شخبط شخابيط لخبط لخابيط..غايتو جنس غايتو

ولدنا ود حلة ود بانقا القبه... مرحب بيك..ما شغلني عن الترحيب بك الا الشديد القوي والذي ستجده في رسالتي التاليه باذن الله ان امد الله في الاجال....معزتي
عمك عبد الرحمن ود الفكي عبد الرازق الزين ود الشيخ صالح جبل اللقمه-سيد القبه-ود الشيخ عبد الرازق ابو قرون- جد الرازقيه... غفر الله لهم جميعا
ونفعنا بصالح دعواتهم..امين..

ابني..اخي..وكما قلت لا ادري..يصعب علي ان اخاطبك بالتايواني او المزيف فانت بلا شك انسان نبيل وود قبايل بحق وحقيقة - كما نقول دايما- في وصف انسان شهم وودود...
ابكتني كلماتك الناصعة والتي صدق رشدي في وصفها -كانك غسلتها قبل ان تودعها الكي بورد- قطعا لا ليكويها لانها ومن طيب اصلها لا تحتاج لمكواه..
اكرر.. ابكتني كلماتك وادمت كبدي لاني ومنذ ان كتبت كلماتي اليك فارق النوم مرقدي... ندمت في حياتي- شاني شان كل انسان-علي اشياء كتيرة - ولكن اكثر ما المني هو هجومي الحاد عليك.. لا اكذبك القول حاولت ان اسحب ما سطرت ولكن ابي النت الا ان يعاندني..
وبمااني عاهدت نفسي في هذا الباب الا اراجع ما اكتب..وهذه غلطة اخري.. فقد سبق السيف العزل..

ما علينا ما وددت ان اقول- والله علي ما اقول خير شاهد وشهيد - اني اعتذر اليك من اعماق قلبي ونادم علي اي كلمة -غير جميلة- كتبتها في حقك ولا اطلب منك الا ان تكرمني بقبول عذري..

صحيح انا عند رائي وساظل ان الوضوح والدخول من الباب هو اقرب الطرق الي القلوب ولكن كان من الممكن ان اوضح رائي هذا باسلوب ودروب وكلمات غير التي خططتها ..اعذرني اخي واغفر لي..ومرحبا بك الف مرحب..وصدق رشدي هذه خشونة لا تشبهني وساندم عليها واعدك الا اكررها ان غفرت لي...

اخواني...الاعزاء الكرام رواد هذا المنتدي العظيم.. يبدو لي بل من المؤكد انني اخطات في حق هذا التايوني الاصيل النبيل من حقه علي ان اعتذر له وقد فعلت وامل ان يقبل عذري ولكن...من حقكم علي ان اعتذر لكم جميعاوطوال اليومين السابقين لم يك لي تفكير الا في هذا الامر..
ارجوكم عاقبوني او احرموني حتي من دخول منتداكم العامر هذا...فكرت ان اغادر واعتذر واستودعكم الله ولكن لم يهن علي ذلك..صدقوني..ولكن ان اتت منكم فقد تكون اخف وطاة علي قلبي..
انا في انتظار حكمكم علي - ومهما كان قاسيا- ارحب به .. اقول لكم لقد سعدت ايما سعادة بوجودي بينكم..
الشكر لكم جميعا وفي امان الله
عمكم عبد الرحمن

انا والله قد ادمعتنى كلماتك الطيبات ،كانت مداخلتك قاسية بعض الشئ لكن يقينا كان حرصك على هذه الدار هو المقصود، وما يجرى فى سودانيز اون لاين حتما له صلة،،فالناس العظماء كلُ متكامل من الخير والتصالح مع الذات
شجعان البشر وأفاضلهم هم من يتداركون مواقفهم إن همو شعروا أنهم حادوا عن الصراط،،،
ماكان الأمر بالكُبر ده ودونك ما كتب التايوانى(( يكفيى احساسك به-عدم وصفك اياه بالمزيف-هذه هى الرقة ))
لكن لاينبغى لك ان تغادر ،،القصة ونسة وتعترى كتاباتنا كلنا مشاعر الحياة المتباينة فنحن فى دارنا
وانا الليلة بيرفدونى من الشغل،،،كنت فى طلتى الصباحية على الواقف
ونسعد بصحبة كبير المنتدى عبدالرحمن الزين دوما
لك الف ود،،،

