إقتراح عملي من أجل بقاء المنتدي حيّا !!!

تمنياتنا الصادقة بشفـاء الكابتن عبدالرحمن الزين ....وجعله الله أجر وعافية

العزيز ابدا  رشدي..لك من اعماق  قلبي اسمي ايات الشكر  ولا ازيد..انا كنت اعلم انك  ستقلق علي صحتي اكثر من قلقي علي نفسي ولا ابالغ...
اسعدتني محادثتك وكنت من اعماقي اتلهف لسماع صوتك ولم تخذلني  كعهدك دوما مع كل احبابك....
الشكر لاعضاء هذا المنتدي المتوهج ابدا  اخصهم كل من كتب مهنييا بشفاي وكل من دعا لي من اعماق قلبه..

الحمد لله الحمد الحمد لله  اولا واخيرا  فبفضله سبحانه وتعالي وبفضل دعوات احبابي وايماني به جل وعلا تمكنت من اجتياز الوعكه التي المت بي..
الشكر لكل من ترك رسالة علي هاتفي وبريدي رغم اني لم ارد ولم اتصل علي احد..
اكرر الحمد له سبحانه فانا نفسي لم اك ادري ان كل هذا الايمان به سبحانه وتعالي يكمن بين جوانحي...
تعرضت لوعكة-سكتة دماغيه- شخصتها لجنة الاطباء المشرفه ان احتمال الشفاء منها  ضعيف جدا او شبه منعدمه....قالوا قد  تتحسن حالتي قليلا بعد سته اشهر او  سنه..
لله الحمد  حدثت المعجزه التي حيرت طبيبي المعالج.. تحسنت حالتي في خلال ثلاثة  اسابيع لا اكثر وشفيت بنسبه تفوق ال 90 في المايه ..ومكثت   لاكتر من شهر في فترة نقاهه ورعايه كنت احتاجها منذ  فتره طويله وانعم الله بها علي  اخيرا..
الان استطيع ان اقول بانني عوفيت تماما فالله الحمد..
معذره لم اخبر احدا ولا حتي اقرب الناس الي ولكن  يسعدني ان اقول  انني وجدت سلوتي وعزاي في صفحات المنتدي طوال الفتره التي قضيتها مستشفيا  فلكم مني شكر العاجز..متمنيا لكم من اعماقي تمام الصحه والعافيه والسعادة ببركة هذه الايام الكريمه من ذي الحجه المبارك..
واترككم في رعاية الله  ولي عوده باذن تعالي..

جد البعض منكم وعمكم واخوكم  عبد الرحمن

ما قلتو نوبة !!!! المرض فقط هو السيّد الذي يجعل الإعترافات تنداح هكذا عفو الخاطر ّّ قال إيه :

                 ( جد البعض منكم وعمكم واخوكم  عبد الرحمن ) ..

شفاك الله وعافاك ياحبيبنا والدعوات لك آناء الليل وأطراف النهار أن تسترد عافيتك بنسبة 100 % ..
فقط رجاء صادقا ياعبدوس  : لقد أثبت لنا أنك أكثر شجاعة مما تصورنا  ... ولكن أرجو أن تعمل حسابك فالله لا يعطي مثل هذه الإنذارات إلا لمن يحب .... ثانيا نحن نعيش فعلا في غابة والناس لم تعد نفس الناس والطباع تغيّرت فلماذا يفاجؤك هذا وأنت ملك الحصافة ؟؟؟؟ أن تخذل في أقرب الناس إليك لم يعد أمرا مدهشا ولا يستحق ردة فعل تضر بك .... خذ الناس علي علّاتهم وحاول الإستفادة من الدروس ولكن في كل الأحوال رجاء أعمل حسابك مثني وثلاث ورباع فنحن بحق نحتاجك وألأهم أن أسرتك الممتدة  تحتاجك كثيرا ..
كل عام وأنت الخير لكل الناس .. كل عام وأنتم أحبابي في المنتدي بألف خير والقابلة كل الأماني محققة  ..

الف سلامة الاخ عبد الرحمن وان شاء الله اجر وعافيه
وربنا يديك طول العمر وتحج ليك حجه ان شاء الله
بما انك الان متصل ارجو تحديد موقعك اذا كنت فى بورتسودان عشان نجى عليك
وكل عام وجميع افراد المنتدى بالف خير والقابله فى الاراضى المقدسه

العزيز عصملي..وين اراضيك يا راجل يا سكره...
تحياتي وشكري لك وكل سنه انت والاسره الكريمه بالف خير..
كما تعلم الاجازه مشتته ما بين مدني والخرطوم وود بانقا وكنت اتشوق لزيارة بورتسودان لكن حضر استاذ الزين واسرته الي الخرطوم..
تحياتي لمن حولك يا امير..
عبدوس

كفارة كفارة حبيبنا قبطان عبد الرحمن و ببركة هذه الايام المباركات تمنياتنا لك بموفور الصحة و العافية
و كل عام و انت بخير
سحروك
تحياتى و تقديرى
عثمان بخلن

