فنجان قهوة

رمضان كريم
وكل عام وانتم بخير
فنجان قهوة سيكون عمود نكتب من خلاله التجارب التي مرت او حدثت مع الاخوان والاحباب وكثيرة هي ...فقط اردت ان اعطي فكرة عن ماهية العمود ويا مرحبا بالمشاركين وعني اوعد ان اكتب انشاء الله بتواصل فيه ...فمعكم استمتع بكل حدث مر بي واعيد ذكربات عالقات بخبايا الذاكرة

اقول :
معك اشرب قهوتي مُرة
لانك في الحلا زايد
وما اشربها بالمرة
اذا ماكنت متواجد
واحبكم بدون الوان او ملامح

لا زالت ذاكرتي تعج بالكثبر من الاحداث التي حدثت في الاكاديمية في الكورسات الصيفية ..وعلق في الذهن ان من يبقي في فترة الكورس الصيفي اما ماخد مادة او منتظر ان يسافر (يعني مفلس ) وكانت كثيرة ايام المفلس هذه او قتل الوقت ورؤية اسكندرية وهي متبرجة في الصيف الا من لباس يستر العورة ....كنا انا وعلاء ملاسي ومصعب الامين والمرحوم عمار بخيت معا في شقة في فترة الكورس الصيفي وشباب اخرين رائعين فمعذرة لذاكرتي الخربة التي تسقط الاسماء وتبقي الاحداث وكانت تلكم الشقة تعج بالباعوض ولم ار مثله في حياتي وقد تقاسمنا الفلس وكان جل حلمنا الوصول لمحطة الرمل والبكاء علي عتبة محمد احمد(بتاع الفول) ونحن في تلك الحال اذ نهض عمار بخيت (ولمن لم يعرفه فهو انسان بيسط التكوين ابيض القلب )واصاح قائلا : عايزين تاكلوا ..وبصوت واحد الحقنا فاخذ يقلب في شنطة سفره واخرج تذكرة سفر قائلا بكرة انشاء الله تاكلوا لحم ..ولم لم نصدق فاذا به يسافر الخرطوم ويأتينا بعد يومين بخروف مذبوح وطيبات كثيرة ...وعم الفرح بيتنا
والي لقاء في فنجان اخر

فنجان جبنة بى شمالو..... يسوى الدنيا بى حالو
بـــــــــــــــــــــــــــــــــــــــــــــــــــى حالو
واصل واطربنا ،،،، انفض غبار الحياة عن مخزون الذكرى
وقشّة ما تعتر ليك
يتــــبع إن شاء الله

راشد : الذاكرة سماء مفتوح تمطرنا كل حين
وما أكثر ما نأخذ ليومنا وغدنا من الأمس
أكتب سيدي وكلنا قاعدين وسامعين ... ومرة مرة بنشاركك الحفر في غيم الذاكرة علها تمطر مطرا ( دقاقا ) لأن بعضها مطرها قاتل
يا سلام عليك وعلى فكرة البوست

شكرا للاخوان الاحباب ود الاستاذواسامة معاوية والله انا الاسعد بكما واعلم يقينا ما انا الا حوار يسرق فتاتا من معيتكم ...

العزيز راشد وكمان سجل عندك واحد كييييييف قهوه وعضو فى فناجيل قهوتك
ودام ما بننا ....... اقصد مابيننا من تواصل
عاطف عكود

يا محمد راشــــــــــــــــــد ،،،،
قال الاصمعى فى قصيدة ..صوت صفير البلبل
(( قد اعود لقصيدة الاصمعى دى التى استعصت على حفظ ابوجعفر المنصور ،، وهى من عيون الشعر ))
فى منتصف القصيدة بيت عمّن
..... سقوننى قهيوة كالعسل
بضم القاف وتلك الياء الانيقة ،،،،، الشاهد اين عسلك اقصد وين قهواتك (( والالف ما غلط)
تخريمة"
يوجد شاى فى مكان اخر من هذا المنتدى ودعوة متجددة للفاضل محمد الفاضل واحبابنا من بورسودان
والى حين حدوث ذلك تجدونا من الخرمانين

لا والله مانفدت دلال قهوتي (بكسر الدال) ولكن رمضان غير في اوقات حضورنا
وكيف تنفد قهوتي وانتم بنها (بضم الباء) وهيلها وشاربيها ....
قهوة الاصمعي ليست كقهوتي , إذ أن قهوة الاصمعي تذهب بالعقول وقهوتي تعدل المزاج
لان العرب في الجاهلية كانوا يطلقون اسم القهوة علي الخمر ...!! عرفت من أين جاء عسل طعمها ....
كل عام وانتم بالف خير

