شخبط شخابيط لخبط لخابيط..غايتو جنس غايتو

يا خلدي ما تاخدني علي اد عقلي....
دي ما المداخلة التي اعنيها....انا كتبت عن ست الدوكة واللي عملتو...
اكان وديت البوست الخور لا حرج...
معزتي وشكرا علي الرد
عبدوس

مات اليوم يا سادتي..ليو ارم استرونق...ما علاقتنا نحن في هذا المنتدي...كان اول من هبط علي سطح القمر....
يوما لن انساه....كنت مبحرا علي طهر الهالكة براتستفو...M/V BRATISTVO
كانت مبحرة يا سادتي من ميناء رييكا الكرواتي في طريقها الي تونس ..ليبيا والجزايير..
كان ذلك في صيف العام 69 والباخرة تشق طريقها تاركة جبال ايطاليا من خلفها وامامها مدخل خليج مسيينا الذي يفصل جزيرة صقلية عن الارض الام- ايطاليا-...
في امسية ذلك اليوم الذي نزل فيه ارمسترونج علي سطح القمر...خرجت من كابينتي..الي السطح...ساقتني قدماي الي مؤخرة الباخرة....هناك وجدته واقفا -يا سادتي-حزينا تكاد تترقرق الدموع من عينيه...مستر راحمان..انت كنت شاهدا علي كل شي..قل لي هل انا مخطي..قلها...وساحترم رايك..ولكن اعتقد باني لم اخطي يا مستر راحمان...
من الموكد انه سيتم انزالي من الباخرة وسافقد عملي كبيرا للطباخين وقد لا يسمح لي باالابحار ثانية..القبطان هو القبطان..
.......نواصل ابقوا معنا..
عبد الرحمن

في ذلك الصباح المشرق..صيف العام 69- يا ود عكود..- كنت ضابطا تحت التدريب في براتستفو...حتة كديت ليس الا....في الصباح الباكر لاحطنا حركة غير عادية.....الكهربايي يقفز الي السطح..ويعود حاملا التوكو والكي..يتحدث مع المهندس الثالث..
القبطان في كامل هندامه..بكل الشرايط...التي يحملها علي كتفيه...
قلت في سري امكن .. ان عبور المضيق يتطلب ذلك...كم كنت ساذجا...القبطان -كما ذكر لنا لاحقا -كان يعتقد ان هذه نهاية العالم...
سمعت الهمسات..... اليوم سينزل اول انسان علي سطح القمر....هذه نهاية الدنيا..
شفتو القبطان لبس احسن ما لديه...تعليقات..وكلامات...وا وا
دلفنا الي صالون الباخرة.. وزن الكهربايي التلفزيون...طلب القبطان من الضابط الاول ان يصعد الي البردج ويحاول بقدر الامكان ان يعطل عبور الممر حتي لا نفقد الارسال...
وفي حوالي السابعة والنصف هبطت المركبة ابولو ومن علي طهرها هبط ارمسترونج علي سطح القمر...
لحطات يا سادتي لا اعرف كيف اصفها..ما علينا كلكم شاهدتموها...طبعا.. ما تعملوا لي صغنويين...والله حتي ما ولدونا..
نواصل
معزتي
عبدوس

سبحان الله .....
جدى ماكان مصدق انو فى أنسان قدر يصل القمر وكان بيحكى لينا بالقصه دى وكنا بنتخيله ذى طوفان نوح وكده....
وانت ياعمنا اقصد ياجدنا عبدوس حضرتها وكمان فى التلفزيون وعل ظهر سفينة....

غايتو نشوف راى عمنا الرشيد شنو....

والله يا كابتن عمري كلو ما قايلك قدر ده ما ظاهر فيك الكبر ما شاء الله ..انا بتذكرك اول ما جيت سودانلاين كنت صغير الكبرك كده شنو فجاتن.

غايتو هذا ما قاله احبابنا ودكرار والجمل ولم اقله أنا والله . أنا غايتو ارمسترونج دا سمعت بىهو قرىب . تراهو طلع دفعة عبدوس وكدا . غايتو جنس غايتو ..

