دار الأسرة البحرية السودانية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

(بعض من أجمل ما سمعت)

+17
الاء
ود فـــــراج
Mohamed Kamal Ali Khalil
محمد محمد صالح محمد
الرشيد شمس الدين عبدالله
مبارك عمر عصملى (كركب)
راشد
Admin
AHMED TAHA ALJAMAL
عبد الرحمن الزين2
Mohamed A.Elhfiz A.Elhlim
احمد محمد احمد
خالد عبدالحميد
عاطف عكود
ود كرار
محمد الجمل
عبدالرحمن محجوب يوسف
21 مشترك

صفحة 7 من اصل 10 الصفحة السابقة  1, 2, 3, 4, 5, 6, 7, 8, 9, 10  الصفحة التالية

اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الرشيد شمس الدين عبدالله الإثنين 11 يونيو 2012, 16:54

شكرا بلا حدود لكم أحبابنا خالد ود الأستاذ وآلاء على المرور الأنيق ... بعث لى حبيبنا عبد الحميد عيسى برسالة معبّرة عن واقع الحال الذى يغنى عن السؤال ... رأيت من واجبى أن أشرككم معى فيها بعد إذن حميد طبعا فإليكموها فضلا :-
____________________________________________________

قال الأستاذ للتلميذ... قف يا ولدي وأعرب :


"عشق السوداني أرض السودانـ"
... ...
وقف الطالب و قال:


عشق: فعل صادق مبني على أمل يحدوه إيمان واثق بالعودة الحتمية،


و السوداني: فاعل عاجز عن أن يخطو أي خطوة في طريق تحقيق الأمل،


و صمته هو أعنف ردة فعل يمكنه أن يبديها،


و أرض: مفعول به مغصوب وعلامة غصبه الانفصال و استنزاف مواردها


سودان : مضافة إلى أرض مجرورة بما ذكرت من إعراب أرض سابقا


معذرة حقاً أستاذي ..


فسؤالك حرك أشجاني ... ألهب منّي وجداني،


معذرة يا أستاذي ...
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الرشيد شمس الدين عبدالله الخميس 14 يونيو 2012, 14:12

شكرا جزيلا حبيبنا خالد ( أبو صبا ) , بناء على طلبك إتصلت مساء البارحة بالرائع عركى وسألته عن مهرجان أصدقاء عركى ولماذا لم يشركنا فيه , أو لسنا من أصدقائه ؟ أجابنى والدهشة تملأه :- مهرجان أصدقاء عركى ؟ والله العظيم صدّقنى أول مرة أسمع به .... ماهذا الذى يجرى فى المنتديات ياخالد ؟؟؟؟ وكيف يحدث هذا ... كان عركى وهو فى دهشته تلك يخشى أن يكون هناك جمع أموال بإسمه وطبعا هذا أمر أقلقه جدا ... هل من سبيل إلى التأكد من هذا الأمر ياخالد ؟؟؟؟؟؟
بالمناسبة أرسل لى صديق قصيدة جميلة ورائعة دون أن يذكر لى إسم شاعرها ... من طريقة الكتابة تحسّ أنّها لشاعر الشعب ( محجوب شريف ) أو للرائع هاشم صدّيق ولكنّى لست متأكدا ... أنقلها لكم لأنّها من أجمل ماقرأت مؤخرا وأرجو التأكد من شاعرها وليدم أبدا مابيننا فإلى القصيدة الرائعة :-

إسمي خميس ود كوة العاتي
كان عجلاتي
وأمي مهيرة وأبوها بشارة
كان ساعاتي
أبوي من بارا


وأمي إتولدت في حلة غميسة
ما بتنشاف في أي خريطة
بأي طريقة بأي شطارة
كان بي عين أو نضارة
أمي وأبوي صدفة اتلاقو
في الدنيا الشاسعة والرحمة الواسعة
في قطر الهم الدرجة الرابعة
كانو عوايل في السفر الصدفة
ملح وملاح ونسة وعرفة
تسالي وترمس وقهوة بقرفة
وفي الونسة السمحة في قطر الزحمة
قلب الوالد حن ورف
وقلب الوالدة اتخج وخف
بعد شهرين صبحو اتنين
زوجين طيبين اتلمو في اسرة
في بيت (البقعة) وسط ( العرضة)

