فنجان قهوة

امجد لينا سنتين شغالين وما اديت ضرس خبر المنتدى !! بالغت

والله ياود الاستاذ كل ماالاقى ضرس ده فى اجازه بحن عليه,وخاصةً لمن يكلمك عن شغله اول حاجه بيبداها ليك بلا لللللللا, انا قاعد اشتغل 16 ساعه وحتى جاره فى الغرفه بمر شهر مابيقابله, وكمان عاوزنى اقول ليه منتدى ومكوار ودالاستاذ ونت.
المهم انا لغايت اسه مامصدق انه قدر اشارك ,وخلينا مانضيع الفرصه دى ونمسك فيه قوى, وبالمناسبه ضرس عنده معزه خاصه مع الاخ عمرموسى اصل الاتنين لعيبت وسط.
فبالله بلغ ودموسى قول ليه ضرس فى انتظاره فى الملعب.

ود راشد كيفك
حبشيه دا اسم سمتو انتو لبدرالدين انا لحدي الان ما عارف المناسبه كانت شنو ....
امجد الطاهر سفرو الجنوب لجعل الوحده جازبه...شغل يا محمد راشد في منطقه اسمها فولج واخرى اسمها موليته
مهدي شلكاوي

يا شباب ياجميل ،،والله باصات ملعوبة صاح ،،ومهدى متألق كالعادة
انا داخل على عجل ،،،لكن لقيت ايميل من امجد الطاهر (ما بيقصر الدفعة)) هو حيكون فى الخرطوم إن شاء الله 13 سبتمبر
ده ما الخبر!!
امجد دى يا مهدى بقيتو تلخبتو ليهو شنو مع التمباك؟؟؟؟؟؟
لانو سألنى انو شاف اخوى الاصغر فى عرس كيمو وهو يعنى امجد مستغرب الجاب اخونا العرس شنو؟؟؟؟
الواد يكون انحرف على كبر
لكم جميعا السلام وشكرا على الابتسامة التى تضيفونها مع شغل ال16 ساعه ومشاغل السفر
ان شاء الله تكون لميت فى ضرس،،اللى شايفو احيانا يقرأ فى المنتدى،،،
عمر موسى قادم إن شاء الله
راشد ،،،شيل شيلتك!!! ماتعرف حبشية؟؟؟
آآل زهايمر آآآل
ويتواصل التواصل
اشواق بحر

السلام عليكم- اخوتى المهدى كزام راشد ود الاستاذ تحياتى - حقيقه استمتعت بالجدعات الظريفه - المهدى كالعاده أى جدعه منك نكتة وقويه لمن غلط أمجد سافر الجنوب لجعل الوحده جاذبه و الظاهر يا مهدى لسه بتلعب برجلك الشمال عشان كده ما لاقينى -وهل يخفى الضرس.
عزيزى كزام (ود كرار) الظاهر الظاهر عملته ليك غاغه بشغل الواحد خلاك تقول 16 ساعه شغل بدل 12 ساعه يوميا المرة الاولى الواحد سابه تمشى ولو أنا بشتغل 16 ساعه فى اليوم بعد العمر ده كنت عرسته تانى وقويه ردك لود الاستاذ دايرنى اقول ليه منتدى-باقى الجمله كملتها براى- حاليا فى جزيرة داس وردية ليل والامور شويه أهدأ عشان كده الوحد لاقى فرصه شويه وبرضو فى رمضان 12 ساعه-تحياتى
أولاد راشد/الاستاذ من سطوركم أشعر و كأنى أستمع اليكم فلا تحرمونا منكم - ان شاء الله الاجازه القادمه أواخر شهر اكتوبر, فهل من تلاقى؟
أين فردة الوسط عمر موسى؟
فى منافسة اتحاد طلبة اسكندريه للقدم , شخصى و ود كرار و اخونا على محجوب واحد دخل خشن مع على محجوب , طوالى جرى لود كرار وقال ليه - أمجودى شوف الزول ده ضربنى- وخيالكم فضاه واسع -تحياتى لود محجوب - وفى رعاية الله -ضرس