الرشيد شمس الدين

ود كرار كتب:سبحان الله .....
جدى ماكان مصدق انو فى أنسان قدر يصل القمر وكان بيحكى لينا بالقصه دى وكنا بنتخيله ذى طوفان نوح وكده....
.

جدك يا ود كرار الظاهر عليه كان مثقف و مطلع علي اخبار العالم.

غايتو بصراحة الوكت داك انا كنت في الاولية و لمن قلت لجدي انو الامريكان طلعوا القمر اتناول عكازو من تحت السرير و لحقني خبطة في الضهر قبل ما يمرقني كرعيني.


تحياتي للجميع و كل عام و الجميع بخير.

اواصل حكاية كبير الطباخين والقبطان - كابتن هيس- قبطان الباخرة براتستفو... وموضوع ارمسترونق...اول من خطا علي سطح القمر...
ولكن قبل ان اواصل اقول لي ود كرار وود عكود والجمل وحمادة..وطبعا الانتهازي رشدي اللي ما صدق انكم انفتحتم وجاءته تعليقاتكم بردا وسلاما..فما قصر تم الناقصة وطلعني دفعة الهالك ارمسترونج......
يا سادتي
باين عليكم
صدقتوا اني كنت في البحر لمن اول انسان نزل علي سطح القمر...مقلب وشربتوه..... بس معقول اكون مبحرا عام 69..انا في عام 69 لم يسقط راسي بعد ولم تر عيناي حتي الشمس دعكم من القمر....
كابتن احمد قال كان في الاولية..وود كرار بحكي مع جدو..واكيد رشدي كان في الجامعة..الوحيد اللي احترم سنو عم الجمل....ده انتو طلعتو عجايز بشكل...
القصه انا سمعتها من احد الكباتن القدام..وحاولت ان ارويها بمناسبة وفاة مستر ارمسترونق ليس الا..
ما علينا..نواصل كما روي لي القبطان..

في ذلك الصباح تجمعنا في صالون الباخرة...وبعد ان استمتعنا- وشاهدنا في البث الماشر اول خطوات ارمسترنج ومركبته.. كانت الساعة قد جاوزت التاسعة بقليل ..نهض القبطان هيس- وهذا هو اسمه- كما روي لي محدثي...وفرك كلتا يديه في نشوه..وقال الان دعونا نذهب لنستمتع بافطار شهي...
تابعناه ودلفنا جميعا الي صالون الطعام واخذ كل منا مكانه المعتاد...
نواصل......

نكمل الحكاية لاني ساطفش اسبوعا كاملا........

لحطات واتي ريس السفرجية وهمس في اذن القبطان بكلمات لم يتسني لنا سماعها..ولكن رويدا رويدا..تعالت اصوات القبطان....
ما فهمناه- كما ذكر لي محدثي..ان ريس الطباخين رفض تقديم الافطار بحجة ان وقت الافطار ينتهي في الثامنه والنصف الا اذا كان هناك استاند باي او عمل او ضيوف وذلك حسب تعليمات القبطان نفسه ولوايح الشركة...
خرجنا او افضل ان اقول انسحبنا و تخارجنا في صمت وذهب كل منا لشانه....
دار الهمس في ارجاء الباخره وانتشر خبر رفض كبير الطباخين تقديم الافطار للقبطان..وتوالت التعليقات بين مؤيد لكبير الطباخين ومؤيد للقبطان..وكما تعلمون البحر والماء موصل جيد للشمار..سرعان ما علمت كل بواخر الشركة بالخبر عن طريق الماركونية...
قال لي كبير الطباخين في ذلك المساء.. وهو يستند علي سياج مؤخرة الباخرة......قطعا سيتم انزالي فور وصول الباخرة رييكا... ولا ادري هل ساجد قبطانا اخر يقبل بي...القبطان قال انه لن يعاقبني ولكن طلب من ادارة شيؤن العاملين ان يجهزوا بديلا لي فور وصول الباخرة الي رييكا...................
ومضت لحطات صمت..من جانبينا...
انت ما رايك يا مستر رحمان...وهذا اسم مستعار للقبطان الذي روي لي الحدث....كما حدث..قل لي انت ما رايك...ادليت برايي...ولكن..
ساحتفط برايي واتمني ان اسمع رايكم...من منهما كان علي حق..
ما اعلمه والحديث للقبطان الراوي... والذي طلب مني ان اروي ما حدث علي لسانه قايلا لي......
ان ما حدث كان اول درس لي في عالم البحر... تعلمت منه
انك ان ارددت اصدار بعض التعليمات..دايما حاول ان تترك من بين سطورها فجوة صغيرة تسمح لك ان من خلالها تجد مخرجا ..ان دعي الحال........الا فحاول ان تكون اول من يحترم تعليماته ولو علي حساب نفسك...
ودمتم اعمامي الاعزاء وليدم ما بيننا..كما يقول جدنا رشدي...
....عبدوس.