معاك عناية الرحمن، تحرسك ولى خٌطاك تهدى,, ياخي الف سلامة

الأعزاء ابو عفان وخلدي السكره....شكري وامنياتي الطيبه متمنيا للجميع دوام الصحه والسعاده والمال الوفير..العفو والعافيه..
عبدوس

الحبيب عبدوس:
فى هذا اليوم المبارك أسأل المولى عز وجلا أن يلبسك ثوب العافية،
وأن يجعل ما ألم بك من ألم وشددةومعاناة،
فى ميزان حسناتك، فله الحمد والشكر أولاً وآخراً.
وفى إنتظار عودتك لنا قريباً.
جدو الصغير.

حبيبنا  وجدنا الكبير سنا ومقاما.. ابو خلبل .الشكر  لك وعطيم  تقديري لامنياتك الطيبه..معذره احاول الكتابه غلي لاب توب منيل من زمن المهديه  وشبكه  منيله  كساير اشياء هذا البلد  الطيب اهله-اللي كانو-
نكرر التهاني والشكر والي لقاء
عبدوس

الف سلامة الكابتن عبدالرحمن الزين وكفارة وما تشوف شر ان شاء الله

الحبيب الفاضل استاذنا عبد الحافط..لك من الشكر أجزله وتسعدنا دايما ابدا طلتك..فأنت اصبحت منا وفينا وأحد الأوفياء الذين يشرفنا وجودهم بيننا..وكل سنه وأنت طيب يا أستاذ..
عبد الرحمن

الأعزاء جميعا..
نعود لحكاية الواتس اب...في بداية العام اقنعني أحدهم انه حان الوقت عشان اشوف قصة الاسمارت فون...اتوكلت ودخلنا الشغلانه..قالو كلما تحتاج سم كارد والشبكه و30 يورو شهريا..اتوكلت واشتركته...وقول كده سافر مجاهل افريقيا وقول كده امشي السودان...عند العوده..جات الفاتوره وعينك ما تشوف الا النور بدل تلاتين يورو قالو حسابك تلاته الف. للشهر الفات و.و ..و....امانه ما وقع راجل. لا الفات ولا الجاي والفات مات وفي دينو ....ال ايه راومنق ومن ديك وعيك !!!!!!
خلونا في منتدانا...ينالكم ثواب..معزتي
عبدوس

الحبيب عبدوس.
امانا ما وقع راجل شنو البخليك تستعمل تلفونك الأوربى فى السودان!!
عندما أكون مسافر أترك جوالى هنا وعندما أصل السودان أسعى لى واحد هناك وكرت شحن
بعشرة جنيهات أوتس إب على كيفى ولمن يخلص ألحقه بعشرة اُخرة، لا يرو
ولا يغورو، وحتى يحين موعد سفرى أتركه
فى رعاية الكريم حتى  الزيارة القادمة وهلمجرا.
انت نسيت!!
The Roaming, and the Long distant Charges
معليش ما بيقع إلا حريف.
 تعلم من جدو التفتيحة وكل واتس وأنت آب.
جدو الصغير

العزيز أبو خليل ....وإنت الصادق يا جدو...بقيت لمن أسافر السودان أطلع السم كارد الأوروبي من التلفون قبل ما أسافر وأدخلو في علبه والعلبه أدخلها في كرتونه والكرتونه أدخلها في صندوق والصندوق اقفلو في دولاب والدولاب أقفل كل فتحاتو بشريط لاصق وأقفل باب الشقه بتلاته أقفال بعداك أسافر...
بس المشكله الناس البتصلو من أروبا لكن يا روح ما بعدك روح خليهم يتصلو لغاية ما البرلمان الأوربي يشوف لينا حكاية الرومنغ دي..
معزتي يا حبيب وتحياتي للكل مع وعد بالعوده للشخابيط نشوف حكاية إجازة العيد السلبه دي ....9 أيام يا مفترين..منكم لله يا كيزان..
عبدوس

الحبيب عبدوس.
يابختكم إجازة العيد تسعة أيام؟ أيه الهنا ده كله!!
الكيزان عارفين الحكاية بايظه وعملوا بالمثل البيقول
{ ولو غلبك تسدها وسع قدها}. هو فى شغل من أصله؟
وألله إحنا ما صدقنا ان العيد يقع سبت وأحد، ده ما حصل
من زمن طويل. إنبسطوا، وكل عام والعيد سعيد وسبت وأحد.
جدو الصغير
08.10.2014
05:24:09

عيد سعيد
الإجازة الرسمية عشرة ايام مين قاليكم تسعة !!!!!!!!!!! و بعد داك فى يوم او يومين زيادة !!!!!!!!!!!!
كل عام و انتم بخير
عثمان بخلن

