شندى...الجمال...وانا مالى

اخير نرجع لى شندينا مالنا ومال القرايه ام دق!!!
ومن المحطه الى الشمال وعلى يدك اليمين الكنيسه بتاعت النقاده..وعلى يمينك بوابة القياده الشماليه اللواء 14 وديل بخلعو جنس خلعه..ثاااااابت عندك انت مين...كرب..رب ..رب ...كركرب(موسيقه تصويريه) دى صوت تعمير البندقيه..مع انو ممكن تدخل بى ورى من فتحات السلك جنب ناس ابو الجزم!!!
جنب المحطه طوالى وشرقا موققف التاكسى..الفولقا الرهيبه والتى تمططى سفرا..طهورا... او مرضا والباقى كلو كدارى....حسن ابو عصبه ..صاحب اجمل تكسى وقتها وله بورى مميز اظنو(انتى كلك زينه)..يعنى اى شافع يقولو ليهو جيب تاكسى بجيب ابعصبه..ابو السعود.. اظرف سائقى التاكسى ....فداى...تخصص اولاد طهور(الإسم ده داير ليهو شده فى واحد من حروفو ديل..ايدك معانا يا كبتن احمد)وكانو اروع تكاسا ولازال بعضهم يقارع الاتوس الفرمله بالفرمله...
يطل على المحطه مربع واحد..من الرقم يظهر انو من اقدم المربعات..لكوندة شندى الوطنيه..بت نورى من اعرق نساء شندى ودائما لابسه (سربادوق)وحفاظا على انوثتها بكون ذو الوان زاهيه...
ولنا عوده ان الله سهل

العزيز عظمة كدى خليك من القطينه والفتيحاب ووسط العقد وواصل لينا فى ابداعات شندى الجمال.... والله الواحد حاسى انو طول منها ومن طعمية المحطة ذى ماقال اخونا اسامه الله يطراه بالخير غيبتو طالت مش كدى ولا شنو ؟
دمتم ودام التواصل ,,,,,,,,,,, وزاد الجمال ونضار وطيب ...... وانا مالى
عاطف عكود

يا عظمـــة عووووووك،،،، ياشندى عوووووووكين
تخريمة للتسخين ،،،، والعهدة على صديقى الذى طالت اقامته فى ديار الامريكان هذى
قال-لك ما تنسى فول جادو

العزيز خالد لك الشوق كله...وعوعيتك مرحب بيها...لقد كنت فى الdead zone..وهى بين الصعود والتجهيز للصعود(شىء غير التمباك)
اهو الحمد لله على كل حال صعدنا..ويا البحر جاك زول...بعد اجازه كانت شندى جزء منها..تخيل لقيت نفسى بوصف فى شنديا تانيه...بقت شندى الجمال...وانا ما لامى فيها!!
عايدين ان الله سهل.

حمدا لله على السلامة ورغم البعد ستكون شندى - كما هي الحال دائما - فى الوجدان.

يشرفنا هذه الايام محمد صالح ديجانقو فى اجازة محلية بعد غياب سبعة اشهر فى مصر.