عبد الرحمن الزين كتب:
ارجوكم عاقبوني او احرموني حتي من دخول منتداكم العامر هذا...فكرت ان اغادر واعتذر واستودعكم الله ولكن لم يهن علي ذلك..صدقوني..ولكن ان اتت منكم فقد تكون اخف وطاة علي قلبي..
انا في انتظار حكمكم علي - ومهما كان قاسيا- ارحب به .. اقول لكم لقد سعدت ايما سعادة بوجودي بينكم..
الشكر لكم جميعا وفي امان الله
عمكم عبد الرحمن

العزيز عبدوس
كما وعدتنا بانك سترحب بالحكم ومهما كان فاصالة عن نفسى ونيابه عن اعضاء المنتدى تم اصدار الحكم الاتى نصه وهو تم تنصيبك وحصريا كبير منتدى البحاره السودانين العامر والذى سعدنا ايما سعادة بوجودنا معك فى رحابه.
ودام التواصل
أعضاء المنتدى
عنهم عاطف عكود

الاخوة الافاضل اسمحوا لي بالمشاركة معكم قي هذا الفيض الامتناهي من المشاعر والاحاسيس الدفاقة حتى وكأنى بها قد سالت علي جنبات الكمبيوتر بل اكاد اقسم بالله انى اتحسسها بيدي ....جمبعنا يعلم ان ما قمت به لم بكن اساءة لاحد بل كان حرصا منك علي ان لا يحدث كما حدث في منتديات اخري فالامر في غاية البسلطه وقد اعتذر من كان واجبا عليه الاعتذار ولا اطيل عليكم فقد اوفي من سبقوني الحديث وليدم عهدكم اخاء ومحبة وتواصل

السيد كبير منتدي البحاره السودانيين
عمنا عبدوس
يا كابيتانو ما ممكن كده ,, والامر ابسط ما يكون ولا يحتاج لكل هذا ,, انت عمنا تشخط وتعمل
الانت عايزه ونحن نتقبل غصب عنا وايدنا في كراعنا,, انت في النور ونحن في الظلام ,, واذا كان في اعتذار
فمثل ما قال الجمل بان الزول الغلطان اعتذر وانتهي الامر ,, واذا كان الواحد ممكن يتخيل الامور سوف تصل
الي هذا الحد الذي يجعل كبيرنا طيب القلب والمرهف يعاني الي هذه الدرجه لما بدأه من اساسه ,, وللمعلوميه فانا
واحد من الذين يدينون لك بالكثير.
و ممكن تقول اخوك الاصغر ,, فانا واحد من سودان لاين الزمن الجميل لكن ما حضرت ناس شندي
ومريدي ,, اشتغلت معاك في احدي البواخر انت كابتن وانا ( .........) ,, طبعا ناس الشمارات اعصابهم
باظت ,,, واشتغلت مع الرشيد ,,, والجمل ,,,, وجريت عاطف صديق كميه من الخمسينات في الكوتشينه في
باخره اخري ,, ومعلومه اخري صغيره وحقيقيه وهي انني من خارج نطاق المنتدي وغير مسجل معاكم كما يتصوّر
اكثركم ,, بعدين يا كابيتانو البوست ده انت فتحتو للفرح والمرح والتفريق ,, عشان كده ماجايه معاه مداخلات
من النوع الفوق دي ,,, والا ما كده ,,
وفي النهايه فقد كانت لعبه اختلف حولها الناس بين مؤيد ومعارض وانا احترم جميع الآراء ,, والآن آن لهذه اللعبه
ان تنتهي واصدقك القول بان الكتابه في هذا المنتدي لها خرمه شديده عرفتها بممارسه الكتابه المنتحله ها هنا ,,وانا
علي ثقه بانني سوف ادخل عليكم مسجلا بالباب وبالاسم الحقيقي ان شاء الله في يوم من الايام ,,
و take it easy

