(بعض من أجمل ما سمعت)

قلت ليكم ماصّدقتوا كلامى ... ديجانقو سمع إنه بوم القيامة بتاع كركب قرّب , جاء نابل بنمرة خمسة والموضوع عمل ليهو لخبطة شديدة لدرجة إنه قال نحن فى العشرة الأواخر ...إنتو العشرة الأواخر دى مش ياها الفى رمضان ولا فى واحدة ثانية ما أدّونا ليها ؟؟ نريد فتوى من مولانا وحبيبنا شيخ بوسانيتس - نفعنا الله بعلمه- غايتو جنس لخبطة يا ديجانقو عملها ليك كرك ... ( نكورك ليكم ماتجوا , نجيكم تكوركوا ؟؟؟ ) ... كرك أخوى ارسى ليك على بر ... إنت مع الكابلى ومعانا ولا مع الكيالى فى يوم القيامة القرّب والرماد كال حماد ...شايف حالك يمحّن !! دا خار ودا مابتتكوى بيهو .... التحايا لحبايبنا العمالقة فى نادى العملاق وليدم أبدا مابيننا ..

الرشيد شمس الدين

انا مع الكيابلى ....
اوجه الاختلاف بين الاسمين (الياء قبل الالف عند الكيالى ترمز ل..ياليتنى صرت معه)
و(الباء بعد الالف عند الكابلى ترمز ل.. بئس المصير).....والله اعلم

اللهم انا نعوذ بك من الخلع كله عاجله واجله
ونعوذ بك من الشعب الذي ينظر للأمام
والشعب الذي يكره الأصنام
والشعب الذي يريد اسقاط النظام
ونسألك اللهم رئاسة مدى الحياة
وشعبا " صفا انتباه "
اللهم ثبت كراسينا بالصمغ والشلك واللحام البارد
وباعد بين الشعب وبينها كما باعدت
بيننا وبين الشعب
واجعل لنا من امامنا كرسي ومن خلفنا كرسي
وعن يميننا كرسي وعن شمالنا كرسي
ومن فوقنا كرسي ومن تحتنا كرسي
واجعل ثأرنا على من خلعنا
ومتعنا بكروشنا ما اشبعتنا
ولاتجعل الشعب مبلغ همنا
ولا مصدر قلعنا
وقنا عربة البوعزيزي
اللهم ومن طالب برحيلنا
فاجعله عصير صلصة
او تونة غويزي

*************
ربنا اصرف عنا يوم الجمعة
فقد ضاعت ليلة الخميس
وأصبحت غدرا طميس
اللهم اجعل ميدان التحرير لنا لاعلينا
ولاتسلط علينا عيال النيدو
واطفال الديجيتال
ولاتشمت المعارضة فينا
وقنا شر المتظاهرين والمتظاهرات
والمفسبكين والمفسبكات
الاحياء منهم والاموات
ربنا و لاتسلط علينا "الجزيرة"
كما سلطتها على الذين من قبلنا
اللهم اضعف ارسالها
وشوش تردداتها
وطهر "رسيفرات" شعوبنا منها

******************
الهي الى من تكلنا
الى شعوب تخلعنا
ام الى معارضة تستضعفنا
ام الى شباب لايسمعنا
ام الى مجتمع دولي يندد بنا
ام الى سويسرا تجمد ارصدتنا
نشكو اليك ضعف شعبيتنا
وفساد حيلتنا
ونحس بطانتنا
وعجز قوتنا
اللهم لاتدع لنا شعبا الا ورحلته
ولاشبابا الا وخلعته
ولامعارضا الا وألجمته
ولامواليا الا وشجعته
ونسألك رصيدا لا ينفد
وثروة لاتجمد
و نعوذ بك اللهم من شعب يخلع ولايركع
ومن بطانة تاكل ولاتشبع
وساعة الجد لاتنفع ولاترقع
ونعوذ بك من شباب لايجزع
ومعارضة لاتقنع

********************
ربنا اصرف عنا الديمقراطية
وأدم علينا البيروقراطية
واجعل الميزانية في جيوبنا
ودندل لنا كروشنا
اللهم هازم الاحزاب ومسكن الشباب
رد شعوبنا الينا ردا جميلا
ولاتجعل الكرسي علينا مستحيلا
ولاتجعل نهايتنا الرحيلا
اللهم بارك لنا في طائراتنا
لنقصف بها شعوبنا
وضاعف لنا مدافعنا
واجعل البازوكة بعشرة امثالها
وارزقنا في كل خطوة دبابة
ربي اجعلني زين الجالسين
لا زين الهاربين

