مرحبآ بالأب الروحي كابتن عبد الرحمن

مرحب بأخونا وحبيبنا الكا بتن عبدالرحمن, و ما عازين نكبرك ونقول أبونا,وقلنا ننتهزها فرصة قبل ما ناس الخليج يصحو,فأهلآ بك وسط عشيرتك وأهلك ,ودمتم ودام الود بيننا ولك ألف تحية وتقدير

احبائي الاعزاء والله اكثر ما كان يحيرني هو كيف ان ادخل عليكم ... هل افرد بوستا خاصا وكيف ابداه ووجدت ضالتي في بوست الاخ العزيز القبطان الحلبي - المملؤ جعلية- عادل انور فقلت اهو اخش من خلاله لاني لا اتجرا ان اخاطب رشدي البرتكانه لانه انسان بقامة وطن ولا اويتش وهو تعديل طفيف باليوغوسلافي لاوي ولا سيف الجقور ورحم الله من اعطانا كل تلك الاسماء ... اترحم علي كل موتانا ولكن العزيز اصيل كانت لنا معه ذكريات لا تنسي اطلق علي علي النور عليوه والقبطان محمد المختار المارشال ملك البحار وعلي محمد صالح التقر وعلي نادر شيخ شخبوط ... لم يترك احدا الا واعطاه اسما لهذا ساخاطبهم كلهم بالاسماء التي تركها المرحوم.. معذره لم ارد لاول مداخلاتي ان تطول ولكني فقط ارحب بنفسي بينكم فانا منكم وافتخر باني كنت معكم وساحاول ان اظل فقط ارجو عندما تخاطبوني دعونا نحمد البساط فانا لم اعد شيفا يا رشدي ولا قبطانا بل قد يكون الكثير منكم يفقوني علما ومكانة ومركزا وهذا ما اعتز به وساظل... اعذروني دموعي تحجب عني رؤئة الكي بورد.... ال لقاء ابوكم اخوكم عمكم وليك يا المطير عينيك ابنكم عبد الرحمن الزين ابو عابر

مرحبتين بالكابتن الكبير عبدالرحمن الزين.
احمد محمد احمد

وكما كان متوقعا , جاء ( أبدوس ) , بكل حيويته الدفاقة فأشاع البهاء - كما هى العادة - أينما حل .... أهلا بك وسهلا .. بيتك ومطرحك .... وفى انتظار غالى الدرر ... حكاوى , قصص ونوادر ...
تخريمة بسيطة ...بالمناسبة ... منو المنطر عينيهو ؟
أعتقدت أن أول اسمو ( سيف كمير ) ... صاح ولا كضبا كاضب ؟
نكرر الترحاب أبو عابر ... دمت ودامت الأفراح ...

الرشيد شمس الدين

يعلم الله ...بأننا انتظرناك طويلا...كمثل انتظار عموم اهل السودان طويلا...لمداليه فضيه باولمبياد بكين من بطل بقامة اسماعيل احمد اسماعيل..فنزلت..اهلا..و حللت ..سهلابالمنتدى..والخير مثل ما يقولون...فى قدوم الوارديين...ومبروك لعموم اهلنا بالسودان بهذا الانجاذ الاولمبى العظيم...ودامت ايام السودان انتصاراتا و افراحا.

احبتي ولولا قليل من حياء لقلت حبايبي الحلوين وهانذا قد قلتها والكاتل الله
بادئ ذي بدئ - حلوه دي - اشكر الاخوه الذين اتاحوا لنا ان نلتقي عبر هذا الفضاء الاسفيري بعد ان فقدنا الامل الا نلتقي بعد ان تفرعت بنا سبل كسب العيش
وانا شخصيا كنت في امس الحاجه لاسمع اخبار من عاشرتهم وعشت معهم احلي ايام عمري
كعادتي لا ادري من اين ابدا فانا ولسنين عديده اعيش وحيدا اقتات ذكري الايام الخوالي ...صدقوني ساكرهكم هذا المنتدي وستندموا علي اليوم الذي وافقتم فيه ان اشارككم خلجات قلبوكم وذكرياتكم واحاسيسكم... بعد هذه المقدمه ساتوقف واخش في اللحم الحي ولكن علي دفعات لاني قبل قليل كتبت ما لا يقل عن ثلاث صفحات وانا عادة لا اراجع ما اكتب وبدل ان اضغط ارسل مساهمتك قلت نضغط استعراض عشان نراجع واشوف عكيت وين ولمن جاني المقال قلته يلا نرسلو وحاتكم ما لميت فيه لي عسه ولكم ان تتخيلوا الباقي اكيد فيكم واحدين داعيين علي

