مـــدن ... ومـــدن ... كتابة للحنين
+15
عبدالمنعم جنيدابي
ود كرار
المهدى عثمان مصطفى
الفاتح محمد ادريس
Admin
عبدالرحمن محجوب يوسف
احمد محمد احمد
عبد الرحمن الزين2
راشد
محمد الجمل
الرشيد شمس الدين عبدالله
خالد عبدالحميد
عبد العظيم الامين الطاهر
عاطف عكود
أسامة معاوية الطيب
19 مشترك
صفحة 10 من اصل 13
صفحة 10 من اصل 13 • 1, 2, 3 ... 9, 10, 11, 12, 13
رد: مـــدن ... ومـــدن ... كتابة للحنين
غنـــــــوة
من غنوة حنينة وروق أشواق ونجماية تقالد نجماية
وضَّن بالنسمة خيوت الروح مرقن والشارع مصلاية
وعصفورة في طرف الأحلام على عش اللهفة الغناية
تتصبح يومي على الأفراح وتتماسى رهيفة ودوباية
جات مارقة حبيبتي وغنيتا دخلتني وضوّت جواية
من شهقة في خاطر أحباب تتفتح وردة وموّال
من دمعة فرحة بتتلاوح على غيم يتباشر مرسال
تكتب على ورق الأعمار أبيات العشق الهطال
وتتسرب رعشة ورا رعشة تسكن في خدر الآمال
وفي دارة الحلم تجي تبشر في حبيبتي وآخد الشبال
وعلى كيف الفرحة بنتسامر وعلى كيف الهمسة بصافيها
وفوق غيمة مسافرة من امبارح امرق على باكر أوافيها
دي حبيبتي تخيّت برموشا لبحور ريدتنا مرافيها
وعيونا وغيمة وعصفورتين راسمات لأقلامي قوافيها
في ايدينا نقوش الونسات وفي ايديا الدنيا ومافيها
وحبيبتي مقاطع من غنوات مكتوبة في دفتر أمطار
مغسولة سماحة وحنية برهافة شجن الأوتار
يا ايدا وكت تكتب مرة فوق ايدي نداوة الاشعار
وبيناتنا الدنيا تجي وتمشي دايبين في نشوة مسدار
نتمشى في شارع لهفتنا وفي بالنا يطول المشوار
25/12/02
خالد : دا النص كامل
وبجيك يا حبيب
من غنوة حنينة وروق أشواق ونجماية تقالد نجماية
وضَّن بالنسمة خيوت الروح مرقن والشارع مصلاية
وعصفورة في طرف الأحلام على عش اللهفة الغناية
تتصبح يومي على الأفراح وتتماسى رهيفة ودوباية
جات مارقة حبيبتي وغنيتا دخلتني وضوّت جواية
من شهقة في خاطر أحباب تتفتح وردة وموّال
من دمعة فرحة بتتلاوح على غيم يتباشر مرسال
تكتب على ورق الأعمار أبيات العشق الهطال
وتتسرب رعشة ورا رعشة تسكن في خدر الآمال
وفي دارة الحلم تجي تبشر في حبيبتي وآخد الشبال
وعلى كيف الفرحة بنتسامر وعلى كيف الهمسة بصافيها
وفوق غيمة مسافرة من امبارح امرق على باكر أوافيها
دي حبيبتي تخيّت برموشا لبحور ريدتنا مرافيها
وعيونا وغيمة وعصفورتين راسمات لأقلامي قوافيها
في ايدينا نقوش الونسات وفي ايديا الدنيا ومافيها
وحبيبتي مقاطع من غنوات مكتوبة في دفتر أمطار
مغسولة سماحة وحنية برهافة شجن الأوتار
يا ايدا وكت تكتب مرة فوق ايدي نداوة الاشعار
وبيناتنا الدنيا تجي وتمشي دايبين في نشوة مسدار
نتمشى في شارع لهفتنا وفي بالنا يطول المشوار
25/12/02
خالد : دا النص كامل
وبجيك يا حبيب
أسامة معاوية الطيب
رد: مـــدن ... ومـــدن ... كتابة للحنين
غنــــــــوة
من غنوة حنينة وروق أشواق ونجماية تقالد نجماية
وضَّن بالنسمة خيوت الروح مرقن والشارع مصلاية
وعصفورة في طرف الأحلام على عش اللهفة الغناية
تتصبح يومي على الأفراح وتتماسى رهيفة ودوباية
جات مارقة حبيبتي وغنيتا دخلتني وضوّت جواية
من شهقة في خاطر أحباب تتفتح وردة وموّال
من دمعة فرحة بتتلاوح على غيم يتباشر مرسال
تكتب على ورق الأعمار أبيات العشق الهطال
وتتسرب رعشة ورا رعشة تسكن في خدر الآمال
وفي دارة الحلم تجي تبشر في حبيبتي وآخد الشبال
وعلى كيف الفرحة بنتسامر وعلى كيف الهمسة بصافيها
وفوق غيمة مسافرة من امبارح امرق على باكر أوافيها
دي حبيبتي تخيّت برموشا لبحور ريدتنا مرافيها
وعيونا وغيمة وعصفورتين راسمات لأقلامي قوافيها
في ايدينا نقوش الونسات وفي ايديا الدنيا ومافيها
وحبيبتي مقاطع من غنوات مكتوبة في دفتر أمطار
مغسولة سماحة وحنية برهافة شجن الأوتار
يا ايدا وكت تكتب مرة فوق ايدي نداوة الاشعار
وبيناتنا الدنيا تجي وتمشي دايبين في نشوة مسدار
نتمشى في شارع لهفتنا وفي بالنا يطول المشوار
__________________
عووووووووووووووووووووووووووووووووووك والله يا ناس البحر شرطتو عينا..انتو اكان عارفين اسامه ده كيف بعزوه وبتكسرو فيهو في المنتديات التانيه لتمني اي واحد منكم ان يكون اسامه...................يا اسامه مثلك كثيرا علينا...