هاهاها صباحك قشطة ضرس والله سعيد حد التجلي بحضورك القوي علي بساط وارض المنتدي الخضراء (عشان انت بتاع كورة) والله حكاية عرس تاني دي قوية لكن مادمت قلتها كدة وبالفم المليان فاكيد مابتقدر تسويها ...وعليه تحياتي لام الاولاد .....ياضرس شايف ود كرار زادك 4 ساعات دي لوكان اجر اضافي مفبولة لكن شغل ساي صعبة ..طبعا انت عارف مهدي اي كلمة يقولها تضحك لانو بصراحة بمرق الكلام من بيت الكلاوي ..يوم كنا شلة ياضرس في واحد من السمرات الصيفية العجاف (مهدي وعلاء ملاسي والمرحوم عمار بخيت والمرحوم الجزولي وياسر قريش وعمر خلف الله ..و..و وشلة رائعة) فكنا من عدم الموضوع كل يوم ننوم في دور في عمارة عبد الرازق (ب) وعدمانين المليم فكنا انا ومهدي في غرفة وانا نايم في السرير الفوق وهو في الناحية التانية نايم في السرير السفلي فلما عايزين ننوم بقينا نتغالط اقول ليه قوم اطفي النور يقول لي ماتقوم انت في النهاية قال لي بسيطة ..راح شايل جزمته وكسر بيها اللمبة وحتي اللحظة نحن في ضلمة ...
طبعا ناس اسكندرية شايفوا علي محجوب فقالوا اكيد ده مفتاح الهزيمة ...بس اول مرة اعرف انو علي محجوب بتاع كورة...!!!!! ده انا كنت فاكرو معانا من مقاعد المتفرجين ...الغالي عمر موسي موجود في المنتدي لكن حتي اللحظة محجم عن الكتابة والمشاركات اتمني ظهورك وظهور الاخرين يستفز قلمه فيحكي وهو طبعا يعتبر الاب الروحي لاجيال بالاكادمية لحسن معشره واصالة معدنه (والكلام ده مافيه ادني ذرة مجاملة) وعنده الكثير من الحكاوي للقول...
فله ولكم اطيب التحايا ورمضان كريم ..

تحياتي
تعرف يا خالد والله امجد كمان ولا جى عرس زمراوي انا الكلمتو بعمار اسمو على ما اذكر ...دفعتك خلاص ياخالد شعرو بقى مشيب وظهرو انحني وربنا اكون في عونو ..الجماعه ديل تعرف بودو حتات والله جيمس بوند ما امشي ليها مره كنار مره هجليج مره الجنوب....
يا ضرس رمضان كريم قبل كل شي ....انت بتاع ناس ناسات من زمان يا ضرس انت موش مواعدني يوم الجمعه انا ابيت امشي الجبل ...تنشطني ولاتلفون ما اتصلت ..عموما يا سيدي انا عشان الشهرالكريم دا بعديها ليك لفتره لحدي ما تصلحها ودي ما بتتصلح الا في الجبل جيتك الجاي كان الله مدى في عمرنا ..
يا محمد راشد انت سكايبك شنو قدر ما وديت اسمك شمال جنوب ابىت تظبط معاي .
ود عكود ياخ انت وين مالك مع قهوة ود راشد اليومين دي الجماعه ديل كان بعملو حاجه غلط شيشه مع القهوه ولا كده كلمنا نوقفهم ليك بس انت تجي راجع وتكرمنا بطلاتك البهيه..
انتو ود كرار دا بقى جنو بزنس قاعد اكتب شنو في البتاعه المكتوبه بلاحمر دي استثمار ماعارف شنو كده كل مره اقول اطل عليها انسى ...
سلام
مهدي شلكاوي

mohd. sulaiman hussain كتب:السلام عليكم- المهدى كالعاده أى جدعه منك نكتة وقويه لمن غلط أمجد سافر الجنوب لجعل الوحده جاذبه و الظاهر يا مهدى لسه بتلعب برجلك الشمال

