خواطر فيل السودان

يا ابو محمد...

أهلنا الزمان قالوا .....(الصقر ان وقع كتر البتابت عيب والمقدور ان أصاب مابنفع الجقليب)، قفلوا الماسورة ولا فتحوها ده ما مهم ولو رزقنا فى يدهم ماكان فى واحد قدر ياكل خبز حاف.
بالله ياحبيب ادبر الآيات :
{ وَلا تَقْتُلُوا أَوْلادَكُمْ خَشْيَةَ إِمْلاقٍ نَحْنُ نَرْزُقُهُمْ وَإِيَّاكُمْ إِنَّ قَتْلَهُمْ كَانَ خِطْئًا كَبِيرًا (31) سورة الأسراء
[color=black][/cفى الآية أعلاها لمن كان الخوف من الفقر وقلة ذات اليد من كثرة الأولاد قدم المولى عز وجل رزق الأولاد ، تدبر آخى الحبيب فى الآية أدناه من سورة الأنعامolor] (ولاتقتلوا أولادكم من املاق نحن نرزقكم وإياهم) فلما كان الفقر واقع عليهم و الخوف على لقمة العيش مسيطر على تفكيرهم ولا يدور بخلدهم سوى سد رمقهم فوعدهم الكريم عز وجل بالرزق لهم اولاً ثم بعد ذلك الرزق وأتى تباعاً للأبناء .

اللهم ثبتنا .... اللهم ثبتنا
اللهم ثبت قلوبنا

الأحزان أكوام أكوام.....سحب.... جبال ...أحزان عامة أحزان خاصة.....
اصبح الصبح ونحن كما نحن يا نا نحن ..نعيش في ظلمة ونموت بجراحاتنا.. نشّتل الأحزان ليستظل بظلها من بعدنا هم، إن كانوا هناك.... الحزن فينا ومننا وبيننا...نفرح به ونطرب معه....نسعد بإجترار الأحزان ونطرب.... نغني للألم...نغني للشجن... نغني للدموع........هل أصبح الحزن سِمة غالبة في حياتنا؟ هل هناك حزن نبيل؟.
لو كان الحزن رجلاً .......
تعالوا ننسي الدنيا ننسى الماضي والأحزان...نمشي في غيمة غيمة الريد نلاقي القمري لابس الطوق يصفق للزهور نشوان....تعالوا تعالوا نغني للوجدان....
نسأل المولى عز وجل أن يزيل عننا الهم والحزن والكرب.... وأن يشفي مرضانا ويرحم موتانا يا الله يا رب....
التحية والود لكل أهل المنتدى.
مهدي شلكاوي.

كيفك إبن عمى الحبيب مهدى وكيف عم عثمان إن شاء الله ماشاكى ... أهو المولد الجديد جاء وماعارفك جهّزت للعيال الحلاوة ولا كذبة جديدة بحرمة المولد فى السعودية ... تسلم يااخى على أغنية عبد الرحمن عبد الله الجميلة .... كل عام وأنتم بألف خير , وتسلموا دائما ..

الرشيد شمس الدين

وانت بالف خير يا باشمهندس.... الوالد بخير وعافية والحمد لله.
الاولاد داخلين على إمتحانات...حا اجيب ليهم كبكبيق وسمسم... إقرقشوا في البيت وإسفوا ليهم شوية سكر لا منشاف ولامندري...
كل الود
مهدي.

تسلم كثير حبيبنا مهدى شلكاوى وسعدت أن عمنا عثمان بخير , حفظه الله لنا فهو رجل ولا كل الرجال , رجل من الزمن الجميل وفيه نرى عظمة ابائنا ....
كل عام وأنتم بألف خير بمناسبة مولد سيد الأنام , سيدى وحبيبى رسول الله :-

وأجمل منك لم تر قطّ عينى وأكرم منك لم تلد النساء
خلقت مبرأ من كل عيب كأنك قد خلقت كما تشاء
بمناسبة المولد النبوى الشريف أفتقد وبشدّة حبيبنا الراحل المقيم أسامة أبو اليتامى , تصوروا أنّه درج كل عام أن يرسل لى هنا فى الشارقة حلاوة المولد وبكميات تحسبها تجارية ..
ألا رحمك الله حبيبنا الخالد فينا مابقينا والله إن فقدك لتنوء بحمله الجبال الراسيات فياقدرتى على الصمود ياتماسكى , مدد ... مدد .... مدد .

