاء فقيدنا عثمان ان اباه عاش قبل زمانه بوقت طويل
خلاصة القول
لله ما اعطي ولله ما اخذ
دعونا ننسي احزاننا ولكن قطعا لن ننساهم ورحمهم الله جميعا
عمكم عبد الرحمن

العزيز عبد الرحمن صدقت القول , نعم انها سنة الحياة , والموت حق , وكل من عليها فان ويبقى وجه ربك ذو الجلال والاكرام , فالنترحم على كل الذين فقدناهم فى طريق الحياة الصعيب ومازالوا وسيظلوا جزء لا يتجزاء من حياتنا بعد فراقهم كما كانوا من قبل , ونكون وتكون اسرهم وابنائهم جزء من هذه الاسرة البحرية الكبيرة , ولنواصل التواصل من اجلهم ومن اجلنا ومن اجل هذة الاسره الكبيرة , التى عشنا بها وفبها اقلنا اكثر من نصف عمره على الاقل.
اللهم ارحم موتانا واشفى مرضانا ومتعنا بالصحة والعافية وادم ما بيننا من مودة وتواصل.
وحتما لن ننساهم فا لنتواصل ونتواصل ونتواصل.
عاطف عكود

لقد شاهدت اروقته الانيقه .. كأناقتك .
وغرفه المريحه .. كراحه يدك البضّه المعطاءه .
وحدائقه الشامخه .. كشموخك .
وانشاء الله مثني وثلاث ورباع دون اللجوء لاظهار الخيطين ابيضهما او اسودهما
او كليهما .
في انتظار ظهورك الانيق في المنتدي .. وليك وحشه .

جنجن

ياجنجن،، والله داخل المنتدى على عجل ،،،،
لفتتنى (الرسالة الخاصة) دى ،،،،!! وما فهمت حاجة
هلى هى فعلا خاصة ،، وضلّت طريقها ولا عملت (دريفـتنق؟؟) ووصلت هنا براها

أم هى مكتوبة بالحبر السرى وبى لغة جاسوسية لا يفهمها الا المعنى بها؟؟؟؟؟؟؟؟؟
ان شئت مسحناها ومسحنا مداخلتنا هذه وكأن شيئا لم يكن
انت بس قول عووووك خصوصا المنتدى الايام دى فى حالة عيد،،،وجانا العيد
مع تحيات جنى رأفت الهجان
تخريمة :و تحية لصاحب البوست وكل اصحاب الحكاوى

عدت اليوم صباحا من رحلة عمل كما يسمونها لليابان والصين الباردة كما المحوقل وصحبه ....عدت وبى وحشة لكم لا توصف فنحن قد أصبحنا بفضل هذا المنتدى أسرة ممتدة واحدة لا فواصل بينها وقد عاد حميد العزيز يعطر سماوات المنتدى فيا مرحى .... شكرا خالد وعاطف وكل أصحاب السبق فى هذا المنتدى الذى جعل هذا التواصل الشفيف ممكنا ... الشكر مكرر للحبيب الجندوب الذى طل بعد غياب ورسالتك الخاصة وصلت وكل هذا من ذوقك الفنان طبعا ولأنها وصلت فلا داعى للمسح حبيبنا خالد ولكن تشكر أنت والجندوب الحبيب ولكم الود كل الأحبة وليدم أبدا مابيننا ...

الرشيد شمس الدين

غايتو يا قاشورة ليك وحشه...وينك تجي تسمع وتشوف جنس دة
كلو سنه تيبين تيبين
بودي
حمد الله عليالسلامة..كانت ليك وحشه جد جد

العزيز الرشيد
حمدالله على السلامة فقد افتقدناك فى الفترة السابقة وفى انتظار مواصلة ما قبل الصين ( كنا واقفين وين ؟ ) وحمدالله على السلامة تانى
ودام التواصل
عاطف عكود

