معلومات عن كابتن قاسم رحمة الله عليه

شكرا لكم جميعا طبعا انا ما عرفت عن نفسي بالكامل اوكي يا اخواني:
كابتن محمد الطاهر محمد البشير من مواليد مدينة شندي
خريج اوديسا اوكرانيا, وعملت في عدة شركات عالمية حتى وصل بي المطاف الى دولة قطر.
ولاكن الغريب في الامر انني لم اكن اعرف بان الكابتن( قاسم )رحمه الله هو احد اقاربي وذلك لانني قضيت معظم طفولتي في السعودية, وقبل عدة اشهر وانا في زيارة للسودان وكنا بنتكلم عن البحر وشغل البحر قال لي عمي سبحان الله العرق دساس : قلت ليهو كيف قال لي عندك قريبك ود عمة ابوك كان كابتن كبير اسمو قاسم واتوفي قبل سنين تقريبا في بريطانيا , وقال لي كان كابتن علامة وشاطر جدا ولاكن سنين طويلة ما جاء السودان قبل رحيله عن هذه الفانية.
والله لو تحكوا لي عنو اكون شاكر ليكم جدا........
اخوكم محمد الطاهر

ابو القاسم علي عثمان

رحمه الله رحمة واسعه

قاسم او ابو القاسم علي عثمان من ابناء شندي رغم انه نشا وترعرع في الخرطوم والدته كانت- كما يحكي عنها- بت ريف اي مصرية الاصول وكان رحمه الله لا يحب الحديث عن اهله الا عن والدته والتي كان يكن لها حبا عميقا الي ان اختارها الله الي جواره
في اخر ايامه كان يود لو يعوض عايلته ويتقرب اليهم واختار اسرة شقيقه الاصغر المرحوم سيف الدين علي ما ادكر ومنح طفليه وزوجته كل اهتمامه وتلك رواية طويله

المهم
قاسم علي عثمان لا شك كان اول قبطان سوداني يقود باخرة سودانيه رغم ان هناك من سبقو ه وحازوا علي شهادة قبطان اعالي البحار ولكن للتاريخ هو اول قبطان سوداني يتولي قيادة باخره
قاسم علي عثمان درس العلوم البحريه في اليونان وتخرج في احدي كلياتها المتعدده وقبل دلك درس في كلية فيكتوريا جامعه الاسكندريه
كان رحمه الله يجيد التحدث بالانجليزيه وكثيرا جدا ما تحدي ا لانجليز بانه يعرف الانجليزي احسن منهم
كان قارئا ممتازا وكان يحب الموسيقي خاصة موسيقي الجاز الاميريكي وكان يعزف علي البيانو والاورغن
كان حاضر البديهه دكيا طيب القلب لا تفارق الضحكة شفتيه
يبدو انه عاني كثيرا من معاملة اليوغسلاف لدلك كرهم بشده وتحداهم وانتصر عليهم وقد اعانه في دلك صداقته وايمان عمنا اسماعيل وسيد صلاح وصداقته للسيد شحاته والمرحوم يحي زكريا وعمر قمر ومعاملته الطيبه لي ناس عمنا محمد حامد وعلي حبيب
اقول بكل الصدق ان قاسم عاش قبل زماننا باكثر من خمسين عاما
كان يتحدث ويناقش مواضيع سمعناها منه ولم نفهمها ساعتها والان هي مواضيع الساعه
الحديث عن قاسم يطول لدلك سافرده علي حلقات علما بان هناك من يعرفون الكثير عن قاسم اكثر مني ولكنها مجرد اجترار للدكري
نواصل

شكرا للعم عبد الرحمن الزين على هذه المعلومات وازيد عليها بانه وبعد ان انتقل الى جوار ربه اكتشف اهله بانه سجل كل ما يملك لابناء اخوه السيف رحمه الله, فقد كانا يحبان بعضهما البعض وكان السيف هو الوحيد الذي يواصل الكابتن قاسم ولذلك قصة طويلة ارجو ان اجد الوقت لكي اسردها عليكم.