التايواني التلميذ

اعزائي ود الزين والفاتح التايواني التلميذ....فتحت البوست وفوجئت بكم هائل من المشاعر والاعتذارات والتسامح ...وعليه فوجئت ولم اندهش فكل هؤلاء الغالين ماهم إلا اخوة يعتاضد بعضهم بعضا ...وكما قال الجميع ايها الرائع ود الزين فانت انسان يحتاج المرء الوقوف عنده ليتعلم حتي ادب الاعتذار ...(اكره الوداع و..و.. فاغفروا لي نحيبي) عليه الاستطالة تدميني ولا املك إلا ان افرد يدي معانقا اخوتي ود الزين والفاتح لتلك المبادرة الطيبة .....
....................
.......
ونحن في انتظار اضافة واحد من زمن سودلاين الجميل (الفاتح)
ولكم ودي

الاعزاء اعضاء المنتدى
ومنذ الامس اتابع المستجدات والمبادرات التى اخذت طابعا فريدا شييًقا اثلجت صدورنا
حتى ادركت ابصارنا مدى هذا التلاحم الوفاقى الذى جمع بين اصدقاء عاشوا سنين عددا فى حضن الام (الفقيدة) التى رضعوا من ثديها وربطت بينهم اواصر المودة فاصبحوا بنعمتها مضرب الامثال فى التفانى والاخلاص .
وهذا المنتدى ماهو الا خير دليل على روعة هذه الصداقة واصبح الملاذ الوحيد الذى يجمع بين الاحباء بعدما كانوا يلتقون فى صالونات البواخر وفى الكبائن والبريدج وفى الانجين رووم ويتبادلون الاحاديث ويتلاطفون ويتهامسون وقد نمت وتوطدت العلاقات بينهم .. ومن الطف الذكريات تلك التى اخذت طابع المقالب حتى انتشرت وعمت الجميع واسمعت من به صمم فاصبحت ذكريات لاتنسى ... وقد برزت نجوم فى فن المقالب وصاحبنا الخفى الان ضرب الرقم القياسى واستطاع ان يحلق فى سماء المنتدى مستخدما ذكاءه وفنياته فى هذا الفضاء الاسفيرى ليعيد للجميع النشوة التى فقدوها .. فما اروعك ايها التايوانيز الخفى وليتك توافق بمقترحى واراك تراجعت بعدما ابديت الموافقة..
فلنبدا بالتخمين اولا :حبيبنا رشدى البرتقانة كما يحب ان يناديه عبدوس وحسب معرفتى به من المع نجوم الممقلبين ..فلماذا لا نوجه له اصابع التهمة فهو خطير خطير يتمتع بذكاء خارق ....المتهم الثانى ..اين طيب الذكر بابكر عبد الغنى هذا الفتى المراوغ سريع البديهه ...اما جنى فبالرغم من انه احد النجوم التى تلالات فى سماء المنتدى الا اننى استبعده لاننى من اخر مكالمة لى معه احسسنى بفقده للمنتدى حتى كاد ان يبكينى....
الاهم هو ان يظل هذا الرجل الخفى كما هو ويواصل المشوار ونقترح ان يسجل اسمو بالرجل الخفى ونشوف بعدين الحيحصل شنو لانو بقينا نخرم ليهو ذى سفة الصباح...والى لقاء