عاطف القوز الحبيب ,,, لك من الشكر مالايوصف وأنت وخالد تتفقدون كل الغايبين بقدرة يحسدكم عليها كل ( ألفة ) فى المدارس الأولية أيام مجدها السابق ,, عاطف والله ماتقوم به يجعلك قطعا من اللامنين من عذاب نار جهنم رغم أننى لا أصلح لدور المفتى ولأن شهادتى فيك مجروحة بحكم المعزة الخاصة .....
عبدوس العزيز ... لك وحشة شديدة والله وكنت أعلم يقينا ان رسالة الجندوب الخاصة ستجلب لى المتاعب خصوصا معك( وتجيب لى الهوا - كما يقولون) ولكن لم أكن أتصور أن تصل لحد الإستعانة بصديق وأن يكون الصديق هو ماسورة !!!!
ولأننى لم أتعود أن أخفى عليك أسرارا خصوصا وأننا ( دافنينو سوا ) وللكثيرين من محبى الشمارات الذين يتاوقون من خلف ستار هاأنذا أكشف سر رسالة جنى الخاصة بدون إذن منه لأنه تسبب لى فى هذه الأزمة ...
الموضوع يا عبدوس أن جنى الخطير قد قابل فى زيارته الأخيرة للخرطوم مع إسحق ( زوجتى الثانية ) وتعرف عليها ولأن جنى فنان كما شعراء الحقيبة العظماء فإنه هنا يصفها بلسان الشاعر ويتمنى لى ثلاث ورباع ....
ورغم أن الموضوع من الأسرار إلا أن جنى أجبرنى أن أكشفه لك يا عبدوس ....
بالمناسبة أنا أعجب كثيرا من مقدرة شعراء الحقيبة الفائقة على وصف المرأة من شعر رأسها وكل أوصافها بالتفصيل وحين يأتون للمناطق المحرمة فإنهم يجمعون - لعظمتهم - على القول :- ( هوى ياليلى هوى ...هوى ياليلى ...) ..
امل أن أكون قد أشبعت نهمك يا عبدوس العزيز .... أما الزوجة فهى الدفعة القدام امنة بسنتين ...
لكم معزتى بلا حدود وليدم أبدا مابيننا ...

الرشيد شمس الدين

العزيز رشدى....

كل عام وانت بخير وصحة جيده جداً ...والله يديك العافيه مثنى وثلاث ورباع.....

والف مبروك على الثانيه وعقبال ال ...هو ياليلى هوى....هوى...

طبعا انابكتب ليك المداخله ديى وانا بتلفت حولينى وخايف أم العيال تشوف المكتوب ,وليلتنا تصبح كحلى....

بس لازم تفرد لينا بوست خاص للموضوع ده وحتشوف كمية الناس الحيصنقروا فى البنابر وكمية المتاوقيين من بعيد قدر شنو.

لك الود.

العزيز رشدى الف مبروك ولينا بى حالك وكلنا على الدرب سايرون ساهرون حتى لو يجيب لينا الهوا ... والهوى لمن هوى .... وكلنا فى الهوى شرق ... وان كان جنوبيا هواها ! .
واديك سر الحبيب الفنان جنى العجيب فهو من الشباب القلايل ممن كانت بدايتهم معكوسة يعنى بدايتوا كانت فى الاول التانية !!! ثم فى التانى الاولى !!! (ولا شنو يا جنى وبرضو دافنينو سوا؟ )
ودام التواصل
عاطف عكود

خالد ...عاطف العزيز البرئ..ود كرار..احمد والابرياء من الزوار والاعضاء
انا لمن قررت ان استعين بي قاشورة كنته عاوز واحد ليئم يقول لي جني ياخي ما تلف وتتدور..
ولمن رشدي عاوز يبيع لي التبش علي اساس انو عجور قلتة يا ود يا بودي فوت .. لكن الرشيد فاتت عليه انا صحي طيرة في مجالات اللف والدوران لكنه نسي انني عاشرته السيد اوي وسيف كمير وود المختار و ماسورة واسحاق زاتو
بجلالة قدرو


وكثيرين لا داعي لذكر اسمائهم احسن يزعلوا..وشاهد علي العصر في كل الطبخات التي تمت ...يقوم انا - وبمعاشرتي لكل هؤلاء العمالقة يطلع لي اسد...
قال ايه قال زوجة تانيه..هو ده انته تقدر...لمن تشوف حلمة ودنك...هو قال لو ليك
الشغلانه دي اي زول بقدر عليها...احم احم...
لكن والله اضحكتني وسعدت يا رشدي الله يخليك لينا ...
وان شاء الله تعملهم عشرة ..و ليك علي اجيب ليك فتوي..
ياخي في زول طالبنا حاجة..
استعين بقولك ليدم ما بيننا..
عليك الله تحيه خاصة للدكتورة والاسرة... زمن والله وسيظل الامل ان تلتقي يوما ما..
عبدوس