ياضرس ،،ان عجبتك دى ،، فما تفوتك حكوة مهدى فى توصيف حاتم ابوالقاسم(الكدندلى) لما اتلاقوا السنه الفاتت
فتش فى المنتدى ده بتلقى الكلام ده ،،،اصلو نحن لينا اكتر من سنتين نشخبط ونضحك فى جدران هواء الله الاسفيرى هذا
قلّب فى البوستات ودايرين نشوف ابداعاتك فى حالة انتشار
تخريمةك
اتكلمت مع الكدندلى اليوم وحيحاول يظهر قريبا
واذّن الآذان

السلام عليكم جميعا - أخونا ود شلكاوى سلامى وتحياتى وتصوم وتفطر على خير. لك العتبى حتى ترضى والحقيقه ما وعدتك انى اجيك يوم الجمعه لو تذكر عزمتك لعقد قران بنت أختى بعد صلاة الجمعه فلا يمكن اوعدك وحتى ذكرت لى الحركه يوم السبت فى الشارع خفيفه , أظنك كنت زائغ من الجبل ساكت ويا سيدى مش اجيك فى الجبل اجيك فى الجبال ان شاء الله وانت كريم ونحنا نستاهل عشان ترضى عننا شوف القصه الطريفه دى- واحد من شلتنا فى حلة حمد -اسمه أمير عفيفى-ودكرار بيعرفه جيدا ود راشد يمكن يتذكروا طشاش- بنخنخ فى كلامه- لو جاع ما بقدر يجًمع أو يتفاهم مشيت ليه فى البيت حوالى الساعه عشره بليل و أذكر سألته عن موضوع صور , رده وبطريقة كلامه ما تقلق أنا وعدتك و وعد الدين حر عليه , طوالى سألته يا أمير انت ’موهوى رد والله لسه بادى الاكل -له التحيه حيث فرقتنا الايام- ان شاء وعد غير المذكور فى القصه.
مكوار+ميكوس (على حد قول ود كرار) = ود راشد جدعاتك قويه مسألة العرس ثانى يا ود راشد حكايته محيره شويه - أم العيال تقول ليك أوعك تعرس تانى , ترد تقول ليها أنا تانى أعرس , ترد يعنى أنا كرهًتك مش كده - المحصله انت خسران.
و فى رعاية الله وجدعه قديمه/جديده -ضرس

ضرس يا حبيب الكل
خلاص يا عم صافي يا لبن ولحدي الوقت داك انشاء الله خليك في قهوه ود راشد ما بنساهر بيك ما تخاف سامتا مافي....
تحياتي للكل
شلكاوي

المهدى عثمان مصطفى كتب:تحياتي
ود عكود ياخ انت وين مالك مع قهوة ود راشد اليومين دي الجماعه ديل كان بعملو حاجه غلط شيشه مع القهوه ولا كده كلمنا نوقفهم ليك بس انت تجي راجع وتكرمنا بطلاتك البهيه..
سلام
مهدي شلكاوي

الغالى مهدى لك التحيه وبالمناسبه انا من مدمنى قهوة اخونا ودراشد وكمان من مدمنى الشيشه بس مع التعديل فى الطريقه من شفط الى شم .... فما زلت اعشق رائحتها حتى بعد الاقلاع عن التدخين .
تخريمه
(سمعنا بمصطلح الهبوط الاضطرارى فقلت احسن يكون اقلاعى عن التدخين اقلاع بمحض الاراده قبل ان نجبر على الاقلاع الاضطرارى ).
دمت ياسيدى ومازال الجبل موعدنا ان مد الله فى الاعمار.
ودام التواصل
عاطف عكود