الاخ كابتن رحمان ..
طبعا الناس هسع بعدت من البحر وقعدت في المكاتب وقلوبها رهفت لكن برضو جنب البحر ..وحسب علمي زى ما علمتونا انتو وقلتو لينا سيد الذبده لو قال ليكم اشوها.اشوها فمن هذا المنطلق اري ان السيد ريئس الطباخين غلتان (الطاء ما لاقيها) ويجب انزاله فورا ليكون عبرة لمن يخالف امر القبطان
وبرضو لا مانع انو القبطان يتراجع عن قرارو بعد تدخل الاجاويد(الشيف انجنير والماركوني) مثلا.
بس بعد ما يحنسوهو شديد ويمشو لرئيس الطباخين ويفهموهو ان المشكله خلاص هم حلوها بس امشي وقع علي التعهد المع الكابتن واعتذر ليهو
هنا المشكلة اتحلت ويتبقي موضوع التقرير وده برضو حسب مزاج الكابتن اليوم داك
لاحظ الماركوني عشان قريب من الكابتن بكون احد الاجاويد في الغالب الاعم
ولا رايكم شنو.......

mhmdaljamal كتب:
والله يا كابتن عمري كلو ما قايلك قدر ده ما ظاهر فيك الكبر ما شاء الله ..انا بتذكرك اول ما جيت سودانلاين كنت صغير الكبرك كده شنو فجاتن.

كابتن عبدالرحمن كدى قبل ما أدلى بالراى فى مشكلة كبير الطباخين والاطاعة العمياء لتعليمات القبطان ،انا المحيرنى انو اخونا الجمل قال حاضرك اول ماجيت سودان لاين وانو بتذكرك لما كنت صغير !!!!!!!
ودام التواصل
عاطف عكود

الاخ عبد الرحمن طبعا اخونا عاطف القوز يمتاز بتمريراته الرائعة واهدافه المميزه ..فما تفوت عليك
قبل هذا ارجو افادتنا بالراي في صديقنا رئيس الطباخين

خلدي التفاحة...انت قاعد تعمل سنة والا شنو..رمضان ولي...
بوستات تروح...

سلامات يا كابيتانو و الاخوة الاعزاء.

العارفو يا كابتان انو القبطان اليوغوسلافي ممكن يخسر اي زول في الباخرة الا الطباخ.

تسافر و تعود بالسلامة مع تحياتي للجميع.

اعود من بوست الكبير، لما لايغيب عن فطنة القارئ، بلغة الجرايد
هذه مداخلة عبدوس الاكبر

عبد الرحمن الزين2 كتب:
العزيز....ابدا خالد...او ما اخترت ان اسميه خلدي التفاحه..علي وزن خلدي البرتكانه..
انا عندما التحقت بهذا المنتدي بدعوة كريمة من اخي وحبيبي الباشهمندس الرشييد..قال لي في هذا المنتدي يا ابدوس..افتح قلبك..اكتب ماتريد...
..وفعلت... ولكن اخيرا لاحطت...ان هناك من له راي فيما اكتب...
معذرة...اعتذر اليكم جميعا..............والدمعة في عيني..كم كنت اتمني ان يكون هذا المنتدي من يجمع شملنا...
قيل لي اذهب الي الخاص لم ادر ما ذا هو الخاص..لدهشتي وجدت رسالة من العزيز ود كرار وصلته من العزيز ود عطية .لم اطلع عليها الا الليلة..
اذهبوا احبتي الي الخاص او العام ولكن اقول اكم وفي القلب حسسرة...
استمتعت بوجودي بكم .وداعا.. والي لقاء..
عبدوس