اصحو يا امم..نمنا كفايه حتي مطلع الورديه..ماذا جنينا.....
والله غبت بس تلات ايام وقلته لمن اعود عاوز لي تلاته تانيات عشان الحق لقيتكم يا نحنا...
الشعر الرقيق اعلاه يا ما رددوه وسرحو فيهو..كتبوه بالحروف- الغلاد- والرقاق رقة العصافير...ولولا وهن يعتري القلب وشح في حجراته لقلت له
يا اسامه انت اكتب وخليني ارد علي المعجبين ...ات..
اسامه..كلمات رائعه ولا شك..
لله درك ابني حفظك الله ورعاك واكثر ما يعجبني فيك انك لم تتنكر لنا وماذا كسبت من وراء ذلك....قبضت الريح...فنحن جاحدون
نعم وحقك جاحدون ولكن لك في القلب موضع وجزي الله خالدا كل خير...............رشدي
ودعكود راشد ود كرار .. احمد. عصملي الجمل..ناس بورسودان اصحي يا بريش وحاتكم اكان طفش المره الا تكوسهوه وتجرو وراهو من منتدي الي اخر
وتقولو هي ده ما كان عضو معانا..كان..
احبتي...
معذره للقساوه لكنها
من القلب...
عبودي........................
عبد الرحمن الزين2
رد: مـــدن ... ومـــدن ... كتابة للحنين
ياعمنا عبدوس...
يعنى مستكتر علينا الجمال ده, ولوما كان من دمنا وبحرنا.
وبعدين احنا صامتين صمت دهشه وتامل, لاصمت انشغال وتجاهل.
والكلام الكبير ده عاوز ليه مشاركه بحجمه والا فالصمت فى حرم الجمال جمال.
و احسن نعايين بعيونا ساكت ونقول واسامه ده من كارنا ولحمنا ودمنا, ويكفينا هذا فخراً.
ود كرار
يعنى مستكتر علينا الجمال ده, ولوما كان من دمنا وبحرنا.
وبعدين احنا صامتين صمت دهشه وتامل, لاصمت انشغال وتجاهل.
والكلام الكبير ده عاوز ليه مشاركه بحجمه والا فالصمت فى حرم الجمال جمال.
و احسن نعايين بعيونا ساكت ونقول واسامه ده من كارنا ولحمنا ودمنا, ويكفينا هذا فخراً.
ود كرار
ود كرار
رد: مـــدن ... ومـــدن ... كتابة للحنين
مسا الخيرات ...صمت ود كرار فأجاد وافصح بلغة الصمت دررا ...ولن نزيد علي ماقاله ود كرار إلا صمتا ......لم ولن يكن الرائع اسامة محل تجاوز حتي ولو هزوا ويظل كل فرد عضو او زائر من داخل البطانية او خارجها محل حفاوة وترحيب...والله المشغوليات هي التي ابعدتنا عن فضائكم الاسفيري ولكنني بين الوقت والاخر استرق الخطو في صمت واقراء فقط عناوين البوستات ولا يزال وعدي قائما للعودة والقراءة البشويش ....وكل عام وانتم بخير
راشد
رد: مـــدن ... ومـــدن ... كتابة للحنين
يعني اسع كدا الواحد يعرف نفسو انو ما من ناس البحر ؟ طيب الرشمة الرشمناها ديك كلهههههها نسوي بيها شنو ؟؟
غايتو عصرتو علينا
عبدوس الشهير بعبدارحمن سلامات ... وكلامك يشهد الله يتوّر النفس ... ويخلي الزول بينو وبينو كدا راسو يكبر ... والمكانة والمكان محفوظات ياحبيب ... الا المهابشة
ود كرار وراشد شايفكم اتحسستو ... والله نص بحري يعرف يجيب آخركم ماهو هين
خصوصا لما يكون موصي عليهو الكابتانو شخصيا
ياخي ازيكم كلكم
غايتو عصرتو علينا
عبدوس الشهير بعبدارحمن سلامات ... وكلامك يشهد الله يتوّر النفس ... ويخلي الزول بينو وبينو كدا راسو يكبر ... والمكانة والمكان محفوظات ياحبيب ... الا المهابشة
ود كرار وراشد شايفكم اتحسستو ... والله نص بحري يعرف يجيب آخركم ماهو هين
خصوصا لما يكون موصي عليهو الكابتانو شخصيا
ياخي ازيكم كلكم
أسامة معاوية الطيب
رد: مـــدن ... ومـــدن ... كتابة للحنين
أسامة معاوية الطيب كتب:غنـــــــوة
وعلى كيف الفرحة بنتسامر وعلى كيف الهمسة بصافيها
وفوق غيمة مسافرة من امبارح امرق على باكر أوافيها
ياخى انا اتحيرت
بعد ما وقفت زيـــــــــــــــــــــن فى ((دفتر الامطار)) كعبارة ابلغ من البلاغة ذاتها
على مهل ،،توقفت مع الكيفين الفوق ديل ،،،لامن كيّفونى
اما الطباق والمقابلة وماشابه فى امبارح وباكر والسفر والموافاة
فوالله ابداع من درجة فارس
وتتواصل القراية ان شاء الله
خالد عبدالحميد
رد: مـــدن ... ومـــدن ... كتابة للحنين
الغالى اسامه معاويه وين الحى بيك ياراجل ليك مده تظهر من وراء الكواليس , اى نعم نحنا عارفين اننا مقصرييييين معاك لكن نعمل شنو ليس لنا الا الاندهاش من غنوة واخواتها
....................................
من كواكب اسحق الحلنقى
ماعلى لوجات مواكب ولا فاتتنى المراكب
القمر مادام معايا اعمل ايه انا بالكواكب
ماعلى بالقاسيه تحصل يبقى لى الهم مفصل طالما ريدك مأصل
خلى كل الباقى يحصل
البخاف الموج بشييلو والبواصل العوم بيوصل
...................................
