مبرووووك اهلى شندى

سلامات يا عاطف

مبروك الفوز و مبروك لحارس مرمي الهلال نجومية المباراة ....

الهلال هجوم ممتاز و خطير لكن الدفاع دة احسن تحصلوه قبل ما يضيعكم ............

مع التحيات للجميع.

صادق التهاني حبيبنا عاطف القوز على الانتصار العريض امس وتهانى اصدق على تميز حارس منتخب دولة جنوب السودان والذى لولاه لكان الرماد قد كال ( ابو حمد النيل )... والله لقد أنصفكم جداً حبيبنا احمد محمد احمد ولذلك اكرر عليك النصح ( نظام وطنية وكدا ) ان تعيدوا هيثم مصطفى لقواعده سريعا ثم وتحاولوا ان تجدوا صرفة سريعة لدفاعكم المهترئ هذا وكل ذلك لكى تنافسوا على الميدالية الفضية خلف الزعيم الصفوة ... ربح البيع .. ربح البيع كما يقول الجماعة إياهم وهم قطعا فى البيع لا يخسرون...

الرشيد شمس الدين

سلامات يا الرشيد

هه هه هه ......

ناس انتر كلوب ديل لو عندهم مهاجم واحد بعرف طريق القون كانوا ادو حبايبنا ديل امبارح سبعة لكن الله سترهم ..........

غايتو في فريق من المغرب لو لم فيهم حيعيد ليهم ذكري الخمسات و الستات الطولو منها.

مع التحيات للبرير و هيثم و الجودية.

واحد عندو كديستين سعرنات قفلم فى غرفه ، لما رجع ليهم الصباح لقى الضنبين بس ......، آكلو بعض وكده .
وهذا ما أتمناه ان يحصل بكره يعنى الفريقين يطلعوا مهزومين لو فى طريقه !!!!!!! بطيخ يكسر بعضو.
مشكورين الأعزاء رشدى واحمد محمد احمد على التهنئه بفوز هلال السودان ومشاعركم وصلت ، وبالمناسبة دى زى ألطريقه بتاعتكم دى فى التهنئه يقال لها فى لغة الفرنج ( المدح بما يشبه المدح زاتو)
وتسلموا ودام التواصل وان غداً لناظره شنو كدا ما بعرف؟؟؟؟
عاطف عكود

اضحك معانا ........




صحيفة كفر ووتر/ خاص :
تم الغاء مباراتين امس ضمن مباريات الاسبوع الحادي والعشرين للدوري الممتاز .. وكانت المباراة الاولى التي الغيت بين الاهلي شندي ونيل الحصاحيصا حيث تفاجأ فريق الاهلي بعد وصوله الى الحصاحيصا ان المباراة في الكاملين وان فريق النيل موجود في الكاملين .. وحاول الاتحاد العام اجبار فريق النيل على العودة الى الحصاحيصا ولكن تم رفض الامر ليضطر الاتحاد الى تأجيل المباراة.

وفي كوستي تأخر موعد مباراة الرابطة والامل نسبة لحضور الحكام متأخرين وبعد نهاية الشوط الاول تعذرت الرؤية باستاد كوستي لمغيب الشمس ليضطر الحكم الى انهائها.


في كوستي الرابطة كان مهزوم اتنين صفر من الامل في الشوط الاول وعندما طلب من اتحاد كوستي انارة الملعب للعب الشوط الثاني قالوا الكهرباء خلصت في العداد .......

مع اطيب التحيات للجميع

اخونا كابتن أحمد
تعرف لو لقيت الجريدة ده واقعه وقراءة الخبر ده فريق مشى يلعب مع فريق لقا الفريق التانى مشى حله تانيه، واستاد كهربته خلصت ووووو
كنت قلت الجريدة ده بتاريخ 1/1/1940 ولا قبل كده...

كسرة...اخبار الكاميرا الخفيه شنو يارشدى....

سلامات ود كرار .......

عارف الايام دي الكورة و الدوري عاملة للناس برنامج .... شي ضرب و شكل و شي كسير استادات وشي شتائم و شي حرق عمم و قناتين رياضيتين تلفزيونيتين و 15 صحيفة رياضية و عشرات المواقع الالكترونية الرياضية ....... بعد دة كله فريق الصومال للناشئين الما عندها استادات - و احتمال يكونوا استلفوا الفنايل زاتو - تغلبنا في الخرطوم و تطيرنا من المسابقة الافريقية .....