اولا داير اخش عشان اقول ازيك عم احمد..ما تغشكم الصورة والله شفت عم احمد في الخرطوم لمن درجة الحرارة كانت اظنها فوق الستين... سلمتة عليه وما عرفته..كان وشو يكاد ان ينعل قفاه لولا تلك الابتسامة الوضئيه التي يقابلك بها ....... .معليش ..بكل التهذيب وتلك البسمة المشرقه التي يقابلك بها وكعهده دوما ..معليش كابتن عبد الرحمن... لازم الحق باصات شندي عشان ارسل دواء للبلد...
كم يعاني من له اهل في البلد...ولكن ساعتها غفرت له .. لا وقت لديه لندردش....
احمد ..احمل هموم اهلك وسيجزيك الله خيرا...لك محبتي واحترامي...
عظمة..وقد سحبت منك عظموتي ووهبتها للعزيز عبد العظيم..لا ادري الكثير عن شندي مع اني من حلة ود بانقا القبه...قبة الشيخ صالح ود بانقا جبل اللقمه..وجدي الشيخ عبد الرازق ابو قرون..
وفي العام السابق حضرت الحولية.. وتلك قصة اخري.. اعود اليها يوما ما..
لا اود ان اخرج من موضوع شندي... عمي حسن الزين كان ناظرا لمحطة سكة حديد شندي وكان صديقا للمرحوم عمر الحاج موسي قائد القياده الوسطي..ارجوك صححني لو قد تكون الشمالية..
المهم كانت بينهم مسجالات ومكاتبات تحكي التاريخ...وعندما التقيت عمي حسن الزين وقد كان في ذلك الوقت الذي وصلت فيه الميمونه سنار بورتسودان..ناظر الحوش....عام 70
اتوقف حتي لا تملوا
محبتي
عبدوس
تخريمة..كنت اودان اقول ان مكاتبات عمر الحاج موسي وعمي حسن الزين سلمتها كما هي للمرحوم الخالد الراحل الباقي خليل احمد طه ولكن خوفي من ان ينط لي الذي نشتاق اليه رشدي احجمت..
قال ما بقول ليكم اسمو منو لكن اول حرف فيهو عبد القا...
الي لقاء بدون اطاله..وعد..

الفين مراحب يا كابتان.

ياخى الخرطوم دي عبارة ماكينة مدورة تلقائيا تجد نفسك اخذت مكانك كترس فيها و هاك يا دوران.
المشكلة ان زيت التزييت نوعية رديئة والهواء ملوث الى درجة تتعدي اجهزة القياس . غايتو الله فى.

هى القيادة الشمالية ( الفرقة الثالثة حاليا) و التى كانت تضم عدة الاف من العسكريين و اسرهم والذين كان لهم اثر كبير فى كل جوانب الحياة فى شندي.

الاخ احمد لك التحية والاحترام قبلها...الخرطوم مدينة لن تعشقها إلا اذا سموت فطرت مع دقائق غبارها ..فتعانق حينها صفاء السحب..
ولن تبصرها إلا اذا هي عشقتك فتكشفت لك عن مستور نفسها ..فعندها تقف مندهشا (للروعة والاخلاص)
ولك مني الود

ألاخ راشد

سلامات

اخشى ان اقول كانت.
حديثك قد يكون صحيحا فى زمن مضى ولكن حاليا يصعب النظر اليها بالطريقة التى ذكرت فى وجود الزحام و تلال القمامة التى تملا الشوارع (كل الشوارع درجة اولى او شعبية) و الحشرات و الغبار و العوادم التى تملاء الهواء ..... الخ

يا عظمة ،،، وين يا ؟؟؟

قد نعود لكلام عن راشد اعلاه عن الخرطوم
زمان قالو فى زمن القصايد الممنوعة
ومتين تروق سما الخرطوم حبيبتنا ومتين تصفى
مناديلك . خيوطها الحمــــــرا ما صدفــــــــــة
خالد

اخونا عظمة كان فى الميناء امس وسافرعلى طول وهو يغريكم السلام على وعد بالمواصلة حين عودة بالسلامه انشاء الله , وكل الجمال وانا مالى.
ودام التواصل
عاطف عكود

شكرا على الاتصال حبيبنا عظمة وسعدنا بسماع صوتك وانشاء الله مشكلتك مع النت تكون انتهت عشان بوستك فى انتظارك ونحنا كمان كذلك.
وشندى الجمال وانا مالى
عاطف عكود

عاطف عكود كتب:شكرا على الاتصال حبيبنا عظمة وسعدنا بسماع صوتك وانشاء الله مشكلتك مع النت تكون انتهت عشان بوستك فى انتظارك ونحنا كمان كذلك.
وشندى الجمال وانا مالى
عاطف عكود