وياخى واصل ودام التواصل
عاطف عكود
....................................
من كواكب اسحق الحلنقى
ماعلى لوجات مواكب ولا فاتتنى المراكب
القمر مادام معايا اعمل ايه انا بالكواكب
ماعلى بالقاسيه تحصل يبقى لى الهم مفصل طالما ريدك مأصل
خلى كل الباقى يحصل
البخاف الموج بشييلو والبواصل العوم بيوصل
...................................
وياخى واصل ودام التواصل
عاطف عكود
عاطف عكود
رد: مـــدن ... ومـــدن ... كتابة للحنين
اسامة ،،كيفك يا فنان وكيف رمضان فى تركيا ،التى كانت حاضرة الخلافة ذات حين ولا زالت حاضرة البحر،،هذا الذى يجمع كل رواد المنتدى هذاأسامة معاوية الطيب كتب:غنـــــــوة
نتمشى في شارع لهفتنا وفي بالنا يطول المشوار
،،ياخى قبل يومين لاقتنى ليك قصيدة ليك فى احد المواقع وقدر ما حاولت اجيها راجع طشت
لكن نحاول تانى بسرعة اسرع عسى ما يطول مشوار اللقيا
لك الف ود
خالد عبدالحميد
رد: مـــدن ... ومـــدن ... كتابة للحنين
عن إذنك يا طيبة
يا متكفي من ضرع القوافي الدار
ومندفي
علی برد الغنا الوافي
ونشيدو الحار
وما اتهردت لهاتك يوم علی حرفك
ولا ضلت معانيك المرافي
السار
علی ضفة مساديرا القلم صباحي
والشعر الخرافي وطار
وبار في سوقك المتعافي
سوس الروس
ومارجت البيجري تقيك
غنا وعافي ونصيح أشعار
ويا متعبي بي ريحة بلد متخبي
في وجعة ولف راجعبي
تالا لحونك المليانة
زي البانة
ماحوّج غناك لي شعبي
راكزني وهواك مايلبي
يا الداخل مسامات شعبي
يا اتنفست فيك احزاني
يا فرحك عرف يمرقبي
واتلقاك ضنين الكلمة
فارد لي سماك النجمة
مارق من عيون النسمة
خيتا من شعاع في دربي
شارق في الليالي الغمة
فانوس الحنّين قلبي
حارق دمي
شان ينجم فوق عصب القصايد نمي
شان نتلم فوق دعواتك المبروكة حين تنجمي
واتوكل واغنيلك
تلاوي حروفي ريحة المطرة
واتجاسر علی وصفك واجي اشكيلك
وطول ما نشفت كتاحة شتلات العشم جواي
يبق نيلك
واناديلك
وحد ما سافرت غنواتي واتغرب تظل هيلك
تقوم مغصوبة للمرقة
وتقع دمعاتا بينات ايد مناديلك
واناديلك
حفيف الوجعة
صوت الرجعة
للقمري الطفر من عيني يحكيلك
ومنك جدعة ترتاح البلد تنجم
فوق وتر الغنا التريان وجاييلك
شقي وحفيان
ومليان بي غناك ولهان
وحد مابتقت جواي حروف والحان
يطير طير القصيد لا فوق
يقع مابين ايدين غنواتك المليانة كارس وصان
يشيل من صوتك البرجعبو لي بيت الشعر فرحان
ويتوسد مساماتك عشان ينضح
نشيد شوقو ويغني غنا السرور
يمرق عرق واشجان
ويتلافاهو عند المرقة نسام الوطن احضان
ويغرق في ليالي غناهو
حين دنياهو كانت حلمو يوم صحاهو
بينات المعاهو نشيد
وطفر دمعو من عين الحنين الجاهو
واتواتاهو
عيد في عيد
وفي ذات ليلة
كانت طيبة مجروحة غنا ومحمومة
ناديناها
ياتفل الأسی الجوانا
تقل شاي عزانا هموما
وهي المسكينة
كيف مقهومة
من يوما الوقع قداما باب الخلوة
سكران بي غناهو الفاوة
ما طقشت عيونا النومة
مسخانة الميهي
وحلتا الوسخانة
بي مرق الكضب مسمومة
لقطنالا من حبل الفريق
باقي الضحية وريحة السلخانة
كان تقدر تقيف لا حيلا
تتماسك تغني الحانا
تقدل بي قفا الشفخانة
تقدل في وشي الشفخانة
في مخلاتا تاريخ الولف والشوق
وطيبة احلام
ودمعات الأسی الطفرت علی الجبانة
يا طيبتنا
اميمتي واخيتي
وامال الصبا التريانة
ماغنيت قدر وصفك
ولا عشر المدسدسو ليك
بكا واشواق
ولا حتی ان كتلني الفاق
ولا النيل ان بقالي مداد
رسم جياتك الازهار
علي روض الغنا الحراق
يظل افراق
ويغزر في القلوب معناك
ويحفر حنو في الأعماق
يظل افراق
ويكبر شتلك الرويان
ويهطل غيمك الدفاق
واظل افراق
وشن تنفع مع ضلك
حبيبات حبنا الرقراق
وما قامت صلاة اشواقنا
في بعدك
علی لقاط تيممنا
وانت وضونا للأشواق
واظل أفراق
الا ان تصطفيني سماك
نبي الغنوات وتامن بالقصيد
اوراق
واهاجر في مدن عينيك
مسرج طيب هواك براق
واكوّع فوق ضهر ريدتنا
اكركع حنّك العشراق
وانز من كل مسام الروح
سماحتن أحلى من تنضاق
واضاير من غناك غناي
مخافة نورك البراق
وماغنيت قدر وصفك
ولا عشر المدسدسو ليك
بكا واشواق
ولا حتی ان كتلني الفاق
يا طيبة بطان الطين
وسكان الغنا الطيبين
وحراق الحشا الاخراني
واول من يباشر وزين
