من طرائف البحار

وهذا ركن الحكاوي الطريفه من عوالم البحار ولعلي ابدا من الباخره نيالا اول التمنينات والعبد لله كاديت جديد واول يوم لي في بوسودان زمن ال250 وهذا حديث اخر ومن السلم يقابلني زول وبعد السلام طوالي قال لي[في كله صباحي!!] كله ام كلا ده انقليزي ده??الزول ده قاصدني انا لانو قصه كلا دي ما ادونا ليها في الاكاديميه ثم انو ليه صباحي?!! غايتو اكلتها واظني اكون قلت ليهو اللي تشوفو صباحي صباحي دي حكوه ما تحصل الا في البحر علها تكون بدايه لطرائف البحار لنا عوده ان شاء الله

انا غايتو ما فهمت حكاية الكلا صباحي دي اشرح لي يا ود الاستاذ

نرجع شويه لايام الكلية,وفى احدى (السمر كورسات الشهيره) وكنا متمركزيين فى عمارة عبد الرازق والفلس ضاربنا والسجاره بدخنوها خمسه,فجاة يطل علينا واحد من الجهابزا وطبعأ شقه غريبه لانو فى العاده مابجى يزورنا عشان مايشوف حالة البؤس الاحنا عايشنها....المهم بعد السلام والتراحيب يقوم يطلع علبة الكليوباترا ويضع واحد لفافة وتحت زهول الجميع يشعل السجارة!!!!!والمعروف لدى الجميع انو الزميل ده مابدخن (مش عشان السجاير مضر بس.....) المهم انا كان اول الفايقيين من الصدمه, وبادرة بالسوال متتن يا ابو الكباتن بقيت تدخن!!!!! ها ها ها ها بادر الجميع بضحكته المعهوده, والله مابدخن بس واحد جانى زيارة ونسى العلبة وقلته بدل ماتبوظ ادخنه (طبعأ يتقده سدره ما مشكله بس البلاش ده مابفوته).

نمره واحد اول مره حاتم يقول انو في حاجه ما بعرفها وعلي الملا كمان ده مكسب ولا كيف؟؟
اتنين انت يه حاتم كلا ما تعرف؟؟ مصطفي سيد احمد ما تسمع؟؟؟ حين قال "كلات المواني الغبش التعاني,,"
يا ناس سودان لاين يا ناس المواني ادو الزول ده تعريف وافي لو سمحتو

يا خالد هسى الواحد اقوم امسح البوست الفوق بتاعي واغالطك اقول ليك انا عارف كلا
غايتو كلا بتاعتك دي انا فتشتها في مسوعة الويكيبيديا والاينسايكلوبيديا بيرتانيكا والقواميس كلها قبال ما اسأل السؤال لكن تقول شنو؟
مالقيتا
وكلات المواني دي اول مرة الاحظ ليها مصطفى سيد احمد ده كل مرة تسمع الغنية تلقى فيها بيت جديد
منتظرين واحد يشرح لينا الكلا والكلات

اها نحكي ليكم قصة الباشمهندس ابراهيم شرقاوي (لو في زول عارف ابراهيم وين يدينا خبر) مع الجالي بوي الباكستاني
في اول رحلة لي مع NSCSA مشيت السويس عشان اركب الباخرة سعودي درعية وفي مكتب الوكيل اكتشفت انو في 3 سودانين وصلو قبالي وموجودين في الفندق. في الفندق قابلت ابراهيم شرقاوي وعرفني علي كابتن فضل السيد وكابتن جيد ولمن طلعنا الباخرة لقينا نازلين الباشمهندس علي محجوب و كابتن الفاتح ادريس وكابتن الباخرة كان كابتن النتو

المهم ابراهيم شرقاوي (زينا كلنا) كان زهجان من المكوة طبعا نحن ما فارقا معانا كتيرلاننا طول اليوم بالافرولات لكن ابراهيم راديو اوفيسر ولازم القشرة. ابراهيم جاتو فكره قال حقو اكلم الجلي بوي يكوي لي الهدوم واديهو الفيها النصيب
مشينا للجلي بوي وكان ما بعرف انجليزي خالص. ابراهيم قاليهو اكوي لي هدومي وانا حا اديك 20 دولار في الشهر. الراجل ما فاهم اي حاجة ابراهيم استعمل لغة الاشار وعمل حركة انو بيكوي بي يدو ويقول اكوي لي وانا اديك 20 دولار. الراجل فهم غلط ونطط عيونو
no sir no sir وقام جاري