ود شلكاوي مساءك نور....سكايبي mrashidma ...........طبعا يامهدي كل مالاقي شلكاوي في حته اروح ضايفو لقائمتي يطلع واحد تاني ..اخر واحد ليقيت بركات شلكاوي في الفيس بوك طلع اخوك ما انت قلنا برضو من ريحة الحبايب....شنو اخبارك ؟ الجبل ولا حتت امجد الطاهر الما سمعنا بيها في التاريخ ولا الجغرافيا ....
ضرس ياظريف منتظرين حكاوييك القوية ....تذكر يوم عزمتنا انا وامجد للسينما وكنا مفلسين وقلت لينا بركبكم اتوبيس لو عازين خلاص ماعايزين نوموا..وافقنا وقمنا ركبنا الاتوبيس 120 وكان الاتوبيس زحمة ماطبيعية يعني انا لسه حتي اللحظة بحاولاتذكر انا كنت ملامس ارضية الاتوبيس ولا لا ..المهم مامشي الاتوبيس محطة قلت لينا يااخوانا نشلوني....طبعا نزلنا ورجعنا الشقة كداري وميتين من الضحك بس ما اظنك ضحكت اليوم داك ....بالله هات من بيت الكلاوي....
اظرف حاجة لو تفتكر يحي بليل كان لابس ليه بووت كات وزنو 30 كيلو واخونا بليل الغالي وزنو 40 كيلو ...حبشية ولا منو ما مذكر قال لي : والله بليل كان ما الكات ده كان طار عديل ..........

سلام يا راشد يا راقي ايوه ادينا من بيت الكلاوي بتاعت ضرس وودشلكاوي لانك بتكون حافظ ليهم كتير

ياهلا ياود الجاك ...سعداء حقيقي بحضورك المختزل ولكن يظل له طعم ومذاق الشوق المدفون في خبايانا ..وينك ياراجل ؟ لا جيتنا زيارة ولا عمرة .!!!!.اعمل اي حاجة خلينا نشوفك (ماعدا العرس) ....والله يابدري انت برضو عندك من الذكريات مايملاء صفحات وصفحات ..ياراجل العمارة 30 بتاعت ايزيس لوحدها قصة ...انا شخصيا الشي الوحيد المذكرو انو حامد محمد حامد كان عندو منبه بصحي نص سكان الحارة وكل سكان العمارة

السلام عليكم- اخوتى , حقيقه الواحد بستمتع بمقالات وردود الزملاء.
أخونا ود راشد كميات من الاشواق الدفيقه ولو قلته ليك بتذكر قصة السينما دى وبكل التفاصيل التى ذكرت -البص زحمه -120 يأخى معناه انك لسه شباب وذاكره قويه بحمد الله وقدر ما حاولت أتذكر أى شىء بخصوصه فشلت بأمتياز كسباحتى وفى جدعه أخر المضوع خلينا نشوف -بداره- وكيف اخبارك و فى شوق برائحة الدعاش فى سماء البلاد هذه الايام وندعم طلب ود راشد أن تتحفنا من مخزون ذكرياتك وليس لدى أدنى شك بأنها سوف تكون تفاصيل البص-120 ولك تحياتىز
جدعه - بعد حوالى 14 سنه توقف عن مزاولة الكوره , قلته أمشى أتمرن مع شباب و فى عجائز كمان و كنت فاكر انو الواحد زى زمان , تعبته شديد اول مره , قلته امكن عشان الواحد من فتره واقف , ثانى و ثالث ورابع تمرين العمليه ساءت أكثر و بقيت حتى ما قادر أمشى كويس و الم فظيع . مشيت الدكتور و شرحته ليه الحكايه بالتفصيل , سأل من العمر , وبطريقه لذيذه و مهذبه قال _ ما تسبح أحسن ليك , ردى دى الحاجه الوحيده البعرفه كويييييييييييييييييييييييييييييييييييس جدا , رد, طيب أحسن ليك المشى وشكلها كده احترم نفسك وقوم امشى و من يومها لا كوره و لا مشى.
أولاد عبدالحميد/كرار مختفيين لعل المانع خير. وفى رعاية الله - ضرس

mohd. sulaiman hussain كتب:
الدكتور و سأل من العمر , وبطريقه لذيذه و مهذبه قال _ ما تسبح أحسن ليك

و من يومها لا كوره و لا مشى.