ويا طيبتنا
ياك سكتنا
فوق درب العديل والزين
وفراجة هموم دنيتنا
عصفورة الوفا الركابا
لحن الحلي فوق اغصان نشيد غنيتنا
واتكسرت عليكي الخطوة
باشرناكي في باشة جديد ايامنا
بشرناكي في حفلتنا
واستنينا لما سحابك المبروك
تدودرو الريح علي حلق الفيافي مطر
تقوم ضحكتنا
تقلع بالرفيف الفيها محناتن قبيل وطتني
جمر الآهة كم بكتني
ما خلتني انقنق في قفا الامات شكايات
الاسي اللخبتني
ورغما عن نهارات الاماني ضهرنا
كيف هرت الوساوس بطني
وكيف شاخت صبايا النية
واتسندت تعكز ظني
ادفق خوفي فوق واطات ابوي تحملني
ما حملتني
ما استنتني
اقح غنواتي ما خلتني
عد ما قطرت دمعاتي فوق الماضي
واتوضيت حبيبة الذكری جات صلتني
مصلاية هجير وقلتني
وعد ما زاوغت احلامي
شارفت الفرح بكتني
مشدود فوق قوافي طوافا
كعبة غنوتن فنتني
واتشايلت الملم روحي من اكفان ضلامي
واجيها
اكتب فوق مسارح الدنيا ريدتن فيها
يا نابع نشيدك منها وجاييها
هادي الدنيا ضحكاتا
وسمانا وشيها
هادي الوقفة في طرف المحنة مشيها
هادي الواقفي في درب القواسي
وحاسي
مافكت حبل ريدتنا ما غمتت تفك الجيهة
ما نست الخطا التمشيها
وهادي المرة ما اتلاكت لهند الآفة
مطروحة وشي وصلاية
ما فكت عقيدتن ليها
غنينالا فوق القيف
وكيتا تكوي هدام السنين السمحة
باريناها
لا طالت علينا الحومة
لا قصرت عليها الطرحة
من بينات انين احلاما
شرت بين عيونا الفرحة
واتقلدن خطاوي الشوق
تطفر دمعة من عين القماري نشيد
وتتشابك ايديات القصيد
قوقاي
يذكرني الزمان نستني
سهر الآهة قعدت بالكتير حستني
يا فارض براسيم الهوی القدامي
واقف زي رسول الغنوة
لي عالم زمان احلامي
فيك ايامي
تتماری المطر والعيش
وتتضاحك خدار بيوضة
تتفالع قموح وتمور
وتترامی الجداول شوق
يبل حلق الغنا العتمور
ولون بي جناحو الطير سما الغنوات
وبي ضحكات قلوب مفتوحة
زي حيشانا
فوق اسف الغنا المجروح
مدن مبنية من الدمعة من الضحكة
حرقة روح
وصرات الوشي المطروح
من يابا الكتم احزانو في
ضل همبريب راكوبة
من يمة الملتق توبا
جات تنفحني
بي طيباتا
والخاطر وراها لفحني
جيت ابكيلا غبنا فينا جات بكتني
ما استنتني اقح غنواتي ما خلتني
اكتب فوق ضهاري الغيمة
مطرا ما رجاك يبحتني
تيراب الولاد القامو فوق تقند غناك
وصتني
رغما عن شحيح القدرة
جيدا لي صباح باختني
واستنتني في الفجاج وجيت احكيلا
حكواتن قبيل في الحارة هدت سري
كم هدتني
ياطيبتنا بكتبلك مخافة الفتني
واكتبلك مسافة شهقتك تلفتني
مين يا طيبة ما بيعرف ملامحك فيهو
لو طقشت حروفك اضانو
أو لاقاكي بين عينيهو
منو الما اتنفسك في الكتمة
صرابك طرحتي وشيهو
ومين يا طيبة ما شاكل في ريدتك ضلو
أو حجز قصيدتن ليهو
وهاك يا شمشنا المتكابي فوق درب الترك تيراب
محل ما تدخل الغنوات تفرش لهفة الأحباب
تخيت بي خيوتك ضو
يلتق ضلمة الأيام وتفتح للأمل أبواب
ويا غنواتو واقفات فوق قيوف الشوق
وكاتحات همبريب الساب
علی خيل باكر الممدود
عنيقريب فوق ترا وهباب
واتكيفبك القراع ودودر شوقو
بي جبنة هواك الداب
علی سرج العشق واحلامو
راجعلك ينور سكتك وايامو
واحضان الولف والريد
ومسدار لوعتو الغلاب
ومين يا طيبة مين
غير شعب راجل ما بيموت
غير نسمة شالت لون فراشاتا
وغشت كل البيوت
غير دمعة في فرح البلد أو مأتما
بتنزل خيوت
غير نجمة تلصف فوق كتف هادي التمر
عقبان تغنيلو وتفوت
غير رعشة زي رجفة قلب
بي رجعة الغايبين تبوح
والحلي تتلملم ضحك
والحزن يتفرق يروح
والخاطر المكسور يطيب
والعافي ترجعلو ويفوح
زي الورود اللامست طرف الندی البي فوقا روح
وانت الوقف يدي الشدر لونو
وشقوق الارض يبقالن مسوح
الليل بحر
أو من ودك صبرو الفتر
لماها في ريق الغمامات الصبوح
بستأذنك يا طيبة
لو كسرت دواتي ايدين رياح
من شوقي لي شوقك علی باب الصباح
واستأذنك لو غلطت هادي القوافي علی وشيك
مسكيني ما قدرت تغني وشيكي صاح
واستأذنك لو كلم المطر الخلا
وبيناتن القلم استراح
واستأذنك لو ضحكت عينيك قصيدة
وبكت احلامي الجراح
واستأذنك لو مت بي شوقك ولف
واحياني نبضك بارتياح
واستأذنك لو غيم سأل عنك
ردت سنابل غنوتك قيساب
وطيّب بال جروفك نيل
حاضن خطاوي القمري والتمر الشهق