الله الله يا الروعه اخيرا عاد لنا اوي والله ليك وحشه افتقدك والمداوم ود كرار
ولي عوده ايضا محبتي لا تحدها حدود
ابدوس

اخونا محمد...

سلامات...من الاغراض الاساسية لانشاء هذا المنتدى اجتماع كل الاحباب واجترار الذكريات الجميلة , والتوثيق للشخوص العمالقه امثال الراحل المقيم ابو البحرية السودانيه...لكن عمنا عبدوس ضاق زرعاً بالعزف المنفرد من الجيل الرائع...واخونا ماسوره ما اداه فرصه لكيما يكمل بوست ريكا وسودان لاين الرائعه...

وانا متلك اخوى محمد ..زكان من امنياتى العمل بالخطوط السودانيه ولكن تاتى الرياح بما لاتشتهى السفن...وكما اسلفت فى بوست سابق لقد حالفنا الحظ لننهل من بحور اخواننا الذين عملوا فى السابق على ظهور سفن سودان لاين.

فارجو المتابعه وحث كل من له ارشيف عامر بالاحداث ان يوثق لهذا الصرح....فانها مسئوليه على اعتاقهم...

ولكم الود

ود كرار يا انيق
جد جد لمن تغيب افتقدك وعارف المشغوليات ... لكن لا تحرمنا من طلتك في اي بوست شئت ... ويا حبذا في بوست رشدي البرتكانه السكرة كما يحلو لي ان اناديه وبيني وبينك زمان كان رشدي البرتكانه لكن مع تقدم العمر اهو بقي كمان سكره
الذكريات بلابل في خاطري والذكريات بلابل وانا الوتر
ولكن يا ود كرار العزيز عندما تحكي الذكريات تحتاج لي لمه واول ما تبدا تقول اها امبارح وقفنا وين وعندما لا تجد من يرد عليك
تنزوي

وتكتفي
وتقول
لمن عاوزني
اقول
وانته سيد العارفين
خالد قال مدوا حبال الصبر
سياتوا يوما ما ولكن اخشي عندما ياتوا لن يجدوا من يحكي
معزتي لا تحدها حدود
عمك عبدوس

سؤالين: طالما نحن فى حضرة ذكرى كابتن قاسم عليه رحمة الله
منو أول مهندس درس الهندسة البحرية او استلم ch.eng ؟؟
وان كان قاسم اول زول ،، فكم من الوقت مرّ قبل ما يجى البعده ؟؟
واصلا هو مشى قرا البحرية دى من نفسه ولا رسلتو سودانلاين ولا الحكاية كيف فى ترتيبها الزمنى

كابتن قاسم عليه رحمة الله وكابتن ابراهيم يوسف عليه رحمة الله وكابتن شوقى البوشى عليه رحمة الله هم اول من بعثوا من قبل الحكومه لدراسة البحريه التجاريه باليونان واسم الكليه Aspropurgos تبعد من أثينا و بيريه حوالى 20 كيلومتر.
اما عن الCh.Eng اسألو عبد القادر شب.

وصلتنى معلومه قبل دقايق يا أخ خالد انه بابكر نميرى استلم باشمهندس فى 15-07-75 والحاج عثمان فى 17-07-75 وكابتن عابدون هو تانى الكباتن واستلم برضه سنة 75 وبتاع الاوزون فى بداية التمانينات اى قبل حوالى 28 سنه ولا زال بكتل عويناته غايتو جنس غايتو يا الرشيد. نتمنى الشفاء العاجل

شكرا ،،، ده الشغل وكده التوثيق المظبوط ،،،، ولما كل زول يسأل والعارف يجاوب ،،، حنطلع أكيد بكمية معلومات مفيدة ،، شكرا يا فاتح
لعلها مناسبة للترحم على كل من رحلوا ،،اللهم أرحمهم ...

غايتو جنس غايتو يا الرشيد. نتمنى الشفاء العاجل

سلامات ؟؟ العيان منو؟؟!!