أبوي فقران لكن بدبارة
مهر الوالدة كان سحارة
تلاتة جنيه.. سعفة ووردة
وفركة وفردة
تبروقة ومصحف .. وبمبر ومبخر
تربيزة يتيمة .. نص دسته كبابي
كفتيرة قديمة .. وكم هبابي
جابونا تلاتة.. بتين ووليد
ربونا بكسرة.. كسونا السترة
شربنا اللبن الصافي الاصلي
ما اتمطقنا اللبن البدرة
شبينا كبرنا.. فهمنا نطقنا
وكسبنا القدرة
وأنا كنت مقرم .. وود تفتيحة
والدنيا دي كانت طيبة فسيحة
سينما (برمبل).. باسطة (بيَن)
الترماج
حبوبة عجوبة
والنفاج
قصبة سكر وعنكوليب
نبلة قوية وقلوبية.. شرك الطير
رحلة عيد لجزيرة توتي .. أو الباقير
شدر كافوري سواقي الحاج
جنينة النزهة..
زنكي اللحمة ..السوق الزحمة
وقهوة نوري
والدافوري قيامة عجاج

أنا كنت حريف والكورة شراب
أحاور نملة في جحر الضب
وأبهدل أجندل أشطر باك
أو هباك
أفرشو رررب
روضت الكورة
بدل مأسورها بقت مأسورتي
المجنونة بت الكلب
وأترقيت للتيم الاول
وكبرت بقيت مفتل شاب
اتنورت عن الأوطان
وإتفتحت علي الاحزاب
العرضة جنوب .. العرضة شمال
خور ابو عنجة .. بيت المال
شارع الطابية.. تيم الطاغية
كار المافيا .. جنينة سيدي
سور القبة ..ضرايح بحري
شرايف بري
رافع الراية
تيم القعدة والانداية
ناس شاشاما.. نادي شليل
الحولية .. دق النوبة
في حمد النيل
الشامراب .. نادي الكاب
……. والخ .. والخ
بخا بخ في العجن اللخ

ولأني حريف وود لعاب
سكنتني عيون من باب لي باب
إتسجلت في تيم مغمور
مرقت سريع لي تيم مشهور
والبلد أتيام والناس أقسام
شارع خاص .. شارع عام
أتيام فارعين .. أتيام أقزام
أحزاب فارغين .. أحزاب أعلام
دروب وحروب .. صدام وكلام
وأنا كنت خميس ود كوة العاتي
بقيت موضوع تصفيق وشيوع
مرات محبوب أحس بسلام
ومرات أتخاف .. تقول بعاتي
مرات إخلاص لشعار التيم
مرات معدود في الحال متواطي

(2)
الوعي

من تيم الشوف الضيق ضقت
إتأملت الحال المايل
وشفت الناس في خصام وقبايل
فكيت تسجيلي بايدي وعقلي
وأتسجلت في تيم الشعب الثوري الغالي
وأنا أصلي مصحصح وود تفتيحة
ولاعب فقري
مرقت سريع من ضيق الحارة
للميدان الواسع دوغري
أنا لا وارغو ولا إفياني
لا ود طمبل لا مساوي
إتسجلت بحق طعمية
شراب مقدود ..وكدارة هدية .. وكيس تمباك
وإتفننت أكون رأس حربة
وإتجننت عديل في المحور
وإتقطعت أكون مساك
إتراقبت كتير بالصف
وإتكعبلت كتير من خلف
ولأني خميس ود كوة العاتي
أقع وأقوم كمكان سداري
تقول عجلاتي