بوابة من حلمك علی درب المسافرين
اليغنوك في لياليهم حباب
وايدك في ايد المشتهنك
تدخلي الأوتار مسادير من حنينا
وخوفنا يا طيبتنا
في غيبتك علی هادا التراب
وايدينا في قلب القصيد نرجاك
نضاير من نشيد احلامنا
حمی الاغتراب
ياك ضحكتنا
فراقة سنين قهمتنا
فراجة هموم دنيتنا
مصلاية زمن صحوتنا
في باكرنا من ها الماضي
ياك طبقة سكر فرحتنا
غمدتنا البنحلم فيها
ما جات المحن صحتنا
ياك نقزتنا عز نوبتنا
يا طيبتنا
عصفورة الوفا الركابا
لحن الحلي فوق اغصان نشيد غنيتنا
واتكسرت عليكي الخطوة
باشرناكي في باشة جديد ايامنا
بشرناكي في حفلتنا
واستنينا لما سحابك المبروك
تدودرو الريح علي حلق الفيافي مطر
تقوم ضحكتنا
شفع من غنا وسمحين
وقادلنبك عديلة وزين
ويا طيبتنا
هاكي ايدينا نتقالد زمن لمتنا
نفلع للهجيري كلابا
بي صوت همبريب جيتنا
أسامة معاوية الطيب
يا متكفي من ضرع القوافي الدار
ومندفي
علی برد الغنا الوافي
ونشيدو الحار
وما اتهردت لهاتك يوم علی حرفك
ولا ضلت معانيك المرافي
السار
علی ضفة مساديرا القلم صباحي
والشعر الخرافي وطار
وبار في سوقك المتعافي
سوس الروس
ومارجت البيجري تقيك
غنا وعافي ونصيح أشعار
ويا متعبي بي ريحة بلد متخبي
في وجعة ولف راجعبي
تالا لحونك المليانة
زي البانة
ماحوّج غناك لي شعبي
راكزني وهواك مايلبي
يا الداخل مسامات شعبي
يا اتنفست فيك احزاني
يا فرحك عرف يمرقبي
واتلقاك ضنين الكلمة
فارد لي سماك النجمة
مارق من عيون النسمة
خيتا من شعاع في دربي
شارق في الليالي الغمة
فانوس الحنّين قلبي
حارق دمي
شان ينجم فوق عصب القصايد نمي
شان نتلم فوق دعواتك المبروكة حين تنجمي
واتوكل واغنيلك
تلاوي حروفي ريحة المطرة
واتجاسر علی وصفك واجي اشكيلك
وطول ما نشفت كتاحة شتلات العشم جواي
يبق نيلك
واناديلك
وحد ما سافرت غنواتي واتغرب تظل هيلك
تقوم مغصوبة للمرقة
وتقع دمعاتا بينات ايد مناديلك
واناديلك
حفيف الوجعة
صوت الرجعة
للقمري الطفر من عيني يحكيلك
ومنك جدعة ترتاح البلد تنجم
فوق وتر الغنا التريان وجاييلك
شقي وحفيان
ومليان بي غناك ولهان
وحد مابتقت جواي حروف والحان
يطير طير القصيد لا فوق
يقع مابين ايدين غنواتك المليانة كارس وصان
يشيل من صوتك البرجعبو لي بيت الشعر فرحان
ويتوسد مساماتك عشان ينضح
نشيد شوقو ويغني غنا السرور
يمرق عرق واشجان
ويتلافاهو عند المرقة نسام الوطن احضان
ويغرق في ليالي غناهو
حين دنياهو كانت حلمو يوم صحاهو
بينات المعاهو نشيد
وطفر دمعو من عين الحنين الجاهو
واتواتاهو
عيد في عيد
وفي ذات ليلة
كانت طيبة مجروحة غنا ومحمومة
ناديناها
ياتفل الأسی الجوانا
تقل شاي عزانا هموما
وهي المسكينة
كيف مقهومة
من يوما الوقع قداما باب الخلوة
سكران بي غناهو الفاوة
ما طقشت عيونا النومة
مسخانة الميهي
وحلتا الوسخانة
بي مرق الكضب مسمومة
لقطنالا من حبل الفريق
باقي الضحية وريحة السلخانة
كان تقدر تقيف لا حيلا
تتماسك تغني الحانا
تقدل بي قفا الشفخانة
تقدل في وشي الشفخانة
في مخلاتا تاريخ الولف والشوق
وطيبة احلام
ودمعات الأسی الطفرت علی الجبانة
يا طيبتنا
اميمتي واخيتي
وامال الصبا التريانة
ماغنيت قدر وصفك
ولا عشر المدسدسو ليك
بكا واشواق
ولا حتی ان كتلني الفاق
ولا النيل ان بقالي مداد
رسم جياتك الازهار
علي روض الغنا الحراق
يظل افراق
ويغزر في القلوب معناك
ويحفر حنو في الأعماق
يظل افراق
ويكبر شتلك الرويان
ويهطل غيمك الدفاق
واظل افراق
وشن تنفع مع ضلك
حبيبات حبنا الرقراق
وما قامت صلاة اشواقنا
في بعدك
علی لقاط تيممنا
وانت وضونا للأشواق
واظل أفراق
الا ان تصطفيني سماك
نبي الغنوات وتامن بالقصيد
اوراق
واهاجر في مدن عينيك
مسرج طيب هواك براق
واكوّع فوق ضهر ريدتنا
اكركع حنّك العشراق
وانز من كل مسام الروح
سماحتن أحلى من تنضاق
واضاير من غناك غناي
مخافة نورك البراق
وماغنيت قدر وصفك
ولا عشر المدسدسو ليك
بكا واشواق
ولا حتی ان كتلني الفاق
يا طيبة بطان الطين
وسكان الغنا الطيبين
وحراق الحشا الاخراني
واول من يباشر وزين
ويا طيبتنا
ياك سكتنا
فوق درب العديل والزين
وفراجة هموم دنيتنا
عصفورة الوفا الركابا