تاني حصل المقلب صفحه كامله وراحت في حق الله طبعا نحن تعلمنا الكمبيوتر علي كبر بس عشان نلفط بيهو الرزق المرجو من الاخوة يدونا شوية حصص لكن ما تتشطروا علينا كتير وتحاولوا تاخدوا بي تاركم لمن كنتو كديتيه احم احم

اتوكلت واعود.... علي فكره انا ممكن اكتب لي الصباح لكن ما كنت لاقي زول يقرا لي دلوقتي يحلكم الحله بله- بله ده منو يااوي
مداخلتي هذه لاشكر كل من رحب بي عبر هذا المنتدي او بالهاتف اخص بالشكر القبطان احمد محمد احمد ابني تلميذي واستاذي ابن شندي البار الذي اجبرني ان احترم كل من تخرج من الكاديميه البحريه باسكندريه
اخي وحبي وتؤام روحي رشدي الانسان -الله وحده يعلم كم احبك يا رشدي-
لكن يا رشدي عاوز تفتني مع عم سيف كمير ليه ما انته عارف وهو عارف وانا عارف والله عارف
اخي وابني الذي يذكره الجميع بالخير سيف ....... وهو عارف باقي الكلمه لانها القاب تركها المرحوم اصيل فينا ولنا الشرف ان نحملها

اعود لاتابع معكم علي دفعات ولنسميها استراحات
احلي ايام عمري قضيتها في البحر -مش غريبه مع اني قضيت اكثر من عشرين عاما في اوربا- لكن ما قالو جنة من غير ناس ما بتنداس- قطعا كانت احلي ايامنا عندما كنا بالنيلات - النيل الابيض والازرق- في البحر الابيض المتوسط وهذه ذكريات ساعود اليها بايقاع بطئ -ان امد الله في العمر ولكن اخر رحلة لي علي ظهر الباخره دارفور في فبراير عام 88 ستظل هذه الرحله محفوره في ذهني ما دمت حيا ولاجعلكم معي في الصوره فقط اقول لكم من كان معنا
كان كبير المهنسيدين البشمهندس سيف ولكن لاسباب خاصه - بلاش تحكوها- الراجل كان طريح الفراش وكان المهندس المسعول رشدي البرتكانه اما بقية الاخوة ساذكر منهم علي سبيل المثال- وقدتخوني الذاكره فانسي بعضا منهم فاعذروني... كان هناك الاخ الكريم اللملؤ شهامة وكرما وحبا للناس اسحاق عطا المنان - السحوق اللحوق كم كان يناديه المرحوم... اكتفي

كان هناك علي ظهر دارفور القبطان العظيم عبد الحفيظ محي الدين علنتو ..يشهد الله انه لم يقابلني انسان بهذا الوفاء - النتو هذا ومنذ ان تفرقت بنا سبل كسب العيش يصر ان يراسلني كل اسبوع باي وسيلة متاحه له هذا خلاف المناسبات كالاعياد وخلافها وكثيرا جدا لا ارد عليه ولكن يابي الا ان يرسل رسايله ودايما استاذي العزيز راخو ويختم الرساله تلميذك الن وهذه قطة اخري ساحيكها يوما ما
لله درك يا الن والتحيه لك وانت في البحرين تتبوا مركزا انت اهل له

معذره اخدني موضوع الن وحالت دموعي كعهدها ان تحجب عني حروف الكي بورد ...نعود لدارفور كان هناك علي الحاج الله يطراهو بالخير وكان هناك احب الناس اليكم ابني اسامه مكي وده طبعا عاوز بوست خاص ثم كان هناك الفاتح قاشوره ما تفتكروني كتبتها غلط برضو عندها قصه,, كان هناك المليونير احمد حسن الشيخ-امكن-وكان هناك اخليكم للمره الجايه عشان ادي فرصه.... ما قلته ليكم حاقدكم واندمكم.... لكم محبتي بلا حدود والي لقاء عبدوس