وقعت كتير لكني وقفت
حاورت دفرت بعزم الشعب
وصلت المرمي
كم سددت ..كم سجلت.. كم دافعت
كم مررت .. كم قومت نفس عراضة
مع اني مراقب ديمة بلاعب
لاصق فيني كأنو قرادة
ومرات ممسوك بي زول عتالي
جابوهو عشاني خصوص من مالي
شعارو الغالي لا باص لا بصة
يتابع يراقب تقول مرسال من جهة مختصة
لكني طرحتو .. جمعتو .. قسمتو
جدعتو بعيد في برة الخط
إتمدد يقنت زي ضكر البط

ولأنو الكورة والدنيا الصعبة
بحر ممدود لا حد لا شط
إتعذبت في درب الواقع
أكتر وأكتر
التحكيم الفاشل ياما
شهر في وشي الكرت الاصفر
ومرة الاحمر
وجرايد النقة كانت أخطر
ألف إشاعة وكم شماعة
سموم وحراب .. دمار وخراب
كم سووني بعت وخنت
أو ساومت وإتقاعست
بعت قضية قبضت رهاب
وإتهافت عديل لي والي
أو دقيت في السر لي باب
وإتوسلت عيون أرباب
مع إني خميس ود كوة العاتي
ود تفتيحة .. مصحصح وفقري
مرقت عديل من باب الحارة الضيق ضايق
للميدان الواسع دوغري
فكيت تسجيلي بإيدي وعقلي
وإتسجلت في تيم الشعب
الثوري الغالي


عدل سابقا من قبل الرشيد شمس الدين عبدالله في الخميس 14 يونيو 2012, 14:22 عدل 1 مرات
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف عبدالحافظ نقدالله الخميس 14 يونيو 2012, 14:20

سلامات يا الرشيد وصباحك خير
فعلا يحمل بصمات محجوب شريف
وكان ماهو برضو شاعرا يحاول يجاريه
عبدالحافظ نقدالله
عبدالحافظ نقدالله


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف احمد محمد احمد الخميس 14 يونيو 2012, 15:27



دخول للسلام و التحايا لكل الاخوة.
احمد محمد احمد
احمد محمد احمد


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الرشيد شمس الدين عبدالله الخميس 14 يونيو 2012, 19:09

وافر الشكر والتقدير للأعزّاء عبد الحافظ وأحمد محمد أحمد ولكن ...
ماهذه الصنّة العجيبة ياجماعة الخير ؟؟؟؟ والله لكم تخيفنى هذه الصنّة لأننى أخشى أن تكون الهدوء الذى يسبق تماما العاصفة .... وينك ياعاطف القوز ووين عووووووووووووووووووووووووووووكاتك المجلجلة ؟؟؟ حتى أنت يابروتس !! هان عليكم المنتدى لهذه الدرجة ...... إن كان ذلك كذلك فسندخل كلّنا هذا البيات العجيب ..

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الاء الخميس 14 يونيو 2012, 20:00

كتبت كلام راح منى ..
بس عايزة اوضح القصيدة لاستاذنا هاشم صديق ..
يا هندسة ولا أهلاً بيها الصنة ..وعوووك


بجيكم
الاء
الاء


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الرشيد شمس الدين عبدالله الخميس 14 يونيو 2012, 20:21

مرحبا بطلتك الأنيقة ياآلاءنا العزيزة ووافر الشكر لتثبيت القصيدة للرائع هاشم صدّيق , لك وله الشكر على جزيل العطاء المستجيش ضراوة ومصادمة .. المشرئب إلى السماء لينتضى سيف الوثوب مطاعنا ... إبن جيلى أنا ... هاشم صديق ..