الاخ خالد بلأمس لقيت معلومه من عمنا الجزولى وهى انه أول من بعثوا من حكومة السودان هم المرحوم كابتن كامل عبد الرحمن المرحوم كابتن حسن محمد صالح وكابتن حسن شريف موجود بدولة الامارات درسوا فى أنجلترا وكل الشهادات من أنجلترا.
العيان لسع مكتل العوينات والعوينات من غير نظاره والله والله بدقش.

شكرا لكم جزيلا
انا في غاية الفرحة لأني أريد أن أعرف و أقوم بتوثيق مثل هذه المعلومات الهامة عن تاريخ البحرية في السودان وعن الرواد من اعمامنا الكباتن والمهندسين وكل الكوادر العاملة في هذا المجال
وطبعا لن انسى ان اقول للوالد الباشمهندس الرشيد شمس الدين حمد لله على سلامتك وربنا يحفظك لاني وكما فهمت من كتاباتكم بانه متوعك وادعو الله ان يكتب له السلامة (آمين)
وا نتظر منكم المزيد من المعلومات
وشكرا
كابتن محمد الطاهر

اول شي معذره اليومين ديل مشغول شويه بس عاوز اقول معذره معلوماتك اغلبها مغلوطه وساصحهها لك بس اتفكه من الزنقه
وعلي فكره انا عازرك لانك بستند علي معلومات ناس الزهايمر ما مريحهم ولست انت استثناءا حبيبي توحه
معذره ساعود

القبطان قاسم علي عثمان ترقي في 17 اكتوبر 1973 كاول قبطان سوداني
اما اول باشمهندس هو الحاج عثمان ترقي الي كبير المهندسين في يونيو 1974
اول باخره هي سنار دشنت في بولا كرواتيا في 17 سبتمبر1961 ووصلت بورتسودان في 28 مارس 1962 وكرت المسبحه
الكابتن حسن محمد صالح اول سوداني يسودن وظيفة ناظر الميناء خلفا للمستر كول وذلك -علي ما اظن- في عام 1968 ولكن اهل المواني لديم ولا شك توثيق ادق

تحياتي

المرحوم كابتن قاسم كان يعشق موسيقي الجاز... في ذلك الزمان.. وارجو ان يصححني رشدي لانه اصغر مني بكتير.. بس مش كتير اوي...كان معنا العزيز المهندس عبد الحليم- لا ادري اين هو- المهم سمع تحت تحت انو كابتن قاسم بحب الموسيقي وقرر ان ياخد بوشو - علي قول ماسوره- لكن ما عارف المسكين انو اخد البوش ليهو ناس متخصصه-
المهم جانا قاسم في الصالون وسلم علينا وفي طريقو للخروج كالعادة.. قام عبد الحليم طوالي دخل في الموضوع وقال ليهو والله يا كابتن انا بحب الموسيقي بشكل غير عادي... هنا توقف القبطان لانهو دهش وعارفنه ناس كوشتينه ساكت... قال ليهو يا سلام بتحب شنو في الموسيقي اخونا عبد الحليم لم يفتح اللة عليه الا ان يقول بحب بتهوفن...... بتهوهن... بتهوفن قالها كابتن قاسم وهو يخرج من الصالون بلا عودة.... كان يرحمه الله يكره الموسيقي الكلاسيكيه واغاني البوب وتلك رويات اخري
شوفته يا قاشوره ما كل الناس بعرفو ياخدوا البوش
محبتي بلا حدود

والله متعا....

بس يابو عابر..المعلومات المورسيه ده عاوزه تفصيل شويه ...

فياماسورة..عاوزنك تعمل مجهود وحوافز فى بورسودان, عشان تشرك اصحاب الذكريات الحديديه مش اصحاب الزهايمر...