ورشيدنا كتب انو القصة فيها كاميرا خفية،،،، يبدو لى ذلك
وافتى كركب فى بساطة رائعة
وتهاتفنا عبر قارات تلات
واعدت قراية كلام عبدوس رغم يقينى ان الود يملأ القلوب، فتأكد لى انو انا بره الزعلة دى
الانا فهمتو، انو عبدوس مشى الخاص.......
لقى شنو /// I HAVE NO IDEA
عشمى كما عشم كتيرين ان تظل هنا لاسباب كتيرة جدا، اتوقع تلقى رسالتى التلفونية وبيننا حديث قريب إن شاء الله

________
رغم يقينى انو نقل موضوع رد الدين لسودانلاين للخاص لا علاقة له لكن توضيح واجب
*رجاء العودة لمداخلة الرشيد فقد اوفى فى وصف رفع الحرج عن المدير الجديد
* لعلى ابدأ من صندوق الشرق، لك ان تتخيل انو هكذا اقتراح موجود فى سهلة قوووقل دى،، تصور لو احد المفروض انو من منتفعى هذا الصندوق وقرأ هذا الكلام،، والله لاظننه يجهز العدة والعتاد بحجة انو ناس سودانلاين جايين يشيلو قروشكم
* بنفس المنطق تم اقتراح شئ ما،، واخد به المدير الزميل،، لقام من لايعجبه الكلام،،وعارض بحجة انو ده كلام جاى من برة او من ناس بعيدين
*
لك ان تتصور لو فى اقتراح بانو يشيل زول بعينو او ادارة باكملها،،،هل يمكن كتابة مثل هذا فى العام؟؟؟
والامثلة عديدة،،
واعيد تكرار يقينى الذى لاشك فيه انو انو موضوع خاص وعام ده لا علاقة له بمداخلة عبدوس، فهو استاذنا فى فن الكتابة ونتقازم نحن فى حضرة خبراته فى امر الخصوصى والعمومى
ونواصل ،،،فى انتظار عودة كبير المنتدى

كسرة///
مراحب النتو وين يا رجّال

كسرة2 ذات صلة/////

منو ود عطية ده؟؟؟؟
الجابو شنو ووصل هنا كيف؟
ابدوس ابقى داخل
قال قيس عن حب ليلى،،،أنّه قد ثُبّت فيه كما ثبتت بالراحتين الأصابع
اها الراحتين ياهن المنتدى ده والاصابع ياهن ضربات الكى بورد ،،، ده وداك وديلك والبى غادى،، صرنا واحدا فى زمن الاسفير هذا لان الماء المالح موصل جيد للمودة ايضا
تحياتى ومعزتى
ما بعد الكسرات||||
كل ما هو بالاخضر كان صحيحا ويظل صحيحا بإذن الله

لقد كفيت واوفيت والله حبيبنا خالد وانا لم يساورنى البتة اى شك انك لايمكن ان تكون سببا فى بعد اى منا من المنتدى لأنك من وضعت بذرته ولا يمكن ان تشارك فى خراب زرع يديك .. أنا وكما ذكرت سابقا لدى ارتيكاريا حقيقية من المنتدى الخاص لست أدرى لذلك سببا ولكن هادا الله وهادى حكمتو ، حساسية لله كدا رغم اقتناعى بنبل المقصد الذى عناه خالد.. ولانى اعلم يقينا توارد الخواطر الكثير بين عبدوس وبينى فقد حسبت ان له نفس الحساسية وقد اكون مخطئا .............. على كل اعتقد ان وقت الكاميرا الخفية يجب ان يكون قد انتهى ولذلك نحن جميعنا فى انتظار كبير المنتدى عبدوس على جناح السرعة حتى لو كان فى مجاهل افريقيا ولا يوجد نت لكن نرجو ان نراه وسريعا ....