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف خالد عبدالحميد الجمعة 15 يونيو 2012, 11:33


انا (لا وارغو) ..لا ( ءافياني )

رأس حربه فى ( تيم ) الشعب الثورى الغالى

شعر :هاشم صديق

وده اسمها نقلا عن موقع هاشم صديق، ويستاهل الزيارة وده طرف الخيط

http://hashimsiddik.com/portal/index.php?limitstart=12
فتجد حزن الدنيا كلو مابين عركى وهاشم فى رحيل حمّيد، صوره ووصف
والسبب الودانى عشان اجيب القصيدة المعجزة،،اللهم احفظ لنا هاشم ومحجوب وعركى

وبمناسبة عركى،،،برجع ليك ياالرشيد، بعد التحقق
لكن المهرجان المقصود هى مهرجانات -وردى الوطن- فى الرياض وجات سيرة عركى، او هكذا خيّل لى كفعالية قادمة فى الآتى من شهور
عموما فى سودانيز اونلاين ، بوست نشط، بعنوان الرياض تتألق وتضاهى الكون ابداعا
* عبدوس الاكبر سمدالله على الحلامة
* احمد محمد احمد حمدالله ليك برضو
*يا الدوحة عوووووووووووووك
*بورسودان،،ساحلية..ساحلية
عــــــــــــــــــــــــــــــــــــــــــــــــــــــــــــــــــــــــــــوك
* مهدى فيلم المدارس لسة ما أنتهى
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الرشيد شمس الدين عبدالله الإثنين 18 يونيو 2012, 21:14

ثلاثة كبارى وشارعين وسد
قديتونا قصادهم قد
_________________________

وأنا كذلك لازم أقدّكم ببابكر سلك وشماراته لوالى الخرتوم .......
___________________________________


* اها

* نجي لشمارات والي الخرتوم

* كان شفت يا والينا في نسوان بقن ما بشتغلن بينا

* فقدن اﻻمل فينا

* نقنعن كيف يا والينا وكيسنا فاضي

* واحده يا والينا حكت لي نكته

* قالت لي في واحده كانت بتقول لي راجلها انت كان اتوفيت انا مابعرس بعدك

* العيشه مع ذكراك امتع من اي حياه مع زول تاني

* اها

* قال ليك يا والينا الظروف مشت عكس

* طبعا انت سيد العارفين

* والراجل مرض مرض شديد

* الزوجه كانت بتردد عبارتها

* بعدك مابعرس تاني

* بعدك مابعرس تاني

* قام راجلها قال ليها انا كان اتوفيت حرام تقفلي حكايتك وما تعرسي تاني وانت حلوه وصغيره

* قالت ليهو مابعرس

* قال ليها ﻻزم تعرسي ﻻزم

* لكن عندي وصيه

* راجلك البعدي ما تخليهو يلبس جﻼبيتي الجديده ديك

* قالت ليهو اطمئن هو ذاتو اطول منك

سلك كهربا

ننساك كيف والراجل الجديد اطول منك !!!!!!

والي لقاء

سلك
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف عبدالرحمن محجوب يوسف الثلاثاء 19 يونيو 2012, 06:30

التحايا والاشواق لكل المنتدين ومن اسهم في البوست دا الاعزاء الاء وابو صبا والرشيد مع حفظ الالقاب واعجبتني قصيدة الرائع هاشم صديق ولكم حزنت اني لم اوفق لتسجيل حلقة المصالحة الشهيره بينه والمخضرم ود الامين في قناة الخرطوم بقيادة الرائعه شكلا ومضموناعفراء محمد الحسن لك التحايا العزيز عكود وعوك ليك دي كتيره وانت مرسل العوكات
عبدالرحمن محجوب يوسف
عبدالرحمن محجوب يوسف


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف عبد الرحمن الزين2 الثلاثاء 19 يونيو 2012, 23:05

الاعزاء جميعا...
عبدرحمان..رشدي..خلدي..حمادة..الاء..كل من سطر حرفا..
اين ود عكود....... اين صاحب القهوة....اين ود كرار...
هذا اخر نداء قبل قبل ان .......
والله تذكرت حادثة حقيقية ميه في الميه حدثت في العام علي ما اذكر 1973 او74 ..العزيز نقد الله -الله يطراه بالخير...عريسا علي الباخرة مريدي..الباخرة علي وشك مغادرة الميناء..نقد الله وعروسه علي سلم الباخرة في طريقهما لقضاء شهر العسل..
هناك صاح عمنا وحبيبنا حسين حسوبة باعلي صوته مناديا نقد الله.....يا قبطان...
حتقعلوا متيين.........وضج كل الرصيف بالضحك..ما اجمل تلك الايام..
وليدم ما بيننا..