سؤال...منوصاحب الجواز البحرى السودانى الذى يحمل الرقم واحد؟

احبتى الكرام
على ذكر ايو الكباتن وسيرته العطره تحضرنى بعض القفشات من حاضر البديهه الكابتن قاسم
اذكر ونحنو كديتية فى الباخره نيالا وهى راسية فى جده وكان ذلك فى حر شديد ونحن واقفين مجموعة من الكديتوه جاء قاسم وقف معانا شويه وبعد دقائق تحرك قائلا ( انا الموقفنى فى الحر ده شنو؟ كديت ولا مسجون)!!
قلنا ليهو يا كبتن ما كت كديت زينا قال (زيكم!! انا كت براى ليمونه فى بلد قرفانه)
ولنا عوده

والله كلكم فخر للوطن فجميع المنتسبين للبحرية السودانية رفعوا راس السودان عاليا في جميع الدول التي عملوا بها

كابتن قاسم
فووووووووووووووووووق

المرحوم المقيم كابتن قاسم كان موسوعة في كل شئ وهذا أقل ما يوصف به. وكما الشئ بالشئ يذكر فقد كان على الدوام حاضر البديهة وموفق في توقعاته.
وتحضرني في هذه السانحة احدى قفشاته وهم كثر أذكر وأناضابط ثالث على ظهر الباخرة القضارف متجهين الى مرسليا ان لم تخني الذاكرة ولم يكن معنا ضابط ثانى وكنا موعدون بأن يكون الضابط الثانى فى انتظارنا اذ أن كابتن قاسم كان حريصا كل الحرص على أن يكون طاقمه مكتمل وقد كان فقد كان كابتن العمري فى انتظارنا وبعد أن صعد كابتن العمري على ظهر الباخرة أخذه كابتن الصادق الى القبطان قاسم للتعارف وعندما دخلوا عليه فى مكتبه وهو يعزف على الأورقن كعادته كابتن الصادق قال ليهو العمري الضابط الثانى فكان رد كابتن قاسم والله خوفتنى ونحن بنربط الباخرة قلت الكابتن الجاي يغيرني ده من وين انت تراك بالصلعة الكبترة دة ضابط ثانى.
(اللهم أرحم كابتن قاسم بقدر ما قدم للسودان ولأخوانه ولنا جميعا)
لنا عودة
بوسانتس

مادام ..عظيمنا وتاج راسنا خلدي..رفع هذا البوست فلا نملك الا ان نستجيب ولخالد الشكر والتقدير... فعلا لقاسم دينا علينا وشكرا مستحق...

يرحمه الله عاش في زمان... قبل زمانه..بكثير...
عندما كان يحدثني عن الكلوسترول ومضاره.. والسكري..والاحلام..و.و..و..
وحاجات تانيه حامياني وحاجات تاني ما حامياني يا خلدي- وارجوك واصل الدعابة فهي من اجمل ما نحب ان نقرا خلال المقالات حتي لا يطالنا السام...ومعذرة كمبيوتري ليس قادرا ان يضع الهمزة علي الالف علي السام ...والمعني واضح.
اعود لمضوع المرحوم ...الخالد في نفوسنا ابدا
.. النكتة الشهيرة الخالدة... تبه ومعتصم.. انا شاهد عليها بحكم اني كنت كبير الضباط..علي العزيزة شندي..حضر الينا من رييكا الكديت.. تبة الفيل انجلو والكديت معتصم دفع الله-اطال الله في عمريهما ومتعهما بالصحة والعافية----
اخذتهما الي قاسم..وكالعادة - في ذلك الزمان الجميل- تركتهما خارجا لاستاذن تقديمهما اليه....
قلت له الكاديت معتصم والكاديت تبه سيكون لهما عظيم الشرف ......
انفردت... اذتناه.....قلت لي معتصم...
خليهم يدخلو طوالي...
ودخل تبه..ودخل معتصم... سلم عليهما.....لكن رحمه الله لم يوفتها.....................عبد الرحمن... ده ..شنو .. في المرة الجاية قولي جايب ليك تبتين....
رحمك الله حبيبي قاسم..كم كنت حاضرا للبديهه .... عظيما..
محبتي لكم جميعا..ونواصل
عبد الرحمن