التحية للجميع وتحايا خاصة للأخ حاتم علي الفكرة الرائعة، وتحية مصحوبة بالشكر للعزيز "ود كرار" علي دعوته الكريمة لي للإنضمام لهذا المنتدي رغما عن انني ليس لي علاقة بالبحر الا عند وجبات السمك، وتحية حب ومودة للعزيز خالد "ابو منتهى" الذي افتقده من قلبي وادعوه للتواصل. ولئن لم يجمعنى بهؤلاء الأحباب البحر بمهنيتهم فقد جمعنى بهم ما هو اعمق من البحر بكل صدق فهم جميعا اخوة حقيقون امتدت علاقاتنا وتوطدت واصبح كل منا فردآ في اسرة الآخرة. لم التقي اي منهم فى اي مرحلة دراسية او عملية ولكني اجزم بأنهم ظلوا اوفي واصفي " والبحر في احشائه الدر كامن" .
التحية للجميع ، حاتم "الكدندلي" "كزام" "خالد عبدالحميد" "مكوار" "علي محجوب" " ياسر قريش" "مهدي" ودمتم في تواصل.
عصام عبد العال خالد

مرحبا بالاخ العزيز ودعبدالعال ,أخ وصديق ومشارك للبحارة السودانيين....

طبعأ الخ عصام بانكر مخضرم.. مغترب بالرياض...البنك الهولندى....جار ودفعة للاخ العزيز محمد راشد(مكوار) يعنى ناس امريكا ديل لو عاوزيين اى استشاره ماليه يقولوا عووك.....

بمناسبة العزيز مكوار انا ليه كم يوم ساكيه عشان يسجل ويشارك...غايتو شيلو شيلتكم لو مكوار سجل...

بخصوص الكلا بتاعت ود الاستاذ ياكدندلى جبت ليك اى كلا فى القاموس المحيط وانت اختار مايناسب القصة
كَلأَهُ، كَمَنَعَه، كَلْئاً وكِلاءَةً وكِلاءً بكسرهما: حَرَسَهُ،
- و- بالسَّوْطِ: ضَرَبَهُ،

- و- الدَّيْنُ: تأخَّرَ،

- و- الأَرْضُ: كَثُرَ كَلَؤُها،

- كأَكْلأَتْ،

- و- بَصَرَهُ في الشيءِ: رَدَّدَهُ،

- و- عُمُرُه: انتهت.

- والكَلأُ، كجبَلٍ: العُشْبُ رَطْبهُ ويابِسُهُ.

- كَلِئَت الأَرْضُ، بالكسر: كَثُرَ بها،

- كاسْتَكْلأَتْ،

- و- الناقَةُ: أَكَلَتْهُ،

- وأرضٌ كَلِيئَةٌ ومَكْلأَةً: كثيرتُه.

- والكَالِئُ والكُلأَةُ بالضم: النَّسِيئَةُ والعَرَبُونُ.

- وتَكَلأَّتُ وكَلأَّتُ تَكْلِيئاً: أخَذْتُه.

- وأكْلأ: أسْلَفَ، وأسْلَمَ،

- و- العُمُرَ: أنْهاهُ.

- واكْتَلأَ كُلأْةً،

- وتَكَلأَّها: تَسَلَّمَها.

- ورجلٌ كَلُوءُ العَيْنِ: شَديدُها، لا يَغْلِبها النَّوْمُ.

- والكَلاَّءُ، كَكَتَّانٍ: مَرْفَأُ السُّفُنِ،

- و ع بالبَصْرَةِ، ويُذَكَّرُ، وساحلُ كُلِّ نَهْرٍ، كالمُكَلأَّ، كمُعَظَّمٍ.

- واكْتَلأَ: احْتَرَسَ.

- وكَلأَّ سَفِينَتَه تَكْلِيئاً وتَكْلِئَةً: أدناها من الشَّطِّ،

- و- فلاناً: حَبَسَه،

- و- إليه: تقدَّم،

- و- فيه: نَظَرَ مُتَأَمِلاً.