اقتباس....وامل........
قال لها...

* لكن عندي وصيه

* راجلك البعدي ما تخليهو يلبس جﻼبيتي الجديده ديك

* قالت ليهو اطمئن هو ذاتو اطول منك

......يا ربي....... تكون قاصداني انا....اميييييييييين بس انت موت
عبدوس الطويل
عبد الرحمن الزين2
عبد الرحمن الزين2


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الاء الأربعاء 20 يونيو 2012, 15:55

مرقت عديل من باب الحارة الضيق ضايق
للميدان الواسع دوغري
فكيت تسجيلي بإيدي وعقلي
وإتسجلت في تيم الشعب


كلام والله .. نتمنى لتيم الشعب الفوز الكاسح

ابو صبا : انت متأكد دا طرف الخيط

أسألك عن سر ملامحك
مالها مهمومه
وغريب نبض الكلام ؟
وتسأليني
عن غمام شجني الممدد
في عيون الابتسام
صدقيني
نحن حاجتين من شبه
جرحين على الريح والزمن
إسمين على رمل الشوارع
همين على الغالي الوطن
" هاشم صديق "

اخى الرشيد .. نفى النفي اثبات
البديل جاااهز من بدرى Very Happy ..بعدين هو زاتو اطول دى تبقى خسارة جلاليب .. ان شاء الله العريس يطلع انصار سنة. Rolling Eyes

يا قبطان عبد الرحمن : آميييين دى شنو عايز تبقى جوز الست affraid
..اكان للست دى بالذات ما عندها أمان قال إيه : العيشه مع ذكراك امتع من اي حياه مع زول تاني .
الاخ / احمد محمد لك التحية وكذلك صاحب البيت الاخ عبد الرحمن
على الاستضافة والترحيب .

طابت اوقاتكم
الاء
الاء


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الرشيد شمس الدين عبدالله الأربعاء 20 يونيو 2012, 16:12

عبدوس العزيز قال :-

• قالت ليهو اطمئن هو ذاتو اطول منك

......يا ربي....... تكون قاصداني انا....اميييييييييين بس انت موت
عبدوس الطويل


وآلاء العزيزة قالت :-

•البديل جاااهز من بدرى ..بعدين هو زاتو اطول دى تبقى خسارة جلاليب .. ان شاء الله العريس يطلع انصار سنة.

ياربى عبدوس بقى أنصار سنّة ولا شنو ؟؟؟ مابعيد الغربة بتعمل كتير !! بالمناسبة ياعبدوس والله خايلة فيك الجلابية القصيرة ...
لكم مودتى وليدم أبدا مابيننا ..

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الرشيد شمس الدين عبدالله الأربعاء 27 يونيو 2012, 19:00

وهذا شاعر الشعب محجوب شريف من على سرير مرضه فى ألمانيا فى آخر أشعاره بطعم الملح حينما يغوص فى فؤاد جرح .... ... كيف بهذا الرائع العظيم لا يقهره المرض القاسى من أن يحس بنبض هذا الشعب ...إنّه حقا مرآة شعبه. كيف لنا برد الجميل إليك يامحجوب ؟؟؟؟؟؟؟؟ فى هذه الأيام العاطرة نشتمّ من على البعد رائحة نعرفها ونفتقدها ولكنها رائحة أجمل من كل مسك الدنيا ... يالبهاء تلك الرائحة إذ هبّت على الخرطوم فى جنح الدجى , ضمّدت بالعزم هاتيك الجراح ... فإلى محجوب شريف فى آخر قصائده , فضلا :-
________________________________________________