اخونا ودراشد....
ود راشد احب قهوتك.....على وزن احب شوربتك....
اقدح الذاكره وانفض الغبار من عليها واستخرج لنا درر الذكريات من ابن الوليد مروراً بعبدالرازق الى العصافره والمعموره...
واذ احملك عنا اجترار الذكريات وذلك لعلمنا الراسخ بمقدرتك الفائقه فى السرد الانيق والملكه الراقيه فى صياغة الكلمه ونسج الجميل منه.

اشواق ،، وما الخبط ليك اولويات فناجينك ياراشد ،،، لكن كدى خرّم لى على الايام الكان راكبك فيه جن الفلسفة --ونحن معاك بدرجة اكتر تواضعا --ايام كولن ويلسن!!واللا منتمى وبُعيد اللامنتمى ،،،وخلينا نحن نتفرج بدهشة بين فلسفة التهافت وتهافت التهافت والجرى فى المعايش بين ذلك،،،،، وفى محاولة متفلسفة تفلسف من لا يخشى تفلسفات المتفلسفين ،،،ها انا انقل كوبى&بيست موضوع البروف الفيلسوف الـ بى سببو انا اتذكرت الموضوع ده كلو ...
حاشية : ادناه منقول من بوست حوّل لعام خلى ،،،كنا ولا نزال فى حوجة لمشاركات الجمــــــيع،،،، مودة بلا حدود

When 24 hours in a day are not enough
Remember:
The mayonnaise jar and the 2 cups of coffee

A professor stood before his philosophy class and had some items in front of him. When the class began, wordlessly, he picked up a very large and empty mayonnaise jar and proceeded to fill it with golf balls. He then asked the students if the jar was full. They agreed that it was.
The professor then picked up a box of pebbles and poured them into the jar. He shook the jar lightly. The pebbles rolled into the open areas between the golf balls. He then asked the students again if the jar was full. They again agreed it was.
The professor next picked up a box of sand and poured it into the jar. Of course, the sand filled up everything else. He asked once more if the jar was full. The students responded with a unanimous "yes."
The professor then produced two cups of coffee from under the table and poured the entire contents into the jar, effectively filling the empty space between the sand.
"Now" said the professor, as the laughter subsided, "I want you to recognize that this jar represents your life.
The golf balls are the important things-your God, family, your children, your health, your friends, and your favorites passions -- persons that if everything else was lost and only they remained, your life would still be full.
The pebbles are the other things that matter like your job, your house, and your car.
The sand is everything else -- the small stuff.
"If you put the sand into the jar first," he continued, "there is no room for the pebbles or the golf balls.
Pay attention to the things that are critical to your happiness. Play with your children. Take time to get medical checkups. Take your partner out to dinner. Play another 18. There will always be time to clean the house and fix the disposal."
Set your priorities. The rest is just sand
One of the students raised her hand and inquired what the coffee represented. The professor smiled. "I'm glad you asked. It just goes to show you that no matter how full your life may seem.
There’s always room for a couple of cups of coffee with a friend."

مــــا رأيكم دام فضلكم؟؟؟ فى زمن عـــزّ فيهو الزمن..

وصية جميلة مفيدة قطعا لمن استطاع تنفيذها.

المشكلة ان ضغوط الحياة الحديثة اصبحت تضع اغلب الناس فى مقعد الراكب.

لا زلت ابصر الفطر بعيون رمضان فعذرا إن كان شوفي (طشاش) لكم كل الحب والود وعامكم بطعم حضوركم وروعة مداخلاتكم وكما اسلفت ووعدت سوف اعود واوزع فناجين الكيف علي جلسات حضوركم ....
واردد مع الفيتوري (ياقوت العرش) وانا جلوسا علي ناصبة بوابة شعره التي تبداء ولا تنتهي :
لن تبصرنا بمآق غير مآقينا
لن تعرفنا
ما لم نجذبك ...فتعرفنا
وتكاشفنا..
أدني ما فينا قد يعلونا يا ياقوت
فكن الأدني
تكن الأعلي فينا