- الكَمْءُ: نَبَاتٌ م،

والله خليتونا نضحك من جوه الجوه ,,"كلا" مساله ابسط من القواميس لكن اذا اخدت الحجم ده , نشوف حتسووا شنو في"صباحي" غايتو الا يحلكم زول من سودان لاين او من بورسودان ...
عصام يا ابا خالد ليك وحشه بركه اللمينا فيك..

عاطف صديق ما تدينا من حكاوي النقابه شويه ذكريات..علي الاقل امرق ناس الشركه السعوديه ديل من زنقه "كلا" دي
كابتن احمد ., الناس ديل ركبو البحر ونزلو ما يعرفو كلات رايك شنو؟؟

عصام عبدالعال سلام والله ايام ما شفناك من ايام البنك السعودي
كيف ما ليك علاقة بالبحر يا راجل بالبحارة البتعرفم كلهم انت البحر كلو
بالمناسبة الفكرة فكرة صاحبك ود الاستاذ اصلو الكبر حصل وعايز يدون الذكريات قبال ما تنمحي
زكرتنا اسم كزام اها يا كزام جيب لينا محمد راشد كمان
اها بمناسبة الشغلانتو نار والجو كيف سخن (engine room في الخليج بس)
اول مرة اطلع من البواخر النضيفة (سعودي درعية , سعودي تبوك ,...الخ) ركبت الباخرة سعودي قصيم وكان ال First Engineer عبد المجيب قاعد معاي في اول وردية 8 - 12 وكنا طالعين من ميناء جدة المكنة دورت وتدويرة المكنة تقول في ضرب مدفعية تقيلة - على قول مهدي شلكاوي "مكنتم دي دايرا ليها قلب اسد" - وعدت المناورة علي خير الشيف طلع وعبد المجيب قعد شوية وطلع وانا لسة في الكنترول روم
شفت الحتة محمرة برة طلعت اشوف الحاصل شنو لقيت ليك النار مولعة في المكنة وعبدالمجيب جايب طفاية ويطفى في الحريق ويضحك بعد ماطفينا الحريق دخلنا الكنترول روم عبد المجيب قال لي نسيت اقول ليك انو المكنة بعد الابحار بتعمل حرائق واول ما نزلت اكلمك لقيت الحريقة مولعة.
وين يا اخوانا عبد المجيب؟ زول يجيبو لينا
يا كزام الجيبتو ده كلو ما قدرت اركبو في جملة خالد
لكن قوقل جاب المعنى من سودانيز اونلاين

معتصم ود الجمام من سودانيز اون لاين كتب:
اكتب اليوم عن شريحة مهمه جدا من شرائح المجتمع في السودان وهم العتالة
او عمال الشحن والتفريغ او كلات المينا وهم منتشرين كعتالة في جميع مدن وارياف
السودان ولكن في بورسودان حيث الميناء والبواخر وحركة الصادر والوارد من زمن نهضة
السودان قطن وبذور وصادرات كتيرة كان لهولاء نقابة كبيرة جدا تملك مبنى بجوار ميناء
بورسودان خاص بنقابة عمال الشحن والتفريغ .
لكــــــــــــــــن
جار الزمن كما جار على عدد كبير من شرائح المجتمع على هذه الشريحة المهمه
احاول في هذا البوست الحكي عن معاناة الكلات في ما بعد 89 وحالة الركود الذي اصاب
حالهم
ونواصل

لو واحد عايز يقراء البوست كله هنا
http://www.sudaneseonline.com/cgi-bin/sdb/2bb.cgi?seq=print&board=120&msg=1190281222&rn=

"والماهم قراب قربم العمل" ده العمل السفلي ولا شنو يا ود الاستاذ؟

لوفيه واحد بذكر عادل كاترن يقول....اخونا عادل ماكل الدفعة بتعرفه...شاب ساخر جدأ....درس فندقه بحريه..
المهم كان ماخد موقف من الشباب فى الكليه ....بس مصاحب اخوانا المصريين...
الشاهد فى الموضوع يوم لقيته قاعد لوحده ...وسلام وتعارف ومن وين وبتدرس شنو...
المهم عاوز ادخله فى السودانيين شويه...فعزمتو على قعدة أنس ورحب بالفكرة وكنا بنجتمع فى شقتنا بالعصافره فى حوالى الساعة التاسعه...
وكنت اسكن فى تللك الفترة مع الاخوان مكوار وضرس وفى الشقة القصادنا الحبيب ود محجوب,ياسر شاكر وأسامة محمد عثمان(سامتا)..وكنا كل اربعاء بنعمل جلسة سمر فى الشقة...
اخونا ياسر على العود ومحمد (ضرس)على الاورق وسامتا يدندن وعلوبه مايسترو الميز واذكر فى تلك الليلة كان معنا الاخ الحبيب عمار عليه رحمة الله ...