قصيده جديده لشاعرالشعب.. المربي محجوب شريف

عرض اكتافكم روّحوا يلا
شعبنا أصبح أمسي وظلّ
كترتوها عليه الطله
اكلتوهُ زمانك ممَّ
ولبستوهُ كذلك ممَّ
عدمتوهُ الخيت والغله
شبراً شبرأً عابس ويابس
أكتر منها مابتذلّ
الكانون في الشارع ولع
طَول منها نار الحله
عِشنا وشفنا تب ماخفنا
العايزكم لمن جرب كنتو اضلَّ
تلك مأذن واللا مخازن ؟!
خمَّ ولمَّ فساد الدنيا
ثم إتنحنح ...هي لى الله
كبر وصلي
لما رفعتو السيف والمصحف
ولافي المتحف بقي حق الله
باسم الدين والدم والدمعه
وباسم الخالق عزَّ وجلَّ
اتعذبنا ... وماكذّبنا
حليلو الفات ... المات وإتشل َّ
بيوت اشباح وجراح ومذله
دم الشهدا رصاصه رصاصه
وحبل المشنقه داك وإدلي
ومع ذلك حتي اللحظه
ماإتربصنا ...ولا فجرنا
إلاكذلك مااتحجرنا
قد أدبنا الشعب الطيب
نحن جميعاً دونو اقلَّ
بيتنا وساسنا ورفعه راسنا
نحن حنانو وجَنا وجدانه
مش لافتات في الإيد ومظله
إيد علي إيد وسِلم سِلم
مابنسلم وشعب مُعلم
مابتخلي
حاشا وكلا مابنتخلي
غُبننا أكبر من تتصور
وحكم الفرد زمانك ولي
القذافي وأصبح مافي
حسني مبارك ...وعلي عبد الله
ياحاج زين إستغفر ربك
تسرق شعبك
وتهرب تلبد جمب بيت الله ؟
والغرقان في الدم السوري
حتي الحاجب منو اتبلَّ ومابتحلَّ
الهبباي سوداني مُدرب
جرب هدم وجرب عَلا
مابالصدفه ولاها لعلَّ
فيكم ريحه من الشبيحه
خلو البلطجه روِحو يااللا
كل العالم عين بتاوق
صوره وصوت وكتاب ومجله
( التحيه للشعب السودانى .. المانيا 21\6 \2012
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف مبارك عمر عصملى (كركب) الأربعاء 27 يونيو 2012, 20:18

[quote="الرشيد شمس الدين عبدالله"]وهذا شاعر الشعب محجوب شريف من على سرير مرضه فى ألمانيا فى آخر أشعاره بطعم الملح حينما يغوص فى فؤاد جرح .... ... كيف بهذا الرائع العظيم لا يقهره المرض القاسى من أن يحس بنبض هذا الشعب ...إنّه حقا مرآة شعبه. كيف لنا برد الجميل إليك يامحجوب ؟؟؟؟؟؟؟؟

[code]
يالرشيد ماقصرٌت فى حقو.... إنّه حقا مرآة شعبه
مبارك عمر عصملى (كركب)
مبارك عمر عصملى (كركب)


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف خالد عبدالحميد الخميس 28 يونيو 2012, 07:23


سبقتنى يا رشيد،، قريت الملحمة دى الدغش
وقلت اجى بالليل اختّها فى اجمل ما سمعت وهى حقا كذلك

ماتمشى يا محجوب **دايرين نظبط بوش
زى ما قال ازهرى الرائع
اللافت فى سودانيزاون لاين،، تداخل بعض الاخوان بأبيات جميلة فى محاولة لمجاراة
القصيدة
انه الشعب السودانى العظيم فى حالة ماقبل الزلزلة
خالد عبدالحميد
خالد عبدالحميد


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف عبدالرحمن محجوب يوسف الخميس 28 يونيو 2012, 18:38

محجوب شريف استاذ بقامة امه ووطن وكم افرح الوطن نسال الله له عاجل الشفاء امين يارب العالمين
عبدالرحمن محجوب يوسف
عبدالرحمن محجوب يوسف


