شاعر الشعب محجوب شريف في رحاب الله !!!!

اخر انفاس محجوب شريف قبل الرحيل
صحة وعافية للشعب السوداني

محجوب شريف
مستوصف تُقى التخصصي – أمدرمان
31 مارس 2014م
مِنْ وجْداني
صَحَّة و عَافية
لكل الشعب السوداني
القَاصِي هناك والداني
شُكراً للأرض الجابتني
والدرب الليكم ودَّاني
يا طارف وتالد
يا والد
النيل الخالد شرَّفني
واحد من نسلك عدَّاني
إنتَ الأول وما بتحوَّل
وتَب ما عندي كلام بتأوَّل
أنت الأول
وكل العالم
بعدك تاني
يا متعدِّد وما متشدِّد
ما متردِّد ... ما متردِّد
ملئ جفوني بَنوم مُتأكِّد
بل متجدِّد .. تنهض تاني
ولما تعاني .. بَعاني واعاني
وقلبي وعَاني أحبك أكتر
وما كفَّرتَ .. ولا نفَّرتَ
ولم تستعصى عليكَ مَعَاني
علمتونا نسِـد الفرقة
وإتقاسمنا رحيق الطَـرَقَـة
وكم شلناهو ثباتك دَرَقة
بكل البَـيْ وعَـلَـىْ وحياتك
أتحدَّاه كما أتحدَّاني
منذ 57 دقائق · أعجبني

وهذه أبيات كتبها محجوب قبلها بيوم واحد يوم 30 مارس ومن مستوصف تقي الذي مات فيه ،،، شكرًا محجوب شريف حتي وانت علي فراش الموت شايل هم الفقراء والبسطاء والمهمشين وهنا أبياته عن شارع الحوادث وجهد الشباب في إيجاد العلاج للمرضي بالدعم الذاتي ولذلك ولغيره كثير مثل جمعية محجوب شريف لرد الجميل فإن مثلك يا حبيبنا محجوب   لا يموت بل يرتقي سلم المجد رقيا الي اعلي عليين مع الشهداء والصديقين وأولياء الله الصالحين،،، الي الأبيات المعبرة :-

إتخاتتوك يا كشفها
تلك التي حيلا  انتهي
نجوها من ذل السؤال والجهجها ..
يا منتهي الصدق الجميل المشتهي ..
نعم الولاد ...
نعم البنات ...
شارع الحوادث إزدهي

جعفر عباس Jafar Abbas
مات الناطق الشعبي باسمنا
خطف الموت حادينا وشادينا وفارس
الحوبة في زمن اﻷمور المقلوبة، ولحق
محجوب شريف بالوالدة مريم العامرة
حنية وصافية النية، وبالمناضل الجسور
محمد الحسن سالم حميد، نسأل الله أن
يتغمد بواسع رحمته شاعر الشعب بن
الشعب والناطق باسم الغﻼبة والمحرومين
والمظلومين، تعالوا نبقى عشرة على شعره
ﻷنه ذخيرتنا في مواجهة القبح والظلم :
صحيت بالمؤذن وحالتك تحزن / مرقت
وسرقت الوبال/ معكز ملكز بسيخة ونعال
مكتف ملتف بأغلظ حبال/ وغيرك بخزن
جميع الغﻼل / يسرق ويهرب جمال / باسمه
اللواري تهد الكباري تباري الجبال/ سيادته
يدبر شئونه اﻷماسي / يرش الحديقة
ويرص الكراسي /
ما بين الغواني ورنين الخماسي / تعاين
تشوفه تقول دبلوماسي / يمضي ويرضي
ويهدي المحال / كمان لو تﻼحظ صديقه
المحافظ/ وقالوا المﻼحظ عيونه الجواحظ
تباري الريال /
حليلك بتسرق سفنجة ومﻼية / وغيرك
بيسرق خروف السماية/ وفى واحد –
تصدق - بيسرق وﻻية / ودا أصل الحكاية
وضروري النضال/ ضروري النضال
أرجو أن تجعلوا من هذا البوست بحيرة
تتدفق بشعر محجوب شريف الشريف
الذي كان " سوط " من ﻻ صوت له، وارفعوا
أيديكم بالدعاء ليوسع له في قبره ويجعله
تحت ظله يوم ﻻ ظل إﻻ ظله.