آميين
آميين
دعاء احدهم....
يخاف من الناس ولا يخشي رب العالمين..اكثر ما يضحكني وان اتابع ما يجري في عالمنا العربي
..العربي قول احدهم..
اللي في بالي بالك هو احد العشره المبشرين بي جده...
قويه مش
منقووووووووووووووووووووووووووووووووول
مساهمه متواضعه
عبدوس

كبيتانو كيفك وكيف صحتك والله ليك وحشه والواحد دايما بيتذكرك وبتذكر الايام الماضيه
الجميله وعاين هسع ما شاء الله العيال كبرت والبنات عرست والدنيا مطاويه يعني زمان عشان يصبح صباح اليوم التاني داير ليك ميه يوم هسع السنه يوم
وين صاحبك ماسورة (الارباب 2 )والله ليهو وحشه ودحين انت وين؟ ولمتين الجري دا عليك الله ما كفانا ؟ عارفك حتقول لي (كفاكم براكم ) انا ود بتين
لك التحايا ابو عابر وكثير الاحترام

احبتى لكم التحية والمودة
اولا التحية والتجلة ل ( عمنا ) ( ولا ذى ما قال حبيبنا الجمل ود متين ) وشوق شديد ولضيض نتمنى ان تكون فى وافر الصحة و العافية
بعدين يا كرك مع الكيابلى دى معقولة جدا والله ليكم وحشة ويا حليل ونساتكم بعد العشاء ( الونسات بعد العشاء دى واحشها ناس كتير لكن عاملين تقيلين ) سلامى وشوقى لرجل الاعمال جنى واخوانا ماسوره ورستم وعبد الرحمن وهاشم بابكر وعبد الواحد وللجميع
عزيزنا الجمل والله شوق شديد

تسلم يا غالي لكن كدي عرج علي البوست (سلام من مامون خليل) واجدع ليك تحية وما عرفنا راجع متين ولا لقيت الشاشة الكبيرة دي واجدعت مع الكورة ونسيت البحر
يا كركب سلام وشوق لشخصك الاصيل (انا ما كنت زمان صاحبك شديد لكن هسع ندمت اني ما تعمقت معاك ) فهنا مطلوب رأي الخبراء واهل المعرفة حتي لا يكتلني الندم
تخريمة:
غلبك يا كرك تقنع جني بالعودة قول ليهو هرمنا هرمنا هرمنا ليك

المره دي الرد جاي مني لي لاني كنت فاكر ديجانقو في السودان مجدع مع التلفزه ..لكن طوالي جاني الخبر اليقين تلفون من ديجانقو الذي هو علي مرمي حجر من مكتبي وللاسف متحرك بعد دقائق الي جبل علي (ربنا يوصلهم بالسلامة)
تحيات اخونا ود عكود كما كلفني بها (ودام التواصل)
وين انت يا ود الاستاذ؟؟

العزيز محمد احمد طه الجمل كما كنا نكتب في الكرو لست... والله ليك وحشه ولا زالت ضحكاتك وقفشاتك ترن في اذني كاني سمعتها البارحه...ما اجمل تلك الايام...
العزيز دي جانتقو انته لسه ساكي البحر..حتقول لي البديل شنو..عارف لكن البحر لم يعد البحر...موش...
تحيات عطره لعصملي ورشدي وود عكود صحي انتو خلدي وين.....ولي عودة
عبودي يا الجمل..هكذا تناديني حفيدتي-جنان-
بنت محمد العزيز....

