جلسة ونسه تخيليه فى صالون الباخرة القضارف

لكن ...ما بالغت عديل يا سعد الدين.عشان تتم ليتا الجلسة الحلوه دى ومع شغل فال يعنى علينا ننتظر عيد رمضان ده اذا ما كان فى العيد الكبير و كل عام وانتم بخير.

واللة كلامك صح يا أبو السيوف واللة يا سعد حتي الأن عملت ثلاثة شكلات في البيت علشان القي فرصة في الكومبيوتر وكل م أفتح المنتدي الاقي مافي حاجة واليوم طلبت جهاز جديد لأن المنتدي بقت ليهو خرمة زي شاي الصباح وشاي المساء وحكوتك دي لو ماإستعجلتها معناتو ناس البيت جاهم بلاء

سعدون ادّينا صفحتين فى اليوم من من النوع ده !! أقصد حبتين من الونسه التصحصح بالزول،،،ذكّرتنا الحبايب وناس الزمن الجميييييل
لكن رجاءاً pleeeeessssee
كل الاسماء المذكوره اعلاه ادّيهم خبر المنتدى ده ،،، والله انا بصراحه بفتكر انو التسجيل ضعيف ،،، كدى نفكر سوا نعمل شنو عشان الكل يطرب معانا لى جيتار سعد
والقهوه الفوق دى ما تفوتوا؟؟؟؟

العزيز ابو السعود...

والله لجنس ده مابقدر...حكاوى ذى دى مابقدر عليها ...ده تخصص علوبه لو ناس جياد ومنتدى كريمه بدونا فيه فرصه....

اولا ناس جياد ديل شنو ولا منو؟؟؟
ثم انو على محجوب انا سكّيته سك عشان يسجل وبعد ما سلّ روحى وسجّل غلبنى اخليهو يكتب،،، والحجه (ما فى وقت) حسع بى كلامك ده يا امجد،، ان قاعد يزور منتدى كريمه زياره ساى ،،بكون اتلوّم فينا
عموماً يا على المودة فى القلوب وعشمنا تظهر ,,, الناس ديل راجينك
ودام الود

مجرد خاطرة واشواق
لى عزيزنا سعد كرار ،،،غيبة طالت ولا مانع نعمل ليك تسجيل جديد بس ابقى داخل ،،،ولا زالت الخرمة لى جلستك التخيلية ودندنات الجيتار،،، قلنا نطمن عليك خصوصا بعد موضوع كدايس العصافرة القالو حبينا امجد
ابقى صادى ،،كاد البوست ان يتجمد
بلغوا عنا السؤال مشكورين

فوق

ولحين عودة اخونا سعد كرار لجلسه القضارف التخيليه هاكم دى وتانى جلسه حقيقيه تجمعنا واتلمينا لمه جميله جميله جميله لاتوصف بقصر شبستان الدوحه.... وكانت جمعه والبيان بالحضور وحضور محضور ومن الحضور ببين جمال اللمه
محمد الجمل
عصام يحيى
خالد العاقب
منتصر صديق
صلاح محمد عثمان
محمد عاطف
مصطفى حسن
بشاره هبانى
عادل انور
ابوبكر فتح الرحمن
على محمد النور
الهادى هبانى
اسامه الجيلى
صديق هبانى
كمال الخواض
مامون خليل
كمال ياسين
بابكر يوسف
شريف يونس
عاطف عكود
ونسبه لظروف العمل اعتذر الاخوان
اشرف عبدالهادى
عوض شرقاوى
وكم سعدنا بمكالمه تلفونيه من الغالى خالد عبدالحميد
ومحادثه اخرى من الاخ العزيز عبدالعظيم الامين
ومحادثه مع كابتن حمدالنيل والشيخ اسامه مكى
ودام التواصل
عاطف عكود

سلامات ودعكود...

والله مستاقين ومشتاقين اكتر للمات الحلوه دى.

دحين الشبستانى ده هول منو,ولا الظاهر فى واحد من الجماعه عنده نسبه.

التحايا لكل من حضر هذا الجمع الجميل فرداً فرداً وبالاخص الفرده باكو.

اطيب التحايا يا عاطف ليك و كل الاخوان بالدوحة وانشاء الله ربنا ييسر و تكتر اللمات الجميلة الزي دي.

الاخوان ودكرار واحمد محمد احمد والله اشتقنا للمداخلات عدييييييييل كدى , ليكم وحشه ولو عارفين اللمه دى بتعمل كدا كان عملناها من زمن , عليكم الله واصلو رغم المشاغل وفى انتظار بقيه الركب من غير ذكر اسماء ومهما تاخروا فهم قادمون باذن الله بس مسأله وقت لايجاد الوقت ما اكتر من كدى
ياود كرار سبستان دى هيل منو ؟ دى خليها وحكايه النسبه دى بالنسبه لى شنو؟
وكدى راجع مداخلات الجمل وودالاستاذ والخواجه قوقل وودعكود بتاريخ 14 اكتوبر فى البوست بتاع اللمه الاولى
وانا بره!!!
ودامت لمات الخير فى كل الامكنه والازمنه ودام التواصل
عاطف عكود

والله حاسدكم جدا حبيبنا عاطف القوز على اللمات الما بتخلص ولكنى على أى حال سعيد بكم وبلماتكم التى تطمئننا عليكم وامل بكل صدق أن يكتمل بكم ماينقص فينا ... التحايا لكل الشلة فردا فردا ودون فرز فكلهم احباب لقلبى والله ... وعلى ذكر شيبستان ياود كرار وأحمد محمد احمد فإن معلوماتى شبه المؤكدة أن شيبستان مملوكة شراكة بين
(شبّو ) وباكستان ... لانه عوض شبو الأنا شفتو دا ممكن جدا يكون بالميّت شريك مع طالبان باكستان ..

الرشيد شمس الدين