كل عام وانتم بخير

عبد الرحمن الزين2 كتب:الاء000
تسلمي وانت بالصحة والسلامة..
عبدوس

جمعاً صحة وعافية .. وكمان اقرأ علاج الزهايمير بى هناك .. غايتو حفاظا على الجاى من عمرى وعلى قول الفنان الحق الفضل اجيبو حأبدا بالوصفة اديكم المفيد بس اصبروا .
بمناسبة العيد السعيد وين صديقك اللدود فاقندو ؟

عاطف عكود كتب:

الاء كتب:
ود عكود سلامات جبت الشربوت ؟

والله ما جبتو لكن بمناسبة الشربوت دى .....
قال لىك جماعة عندهم خروفين محضرات للضحيه وكمان عاملين شربوت ابو لستك , اه قاموا الخروفين ضربوا المشك بتاع البلح بعد عمل الشربوت , واحد فى الخرفان قال باااااع ! الخروف التانى قل ليه والله ختفتها من خشمى!!!!!!!
وكل عام والجميع بخير
عاطف عكود

غلبتو البعبعة كُر .. انا عاملة حسابى لجنس دا جبتو معاى
ولو ما لحقتونا بنبقى شربوت نحن ذاتنا للسنة الجاية
ما عارفة على ياتو فخ نحن ماشين

خالد عبدالحميد كتب:ويسكى حلال ..وشربوت حلال...

نورالدين محمد عثمان نورالدين


أنتجت شركة أكاى الأمريكية للمشروبات ويسكى حلال للأشخاص الذين لا يتناولون الكحول لأسباب دينية او صحية ..ومن المتوقع أن يعرض المنتج فى الأسواق فى عبوات كبيرة شبيهة بزجاجة الويسكى و صغيرة شبيهة بعلبة الكوكاكولا والبيبسى بسعر 10 دولارات للعلبة الواحدة وهذا المنتج (الويسكى الحلال)..خالى من الكحول وغير مسكر ..(هكذا قالت الشركة المنتجة..)..وأضافت أن هذا المنتج بنفس مواصفات الويسكى ..(تصدقوا)..والأجمل أن المنتج حاز على فتوى شيخ الأزهر والذى أجاز تناول هذا المشروب بشرط عدم السكر ..يبدو من هذا الخبر الذى نشر أن هذه الشركة العملاقة لم تقم بدراسة جدوى جيدة وشاملة قبل إنتاج هذا الويسكى الحلال فقديماً إكتشف اهلى النوبيين مشروب الشربوت الحلال الذى يقدم فى كل المناسبات الخاصة وتحديداً فى عيد اللحمة حتى يساعد فى الهضم وأيضاً يساعد فى إلتهام اكبر قدر ممكن من لحمة الخروف ..وإكتسب هذا المشروب (الشربوت الخطير....

نقلا عن سودانيزاونلاين،،،بمناسبة خروف اصحاب عكود،،،وبمناسبة خرفان امريكا ،،،الهزيلة
والتى تكفى علبة بيبسى ودايت كمان لجهجهة اقامتها،،،
ولان الويسكى الحلال لا يحتاج مناسبة /%&* ولا كيـــــــــــــــــــــــــــــــف
للموضوع بقية واعلاه المدخل

بما انو فى بقية النبدأ بعمل الشربوت .. وانت جيب باقى الموضوع وخروفا عاتى معاك


الشربوت
صناعة محلية سودانية لا تنافس .. غايتو خايفة من العراقيين ( الفضل منهم والسعوديين وكل اصحاب التمور من عينة عجو المحس التقيل ) .
والمخوفنى نحن صنعنا الطواقي واتذكر أمى وحبوباتى وهن يضعن الخيط داخل العلبة وتخرم من فوق بمسمار ليخرج الخيط حراً من سجون العلب غازلاً طاقية جميلة ( خيوط الطواقى .. وكلام الدلال ) جو الصينين عملوا مصانع لجلاليب بدون عمود وطواقي من ارقى الاشكال .. عليه سيكون الشربوت حصرياً .. ومعاها زعلة

الشربوت عبارة عن كمية من التمر حسب عدد اهل البيت والاسر الممتدة قد يصل الى كيلة أو اكثر من اجود التمور كالقنديل أو ارفع ، يصب عليه ماء مغلى و كمية معقولة من حبات هبهان ، قرفة ، زنجبيل ، قرنجال .. بعد مرور يوم يشرب دون تغيير فى الطعم وهو على قولك يا قبطان يتحدى اعتى اللحوم .
بس هناك من يضيف الخميرة وبعد اضافة الخميرة يبقى ويسكى الحلال

خرمجة : شركة أكاى الأمريكية للمشروبات اكاى ولا دكاى يكون وراها سودانى ؟ بعدين دكاى دا بعد ما يكون الشربوت أخذ يومين ثلاثة وتيّب.