لأحباب الأعزاء ... كل عام وأنتم بخير , أعاده الله عليكم باليمن وكثير البركات ورحم الله موتانا وأبقى زكراهم العطرة حية لا تموت أبدا وجعل الله مقبل أيامنا كلها أفراحا بإذن الله ...
تصادف فى مكتبى شخصان أعرفهما وهما لا يعرفان بعضهما ... أحدهما متزوج للمرة الثانية حديثا , قلت له : كيف عملت هذا الجرم الكبير ؟ ألا يكفينا نحن الرجال عذاب إمرأة واحدة ؟ رد على وبكل بساطة :-
والله يالرشيد مافى أجمل من الزواج الأول إلا الزواج التانى !!! عندها قال الأخ الثالث والذى كان يتابع الحديث بإهتمام :- كمان والله ياأولادى أقول ليكم حاجة , والله مافى أجمل من الزواج التانى إلا الزواج الثالث .... وضحكنا كثيرا فقد ثبت أنه فعلا متزوج من ثلاثة .. رحم الله الإمبراطور الخالد العظيم حسن أبو العائلة فقد كان متزوجا من أربعة نساء يسكن جميعا نفس المنزل مع ثحذير قاطع منه أنه لو سمع صوت إحداهن عاليا فسيقوم بطلاق الأربعة ..
المهم حين كتب الجندوب مداخلته الغامضة بعد أن زار منزلى - تحت الإنشاء - مع إسحق ورد عبدوس مستعينا بماسورة , حبك المقلب وقلت أشوف رد الفعل ...وكان رد الفعل فوق التصور ....
أسامه الحبيب قام جارى تماما كما الكشيف بعد أن حاول (التلبد) ماوسعه - ما قلتو نوبة !!!
عاطف القوز أعتقد أنه لم يفوته المقلب رغم محاولته التعمية !! غايتو ركزت وقلت نحن اللاحقون ..هل ستفعل ...
ود كرار ..اخر تلفت خوفا من المدام ..شكلك لو عملتها ستكون فى السر حتى يقضى الله أمرا كان مفعولا ...
عظمة العزيز أيضا بين بين ولكنك ركزت للحارة ... يبدو أن من سار على الدرب وصل ...
جنى العجيب عمل الموضوع كله وحين تداخل لم يتطرق للموضوع زيادة فى التعمية ..خطير بشكل ....
ود الحرام ماسورة طبعا مابتفوتو فائتة لكنه حين سئل دخل فى الموضوع مؤكدا انه يعرف العروس جيدا ...
المشكلة أحمد محمد أحمد ورغم قصة الزيت التى ذكرها إلا أنه صدق الموضوع وأتصل بماسورة كأنه يتصل للمعايدة ولكنه قال لماسورة :- ياخى دخلت المنتدى( بالصدفة) -حلوة بالصدفة دى!وقريت إنه الرشيد إتزوج تانى ..صحى الكلام دا ؟؟؟ ماسورة أكد له الخبر فسأله : صحى قدام امنة بسنتين ؟ ماسورة قال ليهو كمان أظنها دفعة امنة ...
أما أنت حبيبنا عبدوس فأعترف إنك صاحب خبرات لا تبارى فأنت صاحب العهود الخالدة ولكن تأخيرك فى المداخلة يشكك أنك كنت تجرى إتصالات للتأكد ...ثم كيف يمكن أن أعتقد أنك طيرة ؟ أبدا والله , ماسورة التافه قال لى قول ليهو ( اوى وسيف كمير ومختار وسوحى وهو ) مجرد تلاميذ مبتدئين فى مدرستك لأنك محنك فأنت الشيف كوك فى كل الطبخات ولا داعى لهذا التواضع ...على أى حال شكرا على الفتوى وذى ماإنت قلت ( هو أنا أقدر ؟؟ ) ...
كشف الأمر أيضا أن الكثيرين والله على الهبشة وفى إنتظار فتوى حتى ولو من عند عبدوس ... شوفو الضبح فى زول غيرى وكمان قالوا فيها زيت حار فى النخرة ..لا بالله ....
كل عام وأنتم بخير وليدم أبدا مابيننا ...