عزيزي راشد
لك كل الود والشوق والله ود الاستاذ ما ريحنا شبكنا اثبت في بوستك تقول بوستي انا جايبو معاي من الجبل (الله إدي العافيه ) قلت ادور لي على نفاج ( زي ما بتقول) ندس فيه انا مشتاق لونساتك كتير لقيتك ماشاء الله عليك اخطبوت زمانك وشكلك ما جاى البلد قريب بتكلمني عن الحج كدي خليها على الله امكن تلقى ليك نفاج تدخلو في مكه امرقك في امتداد ناصر . المهم الدنيا صباح وانا بردان قلت فنجان القهوه مناسب اهو منو نذكرك ليه ودالاستاذ زاتو كب ليه فنجان هو ما بريد السكر الكثير زيك انت فاكر جنو ملح .
شايفك شلت صورة اليافع الله اخلي ليك نزلت لينا صورتك بشنبك الدبل بتم دا الباشمهندس الرشيد حا اغير رايو واقوليك ياخ انا خليت قصة الشفره خلينا زي ما كنا
ود كرار شايفو لابت في طرف الخيمه شابك الناس بيتك ومطرحك اتفضل قول ليه اتفضلنا خلاص ابقى داخل قدم لينا حاجه . امجودي حبيب الكل
ود كرار بالله كان ادسيت معانه في نفاج راشد دا من ود الاستاذ رسل لي تلفون باشمهندس عبد القادر المصطفي كان عارف ليه سكه

الغالي جدا ود شلكاوي ...
والله فطست من الضحك وانا اقراء ماكتبت ..وشايف ود الاستاذ عايز يورطك في بوست الوفيات وتبقي بعدين زي صلاح الزيداب...
حتقول لي وشنو قصة صلاح الزيداب؟
هاك القصة:
بدوت مقدمات بداء الطرق علي باب شقة صلاح والمرحوم عمار بخيت (كانوا وقتها يقطنون نفس الشقة) بشدة دون هوادة فركض ود الزيداب والسباب يسبقه علي الباب ولدهشته فوجيء بان الطارق كانت بنت وكانت تنقل خبر وفاة اخت عزيزة علينا جميعا تقبلها الله بواسع رحمته ...
ودارت الايام والاسابيع وكنا في محطة السوبر جيت في وداع احد الاخوان (كان وداع الاخوة والاخوات في ذاك الوقت منتدي لتبادل التحايا والاخبار علي عجالة) ..وكنت واقفا وسط الزحام ولمحت صلاح وذهبت اليه مصافحا واستقلبني بما لايقل عن مائتا كلمة في الدقيقة ولكني حين قربت من اكثر سمعت منه مقتطفات ..ياعب تجوا للبنات بس ...ومابتسألوا عننا ..ولحسن حظي وسوء حظه تقدمت احدي الاخوات مصافحة وحينما نظرت في وجه صلاح صاحت قائلة والحزن قد كسا وجهها :
إنت وجهك ده مرتبط لي بمناسبة حزينة ما عارفة شنو ...
قفز صلاح يمنة ويسرة وصاح قائلا : خبر شنو ؟
ماإنتي الجبتي الخبر الشوم ...
ماإنت الدقيتي الباب وكلمتينا ...
...
.......
فخرجنا من ذاك المطب والناس تهدئ هذا وتمسح دموع ذاك
تخريمة :
فاينما تحس انك تنتمي فاكتب ....ولا ضير فبين كل بوست والتاني نفاج...
فمرحب بك اينما كنت وكيفما كنت...
تخريمة (1):
إنت بس انوي الحج وخلي الباقي علي الله ..فهو خير مدبر
طبعا انا في المدينة وامجد بجدة فلا عليك فانت في بيتك ومطرحك
تخريمة (2):
امبارح كنت في جدة ومشيت قدام عمارة ناس امجد كان في صيوان ...خير الحاصل شنو ؟ ..قالوا عندهم ابو جارم اتوفي...

ود النوبه ....

كما يحلوا لدفعتك (بمعهد اللاسلكى بعين شمس) بمناداتك....

طبعا المعلومه ده جديده عليك ياود راشد ..مهدى درس سنتين بمعهد للاسلكى وسنة حقوق بجامعة بيروت....

يامهدى ماتسمع كلام ود الاستاذ ده وتلبد فى بوستك , خليك حريف وباسى الكرات ون تو مع حبيك ود راشد ده فى كل البوستات .

تلفون عبد القادر حاخد ليك من ماسوره , طبعا الايام ده قادي...اقصد مشرفنا فى جدة.

قبل يومين اتصل بيه صلاح الطيب ,باخرتهم شغاله فى اليمن وصاحبك بقه مخزن درجة اولى.