لحن الحلي فوق اغصان نشيد غنيتنا
واتكسرت عليكي الخطوة
باشرناكي في باشة جديد ايامنا
بشرناكي في حفلتنا
واستنينا لما سحابك المبروك
تدودرو الريح علي حلق الفيافي مطر
تقوم ضحكتنا
تقلع بالرفيف الفيها محناتن قبيل وطتني
جمر الآهة كم بكتني
ما خلتني انقنق في قفا الامات شكايات
الاسي اللخبتني
ورغما عن نهارات الاماني ضهرنا
كيف هرت الوساوس بطني
وكيف شاخت صبايا النية
واتسندت تعكز ظني
ادفق خوفي فوق واطات ابوي تحملني
ما حملتني
ما استنتني
اقح غنواتي ما خلتني
عد ما قطرت دمعاتي فوق الماضي
واتوضيت حبيبة الذكری جات صلتني
مصلاية هجير وقلتني
وعد ما زاوغت احلامي
شارفت الفرح بكتني
مشدود فوق قوافي طوافا
كعبة غنوتن فنتني
واتشايلت الملم روحي من اكفان ضلامي
واجيها
اكتب فوق مسارح الدنيا ريدتن فيها
يا نابع نشيدك منها وجاييها
هادي الدنيا ضحكاتا
وسمانا وشيها
هادي الوقفة في طرف المحنة مشيها
هادي الواقفي في درب القواسي
وحاسي
مافكت حبل ريدتنا ما غمتت تفك الجيهة
ما نست الخطا التمشيها
وهادي المرة ما اتلاكت لهند الآفة
مطروحة وشي وصلاية
ما فكت عقيدتن ليها
غنينالا فوق القيف
وكيتا تكوي هدام السنين السمحة
باريناها
لا طالت علينا الحومة
لا قصرت عليها الطرحة
من بينات انين احلاما
شرت بين عيونا الفرحة
واتقلدن خطاوي الشوق
تطفر دمعة من عين القماري نشيد
وتتشابك ايديات القصيد
قوقاي
يذكرني الزمان نستني
سهر الآهة قعدت بالكتير حستني
يا فارض براسيم الهوی القدامي
واقف زي رسول الغنوة
لي عالم زمان احلامي
فيك ايامي
تتماری المطر والعيش
وتتضاحك خدار بيوضة
تتفالع قموح وتمور
وتترامی الجداول شوق
يبل حلق الغنا العتمور
ولون بي جناحو الطير سما الغنوات
وبي ضحكات قلوب مفتوحة
زي حيشانا
فوق اسف الغنا المجروح
مدن مبنية من الدمعة من الضحكة
حرقة روح
وصرات الوشي المطروح
من يابا الكتم احزانو في
ضل همبريب راكوبة
من يمة الملتق توبا
جات تنفحني
بي طيباتا
والخاطر وراها لفحني
جيت ابكيلا غبنا فينا جات بكتني
ما استنتني اقح غنواتي ما خلتني
اكتب فوق ضهاري الغيمة
مطرا ما رجاك يبحتني
تيراب الولاد القامو فوق تقند غناك
وصتني
رغما عن شحيح القدرة
جيدا لي صباح باختني
واستنتني في الفجاج وجيت احكيلا
حكواتن قبيل في الحارة هدت سري
كم هدتني
ياطيبتنا بكتبلك مخافة الفتني
واكتبلك مسافة شهقتك تلفتني
مين يا طيبة ما بيعرف ملامحك فيهو
لو طقشت حروفك اضانو
أو لاقاكي بين عينيهو
منو الما اتنفسك في الكتمة
صرابك طرحتي وشيهو
ومين يا طيبة ما شاكل في ريدتك ضلو
أو حجز قصيدتن ليهو
وهاك يا شمشنا المتكابي فوق درب الترك تيراب
محل ما تدخل الغنوات تفرش لهفة الأحباب
تخيت بي خيوتك ضو
يلتق ضلمة الأيام وتفتح للأمل أبواب
ويا غنواتو واقفات فوق قيوف الشوق
وكاتحات همبريب الساب
علی خيل باكر الممدود
عنيقريب فوق ترا وهباب
واتكيفبك القراع ودودر شوقو
بي جبنة هواك الداب
علی سرج العشق واحلامو
راجعلك ينور سكتك وايامو
واحضان الولف والريد
ومسدار لوعتو الغلاب
ومين يا طيبة مين
غير شعب راجل ما بيموت
غير نسمة شالت لون فراشاتا
وغشت كل البيوت
غير دمعة في فرح البلد أو مأتما
بتنزل خيوت
غير نجمة تلصف فوق كتف هادي التمر
عقبان تغنيلو وتفوت
غير رعشة زي رجفة قلب
بي رجعة الغايبين تبوح
والحلي تتلملم ضحك
والحزن يتفرق يروح
والخاطر المكسور يطيب
والعافي ترجعلو ويفوح
زي الورود اللامست طرف الندی البي فوقا روح
وانت الوقف يدي الشدر لونو
وشقوق الارض يبقالن مسوح
الليل بحر
أو من ودك صبرو الفتر
لماها في ريق الغمامات الصبوح
بستأذنك يا طيبة
لو كسرت دواتي ايدين رياح
من شوقي لي شوقك علی باب الصباح
واستأذنك لو غلطت هادي القوافي علی وشيك
مسكيني ما قدرت تغني وشيكي صاح
واستأذنك لو كلم المطر الخلا
وبيناتن القلم استراح
واستأذنك لو ضحكت عينيك قصيدة
وبكت احلامي الجراح
واستأذنك لو مت بي شوقك ولف
واحياني نبضك بارتياح
واستأذنك لو غيم سأل عنك
ردت سنابل غنوتك قيساب
وطيّب بال جروفك نيل
حاضن خطاوي القمري والتمر الشهق
بوابة من حلمك علی درب المسافرين
اليغنوك في لياليهم حباب
وايدك في ايد المشتهنك