ياخى دى نكتة الموسم والمواسم الجاية
قال شنو قال شنو
آآل اسبح آآل،،، آآل كورة آآل ،،،،،قوية جدا دى
وفى تخريمة اخرى

تعرف يا ضرس انو فى مكان ما هنا بتلقى بوست كامل مفتوح عن الزهايمر ،،فيهو شوية افكار مش بطالة تدى دفرة فى موضوع البصات
اديهو طلة ،،،ياخى نحن احيانا ندلعوا ونقول ليه- زهمـّـ هم - من كترة الموالفة

بدرالدين مبارك الجاك كتب:سلام يا راشد يا راقي ايوه ادينا من بيت الكلاوي بتاعت ضرس وودشلكاوي لانك بتكون حافظ ليهم كتير

ايه ااظهور ده ،،شوف الاشراق ده ،،،وين انت ؟؟ ظهور كالومض ،،لكن ابهجنا تواجدك ابقى قاعد

راشد كتب:
حامد محمد حامد كان عندو منبه بصحي نص سكان الحارة وكل سكان العمارة

السؤال !! هل حامد كان بيصحى؟؟؟
الغريبة حبيبنا حامد بعد داك انا وهو اشتغلنا سنين فى البحر والانا متذكروا ان حامد ما كان بينوم كلو كلو،، اليوم كلو يفرفر
ولا ده يكون زهم هم

له ولكم الف شوق

هذه الحكوة الفلسفية التى تفسر نفسها بنفسها،،، لا تزال من القصص المميزة ومكتوبة فى بوستات اخرى وانا مرة مرة ،،بنقلها من مكان لاخر حسب الحوجة
ليقينى انو ما تحمله من معنى كفيل باشعال هذا المنتدى بحرا من المشاركات ولهيبا من التواصل ،،ليضيف كثير ألق لما هو موجود اصلا،،،،،،،وهاهى


When 24 hours in a day are not enough
Remember:
The mayonnaise jar and the 2 cups of coffee

A professor stood before his philosophy class and had some items in front of him. When the class began, wordlessly, he picked up a very large and empty mayonnaise jar and proceeded to fill it with golf balls. He then asked the students if the jar was full. They agreed that it was.
The professor then picked up a box of pebbles and poured them into the jar. He shook the jar lightly. The pebbles rolled into the open areas between the golf balls. He then asked the students again if the jar was full. They again agreed it was.
The professor next picked up a box of sand and poured it into the jar. Of course, the sand filled up everything else. He asked once more if the jar was full. The students responded with a unanimous "yes."
The professor then produced two cups of coffee from under the table and poured the entire contents into the jar, effectively filling the empty space between the sand.
"Now" said the professor, as the laughter subsided, "I want you to recognize that this jar represents your life.
The golf balls are the important things-your God, family, your children, your health, your friends, and your favorites passions -- persons that if everything else was lost and only they remained, your life would still be full.
The pebbles are the other things that matter like your job, your house, and your car.
The sand is everything else -- the small stuff.
"If you put the sand into the jar first," he continued, "there is no room for the pebbles or the golf balls.
Pay attention to the things that are critical to your happiness. Play with your children. Take time to get medical checkups. Take your partner out to dinner. Play another 18. There will always be time to clean the house and fix the disposal."
Set your priorities. The rest is just sand
One of the students raised her hand and inquired what the coffee represented. The professor smiled. "I'm glad you asked. It just goes to show you that no matter how full your life may seem.
There’s always room for a couple of cups of coffee with a friend

هل من المصادفة انو الختام ،،،بعض من فناجين القهوة!!!!!!!!!!!!!!!
ودام التواصل بكل لغات الارض ومن كل اركان الدنيا ورغما عن المشاغيل
ولا كيـــــــــــــــــف؟؟؟

حلوة جدا جدا جدا استاذ خالد ود الاستاذ..
اول مره اسمعها واستمتعت بها جدا..
ود راشد العزيز خسمتك بالنبي اكان ما كبيت لي معاكم فنجان..بس كتر الجنزبيل..
محبتي
عمكم عبدالرحمن....
تخريمه صغنونه..في داعي لحكاية الزهايمر دي..بتحرجونا شوية..