وتانى كمان سعدنا بسماع صوتك حبيبنا عظمة وبمناسبة مرور شهر كامل على المداخلة اعلاة وكانت اخر مداخلة فى بوست اخونا عظمة شندى الجمال وانا مالى وحتى لانتركة بور لفترة اطول استاذن صاحب البوست وكذلك اخونا احمد محمد احمد شيخ الشندواية وكل الاخوة الشنادوة فى كل بقاع المعمورة ماظهر منهم ومابطن (بطن دى طبعا قاصد الذين يتابعون من وراء حجاب كزوار ولا شنو يا الحبيب بابكر يوسف والحبيب ضرار والحبيب عادل عثمان وما خفى اعظم )
استاذنهم فى مداخلة لحوار فى جريدة حكايات كتبها عبدالقادر رحمة مع الحاجة زينب درار والتى غنى لها على ابراهيم اللحو (يالناسينا فى محطة شندى ) وهى اشهر من باع احلى طعمية وعلى لسانها ان ملوك الطعمية فى السودان لن تجدهم الا فى شندى وسر الجودة فى الكبكبى الصافى وبهاراتها مية المية .
وقالت ان ناس حلفا ظراف ظرافة ماعادية وفاهمين وشرايين ومابجادلوا فى الاسعار ومرات الباقى زاتو مابيشلوهو وبعدهم ناس بورسودان اما ناس كريمة
(ودى وان كنت اختلف معها ولا اوافقها عليها ولكن للامانة مجبور عليها وامرى لله ومجبور اخاك لا بطل )
ناس كريمة ديل جبارين وتعبانين ونقتهم كتيرة بعدين بتلقى القطر كله شايل زوادة قراريص وعصيدة بلح .
ومن اقوالها فى التحول وما ال الية الحال الان ان الرجال خلوا شغل الزراعة وكل واحد خت ليهو طشت كبير فى نص السوق واتفرجخ قدامو وبقى يرمى طعمية .
وممن ذكرتهم الحاجة زينب (مخبز الشاذلى بالقرب من المحطة ) وعبدالمنعم الديسكو وبيع البارد
وفى انتظار مداخلات اهل شندى وانشاء الله ريحة الطعمية دى تحرك بعض الذكريات عن القطارات ومحطة شندى وكل المحطات الجيلى وبانقا والقوز و عطبرة و و و و و
وشندى الجمال وانا مالى
عاطف عكود

العزيز عظمة
شندى الجمال وانت وينك ؟؟؟؟؟؟؟
عاطف عكود

من بوست اخونا عبدالعظيم الامين خالص دعواتنا له بشفاء زوجته فقد سافر امس للاردن مرافقا لزوجته فى رحلة علاجيه اللهم اشفيها ياشافى من كل مرض وانشاء الله اجر وعافيه
فصالح دعواتكم لها ولكل مرضانا بالشفاء فدعوة المسافر مستجابة باذن الله.
تلفون عبدالعظيم 00962787128208
عاطف عكود

اللهم شفاءأ لا يغادر سقما
أجر وعافية يا عظمة

اللهم ياشافى ياكافى يامعافى أشفها شفاء لايغادر سقما قط .... صادق الدعوات لها ياعظمة ولابأس طهورا .....

الرشيد شمس الدين

الاخ عبدالعظيم لك التحية .
انضم مع الاخوان داعيا الله مبتهلا له ان يشفيها ويعيدها لاسرتها في صحة وعافية
انه نعم المولي ونعم المجيب.

تحية للاخ عبدالعظيم و لكل الاخوة الاحباب و رمضان كريم.

اخر اخبار شندي هنا:


http://aljazeera.net/NR/exeres/90B9B846-B198-4402-BC6E-CE88AB6283C9.htm

اخر اخبار شندي هنا:

تلك كانت اخر اخبار شندى
كيف هى اخبار اخونا عبدالعظيم،، وتتواصل امنياتنا ودعواتنا بكل الخير

:

مرحبتين بعودتك بالنيو لوك (اسم وكلمه مرور ) ابسط ياعمى , وشندى الجمال وانا مالى
ودام التواصل
عاطف عكود

عظمه الامين الطاهر كتب:
:

ده الكــــــــــــــــــــــــــلام

عكود دايما سباق...لك التحايا من الثنايا..
عزيزى خالد .... تقف الكامات كسيحه..امام كرمكم.وتوادكم وتراحمكم..كل عام والجميع بخير...لك الود...
ان الله سهل