خليك مواصل

احبابنا،،وين ما كنتم
مهدى،،(مبدئيا) كده انت الصلبطة العليك شنو ،،التمسح بالزيت،، عبارة جديدة وامانة لله حلوة فى توصيف البوستات لكن لامانة النشر ،،ياخى انت صاحب الشرف فى ملكية العبارة ،، انا لا قلت امشى جاى ولاجاى ،،،من شوقنا ليك وعشان ما تروح مننا كلمة من ونستك ،،،اما وطالما النفاجات مفتوحة ((ايه حكاية النفاجات دى؟؟؟) ادخل فى اى خرم وان شاء الله بنلقاك ،،،
اما بوست من رحلوا فهو كما ذكرنا قبل كده فهو ذروة سنام هذا المنتدى،، وانا لى حسع اتفكر احيانا فى كل من هم عند مليك مقتدر ،،خصوصا وكنت ما سمعت عن رحيل بعض منهم مع هذه الغربة البعيدة التى نعيشها،، عشان كده بفتكر انو البداية من البوست داك فعلا بداية طبيعية ،،لذا كانت الاشارة يا محمد راشد
وتحويدة لى صلاح الطيب ،،

[quote="راشد"] صاحت قائلة والحزن قد كسا وجهها :
إنت وجهك ده مرتبط لي بمناسبة حزينة ما عارفة شنو ...
قفز صلاح يمنة ويسرة وصاح قائلا : خبر شنو ؟
ماإنتي الجبتي الخبر الشوم ...
ماإنت الدقيتي الباب وكلمتينا ......
.....
تخريمة :
فاينما تحس انك تنتمي فاكتب ....ولا ضير فبين كل بوست والتاني نفاج...
فمرحب بك اينما كنت وكيفما كنت...quote]
الوفاة الاصلية كانت رحيل المرحومة بإذن الله مريم اسماعيل بخيت عليها رحمة الله
القصة دى انا كنت جزء من معظم احداثها ،،وصلاح اظنو لليلة ما غفر للبت ،،،ونص العبارة التى حرقت ابو صلاح كل الحرقة دى ( انا لما شفتك فى حاجة شوم !!! كده ذكّرنى ليها شكلك ده) حاجة شوووووووووووووووم!!! حقيقة بالغت
اللهم ارحم عمار ومريم وموتانا اجمعين
ونواصل إن شاء الله
اشواق بحر
تخاريم
الكدندلى مفروض يكون وصل الخرطوم،، ضرب لى امبارح من المطار
مهدى ياخى بالله رجاءاً،،،،طالما انت لسه فى الخرطوم وشايف سعادتنا بى ظهورك ،،واللمة كدى ماتلكز لينا امجد الطاهر وناس الخرطوم
وادينا الجديد عن عمك محمد حامد
واخر اخبار شوربة السمـــــــــــــــك((لاتوجد الا فى الجبل !!!) نفتح ليها بوست يوما ما
ودام التواصل وعاشت المحبة
تخريمة خصوصى اخيرة
قلت لى نفاج من مكة لامتداد ناصر ؟؟؟
هل ده ليهو علاقة بالمصنع ال بتدخل البقرة من هنا ....تطلع سجك من هناك؟؟؟؟؟؟؟؟؟؟؟؟!!!

الغالي ود الاستاذ....
اشتاقك اينما كنت وتحياتي موصولة عبر كل النفاجات...اعلم يقينا ان اناس كثر كانوا جزء من قصة صلاح وانا واحد منهم بس انا ماحبيت اذكر تفاصيل ودقة الاسماء لانها لا تخدم الموضوع الرئيسي انما تساعد في بناء حبكة القصة...وحتي اللحظة يتردد صدي الجملة التي قيلت لصلاح لاني كنت موجود..بس ماحبيت اذكر نفس ماسمعت ولكنك أكيد اكثر مني جراءة ....
تخريمة-1:
نعم انت محق تماما فيما ذكرت عن موتانا الذين هم جزء لا يتجزاء من ذكرياتنا وحكاياتنا ...
تخريمة -2:
والله نفاج ناصر مكة زي المصنع البدخل ليه سجك من هنا ويطلع بقرة محسنة من الناحية التانية....
تخريمة-3:
طبعا ياود عابدون كلما الواحد يكبر يطلع المدسوس ...يعني انت وكنت الزمن ده كل الناس ماعارفه مهدي عمل تمهيدي قبل دخول الاكاديمية ...
شنو يعني الذكرك ليه؟؟
والله يا امجد حقيقي في ناس لن تعرفهم حتي تدخل قلوبهم واذا دخلت قلوبهم سكنتها وواحد منهم ود شلكاوي وربنا مايجيب يوم شكرو..