حبيبنا الاخ الرشيد تصدق انى انسحبت عن فكرة نخمن من يكون ذاك التايوانى ؟خفت انا اقول ده فلان وانت تقول علان وود عكود يقول .............الخ وامكن تجيب ليها برنامج زعل وتبقى علينا ( لا طوولنا الشام ولا اكلنا بلحها ) رغم انو كل واحد فيتا جواهو شيىء من ان ..........وانا برضو فبقترح انو نذكر الحرف الاول من اسمو والحرف الاول من اسم ابوه مع اضافة ضابط -مهندس- في الدك- في المكنة ....الخ لحين ظهور هذا الزميل الرائع وهو ما كضب لمن قال انو غير مسجل بالمنتدي ..........
على كل حال نرجو ان يعود خلال الساعات القادمة مفصحا عن اسمه ومريحا لنا من هذا العناء وكان احلى مقلب واظرف برنامج و ..
يا تايواني اظهر وبان انت ما عملت غير برنامج ظريف ولا مي كدى ..... ودمتم

الاخ الجمل
او يمكن البحث فى اكثر العبارات التى تداولها الظريف الخفى ..يعنى مثلا اختيار اسم البوست (صور من الزمن الجميل) فمن هو اكثر الناس تداولا لهذه العبارة...الله لا جاب الزعل ياعزيزى الجمل هى مداعبات وليس الا ...ودمتم

الفاتح محمد ادريس كتب:
السيد كبير منتدي البحاره السودانيين
عمنا عبدوس
ممكن تقول اخوك الاصغر ,, فانا واحد من سودان لاين الزمن الجميل لكن ما حضرت ناس شندي
ومريدي ,, اشتغلت معاك في احدي البواخر انت كابتن وانا ( .........) ,, طبعا ناس الشمارات اعصابهم
باظت ,,, واشتغلت مع الرشيد ,,, والجمل ,,,, وجريت عاطف صديق كميه من الخمسينات في الكوتشينه في
باخره اخري ,, ,,
وانا علي ثقه بانني سوف ادخل عليكم مسجلا بالباب وبالاسم الحقيقي ان شاء الله في يوم من الايام ,,
و take it easy
التايواني التلميذ

الفات كلو كوم وقصه الخمسينات دى كوم تانى لانها جرحت كبريائى الكوتشينى الذى كنت ومازلت اعتز به والدليل على ذلك ادعائك هذا بعد عشرات السنوات , شوف ياسيدى الجرو خمسينات منى قله واولهم عمنا الباشمهندس عثمان عمر الله يديه الصحه والعافيه وهو حريف كوتشينه وفعلا غدرنى فى جرة الخمسين وكنا فى الباخرة دنقلا فى الصالون والكونكان مدور وبنتابع فى التلفزيون CH 4 اخبار الحمله الانتخابيه لمارغريت تاتشر الكم ماعارفها ( زمن والله) المهم حاولت اتشيطن وافك كرت حار واتخارج منو على اساس انو عمنا عثمان مشغول مع اخبار المرأة الحديديه اتارى كان لابد لى وقد كان .
نرجع لى موضوعنا ياسيدى هى خمسين واحدة ومجبور اخيك لا بطل لانى كنت معرج بعشرة دينارى دبل وجريت غطا وماكان فى طريقه ... اعمل شنو يعنى اقع البحر .... اه رميت عشره الدنيارى والحصل حصل ومن ديك وعييك واهو انك مازلت فاكر وبتعتز بها ياسيدى والله ليك وحشه وما النصر الا من عند الله .
وفى انتظارك انت قلت فى يوم من الايام واخوانا كركب ورشدى بفتكروا انه يوم يومين والاخ الجمل برجوا ان يتم ذلك خلال الساعات القادمه .
ودام التواصل و take it easy
عاطف عكود