الرشيد شمس الدين

هذا المشترك لايمكن الوصول اليه
الرجاء ترك رسالة بعد العيـــــــــــــــــــــــــك!
هذه الحالة بتحصل لما عبدوس الاكبر يمرقا بى افريقية
وبمناسبة العيك والعوك،،، كان احد اعمدة المنتدى حبيبنا عاطف عكود قبل مدّة قد توقف مؤقتا عن المشاركات فخاطبناه بهذا

عــوك عاطف عـكود


ع-ع-ع
يا هادراً بالعوكِ حيناً، أتتك العوكُ اليوم تسعى
أملاً عشماً أن تلقْ منك آذاناً تصغى
وما عن كيانٍ أنت بانيه، تنأى
حب الناس فيك طبعُ فمن غيرك لهذا الغرس يرعى
___________________
تشتاقك السطور وحنينها لكل غائبٍ من ذوى القربى
العوك منك والعوك فيــكَ
عينٌ. واوُ. كافُ. والدال مضافةٌ كالدلال حبّا
أو قل شهيدةٌ فى محراب الإخاء قربى
ديمومة التواصل لك وردٌ وما لعابد مثلك أن يترك الوردا
منتدانا، ماضينا حاضرنا وغدا

وحسع، نجتهد فى رص بعض كلمات،، على نفس المنوال
لقبطانا الاكبر، عـوك عـبدالرحمن الزين



ع،ع،أ

عين عين ألف
عاد نبحر كيف بدون ربّانّا المحترف
كيف يكون الحال إن كبير البيت قام مٌنصرف
واحداً نكون حتى حين نختلف
أبقى داخل آكبيرنا واستاذنا فى فن الولف
منتدانا مربطنا، يجدلنا بدل الحبل بى حب الحرف
لا السحاب بسيب المطر،لا الكمان بيغادرو الوتر مهما كان الظرف







ولانى مصر ان هذا يشبه الشعر وما هو بالشعر
فادعو شعراء المنتدى، ان شافو انو من الممكن اضافة بعض ابيات اكن من الشاكرين
الشعراء،، الرشيد، كمال الخواض، حيدر عليش، ود فراج،مهدى، عكود، آلاء، الفاتح ماسورة
والدعوة مفتوحة بصدق للكل،،، حتى ابدوس ذاتو ممكن يضيف ما يشاء
--------------

و نحن معك يا خالد في انتظار كبير المنتدي ...

خالد عبدالحميد كتب:

عـوك عـبدالرحمن الزين



ع،ع،أ

عين عين ألف
عاد نبحر كيف بدون ربّانّا المحترف
كيف يكون الحال إن كبير البيت قام مٌنصرف
واحداً نكون حتى حين نختلف
أبقى داخل آكبيرنا واستاذنا فى فن الولف
منتدانا مربطنا، يجدلنا بدل الحبل بى حب الحرف

ما شاء الله يا خالد .... كلام من الدواخل ...........

انشاء الله سنضيفك الي قائمة الشعراء في البوست القادم و الذي سيكون بعنوان (مواهب بحرية)

مع تحياتي للعيال وكل الاخوة بالامريكيتين.

احمد محمد احمد كتب:


و نحن معك يا خالد في انتظار كبير المنتدي .


ما شاء الله يا خالد .... كلام من الدواخل ...........

انشاء الله سنضيفك الي قائمة الشعراء في البوست القادم و الذي سيكون بعنوان (مواهب بحرية)

مع تحياتي للعيال وكل الاخوة بالامريكيتين.