الغالي جدا ود الزين ..لا ادري لما يعتريني فرح مبهم حين اجدك متحكر علي منابر قهوتي او في اي مكان اخر في رحاب هذا المنتدي ...ده النحن نخسمك بالنبي تشرب معانا فنجان قهوة ونكون دوما وابدا الاسعد ....شنو اخبارك ...؟ انا انشغلت فترة في دروب الحياة وحتي اللحظة لم استطع اكمال قراءة كتير من مواضيع المنتدي ....
.......................
............
رمضان كريم وياهلا بيك

هاها كيفك ضرس ...والله بالغت عديل ...انا شخصيا محترم نفسي وبمارس رياضة( اللسان (النضمي)) ..طبعا اكيد الدكتور ما أصاب في رياضة السباحة دي ده انا كلما اتذكر ايام السباحة (تكاقريل ) (المنشية) وكيف بنرجع انا وانت الشقة رويانين بل شبعانين ملح وماطاب من الشوائب جسم الواحد يكش....لكن ممكن ياضرس تتفرج علي ماتشات الكورة ومع الانفعال ممكن تحرك جسمك شمال ويمين وبرضو دي رياضة (والطشاش في بلد العمي شوف).....غريبة ياضرس ما تذكر حكاية البص 120 ..الكلام ده كان في شقة خالد بن الوليد بتاعت الغبطي ابو المهندسة البعزمنا شاي مغرب (طبعا تخصصك شاي مغرب) ولا برضو من الزمهرة تكون نسيت ...
................
........

ود الاستاذ رمضان كريم ...غريبة انت كمان ما متذكر منبه حامد ده....طبعا في العمارة دي ياخالد اتعلمت منك شي مهم جدا وعملت به حتي اللحظة ..تذكر لما كنا نتونس وفجاءة تقول لي خلينا ننوم بكرة عندنا كلية ...طبعا ماشاء الله انت في ثواني تنوم تقريبا مع نهاية الجملة وانا كنت اخش ليك في دوامة قلق تستمر بالساعات فمن ذاك الوقت عودت نفسي احاول انوم مباشرة والحمد لله الواحد نجح فلك الشكر من بعد الله
تحايتي للاسرة الكريمة

عزيزنا ود الاستاذ
كيف حالك ياخ ..يا ود الاستاذ ياخ نحن قادرين عليك بلعربي لما تدخل لينا بالغه كتر The problem Khalied Comes to those whom are living in such places where they are not free to chose the material and the timing to fill up there jars
ــــــــــــــــــــــــــــــــــــــــــــــــــــــــــــــــ
والله يا ضرس حكوتك مع الدكتور والكوره جات في وقت انا بعاني من نفس المشكله الجماعه هنا عاملين دوره رمضانيه قدرما حاولت اليوم الاول والتاني والتالت ابت وحياتك بس ما مشيت دكتور لحدي هسع بناضل وشابك ليك الجماعه والله انا كنت بلعب في نادي العامل الجبل وانا كنت وانا كنت غايتو لحدي الان محترمني بلعبوني شويه بقطع بقعدوني بره. ...
والله كويس يا ود راشد قدرت مرقت لينا ود الجاك نحن هنا جمبو ما قاعدين نشوفو

ودكرار شايفك بتزازي ببعيد بعيد ...انت موضوع شكري انشاء الله ما نسيتو

ود عكود يا حبوب الله اديك الصحه والعافيه...
تحياتي
مهدي شلكاوي

صباح الخير ود شلكاوي ..والله مبسوطين بالطلة الحلوة دي ورغم حرارة الجو قدرت تظهر ...وكمان شايفك متقل في الانجليزي ..المشكلة ياود شلكاوي مافي الناس الماعندهم زمن عشان يعبو تلكم الجرة (البرطمان) المشكلة في الناس الضايعة منهم الجرة دي....ماجديد علي ود الاستاذ الفلسفة وليست هي ثوب جديد عليه...فقط تكمن الفرة في توظيف الزمن فيكون هناك مساحة لكل رائع حتي البنبرة علي فنجان قهوة...طبعا ود الجاك بالمناسبة موجود بس كان علي مقاعد المتفرجين وحقيقي انا انبسطت لما شفتو ظهر بالقوة دي واكيد دي بداية المشاركات وليست اخرها وبالله ياود الجالك جيب بقيت الشباب .....بالمناسة ياود شلكاوي امجد بالمدينة المنورة معانا ولكن حتي اللحظة ما اتقابلنا انشاء الله لما نتقابل نديك الجديد...
.........................
.................
وين العزيز شكري ...والله الحكاوي مع شكري لا نهاية لها لكن علي فنجان قهوة اظنها صعبة بس اكيد هو والله انسان الله لا جاب يوم شكرو ...
تحياتي له ...
طبعا عشان الواحد مايصل مرحلتك انت وضرس مع الكورة نحن من الاول اخترنا مقاعد المتفرجين ....