وهذه آخر ماكتب شاعر الشعب الذي كان يتنفس الشعر حتي وهو في سكرات الموت الاخيرة ، من مستشفي تقي بأمد رمان البارحة فقط يوم الاول من ابريل ،،

لحفيدي حميد قاسم أمين
ولكل اﻷ‌طفال ...

محجوب شريف
مستوصف تُقى التخصصي – أمدرمان

1/4/2014
أنا ليك مشتاق مشتاق مشتاقْ
تكبر سَبَّــاقْ
باﻹ‌يد والساقْ
بالحب والخير
من سَــهْلِ فسيح أو من رقراقْ
ترزي وسوَّاق تعمل زِقْـزاقْ
من وردِ جميل تَــهدي العشاقْ
أمَّــا الدقداقْ
سهﻼ‌ً يا زول تحتك بنطاقْ
تقطع لكن .. ﻻ‌ حد السيف وﻻ‌ بالسكين
حِــبرك ضوَّاي
تمﻼ‌ اﻷ‌وراق
ماكا الحدَّاث الما سَــوَّاي
بل كلك زوقْ
عندك أخﻼ‌قْ
بتلم الناسْ
قط ما فَــرَّاق
بـر الوالدين وتسد الدين
تب ما نقناقْ
تدي اﻷ‌شجار العصفورات ..
صحة وعافية للشعب السوداني

رحم الله شاعر الشعب والوطن
وأدخله فسيح جناته مع الصديقين والشهداء
وحسن أولئك رفيقا
شيعته الجموع الصادقة اليوم وهي تهتف
ماك الوليد العاق
لا خنت لا سراق

ويا له من هتاف معبر

الكلام دا بلسان الشاعر القدال:                             ثلاثة قصائد كتب اتنين يوم 31 مارس وهما لاميرة الجزولي وتحية للشعب السوداني والثالثة يوم واحد ابريل لحفيده حميد. املاها من تحت كمامة الاكسجين لبنتيه مريم ومي ولزوجته اميرة الجزولي.. اعطانيها البارحة قاسم زوج مي .. وانزلتها في حائطي في الفيسبوك. لقد كان حريصا بشكل غير طبيعي ان تنزل في النت .. ولقد حرصت ان يعرف انها نزلت وكان ذلك حوالي 11 مساء البارحة. لقد كان في قمة سعادته. اكتب هذا للتوثيق ونحن في شارع الثورة بالنص زحفا لنواري جسده الطاهر في البقعة التي اختار ان يرقد فيها. اللهم ارحمه واغفر له وتقبله مع الصديقين..  القدال.                                   ---------
أعلاه كلام القدال كما تواتر عبر الواتسااب مرتبطا مع القصائد التلاتة الاورودها رشيدنا مشكورا، مبدع من علي فراش الموت له الرحمة

تصويب/ رشيدنا جاب واحدة وهنا الاتنين ليتسق التوثيق مع كلام القدال.
----
آخر ما كتبه اﻻستاذ قبل يومين من
رحيله :
عيد ميﻼد أميرة الجزولي
31 / مارس 2014 م
محجوب شريف
مستوصف تُقى التخصصي – أمدرمان
صفِّــقوا وغــنُّوا
دقوا الترمبيتة
حبَّـتني حبَّــيتا .. ربّــتني ربّـــيتا
ما بطيق النوم بَــرَّه من بيتا
إﻻ في منفاي صورة خـتــيتا
إن شاء الله ما يحصل
ينقطِـع خيتا
حلــيـبها .. شاييها .. كسِــرتا وزيتا
بيــنـَّا نِدِّية همَّــنا السُترة
ما استفزتني .. ما استفزيتا
كم تشاجرنا
مين سمع صوتنا؟
وﻻ غَلَط مَـــرّه .. إيدي مديتا
زعلتَ رضَّــتني
برضو رضّـــيتا
نُـمتَ غـتـتني
قمتَ غَــتــيتا
كبرنا تاتتني
ياما تاتيتا
والبنات كِــبرَنْ
أصبحن نِــسوة
جابن الكِـــسوة
نوَّرن بيتنا
الدهب زينا بينا ما بسوى
سمعه بس سمعة
في ضحى الجمعة
ورَّقَــن خُدرة
فـَرَّن الكِـــسرة
فَــرَّحَـن ضيفنا
شاهي بالله وﻻ صينية
تفتح النية
هي ماهية وﻻ تدبيرا .. وسَّــع القـدرة ؟
دنيا .. يا دنيا
ألف شكراً ليك
هي ﻻقتني
وإني ﻻقيتا
حبتني .. حبيتا
ربتني .. ربيتا

