شخبط شخابيط لخبط لخابيط..غايتو جنس غايتو

في القولد التقيت بالصديق......ياله من فاضل صديقي.....
يا ربي انا سمعت الكلام ده وين...

فى القولد التقيت بالصديـق
أنعم به من فاضل ، صديقى
خرجت أمشى معه للساقية
ويا لها من ذكريات باقيــة
فكم أكلت معــه الكابيدا
وكــم سمعت اورو والودا
***
ودعته والأهل والعشيرة
ثم قصدت من هناك ريره
نزلتها والقرشى مضيفى
وكان ذاك فى أوان الصيف
وجدته يسقى جموع الإبل
من ماء بئر جره بالعجـل
***
ومن هناك قمت للجفيـل
ذات الهشاب النضر الجميل
وكان سفري وقت الحصاد
فســرت مع رفيقى للبــلاد
ومر بي فيها سليمان على
مختلف المحصول بالحب إمتلا
ومرةً بارحت دار اهـلى
لكي أزور صاحبى ابن الفضل
ألفيته وأهله قد رحلـوا
من كيلك وفى الفضـاء نزلوا
فى بقعة تسمى بابنوسـة
حيث اتقوا ذبابة تعيســــة
***
ما زلت فى رحلاتى السعيدة
حتى وصلت يا مبيو البعيدة
منطقة غزيرة الاشجــار
لما بها من كثرة الأمطــار
قدم لى منقو طعــم البفره
وهو لذيذ كطعام الكســـره
***
وبعدها استمــر بى رحيلى
حتى نزلت فى محمد قـــول
وجدت فيها صاحبي حاج طاهر
وهو فتى بفن الصيد ماهـــر
ذهبت معه مرةً للبحـــــر
وذقت ماء لا كماء النهــــر
***
رحلــت من قول لودْ سلفاب
لألتقى بسابع الأصحــــاب
وصلته والقطن فى الحقل نضر
يروى من الخزان لا من المطر
أعجبنى من أحمد التفكيـــر
فى كــــل ما يقوله الخبيرُ
***
ولست أنسى بلدة أم درمــان
وما بها من كثرة السكـــان
إذا مرّ بي إدريس فى المدينة
ويا لها من فرصـــة ثمينة
شاهدت أكداساً من البضائــع
وزمراً من مشتر وبــــائعْ
***
وآخر الرحلات كانت أتبره
حيث ركبت من هناك القاطره
سرت بها فى سفر سعيد
وكان سائقى عبد الحميـــد
أُعجبت من تنفيذه الأوامر
بدقة ليسلم المســـــافر
***
كل له فى عيشه طريقـة
ما كنت عنها أعرف الحقيقـة
ولا أشك أن فى بــلادى
ما يستحق الدرس باجتهـــاد
فإبشر إذن يا وطني المفدي
بالسعي مني كــي تنال المجدا

أخوى خالد بالله انت من زمن الكابيدا....
ومن زمن(سبل كسب العيش فى السودان)....

كتب عبد الرحمن على طه مع آخرين فى بخت الرضا كتاباً عن الجغرافيا ليدرس فىالسنة الثالثة سمي ( سبل كسب العيش فى السودان ) وموضوعه زيارات حقيقية قام بهانفر من أساتذة بخت الرضا الى مناطق شملت شمال وجنوب وشرق وغرب البلاد . وقد قامبهذه الرحلات الاستاتذة : مكى عباس والنور ابراهيم والشيخ مصطفى وعبد العزيز عمرالأمين وعبد الحليم جميل واحمد ابراهيم فزع وعبد الرحمن على طه وعثمان محجوب ومسترو مسز سمث وسر الختم الخليفة . وكان اسهام عبد الرحمن على طه الإضافى الى الكتابأنشودة حلوه لخصت الرحلات التى تمت وظل التلاميذ فى المدارس يرددونها لعقود منالزمان . يعلق الأستاذ المرحوم الفكى عبد الرحمن على هذه الأنشودة بقوله ( إن عبدالرحمن على طه ممثل وكاتب مسرحي أدخل الجغرافيا باب الأدب
والمعروف أن العم صديق عبد الرحيم صديقنا فىالقولد الذى اكلنا معه الكابيده وأسمعنا كلمات طيبه من رطانه اهله والذى توفىبالولايات المتحدة عام 1998 بعد ان هجر السودان وأستقر هناك.
فى خاتمة هذاالنقل لا أجد ما أقدم به أنشودة الزمن الجميل سوى كلمات الاستاذ مكي أبو قرجهالتى يقول فيها :- ظلت حناجر الأطفال الغضة لأكثر من خمسين عاماً تردد نشيداًشجياً فى كل المدن والقرى والبوادى السودانية بحماس وغبطة وحبور فى آخر كل حصةللجغرافيا فى السنة الثالثة الابتدائية ... كان هذا النشيد الذى شد نياط القلوببأوتار لا ترتخي بكل بقاع الوطن من القولد حتى يامبيو ومن محمد قول حتى بابنوسةوفعل فى النفوس فعل السحر . ولا يزال يتوهج فينا نحن الكبار بعد مرور عشرات السنينويبعث حنيناً وروحاً وطنية متأججة فى كل الأجيال .

شكراً على الترحاب .. الاب عبد الرحمن، ربنا يديك الصحة ويلا وتعال يلا على الخطوط البحرية ..

الاخ خالد .. النور بوجودكم جميعاً وكم يعجبنى أنا اقرأ شريطكم العامر دوماً وكثرة الرواد لهذا المنتدى الحنين .

تسلم اخى مهدى .. أنا البتذكرو كانت هنالك انواع من الطيور .. هسه على قولك ما شايفاها .. هاجرت كما هاجر الناس .. سودانا طارد يا كافى البلا حتى الطيور .. هوى انا ذاتي قريت سليمة بائعة اللبن ، وطه القرشي .. مريم الشجاعة ، وتعالوا فى القولد دى ما هسة الناس بتقراها ولا قصدك لما كتبوها ..
وقول للزمان ارجع يا زمان على قول كوكب الشرق لأن الجديد غير مفيد ولا مثير ولذلك انادى بالكابيدا بديلاً للبيتزا ..

تلك ازمان مرت على السودان لم تتكرر ولن .

مرحبا بك ألف مرحبا غاليتنا آلاء بعد طول غياب .. المنتدى منوّر بوجودك طبعا قطعا ولكنا نرجو أن يتواصل الإرسال دونما إنقطاع ..... ويمتد السؤال أيضا عن حبيبنا أسامة معاوية الغائب رغم الوعود وهل مايزال برد بلجيكا يعطّل الإرسال من طرفه ... لكم التحايا وليدم أبدا مابيننا ...

الرشيد شمس الدين

الاعزاء جميعا..
اتمني من القلب ان يدوام هذا المنتدي الرسالة التي دارت في خيال القائمين عليه...
ان يصبح لنا دارا ومنتفسا..تسعدني مشاراكتم جميعا واجد فيها نفسي واسعد بذلك كثيرا..
تمر بي كثيرا مواقف طريفه اتمني لو اشرككم بها ولكن لعن الله ضيق الوقت وزحمة العمل....وووووووو الزهايمر الذي اصابني وصديقي الكاشف...ولا ابرئ نفسي...
احكي لكم ما حدث لي الاسبوع الماضي واترك الحكم لكم وساعلق لاحقا...
..بعد الذي حدث لي والاحراج الذي تعرضت له.. لا مناص من ان اعترف بان الزهايمر قد تمكن مني تماما..

رواد المنتدي الكرام....سلام
انا كنت عايز اقول شنو..اي اتذكرته..
تخريمه صغنونة..
شكي مريض الزهايمر للدكتور ان حالة النسيان تسبب له ازعاجا..ساله الدكتور ومنذ متي انت تشعر بهذه الحالة؟؟؟؟ اجاب المريض..
ياتو حاله يا دكتور....
ما علينا اتذكرته..
طلب مني صديق عزيز- لا استطيع ان ارد له طلبا قبل اكثر من شهر- ....يطلب مني ان ارافقه الي تنزانيا لانه علي وشك التوقيع علي مشروع كبير ..ولا بد من الجلوس مع الوزارة لمناقشة تفاصيل ترحيل اكثر من مليون طن متري بحرا وجوا..ويحتاجني جدا. بل يعتمد علي اعتمادا كليا في هذا المجال.. القيت نظرة سريعة علي مفكرتي وانا علي عجلة من امري.. وقلت له ممكن من29 فبرائر الي 2 مارس...
اتفق معهم وحددوا الموعد...
حجز لي ولنفسه علي الخطوط السويسرية
انا كنت عاوز اقول شنو..اي اتذكرته..في اليوم الموعود..تكرمت ابنته بتوصيلنا الي المطار...قمنا باكمال اجراءت السفر في اقل من دقيقة لانه ليس لدينا عفش...اقترحت الابنه ان ننزل الي الكوفي شوب في صالة القدوم في الطابق الارضي.. لانه لا زال لدنيا اكثر من ساعة حتي قيام الطائرة...
وانا داخل برفقة صديقي وابنته الي الكوفي شوب في صالة القدوم... اذا بي اسمع واري شخصا يهتف باسمي ويحضنني بشوق ومودة وعنف...
قال لي...
كنت متاكدا. انك ستاتي بنفسك لاستقبالي... ..Captain RAHMAN
هذه الايام يرسلون لك تاكسي وسواقا يحمل اسمك علي قطعة كرتون....
يا مرحبا يا مرحبا...
اهلا بيك نورت بلجيكا...قلتها انا علي استحياء وتمنيت ان تبتلعني الارض...
صديق من ادغال افريقيا..وعدته ان اعرفه بشركة كبري في مجال عمله..وافقو باسناد التوكيل له..اتفقنا علي كل شئ..تحدد اول مارس لتوقيع العقد..نسيت الموضوع...
اول مرة يصل اوروبا ولا يعرف احدا غيري.. وددت لو اقول له..معذرة انا مسافر بعد لحظات الي تنزانيا...ترددت لبعض الوقت ثم حسمت امري...
يالله لعنة الله عليك ايها الزهايمر...
لو كنتم مكاني ماذا ستفعلون..؟؟؟؟؟؟ لم يعد امامي سوي خيارين لا ثالث لهما..
اما ان الغي سفري و اوكد لهذا الافريقي البائس انني فعلا علي الموعد وانني لم انساه وحضرت لاستقباله... واعود ادراجي معه الي انتويرب و اعتذر لصديق العمر..

واما ان اعتذر لهذا الافريقي واواصل رحلتي الي تنزانيا..
وانقذ صديق العمر لان مشروعه هو صفقة العمر كما اكد لي مرارا
عفوا ..حتي اضعكم في الصورة في كلا الحالتين ليس لي صالح مادي يذكر باي صورة من الصور..
قطعا انا اتخدت قرارا صعبا وضميري لا زال يعذبني...ساعدوني لاعرف..هل تصرفت بحكمة ام بجنون..
في انتظار تعليقاتكم..
عبدوس النساي

هوّن عليك يا اخو،،ما كان ممكن ارضاء الاتنين
فى تقديرى،،، الثقافة العربية تسمى هذا/ الرمضاء والنار/ والسودانية تسميها /كده ووب وكده ووب/
وغنى مصطفى / يا كنا نبيعك! يا نسرق/
وجهة نظر،،، التنزانى غلتان،،،فى زول يجى اوروبا اول مرة وما يضرب تلفون ويعمل تاكيدات،،، والغلط الاكبر فى (النوتة/المفكرة) التى لم تستطع استيعاب الميعاد
كل هذا شخابيط
قال فرح ودتكتوك،،،حكوة لا ينجيك الا الصدق_(ولا مانع من شوية تجمل)
اى تقول للقادم،، انا جاتنى سفرة لاتحتمل التاجيل وعشان كده جيت هنا اقابلك واعتذر ليك
ساعمل ترتيبات لاقامه سعيدة لك على بال ما ارجع،،،كلها تنزانيا-فركة كعب- وتعمل تلفون لاحد افراد القبيلة بالداخل لاستلام الضيف
هذا ما كان من امر الايدو فى الموية
واشواق منسية

هههههههههههه

موقف محرج بالجد.

غايتو افضل حل هو الاقترحوا خالد انشاء الله تكون عملت بيه.

تحياتي للجميع.

ياعمنا عبدوس....
سلامات والشغلانه بسيطه,طبعا اخوانا التنزانيين ديل شغلهم ماشى بالثانية ولا يحتمل التاجيل لانك عارف دول العالم المتقدم ديل أهم حاجه عندهم الوقت, فلا بد من الالتزام بمواعيدكم معاهم, وبما انو اجتماع عمنا الكابتن رحمان ده معا شركه بلجيكيه ومتساهلين حبتيين فى موضع الوقت وكده, فممكن تطلب من بت صاحبك خدمة صغنونه بعمل جوله سياحيه لصاحبك فى انتويرب لغايت ماترجع بالسلامه والدنيا ما طايره ذى مابيقولوا اهلنا فى السودان.
كسرة: موقف لاتحسد عليه.

عبد الرحمن الزين2 كتب:
تمر بي كثيرا مواقف طريفه اتمني لو اشرككم بها ولكن لعن الله ضيق الوقت وزحمة العمل....وووووووو الزهايمر الذي اصابني وصديقي الكاشف...ولا ابرئ نفسي...
...........................................................................................
.. وقلت له ممكن من29 فبرائر الي 2 مارس...
.......................................................................................
........................تحدد اول مارس لتوقيع العقد..نسيت الموضوع...

قطعا انا اتخدت قرارا صعبا وضميري لا زال يعذبني...ساعدوني لاعرف..هل تصرفت بحكمة ام بجنون..
في انتظار تعليقاتكم..
عبدوس النساي

العزيز كابتن عبدوس النساي
قبل ان ادلو بدلوى فى المساعدة وتحديد التصرف ان كان بحكمة او جنون.. عايز احكى ليك حكايه المسطول ولا ادرى لماذا مرت بذهنى الان .....ونحن فى انتظار ما يمر بذهن صديقك الكاشف!!!!!!

قالوا واحد طالع من الجامع بعد صلاة العشاء وفى اول زقاق بعد الجامع قابل واحد مسطول لابس جلابيه وعندو دقن ,افتكروا برضوا طالع من الجامع فقام سلم عليه وقال للمسطول يا مولانا عايز اسألك .. ياخى انا لما دخلت الجامع الجماعه كانوا فايتنى بركعه ولما الامام سلم انا نسيت وسلمت معاه من غير ما اجيب الركعه وعايز اعرف اعمل شنو هسه؟
المسطول بكل برود قال ليه ... فى زول شافك ؟ الراجل قال ليه لا ...
المسطول قال ليه شتت طوالى
...................
اه الظاهر والله اعلم انك شتته طوالى (يعنى دخلت على الاسواق الحرة او الحمامات والطيارة فاتتك وكدا.... خصوصا ما معاكم اى عفش )

هو على اى حال ضميرك كان حايعذبك حايعذبك فى الحالتين .....وذى ما قال الفنان فى الحالتين انا الضايع

والمشكله كمان فبراير كلو 29 يوم بس يعنى لو كان فيه 30 او 31 كان اداك فرصه تعمل حاجة ...وادانا نحنا زاتنا فرصة نفكر ليك فى مخرج
دمت ودام التواصل
عاطف عكود

كلامو معاك اول ما قابلك وسلم عليك بالاحضان ده كلام زول مرسل ليك كم رسالة ومؤكده ليك بكم تلفون طوالي تعتذر من البلجيكي وتقول ليهو بحصلك في اول طيارة وتودي صاحبك التنزاني مكان مناسب وكده
ذكرتني قصة الخروف والذئب والقش والمركب , يخي الله يلعن الزهايمر ويقطع سنينها عذبتنا والله هي دي بتجي من شنو ؟ لكم تحياتي,

أهههههههههههههههههههههههههههههههههههههههههها ... أههههههههههههههههههههههههههههههههههههههههههها .. دا علىّ أنا ياعبدوس !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
موقف محرج شنو اللى إنت جاى تقول عليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياعبدوس ياما مرّت بيك مليون موقف أحرج من دا ألف مرّة ومرقت منها ذى الشعرة من العجين ... قال موقف محرج قال .... لا باللاهى !!!!!!!!!!!! إنت حا تقولّى ؟؟؟؟؟؟؟؟؟؟؟؟؟؟؟
الأنا متأكد منه ألف فى الميّة إنك طلّعت الإثنين غلطانين وإنك إنت الوحيد البرىء ياحبة عينى !!!!!
وأنا أرى فيما يرى الحلمان إنو الإثنين بدوا يعتذروا ليك لامن قالوا كفى ويبكوا جنس بكا يقطّع القلب لكن ماعارف إنت عذرتهم ولا لا ؟؟؟
المهم يبدو إنه فى الآخر الاثنين طلعوا ماسكين فى إيدين بعض وآخر إنسجام ومعاهم البت المفعوصة محتارة وإنت ركبت الطيارة للمغرب لقضاء إجازة فى الضحك والراحة ولتصفح المنتدى إيضا .. عبدوس أوعى تكون البت سافرت معاك المغرب !!!!!!!!!
دا أقتراحى فى القضية !!!! شنو رأيك فى وجهة نظرى دى ؟؟؟؟

الرشيد شمس الدين

والله موقف صعب يا كابتن...لكن انا متأكد في النهايه بتكون طيبت خاطر الاثنين
بطريقة ما....ما يميز مطارنا عن كل مطارات العالم موقف زي دا بكل بساطه
ممكن تضيف الضيف وترجع تلحق السفريه مع الاخر....لكم مني كل الود والتحايا
مهدي شلكاوي

دا موقف لا exit يطلعك منو ولا escape زاتا ، غايتو فى تقديرى وكما ذكر الاخوان ممكن تعتذر للأفريقى التعيس فعلاً الذى لم تصله حتى رقعة استقبال ولا تاكسي ، وتتصل بأى صديق لتهيئة المكان ... وتفوت مع صديق العمر وترجع سريع .


ورينا عملت شنو ؟ عشان الابلة ظاظات .

الااعزاء جميعا...
لكم جزيل شكري وامنتناني لمساهماتكم وردودكم التي اسعدتني وافرحتني وضحكت كما لم اضحك من قبل....الحقيقة... لا مش حاقول.. وقبل ان ارد عليكم نفر نفر..اسمحو لي ان احكي لكم..

حكيت ما حدث لصديق عزيز ويعرف عني الكثير..كارلو..استمع الي بكل حواسه..
سالته ..لو كنت مكاني ماذا ستفعل..ضحك حتي اهتز كل جسمه..قال لي نحنا عندنا مثل بقول........ فهمت ان المثل يقول اكان غلبك سدها.............
قال لي وهو يواصل الضحك..انا لو محلك افتح لصاحبك الخواجه وابيع الافريقي..واسوق البنية واقرب واول سفرية علي جزر الكناري /اسبانيا واخليهم الاتنين ملطوعين في المطار....
...طبعا انا اكيد ما عملته كده...
ساعود اليكم حتي لا اكون مملا خاصة ناس ود ابرق ما عندهم وقت...وفي زول عارف اني راجع ليهو بالتفصيل الممل..
ليدم ما بيننا باذن الله
محبتي
عبدوس النساي

والله الغلوتية دى ،،ضحكتنا احنا ذاتنا،،ما قلت ليك الايدو فى الموية،،،،،،عموما انتباهة الرشيد للبت،،البت المفعوصة هى مفتاح الحل
هى الزول الوحيد، العندو عربية فى اللحظة دى، هى الزول الوحيد الما عندو ارتباط بحجم باخرة، وهى الزول الوحيد الما مسافر(باعتبار انو مشروع المغرب ومن بعده جزر الكنارى ما حصلش) اذن هى خير من يرافق القادم البائس،، وعلى بال ما جهرة الكهارب والضو والعمارات السوامق ما تفك منو
تكون انت رجعت،،،
انتباهة الرشيد ومن بعدو كارلو للبت،،، ذكرتنى انتباهة اخرى للرشيد ايام التايوانى،،حيث استخرج الزول اللابس البنطلون الابيض- يتذكر الكانو هنا قبل سنتين تلك الصورة العجيبة(حاولت القاها لكن البوست راح منى) لكن اقترح رفع الامر للفاتح الاصلى لنرى ما هو قاض،،بلغوا عنا

كسرة،،،اما مسطول عاطف صديق،،،مبالغة

عاطف عكود كتب:

والمشكله كمان فبراير كلو 29 يوم بس يعنى لو كان فيه 30 او 31 كان اداك فرصه تعمل حاجة ...وادانا نحنا زاتنا فرصة نفكر ليك فى مخرج
دمت ودام التواصل

المسطول منو قلت لى!!!!!وهذه انتباهة اخرى
اضحك الله ايامكم،،،،واقتراح،،،ياعبدوس تخلينا فى جوطتنا دى، نفتى فيها على بال ماترجع من المغرب

اقصد الذى يأتى قبل العشاء

أتشرف بأن أكون الوحيد فيكم الما إهتمّ بزنقة عبدوس لأنو حبيبنا عبدوس عمرو ماإتزنق ويشاركنى الشرف كارلو النابه.
أما حبيبنا خالد فقد كتب :-
عموما انتباهة الرشيد للبت،،البت المفعوصة هى مفتاح الحل
هى الزول الوحيد، العندو عربية فى اللحظة دى، هى الزول الوحيد الما عندو ارتباط بحجم باخرة، وهى الزول الوحيد الما مسافر(باعتبار انو مشروع المغرب ومن بعده جزر الكنارى ما حصلش) اذن هى خير من يرافق القادم البائس،، وعلى بال ما جهرة الكهارب والضو والعمارات السوامق ما تفك منو
تكون انت رجعت،،،
كيف ياخالد تطلب من البت أن ترافق القادم البائس ؟؟؟ أنا يمكن أن أرضى أىّ وصف تطلقه على عبدوس إلا أن تسمّيه القادم البائس !!!!
عبدوس العزيز كيف كانت رحلة المغرب ؟؟؟؟؟؟؟؟؟؟؟؟؟؟؟؟؟؟
أشكرك حبيبنا أبو صبا وأنت تشير مرتين إلى إنتباهتى !!! ذلك يعنى أننى براءة من الزهايمر وبإمتياز رغم أننى أكره الإنتباهة جدا ولكنى أحب البراءة من الزهايمر ( وكيّة كيّة للمغرب ) ..

الرشيد شمس الدين

خالد ... أبو صبا العزيز ...تلحقنا وتنجدنا ... ماسورة إتصل بى وقال إنّ أحدهم قرأ له الموضوع وهو يريد أن يدلو بدلوه ولكن ياحسرة و بانت ويافرحة وماتمّت ... كالعادة وبسبب الذكاء الزائد المتّقد فقد نسى ماسورة الباسوورد وطلب شفاعتى عند خالد أن يقوم باللازم لأنه خجلان منو... نعمل إيه ياخالد أهى بلوة وإتحدفت علينا ... بالمناسبة ياخالد وبما إنك فى أمريكا وكدا !! ماممكن الفاتح ماسورة لوحده يدخل دائما بدون باسوورد ؟؟؟؟ ولكن قبل أن ترسل الباسوورد ياخالد أرجو أنت تأخذ الإذن من عبدوس !!! يمكن يكون ماعاوزه يدخل !!! أصلو ماسورة دا جن كلكى ...

الرشيد شمس الدين

ود كرار كتب: فممكن تطلب من بت صاحبك خدمة صغنونه بعمل جوله سياحيه لصاحبك فى انتويرب لغايت ماترجع بالسلامه والدنيا ما طايره ذى مابيقولوا اهلنا فى السودان.
كسرة: موقف لاتحسد عليه.

والله ياود الاستاذ إحنا جبنا سيرت البنيه بس بحسن نيه قلنا تفسح الافريقى وكده بس كلام المغرب وجزر الكنارى عاوزا ليه فاراً جامد وكده.

الفاتح محمد ادريس
شخصيا!!! اعلاه اسم العضو
الباسوورد يتبع،،،ايميل/ تلفون/ txtmsg

قاشورة شخشيا...اهو ده البخليني ننهي القصة او الغلوتية...عملا بالمبدا اذا دخلت الملائكة...قصدي الملائكه...افهموها لانو في واحد ما حاقول اسمو من الصباح...صباح شنو البعيد...يكون وصل الرسالة...
لا والله كما وعدت سارد عليكم نفر نفر...تعليقاتكم جميعا صبت في نفس المعني ماعدا المابتسماش...كشفها وهي طائرة.. مش بقولو ابو القدح -السلحفاة- للناطاقين بغيرها- بعرف يعضي اخوه من وين... رشدي انت مصيبه... وفعلا خرج الافريقي من المطار سعيدا ضاحكا.. ورافقت صديقي الخواجة الي تنزانيا وهو اسعد خلق الله بعد ان عرف مقدار معزتي وتقديري له وفي تنزانيا وكما يقول الممسوخ الله لا اعاده للممنبر اخدنا ليك بوش الجماعه...ونجحت المهمه ولله الحمد...
لغير البحارة واهل البحر المتابعين..اخد البوش مصطلح بحري هو ان تجمع الفايض من الحبل..ولكن الممسوخ حوله لتعبير خبيث..يعني به اذا عرفت نقطة ضعف ما في انسان يمكنك ان تستغلها في الوقت والزمان حسب مقدرتك..وانا ما بفسر ..
ماعلينا نعود للموضوع ورغم اني وعدت ان ارد عليكم نفر نفر لكن ما عاوز اطول لاني شايف في مواضيع اهم وساخنة في المنتدي العظيم..
ببساطة الحصل كالاتي.....
بعد العناق وتبادل الاشواق والترحاب مع مستر ديالو -وهذا اسمه- قدمته الي صديقي وابنته المفعوصة..لاحظت ان مستر ديالو شد علي يدها باكثر مما ينبغي لشخص تتعرف به لاول مرة..وهنا استفدت من ما تعلمته من رشدي... استاذنت بحجة انني ذاهب لدورة المياة...اجريت اتصالا سريعا مع صديقي الذي سيوقع العقد مع مستر ديالو..زعل شوية اني اهاتفه في ذلك الوقت المبكر لكن لمن شرحت له الوضع..قال ما في مشكلة..سنرسل له تاكسي في الحادية عشر وسناخذه للغذاء ونعيده الي الفندق..
رجعت ولقيت انو الفرنساوي-لغة- شغال قرف..
انتحيت جانبا بالمفعوصة..وزي ما قال خلدي التفاحة هي الوحيدة اللي في يدها الحل..
عدت لصديقي ديالو....
ديالو والله عندي لك خبر جميل واخر سئ... اي الخبرين تريد...
نواصل ابقو معنا..

عبدوس العجيب كعادته دائما لم يخيّب ظنّى فيه وكل الجماعة خرجوا مبسوطين والحمدلله ... فقط إستوقفتنى فى مداخلته الأخيرة وكانت مثار إستغرابى هذه العبارة :-
( رجعت ولقيت انو الفرنساوي-لغة- شغال قرف.. )

كيف يعنى الفرنساوى - لغة - ؟؟؟؟؟ هو فى فرنساوى تانى ونحن ماعارفين ؟؟؟؟؟؟
بالمناسبة ياعبدوس كيف كانت رحلة المغرب وكدا ؟ أقصد رحلة تنزانيا؟؟؟؟
عودة سعيدة ونحن فى إنتظار ماسورة بعد إذن عبدوس طبعا وإذن الأدمن الذى أدمن ويدمن إدهاشنا !!!!

الرشيد شمس الدين

ياعبدوس......ياخى ماعزبتنا............اها والحصل شنووووووووووووووو

نعود كما وعدنا لاكمال الغلوتية...وانتهز هذه السانحة..حلوه دي موش..لارحب بجني الظريف والعزيز عصملي..والذي عودنا ان يطل علينا ثم يختفي من غير انذار ..ويظهر فور ظهور جني...ما عايز اقول...التايواني...جني...عصملي.....
وقبل ان اكمل بس عاوز اعلق علي استفسار رشدي البرئ..اكيد في فرنساوي غير اللغه يا رشدي ..في قهوة باللبن اسمها فرنساوي...وفي مدني في اسرة مشهورة اسمها عائلة او اولاد الفرنساوي..كفاك والا ازيدك..غايتو يا ادمن لو اديت الباس ورد للمابتسماش تشوفني في المشمش...
ما علينا نواصل...
كما ذكرت لكم قلت للسيد ديالو عندي ليك خبرين واحد جيد وواحد بطال...
قال لي ادينا الخبر الكويس..قلته ليهو المفعوصه دي..ستكون مرافقتك خلال اقامتك
وانا طلبت منها ذلك لاني احتمال اكون مشغول شوية بعض الوقت...
ورايت ان الخبر وقع بردا وسلاما علي مستر ديالو وهات يا ضحك..اوه قود قود فيري قود...the pleasure is all mine....
.ونسي حتي يسال من الباد نيوز...يا مستر ديالو ما سالتني من الباد نيوز... اه صحيح الباد نيوز شنو يا كابتن؟؟؟؟؟؟
الباد نيوز اني ما حاقدر اكون معاك..وامكن ما القي حتي فرصة اقابلك لكن....
ولم يدعني اكمل..ضحك من اعماق قلبه.. no no this is not bad news
infact this good news..no problem take your time,sure I will be in good hands......

يا ابن الايه..لحقت بعتني....
علي هامان...خليت صاحبي عايش ويتخيل ويمني النفس....همست للمفعوصة..وكنت علي علم بانها ستغادر في نفس اليوم الي المغرب...والله جد جد يا رشدي..كانت مسافرة المغرب في نفس اليوم..ده انت ود.........مصفي....قلته ليها وصليه الفندق وحيجو ياخدوه للاجتماع الساعة حداشر... اديهو نمرة تلفونك وبعد ما ينتهي الاجتماع .......هذا المشترك لا يمكن الوصول اليه...وانا كذلك.....قال ايه ..I will be in very good hands..في المشمش..
وده كلو من الزهايمر..قاتله الله...معزتي والي لقاء
عبدوس النساي..

ياابن الإيه !!!!! دى الحالة إنت عبدوس النسّاى ... يعنى لو كنت مركّز شويه كنت عملت شنو ؟؟؟؟؟
غايتو جنس غايتو ..... وين إنت ياماسورة ؟؟؟ تلحقنا وتنجدنا ...

الرشيد شمس الدين