الاحباب راشد ود كرار خالد
تحياتي
ـ الكدندلي طبعا منور البلد وجناته منديه مايونيز ماشاء الله عليه محتاج كميات كبيره من القراريص والتقليات عشان ما ارجع للوضع الطبيعي.امبارح كان زواج شقيقه وليد نتمني ليه كل السعاده والهنا . الاخوان شكري وعمر خلف الله قابلتهم في العقد تخلف الاخ كمال زمراوي بسبب عدم ترخيص عربته (الخفاش) لا تتحرك عادتا الا ليلا.
مرحبا بلاخ وليد داخل القفص الزهبي ... خمستاشر سنه وانا جو بدور على الترباس مالاقيه إتضح انو ملحوم بالكترود بلاتين( صباع).
ـ ود كرار العزيز سلامي كثير لاخ الفاتح كنت بتمنى اركب معاه في احدى مراكب الوطنيه بمناسبة جامعة بيروت ابلغك تحيات الاخ عادل ابو العز الكان معانه في الجبل .
ـ والله يا ود الاستاذ ليك علي اول ما تصل البلد نعملليك شوربة سمك معتبره معاها باميه مفروكه بالسمك وعصيده دخن بس انت خلينا نتزحلق بين البوستات. عزيزي خالد الاخ امجد الطاهر افتكر انو سافر هو في مهمه في منطقه لا يحسد عليها اسمها كنار قريبه من المجلد.بخصوص العم محمد حامد هو بخير حسب اخر محادثه مع الاخ حامد المتوقع وصولو اليوم من بورسودان والسفر للقاهره لحضور عمليه سوف تجرى لوالده بالسلامه انشاء الله .
ـ ود راشد الاخ محمدعبدالله(كوشه) اشترى ليك جيتار جديد ومنتظرك به .
مهدي شلكاوي

العزيز ود شلكاوي...
طبعا انا سعيد ليكم وللاخ الكدندلي بمناسبة زواج الاخ وليد ...طبعا ارحم الجيتار من الاورغن ....وظهور شكري مع عمر خلف ماداير اقول عيني باردة بس استفرد بواحد منهم .. والله مشتاق للجميع كيمو ,عمر وشكري ,محمد عبد الله والجميع (ما لا تعرفه مامون عبد الله اخو محمد عبد الله قرينا مع بعض في الخرطوم القديمة ) ..طبعا يبدو لي يامهدي جضوم الكدندلي محتاجة لاكتر من قراصة !!!! وليه وحشة ..طبعا هو طبيعتو مابشتاق ليك الا اذا لقاك قدامو (الحمد لله ذاكرتو كويسة)...
تخريمة-1:
طبعا الواحد بعد الجيتار قلنا احسن العود لكن والله مع المعايش والجري بين نفاجات الدنيا والمنتدي الواحد بقي السمع في تلتلة.
تخريمة2-:
شايفك قلت الروب من ود الاستاذ وبتقدم رشوة ...

المهدى عثمان مصطفى كتب:
الاحباب راشد ود كرار خالد
تحياتي
ـ الكدندلي طبعا منور البلد وجناته منديه مايونيز ماشاء الله عليه محتاج كميات كبيره من القراريص والتقليات عشان ما ارجع للوضع الطبيعي.

ـ والله يا ود الاستاذ ليك علي اول ما تصل البلد نعملليك شوربة سمك معتبره معاها باميه مفروكه بالسمك وعصيده دخن بس انت خلينا نتزحلق بين البوستات.
مهدي شلكاوي

العزيز مهدى منور المنتدى رغم الهجوم والهجوم المرتد والحصار من الاخوان راشد وودكرار وحاج خالد اهو الواحد لقى لى ( نفاج ) للترحيب
وعربون ترحيب كدى بى سيرة القراريص هاك دى
واحدة حنكوشة دخلت مطعم قراصة صاحبو رباطابى .. قالت ليه ياعمو عليك الله ادينى سندوتش قاليها يابتى عندنا قراصة كان دايرة سندوتش جيبى ابرة وخيط.