الرشيد شمس الدين

والله ووحاتك يا رشدي انا من اول وهلة عرفته الموضوع وما جاري وراك انته لكن كنته عاوز اقول لي ماسوره باين في اشبال ..خلي بالك..ووحاتك ما اتصلتة بي اي زول والغريبه انا فهمته من كلامك ..انك تقصد انو - اسحق - هو زوجتك التانيه ...
توقفت قليلا ومشيتها..عارف المعزه البيناتكم لكن قلته مشي.. لكن ما خطر في بال ناس عاطف وخالد وباقي الاخوة الاعزاء ابدا مادار بخلدي وما فكرته فيهو وزي ما قلتة ليك انته ممكن تعملها لو عملها ماسورة ..السحوق وواحدين كتار...انته ناسي انو محمد صالح حومني وفرجني قبل سنه نفسس فريج اسحق لي جني...قال ايه تحت التشييد..قال... ياخي ان شاء الله تعملهم عشرة في زول طالبنا حاجة
لك محبتي ومعزتي واجمل امنياتي..
عبدوس

عاطف عكود كتب:العزيز رشدى الف مبروك ولينا بى حالك وكلنا على الدرب سايرون ساهرون حتى لو يجيب لينا الهوا ... والهوى لمن هوى .... وكلنا فى الهوى شرق ... وان كان جنوبيا هواها ! .
واديك سر الحبيب الفنان جنى العجيب فهو من الشباب القلايل ممن كانت بدايتهم معكوسة يعنى بدايتوا كانت فى الاول التانية !!! ثم فى التانى الاولى !!! (ولا شنو يا جنى وبرضو دافنينو سوا؟ )
ودام التواصل
عاطف عكود

الاعزاء الكرام لكم الود فى هذة الليلة المباركة اللهم اجعلها مباركة على الكل وتهانى العيد موصولة للاعزاء كابتن عبدالرحمن وماسورة واسحاق.
العزيز رشدى فعلا ذى ما قلت المقلب ما فاتنى رغم البراءة ذى ما قال الغالى عبدوس وارجع للمداخلة السابقة وما بعدها طبعا الحبيب جنى بنى البيت وكمان الحيطة وقعت حتى بعد داك اتزوج ( ولا شنو يا جنى العجيب )
وردى على سؤال اخونا احمد محمد احمد كان (للمعلومية الجرى بين البيتين هو بيت القصيد !!!)
الغالى رشدى عن سؤالك هل سافعلها ؟ نعم وألف نعم لو الظروف المادية ساعدت سافعلها وانشاء الله ناصية على شارعين والهوى جنوبى شرقى ( شن قولك ما ركزت ؟)
ربنا يسعدك والاسرة الكريمة وكل عام والجميع بالف خير
عاطف عكود

هههههههههههه

و الله قربت اصدق لكن المخلينى اشك انو نوع الرجالة دى انتهت باعتزال الكباتن الكبار زي اخونا كابتن عبد الرحمن.

بينى و بينك رغم ان جدى تزوج حداشر مرة و لى عم تزوج سبعة مرات وابوى اتزوج مرتين (رحمهم الله اجمعين) ما قدرت افتح البوست الفيه سيرة الزواج مرة تانية الا بعد ما ام العيال نامت لانها بتاوق مرة مرة عشان تشوفنى شغال فى شنو.
يا روح ما بعدك روح على قول اخوانا المصريين.

عمنا حاج احمد... الالقاب دي بس عشان ام العيال تتطامن اكان جات تتاوق.. المهم القال ليك انا اعتزلته منو والله بس ما لاقي لي لاعبا الواحد ينوم مطمئن بعد ما يسجلو لكن وحاتك يوم ما القي لاعب زي وارقو...شفتة اخوك مثقف كرويا كيف- زيت شنو البوقفنا..علي فكرة اتمني ان القالك بعد العيد لدي فكرة صغنونه اني اجي السودان يوم 4
ما تكبو الزوغه..
حرقتني اضافة قمته من السرير عشان اضيفها يا جدو احمد... النسوان الزول الفيهو رقشه بتابعوهو ويراقبوهو لكن وحاتك اكان بقيت زي قاشوره وواحدين تانين.....اكان لقوك راقد معاها في سرير واحد ما بسعلوك....قال بتاوق قال..احمد..احمد ربك ونوم مطمئن ..بس علي بطنك..احسن الزيت في النخرين بخش الرئة...عليك الله يا حاج احمد اعمامك واجدادك العرسو كتير ديل ماتو بالزيت ام بغيره...تتعدد الاسباب والموت واحد..
اللهم اغفر وارحمهم وسامح واغفر وارحم سائر موتانا يا كريم..
اهو دردرشة عيد من واحد فاقد حنان وشيه وشربوت...بس ما زيت
معزتي..