الرشيد شمس الدين

تسلم والله يا باشمهندس....فأنت امتداد لتلك الأجيال التي ما يزال عبقها يفوح علينا فيغمرنا بدفء وطيب تلك الايام التي خلت وليتها تعود.
مهدي شلكاوي.

عاطف عكود كتب:

المهدى عثمان مصطفى كتب:
ود عكود يا امير كيفك
والله البلف دا كان قفلوا صحي صحي الرماد كال حماد,
مهدي شلكاوي

الحبيب مهدى ود الجبل موضوع البلف هين اسمع كلامى دا هجص ساى ولو بعد حين , لكن دحين قول لى حماد دا فلمو شنو؟
ودام التواصل
عاطف عكود

تسلم حبيبنا الغالى مهدى شلكاوى وما زلنا فى الانتظار تقول لينا فلمو شنو ؟؟؟؟؟؟؟ ،لك الود أكوام

عاطف عكود كتب:

عاطف عكود كتب:

المهدى عثمان مصطفى كتب:
ود عكود يا امير كيفك
والله البلف دا كان قفلوا صحي صحي الرماد كال حماد,
مهدي شلكاوي

الحبيب مهدى ود الجبل موضوع البلف هين اسمع كلامى دا هجص ساى ولو بعد حين , لكن دحين قول لى حماد دا فلمو شنو؟
ودام التواصل
عاطف عكود

تسلم حبيبنا الغالى مهدى شلكاوى وما زلنا فى الانتظار تقول لينا فلمو شنو ؟؟؟؟؟؟؟ ،لك الود أكوام

حماد ده منو،، البلف نسينا
يقول الكتاب انو حماد هو ولد ام الحسين
الظاهر انو ابو الحسين كان بيسمى بالحاء
---
هل البوست ده حق الشخابيط؟؟

تنسي البلف كيف يا ود الأستاذ... البلف دا ما هو الكال حماد بالرماد زاتو وسجم خشمو... السجم دا يا ود عكود قالوا يعني السّكن (الهباب الأسود)..
اما حماد بتاع الخيل تجقلب والشكر لحماد، دا بقى اسأل منو عمر موسي مع تحياتي.
ــــــــــــــــــ
إنت يا ود الأستاذ عندك حق الفيتو تشخبط مكان ما يعجبك تشخبط... موش الأخ امريكاني؟
سلام.
مهدي شلكاوي

المهدى عثمان مصطفى كتب:
.. السجم دا يا ود عكود قالوا يعني السّكن (الهباب الأسود)..
مهدي شلكاوي

ااااه قصدك السّكن هاند ..... إى الهباب الأسود ( كما قال الزمخشرى فى مقدمة ابن خلدون)
وتسلم حبيبنا مهدى

ود شلكاوى حمدالله على السلامة .. وكيف صحة الوالد .. المتداخلين ، نفر نفر " دى جبتها من بوست الشخابيط " ازيكم

سلمك الله من كل شر أُختنا ألاء... الوالد بخير والله تسلمي.
التحية موصولة لكل القبيلة البحرية، نفر نفر، حارة حارة.
مهدي شلكاوي

يا مهدى أخبارك خواطر فيلك شنو...

الود الكثير لك ود كرار الحبيب والتحايا لك حبيبنا مهدى شلكاوى ، استلمت اليوم كمية تجارية من حلاوة المولد ارسلها لى الحبيب مهدى شلكاوى ، تذكرت ماكان يقوم به الحبيب الخالد أسامة مكى " لك وافر الشكر حبيبنا مهدى ولا عدمناك .

الرشيد شمس الدين

ها ها ها العزيز ود كرار..تسلم ..بس كنت متمني انو قريب الرشيد ود شلكاوي العزيز يكون جاب ليه حلاوة المولد من سيد مكي.. والا امكن من مكي السيد علي اول مدير لسودان لاين..غايتو جنس غايتو...باقي ليك يا ود عكود عم رشدي ده عندو سنون للحلاوة... طبعا ده لو ما السكري طالع.. والا امكن ياربي عيادة كابتن احمد والاعشاب بمساعدة عمنا ابراهيم..تكون اتت اؤكلها...
الاء انتي اطلعي منها.. معزتي واحتراماتي لا تحدها حدود... خلاص صافي لبن..حليب يا اشطه..
محبتي لكم جميعا..ساشتاقكم..
عبدوس