اما عن ود الاستاذ وشوربة السمك والجبل فالتحية لاهل الجبل فردا فردا ولكل من لة صلة سمكية ولكل رواد مطعم حاجة هدى و البلولة .
ودام التواصل
عاطف عكود

الاخ ود عكود
كل الود والتحايا لك
المطرح منور باهله الله اديك الصحه والعافيه..
شايف كيف بالله يا ود عكود جماعتك هجوم شديد تعال واكتب وادخل وبيتك ومطرحك اول ما تدخل عينك ما تشوف الا النور . انا غايتو ودكرار دا بقدر ليك عليه قصيروني لكن ابين ساقين ديك بالزات ود راشد من ردودك ومداخلاتك البليغه مساعتك مطلوبه.
ـ الاخ شكري اتصل من شويه وبقول بكره عندهم لعبه في قصر الصداقه احتفالا بلاخ وليد طبعا شكري (طمبورابي) رهيب مع الاعتزار للاخ اسامه لاقتباس الاسم.
مهدي شلكاوي

المهدى عثمان مصطفى كتب:
الاخ ود عكود
شايف كيف بالله يا ود عكود جماعتك هجوم شديد تعال واكتب وادخل وبيتك ومطرحك اول ما تدخل عينك ما تشوف الا النور . انا غايتو ودكرار دا بقدر ليك عليه قصيروني لكن ابين ساقين ديك مساعتك مطلوبه.
مهدي شلكاوي

الاخ مهدى
ود كرار خليتو ليك واحذر كل من اقترب من مركز الارض ؟ اما ابين ساقين ديك فسيقانهم دى الا تساعدهم على الجرى! وابشر يا زول انا معاك وسجن سجن غرامة غرامة ( حتى اشعار اخر) بينى وبينك كده انا ما مضمون يعنى ما ترقد قفى ممكن اتراجع حسب اتجاه الهوا وبعد داك نشوف اشوت على وين ؟
ودام التواصل
عاطف عكود

مهدى،، والله بوستك ده اعاين فيهو وامشى واجيهو راجع ،،كتلتنا بالضحك ،،وود عكود وراشد شايف داخلين معاك فى عزف جماعى ،،، ياك انت ذاتك تنثر فى الضحكات وانت على عجل ،،، رغم المفاجأة بتاعت ال15 سنة،،،،، معقول ايام شقة العجوزة الاول امبارح دى تمت ده كلو؟؟؟؟
ياخوى انت انتهيت
بجيك راجع بى مهل إن شاء الله ،،،الوكت روح
داير قعدةشان نشوف
مايونيز الكدندلى وطمبور شكرى وساقين محمد راشد( من مصلحتك صحة الساقين،،،حيساعدوكم فى الطواف !!آآآل طواف آآل) وحاجة هدى( ياعاطف انا اول مرة اسمع بى حاجة اسمها هدى)

اما امجد الطاهر ،،، ففى تقديرى ما بحتاج منك كل العطف ده لانو موجود فى نص مزارع و مصانع العمارى الجيد والحتة تكون صانة،، ياخى دى الجنة ذاتها لى امجد
ياخ ما تحرك لى شكرى؛؛؛ واشواق لكل الاحبة عندك
( حالتو قال الوكت روّح)
يتبـــــــــــــــــــــــــــــــــع

خالد عبدالحميد كتب:
مهدى،، والله بوستك ده اعاين فيهو وامشى واجيهو راجع ،،كتلتنا بالضحك
بجيك راجع بى مهل إن شاء الله ،،،الوكت روح
داير قعدةشان نشوف
وحاجة هدى( ياعاطف انا اول مرة اسمع بى حاجة اسمها هدى)
( حالتو قال الوكت روّح)
يتبـــــــــــــــــــــــــــــــــع

العزيز خالد شايفك محتج على اسم حاجة هدى ؟ فهى كحاجة امنة بتاعة الغالى اسامة !
ياسيدى هدى دى صاحبة مطعم السمك فى الجبل على الخزان طوالى والظريف فى الموضوع انو الزول يشترى السمك بى القفة من البحر وهى عليها النجاض والضل يعنى مختلفة عن حاجة (عوضية سمك) بتاعة الموردة (خور ابوعنجة) ديك بتبيع سمك نجيض عديييييييل !!! (نوط لى تانى فى حلقى وقول اول مرة تسمع بى حاجة اسمها عوضية سمك؟)
المهم فى الموضوع الاخ مهدى منتظر وعدك.... بانك جاى بى مهل...... والموضوع داير قعدة ......شان تشوف ... وحال2 قال الوقت روّح !!!!وكدة
وامشى وتعال راجع
عاطف عكود