سلام يا شباب ... الدخول معاكم جميل جدا والاجمل الواحد يكون من مقاعد المتفرجين حتي لا يفوتنا حدث .. خصوصا بعد الظهور القوي لعزيزنا الغالي ضرس .. يا ود راشد انشاء الله نتلاقي قريبا في المدينة المنورة ويا ود الاستاذ رمضان انتهي وما ظهرت

mhmdaljamal كتب: سلام للكل
القهوة مشغولة وسيدها ما داير يعرفنا بضيوفو وشغالين ون تو ثري وامكن فور حيظهر قريبا واخونا ود كرار شايت ليهو اوف سايد في جهة ود عكود والحمد لله علي كل حال
وما امر ابو صبا ببعيد
سلام تاني للكل وسلام مليون للاخوة الذين اجتمعوا في نادي الزوارق وودام التواصل.
ويا خالد فعلا ده من اروع البوستات في هذا المنتدي فهو يحكي تواصل وترابط جميل المعاني وانشاءالله الاختفوا يبينوا ويظهروا..........وقول للزمان ارجع يا زمان .

هذا كلام عزيزنا الجمل ووالله ليك الف حق وان كانت حرارة اللقيا وظهور محمد سليمان الشهير ب ضرس كما هو واضح بعد دهر من الزمان لم تعط المتداخلين وقفة سلام وان كنت احسب انها اتية ،،لكن حقك علينا على كل،،،
فى تقديرى الزخم الذى يضيفه كل القادمين الجدد انما دليل حياة واشارة لعافية المنتدى وحيوية التواصل ،،،والرغبة الشديدة لكباية قهوة مع ناس زمن جميل تشمل كل العابرين من بوابات المنتدى،،
عليه ضرسٌ هذا كان من رموز اكاديمية اسكندرية فى اول التمانينات- قول نصها -وتخرج من قسم الراديو ومن حينها فى الامارات ،، فى ذات سكن تشارك فى تلك الفترة مع راشد وود كرار وكنا هناك انا ومهدى وكا ن هناك بدرالدين الجاك الحاضر خطفا وعمر موسى الذى ما فتأ اسمه يتردد كما تلاحظ وكتيرين اخر- حينها كانت اسكندرية - وكأنها عائلة واحدة وكانت مساكن القوم وكأن لا شئ يفرقها
وكأن ايمن ابو الشعر عنانا حين قال
بباب من تدق سيفتح الوطن
واترك باقى الحكى لاسيادو
فللتسمية ضرس حديث ،،اما الكوره فما ادراك ما الكورة رغم نهايات الابطال

ويتواصل الحكى ويا ضرس ما تدّينا صورة،،ضرورى تكون من زمن السباحة ده

بدرالدين مبارك الجاك كتب:سلام يا شباب ... الدخول معاكم جميل جدا والاجمل الواحد يكون من مقاعد المتفرجين حتي لا يفوتنا حدث .. خصوصا بعد الظهور القوي لعزيزنا الغالي ضرس .. يا ود راشد انشاء الله نتلاقي قريبا في المدينة المنورة ويا ود الاستاذ رمضان انتهي وما ظهرت

بدرالدين ،،،ياخوى انتو شغالين بى توقيت وين ؟؟؟انت ما سامع العضم والركب
لك الف شوق ونلتقى حين ينتهى جد جد ،ان شاء الله ،،خليك قريب
بس ما نجى بى جاى نلقاك مرقتها فى المدينة