جابــــــــــــــــــــت ليها خمسينـــــــــــــات ( لاحظ الجمع)،،يعنى يا عكودنا القصة دى باكر يطلع فيها اسنافيـــكات !!هذا موضوع لايمكن السكوت عليه ،،خمسينات لا لا لالا
اعلاه كان المهم اما الاهم
فهى قصة التخمين ،،،كنت فى يقين جازم لا يقبل الشك وبحكم بعض الاشياء المعلومة واثق دشليون المية انو انا بعرف التايوانى عرفة لا تقبل ذرة شك ،،،وتحاشيت التعليق فى قصة الزول منو؟؟؟ رغم استمتاعى اللا متناهى بالمحاولات والزوغانات من طرف التايوانى ،،واتمنى ان تتواصل الونسة الرشيقة فى الامر ،،
لكن وآه من لكـــــــــــــــــــــــــــــن
اجتهادات منطقية من الرشيد فى شأن جنى العجيب،،،خصوصا موضوع التوقيع
بالمناسبة احدى المداخلات المحذوفة موقعة (((التايوانى الحذر))؟؟!!!اعتقد كتيرين ما شافوها //هل يعنى شئ ؟؟؟ لا اعلم
ملاحظة الرشيد الثاقبة ،،،اذا ربطتها بى كلمة فى غاية الحصافة والنباهه من الجمل ،،جاءت عرضا وكأنها الومض ((المنطلون))او البنطلون وكيف استخدم تايوانيز الميم بدل الباء المعهودة
وبحكم بعض الاشياء المذكورة اعلاه اقلها تواجدى فى المنتدى لفترة اطول
احببت ان انقل لكم هذا الاقتباس ،،،للدقة دى المشاركة رقم واحـــــــــــــــــد لعزيزنا عبد المنعم جنيدابى حينما سجل

عبدالمنعم جنيدابي كتب:

السلام عليكم كبارا وصغارا
يسعدني جدا النضمام الي منتداكم العامر
عبدالمنعم جنيدابي الكان معروف ب (جني)والكان ماركوني
بمنطلون جينز وقميص مربعات
وخنفس ,
ظهر في شارع المليون بليد في بورسودان
لكن
سمسار
Broker
بي جلابيه وطاقيه

ده ما العنطلون ذاتو؟؟؟؟ المفارقة فى السطر الاخير
انو بى جلابية وطاقية

وهنا مداخلة الحبيب الجمل واخرها دعوة لطى الورق

mhmdaljamal كتب: الاخوة الاحباء تحية مطرية واشواق رعدية
بعدما انقشعت قصة الاخ التايواني البرفكس ليه ما نحاول نعرف منو كان هو ؟ يعني مثلا اخونا الباشمهندس رشدي كان بلمح انو ود عكود واخونا كركب بدأ في توجيه سؤال ينم عن شىء ما وانا قلبى حاسى بحاجه بالذات هو بقول (منطلون) ونحنا بنقول بنطلون ويعني في فرفره في القلب وبما انو طلع زول راقى وود ناس واى واحد يتمنى يكون هو (هو) لادبه وحسن خلقه انا بقترح علي اخونا البرفكس يعمل لينا مسابقه كل واحد فينا ( يتهم ) واجد شاكي فيه ولمدة عشرة ايام والبعرفو يكون (نقاش المنتدى)
ولا شنو رأيك يا برفكس بعد داك تطوى اوراقك .............

اظن لم تطوى الاوراق بعد لانو الموضوع غير الخمسينات جاب حاجات تانية والونسة امتلأت حبا واشواقا وتفكّر ،،،
ولا زلنا فى طرف الباب فى انتظار الكبير عبد الرحمن الزين وان يدلى بدلوه مع الدلاء

اما حبيبنا الرشيد،، فوالله قد انتفت عنك صفة الزهايمر ،،ياخى لقيت الزول ابو بنطلمون
شايف الكلمة دى كيف ،،لكن بعد كل كلامى الفوق ده اعتقد انو جنى تخمين محكم لكن جه فى العرّاضة ،،اعتقد انا قلت ،،،الواحد بقى ما متأكد ،،،لكن شوف هذا
وهو كسابقه من بوست جنى -- يا ناس البحر...............جنيدابى وصل