تدخلي الأوتار مسادير من حنينا
وخوفنا يا طيبتنا
في غيبتك علی هادا التراب
وايدينا في قلب القصيد نرجاك
نضاير من نشيد احلامنا
حمی الاغتراب
ياك ضحكتنا
فراقة سنين قهمتنا
فراجة هموم دنيتنا
مصلاية زمن صحوتنا
في باكرنا من ها الماضي
ياك طبقة سكر فرحتنا
غمدتنا البنحلم فيها
ما جات المحن صحتنا
ياك نقزتنا عز نوبتنا
يا طيبتنا
عصفورة الوفا الركابا
لحن الحلي فوق اغصان نشيد غنيتنا
واتكسرت عليكي الخطوة
باشرناكي في باشة جديد ايامنا
بشرناكي في حفلتنا
واستنينا لما سحابك المبروك
تدودرو الريح علي حلق الفيافي مطر
تقوم ضحكتنا
شفع من غنا وسمحين
وقادلنبك عديلة وزين
ويا طيبتنا
هاكي ايدينا نتقالد زمن لمتنا
نفلع للهجيري كلابا
بي صوت همبريب جيتنا
أسامة معاوية الطيب
أسامة معاوية الطيب
رد: مـــدن ... ومـــدن ... كتابة للحنين
حبيبنا الغالى اسامه
استنينا سحابك المبروك يااااااا المبروك
وقد كان .......... يسلم فاهك يارائع
منك الدرر ومنا الاندهاش و الصمت فى محراب حرم الجمال
ودام الابداع
عاطف عكود
استنينا سحابك المبروك يااااااا المبروك
وقد كان .......... يسلم فاهك يارائع
منك الدرر ومنا الاندهاش و الصمت فى محراب حرم الجمال
ودام الابداع
عاطف عكود
عاطف عكود
رد: مـــدن ... ومـــدن ... كتابة للحنين
كم كم اطلالتك تفرحنا وكلامك ديمه يسعدنا
ومعاك للبلد نرجع ونشيل ذكراك نسترجع
نفخر بيك ونتمني من المولي نشوفك وتدهشنا
ومعاك للبلد نرجع ونشيل ذكراك نسترجع
نفخر بيك ونتمني من المولي نشوفك وتدهشنا
Ali Osman
رد: مـــدن ... ومـــدن ... كتابة للحنين
شكرا سريعا عكود ولي عودة
علي عثمان ... بجيك أكيد
انتظر مولودا الآن بالمستشفى
دعواتكم معانا بس وبعد (نتحل) بجيكم راجع
علي عثمان ... بجيك أكيد
انتظر مولودا الآن بالمستشفى
دعواتكم معانا بس وبعد (نتحل) بجيكم راجع
أسامة معاوية الطيب
رد: مـــدن ... ومـــدن ... كتابة للحنين
اخونا الغالى اسامه
1000 ألف مبروك البنيه تتربى فى عزكم وحمدالله على السلامه ربنا يحفظها ويحفظكم .
عاطف عكود
1000 ألف مبروك البنيه تتربى فى عزكم وحمدالله على السلامه ربنا يحفظها ويحفظكم .
عاطف عكود
عاطف عكود
رد: مـــدن ... ومـــدن ... كتابة للحنين
الاخ اسامه لكم مني صادق الدعوات بالسلامه
قصيدتك كانت رائعة وارجو ان تتحفنا بالمزيد وما تطول الغيبه...الله يديك العافيه
قصيدتك كانت رائعة وارجو ان تتحفنا بالمزيد وما تطول الغيبه...الله يديك العافيه
محمد الجمل
رد: مـــدن ... ومـــدن ... كتابة للحنين
الاخ اسامة الشاعر الملهم لك الف تحية والف مبروك للمولود القادم وانشاء الله ربنا يكتب السلامة ويرزقكم بالبنين والبنات ودمتم
مبارك عمر عصملى (كركب)
رد: مـــدن ... ومـــدن ... كتابة للحنين
تتربي في عزك وتاخذ طبعها من طبعك
حمد لله علي السلامة وألف مبروك..ع/الفضابي
حمد لله علي السلامة وألف مبروك..ع/الفضابي
Ali Osman
رد: مـــدن ... ومـــدن ... كتابة للحنين
الف مبروك اخي اسامة قدوم المولودة الرائعة جعلها الله من المستورات البارات بابائهم ...وسعدنا جدا بالخبر .....وعلي قول اهلنا تتربي في عزكم
...............
...........
ولنا عودة انشاء الله
...............
...........
ولنا عودة انشاء الله
راشد
رد: مـــدن ... ومـــدن ... كتابة للحنين
الأفاضل : عكود / محمد الجمل / مبارك كركب / علي عثمان / راشد
مع كامل حفظ المقامات والألقاب
شكرا جميلا على مروركم الكريم
البنية أسميناها (صبا) واخترت لها أن تكون صبا 2 بعد أستاذنا خالد عبدالحميد (رائد) الاسم ... حتى نقلع من المنتدى دا أي أثر لكتاحة بكثرة الصبوات فيه
كتر خيركم كلكم
مع كامل حفظ المقامات والألقاب
شكرا جميلا على مروركم الكريم
البنية أسميناها (صبا) واخترت لها أن تكون صبا 2 بعد أستاذنا خالد عبدالحميد (رائد) الاسم ... حتى نقلع من المنتدى دا أي أثر لكتاحة بكثرة الصبوات فيه
كتر خيركم كلكم
أسامة معاوية الطيب
رد: مـــدن ... ومـــدن ... كتابة للحنين
الاخ اسامة
الف مبروك قدوم المولودة صبا جعلهاالله من المستورات.
الف مبروك قدوم المولودة صبا جعلهاالله من المستورات.
