هل تسمعنى؟؟؟ حوّل!!!

الاخوة الاحباب....

يعنى بتقفلوا فى الميزانية ولا القصة شنو...

ياجماعة وين المشاركات....

سعد يا فنان،،، شكراعلى الاحاسيس المرهفة ، وخوفك من روحان صوتنا،، اقول كما قال الراجل
مهما هم تأخروا ...فإنّهم يأتون
اظنى على يقين، فما بين الناس من الحب اكبر ان يصير هباءا منثورا فى زمن الانترنت ،،
القصه دايرة وكت ( تتذكر الجيتار اخد منك وكت قدر شنو عشان تتعلمو؟؟!!)وقد هلّت البشاير
ونعود،،، طالما القصه جابت ليها اسماء،،، وننادى زول ...زول

[quote="ود كرار"]الحبايب...

الاعزاء..عمنا عبدوس...رشدى ...ود الاستاذ..كل المشاهدين من وراء الكواليس...
سوف نظل نكتب ونشخبط فى حوائط هذا المنتدى حتى تتلاشى الحروف المحفوره على الكيبورد,وبعد كده عنستعمل كيبورد اخونا خالد.

ده الكلام يا ابا عمرو،، ونحن ايضا سندق الصخر حتى ،،،،
أو لغاية ما الانترنت يبقى زى الموبايل،، بالهبل
وحينها سيكون هذا المكان إن شاء الله موجوداً عامرا برواده
وحينها،،كما قال
سيأتون ،،، مهما هم تأخروا فإنّهم يأتون ،،،،
حوّل ،،،، هل تسمعنى حوّل

تحويلة هذا المساء لحبيبنا سعدون،،،، الشهير بــ سعدالدين كرّار إبراهيم فرح،،
حمدلله على السلامة ،،،سمعنا بيك جيت ،،،، ورّينا الحاصل،،،،،حــــــوّل،،،،

وتحويلة الليلة لحبيبنا عاطف صديق ،، الغيبة الفاتت كانت تراويح وكده ،،الغيبة شنو ؟؟إن شاء الله خير
حــــــوّل ،، وحوّل معاك الاحبة فى قطر

الحاج خالد والله سلامات والشوق بحر لك اعطرالتحايا , ولكل رفقا الموج الود, معليش على الانقطاع الفتره الفاتت شويه ضغوط عمل ولنا عودة انشاءالله ولكم العتبى حتى ترضو ودعواتك ياحاج
عاطف عكود

العزيز عاطف
ياخي نحنه ما جيران
ليك غيبه جد جد وعمك لمن يجي الخرطوم ما بقصر معاي رغم مشغولياتهو وحبهو للهلال والمقابرو شيل الفواتح
لكن استعين بك بوصفك نقابي سابق وما تنسو انو عمكم عبد الرحمن كان اول من اسس رابطة للبحاره وبعد دلك تمخضت وسميناها نقابة وتشرفت ان اكون اول رئيس لها وعاونني الباشمهندس نميري نايبا للرئبس والعزيز محجوب سكرتيرا ومعانا العزيز اوي واخرين
وانطلقنا وحققنا.... ساعدنا في دلك اعظم رجل مر علي الخطوط المرحوم صلاح الدين عمر ... وتلك دكريات .. استعين بك بان ان تخلوا ماسوره يحل مني شويه عشان اتدكر واركز...هاها... لكن بيني وبينكم اكان بتسجلوا غياب خلوني لي ماسورتي ورشدي وود كرار وخالدو بالمناسبه وين داك الانبرش بي سبعه بوستات وغاب ود المبارك قال قريب قاسم واتربي في السعوديه وورانا العربيه الما خمج وبيت سبعه ضلف ومن ديك وعيك
معزتي
محبتي بلا حدود

سعد الدين كرار
هل انت دلك الشاب الوديع الدي كنت انزوي خجلا من وداعته ونبل اخلاقه واصل معدنه
شاب طويل لا تملك الا ان تحترمه
اظنه انت
اعدرني ابني الزهايمر ولكن من كان علي خلق مثلك لا يمكن ان تمحهو الداكره
اقول دلك لانك لم تورد اسمي فقلت قد يكون اسم علي اسم
سامحني ان كنت غير الرجل ومرحبا بك ان كنت او لم تكن
عمك كابتن عبد الرحمن الزين
يا تري هل جاء الوقت لاعرف نفسي باني ابو عابر
لم لا ولله الحمد

سعدون حبييبي
وقع لي واجتريت الدكريات
لكن ما كانت عزومه وكان قاسم كعهده ابدا وكان فمبري وكان اخونا بيومي نعم المضيف وكانت امسيةرائعه في لارناكا
وساعود اليك بس احتاجك في بوست الدكريات.. ماسوره بقدر عليهو والله اكان ما عشان اخونا خالد كنته اوريهو المكشن بلا بصله
لك حبي وتحياتي وامنياتي
الطيبه...................... يا دفعه
بودي

عبد الرحمن الزين كتب:العزيز عاطف
ياخي نحنه ما جيران

استعين بك بوصفك نقابي سابق وما تنسو انو عمكم عبد الرحمن كان اول من اسس رابطة للبحاره وسميناها نقابة .. استعين بك بان ان تخلوا ماسوره يحل مني شويه عشان اتدكر واركز...هاها...
محبتي بلا حدود

