مرحبا بقدوم الكابتن جعفر قريش

مرحب بالاخ العزيز الكابتن جعفر قريش ... منور ياحبيب والله ليك وحشه ... نتمني نسمع منك وبقية العقد الماسي ...

هلت البشائر بانضمام قريش للكتيبة البحرية ... أهلا ومرحبا به وفى انتظار روائعه ... لك الود الكثير جعفر وفى الانتظار ......

خالك ( الحر ) , الرشيد شمس الدين

هلا بوليد بارا شرفتنا يلا عاد فت فت[center]

أشرقت الأنوار,مزفوفة بأحلي الأبتسامات بوصولك يا جعفر,يابو عاج اخوي,ولكن لن تكتمل إلا بوجود الفردة أبو الدرش,إدريس أرباب,فنرجو ظهوره

مراحب يا جعفر ،،، سنين مرت و" أحمد لا يخاف" ولاتكون نسيت الجمله الخالدة دى ،
وصلت تب وفى انتظار اضافاتك ،،
يا عادل انور،،، ادريس ارباب من اول الاشتركوا ،، وعندو مشاركه واحده فى بوست من طرف بابكر يوسف بعنوان : عاطف صديق:

مرحب بالاخ العزيز الكابتن جعفر قريش
احمد محمد احمد

الاخوان سابقا (اعضاء منتدى بحارة السودان)
المحترمين
الشكر موصول الى الاخوه على الترحيب الحار الذى يليق بقامه من قامات الوطن العربى الا وهو شخصى القوى (يا عب يا مفترى )
الشكر موصول الى امريكان بوى اسامه السمت والخال الابيض اللون الرشيد شمس الدين والاخ خالد ونقابة المحامين العرب المتمثله فى الكابو محمد عثمان وكابتن سيف مصطفى والاخ الصنديد الذى لا يتزحزح من سودان لاين كابتن احمد محمد احمد
والله حضارات سادت ثم بادت
اسف جدا لعدم التواصل وذلك لانشغالى بحادثه غرق احدى بواخر الشركه التى اعمل بها
فى ساحل سلطنة عمان فى الرابع من الشهر الحالى وراح ضحيته اثنان من طاقم الباخرة المكون من 18 شخص احدهم ضابط ثالث سودانى الجنسيه وهو المرحوم عمار محمد مصطفى والثاتى بحار هندى رحمهم الله وتم انقاذ 16 من الطاقم 8 منهم انقدتهم باخرة متحهة الى السويس و8 منهم انقذتهم باخرة متجهه الى ميناء جبل على
الموضوع الى الان غرق باخرة فى احوال جويه سيئه ادى الى وفاة شخصين ومسالة قضاء وقد حزنا كثيرا على الشهيد عمار محمد مصطفى وهو شاب فى بداية حياتة البحريه واب لطفلين
فقد ظهرت كثير من اقلام عصر العولمه غير معروفة الهويه فى نطاق عالم البحار ووعالمنا الحالى وهللت وكبرت وشتمت وكذبت واستلمت الموضوع وكتبت ما لم يكتب فى حادثة طائره سودانير يمكن والله اعلم فى تلك الفتره كانو فى مرحلة الاساس-
طيب حادث مطار الخرطزم كان وين وكم عدد الشهداء فى الحادثتين وكم عدد الشهداء فى حادثة غرق الباخره -
--- اللهم لا تؤاخذنا بما فعل السفهاء منا ----
ولكن (حواء والده ) انبرى من عرين منتدى بحاره السودان الاخ الكابو محمد عثمان كابتن سيف مصطفى واوسعوه ضربا ورجما بالحجاره اقامو عليه الحد
االحديث يطول ويطول ولكن نسبة للاجتماعات مع نادى الحمايه والتامين بحصوص الباخرة المنكوبه وكميه الارهاق التى تعلمونها سوف اواصل بقيه الحديث مره ثانيه وساوافيكم بكافه تفاصيل الحادثه وما تم فعلة
يا عب يا تقيل -----

والله يا قبطان جعفر قريش - حلوه قبطان دي- عاد شيل البوست ده وبروزو- كلما اتذكرك لا املك الا ان اضحك هل تتذكر سواكن!!! والا نخلي الطبق مستور
يالف مرحب

مرحبا بكبير القباطنة الكابتن عبدالرحمن الزين واللة مشتاقين شوق بالكوم اما بخصوص سواكن خليها مستورة اللة يرضى عليك لانه الشمات فى المنتدى كتاراما بخصوص قبطان واللة شهادة منك اعتز بيها لكن دى مرحلة كانت زمان يعنى مرحلة كابتن دة كانت سنة 1996 -1997 -1998 ومن 5-1-1999 اخوك مدير عمليات وفى 2004 قربت اكون اونر لكن الحظ ما ساعد الظاهر انت وقفت فى زمن سودان لاين وايقاع الحياة تغيرت والمكان تغيروالحسابات اختلفت والوظائف فى الخليج تعتمد على الكفاءة غير سودان لاين والبيرسونيل وانا احبك اكتب عليك كويس ما تفتكر دة هجوم دة واقع واخيرا التحايا موصولة للنجم القادم بسرعة كابتن عبد الحفيظ

يارهيب .... رهيب والله رهيب ...... قلت كيف لأبدوس ؟ قبطان دى كانت مرحلة قديمة ونحن قايلنك حتبروز الأولى !!! لك حبى ومعزتى الدائمة ودمت أبدا لأخيك ......

الرشيد شمس الدين

الاخ الباشمهندس سابقا والمدير الفنى لشركة فال الكبرى الخال الرشيد شمس الدين (الولد خال) ولك الحب والتقدير ابن اختك جعفر قريش

الله اديك العافيه يامرتاح واكفيك شر الحساد لو تذكر فى اخر مره اتقابلنا فيها كان
سالتك عن بعض الأخوه ومن ضمنهم العزيز الباشمهندس...... قلت لى ياخى ده بقى اللبس مقاس 13 . لسع ما كبر شويه. تحياتى للنوجه الصبوره

با جعفر خليك من الكلام الفارغ ده تعال راجع قريبك مناوى بقى مساعد رئيس جمهوريه