ود،،،،،،،،
أبـــــــرق

الاخوة الاعزاء جميعا تحية طيبة
دى جانغو -عبدوس- الجمل-رشدى وخالد ..الترتيب حسب الاعمار طبعا
للمتداخلين اخيرا والتحية ايضا لبقية الاخوة الغايبين نتمنى ان يتواصلو...
ويالجمل اثناء قرائتى للبوست اعلاه وصلتنى رسالة من جنى زى نكتة...
"" الهدوء يسود المدن اليمنية بعد ان قصفتهم قوات مكافحة الشغب بقنابل المخبازة"""

الاعزه جميعا سلاما و طبتم
البحر ماياهو البحر كما قلت سيد العارفين يا حليل البحر لما مساعد المهندس يمشى الدكتور وبعد العلاج ياخد جولة كاربة بالتاكسى ويمضى المهندس التانى وتتم تهنئته بالترقيه فى ال duty messوالله زمن ما برجع حفظ الله الحفيدة ( جنان ) ووالدها وجدها
ويا كرك جنى لسع ساكى المخبازة قول ليه اعمل حسابك
ويالرشيد الشوق بحر وكل يومين تلاته بنجى جبل على لكن باخرة صغيرة وما بتقيف كتير ودايما بتدخل فى اوقات محرجه عشان كده ما قادرين نتواصل معاكم تلفونيا
ودمتم دوما

اهدى هذه اللقطة للمنتدى وهى حادثة غرق الباخرة اركويت فى خليج البسكاى عام 1970 بعد ان صدمتها باخرة المانية ونتمنى ان نسمع تفاصيل الحادثة من كبار وقدام الاعضاء ودمتم

https://2img.net/r/ihimizer/i/80736140.png/

وهذا نزار العظيم والذى سبق أقرانه بسنوات ضوئية لا حد لها وهو يعبّر بصدق عما يحدث اليوم كأنه دخل هذا الفيلم المكسيكى مسبقا وهو إهداء منى للفى بالى وبالكم ...طبعا لرئيس الجزائر يا حبيبنا خالد .... فإلى نزار :-

كلما فكرت أن اعتزل السلطة .... ينهانى ضميرى .......
من ترى يحكم بعدى هؤلاء الطيبين ؟
من سيشفى بعدى الأعرج ..؟
والأبرص ....
والأعمى ....
ومن يحيى عظام الميتين ؟
من ترى يخرج من معطفه ضوء القمر ؟
من ترى يرسل للناس المطر ؟
من ترى يجلدهم تسعين جلدة ؟؟
من ترى يصلبهم فوق الشجر ؟
من ترى يرغمهم ان يعيشوا كالبقر ؟
ويموتوا كالبقر ؟
كلما فكرت أن اتركهم .....
فاضت دموعى كغمامة ....
وتوكلت على الله ....
وقررت أن أركب الشعب ...
من الان إلى يوم القيامة ......

والله لقد صدقت أيها الراحل العظيم نزار لأننا نحن نستحق أن نكون جرزانا مقمّلين ..

الرشيد شمس الدين

وهذه قصيدة بعنوان الديك لنزار يصف فيها القذافى

http://video.alwatanyh.com/video/281

الحبيب كرك لك الامنيات الحلوة
الاخ الرشيد لك التحية

تشكر حبيبنا الجمل على المرور الأنيق دوما وتشكر حبيبنا ( كرك ) على ديك نزار الرهيب وشكرا لك اكثر على الصورة الجميلة والتى قصدت بها أن تكون ( نيو لوك ) ولكنها فاجأتك بأنها ( أولد لوك ) وكان الأجدى بها أن تكون خصيصا لبوست ( ذكريات من زمن سودانلاين الجميل ) ...
حين غيّب الموت الفاجع المبدع الخالد الطيب صالح , كتبت الصحف ونقلت الفضائيات الخبر ناعية له بقولها :-
( الطيب صالح بين مقبرتين , وطن يرفع الضغط وغربة ترفع الرأس ) ...
وأنا اعيش هنا هذه الغربة القاسية حاولت جاهدا أن أجد معنى لهذا الحديث ولكننى والله لم استطع .... ولذلك أقول صادقا اننا فى الغربة هذه نعيش بين حالتين ( وطن يرفع الضغط ولكننا نحبه بضغطه ونرنو له فى كل لحظة وغربة قاسية مهما حاولت أن ترفع الرأس يرتد الرأس كسيرا يطلب الخلاص وندعو الله ألا يطيلها وان يعيدنا لوطننا سالمين غانمين ... بدل أن نعود إليه محمولين على صندوق ..... اللهم تقبّل دعاءنا ..امين ..امين .