عبد الرحمن الزين2 كتب:
...باقي ليك يا ود عكود عم رشدي ده عندو سنون للحلاوة... طبعا ده لو ما السكري طالع.. والا امكن ياربي عيادة كابتن احمد والاعشاب بمساعدة عمنا ابراهيم..تكون اتت اؤكلها...
عبدوس

يقال والكلام على ذمة الراوي بانه وحسب توصيات جمعية حماية المستهلك وجمعية الملكية الفكريه بانه تم إنتاج حلاوة مولد سائله يعنى شراب وهى خالى سكر ( شوقر فرى) وزيرو كلوريز وكمان منزوعة الدسم يعنى باختصار كدى هى مويه وسمسم أو حمص وبس .
وتعرف يا كابتانو دى معلومه عامه وأنا ما قاصد إى كاشف أخوك ، وعلى مشتركينا بالشارقة والإمارات الشمالية مراعاة عامل السن !!!!
والله من وراء القصد !!!!!

غايتو السايلة دى لسة ما وصلتنا .. الحلاوة دى بقت فيها كمية من السكر .. لو ما عندك بجيك .. يا حليل الهريسة واللكوم والنارجيل والملبن ..

الاء انتي اطلعي منها.. معزتي واحتراماتي لا تحدها حدود... خلاص صافي لبن..حليب يا اشطه..

اها طلعت قصدك من حلاوة المولد ؟
متمنيين لك السلامة قبطان حلاً وترحالا

ألأعزاء :
ألأب الروحى عبدوس وجميع المتداخلين كل مولد وأنتم أحلى.
لقد اثارت مدخلاتكم عن حلاوة المولد خواطر وذكريات حبيبة على نفسى .
أولها أنا ولد حلوانية فأعمامى عبدالغفار خير و سليمان قنجارى ،كانوا ملوك ذلك الزمان الجميل سقى ألله قبورهم الطاهرة سحائب رحمته وغفرانه وكذلك قبور أعمامنا ألأخرين عمنا عبدالفضيل وهو سيد عصره وأبرعهم وكان يصنع حلاوة المولد فى منزله فى حى الركابية ثم انتقل الى حى العصاصير، ثم يجى أعمام اخرين وهم العم أحمد يوسف ويسكن فى جوارنا فى ود نوباوى القديمة ليس ببعيد من عمنا سليمان قنجارى والعم سيد مكى أيضآ وهو لايزال منزله بودنوباوى وقد بدء حياته حلوانى للسيد عبد الرحمن المهدى وقد ورث أبنائه محمد ومهدى وأكبرهم الطيب سيد مكى ألأمبراطور الحالى لصناعة الحلوى وعميد أسرتهم.
لقد بنى الطيب هذا الأمبراطورية مع اخيه محمد والذى حز فى نفسى خبر رحيله عن دنيانا فقد كان شبل ذلك ألأسد، رحمه ألله وأمد فى عمر الطيب وذاده سعة فى الصحة والمال، فقد بنى هذا الصرح بالتعب والمشقة منذ أن كان يافعآ يدفع كل عصر عربة الباسطة من ودنوباوى الى سوق الموية منتدى امدرمان ألأجتماعى يسوق بضاعته وفى موسم المولد يقف فى دكان الحلوى بالمولد.
لقد إندثر ارث عمنا عبدالفضيل فلم يرزقه ألله بذرية، كذلك عمنا عبدالغفار وعمنا أحمد يوسف فقد كانت ذريتهما بنات، أما عمى سليمان قنجارى كان له ابن وحيد وقد ورث تلك المهنة ولكن اختاره الله الى جواره قبل عدة سنوات ولا ادرى ان كان هنالك من ورث أسمه من أحفاده.
عندما تتلذذون بتناول حلاوة المولد تذكروا بأن هنالك جنود مجهولون يمارسون مهنة من أشق المهن وأكثرها إيلامآ ولى تجربة خاصة مع أخونا الراحل محمد سيد مكى ولا تزال أصداء كلماته وضحكاته وهو يردد القولة المشهورة (يإبراهيم انت ما سمعت المثل البيقول ما فى حلاوة من غير نار) وسوف أسرد عليكم تلك القصة بعد رجوعى بأذن ألله.
أعزائى سوف أغيب عن المنبر من ألأن وحتى قبيل اخر هذا الشهر. سوف أكون فى ترحال والحركة والسكون بأمر ألله ،وعند ترحالى لا أحمل معى الابتوب فلن يكون لى وقت لفتحه.
بالود أترككم وبالشوق ألقاكم بأذن ألله.
إبراهيم
ألأحد 2-2-2013
الساعة 4:41 بتوقيت شرقى كندا.