والثالثة للشعب السوداني
------------
محجوب شريف
مستوصف تُقى – أمدرمان
31 مارس 2014م


مِنْ وجْداني
صَحَّة و عَافية
لكل الشعب السوداني
القَاصِي هناك والداني
شُكراً لﻸ‌رض الجابتني
والدرب الليكم ودَّاني
يا طارف وتالد
يا والد
النيل الخالد شرَّفني
واحد من نسلك عدَّاني
إنتَ اﻷ‌ول وما بتحوَّل
وتَب ما عندي كﻼ‌م بتأوَّل
أنت اﻷ‌ول
وكل العالم
بعدك تاني
يا متعدِّد وما متشدِّد
ما متردِّد ... ما متردِّد
ملئ جفوني بَنوم مُتأكِّد
بل متجدِّد .. تنهض تاني
ولما تعاني .. بَعاني واعاني
وقلبي وعَاني أحبك أكتر
وما كفَّرتَ .. وﻻ‌ نفَّرتَ
ولم تستعصى عليكَ مَعَاني
علمتونا نسِـد الفرقة
وإتقاسمنا رحيق الطَـرَقَـة
وكم شلناهو ثباتك دَرَقة
بكل البَـيْ وعَـلَـىْ وحياتك
أتحدَّاه كما أتحدَّاني.