عبد الرحمن الزين كتب:والله وانت الصادق يا استاذ جينيدابي ورغم انه - علي ما اذكر - لم يتاح لي ان اتشرف ان اعمل معك لكني سمعت عنك.. وانتو جيتو في الزمن المتاخر شويه.. .. ما قادر اتم العبارة. لكن انت الصادق..تعرف الفطور في دنقلا بكون فيهو المحافظ ..مدير الشرطة..مدير الامن..مدير الجمارك و. م الجمارك .. مدير الميناء. ناظر الميناء وحاجات تاني حامياني.. لا .. لا .. ما بقدر..خلي العزيز رشدي يحكي ليك رحلة العزيز العظيم الاخ . بيتر.. مدير الجمارك...الوزير وما اعظمه من انسان.... هناك كان في فطور دنقلا اللواء صلاح مطر وكان الانسان بكل ما تحمل الكلمة من معان العزيز عبد اللة حسن عيسي كان كابتن ابراهيم ابو بكر.. كان سعادة العميد بدر الدين.. العميد الريح اخو حبيبنا ود القبايل... كان هناك اخي وحبيبي وتوام روحي مصطفي حسب الرسول مدير الامن .. كان هناك عثمان وجلال وبوليترا..صدقني يا جينيدابي كل هولاء لم نعطهم شيئا ولا كانوا في حاجة الينا ولكنهم شعروا من دواخلهم باننا بشر وخلاف ما كان يقال عنا باننا بحارة اجلاف.....كانو يتركون مكاتبهم العامرة ويحضروا الينا وتابي انفسهم الا ان نشاركهم لياليهم العامرة في المساء... بس بيني وبينك كانو بخافو مننا انو نخرتهم وفي دي كان معاهم حق..
غفر الله لنا جميعا...
معزتي لك جني....دابي

هذا ما كتب عبدوس الاكبر

الفاتح محمد ادريس كتب:السيد كبير منتدي البحاره السودانيين
عمنا عبدوس

فانا واحد من سودان لاين الزمن الجميل لكن ما حضرت ناس شندي
ومريدي ,, اشتغلت معاك في احدي البواخر انت كابتن وانا ( .........) ,, طبعا ناس الشمارات اعصابهم
باظت ,,, واشتغلت مع الرشيد ,,, والجمل ,,,, وجريت عاطف صديق كميه من الخمسينات في الكوتشينه في
باخره اخري ,, ومعلومه اخري صغيره وحقيقيه وهي انني من خارج نطاق المنتدي وغير مسجل معاكم كما يتصوّر
اكثركم ,, بعدين يا كابيتانو البوست ده انت فتحتو للفرح والمرح والتفريق ,
و take it easy

التايواني التلميذ

وهذا ما كتب التايوانى الاستاذ
والشاهد واضح،،،،،،،،،،،،،الشغل ولا عدم الشغل ،،،،،ولا كيف

اما العزيز كركب ففى تقديرى هو من يستحق اللاب توب على مجهوداتو العظيمة فى هذا الشأن
طبعا خمسينات حبيبنا عاطف صديق ليست ملونة ،،انما اندفق الحبر صدفة
لكم الود اجمعين وانتم تضيفون بسمة او سفة صباح ،،وكلنا نكابس فى حق المُلاح
فمن حق الجميع ان يتشاركوا قليل من الهزار والمزاح
تحية لكل من جعل هذا ممكنا
عبدوس والتايوانى على وجه الخصوص فهم فى قلب الفلم ده ،،وجنيدابى الحاضر الغائب
ولكل المتداخلين،،،الشارلوكيين الهولمزييييين الف حب
حظـــــــــــا حسنــــــــــــــــــــاً