تماما كما كان العشم , انهمرت الدرر مدرارا كما المطر من قلم ( أو للدقة ,قل كى بورد ) أبدوس , وهى تنبئنا بخريف وفير من الخير الأوفر ... وطالما جاء الموضوع عن مرض أخينا الأكبر( بامتياز ) سيف كمير فى الباخرة دارفور حينها وطبعا لم تذكر المرض وأنا أيضا لن أذكره احتراما لقرارك ولكنى فقط للعلم أذكر النكتة التى كنا نتداولها أيامها ......
يحكى أن سودانيا عمل عملية ( بواسير ) وكان على فراش المرض بمنزله بعد العملية وكعادة السودانيين فانهم يخجلون من هذه العملية , جاءت الجارة العجوزة لزيارتهم وهى على علم بنوع العملية التى عملها الجار , وبعد الكفارات و حمدلله على السلامة سألته وهى سارحة بعيد : ( والعملية العملتها عملية شنو ياولدى ؟ )
رد عليها بخجل : ( والله عملية لوز ياحاجة ! ) ....
فقالت له وهى ماتزال سارحة : ( اااى يا ولدى ..من القعاد الكتير ......! ) ز
معذرة على المقاطعة ياأبدوس وامل ألا أكون قد قطعت عليك حبل أفكارك المرتبة, كما أعتقد أنى حافظت على سر مرض ( أخونا ) سيف كمير ... مش ؟
لكم الود ودام ما بيننا ....

الرشيد شمس الدين

احبتي اعود اليكم واتمني مخلصا ان يكون هذا المنتدي بداية صادقه لنتجمع فيه نتفقد احوال بعضنا ونعرف اخبارنا نوقر فيه كبيرنا نترحم فيه علي موتانا ونصلب من الله ان يشفي مرضانا نتسامح فيه ويطلب كل من من اخوانه ان يسامحوه ففي عالم البحر جل من لا يخطي واحيانا لا تملك الا ان تذجر وتشخطوتعاقب احب الناس اليك ولكن هذه طبيعة عملنا غفر الله لنا جميعا
احبتي بدانا سيل الذكريات والذكريات لنا نحن كبار السن هي كل ما نملك
والذكريات بلابل في خاطري والذكريات قصائد وانا الوتر
قطعا كل جيل له ذكرياته وانا هنا لا افرض عليكم ان تتفاعلوا مع ذكرياتنا ولا ان تحبوها ولكنها تعني لنا الكثير وقد تبدوا لكم ممله ولكن استعطفكم ان تسمحوا لنا ان نجترها فهي كل ما تبقي لنا
هل نطلب الكثير
عمكم

كان من المفروض ان اتابع معكم رحلة دارفور الاخيرة لانها كانت احب الرحلات الي قلبي ولكن وقبل ان انوم وانا اجتر الذكريات طاف في ذهني انني خنته دنقلا العزيزه وشندي العظيمه والقضارف والجزيره وكردفان لهذا رايت ان ابدا من البدايه وارجو ان تعييني الذاكره لابدا لكم منذ ان قدمت اوراقي لالتحق بالخطوط البحريه في سبتمر 66 - خلاس ارتحته يالرشيد- معذره رشدي وشدوا حيلكم

باين عليكم قلتو هو دي ورانا ورانا لكن صدقوني انتم اهلي وعشيرتي ولا اعرف اهل ولا اسره سواكم اشكركم انكم وافقتم ان اكون بينكم برضاكم او غير رضاكم... لمحت اسم حبيبي ادريس علي ارباب في مداخلة ما تحياتي له ولي عوده

الاخ الكابتن عبدالرحمن الزين...

اذا احب الله عبداٌ القى محبته على قلوب عباده....وتسبق الرؤيا السمعه الحسنه الكريمه ويشهد على ذلك اخوانا السعوديين والفلسطينيين من الشركه الوطنيه السعوديه للنقل البحرى الذين نفحوا من نفحاتك, ويذكرونك بالخير كلما جأت سيرت رييكا,والخدمات الجليله التى قدمتها لهم وانت اهل لذلك, وبذكرى لهذه النفحات لااذيد شيئاٌ لقامتك العاليه الرفيعه بل لاحقاق الحق...

لك منا كل الود والتحايا...وسوف نلتقى بأذن الله ان كان فى العمر بقيه...

وشايفك كده حتنافسنى فى عدد المساهمات ولا اظنك فتنى ...