العزيز كابتن عبد الرحمن
بخصوص الاستعانه الرجاء مراجعه البريد الخاص( الرسائل) واستشاره الباشمهندس الرشيد
دمتم ودام التواصل
عاطف عكود

تسلم يا عاطف يا ملك
والله رفعته معنوياتي لكن بس مشغول شويه وبكتب من المطار راجع بكره
ووووووب عليك يا قاشوره حتروح مني فين لمن ننشر المضوع
عاد ما تنوم كتلوك ولا جوك

ما ممكن اصدق
امس البارحه وانا في هولندة ودرجة الحرارة اربعه تحت الصفر واتحدث مع مجموعة من الرفاق في ميتاء روتدام والكل يحاول ان ينهي الحديث ليسرع لعربته اذا بهاتفي يرن ويرن..... تغاضيت حتي الحق بعربتي وما ان دخلت وادرت المقود وسري الدفء قلت كدي النشوف ده منو
وجدت انو النمره من سوسيرا وانا لي زبون واحد في سوسيرا ولكن هذه لبست نمرتهو
يا ربي ده منو
قلته مادام من سوسيسرا ده قطع شك رزق يا بودي اتوكل واتصل بيهو
واذا بالمتحدث اخر واحلي واجمل واعظم ممن اتوقع ان اسمع صوته معاك امجد عابدون كرار وحاجات كدة طبعا اخوكم متعود اصوات نسوان دايما- كيه ليك يا المطير بس عينك-+ زهلته ودهشته وتشرفته
بارك الله في في من سعي لهدا المنتدي
ما اروعك يا ود كرار وانت تهاتفني ولكن جد جد صوتك صوت زول عجوز بري منك
يا اخي شوف دفعتك وين\
قال ازيك يا عم عبد ارحمن
يا ود كرار عما كباسه

العم عبدوس...سلام صاحب الروح الشابه ...والله فى السعوديه تشيب سواقه ساكت بس صاحبك نفد بجلده ,قال امشى اشوف باقى شبابى فى السودان.

سلامنا للعزيز ماسوره...

تقبلوا سلام الاخ حاتم قريش من لندن...والله سفرت سويسرا ده بتخلينا نواصل ارحام البحر.

ودام الود

للكانوا غايبين اليومين الفاتوا ، يسرنا ان نبلغكم بتسجيل عثمان على عثمان ومحمد الحسن التلب،، حبابكم الف

التخريمة:
امجد ،،، شايف ال txt msg بتاعتى وصلتك !!؟ لكن ما جبت لينا خبر ياسر قريش
كتّر خيرك وانت تصل الارحام ،،،

العزيز عبودى
والله أحسن اقولو ليك عمو عبدالحمن لأنه حكاية بودى وديدى وو قبل كده وقعت الفاس فى الراس وصبحنا بالعهد التانى.

أنا الوحيد الخابزك وعاجنك ولو رمشته بعرف لى احسن تسمع كلامى . استسلم للعمر وامشى جاور مع فردتك ودفعتك الحبيب على.

سلام كتير يا أمجد والمره دى مرضاح عمله كيف اظنه السفره كانت عايزه لغه. سلام للجيش الشعبى.

; وينك يا توحه امبارح ما شايفك في حفل تخريج الدفعه التامنه ناس مامون الدفعه اللي قدامنا بي سنه.............. لكن ضحكتني يا جبان
بودي دي العهد باين التالت لكن ما بجيب اسمو ولا سيرتو لو تموت
قال جاور قال..... سمح.... زيما بتقول هي

الحبيب ود ادريس...

سلامات...الكيكه اكبر من خشم صاحبك مرضاح عشان كده لازم ياكلنا معاهو...طبعاً فتحنا Service Station فى الجبيل..عشان تخدم المنطقة الشرقيه...والله كنا عاوزنك بهناك عشان كل شويه ننط ليك...

ياماسوره عمنا عبدوس ده خليه فى حاله ووصايا الثعلب بالمجاوره ده خليها شويه...خليه فى بلاد الحيتان البيضاء عشان نفتح معاه قنوات Business.

ومرضاح ده زولى تماماً،، لكن اظنى ما اخدت البوش بتاعو،،،، ما لمينا فى الناس الصح فى الوكت الصاح،،، عشان نتعلم التكتيك؟؟؟ ما كان نكون فى بلاد تاكل البرودة حيتانها وحنانها.... فيما تأكل !
أمجد، اسالوا لى عن زيت المكنة ال بيخلطوا معاهو موز؟؟

ترحيب بتسجيلات ابريل
علاء الدين محى الدين
على عثمان محمد
معتز عليش
وعمر صيام
الاف المراحب
وحبابكم
وحوِّل
الترحيب بالقادمين والتحويلة للجميع

وواحد تحويلة مخصوص لى الحبيب عاطف صدّيق
اذا كانت دى صورتك حسع ؟؟؟ تبقى انت انتهيت يا فردة
لكن ان كان خيال فنان يتخيل فى المستقبل ! ده موضوع تانى
لك الود
وقول لابوبكر فتح الرحمن وين يا