الاخوة الاعزاء جميعا... جميعا..اعضاءا وزورا..
التحيه والمحبه من اعماق القلب لكم جميعا..
العزيز خالد.. اكرر اعتذاري لك بصفة خاصه فقد كنت كريما معي وانت تنقي كلماتك..
رشدي.. اجمل ما قلت اطلع من دورك ..كم تفهمني وتقراني..حقيقة لن اخال نفسي يوما ما بعيدا عن هذا المنتدي..ولكن من يفعل خيرا ينال الثواب ومن يخطئ ومهما اعتذر يجب ان ينال العقاب.. شعرت انكم لن تعاقبوني بل طوقتم عنقي بكلمات عظام ستظل محفورة داخل فؤادي الي الابد ولا املك الا ان اشكركم عليها.. ولعلمكم قررت ان احكم علي نفسي وحرمتها من دخول المنتدي ليومين كاملين كانا اطول يومين وانا جالس امام الشاشه ولا اجرؤ علي دخول المنتدي..
العزيز ود عكود...كعهدي بك انسان هميم وابن اخ كريم لك شكري فقط ارجوك لا تعطيني اكثر مما استحق انك تخجلني...
الحبيب العزيز الجمل
الحرص ليس ابدا مبررا لي كي استخدم مثل الاسلوب الذي استخدمت كان بالمكان ان اتريث واختار كلماتي ارجو يوما ما ان اسامح نفسي..شكري لك اخي الكريم
واكرر اسفي واعتذاري..
العزيز ولدنا التايواني ال...
تابي الا ان تدخلني في اظفاري وعندما اقول اظفاري اتذكر منكافات الفاتح الاصلي فهو يعتقد اني اصرف دم قلبي علي اظفاري.... وانا ما بفسر وانت ما تقصر..نضحك شويه--
اسرتني كلماتك ولا املك الا ان اشكرك انك سامحتني..

درة المنتدي .. راشد ..وهل سمعنا او قرانا لك الا كل ما هو جميل..لك دايما معزتي واحترامي و تقديري حفظك الله ومتعك بالصحه والعافيه ويا خي بعد الحر عليك...
اخيرا العزيز عصملي- تالتنا-غايتو يخيل لي انك حتموت اكان ما عرفته التايواني ده منو..انا اكاد اكرر -اكاد- اعرف من هو وساعود لاحلل لكم الموقف فقط اود ان اقول لكم التايواني يلعب اوراقه بحرفية وبراعة يحسد عليها يعطيكم بعض الخيوط لتتابعوها ولكنها تبعدكم من اكتشافه..
المهم اخيرا يبدو انني سرحت فهذا البوست سطرته فقط لاشكركم اولا انكم قبلتم عذري وتانيا انكم سمحتم لي ان اواصل..وكما يقول رشدي البرتكانه فاليدم ما بيننا وفي امان الله
عبدوس

خالد عبدالحميد كتب:
طبعا خمسينات حبيبنا عاطف صديق ليست ملونة ،،انما اندفق الحبر صدفة
ولكل المتداخلين،،،الشارلوكيين الهولمزييييين الف حب
حظـــــــــــا حسنــــــــــــــــــــاً

جمع مذكر سااااالم وحبر احممممممممممممممممممممر وتقول اندفق صدفه ؟ لكن الصدف عندك ياحاج خالد وكمان بعد الشر داير تجيب ليها اسنات لامواخذه.
لنا عوده انشاء الله ودام التواصل
عاطف عكود

صباح الخير ياشباب .....والله الواحد ماعارف يتابع كاس العالم ولا حكايات التايواني في الزمن الفلاني ..بصراحة انا سعيد جدا بعودة الود والوفاق للمنتدي....ويبدو لي الموضوع صار يشد الواحد اكتر من احداث 11 سبتمبر....طبعا انا شخصيا لا املك الا ان اتابع وبس عشان الزمهرة وكده وكمان لم يسعدني الزمان بالتواجد المكاني مع هذه الباقة المختارة وعزاي هذا المنتدي ووالله ياود عكود ورشدي حاشاكم من الزمهرة (ماسكين الخشب) يعني ياعاطف جرت خمسين من كمين سنة ...!!!!!!!ده الواحد مافاكر عشا امبارح....