غايتو برنامج ...........

مع التحيات للجميع

احمد محمد احمد كتب:

اضحك معانا ........


صحيفة كفر ووتر/ خاص :

خاص!!!!!!!
شنو الخاص بالضبط.؟؟؟
يكون السبب البيودى ناس الحصاحيصا للكاملين، سبب خاص
ولا الحكّام يجو متأخرين لاسباب خاصة؟؟
ولا قروش الكهربا اتخصخصت
لكن يابوحميد والله البلاغة عندك لما بديت الخبر ب
اضحك معانا........ شر البلية ما يضحك فعلا
آل خاص آآآل

سلامات ياخالد ...

الحاصل انو الحكاية جايطة و الناس مفلسة و قهرانة و الكورة بقت برنامج من لا برنامج له (وهم الاغلبية) رغما عن ان المحصلة دايما صفر.

قبل ايام قربت تقوم حرب اهلية بسبب مباراة هلال مريخ.

جرب ابحث هلال او مريخ في الفيسبوك تلقي حاجات عجيبة.

اما عن الاتحاد المشرف علي اللعبة فحدث و لا حرج فلا يوجد التزام بقوانين و لا لوائح منظمة للعبة و كلو ماشيي بالترضيات و الموازنات و التسويات ككل شي اخر في البلد.

ملحوظة: يبدو ان هناك مشكلة في رفع الصور ...

مع التحيات للجميع.

هدية لاخونا عاطف و هو في طريقه لقطر بعد اجازة قصيرة بالسودان قضاها في الجري و الشلهتة.



موقع الزاوية

الثلاثاء, كانون الثاني (يناير) 8, 2013 - 4:04pm


حصل الدوري السوداني على المركز الاول كافضل دوري افريقي والثاني عربيا بعد الدوري السعودي ، والـ35 عالميا بحسب تصنيف الاتحاد الدولي للتأريخ والاحصاء الكروي الصادر بتاريخ اليوم الثلاثاء.

وعلى المستوى العالمي احتل الدوري الأسباني المركز الأول ليكون أقوى دوري في العالم لعام 2012 يليه الدوري البرازيلي ثم الألماني.

تسلم أخونا احمد محمد احمد ومبروك عليكم الجزائري نور الدين بن ذكرى.

حمدا لله علي السلامة يا عاطف.

الايام دي في حاجات غريبة قاعد تحصل زي الثلوج النزلت بكثافة في السعودية و زي الخبر الفوق دة.

هاك دي تحلية:

قال الفنان محمد عيسى ان علاقته بكرة القدم لم تنقطع بعد اتجه لاحتراف الغناء الذى اكتشف موهبته خلال دراسته بمدرسة الخرطوم التجارية،محمد عيسى لعب لشباب اندية الخرطوم وبرز كلاعب ماهر وكان بإمكانه احتراف كرة القدم ولكنه اتجه الى الغناء،وذكر عيسى ان علاقته بلاعبى كرة القدم ممتدة

ورغم مريخيته إلا انه اجتماعيا هلالابى،وذكر عيسى ان ارتباط المشجعين بالأندية يتسم بحميمية كبيرة. وحكى ان مشجعا مريخيا بمدينة عطبرة يبلغ من العمر 80 عاما كان قد التقى صديق على صالح منسق بعثة المريخ فى زيارة لها بعطبرة وكان يشترى اغراضا للمعسكر فقام المشجع بإعطاء صديق ربع كيلو كبدة كان قد اشتراها لاسرته كتبرع منه لدعم المريخ ومسيرته وتعبيرا عن محبته للكيان،ونقل صديق الذى اكبر خطوة المشجع مادار لرئيس النادى حينها جمال الوالى الذى وجهه فى لحظتها بمد المشجع المسن بمبلغ 20 مليونا اكرام له لإكرامه المريخ.

الراي العام



كسرة:

الجزائرين ديل ما تابوا من السودان لسة؟ لسة موضوع اللكمة ما برد.