المهم جينا من الكلية واخدنا قيلولة العصرية ولسه مااتعمقنا فى النوم , فاكون اول الصاحيين على جرس البا ب فى حوالى الساعة الخامسة...فاجد الاخ عادل فى وجهى...بعد السلام وشاى المغرب وابتدا الخوة التجمع تباعا....المهم لمن اكتمل العقد كان الساعة التاسعة...وطبعا عادتنا نتعشى بعد منتصف الليل لانو كنا بنشرب شاى المغرب ببسكويت تقيل....
طبعا اخونا عادل من الساعة 8م ابتدا يتململ...لمن جات الساعة 9م مأل عليه هامسأ....وقال ليه انت ملايكه...مابتتعشوا...طبعا اخونا ضرس لمن سمع الكلمه ده وقع فى الارض من الضحك...

من طرائف اسكندريه اول التمانينات لما دخلنا الاكاد... جامعة الاسكندريه كان عندها اتفاق مع معهد شمبات الزراعي انوالزول البيخلص تالته بي جيد ممكن يدخل كلية الزراعه من تانيه ويكمل ,,,المهم في مجموعه من الشباب جو من هناك واصطلح علي تسميتهم "الشمباتا"
ماشين شقة الشمباتا,,قابلت زول من الشمباتا ....الاستخدام للكلمه كان اكتر من عادي ..
واحد من البرالمه ما وقعت ليهو الكلمه..كتمها لغاية ما صرح يوم...
والله الشمباتا ديل يشبهو السودانيين شبه شديد؟؟؟؟

السلام عليكم ورحمة الله وبركاته

الشباب الغاليييييييييييييييييييييييييين جدا
تهانينا والف الف مبروك علي هذا المنتدي الرائع والحقيقي نحن كنا محتاجين ليه بشدة .. طبعا لو قلت ليكم بعد الفترة دي انكم حقيقي في الوجدان ما حتصدقوا ... بس لازم تتاكدوا انكم صفوة والواحد فعلا سعيد انو لقي حاجة تجمعنا بيكم مرة اخري ( عشان يعيد الانكسر من غير قصد ) ... تحياتي لود الاستاذ الرائع وحاتم ابوالقاسم مستر غلاط ولود كرار ولبابكر يوسف ولجميع العقد الفريد .. وانشاء الله نتواصل دايما

الاخوة الافاضل مشاركة من يوسف عبدالقادر.........

جعلي ركب الطيارة حلف على بناته بالطلاق يساعدن المضيفات....

***جعلى الدكتور جاء طالع من غرفة الولاده قال ليهو أبشر بالخير مرتك جابت تومتين الجعلى قال للدكتور على الطلاق تشيل واحده

***واحد عندو حب استطلاع قالو ليهو لو بطلتا حب الاستطلاع نديك نص مليون ..قال ليهم والنص التاني حتدوهو لمنو

***مسطول اشترى خروف ضعيف شديد ..ابوهو قال ليهو دشنو الخروف الضعيف ده قال ليهو ماتشوف الجسم شوف العيون كيف؟

***بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

***ندل أبوه طرده من البيت كتب على البيت مقر تنظيم القاعدة

***مدرس سأل تلميذ عبيط : مين الحيوان اللي
يصحّينا ل صلاة الفجر ؟ قال له : أبويا

***مسطول سالوهو منو من الانبياء كان بتكلم مع الحيوانات
قال ليهم طرزان
...........................
***سكير لاقي ست العرقي في الحج
حلفها قدام الكعبة تاني ما تزيدو موية .

***مسطول متفلسف سألوة
إنتربول يعني شنو؟ قال ليهم يعيني كفر جواني

***مسطول جا جنب يافطة
طلمبة أجب طلع بالسلم وكتب بعدها
بلا أو نعم

***مسطول بيضرب بوهية قالو ليهو خت جريدة تحتك
قال: لا لا كدة محصل

***مسطول سألوهو ماهو الحب؟
قال ليهم : أكوله في القلب ما بتقدر تحكها

***سواق حافله مسطول الكمساري قال ليه: اللستك نزل, قال
ليهو: ما تشيل منو

***مسطول دقنو كبيره دخل الجامع لأول مرة واحد يسأله يا شيخنا فاتتني ركعتين أعمل شنو؟ قاليهو في زول شافك؟ قاليهو لا, قال ليهو: أعمل نايم .