كيف نعي محجوب شريف نفسه في قصيدة ؟؟؟؟

ﻣﺤﺠﻮﺏ ﺷﺮﻳﻒ
_____________________________

ﺃﻗﻮﻝ ﺩﻭﻥ ﺭﻫﺒﺔ ﺃﻗﻮﻝ ﺩﻭﻥ ﺯﻳﻒ

ﺃﻣﻮﺕ ﻻ ﺃﺧﺎﻑ ﺃﻳﻦ ﺃﻭ ﻣﺘﻰ ﻭﻛﻴﻒ

ﺑﻐﺘﺔ ﻣﺴﺘﻤﺘﻌﺎ ﺑﺄﻧﺠﻢ ﺍﻟﺴﻤﺎﺀ

ﻟﻴﻞ ﺻﻴﻒ

ﺭﺻﺎﺻﺔ ﻓﻲ ﺍﻟﻘﻠﺐ ﻃﻌﻨﺔ ﻣﻦ ﺳﻴﻒ

ﺃﻣﻮﺕ ﻻ ﺃﺧﺎﻑ ﺃﻳﻦ ﺃﻭ ﻣﺘﻰ ﻭﻛﻴﻒ

ﺃﻣﻮﺕ ﻓﻲ ﺍﻟﻈﻼﻡ ﻓﻲ ﺍﻟﺰﺣﺎﻡ

ﺗﺤﺖ ﻏﻔﻠﺔ ﺑﺴﺎﺣﻞ ﺍﻟﻄﺮﻳﻖ

ﺣﺮﻳﻖ ﻏﺮﻳﻖ

ﺃﻣﻮﺕ ﻓﻲ ﺳﺮﻳﺮﻱ

ﺯﻭﺟﺘﻲ ﺑﻨﺘﺎﻱ ﺟﻴﺮﺗﻲ ﻋﺸﻴﺮﺗﻲ

ﻭﺃﺻﺪﻗﺎﺋﻲ

ﻗﻄﺘﻲ ﺭﺍﻛﻮﺑﺘﻲ ﻭﺯﻳﺮﻱ

ﻣﻌﺰﺯﺍ ﻣﻜﺮﻣﺎ ﻣﻬﻨﺪﻣﺎ

ﺑﻨﺎﺻﻊ ﺍﻟﺒﻴﺎﺽ

ﻣﻮﻛﺐ ﻳﺤﻔﻨﻲ ﻟﻤﺮﻗﺪ ﺃﺧﻴﺮ

ﺃﻣﻮﺕ ﻻ ﺃﺧﺎﻑ

ﻛﻴﻔﻤﺎ ﻳﺸﺎﺀ ﻟﻲ ﻣﺼﻴﺮﻱ

ﺃﻣﻮﺕ ﻻ ﺃﺧﺎﻑ

ﻗﺪﺭﻣﺎ ﺃﺧﺎﻑ

ﺃﻥ ﻳﻤﻮﺕ ﻟﺤﻈﺔ ﺿﻤﻴﺮﻱ

هذا رثاء معبّر من سودانيزاونلاين،،، يبقي هنا للتوثيق والزمن.
-----------


*تعامد الظلال

قبل التعامد، ويبقى ضل كل شىء متله
ما في ضل غير الغرس زرعو وسقا

الشمس ركت فوق عواميد "التقى"
عض النهار جلبابو ..
هرول فى دموع..
زحمة شوارع ولمة الشهدا
وشرود الضل على ركن الزمن..
خطوات تزاحم فى رصيف.. وسؤال يدافر يسبقا...
وينو التعامد ؟ والرحيل حلّق شمس
والظلال الرامية بكرة ومن أمس
دسّت خيال جر المساحات طبّقا

محجوب .. ضمير الفرحة والحزن النبيل
فارس مجرتق بالصهيل..
شال راية الريد والتراب فوق المجرات علقا..

محجوب شريف
محجوب عفيف
محجوب شفيف
محجوب نضيف
محجوب أليف
محجوب حفيف

جاوب سؤالات الوطن ما ختّ لي أمواجا قيف..ما زفّ فكرة وطلّقا..
ميدان عصافيرك فرش تغريدو ممشى واندياح... أرضا سلاح ..
وتميمة العشق المباح..

عين الشمس شافت عرس
نوّر عيونّا وشلّقا..
وقدرت تشوف وطن الحبيبة المستباح
والظلم والهم والجراح
غلط المدينة البقّو صاح
سرقة كحل من عين شمس
سرقة نهار من يوم أمس

محجوب سؤال
محجوب جواب
محجوب مجال
محجوب كتاب

محجوب حضور جوّه الغياب
كل الحقيقة بيمرقا
وردة ضفافك شالعة ضو فى الضفة
والموج والبعيد
إلفة كفوفك صابة شاي يسقي المواعيد والنشيد

أبواب شراد ما بطرقا
قول ماشي وين كداري حي السوق
تشق العدني والملجه
وتحيي السايق الكارو، تبين فى ضحكتو الفلجه
تمازح فارش الخدره وسايق الرقشة والشيال
وقلب يرسل المرسال
يدق أبواب بيوت يسأل طيور الجنة عن الحال..
سامح وقتنا البطّال
سامح لو ليالي الظلم فوقنا تقال
سامح لو سكت جوانا صوت ما قال لي وطنو تعال
سامح لو علانا ضجيج طواحين الهوا الكتّال

بكرة الفوله تملا حماس .. ويرجعو للبلاد الناس ..
ونقلع من مداخل عيد عيون الكاميرا والترباس..
سطورك يا حبيب الشعب تملا وطنا والكراس

(محل الطلقة عصفورة)
(محل السجن مستشفى)
محلك إنت ما في محله.. ما فى البملا بيه وطن
موجود إنت فى الإنسان
جوه قلوبنا والوجدان
دليل الشارع الفاتح علي قلبك غنا وعنوان

*المكاشفى محمد بخيت

لا نقول الا ما يرضى الله ..  له  الرحمة والمغفرة  ولآله  ومحبيه الصبر وحسن العزاء