جمعة مباركه لك يا قبطان احمد و لكل رواد المنتدى الندى
حصول الدورى بتاعنا على تلك المرتبة فخر لكل محبى كرة القدم و للقايمين على امرها - لكن يا قبطان عايز اعرف المعايير التى يتم بموجبها ذلك - ما اعرفه انا إنها تتعلق بالمستوى الفنى و التنافس القوى بين الفرق من اجل الفوز بالبطولة- مستوى التحكيم - جاهزية الملاعب و مطابقتها للمواصفات الدولية - المشاهدة الجماهرية و حجمها -النقل التلفزيونى عبر القنوات الفضائية و الاهتمام باخبارهى ............ ام هناك معايير اخرى
هل تعلم يا قبطان احمد حتى الصحافة السودانية فى حالة ذهول عند سماعهم خبر تصنيف دورينا الاول افريقيا و الثانى عربيا!!!!!!!!!
عثمان بخلن

سلامات عثمان

الموضوع فعلا يحيَر............. اللهم الا اذا كان المعيار هو عدد اللاعبين الاجانب في الدوري .... فعندنا الايام دي ظاهرة وجود عدد كبير من اللاعبين الاجانب في كل الفرق بدون استثناء و امتد وجودهم لفرق الدرجة الاولي بمدن الولايات المختلفة .... جل هؤلاء اللاعبين من دول غرب افريقيا مع عدد قليل من دول اواسط افريقيا.

عموما الخبر نسمة فرح و يجب الاحتفاء به في زمن عز فيه الفرح.

مع التحيات للجميع.

احمد محمد احمد كتب:


صحيفة كفر ووتر/ خاص :
تم الغاء مباراتين امس ضمن مباريات الاسبوع الحادي والعشرين للدوري الممتاز .. وكانت المباراة الاولى التي الغيت بين الاهلي شندي ونيل الحصاحيصا حيث تفاجأ فريق الاهلي بعد وصوله الى الحصاحيصا ان المباراة في الكاملين وان فريق النيل موجود في الكاملين .. وحاول الاتحاد العام اجبار فريق النيل على العودة الى الحصاحيصا ولكن تم رفض الامر ليضطر الاتحاد الى تأجيل المباراة.

وفي كوستي تأخر موعد مباراة الرابطة والامل نسبة لحضور الحكام متأخرين وبعد نهاية الشوط الاول تعذرت الرؤية باستاد كوستي لمغيب الشمس ليضطر الحكم الى انهائها.


في كوستي الرابطة كان مهزوم اتنين صفر من الامل في الشوط الاول وعندما طلب من اتحاد كوستي انارة الملعب للعب الشوط الثاني قالوا الكهرباء خلصت في العداد .......

مع اطيب التحيات للجميع

الاقتباس ده من اول البوست، مداخلة لكابتن احمد فى سبتمبر الفات
الشاهد//
ده نفس الدورى الجه التانى؟؟؟؟
والله حيرتونا وحيرتوا الحيرة ذات نفسيها
وكمان تقول لى ام الحسين اتنفخت

خالد عبدالحميد كتب: والله حيرتونا وحيرتوا الحيرة ذات نفسيها
وكمان تقول لى ام الحسين اتنفخت

سلامات يا خالد

البرد هنا نقخنا .... انتوا عاملين كيف؟

انا اتخيل انو ناس الاتحاد زاتو ما مصدقين انهم شطَار كدة و محتارين زيهم زيَنا.

خايف ناس الفيفا ديل يكونوا قاصدين دولة جنوب السودان.

مع التحايا للجميع.

و دي كمان من موقع كورة سودانية:



اعلن الاتحاد الدولي للتأريخ والإحصاء (IFFHS)

يوم أمس قائمة تصنيف أفضل 400 فريق لكرة القدم على مستوى العالم

عن الفترة ((1st January 2012 - 31st December 2012))

وقد جاء فريق الهلال الثاني عربيا محتلا المركز (77) على مستوى العالم

خلف الترجي الأول عربيا و (66) عالميا فيما جاء نادي المريخ في المركز (92) عالميا والثالث عربيا

بينما جاء الأهلي شندي في المركز(382)عالميا و 25 على مستوى الأندية العربية

متفوقا على أندية الزمالك والغرافة القطري !!


