من الاسكلة وحلت

عدنا بعد غياب والعود احمد ... والعفو العافية للجميع بدون فرز.. تهانينا وتعازبنا للجميع فردا فرد..
تم اليوم الخامس عشر من شهر مايو 2012.. الاجتماع في باحة منتزه الاسكلة احتفاءا ووداع لبعض من يعز علينا فراقهم....
حضور ...
1. امجد عابدون
2.محمد سليمان ضرس
3.ياسر شاكر
4.كمال زمراوي
5.محمد عبدالله
6.جمال امين
7.علي محجوب
8.اسامة حسن ( اللواء)
9.حاتم حسن
10.عمر خلف الله
11. امجد الطاهر
12. العبد لله كاتب الموضوع
اعتذار..
1. مهدي عثمان ( تواجده خارج خرطوم الفيل )
2.شكري 0 لانشغاله في البحث عن السكر )( سكر الشاي )
3. صلاح الزيداب ( لحضوره اجتماع هام وطارئ بمنطقة الزيداب)
4.حاتم طوني ( لارتباطه ببعض الزيارات الرسممية ) حيرتنا يا طوني
حضور من خلال الموبايل..
1. خالد عبدالحميد ( امريكا )
2. صلاح الزيداب ( الزيداب )

اترك التفاصيل للصور من خلال كاميرا اخونا امجد







ز

كلو إلا الزيداب.....مالك يا ابو صلاح خير انشاء الله خير
التحايا والود لكل الاخوه.....
شكرا يا ولا يا بدر

بدرالدين مبارك الجاك كتب:عدنا بعد غياب والعود احمد ... والعفو العافية للجميع بدون فرز.. تهانينا وتعازبنا للجميع فردا فرد..


اترك التفاصيل للصور من خلال كاميرا اخونا امجد

بركة بالعودة يابدر، ابقى قاعد وابهجنا بى اخبار الشباب بين قوسين
وفى انتظار الصور
امجد الف سلامة، معقول عشرة يوم تسوى ده كلو،، اذن مهدى والله مفروض ياخد الكاس

كسرة تاريخية

المهدى عثمان مصطفى كتب:كلو إلا الزيداب.....مالك يا ابو صلاح خير انشاء الله خير

مهدى انت مش سمعت انو أهلى شندى غلب سيمبا التنزانى،، صلاح يكون فى حالة اجتماع منعقد عشان يمرقنا من البلد
غايتو انت كنت حريف كورة، فالموضوع يخصك

كدي قبل ما امرقنا ادينا فرصه باقي اليوم دا .....
نشوفهم حا اسو شنو مع المريخ....
يا بقوا ارسينال صحي صحي....يا كمان اشوفوا شغلتهم مع القطن الكاميروني...

اها رايك شنو يا مهدي .. تمرق انت ولا ود الزيداب .... امجودي علي قول (علوبة) منتظرين الصور ... ود الاستاذ سلامممممممممممممممممممممممات

أمرق انا يا بدر....أمرق انا الحّر والغلاء نجضونا نجاض....لكن أمرق أنا أطير وين أنا؟ والله نحن واقعين في حسكنيته ما يعلم بها إلا الله..... معليش يا بدر ما ختش بالي ، كنت متشعبط مع عناكب الفهرس في الحيطه ولا لقيتك في حوش المنتدي
سامحني في تخريمه صغنتونيه.......

ــــــــــــــــــــــــــــــــــــــ
ود كرار يا حبيبنا.......غبت وغبت وطالت غيبتك ورجعت ودخلت شمال... الأدمنيون..... ردوا ...علي الجزئيه التي تخصهم، بعدهم عن البلد قد يكون منعهم من التطرق للجزء الثاني من رسالتك، اهل السودان يا ود كرار والله لسع بخير وهم والله حلوين وغالين....بالرغم من تساقط الشهب والنيازك علي رؤسهم المستمر.... لن تبصرنا بمآقٍ غير مآقِينا.....لن تعرفنا....بالرغم من انك استبعدت القليلين، ولكن انا برد عن الكثيرين.....انت ياود كرار لم تتوفق في وصف اهل السودان....عموما ياسيدي مقبوله منك .....وستظل ود كرار حبيبنا.......
ـــــــــــــــــــــــــــــــــ
امس جئت غريبا
وامس مضيت غريبا
وها انت ذا حيثما أنت
تاتي غريبا وتمضي غريبا.....
مهدي....

حبيبنا مهدي ... خير الحاصل شنو ... الظاهر الحر شديد عندكم .. انت ما قاعد تعوم في موية الجبل ولا شنو عشان تبرد عليك شوية .. اكل السمك خليناهو

هو ما العوم دا زاتو الرافع درجة حرارتنا.....
كان علي انا ساهل بعرف العوم....شوف ليك لايف جاكيت لجنيهنا دا.
كل التحايا.
مهدي.
شكرا للأدمن علي تصحيح الاخطاء الإملائيه....إضافة الدال...واليا

والله حقيقة كانت جلسه ولمه قمة في الروعه والجمال وامكن لا احد يصدق اذا قلت ليكم انا كنت قاعد معاكم وما مصدق اني حا اشوفكم تاني ربنا يديم بينا المحبه ان شاء الله