ﺃﻗﻮﻝ ﺩﻭﻥ ﺭﻫﺒﺔ ﺃﻗﻮﻝ ﺩﻭﻥ ﺯﻳﻒ
ﺃﻣﻮﺕ ﻻ ﺃﺧﺎﻑ ﺃﻳﻦ ﺃﻭ ﻣﺘﻰ ﻭﻛﻴﻒ
ﺑﻐﺘﺔ ﻣﺴﺘﻤﺘﻌﺎ ﺑﺄﻧﺠﻢ ﺍﻟﺴﻤﺎﺀ  ..
سبحان الله !
وايضا :  هتهرب منو جلدك وين
ويوماً ما حتسكت تُمّ
و أخّت رأسي
و أفارق دنيتي وناسي
و أخلي ورايا كراسي
وما أسّود سطر بالشين
نعم لم تسوّد أسطرك  ولم  تحيد عن حب وطنك وشعبك وانت تقول :
طريق الشعب اوسع من زحام الضيق
وقلب الشعب ارحب من رحاب الضو
ونبض الشعب كلو حلم بداهو بتم
تطلع من شقوق الارض الاف المدن قامات
ويطلع حتى من قلب الحجر والصى
شجر متشابك الهامات وجيلاً جاى حلو الشهد
-------
من وصاياه للشعب
أوعَك تخاف
يا من تموت بالجوع وقدامك ضفاف
والأرضِ باطنها ظلَّ مطمورة سواك
عطشان وقد نزلت عليك
أحزان مطيره
مُزَن سماك
الدنيا أوسع من تضيق
قوم أصحى فِك الريق هتاف
إن الذين أحبوا روحهم ضيَّعوك
وبيَّعوك أعز ما ملكت يداك
أوعَك تخاف
الخوف محطه محطه ما سكَّة وصولك للطريق
إن الأيادي الحُرَّه ما بْتشعِل حريق
تبْ مابْتقيف تستنَّى قدامها بْتشوف
يَحْتِل غريق تلو الغريق
ما تنسى إنك كنت صاحب راي وبيت
أهلا حباب لو دقَّ باب
عندك مخدَّه وعنقريب هبَّابي،
لمَّه وقهقهات
تصحى وتنوم وتقوم معطَّر بالنشاط
تنعس وقع في لحظه من إيدك كتاب
وقلم كما برق السحاب
يتهادى ما بين السطور
كان سرجو كرسي الخيزران
عند المغيرب رادي
بغ بِنْ المزاج
يدخل من النفَّاج عليك عثمان حسين
يا عُشرة الأيام تمام
أهو دا الكلام
يا سلوى جك المويه
أعملوالينا شاي
الأسره ممتده وحِداك جيران لطاف بي جاي وجاي
جار المسيحي سكن إمام
إلفه ومودَّه وقرقراب
والناس قُراب
ناس من نيالا وآخرين
من وين ووين
هسَّع جهنم في الحقيقه معسكرات
من أين جاءكَ هؤلاء
ما جونا من قيف السراب
أو جونا من خلف الحدود
بل جونا من جوّانا هم حُترب
هنالك باقي في حلق الكلام
تلك البذور الراكده في قاع الجُراب
ما اتنفَّست فلق الصباح
نفسا لأزقة الفيها
سكَّتنا الكلاب..
ولكم وكم غلب الغُنا السمح النباح
كم نحن أحياناً شربنا المويه
من كاس الجراح
من بين أصابعنا المخدَّره بالسُكات
من بين مسامات العيوب..
يا الله مين جلَد البنات
جلداً موثق في القلوب
وسكتنا ساي
جُوّانا منْ فصل الجنوب
هم عَسَّموك وقسَّموك خلُّوك مشتت في الدروب
حدَّادي مدَّادي الوطن قد كان
حليل الأغنيات
يا أيها الأسف الشديد
أكتب نشيد من تاني أجمل أمنيات
لا للشهيد تلو الشهيد
إلا إذا خطأً وصدفه تِحِتْ هدير التنميه
موت الله ساي حتماً أكيد
أو جانا من خلف الحدود
وطن الجدود وطن الجدود
نفديك بالأرواح نذود
من بعد ذلك ياجميل
أحلم بما لك من حقوق
كشك الجرايد في الصباح،
كيس الفواكه والملابس والكراريس والحليب
نكهة خبيز والدنيا عيد إنسان عزيز
وطن سعيد والشعبِ حر
وطن التعدد والتنوع والتقدم والسلام
حيث الفضا الواسع حمام
والموجه خلف الموجه والسكه الحديد
حرية التعبير عبير
تفتح شهيتك للكلام
النهر مابِستأذن الصخره المرور
جهراً بِمُرْ نحو المصب
أمواجو تلهث من بعيد
أكتب نشيد راسخ جديد
الشمسِ تشهد وبرضو أستار الظلام
::::::
السبت 7 سبتمبر 2013م
ألمانيا
وداعا يا ابو مريم ومى