عبد الرحمن الزين2 كتب:الأعزاء  جميعا..
نعود  لحكاية الواتس اب...في بداية العام  اقنعني  أحدهم انه  حان الوقت عشان اشوف قصة الاسمارت فون...اتوكلت ودخلنا الشغلانه..قالو كلما تحتاج   سم كارد والشبكه و30 يورو شهريا..اتوكلت واشتركته...وقول كده سافر مجاهل افريقيا  وقول كده امشي السودان...عند العوده..جات الفاتوره  وعينك ما تشوف الا النور  بدل تلاتين  يورو قالو حسابك تلاته الف. للشهر الفات و.و ..و....امانه ما وقع راجل. لا الفات ولا الجاي والفات مات وفي دينو ....ال  ايه   راومنق       ومن  ديك  وعيك  !!!!!!
خلونا في منتدانا...ينالكم  ثواب..معزتي
عبدوس

قبطان كل عام وانت بخير وهنا وحبور ..انا أؤيد بشدة ... الواتس أب الله يقلعو ( وش زعلان )

[quote="خالد عبدالحميد"] اعتقد فكرة الوتساااب تعنى الضربة القاضيه للمنتدي
ليس اعتقادا بل يقينا جازما.... لازال الواتساااب لا يحتمل اكثر من خمسين مشترك !!!!
رغم قلة المشاركين الا المتابعين كُثر
راودتنى الفكرة اكتر من مليون مرّة الشهور الفاتت ورأيي المتواضع ما سبق...تأتى اليام بغيبها وان كان البديل ذات مستقبل واتسااب او غيره فانا اول المشتركين فالاصل التواصل
كسرة
كما قال شيخى الامام الضخم الشافعى.. ما رأيت هو الصواب لكنه يحتمل الخطأ
--------
الاخ العزيز رشيد المنتدى والاخ خالد وكذلك الاخوة الكرام  المتداخلين عيدكم مبارك وربنا يتقبل اضاحيكم ويزوركم المصطفى وانا . المنتدى  البحرى هو وطنكم  الذى تسافرون  الية دون جواز  او هوية  يبقى كما  هو وكل من يريد العودة اليه  يجده وبخير .. ويكون  النداء  لاثراء  صفحاته ولو بكلمة  او تسجيل حضور  والمعروف ان الواتس أب شغل الكثيرون  ووجد الكثيرون فيه ضالتهم ولا أعرف عنه شيئا لأفتى    لكنه  لا يغنى عن منتدى  هو بمثابة  بوابة  للحوار البحرى  فقط يحتاج للتحديث والتفعيل واقترح ان يتم تلاقى  لاعضاء  المنتدى المتواجدين كل مجموعة  فى منطقتها   لمناقشة مواضيعه واضافة الجديد ويتم تدوين اللقاء وهذا يقرب التباعد بين الناس .. لقد فقد المنتدى اعضاء  مساهمين  بمواضيع جميلة  واعضاء كانوا يساهمون  حتى فترة قصيرة منهم ولا اعرف الالقاب الاخوة : الجمل ، مهدى ، عبد الرحمن .... هذا اقتراحي فى القضية

كل عام وأنتي الخير للسودان والمنتدي ياخير آلاء السودان والمنتدي .... دمتم أيها ألأحباب ودامن سعيكم للحفاظ علي ديمومة المنتدي محفوظا بعون الله وعينه التي لا تنام ...

وينكم يا رشدى ويا عبدوس!!
لسه معيدين!!
نحن نسينا العيد كان دور امبارح.
شدوا حيلكم شوية المنتدى بغط فى نوم عميق، ورونا همتكم.
جدو الصغير أوى
12.10.2014
05:37:23

كابيتان أحمد.
كل عام وانتم بخير وعافية، ما تنقطع المنتدى لا يزال فى حالة عيد.
12.10.2014
05:42:06

سلااااااااااااااااااااااااااااااااااااااااااااااااااااااام ياشباب ... وين أخباركم ؟؟ مالكم قاطعين الحركة !!!! عوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك !!

السلام و التحايا
اخونا الباشمهندس الرشيد تعب من الصياح بكلمة عوووووووووووووووووووووووووووووك
البعض يرى ان الواتساب هو السبب فى ابتعاد البعض عن الدخول فى المنتدى !!!!!!!!
لا و الف لا - انا بقول انوا فى بعض من تركوا المنتدى لهم راى فى المنتدى - القصة ما قصة واتساب - يمكنهم الدخول عبر الواتساب و عبر المنتدى - لذا يجب عليهم ان يوضحوا لنا الاسباب التى جعلتهم يبتعدون عن المشاركة غى المنتدى الاب و بكل صراحة - لانوا فى البداية و النهاية الحكاية تواصل بين الناس - المنتدى يسع الجميع إلا ان الواتساب و حسب ما ذكر احد الاخوة بان الواتساب فى حدود ال 50 عضو -( يعنى شللية )
و برضو عووووووووووووووووووووووووووك
عثمان بخلن