**مسطول دخل عنبر في المستشفي لقى واحد مركبين ليه درب و التاني عنده شلل رعاش
قال ليهم ده مستشفي شنو دي واحد خاتينو في الشاحن و التاني على الهزاز

**مسطول قامت ليه حبة فوق حاجبه .. وقف قدام المراية وعاين ليها وقال : هسة دي يقولوا عليها عين ولة غين !!؟؟

**مسطول مرتو ماتت قالوا ليه :نديك اختها قال:دي نسابة ولا شركة تأمين

واحد مسطول محكوم عليهو بالاعدام كل ما يجي يشنقوه ،
الحبل ينقطع ....عاين للسجان وقال ليهو وهو متغاظ ...
احنا جايين ننشنق ولا جايين نلعب!!

**دنقلاويه فتحت جواز راجلها لقت مكتوب رجل اعمال
مسحت اعمال وكتبت عوضيه

**مسطول عجبتو بت في الحافلة لما
نزل شال رقم الحافله
....

سلام يا ود كرار ( امجد عابدون ) يا غالي ..كيفك وكيف اخبارك انشاءالله تكوم بخير وعافية .. طبعا انا موجود الان ببورتسودان بس اهو دايما في حالة تنقل .. واخبار الجاك بخير وهو موجود الان بمدني ... انشاءالله نتواصل عبر المنتدي ونعرف اخبار بعض اكثر واكثر... سلامي لجميع الاهل

يا شباب انتو وين مهدي شلكاوي

من طرائف البحر : حكى لى أحد الزملاء من الرعيل الأول حكاية واحد بحار فى سودانلاين أيام الإبحار عن طريق ال
Cape town
فى ليلة السفر من ميناء ليفربول إلى البحر الأحمر كان الوداع حاراَ !!! ... نسبه لطول الرحله
أبحرت الباخره وعند السواحل الغربيه لإفريقيا هاجت شجون الذكرى ب صاحبنا
قام كتب رساله كلها رومانسيه وختمها من يجد هذه الرساله يرسلها إلى .... وأودعها فى زجاجه فارغه بعد أن قفلها جيداَ ألقى بها فى البحر ...أبحرت الزجاجه الى أن وجدها أحد صيادى مراكب الصيد فى شواطى أمريكا ...طبعاَ أرسلها للعنوان إياهو ... وكتب لصاحبنا رد كان من طرائف البحر وهو
We usually used to send mail by air not by sea !!!

[quote="Saadeldien Karrar Ibrahim"][quote="ود كرار"]نرجع شويه لايام الكلية,وفى احدى (السمر كورسات الشهيره) وكنا متمركزيين فى عمارة عبد الرازق والفلس ضاربنا والسجاره بدخنوها خمسه,فجاة يطل علينا واحد من الجهابزا وطبعأ شقه غريبه لانو فى العاده مابجى يزورنا عشان مايشوف حالة البؤس الاحنا عايشنها....المهم بعد السلام والتراحيب يقوم يطلع علبة الكليوباترا ويضع واحد لفافة وتحت زهول الجميع يشعل السجارة!!!!!والمعروف لدى الجميع انو الزميل ده مابدخن (مش عشان السجاير مضر بس.....) المهم انا كان اول الفايقيين من الصدمه, وبادرة بالسوال متتن يا ابو الكباتن بقيت تدخن!!!!! ها ها ها ها بادر الجميع بضحكته المعهوده, والله مابدخن بس واحد جانى زيارة ونسى العلبة وقلته بدل ماتبوظ ادخنه (طبعأ يتقده سدره ما مشكله بس البلاش ده مابفوته).[/quote]
[right][b][color=indigo]أظنو شايقست ياأمجد مع الإعتذار ل الكندندلى :lol: :lol: ... سعدالدين كرار[/color][/b][/right]