احمد محمد احمد
رد: مـــدن ... ومـــدن ... كتابة للحنين
كابتن أحمد / ودكرار
الله يبارك فيكما ... الله يخليكم ياخي
شكرا جدا على المرور والتهنئة ... والدعوات الغالية
الله يبارك فيكما ... الله يخليكم ياخي
شكرا جدا على المرور والتهنئة ... والدعوات الغالية
أسامة معاوية الطيب
رد: مـــدن ... ومـــدن ... كتابة للحنين
الغالى ابو صبا ربنا يحفظها ويحفظكم ويحفظنا وكل الصبوات والكل فى الهوى شرق ولا أثر لاى كتاحة ..... ولا التكتح.أسامة معاوية الطيب كتب:الأفاضل :
البنية أسميناها (صبا) واخترت لها أن تكون صبا 2 بعد أستاذنا خالد عبدالحميد (رائد) الاسم ... حتى نقلع من المنتدى دا أي أثر لكتاحة بكثرة الصبوات فيه
كتر خيركم كلكم
كتر خيرك ودام التواصل
عاطف عكود
عاطف عكود
رد: مـــدن ... ومـــدن ... كتابة للحنين
تهانى متجددة بصبا ،،لآل صبا وعلى سبيل التحيز الشخصى للاسم ننقل ادناه مرافعة اسامة المكتوبة قبل عام ،،للدقة 13 شهر ،،مع رفع القبعات احتراما مطلقا لهذا الالتزام
من كاتبنا العظيم بالاسم
ومن صَبَانا لـصَبَاكم الف سلام
كسرة1
دوما استغرب،من الوالدين البيفتشوا عن اسم للشافع الوليد ؟؟وكأنه اتى فجأة!!!
كسره2
ما جيتنا راجع لى عركى
من كاتبنا العظيم بالاسم
ومن صَبَانا لـصَبَاكم الف سلام
أسامة معاوية الطيب كتب:العزيز خالد ... صباحك صَبا وصبابة
آلاف القبلات للفاتنة صبا ... ولإخوتها
وأنا جاي على المكتب كت بتذكر في سؤال أستاذنا الرشيد إنها بالفتح واللا بالكسر ؟ فقلت يعني من قل الكسور الباشمهندس داير يزيدنا واحد ؟ ولكن الصَبا (بالفتح المبين ) هي من أجمل ما غنى له الشعراء من نسيم ( الجنب البحر داك )
ولكن الغريب في الموضوع أن البيت الذي كنت ساستشهد به كنت مفتكرو بتاع ( البنا ) ما عارف ليه جيت ليقتك مستشهد بيهو وعرفت إنو لشوقي فقت الحمدلله الما اتشالقت ( التقلة صنعة كمان )
سلامُ من صَبا بردى أرقُّ ودمعُ لا يكفكف يا دمشق
ريح الصبا :
يعرف العرب هذه الريح بأنها التي تستقبل القبلة، فهي تحن إلى الكعبة وتصبو إليها ويكون مهبها من مطلع الثريا إلى بنات نعش، وهي ريح طيبة النسيم .
وقد أشارت كتب التفسير إلى أن ريح الصبا هي التي سخرها الله لنبيه سليمان عليه السلام غدوها شهر ورواحها شهر، وكذلك فهي الرياح التي نصر الله بها النبي صلى الله عليه وسلم في غزواته .
وفي الحديث أن رسول الله صلى الله عليه وسلم قال: (نصرت بالصبا، وأهلكت عاد بالدبور) .
قال الشاعر ابن عرفه نفطويه يمدح الرسول صلى الله عليه وسلم:
له دعوة ميمونة ريحها الصبا
بها أنبت الله الحصيد والأبا
والأب هو: كل ما أنبتت الأرض مما لايأكله الناس، والحصيد هو: كل ما تنبته الأرض ويأكله الناس .
ولقد قيل في رياح الصبا أنها إذا استنشقها الإنسان المهموم، وخاصة في ساعات الصباح الأولى فانه يشعر بعدها بالنشاط والحيوية وسعة الصدر والصبا والشباب، قال مجنون ليلى:
فان الصبا ريح إذا تنسمت
على نفس مهموم تجلت همومها ..... منقول من الشقيق قوقل
وبالمناسبة هو من أجمل الأسماء إلى نفسي وراجيبو البنية الأولى
وعن أبو عركي بجي راجع
كسرة1
دوما استغرب،من الوالدين البيفتشوا عن اسم للشافع الوليد ؟؟وكأنه اتى فجأة!!!
كسره2
ما جيتنا راجع لى عركى
خالد عبدالحميد
رد: مـــدن ... ومـــدن ... كتابة للحنين
الغالي اسامة ...طبعا شايفك حضرت اسم المولودة من زمان وكأنك واثق بأن أُم صبا ستوافق مسبقا بالاسم ..هل للمسالة علاقة بسي السيد ام اقنعتها بحلاوة الاسم كما اقنعتنا ...!!!!
وجعلها الله من المستورات وجعلها صبا اسم علي مسمي تشرح صدوركم وتبهجها...
................
..........
ود الاستاذ وين النيو لوك مابعد العودة من من النيل للخليج ...؟؟؟؟؟
وجعلها الله من المستورات وجعلها صبا اسم علي مسمي تشرح صدوركم وتبهجها...
................
..........
ود الاستاذ وين النيو لوك مابعد العودة من من النيل للخليج ...؟؟؟؟؟
راشد
رد: مـــدن ... ومـــدن ... كتابة للحنين
انت ياود راشد صور من الارشيف دى مامرت عليك ...ماتدخل البوم صور الاعضاء عشان تشوف النيو لوك بتاع ودالاستاذ (عينى عليه بارده),وبقية العقد الفريد واللمه الخالده.
ود كرار
صفحة 10 من اصل 13 • 1, 2, 3 ... 9, 10, 11, 12, 13
صفحة 10 من اصل 13
صلاحيات هذا المنتدى:
لاتستطيع الرد على المواضيع في هذا المنتدى