من الصباح ادخل وامرق فى انتظار التحليل الذي وعد به كبيرنا العزبز ود الزين ................ارجو ان لا يطول انتظارنا واكيد حيكون تحليل قوي

عزيزنا الجمل... باين عمك زاتو احبه اللعبه وزي ما قلته ليك التايواني كلما تقربو بحاول بي حرفنه يبعدكم...
اليك بعض الخيوط التي قد تعينكم..
-هو فعلا من الزمن الجميل لكن زي ما قال ما من زمن شندي ومريدي..
-في تلك الباخرة لم يكن هو ضابط لاسلكي - قد يكون مساعد ضابط لاسلكي- والا لا معني لوجود عوداي...
-ما من ناس المكنه لانو في اتنين مهندسين في نفس الصوره..ما تقول لي في الغاطس..
-له علاقة طيبه بانسي رؤوف وسال عنه بوضوح
-في الصوره التانيه جاب صورة ولد انسي مع صورة ابنة رشدي ولولا الزهايمر رشدي كان مفروض يعرف ده منو من الوهلة الاولي والا مش يا رشدي....علي انا..
هذه مقدمات...ويلا ورونا شطارتكم...انا زاتي حاضللكم شوية لكن ما بذكاء شديد كما يفعل هو.
معزتي
عبدوس

الفاتح محمد ادريس كتب:السيد كبير منتدي البحاره السودانيين
عمنا عبدوس
يا كابيتانو ما ممكن كده ,, والامر ابسط ما يكون ولا يحتاج لكل هذا ,, انت عمنا تشخط وتعمل
الانت عايزه ونحن نتقبل غصب عنا وايدنا في كراعنا,, انت في النور ونحن في الظلام ,, واذا كان في اعتذار
فمثل ما قال الجمل بان الزول الغلطان اعتذر وانتهي الامر ,, واذا كان الواحد ممكن يتخيل الامور سوف تصل
الي هذا الحد الذي يجعل كبيرنا طيب القلب والمرهف يعاني الي هذه الدرجه لما بدأه من اساسه ,, وللمعلوميه فانا
واحد من الذين يدينون لك بالكثير.
و ممكن تقول اخوك الاصغر ,, فانا واحد من سودان لاين الزمن الجميل لكن ما حضرت ناس شندي
ومريدي ,, اشتغلت معاك في احدي البواخر انت كابتن وانا ( .........) ,, طبعا ناس الشمارات اعصابهم
باظت ,,,

التايواني التلميذ

[flash][/flash]
---------
الاحباء الكرماء
والله الواحد بقى محتار شديد شايف اصابع الاتهام توجهت الى جنى والادلة التى ذكروها ابتداء من الجمل والرشيد ثم عكود وخالد خلتنى اكاد اجزم بان صاحب اللعبة ده اخونا جنى وما ذاد من تاكيدى هو ذكر كلمة كابيتانو عند جنى كتيرة دى واحدة والثانية كلمة الشمارات برضو عندو كتيرة......واخيرا وبالرجوع الى الصورة يبدو لى تاريخها فى مطلع الثمانينات والزمن داك جنى كان يجينا فى الحلة شاكى بنطلون اقصد منطلون جنز ابيض ومعاهو قميص مربعات ومخنفس

الاعزاء جميعا...
يبدو ان كلام رشدي قطع قول كل خطيب... الحلقة الوحيدة اللي ما جمعتش هو قولي في البداية مخاطبا جني...باني لم اتشرف بالعمل معه... ويبدو ان الزهايمر الذي اتحاشي سيرته وانكر وقوعه قد تمكن مني اسوة بالاولين والاخرين ولا مجال للانكار...فيبدو فعلا ان جني عمل معي كضابط لاسلكي تحت التمرين....
عاوزين واحد بعد كل هذه المداخلات يحط حبة الفراولة علي راس التورته
ودمتم..
عبدوس

الاخوة الاعزاء خلاص اتفقتوا معاى انو صاحب المنطلون هو زاتو وبصفاتو