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الرشيد شمس الدين عبدالله الخميس 28 يونيو 2012, 20:53

شكرا بلا حدود أحبابنا كركب , خالد وعبدالرحمن على أناقة المرور ... بالمناسبة قبل أيام جاءتنى إبنتى شاهندة باكية أنّها قرأت فى الإسفير أنّ محجوب شريف قد إنتقل للرفيق الأعلى .. لحظتها أظلمت الدنيا فى وجهى وكانت تلك من أقسى لحظات يوم الهول .... إتصلت هاتفيا بصديق مشترك ونفى لى الخبر ولكنه قال لى أنّ حالته ليست بخير بمستشفاه فى ألمانيا وأنّ هناك علاجا فرنسيا جديدا لحالته ولكنّه مكلف جدّا وأنهم ينظرون فى بديل هندى له .... حمدت الله وسجدت شكرا أنّ محجوبا بخير وأنّه حىّ ولكنه ولضيق فى ذات اليد , لايرزق ...
أحبتى , تنتظم حملة ضخمة للتبرع لشاعر الشعب محجوب ... هذه ليست مساهمة ولكنه رد للجميل وواجب لايدانيه واجب وحتى لا نندم غدا أنّه كان فى وسعنا أنّ نقدّم شيئا لمن يستحق فلتنتظم حملتنا مع مثيلاتها الكثر وياعبدوس العزيز أعلم أنّك لن تقصّر فحين كنت شابا كنت تجيؤنا من بلجيكا بسيارتك لهامبورج .. ولا ننسى -حميد عيسى وأنا _ كيف وصلت لسارة إبنة حميد قاطعا الفيافى لإنقاذها حين كانت تعانى صحيّا وأسرتها بعيدة لاحول لها .... ذلك طبعا قبل الزهايمر والكبر .. الله يقطع الكبر وسنينو ... وليدم أبدا مابيننا ..

الرشيد شمس الدين
الرشيد شمس الدين عبدالله
الرشيد شمس الدين عبدالله


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف ود كرار الجمعة 29 يونيو 2012, 06:21

والله ياود الاستاذ أنا عملته ليها كوبى وشايله فى صفحتى عشان أجى اعمل ليها بيست لقيت كبيرنا رشدى سبقني وزين بها صفحات (من اجمل ما سمعت)....

لكم الود
ود كرار
ود كرار


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف مبارك عمر عصملى (كركب) السبت 30 يونيو 2012, 03:12

حكى الأصمعي قال بينما كنت اسير في بادية الحجاز إذ مررت بحجر كتب عليه

يامعشر العشاق بالله خبروا
إذا حل عشق بالفتى كيف يصنع
فكتب الأصمعي تحت ذلك البيت
يداري هواه ثم يكتم سره
ويخشع في كل الأمور ويخضع
ثم عاد في اليوم التالي الى المكان نفسه فوجد تحت البيت الذي كتبه هذا البيت
وكيف يداري والهوى قاتل الفتى
وفى كل يوم قلبه يتقطع
فكتب الاصمعي تحت ذلك البيت
إذ لم يجد صبراً لكتمان سره
فليس له شيء سوى الموت ينفع
قال الأصمعي فعدت في اليوم الثالث الى الصخرة فوجدت شابا ملقى تحت ذلك وقد فارق الحياة وقد كتب في رقعة من الجلد هذين البيتين
سمعنا وأطعنا ثم متنا فبلغوا
سلامي الى من كان للوصل يمنع
هنيئاً لأرباب النعيم نعيمهـم
وللعاشق المسكين ما يتجرع
مبارك عمر عصملى (كركب)
مبارك عمر عصملى (كركب)


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف المهدى عثمان مصطفى السبت 30 يونيو 2012, 19:56

سجل عندك أخونا مبارك......مرور وإعجاب.