المصدر

http://www.iffhs.de/?b002ec70a814f4cd003f09

وتانى مبروك العزيز احمد محمد احمد وعبد العظيم الأمين ومحمد صالح ديجانقو وعادل عثمان وعمر على الخير وكل الشنداويه بفوز اهلى شندى على فريق ديديبيت( على وزن بحبيت يا رشدى) بهدف حموده بشير وعقبال الفوز فى مبارة الرد بإثيوبيا ، خصوصاً بعد خيبتنا نحن والمريخ
وبالمناسبة دى عووووووووووووووووووووووووووووووووووووووووووووووك وكلكم مسجلين غياب وبمزاج كمان.
عاطف عكود

مبروك ياحمادة وباقى الإخوة الشنداوية بصفتى عضو إنتساب فى أهلى شندى رغم أن النتيجة ليست مريحة جدا مع فريق بحبيت .. مبروك لعاطف القوز الدفع الرباعى أما نحن فحمّى خفيفة ... تسلموا ..

الرشيد

سلام و تحية لاهلى شندى و ان شاء الله يمشوا قدام و التحية موصولة لاصحاب الدفع الرباعى كما ذكرت يا باشمهندس الرشيد و كان من المفترض ان تكونوا دفع خماسى- فى حاجه اسمها دفع خماسى؟
بخلن عثمان

osman abdel rahman كتب:
سلام و تحية لاهلى شندى و ان شاء الله يمشوا قدام و التحية موصولة لاصحاب الدفع الرباعى كما ذكرت يا باشمهندس الرشيد و كان من المفترض ان تكونوا دفع خماسى- فى حاجه اسمها دفع خماسى؟
بخلن عثمان

الله يسامحكم يا هندسه انت والهندسة التانى داك !!!!! والمره دى عفيتكم عملاً لله ، ودى عندنا فى قبيله الموج الأزرق بنقول عليها العفو عند المقدرة ( وهى جنس مقدره)
عاطف عكود

سلام الاخ عاطف
اولا شكرا لهذا المنتدى- معليش ما تاخذ فى خاطرك شى علينا- ده حالكم اولا و حالنا ثانيا دائما الشماتة بيننا- الله يصلح الحال- فعلا سمح المقدرة و اقول ليك من الان مبروك مقدما و ختوا يا ناس الموج الازرق بطيخة صيفية كبيرة- متاهلين متاهلين للمرحلة الجاية إن شاء الله

osman abdel rahman كتب: سلام الاخ عاطف
اولا شكرا لهذا المنتدى- معليش ما تاخذ فى خاطرك شى علينا- ده حالكم اولا و حالنا ثانيا دائما الشماتة بيننا- الله يصلح الحال- فعلا سمح المقدرة و اقول ليك من الان مبروك مقدما و ختوا يا ناس الموج الازرق بطيخة صيفية كبيرة- متاهلين متاهلين للمرحلة الجاية إن شاء الله

تسلم اخونا عثمان ومليون سلام ، ويا سيدى والله حتى لو حاولت أخذ فى خاطرى منكم فلن استطيع ، وانشاء الله نكون من المتاهلين للمرحلة الجاريه نحنا ومشاطيبنا !!!!!!!
عاطف عكود

سلللللللللللللللللام
بديت بكلام جميل و قلنا نبدى معاكم صفحة جديدة- لكن اخر كلامك خرب كل شى!!!!!!!!!!!!!!!!!!!!!!!!!!!!!
وداعا
عثمان بخلن

سلام للأخوان عاطف وعثمان بخلن , بمناسبة مشاطيب الهلال قريت فى واحدة من جرايد الهلال أحد الصحفيين يكتب عن مباراة الدفع الرباعى فذكر أن هدف الهلال أحرزه اللاعب الخطير تراورى من كرة عكسية محسّنة من كابتن الهلال (هيثم مصطفى ) ...
شفت كيف ياعاطف هيثم من أنجولا يعكس كورة لتراورى فى ساحل العاج يحرز منها هدف , صحيح مقدرة كما ذكرت !!! إنتو والله هيثم دا طلع ليكم فى رأسكم ودى إسمها كما يقول الكتاب ( إندراوة ) , ولذلك قالوا : ( الجن بتداوى كعبة الإندراوة ) .