سلام و تحايا

سلام و تحايا من اعماقى لكل رواد هذا المنتدى الجميل بعد فترة انقطاع طويلة لظروف خارجة عن ارادتى اتمنى من اللة ان لا تكرر
عثمان بخلن

عودا حميدا ابو عفان وفى انتظار الوعد بعدم الانقطاع
ودام التواصل
عاطف عكود

حمدا لله علي السلامة يا عثمان.

العزيز الابن عثمان بخلن..مرحب بيك وزي ما بقولو اخوانا خالد و ودعكود بيتك ومطرحك...
عثمان بخلن .سرحت مع الذكريات واعتقد باني اول سوداني او طالب اجنبي سكن بخلن..كان ذلك في اواخر الستينات..انتهينا من الدراسه ولم يبق الا الامتحانات للمواد المتراكمة..وكان لا بد من الهروب من المدينة لزوم الهدؤ وخفضا للنفقات...
اشد ما كان يؤلمني عندما اذهب لرييكا في عطلة نهاية الاسبوع لمقابلة الاصدقاء والترفيه وكده...ما تحكوها...وتنظر الي الساعة فتجد ان اخر بص قد غادر قبل ساعات..
لا مناص الا الكدر في ذلك الظلام الدامس وانت تشق تلك المنطقة التي يقطنها الغجر..وكلمات صاحبة المنزل ترن في اذنيك..لمن تجي ليلا اول ما تنزل من الظلط اعمل حسابك من الدبايب...ذكريات اتمني الا تتكرر رغم بعض جوانبها المشرقة....
تحياتي لك
عبد الرحمن

لا حولتننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننن ياعمنّا هو إنت بجلالة قدرك إنتهيت من الدراسة من الستينات ونحن ماعارفين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هذا الإعتراف بعظمة لسانك وهو سيّد الأدلّة بإمتياز ....وهو أول من سكن بخلن ياعثمان وقت كان فيها دبايب وكدا !!! لكن الإسم سار عليك إنت ليه ماعارف ؟؟؟؟
حبيبنا عاطف وحبيبنا خالد والمجموعة يحق لكم منذ اليوم أن تكتبوا ( جدّنا عبدوس بخلن ) .. أما أنا فسأكتفى بعمّنا حتى إعتراف آخر .....
لكم الود وليدم أبدا مابيننا ..

الرشيد شمس الدين

يا اخوانا عوووووك...الحقوني..رشدي ده باي طريقة عاوز يقنعكم باني ختيار واكبر منو..ما تغشكم الصورة...وحكي لي من اثق في قوله .. اخونا الباشمهندس محمد عثمان...المعروف بميرغني..والشهير بي ابن اوي..ان هذه الصورة التقطت لرشدي منتصف الستينات عندما كان يعمل مهندسا في 114 ولعلم الصغار منكم 114 كانت احدي شركات وزارة الري بمدني ومسئؤلة من كل حفريات الترع وخيران مشروع الجزيرة..هذا طبعا قبل ان يلتحق بالخطوط البحرية ..وبرضو يقول انا عمو..
غايتو انا ما برد عليهو احتراما وتقديرا واجلالا لعمره...
اطال الله عمره ونفعنا واياكم بصالح دعواته...
كم اشتاقك رشدي..
عبدوس

غايتو يا أبو السيوف ... كثّير التلج مابشبهك أبدا ... إذا أنا أقتنعت بحسبة برمة بتاعتك دى منو البيقنع الديك
( عبدوس ) ؟؟؟؟ سعدت بعودة العزيزة آلاء وإنشاء الله آخر غياب ... لكم ودى ..
الرشيد شمس الدين

سلام و تحايا عطرة لك يا قبطان عبد الرحمن الزين و اللة دائما نتذكرك باللجظات الجميلة و طبعا كل الزملاء على علم بذلك و طبعا باخرة القبطان عبد الرحمن الزين كان لها طعم خاص - مليئة بالاجتماعيات و الاحتفال بكل المناسبات-كان كل واحد منا يتمنى ان يكون من ضمن طاقم باخرة قبطان عبد الرحمن الزين -ومن الاحتفالات التى ما زالت عالقة بذاكرتى حفل فى ليفربول بين الباخرة مروى و الباخرة دنقلا بين قبطان عبد الرجمن الزين و القبطان استاذ كمال جسن - متعكم اللة بالصحة و العافية
اما بخصوص بخلن فنحن لم نجد فيها دبايب و جدناه عامرة و جميلة بقيادة المرحوم القبطان سورج رحمة اللة علية
و كان ملاذ جميل لكل الزملاء و لكل السودانيين برييكا
الاسم ارتبط بى انا و زميلى و صديقى هاشم حامد- لية اللة اعلم
المهم فى الامر يا باشمهندس الرشيد اعتبر دة تنازل منى للقبطان عبد الرحمن الزين لاسم بخلن فهو احق به منى و من صديقى هاشم حامد- لكم التحية و الاجلال- من طرف عثمان غبد الرحمن