ـــــــــــــــــ
والله حيرتنا يا ود عكود هسع كان خليتنا مشعلقين فوق مع عناكب الفهرس ونقرأ الكلام الجميل دا ما كان أحسن....مداخلاتنا تخدشو.
كل التحايا والود
مهدي شلكاوي
المهدى عثمان مصطفى
المهدى عثمان مصطفى


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف بدرالدين مبارك الجاك السبت 30 يونيو 2012, 20:10

ده الكلام الخايفين منو ذاتوا يا ود عكود .. زي ما قال مهدي ... سلام للجميع

بدرالدين مبارك الجاك


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف عاطف عكود الأحد 01 يوليو 2012, 00:49

المهدى عثمان مصطفى كتب:

والله حيرتنا يا ود عكود هسع كان خليتنا مشعلقين فوق مع عناكب الفهرس ونقرأ الكلام الجميل دا ما كان أحسن....مداخلاتنا تخدشو.
كل التحايا والود
مهدي شلكاوي

الغالين مهدى وبدرالدين ...... الله يكفيكم الشعلقه وشر العناكب ....... وبى التخديشششششش منتدانا أحلى ...... مع تحيات AMTA ودام التواصل................. عاطف عكود
عاطف عكود
عاطف عكود


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف الاء الأحد 01 يوليو 2012, 13:54

الاخوة الاعزاء المتداخلون ومرحب بيك ود عكود " اهل مكة " وصاحب البوست .
اخى الرشيد .. محجوب شريف زول سودانى بمعنى الكلمة تمتاز اشعاره بالبساطة وهذا سر الروعة
القصيدة تحكى الحال برغم المرض ما نسى الشعب .. اليكم القصيدة الجميلة وياريت تعجبكم

بت اختي
في اللحظة ديك والتو........ لحظة الميلاد
كنت نقطة ضؤ
فرهدت بيك فرهيد .... وانتشيت بالريد
وطرت بيك الجو
قالو ايضا بت .....
قلت مالو ولو
بختي بختي .. انت بتي ..
امي واختي..
همي شيلي ..
شيلي مني
مني ختي
بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين ...كستني توب
نجدنا كم.. كم مرتبه
جيهت بيتنا القديم
السقف داك والمسطبة
قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا ...بتوصلنا
وتحصلنا ...تفك الحيرة
ما بتتعنت وما بتتصنت
ما بتاوق في حق غيرا
بعض اجمل ما سمعت Very Happy
http://www.albrkal.com/upload/uploads/egdalglad-bhktee.mp3
الاء
الاء


الرجوع الى أعلى الصفحة اذهب الى الأسفل

(بعض من أجمل ما سمعت) - صفحة 7 Empty رد: (بعض من أجمل ما سمعت)

مُساهمة من طرف عبدالرحمن محجوب يوسف الأحد 01 يوليو 2012, 16:33

الاستاذه الاء الاعزاء جميعا من امتع الاشياء ان يكون استاذك بالمرحله الابتدائيه او الاوليه عشان ناس ما تزعل يكون صديقك يوما ما وتكون النزله والطلعه والنقار والغلاط ولمن يزنق يصرخ قائلا حليل التعليم انا والله استاذنا جاء في البيت لحضور عقد قران شقيقتي الكبري والكلام للاستاذ رقدت مورود لغايه الصباح
المهم هذا الاستاذ المبجل مد الله في ايامه وبارك فيهاكان ولازال من محبي الشاعر الفارع محجوب شريف شفاه الله وكان دائما عندما يسمع قصيدة لمحجوب يقول شعر محجوب دا ما ينفع وراهو اي تعليق غير يااللــــــــــــــــــــــــــــــــــــــــــه
الهم اشفه وعافه امـــــــــــــــــــــــــــــــين
عبدالرحمن محجوب يوسف
عبدالرحمن محجوب يوسف


الرجوع الى أعلى الصفحة اذهب الى الأسفل

صفحة 7 من اصل 10 الصفحة السابقة  1, 2, 3, 4, 5, 6, 7, 8, 9, 10  الصفحة التالية

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى