هل نسلم ونستسلم ؟؟؟؟

وأخيرا  صرخ المنتدي –الذي كان عامرا-
ﺍﺻﺒﺤﺖ ﺯﻱ ﺷﺠﺮﺍ ﺳﺎﺑﻮ ﺍﻟﺨﺮﻳﻒ ﻣﻨﺴﻲ..
ﻣﻌﺪﻭﻡ ﺻﻔﻖ ﻣﺤﺘﻮﺕ ﻻﻓﻴﻬﻮ ﺿﻞ ﻻ ﻋﻮﻭﻭﺩ..
ﺍﻟﻨﺎﺱ ﺗﺼﺎﻓﺢ ﺍﻟﻌﻴﺪ ﻭﺍﻧﺎ ﺑﺎﻟﺤﺰﻥ ﻣﻮﻋﻮﺩ..
لا نملك إلا أن نقر ونعترف –رغما عن أنوف الذين خلفونا -  بأن السيد الواتطس أب –زاده الله رفعة –قد تغلب علي منتدانا وهزمه بالضربة  شبه القاضيه..

.ويا ليتها كانت القاضية..كنا عل الأقل- لملمنا  ما  تبقي لنا من ود عظيم وذكريات طيبة  ومواقف نبيلة  وأنصرفنا إلي إهتمات أخري نجتر من خلالها ذكريات  لن تبارح البال ما حيينا...
هل نتشبث  ببقايا    أمل  ؟؟؟؟  لا أدري   ولكن..
عهدي معكم ألا نستسلم وننكس الراية حتي يقضي الله أمرا كان مفعولا..
محبتي ومودتي  

وكل  عام  وأنتم جميعا  بألف  خير   واطساب علي  منتداب  !!!!!!
عبدوس

كل عام و انتم بخير
اعاد الله العيد علينا جميعا و نحن فى سلام و تواصل
الظاهر يا قبطان عبد الرحمن انوا مافى حل غير ان نسلم و نستسلم و الكل المؤشرات تقول كدة - عوووووك ما جابت اى فايدة - بل عدد الرواد ماشى فى تناقص
4 من 433 عضو يعنى حوالى 0.9 % - سقوط شنيع
احتمال ذى ما قلت الواتس اب بالضربة القاضية تغلب على المنتدى - لكن هناك الكثير من المنتديات ما زالت حية و فعالة ؟؟؟؟؟؟
عموما فى النهاية القصد التواصل كان واتس اب و لا غيره
و بكرة نشوف
عيد سعيد للجميع
عثمان بخلن

كل عام وأنتم جميعا بألف خير والقابلة كل الأماني محققة ،، صحة وعافية وسعادة شاملة. من ناحية أخري لن تسقط الراية أبدا ان شاء الله وسيظل هذا المنتدي الرائع يسير حتي ولو بقوة الدفع الذاتي ولن يتوقف مادام فينا نفس طالع نازل .. وليعلم السيد الواتس اننا موجودون وسنظل بإذن الله مهما بلغت سطوته ومهما قلت المشاركات ولكن في النهاية واحة المنتدي ستظل ظليلة بالمحبة الصادقة ...

أحبتى أعضاء المنتدى:
كل عيد عليكم سعيد وعلى أسركم الكريمة، أسأل العزيز الكريم أن يعيده عليكم بموفور الصحة وتحقيق الأمانى.
لا يفوتنى أن أبعث بأرق التهانى وألأمانى الى أحبابنا الذين تغيبوا عنا لأمد طال وأقول لكم من القلب (إن غيابكم عنا لم يعد يتحمله القلب)
أهدى لكم أحبتى جميعاً أعزب أغانى الزمن الجميل، ربما أحيى الأشواق القديمة.
كل عام وأنتم بكل خير.
جدو الصغير
روج هيل.
17.07.2015
00:29:34

ﺍﺻﺒﺤﺖ ﺯﻱ ﺷﺠﺮﺍ ﺳﺎﺑﻮ ﺍﻟﺨﺮﻳﻒ ﻣﻨﺴﻲ..
ﻣﻌﺪﻭﻡ ﺻﻔﻖ ﻣﺤﺘﻮﺕ ﻻﻓﻴﻬﻮ ﺿﻞ ﻻ ﻋﻮﻭﻭﺩ..
ﺍﻟﻨﺎﺱ ﺗﺼﺎﻓﺢ ﺍﻟﻌﻴﺪ ﻭﺍﻧﺎ ﺑﺎﻟﺤﺰﻥ ﻣﻮﻋﻮﺩ..


لسان حال المنتدي ..
معذرة سنظل نردد حال المنتدي خلال أيام العيد  ..علي أمل عسي بل لعل نجد من يحن ويعود...
ألأعزاء أبو عفان..رشدي وجدو الصغير..
دمتم ذخرا لهذا المنتدي الذي لن نسطيع أن نعدد أفضاله علينا جميعا..منها إنه جمعنا بنفر كريم من أمثاللكم..وكل عام وأنتم بخير..
محبتي  عبدوس

عيدو مبارك عليكو وعلينا ،، كل سنة تيبين تيبين !!!

الأحباء:
رشدى، أبوعبده.
شوقى لكم لا تحده حدود.
اُكرر أرق التهانى وأعزب الأمانى بالعيد جعله ألله سعيداً عليكم، وأعاده ألله علينا تامين ولامين.
سوف نواصل التجديف على سطح البركة الساكنة، لن نرفع راية الاستسلام مهما جار علينا السيد واتس آب.
دمتم فى القلب دائماً.
جدو الصغير
روج هيل
17.07.2015
03:16:26

أحبابنا عبدوس وابراهيم خير وعثمان واحمد محمد احمد والغائبين بقيادة خيلديش وود فراج ،،، كل عام وأنتم الخير كلو والعمر ليكم ..

مــا أبهـــاكم ...ومـــا أجملكم

الكابتن عبد الرحمن الزين وضيفه الكريم

كل سنة وأنتم طيبين أهلي الحنــان

فيهــو النيل ... النيل الخــــالد //// فيهـو الخــال والعــم والوالـد

وتمنياتنا بالعيد السعيد لكل الأحباب داخل وخارج الوطن

ﺍﺻﺒﺤﺖ ﺯﻱ ﺷﺠﺮﺍ ﺳﺎﺑﻮ ﺍﻟﺨﺮﻳﻒ ﻣﻨﺴﻲ..
ﻣﻌﺪﻭﻡ ﺻﻔﻖ ﻣﺤﺘﻮﺕ ﻻﻓﻴﻬﻮ ﺿﻞ ﻻ ﻋﻮﻭﻭﺩ..
ﺍﻟﻨﺎﺱ ﺗﺼﺎﻓﺢ ﺍﻟﻌﻴﺪ ﻭﺍﻧﺎ ﺑﺎﻟﺤﺰﻥ ﻣﻮﻋﻮﺩ..


يا ألف مراحب بالقبطان أحمد جعل الله أيامك كلها أعيادا..
ناقصنا من المواظبين العزيز ود فراج..ما يكون معيد المرة دي في المتمه..
أين أنت يا سيد الحوش..الحبان في حوشو إتلمو وهو لا بد في نيو جرسي  ولا يهمو...
باين لسه دايخ من زيارة السودان..
أصدق أمنيات العيد لعزيزنا  مولاناعبد الحافظ وحييبنا  بدر الدين من المواظبين...

معذره  أعلاه  كتب  ولم يرسل..
يألف مراحب ود فراج...ليك كانت وحشه...
معزتي
عبدوس

فعلا يا عبدوس اصدق التحايا لحبيبنا بدر الدين وهو يتحفنا دوما بالبوستات الراقية وكل عام وهو بألف خير هو وحبيبنا المستشار عبد الحافظ ،،، والعزيز الغائب ود كرار كما لا ننسي ان نرسل تهاني العيد للعزيزة سوسن مدثر وللغائبة الحاضرة آلاء ،،، كل سنة وأنتم طيبين ..

كتب  العزيز  رشدي  

والعزيز الغائب ود كرار كما لا ننسي ان نرسل تهاني العيد للعزيزة سوسن مدثر وللغائبة الحاضرة آلاء ،،، كل سنة وأنتم طيبين ..
ولا  أزيد

ﺍﺻﺒﺤﺖ ﺯﻱ ﺷﺠﺮﺍ ﺳﺎﺑﻮ ﺍﻟﺨﺮﻳﻒ ﻣﻨﺴﻲ..
ﻣﻌﺪﻭﻡ ﺻﻔﻖ ﻣﺤﺘﻮﺕ ﻻﻓﻴﻬﻮ ﺿﻞ ﻻ ﻋﻮﻭﻭﺩ..
ﺍﻟﻨﺎﺱ ﺗﺼﺎﻓﺢ ﺍﻟﻌﻴﺪ ﻭﺍﻧﺎ ﺑﺎﻟﺤﺰﻥ ﻣﻮﻋﻮﺩ.



قطعا   أحبتي  ما  أحلي العيد
وأجمل ما فيه التواصل و  طلب العفو و العافية
هاتفني صديق العمر  عليوه- باشمهندس علي النور –من القاهره
لم اك أعلم إنه كان هناك منذ مطلع العام يمارض زوجته العزيزه أزهار- دعواتكم لها بالشفاء-
هاتفي الأبن  قبطان عابر يرجو مني أن أهاتف القبطان الجمل وأدعو لزوجته أم أحمد عاجل الشفاء
حاولت ولكن يبدو أن  وقت المحادثه  كان متاخرا دعواتي من القلب أن يشفيها الله-  دعواتكم وجزاكم الله عنها وعنه خير الجزاء
هاتفت كبيرنا عابدون ونميري ولم أحظ بمهاتفة العزيز  باشمهندس الحاج
بمناسبة العيد أزكي التهاني وأجمل الأمنيات لأحبابنا جرجس وأنسي وجون ليوما  وأسرهم
وكل عام وأنتم بألف خير
عبدوس

ما شا الله تبارك الله
كل عام و انتم جميعا بخير و صحة عافية
دعواتنا للاخوان على النور و الجمل بعاجل الشفاء لرفيقات الدرب
تحياتى و تقديرى
عثمان بخلن

تسلم  يا  أبو  عفان... في  زمنا..حلوه  زمنا  دي...علي فكره  أول أمبارح واحد  هاتفني  قال لي  إنت  بتتذكر  لمن  أول  زول - أرمسترونج-  نزل القمر..إنت كنت  وين  قلته  ليه  والله في البحر...
ونواصل..معذرة ساعود..

وحاتك  يا  أبو عفان دخلت عشان أكمل ليك  الحكوة  لقيت لون أحمر  إفتكرته  ده لازم  خلدي وألا يا ربي ود عكود  لا لا  إمكن   ود كرار  لقيتو حبيبي الما  بغبانا  وما  بغيب عننا  رشدي  ربنا  يخليهو لينا...
وعقبال بناتنا  يشرفو   بدون  شيالة العيد..
ونعود
عبدوس

شفته كيف يا أبو عفان ما لقيت الدخل ده لا خلدي ولا ود عكود ولا ود كرار...لقيتو حبيبنا وصديقنا الما بغيب عننا رشدي ..بس المرة دي رشدي زاتو – يا ربي بالزين والا الذال... رشدي دخل ولا قال بغم....
بغم دي بالقاف والا الغين يا ربي..
نهاية القول..
قولي لكم يقلقل القاف تقليلا وقول غيري يغير الغين تغييرا..
وسأعود يا أبو عفان علي أمل...
من يعزك

عبدوس الحبيب سلامات ،،، أنا عملتا شنو وما عارف ؟؟؟ وبالاحمر دي تصحيح يعني ولا شنو ؟؟؟ دا أنا غلباااااااان !!! لكم مودتي ...

سلام
و نحن لسة فى البحر
هو البحر بيتخلا - الظاهر هو ال حا يخلينا
تحياتى و تقديرى
عثمان بخلن

يا  حبيبنا  رشدي  وإنت  سيد العارفين  مشرفين المنتدي  لمن  يدخلوا  أسماءهم عندنا بتظهر باللون الأحمر  وسيادتك منهم  طيعا... بس إنت تسلم لينا  كل يوم معانا  أنا لمن  شفته اللون الأحمر  ..إفتكرتو  دم....
دام لنا تواصلك   يا حبيب..ودم لمن يعزك  
عبدوس

ايه أيه ده  كلو...كتير علينا  نورت المنتدي  وكان ليك وحشه  لكن عاذرنك في رمضان..
نورتي وشرفتي وكل  عام وأنت والاسرة الكريمه بألف  خير..
وعلي قول خلدي- المسجل  غياب -  أبقي داخله يا ألف مراحب


جدك عبد الرحمن

مرحبا بكم:
ابوعبدة وريحانة المنتدى سوسن، أبوعفان، رشدى، كابيتان أحمد، ود أخونا فراج، الأستاذ بدرالدين، ورمانة المنتدى آلاء وبقية الاخوة اللابدين تحت البطاطين فى عز الصيف.
كان ما أخاف الكدب خلدى فى البلد بيشاطر المعذبون فى الأرض فى قطع الكهرباء والماء وانعدام الرغيف.
كان ألله فى العون.
جدو الصغير.

ﺻﺒﺤﺖ ﺯﻱ ﺷﺠﺮﺍ ﺳﺎﺑﻮ ﺍﻟﺨﺮﻳﻒ ﻣﻨﺴﻲ..
ﻣﻌﺪﻭﻡ ﺻﻔﻖ ﻣﺤﺘﻮﺕ ﻻﻓﻴﻬﻮ ﺿﻞ ﻻ ﻋﻮﻭﻭﺩ..
ﺍﻟﻨﺎﺱ ﺗﺼﺎﻓﺢ ﺍﻟﻌﻴﺪ ﻭﺍﻧﺎ ﺑﺎﻟﺤﺰﻥ ﻣﻮﻋﻮﺩ.
-----
هجرة عصافير الخريف في موسم الشوق الحلو
الهجرة هنا... العودة للمنتدي
زمان كان اسمها تكسرت النصال علي النصال
تحايا ومعاها انحناءة احترام لكل القابضين علي جمر التواصل

السلام و لا الإستسلام
تحية خالصة لكم جميعا احبتى
و تحية خاصة جدا للقابضين على جمر التواصل ذى ما قال اخونا خالد
ظروف البحر هى السبب فى الغياب
اتمنى عودة عصافير الخريف برضوا ذى ما قال اخونا خالد بس ما فى الخريف وحدة طول السنة
تحياتى و تقديرى
عثمان بخلن