أمجد عابدون كرار

ابني العزيز ود كرار
اسعدتني كلماتك ما اعظمها من تحية صادقه من شخص لم تلتقي به لقد اخلتني حقا بارك الله فيك وسيظل حلم لقائي بك اعظم امنياتي
اوي الحبيب والله كم اشتاق اليك ..... كثيرا جدا ما اتذكرك واسرح بعيدا ... اخلتني كلماتك لله درك وحتما سنتواصل فما بيننا اعظم من ان تركه لتصاريف القدر
معزتي لكم جميعا وساعود باذن الله

اعود اليكم بعد غيبه هي قصيره في عمر الزمان لكن صدقوني خلتها دهرا
تخجلني كلماتكم وترحيبكم الحار وتنهمر دموعي واتذكر واتذكر... عدت اربعون عاما الي الوراء ... ايمنا الحلوة يا عليوه في رييكا هل تذكرها ... حبيبنا المشاغب ابدا وملانا حاليا حمد النيل...مصطفي جومو والمرحوم سعيد فضل الله سعد فضل الله والذي قال له المهندس العزيز عبد الوهاب التوم ياسعيد ده اسم والا بيت شعر.. اخونا ابو ادريس والاخ عثمان علي عوض الكريم الشهير بعصفور وهو رجل اعمال كبير ببورتسودان وشقيق النطاس البارع ثم كيف انسي عزالدين حمزه وموسي اغبش والعبدراحماني الاصيل قبطان حسين واستاذ كمال وعمنا عمر داود الخليفه القطر وهذه قصة طويله شاهدها علي العصر اظرف ابناء الخطوط البحريه واكرمهم بابكر عمر النميري او نمر كما كان المرحوم قاسم يناديه...ز اقول شنو واخلي شنو.. اتذكر منو وانسي منو... كلما ادريه انني لن انسي واعدكم باي والي لقاء

ما قلته ليم ساعود وهانذا احاول... في رييكا قضينا مراحل عده لا تنسي اولها مرحلة الدراسه وتعلم اللغه في تاته شهور وما تبع ذلك من قفشات ونوادر ولقاؤنا برجل الاعمال الكبير حاليا هشام البرير وقدومه لنا من بولنده ونوادره مع موسي اغبش واطلق عليه تمساح الجبال ثم جاءت الدفعه الثانيه والتحمنا معهم ولولا الحياء كنت افضل ان ابقي معهم واتخرج معهم لانهم كانوا اقرب الي من دفعتي وبلاش تحكها يارشيد والله انا كنت حتي اصغر من ناس الدفعه الواري اقل شي بي خمسه سنين.... خلاص بطرح منهم اتنين وعبد اللهجاهالرسول شاهد
هل احكي لكم نوادر عمنا مختار والا اخليها مستوره في المره الجايه احاول احكي ليكم قصة سفر علي النور لي بولا الا اذا حلفني ما احكيها

الاخ الكبير عبدالرحمن الزين...

ما عاوزين نكبرك ونقول ليك العم...لانو لو شفت الشيب الفى الراس حتقول بلاش الاخ الكبيردى....

عاوزنك تمر على البوست بتاع النقابه وتتحفنا بافكارك...

وانا قبل مده سجلت بوست باسم رييكا تجده فى اسفل قائمة المنتدى, وكنا نتمنى واحنا خريجى الاسكندرية معرفة المزيد من ذلك الصرح الذى اخرج الرعيل الاول ودعامات الشركه البحرية السودانيه...فارجو المرور.

حبيبنا ونوارة البورد ود كرار
تحياتي ومعزتي لك
يبدو انه سيكون بيننا سجال وساكون اسعد الناس في المره الجايه حاحط صورة حفيدتي جنان بنت محمد عبد الرحمن امها سلمي العزيزه بنت اخونا عبط الرحيم الامير عسي ان يحصل قبول ونبقي نسايب مش؟؟؟؟
لن انافسك ولا استطيع ولكني فخور باني تعرفت عليك

والله جد جد انا اسعيد ان اكون بينكم لكن بيني وبينكم لازم تبطلوا تقاله وتعملوا فيها مشغولين بلاش حركات انا عارفكم كلكم فردا فردا..... صدقوني فكرة هذا المنتدي جميله بل رائعه وكلنا يدخل علي استحياء ولكن ادوها اسبوع وحالقاكم ناطين ساعتها ساطلب من ادارة المنتدي انو يدو الاوليه للقداميوبعدين الزعل يحصل

تعديل

نعود لمضوعنا قدمت اوراقي ومعها شهاداتي كان جملة المتقدمين 126 وكان المطلوب فقط 2 قبل المعاينه بيوم اتتني الاستاذه العظيمه الحاجه الموقره ربنا يحفظها ويحفظ عيالها ماما هدي زين العابدين وقالت لي بلهجتهها الرقيقيه الحنونه يا ولدي انت ما عندك ام قلته ليه قالت لي والله اكان انا امك ما بخليك تغترب وبعدين انته الناس العاوز تتنافس معاهم ديل ازهري براهو مدي توصيه لعشرين منهم يا ولدي ما تتضيع وقتك ارجع لي امك
ولي عودة