الرشيد شمس الدين

يا سلام حبيبنا بوسانيتس على الدعوات الصادقة والتى تنبع صافية من قلب أبيض كما الثلج ... رحم الله عبد المتعال وهو من أنبل الناس فى هذه الدنيا ورحم الله على سورج القلب الأبيض الحليب ولذلك كان لابد أن يرحلا باكرا ... رحمهما الله فقد كانا يؤثرانك يابوسانيتس لأنهما كانا أحسن من بعرف معادن الرجال .... وأعذرنا نحن إذ لم نكن نتبين هذا الصفاء الإنسانى الباهر إلا منهما ومؤخرا جدا ..
طبت حبيبنا بوسانيتس ودعواتك والله نزلت علىّ بردا وسلاما ولكنه سؤال فقط :-
الم تعد تستوى الحياة والموت بعد فراق الأحباب الذين فقدناهم وفقدنا بفقدهم الفرح فما عادت الدنيا هى الدنيا ؟...
لك الود بوسانيتس الحبيب مع صادق الأمانى .

الرشيد شمس الدين

Mohamed Kamal Ali Khalil كتب:الأخ العزيز الرشيد
b]
[b]اللهم يا واحد يا أحد صبر أخونا الرشيد على الغربة وأذهب عنه الهم والغم.
بوسانتس

ولعل اخونا العزيز بوسانتس يسمح لى بى شقلبة الدعاء فيكون
اللهم يا واحد يا أحد صبر اخونا الرشيد على الهم والغم وأذهب عنه الغربة!!!!ونحن كمان؟؟؟
كسرة:
هذا دخول على استحياء لان فى الغربة ما عاد اليوم هو اليوم ولا الساعة هى ذات الساعة
كسرة2
يا بوسانتس اقتراح الاستعانة بى صديق؟؟!!،، ابداع ،،ابهجتنا الله يديك العافية
نعود،
كسرة 3
وين صاحب هذا البوست،،،بلغوا عنا انو الايميل بتاعك يا عبد الرحمن محجوب ما قاعد يستقبل

لك وافر الشكر والوحشة الشديدة حبيبنا ابو صبا ولا تكفينا هذه الطلات ( الود ابرقية ) ...
عبد الرحمن محجوب فى البحر وباخرته فى الطريق من سنغافورة للأمارات ويتوقع وصولها بإذن الله يوم 11 أبريل حيث من المتوقع ان ينزل فى إجازته السنوية ويقضى بدايتها فى القاهرة بإذن الله وحينها يمكنه التواصل وإستلام وردية هذا البوست الخاص به ... التحايا ياخالد للأسرة وحقيقة أنا حين اتذكر غربتك إنت بالذات تهون علىّ غربتى القاسية هذه ولذلك الدعوات الصادقات أن يرد الله غربتنا جميعا ...

الرشيد شمس الدين

الاحبة الكرام
رحم الله عبد المتعال وعلى سورج رحمة واسعة وجعل البركة فى ذريتهم واطال الله فى عمرى حبيبهما بوسانتس والرشيد ومتعهما بالصحة والعافية
رد الله غربتك وغربة الجميع سالمين غانمين يا رب العالمين
الاعزة بوسانتس وعلى النور لكم التحية والمودة وما تنسونا من صالح الدعوات

اللهم ارحم موتانا واشفى مرضانا واحفظنا بحرا وبرا ورد غربتنا ونسألك يا الله العفو والعافيه لجميع الاخوان واسرهم واولادهم .
ودام التواصل
عاطف عكود

الاخوة المتداخلون جميعا.....
تحياتي ومعزتي..
اتابع ومتابع وحتما ساعود بالتفصيل ان اذن الكريم..
يا تري هل كان زهير ابن ابي سلمي يعلم بحالنا عندما قال...
ثلاثة يعز الصبر عند حلولها ويذهل عنها عقل كل لبيب
خروج اضطرار من بلاد يحبها وفرقة اخوان وبعد حبيب
محبتي حتي اعود

الرشيد شمس الدين عبدالله كتب:
عبد الرحمن محجوب فى البحر وباخرته فى الطريق من سنغافورة للأمارات ويتوقع وصولها بإذن الله يوم 11 أبريل حيث من المتوقع ان ينزل فى إجازته السنوية ويقضى بدايتها فى القاهرة بإذن الله وحينها يمكنه التواصل وإستلام وردية هذا البوست الخاص به ...

الرشيد شمس الدين

اذن هكذا يعود الفنان عبدالرحمن،، اى نعم متأخرا شهر عن كلام الرشيد، لكن ما بين (الساين اون والساين اوف) والاجازة،،استلم ورديتك
حمدالله على السلامة