Ibrahim Kheir كتب: ألأعزاء :
كل مولد وأنتم أحلى.
لقد اثارت مدخلاتكم عن حلاوة المولد خواطر وذكريات حبيبة على نفسى .
أأعزائى سوف أغيب عن المنبر من ألأن وحتى قبيل اخر هذا الشهر. سوف أكون فى ترحال والحركة والسكون بأمر ألله ،وعند ترحالى لا أحمل معى الابتوب فلن يكون لى وقت لفتحه.
بالود أترككم وبالشوق ألقاكم بأذن ألله.
إبراهيم

العزيز إبراهيم رافقتك السلامه أينما حللت ، وفى انتظار عودتك بالسلامة وإكمال خواطر وذكريات حلاوة المولد وآل سيد مكى ومهدى الفكى وودنباوى والركابيه والهجرة والعصافير وحى السوق وودالبنا وحى مكى ود عروسه ووووووو ووات كثر !!!!!!!

الاء كتب:
غايتو السايلة دى لسة ما وصلتنا .. الحلاوة دى بقت فيها كمية من السكر .. لو ما عندك بجيك .. يا حليل الهريسة واللكوم والنارجيل والملبن

الاخت العزيزه آلاء ، الهريسة واللكوم ... قلنا معقولة ... الملبن دى قايتو طشاش طشاش ، لكن النرجيل دى جديده لنج بالنسبة لى نرجو الشرح مع الاسهاب .

سلام يا ود عكود ... النرجيل ده جوز الهند يا حبيبنا ( دي مسميات ناسنا ناس الشرق ).. ودمتم

عاطف عكود كتب:

يقال والكلام على ذمة الراوي بانه وحسب توصيات جمعية حماية المستهلك وجمعية الملكية الفكريه بانه تم إنتاج حلاوة مولد سائله يعنى شراب وهى خالى سكر ( شوقر فرى) وزيرو كلوريز وكمان منزوعة الدسم يعنى باختصار كدى هى مويه وسمسم أو حمص وبس .

ده الكانوااازمااان بيقولوو ليهو بالانجليزى دِرب DERIP
داخل النص
----
انجليزى ده انا قاطعو من راسى،، لكن الوصف الفوق ده باضافة شوية صوديوم وكالسيوم،، يقول للدرب تعال وانا اقعد مكانك

بدرالدين مبارك الجاك كتب:سلام يا ود عكود ... النرجيل ده جوز الهند يا حبيبنا

دبايوا يا بدر، والله طلعت معلم
بكرة ترطن بالطريقة دى،،
بمناسبة دبايوا دى ما تفتحوا لينا بوست بعنوان دبايوا من بورسودان، يا ناس بورسودان الحنينة/ وين؟؟
عودة للموضوع
-----
النارجيلة بالتاء، مش ياها الشيشة ولا انا غلتان
بى نفس المنطق
نارجيل تكون شيش

كنا فى سعودى درعية سوكارنو وانا وكان عندنا شيشة تاريخية، فى محاولة فى زمن مضى للاقلاع عن التدخين
الكابتن كان جون ستون(ابوحجر) ، وكانو معاهو اولادو وكان عندو شافع بتاع 11/12
لو ما اخاف الكضب اقول بتحفظ الشافع لما نزل من البابور كان يعرف عن الشيشة اكتر من اى شافع انجليزى
ليت سوكارنو الشهير،،، ب ابوالسوس يأتى هنا ذات يوم ليحكى الباقى

بدرالدين مبارك الجاك كتب:
سلام يا ود عكود ... النرجيل ده جوز الهند يا حبيبنا ( دي مسميات ناسنا ناس الشرق ).. ودمتم

حبيبنا ود الجاك يأخى والله مشتاقين وييييين أراضيك ، تقتس مده وترجع بطعم النرجيل بلغة أهلكم ، يأخى تسلم ويسلم جوز الهند وماجاورها من قارات الدنيا السبع ؟؟؟؟؟ وعليك الله بلاش تقطع أخبارك .