[right][b][color=#4b0082]زيها واحد صاحبنا أيام الكليه يطلع [u]كل خميسين[/u] فقط لوحده ل محطة الرمل يتعشى تمام وباسطه وبسبوسه من الحلبى والذى منو... ومافى صرف للخميسين الجايين ... المهم مره صاحبنا قاعد يتعشى فى مطعم واجهته من الزجاج وشغال يعزف فى ضلعه من اللحم تمام أظن المطعم أمام سينما مترو... فجأه شافوهو الشباب وهجموا عليهو ... طبعاَ صاحبنا إتحرج وعزم الجماعه إتفضلوا ياشباب عزومة مراكبيه... طبعاَ عملو ليهو حركات وطلبو حاجات غاليه :lol: ودفع الحساب هو...صاحبنا جاء يندب فى حظه إسبوع ... ومش كدا وبس ...بطّل يطلع ل محطة الرمل لمدة ِ شهر حتى يوزن الميزانية ... ومش كدا وبس ... بطّل نهائى يأكل فى مطعم واجهته من زجاج حتى يتفادى هجوم ال
Marines
تحياتى... سعدالدين كرار....

السؤال موجه ل ود السيمت وشرفى ويوسف منقه...عرفتو صاحبنا دا ؟ ولا الشباب الجديد مسحوا الذاكره!!!!

يا أخوانا أين الأخ عمر محمد بابكر أرجو من الأخوان أن يمدو بعنوانة او رقم تليفونة ،وبهزة المناسبة أزكر أنة في احدي الكورسات يوغسلافيا كنت أسكن مع الأخ عمر محمد بابكر,وكان دائما لدية هاجز ان جميع المطاعم لا تطبخ إلا لحم الخنزير فكان دائما يطلب فقط البطا طس,وفي إحدي المرات دخلنا مطعم بوسط المدينة مخصص للسمك فقط ,وبعد دخولنا المطعم ،إستأزن عمر لدخول الحمام وعند حضور الجرسون كان من الطبيعي أن اطلب طلبين سمك، وعند حضور عمر وجد طلبين سمك أمامي فقال لي لية طلبت لي،أنت عارفني انو مابأكل إلا البطاطس لأنو خائف من الخنزير،فأخزت في الضحك تلقائيآ وقلت لة دة سمك مشوي،فأنصرف عن الطربيزة بطريقة فجائية قائلآ،علي بالطلاق ما آكل سمك ،امكن يكون لحم خنزير

معليش يا شباب انحنا برضو قلبنا شاب وممكن نضحك... كنت ضابط اول في كردفان عام شنو كده ما عارف المهم بعد الميلاد ما قبله وكان مفروض انزل اجازه -0 ربما لاول مره في ذلك الزمن الجميل حيث كنا نكره النزول في اجازات واذكر انني قضيت اربعه سنوات في شندي دون ان انزل اجازه ولا ليم واحد= المهم كان من المفروض ان يبدلني الاخ القبطان الصادق علي ان ابقي انا بالباخره اساعده وبعدها اسافر كراكب الي السويس حيث كنت انوي ان اقضي اجازتي بلقاهره... جابوا لينا كديت جديد اسمهو محمد علي الرخا وانا كنته مربي دقن كبيره في ذلك ا لوقت ... المهم جاء الكاديت وقدم لي اوراقه ورحبته به جدا واخذته في جوله ليعرف الباخره وقدمته لرؤساء العمال والمطبخ تم اخذته لغرفته وطلبت منه ان يحضر غدا في الثامنه صباح
ويبدو انه اعجب بطريقة معاملتي له ... بعدها بقيل حطر قبطان الطادق وبدانا في عملية التسليم وقال من بكره هو حيبدا العمل لاننا كنا بنشحن وعاوز هو يقوم بكل شي ... اخبرته بموضوع الكاديت
وفي الباح حضر الكاديت وسال عن الشيف فذهبوا به الي الصادق الذي شخط فيه وامره ان ينزل ليراقب شحن الامباز في الديب تانك..... وفي فترة البريك -الفطور- طلع مغبر ومعفر وقال للبحري ياخوانا انا الداير الشيف ابو دقن ما داير الزول ده
لا ادري اين محمد علي الرخا الان غفر الله لنا جميعا

العزيز سعدون ....وين الغيبه...

التحايا للحبيب حاتم صاحب الحجم الكبير والقلب الاكبر..التحيه له وهو ينثر الضحكه اينما حل والحب اينما ارتحل ....
ذودنا باخبار الاخ ود قريش وبقية العقد الفريد.

والتحايا موصوله لشخصك الكريم