لا والله يابوحميد، اهى شخبطات فيما يشبه الشعر
شاكر مرورك الانيق وفى انتظار الاضافات المطلوبة، لتجعله شعرا
عموما منى هذا الصباح بيت زيادة لتصبح المناشدة

عـوك عـبدالرحمن الزين

ع،ع،أ

عين عين ألف
عاد نبحر كيف بدون ربّانّا المحترف
كيف يكون الحال إن كبير البيت قام مٌنصرف
واحداً نكون حتى حين نختلف
أبقى داخل آكبيرنا واستاذنا فى فن الولف
منتدانا مربطنا، يجدلنا بدل الحبل بى حب الحرف

لا السحاب بسيب المطر،لا الكمان بيغادرو الوتر مهما كان الظرف

سلامات ياخالد

بصراحة انا ما بفهم في الشعر بتاتا وزيادة علي كدة عندي مشكلة مع اللغات خاصة اللغة العربية بنحوها و اعرابها و شعرها(بالكسرة علي الشين) طويله و قصيره ....... الخ لكن قريت قبل كدة القول ( اعذب الشعر اصدقه) او شيئ من هذا القبيل. أذن انت بالنسبة لي مصنف كشاعر نسبة لصدق شعرك و الذي لا تبتغي من وراءه منحة او رضي من امير او اي شخص اخر وبالتالي حجزت مكانك مع الشعراء في البوست المعني.

مع اطيب التحيات لك و للجميع

下 以 到 们 你 国 来 中 大 有 他

breaking news

حصريا...

عبدوس الاكبر يعود لصفحات المنتدى حال عودته من إفريقية
نهاية سبتمبر الجارى إن شاء الله ......

خشمك فيهو اللبن حبيبنا خالد ود الاستاذ ... نحن سعداء بهذه الاخبار الطيبة وكذلك نرجو من الجميع الالتزام بميثاق شرف يجعل مقاطعة الاعضاء للمنتدى محرما تماماً مهما كانت الأسباب ... نحن فى انتظار عبدوس بعد عودته من مجاهل افريقيا ... نشكرك للتطمين كما هى العادة عزيزنا ابو صبا ..

الرشيد شمس الدين

تلقيت قبل لحظات مكالمة طيبة من حبيبنا عبدوس وهو فى السودان وسي غادر مساء الغد الى بلجيكا والتى من المتوقع ان يصلها بالجمعة ... كتب الله له السلامة وقد وعد بمواصلة الإرسال بمجرد وصوله ... وكل ذلك بفضل اجتهادات و مجاهدات حبيبنا خالد ود الاستاذ تكون الكاميرا الخفية قد انتهت ويعود كبير المنتدى الى قواعده سالما فمرحبا به الف مرحب ولود الاستاذ وافر الثناء ....

الرشيد شمس الدين

احبابي...وعاد عبدوس..يقبل الايادي..اعتذر..اعتذر واعتذر لاني حرمت وعاقبت نفسي بالبعد عنكم...اعاهدكم الا افعلها ثانية...
كم كنت غبيا عندما تصورت بانه بامكاني ان ابتعد عنكم....
الشكر لكم جميعا..ولكم العتبي..
اشكر كل من هاتف وسال وتساْْل...
اشكر كل من فكر وحاول ان يعرف لماذا وكيف ولم...
اؤكد لكم جميعا ....سحابة صيف اتت في ليل مطلم تكالبت فيه مشاكل من عدة اطراف لا دخل لكم بها احبابي- رواد المنتدي-..وفي لحطة ضعف كان ما كان..
خلدي التفاحة..لك حبي ...مودتي واحترامي..انت كبيرنا بحق ..نرفع لك القبعة احتراما تقديرا واجلالا...ود عكود..رسالتك كان لها وقع ابكاني..ود كرار الغالي..لك شكري ممزوجا بحبي..رشدي..مش حاقول..حمادة ..عصملي ..الجمل.. ..شرحو.. احمد كنت اتمني ان القاك..ولم اك اعلم انك تركت البحرية...الجميع الجميع..والله اشتقت اليكم..وكما اكرر ساعود لاهريكم..اسعدني كثيرا انني قابلت كابتن مصطفي..المدير العام..تحدثنا كثيرا..وجدت انه يملك كل حماس الدنيا ليعيدها سيرتها الاولي..كم فرحت وانا استمع اليه..سعدت بلقاء حبيب روحي محمد صالح..ساعود بالتفصيل ...
احر التعازي لكل من فقد عزيزا..
واواصل...
عبدوس الشهير ب عبد الرحمن الزين

سلامات يا كابيتانو وحمدا لله علي السلامة ....